Category Archives: woman

මරණයට පවා අභියෝග කරමින් ජීවිතය ජයගත් ඇය

විටෙක නිවේදිකාවක වන ඇය විටෙක නිරූපණ ශිල්පිණියකි. මරණයට පවා අභියෝග කරමින් ඇය මේ සියල්ල හිමි කරගත්තේ, ඇයගේ උසස් මානසිකත්වයෙන් හා චිත්ත ශක්තියෙනි. නමුත් දැන් ඇය ලාංකේය යුවතියක් වශයෙන් මුළු ලොවම හඳුනන්නීය. වෛද්‍ය ක්ෂේත්‍රෙය් රැකියාවක් කරමින්, ඊට හාත්පසින්ම වෙනස් වූ ක්ෂේත්‍ර ගණනාවක තම දක්ෂතා දක්වමින් ජාත්‍යන්තර ජයග්‍රහණ රැසක් හිමි කර ගැනීමට සමත් වූ ඇය නමින් චතු පත්බේරියයි.


01 (2) copy (1)

සිය ජීවිතයට පැමිණි අභියෝගයන්ට සාර්ථකව මුහුණදෙමින් අධ්‍යාපනයෙන් මෙන්ම ජීවිතයෙන්ද ජයගත් යුවතියක වන ඇය අපි ඔබ හඳුනන පරිදි සාමාන්‍ය යුවතියක් නම් නොවේ. ඇය තමන්ගේ හැකියා දක්ෂතා අතරින් නොයෙක් ක්ෂේත්‍ර මේ වනවිටත් තරණය කර හමාරය. 

පාදුක්කේ උපත ලැබූ ඇය පවුලේ එකම දියණියයි. ඇයට සිටියේ තවත් බාල සහෝදරයෙකු පමණි. ඇයගේ මව වන පුෂ්පා මාලිනී මහත්මිය මේ වනවිට ගුරුවරියක් හා ලේඛිකාවක වශයෙන්  කටයුතු කරන අතර, පරාක්‍රම පත්බේරිය නම් ඇගේ පියා පුවත්පත් ක්ෂේත්‍රයේ රැකියාවක නියුතු වූ පුද්ගලයෙකි. 

මෙවැනි පවුල් පසුබිමක් තුළ ඇය තම සහෝදරයා සමග එක්ව පාදුක්ක සිරි පියරතන විදුහලෙන් සිය අධ්‍යයන කටයුතු හැදෑරීය. ඉන් සරසවි වරම් ලැබූ ඇය පේරාදෙණිය විශ්වවිද්‍යාලයේ සමාජ විද්‍යාව පිළිබඳ ගෞරවවේදී උපාධියක් හිමිකර ගැනීමට සමත් වූයේ ඇයගේ දක්ෂතා සමස්තයේ ප්‍රතිඵලයක් ලෙසිනි. 
අධ්‍යාපනයෙන් ලැබූ එකී පන්නරයත් සමග ඇය ඔස්ට්‍රේලියාවට පැමිණියේ වැඩි දුරටත් ස්වකීය අධ්‍යාපන කටයුතු හැදෑරීම සඳහාය. නමුත් ඇයට, එරටේ පුරවැසිභාවය මෙන්ම රජයේ රැකියාවක්ද හමු වූයේ සාර්ථකත්වයේ නව හැරවුම් ලක්ෂයක් සනිටුහන් කරමිනි. දැන් ඇය ඔස්ට්‍රේලියාවේ පදිංචි කාලය අවුරුදු 10කි. මේ වනවිට ඇය %මෙඩිකල් රිවිව් ඔෆිසර්^ (medical review officer) කෙනෙකු ලෙස තම සේවය ලබා දේ. 

ඇය එක් දෙයකට පමණක් නොව බොහෝ දේවල්වල දක්ෂතා හැකියා ඇති තැනැත්තියකි. ඇය අධ්‍යාපනයට පමණක් නොව නාට්‍ය කලාව, නර්තනය මෙන්ම හඬකැවීම් ආදී ක්ෂේත්‍රවල දක්ෂතා දැක් වූ තරුණියකි. ඇයගේ කලාවට ඇති ලැදිකම නිසා කලාවේ විවිධ ක්ෂේත්‍ර ඔස්සේ ඇයට තම දක්ෂතා දැක්වීමට හැකි විය. ඇය ලංකාවේදී අරන්ග්‍රේත්තම් නර්තන ප්‍රසංගයක් පවා පවත්වා තිබීම සුවිශේෂී කාරණාවකි.

IMG_1533 copy

ඇය සිය කලා කටයුතු පිළිබඳ අප සමග මෙසේ පැවසූවාය.
'මම පොඩි කාලේ ඉඳන්ම කලාවට ගොඩාක් ආදරය කළ කෙනෙක්. මම කුඩා කාලයේ සංගීතය හැදෑරූයේ රෝහණ වීරසිංහ මහත්මා යටතේ. ඒ වගේම මංගල සේනානායක මහතා යටතේ වේදිකා නාට්‍ය සහ රංග කලාව හැදෑරුවා. ඒ වගේම මම භරත නර්තනය හැදෑරුවා. ඊට අමතරව ගුවන් විදුලි නාට්‍ය හඬකැවීම්වලටත් මම සහභාගි වුණා. 
මම දැන් ඉන්නේ ඔස්ට්‍රේලියාවේ මෙල්බන්වල. මෙල්බන් කියන්නේ ලංකාවේ කලා කටයුතු වැඩියෙන්ම තිබෙන නගරයක්. මෙහේ තිබෙන පුවත්පත්, 
ශ්‍රී ලංකාවේ නොයෙක් වැඩසටහන්, සහ සංගීත ප්‍රසංග ඕනේ තරම් තිබෙනවා. ඉතින් මටත් ඒ සඳහා සහාභාගි වෙන්න අවස්ථාව ලැබුණා*. 
ඇය කලාව තුළ පමණක් නොව මාධ්‍ය ක්ෂේත්‍රයේ සහ මෝස්තර නිරූපණ ක්ෂේත්‍රයේද කැපී පෙනෙන චරිතයකි. ඇය නිරූපිකාවක් වශයෙන් මනාලියන් දැක්ම සහ මියුසික් වීඩියෝ රැසකට සම්බන්ධ වී තිබේ. එමෙන්ම බී.බී.සී. නාලිකාවත් සමග සම්බන්ධ වී නොයෙක් වැඩසටහන්ද ඇය සිදුකර තිබේ. 

දැනට මාස 06කට පමණ ප්‍රථම 'විශ්වවාහිනී' නමින් රූපවාහිනී නාලිකාවක්ද ඇරඹුණු අතර, ඇය එහි  නිවේදිකාවක් ලෙසද මේ වනවිට කටයුතු කරයි. මේ අයුරින් එකිනෙකට වෙනස් වූ විෂය පථයන් ඔස්සේ යමින් ඒ සියලේලේ දක්ෂතා දැක් වූ අය සිටිනුයේ ඇත්තෙන්ම කලාතුරකිනි. මෙය ඇය තම ජිවීතයේ ලැබු භාග්‍යක් ලෙස කිව හැකිය. 

IMG_2570

නමුත් ඒ සියල්ල ඇයට හිමි වූයේ එක් දෙයකින් ලැබූ අමිහිරි අත්දැකීමක් සමගිනි. ඇයට 2012 වර්ෂයේදී ඉතා අවාසනාවන්ත අත්දැකීමකට මුහුණදීමට සිදුවිය. ඇයට වෛද්‍යවරුන්ගේ මාර්ගයෙන් දැනගන්නට ලැබුණේ ඇය මේ වනවිටත් පියයුරු පිළිකාවකට ගොදුරු වී ඇති බවයි. ඇයට තවත් ජීවත් විය හැක්කේ මාස කිහිපයක් බව අනාවරණය වූ පසු ජීවිතයේ අනිත්‍ය කෙමෙන් කෙමෙන් ඇයට පසක් වන්නට විය. 
ඒ ගැන ඇය අප හා පැවසූයේ අසා සිටින ඕනෑම කෙනෙකුගේ නෙතගට කඳුළක් එක්වන අයුරිනි.
'ලස්සනට හිටිය මම කැත වෙන්න පටන් ගත්තා. ඒ වගේම මගේ කොණ්ඩේ යන්න පටන් ගත්තා. මාව වීරූපී වුණා. ඉතින් මේ අසනීප තත්ත්වය නිසා මට කරගෙන ආව කලා කටයුතුවලින් ඈත් වෙන්න වුණා. ඒ විතරක් නෙමෙයි මම අවුරුදු ගාණක් ආදරය කළ කෙනා මාව දාලා ගියා.

නමුත් මමවත් දන්නේ නැති විදිහට මගේ හිතේ ශක්තියක් උද්දීපනය වෙලා මට මේ මරාන්තික පිළිකාවෙන් මිදෙන්න හැකිවුණා. මම හැම වේලාවෙම හැම සිදුවීමක් දිහාම ඉතාම සුබවාදීව බැලුවා. ඒ හරහා මට පුළුවන් වුණා පිළිකාවෙන් සම්පූර්ණ සුවයක් ලබන්න. මම අදටත් පිළිකා රෝග වැලඳුණු අයත් එක්ක මේ අත්දැකීම බෙදා ගන්නවා* .
ඇය මේ සෑම දෙයක් තුළම නොසැලී සිටීම ඇයට සිය ජීවිතය සාර්ථක කර ගැනීමට ඉවහල් වූ එකම අඩිතාලම විය හැකිය. ඇත්තෙන්ම ඇයගේ ශක්තිය, ඇයගේ ආත්ම විශ්වාසය මහා පුදුමාකාර දෙයකි. මේ සෑම දෙයක්ම විඳ දරා ගත් ඇය මේ වනවිට ජයග්‍රහණ රැසක හිමිකාරිනිය වී අවසානය. ඇය ඔස්ට්‍රේලියාව තුළදී පවා ඇයගේ මේ සෑම දක්ෂතාවක් සඳහාම සම්මාන සහ ඇගයුම් හිමිකරගත් තැනැත්තියකි.  ඇය ඔස්ට්‍රේලියාවේ තිබෙන 'සෙරන්බිඩ්' සම්මාන උලෙළේ 2015 වර්ෂයේදී හා 2016 වර්ෂයේදී 'Most Inspirational Woman'  සම්මානය පවා දිනාගන්නට සමත් විය. 

ඇත්තෙන්ම මෙවන් හැකියා දහසකුත් ඇති යුවතියන් අප අගය කළ යුතුය. ඇයගේ හැකියා අතින්  පමණක් නොව ඇය පිළිකාවට එරෙහිව නැගී සිටි දිරිය යුවතියකි. මරණය පේන මානයේ තිබියදී ඒ කිසිවකටත් බිය නොවී ජීවිතය පමණක් නොව ලෝකයම ජයගත්තේ ඇගේ අපරිමිත වූ චිත්ත ශක්තියෙනි. මාසයක් පමණ කාලයක් තුළදී තම ජීවිතය අහිමි වේ යැයි වෛද්‍යවරුන්ගේ නිගමනය අභියෝගයට ලක්කළ ඇය මේ වනවිටත් තම ඉදිරි අනාගතය පිළිබඳ බොහෝ දේ සැලසුම්කර හමාරය. 
සිය ඉදිරි වැඩකටයුතු පිළිබඳ ඇය 'අද' හා අදහස් දැක්වූයේ මෙලෙසිනි. 

IMG_2719

'මම වෛද්‍ය ක්ෂේත්‍රයේ කෙනෙක් මෙන්ම පිළිකා රෝගයටත් ගොදුරු වූ කෙනෙක් නිසා මම පෞද්ගලිකවම ඒ අත්දැකීම් වින්දා. මම කැමතියි ඒ අයට උදව් කරන්න. ඒ අයත් එක්ක කතා කරන්න. මම නිවේදිකාවක් කියන භූමියෙන් එහාට ගිහින් පිළිකා පිළිබඳ සමාජ දැනුවත් කිරීම් කටයුතුවල නියැළෙනවා. මම පොඩ්ඩක්වත් දුක්වෙන්නේ, පසුතැවිලි වෙන්නේ නැහැ. මොකද මම ඒ හන්දා නොදන්නා ශක්තියක් හඳුනාගත්තා. 
මම මෙහි රැකියාව කරන අතරතුර අපි පටන්ගත්ත 'විශ්වවාහිනී' රූපවාහිනී නාළිකාවේ වැඩකටයුතු කරගෙන යනවා. මට අවස්ථාව ලැබුණා චිත්‍රපටයක රඟපාන්න. නොවැම්බර් මාසයේ එහි රූගතකිරීම් කටයුතු සිදුකරනවා. ලංකාවෙන් ආරාධනාවක් ආවොත් සමාජයට ආදර්ශයක් ලබාදිය හැකියි. හොඳ නිර්මාණ මම අනිවාර්යයෙන් භාර ගන්නවා.'

ඇය දැන් සියල්ල ජයග්‍රහණය කර හමාරය. තරුණියක් ලෙසින් මේ දක්වා පැමිණි ගමන් මාර්ගයේදී අපමණ දුක්ඛිත තත්ත්වයන්ට සේම මානසික පීඩාවන්ට පත් වූ ඇය සමාජයට සේවය කරන්නේ තමා ලබාගත් අත්දැකීම් ඔස්සේ සුවහසක් මිනිසුන්ට ජීවිතය ජයගැනීමට අත්වාරුවක් වෙමිනි. දැන් ඇය මෙල්බර්න් සරසවියේ පශ්චාත් උපාධි කටයුතු සිදුකරන අතර සැබෑ ආදරය හමුවේ නැවතත් ඇය පෙම්වතියක් වෙයි. ඇයගේ විවාහ ගිවිස ගැනීම ලබන මස ලංකාවේදී සිදුකිරීමටද අපේක්ෂා කෙරේ.
ඇය හා තම අදහස් කතා කිරීමට ඔබ කැමති නම් chathupathberiya@gmail.com  විද්‍යුත් ලිපිනය හරහා ඇය හා සම්බන්ධ විය හැකිය. 

 

 

සියල්ල අහිමිව ලොවක් දිනූ මවක්

කාන්තා හා ළමා අයිතිවාසිකම් පිළිබඳ අප මහා ඉහළින් කතා කළද පුරුෂාධිපත්‍ය රජ කරවන ඇතැම් රටවල තවමත් ඔවුන්ගේ සුරක්ෂිතභාවය තහවුරු කිරීමට අපොහොසත් වී ඇති බවනම් නොරහසකි. එවන් වූ ලෝකයක විටෙක මවක් වන ඇය තවත් විටෙක ලෝකයක් දිනූ ක්‍රීඩිකාවකි.


neeettuu

දකුණු ඉන්දියාවේ දිළිඳු ගමක ඉපදුණු ඇය නමින් නීටු  ලෝන්ජස්ය. කාන්තාවක් ලෙසින් පමණක් නොව මිනිසත්කම හා ක්‍රීඩාව තුළින්ද ජීවිතයේ සැබෑ යථාර්ථය කියා පෑ තරුණියක ලෙස ඇය හඳුන්වාදිය හැකිය. මේ වනවිට ඇගේ වයස වසර 21කි. 
වයස අවුරුදු 12ක් වැනි කුඩා අවධියේදී ඇගේ දෙමාපියන් විසින් වයස අවුරුදු 40ක පමණ වයස්ගත පුද්ගලයෙකුට ඇයව විවාහකරදී තිබේ. නමුත් ඉන් මාස කිහිපයක් ඉක්මවීමටත් ප්‍රථම ඇයගේ ස්වාමි පුරුෂයා මියගියේය. දෛවය කෙතරම් සරදම් කළද ඇය දැන් අවුරුදු 14ක පමණ පිරිමි දරුවන් දෙදෙනෙකු සිටින මවකි.

ආර්ථික මට්ටමෙන්ද ඉතාම පහළ මට්ටමක සිටින ඔවුන් මේ වනවිටත් ජීවත් වන්නේ සකස් කරගත් කුඩා කාමරයක් තුළය. මෙවන් ජීවිතයක් ගත කරමින් සිටි ඇය මුලින්ම ක්‍රීඩාවට ප්‍රවිෂ්ට වන්නේ සිය පුතුන් දෙදෙනා බිහිකළ පසුවය. ඒ ඇගේ ජීවිතයේ මෙතෙක් කල් ගමන් කළ මාර්ගය නිවැරදි දිශාවට යොමු කළා වූ හැරවුම් ලක්ෂය විය. දැන් ඇයගේ මුළු ජීවිතයම සිය පුතුන් දෙදෙනා හා රෙස්ලින් ක්‍රීඩාවය. 
ඇයට තම ජීවිතය පටන්ගත්දා සිටම තිබූ බාධක, අභියෝගයන් ක්‍රීඩා දිවිය ආරම්භයේදීත් එලෙසින්ම පැවතුණි. ඇය වෙසෙන ගමේ බොහෝ දෙනා ඇයට පැවසුවේ රෙස්ලින් ක්‍රීඩාවට නොයන ලෙසයි. මෙවන් පහත් ආර්ථික මට්ටමක සිටින කාන්තාවක් එවැනි ක්‍රීඩාවකට යොමු වීම සිහිනයක් පමණක් වන බව ඔවුන් එකහෙළා අවධාරණය කළ කාරණාවක් විය. 

neetu-3

නමුත් ඇයගේ දරා ගැනීම ඇයට මේ සඳහා යොමු වීමට ඇති එකම සුදුසුකම කරගෙන, ඇය පුහුණු වීම් කටයුතු ආරම්භ කළාය. නමුත් වෙනත් ක්‍රීඩිකාවන්ට මෙන් පෝෂ්‍යදායී ආහාර වේලක්, ශක්තිජනක පානයන් ඇයට හිමි වූයේ නැත. සියල්ලේ අහිමි වීම මත ඇයට හිමි වූයේ සිය සිතේ උපන් උත්සාහය පමණි. ඇය පුහුණුවීම් කළේ ඇතැම් අවස්ථාවල අධික බඩගින්න දරාගනිමින්ය. නමුත් කිසිලෙසකින් හෝ ඇය සිය පුහුණු වීම් අත් නොහැරියේය. ඇයගේම වදනින් එය විෙදස් මාධ්‍ය හමුෙව් පැවසුවේ මෙලෙසිනි.
&වෙන අය පුහුණුවීම් කරද්දී පලතුරු යුෂ පානය කර, චීස් වගේ පෝෂ්‍යදායී දේවල් කෑවත් මට ඒ මොකුත්ම ලැබුනේ නැහැ. මම හැමතිස්සේම වතුර බිව්වා. නමුත් මම මේ කිසිම දෙයකින් මගේ ආත්ම විශ්වාසය නැතිකර ගත්තේ නැහැ. මම ඒ හැමදෙයක් තුළින්ම අද වෙනකොට උසස් මානසික මට්ටමක සිටිනවා*. 

ඇයගේ දෙමාපියන්ටවත්, ගම්වැසියන්ටවත් මෙවැනි ක්‍රීඩා පිළිබඳ අවබෝධයක් නොමැති නිසාත්, ගම අසල පිහිටි නගරයේ පුහුණු කරන ස්ථානය පිරිමි ක්‍රීඩකයන්ට පමණක් වීම නිසාත් ඇයට පුහුණු වීමට පවා නිශ්චිත ස්ථානයක් නොතිබිණි. ඇය අලුයම 03ට අවදි වී අනෙක් පුද්ගලයන් අවදිවන්නට ප්‍රථම පුහුණුවීම් ආරම්භ කළේ එබැවිනි. 

neetu-1443952633-800

ඇගේ ප්‍රථම ජයග්‍රහණයත් සමග‍ ක්‍රීඩාවට ප්‍රවිෂ්ට වනවිට ගම්මුන් කියූ සියලු වදන් හා ඔවුන්ගේ වැරදි ආකල්ප සියල්ල ඇයට වෙනස් කිරීමට හැකිවිය. ඇය 2011 වර්ෂයේ මෙම ක්‍රීඩාවට ප්‍රවිෂ්ටවී 2014 වර්ෂයේදී ඉන්දියාවේ ජාතික ක්‍රීඩා උලෙළේ ජයග්‍රාහී පදක්කම මුල් වරට තම දුප්පත් ගමට ගෙන ආවේ කාන්තාවන්ගේ ශක්තිය මෙන්ම ඇයගේ නොපසුබට උත්සාහයේ සංකේතයක් ලෙසිනි. 2015 වර්ෂයේද ඇය ජාතික මට්ටමින් ලෝකඩ පදක්කමක් දිනා ගැනීමට සමත් වූවාය. ඇත්තෙන්ම ඇයගේ ගමේ අය පවා මෙය ඉහළින්ම සැමරුවේ මෙවන් ඉතා කුඩා ආර්ථික හැකියාවක් ඇති, පිළිසරණක් නැති ජනතාවට ලැබුණු ඔටුන්නක් විලසිනි. ඇය සිය ගමේ ගම්වැසියන්ගේ ගැහැනු දරුවනගේ අනාගත පරමාදර්ශී චරිතය වූවාය. 

වර්තමානයේ ඉන්දියාවේ ළමා විවාහ තහනම් කර තිබුණද  තවමත් එහි ඇතැම් ප්‍රාන්තයන් තුළ රහසිගතව හෝ එවැනි ක්‍රියා නිරන්තරයෙන් සිදුවේ. යුනෙස්කෝ වාර්තාවලට අනුව ඉන්දියාවේ කාන්තාවන්ගෙන් 47෴ක් වයස අවුරුදු 18 ප්‍රථම විවාහ වන බවට වාර්තා වේ. මෙවන් තත්ත්වයක් තුළ ඉන්දීය කාන්තාවන්ගෙන් ඒ සියලු බාධක මැද නැගී සිටින්නේ අතළොස්සකි. දියණියක මවක ලෙස ඒ සියල්ල දරාගෙන ක්‍රීඩිකාවක් ලෙස ඇය රටට කළ සේවයට අප හිස නමා අචාර කළ යුතුය. ඇයගේ මීළඟ ඉලක්කය නම් ක්‍රීඩිකාවට තිබෙන ඉහළම සිහිනය වන ඔලිම්පික් පදක්කම් ලාභිනියක වීමයි. ඉන්දියාවට පමණක් නොව ඇය සමස්ත ලෝකයේ කාන්තා පරපුරටම පරමාදර්ශී චරිතයකි. 

 

වසර දහයකට පසු මම ආයෙත් විවාහ වුණා

පුන්පොහෝ හඳට පුළුවන් මුළු ලෝකයම ආලෝකමත් කරන්න. ඒක හරියට මුළු ජීවිතයටම බලාපොරොත්තු එක් කරලා ඊට පස්සෙ මුළු ජීවිතේම එකම බලාපොරොත්තුව බවට පත්වෙන, ජීවිතයෙ එකම අයිතිවාසිකම බවට පත්වෙන ආදරය වගේ. ඒ ආදරයටත් පුළුවන් ජීවිතය හඳක් වගේ ලස්සන කරන්න, අලෝකමත් කරන්න. සුරංගගෙ ජීවිතේට ඒ විදියට පායපු හඳ තමා ශෂිකා කියන්නෙත්. ඉතිං ඒ ලස්සනට පායපු ඔවුන්ගෙ ආදර කතාවටත් පසුගියදා අවුරුදු දහය සම්පූර්ණ වුණා. “අද* අපි ඔවුන්ට සුබ පතන ගමන් ඔවුන්ගෙ ඒ සොඳුරු මතකයන් අවදි කරන්නටයි මේ සූදානම.


IMG_9567

Q ඔබ ෙදදෙනා විවාහ වෙලා පසුගිය ජනවාරි 12දාට අවුරුදු 10ක්. මොකද හිතෙන්නෙ ආපස්සට හැරිලා බැලුවම ආව ගමන ගැන 

ඇත්තටම අවුරුදු 10ක් ගෙවුණද කියලත් හිතෙනවා. කාලය ඉක්මනට ගෙවිලා වගේ. අවුරුදු 10ක් කියන්නෙත් පොඩි කාලයක් නෙමේ. දැන් මට පුතාලා දෙන්නෙක් ඉන්නවා. ලොකු පුතා දැන් 3 වසරේ. පොඩි පුතා ලබන අවුරුද්දෙ පාසල් යනවා. ඒ ගැන බලද්දී හරි සතුටුයි. 
ඒ වගේම මම ක්ෂේත්‍රයේ ඉන්න කෙනෙක් විදිහට ගොඩක් කාර්යබහුලයි. ඒ ක්ෂේත්‍රයේ වැඩකටයුතුයි පුද්ගලික ජීවිතයේ වැඩ කටයුතුයි සාර්ථක කරගන්න මගේ මහත්තයා සුරංගගෙන් ලැබුණු දායකත්වය උපරිමයි. ඇත්තටම එයා මම සහ මගේ දරුවො දෙන්නා වෙනුවෙන් ගොඩක් කැපවෙලා ඉන්න කෙනෙක්. ගොඩක් වෙලාවට එයාගේ වැඩකටයුතු පවා පාඩු කරගෙන මගෙයි දරුවන්ගෙ වැඩකටයුතුවලට උදව් කරන්නෙ.
ශෂිකා නිසංසලා කියන ගායිකාවට ගොඩක් දෙනෙක් ආදරේ කරනවා. මගේ ගීතවලට විතරක් නෙමේ. මම ජීවත් වෙන විදිහට ගොඩක් අය කැමතියි. මොකද මම දරුවො, මගේ සැමියා එක්ක සාර්ථක පවුල් ජීවිතයක් ගත කරන නිසා මට මගේ රසිකයන්ගෙන් ඒ ප්‍රතිචාරයත් මට ලැබෙනවා. ඒ හැමදේම සාර්ථක කර ගන්න මටයි මගේ සැමියටයි උදව් කරන්නෙ මගේ අම්මයි තාත්තයි. මේ ගමන එන්න හරි අපහසු වෙනවා අම්මගෙයි තාත්තාගෙයි සහයෝගය වගේම මගේ සැමියගෙ සහයෝගය නැතිව. ඒ තුන්දෙනා නැත්නම් මට කවදාවත් මට මේ ගමන මේ විදිහට සාර්ථක කරගන්න වෙන්නෙ නැහැ.

සුරංගව මුණගැහුණෙ කොහොමද 

අපේ සම්බන්ධය පටන් ගත්තෙ විශ්වවිද්‍යාලෙ යන කාලෙදී. ඒ කැලණිය විශ්වවිද්‍යාලයේදී. එයා එතකොට දෙවෙනි වසරෙ ඉගෙන ගත්තෙ. දෙවෙනි වසරෙ අය පළවෙනි අවුරුද්දෙ අය එක්ක කතා බහ කරනවනෙ. ඒත් අපේ කාලේ එහෙම ලොකු රැග් එකක් තිබුණෙ නැහැ. ඒ කාලෙ වෙද්දී මගේ සින්දු කීපයක්ම ජනප්‍රිය වෙලා තිබුණෙ. %පාරමිතා^ සහ %සඳ රෑට^ කියන ගීත ඒ වෙද්දී මිනිස්සු අතරට ගිහින් තිබුණත් මම සාමාන්‍ය කෙනෙක් විදිහට තමයි කැම්පස් එකට ගියේ. ඒ යන දෙවෙනි දවසෙ තමා සුරංග අයියව සහ ගොඩක් අය අඳුන ගත්තෙ. ඒ අඳුන ගත්ත අයගෙන් අපේ හිතට ගොඩක්ම සමීප වෙන්නෙ අපේ අදහස්වලට සමාන අය. එහෙම සමීප වුණ අයගෙන් එක්කෙනෙක් තමා සුරංග අයියා. අවුරුදු 2ට කිට්ටු වෙන්න අපි යාළුවො විදියට ආශ්‍රය කළේ. ඊට පස්සෙ දන්නෙම නැතිව ඒක ආදරයකට පෙරළුණා. මම හිතන්නෙ මගේ මහත්තයා මට ලැබුණෙ මගෙ පිනකට කියලා.

IMG_9479

10 වැනි විවාහ සංවත්සරය දවසෙ ඇයි ආපහු මානාලියක් වෙන්න හිතුනෙ

ඇත්තටම ආස හිතුනෙ ගොඩක්ම ඉයන් මල්ලි නිසා. මම ඒ මල්ලිගෙන් තමා උත්සවයකට එහෙම යද්දී ඩ්‍රෙස් කරන්න යන්නෙ. ඒ මල්ලි මට කිව්වා ගොඩක් දවසක ඉඳන් බ්‍රයිඩ්ල් එකක් කරමු කියලා. මම ඊට පස්සෙ තමා කිව්වෙ අපේ ඇනිවසරි එකට කරමු කියලා. ඇත්තටම අවුරුදු 10කට කලින් තිබුණ විලාසිතා හරිම වෙනස්. දැන් ඒවා එක්ක බලද්දී. දැන් හැමදේම අලුත් වෙලා. ඉතිං මටත් ආස හිතුණා දැන් විදිහට ඇඳලා පොටෝ ෂූට් එකක් කරන්න. 

ආපහු මානාලියක් විදියට දැක්කම මොකද හිතුණෙ

ඇත්තටම ගොඩක් සතුටුයි. ඇත්තටම එදා දවස මතක් වුණා. නමුත් එදා වගේ ඔළුවට ලොකු බරක් තිබුණෙ නැහැ. අපි දෙන්න තමා සියලු වැඩ කළේ. අපේ එක දවසෙ උත්සවයක් තිබුණෙ. එදා දවසෙ ඔළුවට තිබුණ පීඩනය තිබුණෙ නැහැ. ඒ නිසා හරි නිදහසේ ඇඳ පැලඳගෙන ලස්සනට පොටෝස් ගත්තා. ඒ වගේම පුතාලා දෙන්නා දැක්කට පස්සෙ ඒ දෙන්නට ගොඩක් ආස හිතුනා. අම්මා මනමාලියෙක්ට ඇඳලා හරි ලස්සනයි කියලා කිව්වා.  
ඒ වගේම ගොඩ දෙනෙක් කිව්වා එදාටත් වැඩිය ගොඩක් ලස්සනයි කියලා. මම හිතන්නෙ ඒ දැන් හැම දේම අලුත් නිසා වෙන්න ඇති. මම ගත්තමත් ලොකු වෙනසක් වෙලා නැහැ. මගේ සමහර යාළුවො බැඳලා දරුවො ලැබුණට පස්සෙ ගොඩක් මහත්වෙලා, ගොඩක් රූපය වෙනස් වෙලා. ඒත් මම හිතන්නෙ මගෙ සහ මහත්තයගෙ එහෙම ලොකු වෙනසක් වෙලා නැහැ. 

පවුල් ජීවිතයක් සාර්ථක කරගන්න නම් සහයෝගය කියන දේ අනිවාර්යයි නේද

අනිවාර්යයෙන්. ක්ෂේත්‍රයේ වැඩකටයුතු එක්ක මම කාර්යබහුල වෙද්දී මගෙ අම්මයි, තාත්තයි දරු දෙන්නගෙ වැඩ කටයුතුවලට උදව් කරනවා. ඇත්තටම මට ඒක ලොකු හයියක්. දරුවො බලා ගන්න එක අද කාලෙ හැමෝටම තිබෙන ප්‍රශ්නයක්. ඒක අද කාලෙ ඕනම අම්මා කෙනෙකුට තාත්තා කෙනෙකුට තිබෙන ප්‍රශ්නයක්. දෙන්නම රැකියාවක් නොකර අද ඇත්තටම ජීවත් වෙන්න අපහසුයි. ඒ නිසා ගොඩක් අයට තිබෙන ප්‍රශ්නයක් දරුවන් බලා ගන්න කෙනෙක් නැති එක. මගේ අම්මයි තාත්තයි කැප වෙලා ඉන්නවා ඒ දේට. ඒ අයගේ ජීවිතෙ හැමදේම කැප කරලා තියෙන්නෙ දැන් මගේ දරුවො දෙන්නා සහ මං වෙනුවෙන්. 
ක්ෂේත්‍රයේ වැඩකටයුතු ගත්තම කිසිම වෙලාවක මගෙ ඔළුවට බරක් දෙන්නෙ නැතිව මගේ සැමියා මට උදව් කරනවා. සමහර වෙලාවට භාර ගන්න බැරි තරම් සංගීත ප්‍රසංගවලට ආරාධනා ලැබෙනවා. ඒ හැමදේම බැලන්ස් කරලා මොන ප්‍රසංගවලටද අපි සහභාගි වෙන්නෙ, කීයටද අපි එතන ඉන්නෙ කියන හැමදේම හොයලා බලනවා. ඒ හැමදේම මට හිතේ සැහැල්ලුවෙන් කර ගන්න ලැබිලා තියෙන්නෙ මේ සහයෝගය නිසා.

මවක්, බිරිඳක් විදිහට කොහොමද පවුල් ජීවිතය සාර්ථක කරගන්න ඕන

මම පුතාලා හම්බුණ මුල් කාලයෙ කොහොමත් ක්ෂේත්‍රයේ වැඩවලින් ඈත් වෙලා හිටියෙ. ලොකු පුතා ලැබුණෙ 2010. මම පළවෙනියා නිසා ගොඩක් පරිස්සම් වුණා. අම්මා කෙනෙක් විදිහට බබා බඩට ආව දවසෙ ඉඳන් මම පරිස්සම් වුණා. අපි දුර ෂෝස් වගේම දුර ගමන් ගියේ නැහැ. ඒ වගේ ගොඩක් පරිස්සම් වුණා.
බබා ලැබුණට පස්සෙත් බබාගෙ වැඩ අම්මයි මමයි එකතු වෙලා කළේ. පොඩි පුතා ලැබුණට පස්සෙ එයාගෙ වැඩ තනියම කර ගත්තා. දැන් පාසල් යද්දී ඇත්තටම වැඩ වැඩියි. ඉතිං ඒ දේවල් මගේ සැමියත් සමග ඉඩ හදාගෙන සිදු කරනවා. දරුවො අම්මගෙන් හැම වෙලේම ආදරේ බලාපොරොත්තු වෙනවා. ඉතිං මට පුළුවන් හැමවෙලේම එයාලා එක්ක ගෙදර ඉන්න උත්සාහ කරනවා. පොඩි එක්කෙනා මම ගෙදර ඉන්නව නම් මගෙ පස්සෙන්මයි. සතියෙ දවස්වලට මම ගොඩක් වෙලාවට ගෙදරමයි ඉන්නෙ. මම එයාලාව පාසල් එක්කන් යනවා. ඒ හැමදේම සැමියගෙයි , අම්මගෙයි සහයෝගයත් එක්ක සිදු කරන්නෙ. ඒ වගේම සැමියගෙ සෑම දෙයකටම මම සහයෝගය දක්වනවා.

IMG_9488

බොහෝ කාන්තාවන් විවාහ වුණාට පස්සෙ තමන්ගෙ රූපය ගැන දක්වන සැලකිල්ල අඩු කරනවා. නමුත් ඔබ අදත් එදා වගේමයි. මොකද්ද ඒ රහස

මේ ප්‍රශ්නය මගෙන් ගොඩක් දෙනෙක් අහනවා. මම හිතන්නෙ මගෙ කෑම රටාව වෙන්න ඇති. මම ගොඩක් කන්නෙ නැහැ. පොඩ්ඩයි කන්නෙ. ඒක මගෙ පොඩි කාලෙ ඉඳන් තිබිච්ච පුරුද්දක්. ඒ නිසා බබාලා හම්බෙන්න ඉද්දිවත්, ඊට පස්සෙවත් හුඟක් මහත් වුණේ නැහැ. මම මගේ උසට හරි යන බර පවත්ව ගන්න විශේෂ මහන්සියක් ගන්නෙ නැහැ. 
ඒ වගේම මම හැම තිස්සෙම සැලූන් යන කෙනෙක් නෙමේ. ඒත් මම ලස්සනට ඉන්න ගොඩක් කැමතියි. ගොඩක් දෙනෙක් බැන්දට පස්සෙ හිතින් වයසට යන්නෙ. මම දැන් හුඟක් වයසයි. මට දැන් දරුවො ඉන්නවා. අන්න එහෙම හිතන්නෙ නැතිව අපි හිතින් හිතනව නම් අපි තරුණයි කියලා ඒ දේ අපේ රූපෙනුත් පෙනෙන්න ගන්නවා. අපි අපේ සම ගැන, නියපොතු, හිසකෙස්, ඇඳුම් පැලඳුම් ගැන සැලකිලිමත් වෙන්න ඕන. ඒ දේවල්වලට මගේ සැමියත් උදව් කරනවා. මගේ මහත්තයත් එහෙමයි. එයාගෙ රූපෙත් තාමත් එදා වගේමයි. මහත්තයත් මම වගේම කෑම රටාවකට පුරුදු වුණ කෙනෙක්. මම හිතන්නෙ ඒ දේට මගේ ජොබ් එකත් බලපානවා. මට මේ ජොබ් එක කරන්න ලැබුණෙ මගෙ පිනකට. කෙනෙක්ව පිනවන එක තමයි මගේ රස්සාව. ඒ අය සතුටු වෙනවා මම සජිවීව දකිනවා. ඒ තෘප්තිය හරිම උපරිමයි. මම හිතන්නෙ ඒකත් හේතුවක් තරුණ බව රැකෙන්න.

කාන්තාවක් වුණාම ඉවසීම කියන කාරණය මොන තරම් වැදගත්ද

ඇත්තටම පවුල් ජීවිතයක් සාර්ථක කර ගන්න ඉවසීම කියන දේ ඉතාම වැදගත්. අපි දෙන්නා යාළුවෙලා අවුරුදු හතර හමාරක් ගිහින් තමා අපි විවාහ වුණේ. අපේ අදහස් කොහොමද කියලා අපි දෙන්නා තේරුම් ගත්තා. එයා කැමති අකමැති දේවල් සහ මගේ කැමති අකමැති දේවල් තේරුම් ගත්තා. මගේ ක්ෂේත්‍රයේ ගමනට උදව් නොකරන කෙනෙක් වුණා නම් මගේ ක්ෂේත්‍රයේ ජීවිතය සහ විවාහ ජීවිතයවත් සාර්ථක වෙන්නෙ නැහැ. මේ දේ විවාහ වෙන්න කලින් හොඳින් තේරුම් ගන්න ඕන. දෙදෙනා එකිනෙකා වෙනුවෙන් කැප වෙන්න ඕන වගේම දෙදෙනා දෙදෙනා වෙනුවෙන් ඉවසන්න ඕන. ඒ වගේම හැමදේම සාකච්ඡා කරලා සිදු කරන්න ඕන. අපි දෙදෙනා ඕනම දෙයක් කරන්නෙ දෙදෙනාම සාකච්ඡා කරලා. ඒ නිසා අවසානයේ එන්නෙ හොඳම තීරණයට. මගේ සැමියා ගත්තම ඕනම දෙයක් ගැන පැති කිහිපයකින් හිතලා බලලා කරන්නෙ. ඇත්තටම මමත් දැන් ඒ දේට එයාගෙන් පුරුදු වෙලා ඉන්නවා. මම මගේ රසික රසිකාවියන්ට කියන්නෙත් තීරණයක් ගනිද්දී පැති කිහිපයකින් හිතලා තීරණ ගන්න. තමන්ට හරි කියලා හොඳටම විශ්වාස නම් ඒ දේ කරන්න. සමහර වෙලාවට අපි හදිස්සි තීරණ ගන්නවා. සමහර තීරණ තියනවා කාලයට භාර දෙන්න ඕන. සමහර ප්‍රශ්න තිබෙනවා කාලයට භාර දෙන්න ඕන. සමහර දේවල් තිබෙනවා ක්ෂණික තීරණ ගන්න ඕන. ඒ නිසා දෙන්නට දෙන්නා තේරුම් අරගෙන , කැප කිරීම් සිදුකරමින් ඉවසීමෙන් යන ගමනක් තමා විවාහය කියන්නෙ. 

IMG_9498

ඔබේ ඉදිරි බලාපොරොත්තු ගැන කතා කළොත්

මගේ පෞද්ගලික ජීවිතය පැත්තෙන් ගත්තොත් මගේ පුතාලා දෙන්නගෙ අධ්‍යාපන කටයුතුවලට උපරිමයෙන් උදව් කරන්න තමයි මම බලාපොරොත්තු වෙන්නේ. අද සමාජය වෙනස් නිසා ඒ දෙන්නා පස්සෙන්ම ඉන්න වෙනවා. නමුත් අපිට කැමති දේවල් අපි එයාලා ලව්වා කර ගන්නෙ නැහැ. සමහරු පුංචි කාලෙ ඉඳන්ම හැමදේටම ටියුෂන් යවනවා. මේ දේ කරන්න, අනිත් අයත් කරනවා, ඔයා පන්තියේ පළවෙනියා වෙන්න කියලා. අපි දරුවන්ට බලපෑම් කරන්නෙ නැහැ. එයාලා දෙන්නගෙ ඔළුවට ලොකු බරක් දීලා නැහැ. එයාලට ජීවිතය කියන දේ විඳින්න දෙන්න ඕන. අපි එයාලව සැහැල්ලුවත් එක්ක තමා අධ්‍යාපන කටයුතුවලට යොමු කරන්නෙ. අපේ අම්මලා තාත්තලත් අපේ ඔළුවට ලොකු බරක් දුන්නෙ නැහැ. ඉතිං අපිත් ඒ අයගෙ ජීවිතෙ නිදහස දීලා තියනවා. සමහර ළමයින්ට අම්මලා දෙන පීඩනය නිසා ජීවිතය එපා වෙලා තියනවා. අපි දෙන්නා නිතරම දරුවන්ට තනියම ජීවිතයට මුහුණදෙන විදිහ හුරු කරනවා. අම්මා ජනප්‍රිය වුණාට ඒ දෙයින් එයාලට වාසි ප්‍රයෝජන ගන්න නෙමේ. ඒ අයට තමන්ගෙ ජීවිතේ සරලව හැඩගසාගෙන තනියෙන් නැගිටින්න උගන්නන්න ඕන. මොකද පුතාලා දෙන්නෙක් නිසා සමාජයට හුරු කරන්න ඕන. 
ඒ වගේම මගේ ක්ෂේත්‍රයේ වැඩකටයුතුත් සාර්ථකව කර ගන්න බලාපොරොත්තුවෙන් ඉන්නවා. මගෙ වාසනාවකට මට මේ ක්ෂේත්‍රයේ ප්‍රවීණ වගේම නවක ජනප්‍රිය අය සමග ප්‍රසංගවලට සහභාගි වෙන්න අවස්ථාව ලැබිලා තිබෙනවා. එහෙම මට ලැබෙන්නෙ මගේ නිර්මාණවලට රසිකයන්ගෙ තිබෙන කැමැත්ත නිසා. අපේ රටේ අනන්‍යතාවත් රැකෙන විදිහේ ගීත කරන්න මම බලාපොරොත්තු වෙනවා. 
මම ජීවිතයේ දුක් විඳපු තැන් තිබෙනවා. මම බිංදුවෙන් පටන් ගත්ත කෙනෙක්. අම්මයි තාත්තයි මගේ සහෝදරයයි ජීවිතයෙ දුක් විඳපු තැන් තිබෙනවා. ආර්ථික පැත්තෙන් හරි අමාරුවෙන් තමා අධ්‍යාපන කටයුතුත් කළේ. නමුත් අද වන විට අපි සාර්ථක වෙලා ඉන්නවා. මම හිතන්නෙ දුෂ්කරතා මැද්දෙ ආ ගමන තමා ලස්සන. අපි එකපාර උඩින් ආව කට්ටිය නෙමේ. මේ හැමදේම සාර්ථක කර ගන්න මගෙ ළඟින් හිටියෙ අම්මා, තාත්තා, මගෙ සහෝදරයා, මගෙ සැමියයි. මගෙ දරුවො දෙන්නත් ඉදිරියේදී මට ශක්තියක් වෙයි. ඉදිරියටත් සාර්ථක ගමනක් යන්න බලාපොරොත්තුවෙන් ඉන්නවා. 

හැඬගැන්වීම -  ඉයන් සංජීව ඩයස් (සැලෝන් සිත්රූ) / ඇඳුම් සඳහා අනුග්‍රහය -  Groom's Art/ Sri Vijayas/ මල් සඳහා අනුග්‍රහය – Raja Flora

ගර්භාෂ ඉවත්කිරීම වෙනුවෙන් යතුරු සිදුරු හෙවත් ‘ලැපරස්කොපි’ සැත්කම

කාන්තාවන්ට නොයෙක් වයස් සීමාවලදී වැලඳෙන රෝග හේතූවෙන් ගර්භාෂය ඉවත් කිරීමට සිදුවේ. නමුත් ගර්භාෂය ඉවත් කිරීමේ සැත්කම උදරය කපා සිදුකරන බැවින් ඉතා වේදනාකාරී වේ. මේ සඳහා වේදනාව අඩු, රෝගියාට වාසි රැසක් හිමිවන සැත්කමක් ලෙස 'යතුරු සිදුරු' හෙවත් 'ලැපරොස්කොපි' සැත්කම හඳුනාගත හැක. මේ පිළිබදව ඔබට සවිස්තරාත්මකව පැහැදිලි කිරීම සඳහා මහරගම පිළිකා රෝහලේ විශේෂඥ වෛද්‍ය සාරද කන්නන්ගර මහතා අප 'අද' හා සම්බන්ධ කරගත්තෙමු. 


1422700775275_1490664348491_2946507_ver1_0_640_360

'යතුරු සිදුරු' ක්‍රමය මගින් ගර්භාෂය ඉවත් කිරීමේ සැත්කම සමාන්‍යයෙන් සමාජයේ සිදුකරන දෙයක්. නමුත් ගර්භාෂය ඉවත් කිරීම සමාන්‍ය වශයෙන් සිදුවන්නේ උදරයේ කැපුමක් යොදා සිදුකරන ශල්‍යකර්මයක් ලෙසින්. මෙවැනි සැත්කමක් සිදුකිරීමට අවශ්‍ය වූ විට කැපුමක් කිරීමට අවශ්‍ය වන නිසා මෙහි විශේෂ අවාසිදායක බලපෑම් කිහිපයක් තිබෙනවා. 

කැපුමක් යොදන විට ලොකු තුවාලයක් ඇති වන නිසා එයින් අධික කැක්කුමක් රෝගියාට ඇතිවිය හැකියි. ඒ වගේම විෂබීජ ආසාදන පවා ඇති වීමේ අවදානමක් මෙම සැත්කම තුළින් තිබෙනවා. ඒ වගේම පසුකාලීනව කාන්තාවන්ට හර්නියා වැනි රෝගී තත්ත්වයන් මේ ඔස්සේ ඇතිවීමේ වැඩි අවදානමක් තිබෙනවා. කෙසේ වෙතත් මෙලෙස විවෘතව කරන සැත්කම්වල එවැනි අසාදිත තත්ත්වයන් ඇති වීමේ වැඩි ඉඩකඩක් පවතිනවා. යතුරු සිදුරු සැත්කම ඩිම්බකෝෂවල ගෙඩි ඉවත් කිරීමටත් යොදා ගැනෙනවා. 
අධික රැධිර වහනය, පිළිකා තත්ත්වයන් නිසා ගර්භාෂය ආශ්‍රිත සැත්කම් කිරීමට කාන්තාවන්ට සිදුවී තිබෙනවා. ගර්භාෂය ඉවත් කිරීම සඳහා වෙනත් රටවල භාවිත කරන දෙයක් තමයි %ලැපරොස්කොපි^ හෙවත් යතුරු සිදුරු ක්‍රමය යනුවෙන් හඳුන්වන්නේ. මෙවැනි සැත්කමක් මගින් බඩේ කැපුමක් සිදුකිරීමට අවශ්‍ය වන්නේ නැහැ. පොඩි සිදුරු තුනක් හෝ හතරක් පමණයි එහිදී ඇති වෙන්නේ. එක් සිදුරක් හරහා පෑන් බටයක් වැනි හැඩැති බටයක් ඔස්සේ කැමරාව ඇතුළු කරනවා. ඒ නිසා ගර්භාෂයේ රූපරාමු තිරයක් මගින් දැකගන්න පුළුවන්. ඉන්පසුව සියුම් උපකරණ භාවිත කරමින් සැත්කම සිදුකරනවා. එමගින් ඉවත් කරන ගර්භාෂය යෝනි මාර්ගය හරහා ඉවතට ගන්න පුළුවන්. 

මෙම සැත්කමේ වාසි රැසක් තිබෙනවා. මෙහිදී සැත්කමෙන් පසුව එන වේදනාව ඉතාම අවමයි. සමාන්‍යයෙන් සැත්කමෙන් පසු මුත්‍රා පිටවීම සඳහා මුත්‍රා බටයක් දමන නමුත් මේ සැත්කමෙන් පසුව රෝගියාට තමන්ගේ කටයුතු තනිව කිරීමේ හැකියාවක් උදා වෙනවා. සැත්කමක් කළ විට දින 3ක් හෝ 4ක කාලයක් රෝහල්ගතව සිටීම සමාන්‍ය දෙයක්. නමුත් මෙම සැත්කම කළ පසුව ඊට පසු දිනයේම නිවසට යන්න පුළුවන්. කැපුම් තුවාල නොමැති නිසා ආසාදිත තත්ත්වයන් ඇති වීමේ ඉඩකඩ බෙහෙවින් අඩුයි. මෙම සැත්කම කළ පසු දින 2ක් හෝ 3ක් ඇතුළත පහසුවෙන් තම කාර්යයන් කරගනිමින් සමාන්‍ය පරිදි කටයුතු කිරීමේ අවස්ථාව උදා වෙනවා. මෙම සැත්කමෙන් වහනය වන රුධිර ප්‍රමාණයද ඉතාම අඩුයි. සමාන්‍ය මේස හැඳි 2ක පමණ ප්‍රමාණයක රුධිර වහනයක් පමණයි මින් සිදු වන්නේ. නමුත් සාමාන්‍ය සැත්කමක් සිදුකිරීමේදී රෝගියාගෙන් ලේ පයින්ට් එකක් වගේ ප්‍රමාණයක් අපතේ යනවා. 

ලංකාවේ බොහෝ රජයේ රෝහල්වල මෙන්ම පෞද්ගලික රෝහල්වලත් 'ලැපරොස්කොපි' හෙවත් 'යතුරු සිදුරු' ශල්‍යකර්මය කරන්න පුළුවන්. නමුත් කාලවේලාවක් නොමැති වීම හෝ වෙනත් කරුණු කාරණාවන් නිසා මේ 'ලැපරොස්කොපි' ශල්‍යකර්මය සිදුකරන්නේ නැහැ. එනිසා ඒ වාසිය ගොඩක් රෝගීන්ට හිමිවන්නේ නැහැ. මහරගම පිළිකා රෝහලේ ගර්භාෂ පිළිබඳ සැත්කම් කිරීමේදී 'ලැපරොස්' ක්‍රමයට තමයි සිදුකරන්නේ. ඒ නිසා මේ වාසි තත්ත්වයන් රොගීන්ට හිමිවෙනවා. නාරීවේද වෛද්‍ය ක්ෂේත්‍රය තුළ සමාන්‍ය ගර්භාෂ සැත්මකට වඩා %ලැපරස්කොපි^ සැත්කම කිරීමේ ප්‍රතිශතය වැඩි අගයක් ගන්නවා. 

යම්කිසි රෝගී තත්ත්වයක් නිසා ගර්භාෂය ඉවත් කිරීම සඳහා නිර්දේශයක් ලැබුණු විට මෙම 'ලැපරස්කොපි' සැත්කම කරන එක ඉතා හොඳයි. මෙය සිදුකිරීම සඳහා පහසුකම්ද රෝහල්වල තිබෙනවා. සැත්කම සඳහා සමාන්‍ය සැත්කමකට වඩා වැඩි කාලයක් ගතවෙනවා. සමාන්‍ය සැත්කම සඳහා පැයක පමණ කාලයක් ගතවන්නේ නම් පැය එක හමාරක් පමණ කාලයක් ^ලැපරොස්කොපි^ ශල්‍යකර්මය සඳහා ගත වෙනවා. අනෙක් කාරණය තමයි පුරුදු වූ පරිදි උදරයේ කැපුමක් මගින් ගර්භාෂය ඉවත් කරන්න වෛද්‍යවරුන්  කටයුතු කරන නිසා මෙම සැත්කම සඳහා යොමු වීමේ ප්‍රමාණය ඉතා අඩුයි. හම්බන්තොට, අම්පාර වගේම කිලිනොච්චි වැනි දිස්ත්‍රික්කවල පිහිටි රෝහල් තුළ පවා මෙම සැත්කම සිදුකිරීමේ පහසුකම තිබෙනවා. රෝගීන්ට මෙවැනි සැත්කම් පිළිබඳ නිසි දැනුවත් කිරීමක් නොමැතිකමද එවැනි අවස්ථා මගහැරීමට එක් හේතුවක් වෙනවා. 

ගර්භාෂය ඉවත් කිරීමට විවිධ කාරණා බලපෑ හැකියි. ගර්භාෂයේ අක්‍රමවත් රුධිර වහනය ඉන් එක් හේතුවක්. එවැනි තත්ත්වයන් තුළ ඖෂධ මගින් ප්‍රතිකාර කිරීමට නොහැකි වූ විටක ගර්භාෂය ඉවත් කිරීමට සිදුවෙනවා. කිසිම වේදනා නාශකයකට ප්‍රතිචාර නොදක්වන ඔසප් වීමේදී අධික වේදනාවක් ඇති වුණ හොත් අපට ගර්භාෂය ඉවත් කරන්න සිදුවෙනවා. ඒ වගේම ගර්භාෂයෙන් පිටත ගෙඩි හටගැනුණු විට අවයව ඇලීම් ඇති වෙනවා. මේ නිසා දරුණු කැක්කුමක් ඇති වන අතර, එවැනි අවස්ථාවලදී ගර්භාෂයෙන් පිටත ඇති ගෙඩි ඉවත් කිරීම සඳහාත් මෙම සැත්කම සිදුකළ හැකියි. 

ඒ වගේම දරුවන් සිටින මවක් නම් ඇයට ගර්භාෂය ඉවත් කරන්නට නිර්දේශ කරනවා. ඒ වගේම පූර්ව පිළිකා තත්ත්ව තුළදීත් ගර්භාෂය ඉවත් කිරීමට සිදුවෙනවා. ඒවගේම පිළිකා තත්ත්ව තුළදී අනිවාර්යයෙන්ම ගර්භාෂය ඉවත් කිරීමට සිදුවෙනවා. රෝගී තත්ත්වයක් මත වයස්ගත කාන්තාවන්ගේ ඩිම්බකෝෂ ඉවත් කිරීමට සිදුවූවහොත් ඩිම්බකෝෂ පමණක් නොව ගර්භාෂයම ඉවත් කිරීමට යොමු වනවා. ඒ නිසා මෙවැනි නොයෙක් අවස්ථා තුළදී ගර්භාෂය ඉවත් කිරීමට කාන්තාවන්ට සිදුවෙනවා. 
මෙවැනි සැත්කමක් සිදුකිරීමට ප්‍රථම රෝගියා දියවැඩියාව, අධික රුධිර පීඩනය ආදී රෝගී තත්ත්වයන් තිබේදැයි නිර්ණය කරගත යුතුයි. ඒ අනුව වෛද්‍යවරයා හමු වී සම්පූර්ණ රුධිර පරීක්ෂාවක්, ඊ.සී.ජී පරීක්ෂණයක් සිදුකරගන්න අවශ්‍යයි. එමගින් සැත්කමට ප්‍රථම රෝගියාගේ ශරීරයේ හෘදය වස්තුව, අක්මාව, වකුගඩුව ආදිය හොඳ ක්‍රියාකාරීත්වයේ තිබේ දැයි වෛද්‍යවරයා පරීක්ෂා කළ යුතුයි. මන්ද සැත්කමට සිහිනැති කරන බැවින්. සමාන්‍යයෙන් සැත්කමක් සිදුකිරීමට පැය එකහමාරක් හෝ දෙකක් වැනි කාලයක් ගතවෙනවා. මෙම සැත්කම ඕනෑම වයස් කාණ්ඩයක සිටින කාන්තාවකට සිදුකරන්න පුළුවන්. සැත්කමෙන් සති තුනකට පමණ පසුව රෝගීයාගේ තත්ත්වය නැවතත් විමසා බැලීමක් සිදුකරනවා.

 

ලිංගික හිංසනයට එ‍ෙරහිව කළු ඇඳුමින් සැරසුණු සුපිරි නිළිෙයා්

හොලිවුඩයේ අතිඋත්කර්ෂවත්ම සම්මාන උලෙළක් වන 'Golden Globe' සම්මාන උලෙළ මෙවර පැවැත්වෙන්නේ අභිමානවත් 75 වැනි වරටය. ඇමෙරිකාවේ %බෙවර්ලි හිල්ටන්හි^ පැවැති මෙම සම්මාන උලෙළේ රතු පලස හැඩකරන්නට මෙවර හොලිවුඩ් තරු කළු පැහැය තෝරාගෙන තිබුණි. ඒ ලිංගික හිංසනයට හා අඩන්තෙට්ටම්වලට ගොදුරුවන වින්දිතයන් වෙනුවෙන් පෙනීසිටීම වෙනුවෙනි. සියලුම තරු ඒ සඳහා එකට අත්වැල් බැඳගෙන සිටි අතර සුපිරි නිළියන් වන ඇන්ජලීනා ජොලී, ජෙසිකා බෙල්,කෙරී වොෂිංටන්, හැලේ බෙරී ඒ අතර කැපී පෙණිනි.

47DCFF5000000578-5244529-image-m-53_1515365574072 47DD3DBF00000578-0-image-m-13_1515369011884 47DD4BAC00000578-5244529-What_an_entrance_Also_wearing_strapless_gowns_at_this_year_s_cer-a-193_1515371159539 47DD62E100000578-5244529-image-a-128_1515368667294 47DDB64B00000578-5244529-Model_pose_Kendall_a_successful_model_and_reality_star_hit_the_c-a-379_1515378762346 47DDCCB500000578-5244529-image-a-420_1515381253891 angelina-jolie-golden-globes-2018-red-carpet-08 75th Annual Golden Globe Awards - Arrivals Mariah-Carey-red-carpet-2018-golden-globes-billboard-1240

මම විශ්වාස කරන දෙයක් තමයි හැම ගැහැනියක්ම රැජිනක්

'R.V. Entertainment' ආයතනය මගින් සංවිධානය කරන ලද ''2017 මිසිස් ශ්‍රී ලංකා වර්ල්ඩ්' තරගාවලියේ කිරුළ හිමිකරගත්තේ ශෙනාලි පෙරේරාය. ඇය මෙම කිරුළ දිනාගැනීමත් සමගම 'මිසිස් වර්ල්ඩ්' තරගාවලියට සුදුසුකම් ලබා ගත්තාය. ඇය මෙම කිරුළ හිමි කරගන්නේ සහභාගි වූ පළමු තරගයෙන් වීම විශේෂත්වයකි. ශෙනාලි අප සමග මෙසේ  කතාබහකට එකතු වූවාය.


IMG_9375

Q ඔබ ගැන  විස්තරයක් කළොත් 

මම ශෙනාලි පෙරේරා. මට අවුරුදු 23යි. මගේ සැමියා ලක්ෂාන් පෙරේරා. අපිට අවුරුද්දයි මාස 03ක බබෙක්  ඉන්නවා. මම ඉගෙන ගත්තේ බම්බලපිටියේ ශුද්ධ වූ පවුලේ කන්‍යාරාමයෙන්. මම අවුරුදු 10ක් කුලසිරි බුදවත්ත සර් යටතේ නර්තනය හදාරලා තියෙනවා. පාසලේදී නර්තනය සහ ඉංග්‍රීසි නාට්‍යවලට සහභාගි වෙලා තියෙනවා. මම නාට්‍ය සම්බන්ධ උපාධියක් හදාරා තිබෙනවා. 

Q  මේ තරගාවලිය ගැන කතා කළොත්

මෙය 'මිසිස් ශ්‍රී ලංකා වර්ලඩ්' තරගාවලිය. රෝසි සේනානායක මහත්මියගෙන් පස්සේ නර්මදා යාපා මෙහි කිරුළ දිනා ගත්තා. ඊට පස්සේ 2017දී මම මෙහි කිරුළ දිනාගත්තා. මේක සංවිධානය කළේ %RV Entertainment^ ආයතනයේ වාසනා දන්තනාරායන. මේකට සහභාගි වෙන්න පුළුවන් අවුරුදු 18ත් 40ත් අතර විවාහක කාන්තාවන්ට. 

Q මීට කලින් මෙවැනි තරග සඳහා සහභාගි වී තිබෙනවාද

නැහැ. මේක මගේ පළවෙනි තරගය. 

Q පළමුවෙනි තරගයෙන් ජයග්‍රහණය කරනවා කියන්නේ ලොකු සතුටක්

ඔව්, ඇත්තටම මේකට අපි ගොඩක් මහන්සි වුණා. මේ තරගයේදී මම %මිස් බොඩි බියුටි^ සහ 'මිස් ෆොටෝ ජෙනික්' කියන අවස්ථා දෙකම ජයග්‍රහණය කරා. මේක නිකන් ලැබුණු දෙයක් නෙවෙයි. ඇත්තටම මම මේ සඳහා ලොකු කැපවීමකින්, උනන්දුවකින් වැඩ කළා. එයාලා දීපු උපදෙස් හොඳින් පිළිපැද්දා. ඇත්තටම ඒක නිසා වෙන්න ඇති මට මේක ජයග්‍රහණය කරන්න ලැබු‍ණේ.

IMG_9307

Q මේ තරගයට සහභාගි වෙන්න  හිතුණේ ඇයි 

ඇත්තටම මට පොඩි කාලේ ඉඳන් ආසාවක් තිබ්බා 'මිස් ශ්‍රී ලංකා^ තරගයකට සහභාගි වෙන්න. විශේෂයෙන් ජාත්‍යන්තරයට ගිහිල්ලා අපේ රටට කීර්තියක් ගෙනත් දෙන්න. නමුත් මට ඒකට මගේ විවාහයත් සමග හැකියාවක් ලැබුණේ නැහැ. ඊට පස්සේ මගේ සැමියා සහ ගෙදර අයගේ මගපෙන්වීම යටතේ තමයි මම මේකට සහභාගි වෙන්නේ. 

Q මේ තරගයට සහභාගි වෙද්දී ගෙදරින් බලපෑමක් ඇති වුණේ නැද්ද

නැහැ, මම ඒ වෙද්දී විවාහ වෙලා හිටියේ. මගේ සැමියා පවා කැමති වුණා මම මේ වගේ තරගයකට සහභාගි වෙලා හැකියාවන් පෙන්වනවට. මගේ අම්මත් මට මේ සඳහා උදවු වුණා. මම නැති වෙලාවට බබාව බලාගෙන ඒ වැඩ කරන්නේ මගේ අම්මා. එයාලා කිව්ව එකම දේ තමයි තමන්ගේ සීමාව දැනගෙන වැඩ කරන්න කියලා.

Q ඔබ අසරණ ළමුන්ට උදව් කරනවා කියන්නේ ඇත්තද

ඔව්, මම අසරණ ළමයින්ට නොමිලේ අමතර පන්ති කරලා තියෙනවා. ඒ කාලේ මම හරි ආසාවෙන් එයාලට ඉගැන්වීම් කටයුතු කරා. මුදල් ගෙවලා පන්ති යන්න අපහසු අයට මම උදව් කරා. මේ වැඩත් එක්ක ඒවා ටිකක් නවත්තන්න වුණා. නමුත් මම බලාපොරොත්තු වෙනවා ඉදිරියේදී ඒ දේවල් නැවත පටන් ගන්න.

Q ඔබට රංගන ක්ෂේත්‍රයට ඒමට බලාපොරොත්තුවක් තියෙනවාද 

එහෙම බලාපොරොත්තුවක් නැහැ. නමුත් මට රංගනයට ගොඩක් ආරාධනා ලැබිලා තියෙනවා. හැබැයි මම ආසා කරන්නේ වෙළෙඳ දැන්වීම්, ෆොටෝ ෂූට් වගේ දේවල් කරන්න. මට පාසල් කාලෙදී රූපවාහිනී වෙළෙඳ දැන්වීම්වලට ආරාධනා ලැබුණා. නමුත් පාසලෙන් ඒ දේවල්වලට අවසර දුන්නේ නැහැ.

Q මේ තරගයෙන් පස්සේ ඔබ 'මිසිස් වර්ල්ඩ්' තරගයට සුදුසුකම් ලබනවා නේද

ඔව්, 'මිසිස් වර්ල්ඩ්' තරගය සඳහා මම ලංකාව නියෝජනය කරන්නට සුදුසුකම් ලැබුවා. ඒක ගැන නිහතමානී සතුටක් මට තියෙනවා. දකුණු අප්‍රිකාවේ ජොහෑන්ස්බර්ග් නගරයේ තමයි ඒක පැවැත්වුණේ. දෙසැම්බර් 08 වැනිදා ඒ සඳහා පිටත්ව ගියා. ඒ පැජන්ට් එක තිබුණේ දෙසැම්බර් 16 වැනිදා. මෙවර රටවල් 40කට තරගය සීමා කරලා තිබුණා. මේ තරගාවලියේදී විවිධ තරග අංශ රැසක් තිබුණා. විශේෂයෙන් කියන්න ඕනේ බතික් අංශයකුත් මෙවර එකතු කරලා තිබුණා. 

Q මේ ක්ෂේත්‍රයට ඉදිරියේදී පැමිණීමට බලාපොරොත්තු වන අයට මොනවාද කියන්න තියෙන්නේ

මම මේක කලිනුත් කියලා තියෙනවා. මම විශ්වාස කරන දෙයක් තමයි හැම ගැහැනියක්ම රැජිනක් කියන එක. ඇයට කරන්න බැරි දෙයක් නැහැ. කැපවීම හා ධෛර්යය තියෙනවා නම් ජීවිතේ ඕනම දෙයක් ජයගන්න පුළුවන්. ගොඩක් අය ළමයි හම්බුණාම හිතන දෙයක් තමයි මම දැන් කැතයි, මට දැන් මේ දේවල් බැහැ කියන දෙය. ඒත් එහෙම එකක් නැහැ. උත්සාහය තමයි වැදගත්. එන්න මේ දේවල්වලට, ඇවිත් අත්දැකීමක් ලබාගන්න. ඒ අත්දැකීමෙන් ජීවිතය අර්ථවත්ව ගතකරන්න කියන ඉල්ලීම මම කරනවා. අනිත් විශේෂ කාරණය තමයි තරග තෝරා ගනිද්දී තමන් තෝරාගන්නේ හරිම දෙයද කියලා හොයලා බලන්න. මොකද අද වෙද්දී මේ ක්ෂේත්‍රෙය් තරග වැහිවැහැලා තියෙනවා. තත්ත්වයෙන් බාල තරග ගොඩක් තියෙනවා. ඒ තරගවලින් එන ගොඩක් අයත් ක්ෂේත්‍රයේ ඉන්නවා. එතකොට අපිට තියෙන තැනත් නැතිවෙනවා යම් අවස්ථාවලදී. සමහර වෙලාවට අපෙනුත් අහනවා ඔයා මොන තරගේද කියලා. සමහර තරග තියෙනවා සල්ලි දීලා ඉදිරිපත් වෙන. නමුත් මට මේ තරගයට එන්න කිසිම මුදලක් අය කරේ නැහැ. තමන් සහභාගි වෙද්දී හොඳට තරගය ගැන හොයලා බලන්න කියන ඉල්ලීම අලුතින් එන්න බලාපොරොත්තු වෙන අයට කියනවා. 

Q අද වෙද්දී තරග ගොඩක් තියෙනවා. ඒ තරග හා මේ තරගය අතර තියෙන ප්‍රමිතිය කොහොමද 

ඇත්තටම ලෝකෙම පිළිගන්න, ලෝකෙම දන්න තරග තියෙන්නේ දෙකයි. ඒ තමයි 'මිස් වර්ල්ඩ්' සහ 'මිසිස් වර්ල්ඩ්' කියන දෙක. 'මිස් වර්ල්ඩ්' විවාහ නොවූ කාන්තාවන්ට, 'මිසිස් වර්ල්ඩ්' විවාහ වූ කාන්තාවන්ට. එයාලා එක් රටකින් එක් අයෙකුට නීත්‍යනුකූල අයිතිය පවරනවා ඒ තරගයට තරගකරුවන් සහභාගි කරවන්න. ඉතින් ජාත්‍යන්තරයෙන් 'නැෂනල් ඩිරෙක්ටර්' කියන ලයිසන් එක තියෙන්නේ වාසනා දන්තනාරායනට පමණයි. ඉතින් ඒක තමයි මේ තරගයේ තියෙන ප්‍රමිතිය. අනිත් එක තමයි 'මිසිස් වර්ල්ඩ්' කියන තරගාවලියට වෙබ් පේජ් එකක් තියෙනවා. ඒකේ තරගකරුවන් හැම කෙනාගෙම විස්තර තියෙනවා. ඒක තමයි මෙහි ඇති සුවිශේෂී ප්‍රමිතිය.

Q ඔබේ ඉදිරි බලාපොරොත්තු සහ වැඩකටයුතු ගැන පැවසුවොත් 

මං විශ්වාස කරන දෙයක් තියෙනවා හොඳ දේවල් කරාම මිනිස්සුන්ගෙන් කිරුළක් ලැබෙනවා කියන එක. මේ හැමදේටම වඩා වටින්නේ ඒ දෙය. ඉතිං හොඳ බිරිඳක්, මවක්, රටට වැඩදායී කිරුළ හිමි කාන්තාවක් වෙන එක තමයි මම බලාපොරොත්තු වෙන එකම දෙය.

Q ඔබට මේ දේවල්වලට සහයෝගය දුන් අය ගැන මතක් කරමු

ඔව් විශේෂයෙන් මගේ සැමියා මට මේ සඳහා විශාල සහයෝගයක් ලබා දෙනවා. එතකොට අම්මා තාත්තා ඇතුළු ගෙදර හැම දෙනාම උදව් කරනවා. මගේ බබාව බලාගන්නෙත් එයාලා. එතකොට මගේ යාළුවෝ, මට මේ ක්ෂේත්‍රයට එන්න අත දුන් වාසනා දන්තනාරායන මිස්, රසික සර්, මිස්ට හර්ෂ(pegasus reef, waththala), දේදුණු මිස්, සමන්ත ගුණසේකර සර්, ජොනී ගුණසේකර, ශනික, මලීෂා, ඇතුළු මට උදව් කරපු හැමදෙනාටම මම ස්තුති කරනවා.

හැඩගැන්වීම – ඉයන් සංජීව ඩයස්

සටහන – කැලුම් දේවින්ද/  ඡායාරූප – සරසි නෙත්මිණි

රසයට ප්‍රියකරන ඔබට ලොව ජනප්‍රියම ආහාර 10ක්

ලෝකයේ විවිධ රටවල ඒ ඒ රටවලට ආවේණික රසයන්ගෙන් යුත් විවිධ ආහාර වර්ගයන් සකස් කරයි. එම ආහාර අතර ප්‍රණීත බව අනුව ඒවාට ඇති ඉල්ලුමත් වෙනස් වීම දැකගත හැකිය. ලොව පුරා සංචාරය කරන, ආහාර රසයන්ට ප්‍රිය කරන්නන් රස බැලීමට අමතක නොකරන ලොව හොඳම නැතහොත් ප්‍රණීතම ආහාර ලැයිස්තුවක් මෙලෙස අන්තර්ජාලයේ පළකර තිබිණි. 2011 වර්ෂයේ මේ අයුරෙන් සකස් කළ ආහාර ලැයිස්තුවේද මෙහි ඇතැම් ආහාර ඇතුළත් වී තිබිණි. 


මසාමන් කරි (Massaman curr)

curry1

මෙම කරි දීසිය රජ බොජුනක් ලෙස හඳුන්වයි. එසේම සියලුම කරි වර්ග අතර ඉස්තරම්ම කරි වර්ගය ලෙසද මෙය හඳුන්වා දී ඇත. කටට සැර බවක්, පැණි රසක්,තුනපහ මිශ්‍ර රසයක්, කිරි රසයක් මෙම කරියේ අඩංගු යැයි සඳහන්වේ. තායිලන්තයේ සංචාරයේ යෙදෙන කවුරුත් මෙහි රස බැලීමට අමතක නොකරන්නේ එහි ඇති රසය නිසාවෙන්මය.

සුෂී  ( Sushi)

sushi_1

 අමු මාළු හා බත් මිශ්‍ර මෙම ප්‍රණීත ආහාරය ජපන් ජාතිකයන්ට විශේෂ වූ ආහාරයකි. ජපානයේ සංචාරය කරන්නන් %සුෂී^ රස බලන්නට අමතක නොකරන්නේ එහි ඇති සුවිශේෂී බවත්, රස හා ගුණවත් බවත් නිසාමය.

පෙනන්ග් අසැම් ලක්සා ( Penang assam laksa)

366

මැලේසියානු ආහාර වර්ගයක් වන මෙම ආහාරය නූඩ්ල්ස් සමග ආහාරයට එක් කර ගැනීම වඩාත් ජනප්‍රියය. ප්‍රණීත රසයකින් මෙන්ම දිව පිනායන සුවඳකින්ද යුක්ත මෙම ආහාරය සැකසීමට මැකරල් මාළු, සියඹලා, මිරිස්, මින්ට්, සැල්දිරි, ලූණු, අන්නාසි ආදිය යොදා ගනී.

ටොම් යම් ගුන්ග් (Tom yum goong)

13958431771395060197dry-tom-yum-prawn

ලොව හොඳම ආහාර 10 අතරට එක්වන තවත් එක් තායි ආහාරයක් වන මෙම ආහාරය සඳහා ලොකු ඉස්සන්, බිම්මල්, තක්කාලි, සැල්දිරි, දෙහි කොළ, උකු පොල්කිරි ආදිය යොදාගනී. මෙහි රසය ලුණු මිශ්‍ර තුනපහ රස හා පැණි රස මුසුවී ඇති බවට පැවසේ

හැම් බර්ගර් (Hamburger)

Hamburgers-got-their-name-from-Hamburg-Germany

ලොව වෙසෙන්නන් වාර්ෂිකව ඇමෙරිකානු ඩොලර් බිලියන 20කට අධික මුදලක් %බර්ගර්^ මිලදී ගැනීම සඳහා වියදම් කරන බවට පැවසේ. මෙම %බර්ගර්^ වර්ග අතර %මෙක්සිකානු බර්ගර්^වලට ඇත්තේ ඉහළ ඉල්ලුමකි. ඒ එම 'බර්ගර්' අනෙක් රටවල නිෂ්පාදනය කරන 'බර්ගර්'වල රසයන්ට වඩා රසයෙන් ඉහළ නිසාවෙනි. 

අයිස් ක්‍රීම් (Ice cream) 

BBB64-Ice-Cream-Party-Thumbnail-FINAL

ලොකු කුඩා කොයි කවුරුත් වයස් ෙභ්දයකින් තොරව රස බැලීමට කැමැති ආහාරයක් ලෙස අයිස්ක්‍රීම් සඳහන් කළ හැකිය. විවිධ රසයන්ගෙන් යුතු අයිස්ක්‍රීම් සමග මාෂ්මෙලෝස්,චොක්ලට් සෝස් මෙන්ම විවිධ කජුවර්ග මිශ්‍ර කර රස බැලීමටද අයිස්ක්‍රීම් ලෝලීහු ප්‍රිය කරති.

චිකන් මෞම්බා (Chicken muamba)

3d27802984c88a52ce573bfb74a84d67

ගැබෝනාවේ ප්‍රණීත ආහාරයක් වන මේ සඳහා රටකජු හා බටර් යොදාගනී. තවද සැරෙන් අධික මිරිස්, සුදු ලූනු, තක්කාලි, ගම්මිරිස්, ලුණු, බණ්ඩක්කා, ආදිය යොදා මෙම කුකුළු මස් වෑංජනය සකස් කර ගනියි. අප්‍රිකානු බටර්වල රසය එක් කරන මෙම ආහාරය ලොව හොඳම ආහාර අතරට එක්ව තිබේ.

මෙක්සිකානු චොකලට්  (Chocolate)

chocolates-1-1024x702

ලොව අස්සක් මුල්ලක් නෑර ජීවත්වන්නන් ප්‍රිය කරන ආහාරයක් ලෙස චොකලට් නම්කළ හැකිය. මේ අතරින්  කිරි මිශ්‍ර මඳක් තිත්ත රසයක් හා ප්‍රණීත රසයක් ඇති මෙක්සිකානු චොක්ලට්වල ඇත්තේ අමුතුම ආකාරයේ රසයකි. මේ හේතුවෙන්ම මෙක්සිකානු චොක්ලට් ලොව රසවත්ම ආහාර අතරට එක්ව තිබේ.

පෙකින්ග් ඩක් (Peking duck)

Beijing-Roast-Duck

පෑන් කේක්, බෝංචි ඇට වැනි ආහාර සමග මෙම පිළිස්සූ තාරා මස් ආහාරයට ගනී. උඳුනක සෙමින් පුළුස්සා ගන්නා තාරා මස් මත %maltose^ නමැති සිරප් වර්ගයක් තවරා ගැනීම මෙම පිළිස්සූ මස්වල අමුතු දිලිසෙන ස්වභාවයට හේතු වී තිබේ. මේවා ආහාරයට ගැනීමට චීන ජාතිකයන් මෙන්ම චීනයේ සංචාරයේ යෙදෙන්නන්ද මහත් සේ ප්‍රිය කරන බවට පැවසේ.

සුද්දන් තැනූ ඩෙනිමට අපේ රටේ බතික් කලාව මුසු කළ පළමු කත

වසරක් ගෙවී, නව වසරට බලාපොරොත්තු ගොන්නක් සමග පා තැබුවා පමණයි. ඇත්තටම බලාපොරොත්තු තමයි අපව ජීවත් කරවන්නෙ. ඒත් ඒ බලාපොරොත්තුවලින් කීයෙන් කීයද අපට සපුරා ගන්න පුළුවන් වෙන්නෙ. ආපස්සට හැරිලා බලන්න ගිය වසර ආරම්භයේ ඔබ බලාපොරොත්තු වූ දේවල්වලින් කීයෙන් කීයක් සාර්ථක වුණාද කියලා. සමහර විට එයින් අඩක්වත් සපුරා ගන්න නොහැකි වෙන්න ඇති. ඉතින් වසර ආරම්භයේම ඔබට මේ කියන්නට සූදානම් වෙන්නෙ ජීවිතයේ බලාපොරොත්තු ගොන්නක් සපුරාගෙන අද වෙද්දි ස්ථාවරයක් වගේම තමන්ගේ නම ජාත්‍යන්තරයට රැගෙන ගිය දිරිය කාන්තාවක් ගැනයි. ඇය නමින් කාංචනා ප්‍රනාන්දු. ඇයගේ කතාවත් නිසැකවම ඔබට යම් දිරියක් වේවි. 


මොරටුව නගරයේ උපත ලබා ශ්‍රී ලාංකේය අනන්‍යතාවේ එක් සලකුණක් වූ ‘බතික්’ විලාසිතාව නව මානයකින් ලොව පුරා ව්‍යාප්ත කරන්නට කාංචනාට මේ වන විට හැකියාව ලැබී තිබෙනවා. ඇය මොරටුව, රාවතාවත්ත මෙතෝදිස්ත ප්‍රාථමික විද්‍යාලයෙන් පාසල් ගමන අරඹා ද්විතීයික අධ්‍යාපනය සඳහා කොළඹ සිරිමාවෝ බණ්ඩාරනායක විදුහලට ඇතුළත් වූයේ බලාපොරොත්තු ගොන්නක් සමගයි. පාසල් ගමන සාර්ථකව නිමකර සරසවි වරම්ද ලබා ගනිමින් 2017 වර්ෂයේ හොඳම ව්‍යවසායිකාව ලෙස ඇය කිරුළු පැලඳුවාය. මේ ඇයගේ කතාවයි.

“බතික් කියන්නේ අපේ පවුලේ ව්‍යාපාරයක්. අම්මයි, තාත්තයි තමයි මේ ව්‍යාපාරය පටන් ගත්තෙ මීට වසර 30කට පමණ පෙරදී. අම්මයි, තාත්තයි කරන දේවල් මම පොඩි කාලයේ ඉඳන් දැකලා මටත් බතික් ඉගෙන ගන්න පුළුවන් වුණා. මට පොඩි කාලයේ ඉඳන් නිර්මාණවලට හැකියාවක් තිබුණා. මම කැමැති නැහැ වෙන කවුරුත් ඇඳන් යන එකක් ඇඳන් යන්න. අම්මට හොඳට මහන්න පුළුවන්. අම්මාගෙන් බලන් ඉඳලා මම හත වසරේදීම නිල ඇඳුම මහලා ඇඳන් යනවා. පන්ති යද්දි ඇඳුම් මහගෙන ඇඳන් යනවා. ඒ වගේම බතික් රෙදිකෑලි ඉතිරි වෙන ඒවායෙන් ඇඳුම් මහනවා. IMG_1492

මට මුල් කාලයේ මගේ අනාගතය ගැන ලොකු සැලසුමක් තිබුණේ නැහැ. ඉගෙන ගන්න ඕන මොනවාද කියලා දැනගෙන හිටියට මොනවාද ඊළඟට කරන්නෙ කියලා දැනගෙන හිටියේ නැහැ. එහෙම ලොකු වගකීමක් නැහැ. ගෙදරින් හැමදේම ලැබුණු නිසා. මම උසස් පෙළ සඳහා ගණිත අංශය තෝරා ගත්තා.  උසස් පෙළ ප්‍රතිඵල ආවාම මම සංයුක්ත ගණිතය, භෞතික විද්‍යාව සමත් නමුත් රසායන විද්‍යාව අසමත්. අසමත් වුණොත් මොකද කරන්නෙ කියලවත් දැනගෙන හිටියේ නැහැ. ඊට පස්සෙ මම හිතුවා දෙවැනි පාර කරන්න බැහැ කියලා. මොකද මම සංයුක්ත ගණිතයට කැමැති වුණාට අනෙක් විෂයයන්ට කැමැති නැති නිසා. පස්සෙ ඩිසයිනින් පැත්තෙන් උපාධියක් කරනවා කියලත් හිතුවා. ඊට පස්සෙ මම නැවත උසස් පෙළ කරලා සරසවි වරම් ලබා ගන්නවා ජයවර්ධනපුර සරසවියේ. ඒත් මම සරසවියේදී ‘ස්ටැට් මැත්ස්’ පරිගණක පාඨමාලාව තෝරා ගත්තා. ඒත්  පළමුවැනි දවසේ ඉඳන් ඒ එක විෂයකටවත් මම කැමැති නැහැ. ඒ වෙලාවේ හිතුණා අපරාදෙ ඩිසයිනින් කරන්න තිබුණෙ කියලා. 

කැම්පස් ඉවර කරපුවාමත් මට ඕන ඩිසයිනින් පැත්තට යන්න. ඒ කාලය වෙද්දි අපේ බිස්නස් එක ටිකක් වැටිලා තිබුණෙ. ඒ සුනාමි ඇවිත්. යුද්ධය නිසා සංචාරක කර්මාන්තය කඩා වැටිලා තිබුණා. මොකද අපි ගොඩක් බතික් නිර්මාණ කළේ සංචාරකයන් වෙනුවෙන්. අපි ඊට පස්සෙ හිතුවා සංචාරකයන් වෙනුවෙන් පමණක් කරන්නෙ නැතිව දේශීය වෙළෙඳ පොළට මොනවාද කරන්න පුළුවන් කියලා. ඊට පස්සෙ අම්මා ‘ඔඩෙල්’ එකට ගිහින් කතා කරලා අපට කොහොම හරි බ්ලවුස් 400ක ඇණවුමකුත් ලැබුණා. අම්මා ඩිසයිනින් කරන එක මම මැහුවා. මොකද ඒ ඕඩර් එකේ පොඩි නූලක පවා වෙනසක් තිබුණොත් ඒ අය රිජෙක්ට් කරනවා. ඊට පස්සෙ බිස්නස් එකේ ඒ පැත්තටත් ආස හිතුණා. 

2009 අවුරුද්දෙ ‘යුනිලීවර්’ ආයතනය විසින් සංවිධානය කරනු ලැබුවා ‘සිලොන්ටා තරුවක් වෙන්න වරම්’ කියලා රියැලිටි ෂෝ එකක්. ඒ තරගයට මම ඉල්ලුම් කළා. මම ඒකට තේරුණා. මේකෙ අවසාන තරගය තිබුණෙ ජනකලා කේන්ද්‍රයේ. අවසාන තරගයේදී අපට විනිශ්චය මණ්ඩලය ඉදිරිපිට නිර්මාණයක් කරලා ඉදිරිපත් කරන්න ඕන. එහිදී මම සාරි එකක් ඩිසයිනින් කළා. ඒකෙන් මම තෙවැනි ස්ථානය ගත්තා. 

පස්සේ මම කැම්පස් අවුට් වෙලා රැකියාවක් සෙව්වා. නමුත් මම ආස කළේ ඩිසයිනින් පැත්තෙන් තියෙන ජොබ් එකකටයි. නමුත් මට තිබුණෙ ඩිසයිනින් සම්බන්ධ උපාධියක් නොවූ නිසා ඒ අවස්ථා මට ලැබුණෙ නැහැ. ඊට පස්සෙ රැකියා පුහුණු වීමක් ලැබෙනවා ලෝකයේ ලොකුම පරීක්ෂණ ආයතනයක් වන නීල්සන් ආයතනය. ඒත් මම කැමැති ඩිසයිනින් පැත්තට. අපේ කැම්පස් එකේ තිබුණා ‘AIESEC’ කියලා ශිෂ්‍ය සංගමයක්. ඒක අන්තර්ජාතික සංගමයක්. අපි ඒ හරහා වෙන රටවල අය සමග ගනුදෙනු කරනවා. ඒ හරහා වෙන රටවල තිබෙන රැකියා සඳහා ඉල්ලුම් කරන්න හැකියාව තිබෙනවා. එහි තිබුණා එක් රැකියා පුරප්පාඩුවක්. ඒක ඩිසයින් හවුස් එකක් පාකිස්තාන්වල. එහි ඉල්ලලා තිබුණු සුදුසුකම් තමයි පරිගණක කළමනාකරණය සහ ඩිසයිනින් පැත්ත. ඒ දෙක එකට මුසුවන අවස්ථා හරිම අඩුයි. මේ දෙපැත්ත ගැනම මට දැනුමක් තිබුණු නිසා මම ඒ සඳහා ඉල්ලුම් කළා. මාව ඒ සඳහා තේරුණා. ඊට පස්සෙ මම පාකිස්තාන්වල අවුරුද්දක් වැඩ කරලා ලංකාවට ආවා. මට සිහිනයක් තිබුණා ‘Mas’ එකත් එක්ක සම්බන්ධ වෙන්න. මම ඒ ආයතනයට සම්බන්ධ වුණා මර්චන්ඩයිසර් කෙනෙක් විදියට. 

695A9394

මේ කාලයේ අපි පටන් ගත්තා දේශීය වෙළෙඳ පොළට සාරි ඩිසයිනින් කරන්න. මේ කාලයේ ගොඩක් වෙලාවට යාළුවො මාර්ගයෙන් තමයි ගොඩක් අය අතරට ගියේ. මේ කාලයේ ෆේස්බුක් පේජ් එකකුත් පටන් ගන්නවා ‘සනාතන බතික්’ කියලා. ඒ මාර්ගයෙන් කටින්කට ගිහින් ගොඩක් අය අතරට යන්න පුළුවන් වුණා. අම්මා බතික් ඩිසයිනින් එක කරනවා, මම පැට්න් එක හදනවා. 
මට පුළුවන් ඕන ඇඳුමක් මහන්න. මට ඒ දේවල් කරන්න හැකියාව ලැබුණේ අම්මාගෙන්. මෙහිදී මම කරන්නෙ මට ඇඳුමක් ඩිසයින් කරගෙන මම ඇඳන් යනවා. එතකොට දකින අය අහනවා කොහෙන්ද ගත්තෙ කියලා. ඒ දෙයිනුත් ගොඩක් අය දැනගත්තා අපි ඇඳුම් ඩිසයිනින් කරනවා කියලා. ඇත්තටම මට හැමදාම ඔෆිස් යද්දි අලුත් ඇඳුමක් අඳින්න ඕන. කොහොම හරි ඔෆිස් එකේ මාස දෙකක් විතර හැමදාම අලුත් ඇඳුම් මහමහ ඇන්දා. හැමදාම ඇඳුම් මහන්න බැරි නිසා පස්සෙ මම හැම සඳුදාම අලුත් ඇඳුමක් අඳින්න ගත්තා. ඒ වගේම මම හිතනවා ලස්සනට වඩා පෞරුෂය වැදගත් කියන එක. ඔෆිස් එකේ වුණත් මම අඳින්නෙ මට යන්න ඕන ඊළඟ ලෙවල් එක ගැන හිතලා. හැමදාම මට හොඳ දවසක්. මම හැමදාම ඔෆිස් යන්නෙ එකම පිළිවෙළකට. හොඳ දවස් නරක දවස් කියලා මගේ ජීවිතේ නැහැ. මට හැමදාම අලුත් දවසක්. මම ලස්සනට ඇඳගෙන ඉද්දි මට කාහරි ඉදිරියට ගිහින් කතා කරන්න පුළුවන් හැකියාව වැඩියි. ‘eye look good’ කියන හැඟීම මට හැමදාම තිබෙනවා. ඒක මගේ ආත්ම තෘප්තියක් වගේම ඒක එක පැත්තකින් මගේ විලාසිතා නිර්මාණ ප්‍රවර්ධනය කර ගැනීමක්. ඇත්තටම මම ඩිසයිනර් කෙනෙක් නම් අනිත් අය දැනගන්න ඕන මම ඩිසයිනර් කෙනෙක් කියලා. ඒ අයට මම කියලා වැඩක් නැහැ, මම ඩිසයිනර් කෙනෙක් කියලා. ඒ අය ඇවිත් අහනවා නම්, මම ඩිසයිනර් කෙනෙක් නේද කියලා ඒක තමයි සාර්ථකත්වය.
ඒ වගේම මගේ ලොකු සිහිනයක් තිබුණා විලාසිතා දැක්ම කිහිපයක් කරන්න. ලංකාවේ තිබෙනවා ෆැෂන් ෆෙස්ටිවල් එකක් ‘AOD’ (Academy of design school) කියලා. 2013 දී ඒ තරගයේ මම පළමු වටයෙන් තේරුණා. මට ඒ හරහා ‘AOD’හි විදුහල්පතිවරයා හඳුනා ගන්න හැකියාව ලැබුණා. ඒ වගේම මේ ෆැෂන් ෂෝ එකේ වැඩවලට මගේ ආයතනයෙන් විශාල සහයෝගයක් ලබා දුන්නා. ඔෆිස් එකේ වැඩ අපි හොඳට කරනවා නම් අපේ බාහිර දේවල්වලට ඔෆිස් එකෙන් ගොඩක් 
උදව් කරනවා. 

22894494_1547565665324199_1944937688178500884_n

ඒ ෆැෂන් ෂෝ එකෙන් පස්සෙ හැඳුනුම්කම් ගොඩක් ඇතිවුණා. ඒ හරහා අපට ඇණවුම් ගොඩක් ලැබුණා. ඊට පස්සේ 2015 දී නැවත වතාවක් ඒ තරගය පැවැත්වුණා. එහි නම වෙනස් කළා ‘Mercedes Benz Fashion Week’ කියලා. ඒ අය තමයි ලෝකෙ ගොඩක් ෆැෂන් වීක් කරන්නෙ. ඒ පාරත් තරගය පැවැත්වුණා. මම ඒ පාරත් තරගය සඳහා ඉල්ලුම් කළා. ඒ පාර තරගය ‘Sustainable Award’ කියන අංශයකින් පැවැත්වුණා. එහිදී ඔවුන් බැලුවේ ඉවතලන දෑ උපයෝගී කරගෙන සිදු කරන නිර්මාණ සම්බන්ධවයි. 
මේ තරගය සඳහා ඉදිරිපත් වූ ගොඩක් අය විලාසිතා නිර්මාණකරණය සම්බන්ධ උපාධි තිබෙන අය. ඒ අයට අලුත් අදහස් ගොඩක් තිබුණා. අපි සාමාන්‍ය දෙයක් කළාට අපට උඩට යන්න බැහැ. ඒ වගේම පළමු වටයේදී දැනගත්ත දෙයක් තමයි මිනිස්සු අවුරුද්දක් විතර පරීක්ෂණ කරලා තමයි නිර්මාණ ඉදිරිපත් කරන්නෙ. 

මම ඒ නිසා හිතුවා මොකක් හරි අලුත් දෙයක් කරන්න. එතකොට තමයි මට අදහසක් ආවේ මගේ පරණ ඩෙනිම් එකක් තිබුණා. ඒකෙ පැල්ලමක් ගෑවිලා තිබුණෙ. මට හිතුණා ඒකට බතික් එකක් කරලා බලන්න. ඊට පස්සෙ ඩෙනිම් එකට බතික් එකක් කරලා මම ඒක අඳින්න ගත්තා. ඒක ලස්සනට ආවා. මම ඊට පස්සෙ පරණ ඩෙනිම්ස් එකතු කළා. ඊට පස්සෙ ඒවා ඩිසයින් කරලා තරගයට ඉදිරිපත් කළා. ඒකට ඒ අය ගොඩක් කැමැති වුණා. ඒ තරගයෙන් මම පළමුවැනියා වුණා. ඊට පස්සෙ ගොඩක් අය මාව හඳුනා ගත්තා. 
මට ඕන වුණා ඩෙනිම් බතික් එක ප්‍රමෝට් කරන්න. මොකද ලංකාවේ ගොඩක් බතික් ඩිසයිනර්ස්ලා ඉන්නවා. ඒත් ඩෙනිම් බතික් ඩිසයිනර්ස්ලා නැහැ. ඒ වගේම කොළඹ තිබෙනවා සෑම සෙනසුරාදා, ඉරිදාවකම තිබෙන වෙළෙඳ පොළක් ‘Good Market’ කියලා. මම මගේ කතාව ලියලා මම ඒ වෙළෙඳ පොළෙහි කුටියක් ගන්න ඉල්ලුම් කළා. එහි අලෙවිකරුවෙක් වෙන්න පරිසරයට හානි නොකරන දෙයක් අලෙවි කරන්න ඕන. ඒ අතරේ ඉතිරි වෙන බතික් රෙදි කෑලිවලින් මම සෙරෙප්පු හදන්න ගත්තා. ඊට පස්සෙ මාව තෝරාගත්තා ‘Good Market’ අලෙවිකරුවෙක් විදියට. ඒ හරහා ගොඩක් පාරිභෝගිකයො පිරිසක් ලැබුණා. අපි ඩෙනිම් බතික් මාකට් කළේ ‘පරණ ඩෙනිම ගෙනත් දෙන්න. සතියකින් අලුත් ඩෙනිමක් දෙනවා’ කියලා. ඊට පස්සෙ අපට ගොඩක් අය පරණ ඩෙනිම් ගෙනත් දුන්නා. 
2016 දී මට සහකාර කළමනාකරුවෙකු විදියට උසස් වීමක් ලැබෙනවා. ඒකට හේතුවක් තමයි මම ඔෆිස් එකේ වැඩයි, මේ වැඩයි දෙකම සමබරව කරගෙන යන එක. මගේ ආයතනය වන ‘Mas’ ආයතනයේ විශාල පිරිසක් සේවය කරන්නෙ කාන්තාවන්. ඒ නිසා අපේ ආයතනය හැම විටම උත්සාහ කරනවා කාන්තාවන් නගාසිටුවන්න. ඒ වගේ දේවල්වලට විවිධ වූ වැඩමුළු පවත්වනවා. එහෙම තරගයක් තමයි ‘Women go be on’ කියන්නෙත්. අපට හිතෙනවා නම් අපට විශේෂ හැකියාවක් තිබෙනවා නම්, නායකත්ව හැකියාව තිබෙනවා කියලා අපට පුළුවන් ඒ තරග සඳහා ඉල්ලුම් කරන්න. 2017 වසරේත් මේ තරගය පැවැත්වුවා. එහි වෙනම අංශයක් තිබුණා වසරේ හොඳම ව්‍යවසායිකාව තෝරන. ඒ තරගයෙන් මම ජයග්‍රහණය ලැබුවා. ඒක විශේෂ සම්මානයක්. 
ඒ වගේම ‘2017 Mercedes Benz Fashion Week’ එක සඳහා නිර්මාණ ඉදිරිපත් කරන්න අවස්ථාව ලැබුණා. එහිදී මම නිර්මාණ එකතු දෙකක් කළා. මට අවශ්‍ය වුණේ මේ නිර්මාණ ඊළඟ මට්ටමට ගෙනියන්න. මට හිතෙනවා මේ නිෂ්පාදන ජාත්‍යන්තර මට්ටමට ගෙනියන්න පුළුවන් කියලා. මොකද ඒ ඩෙනිම් බතික් එකට විදේශිකයො ගොඩක් කැමැතියි. 

23031320_1547565591990873_5672568224001662468_n

මගේ ඊළඟ ඉලක්කය තමයි මගේ විලාසිතා චීනයේ සහ ඔස්ට්‍රේලියාවේ වෙළෙඳ පොළ කරා ගෙන යෑමට ‘Pop up Stores’ සංකල්පය භාවිත කිරීම. ඒකත් හරියට ‘Good Market’ වගේ. මම ඒකට මේ වනවිට නිර්මාණ එකතුවක් සූදානම් කරගෙන යනවා. මගේ ඊළඟ සිහිනය තමයි ‘New York  Fashion Week’ එකේ මගේ නිර්මාණ එකතුවක් කරන එක. 

ඒ වගේම මගේ ළඟ දැනට වැඩ කරන්න ඉන්නෙ පස්දෙනෙක් වගේ. බතික් කර්මාන්තය පැත්තෙන් වැඩ කරන අය හොයා ගන්න හරිම අමාරුයි. මොකද මේ කාර්යය පහසු කාර්යයක් නොවන නිසා. ඒ නිසා දැන් මම වෙනම වැඩපිළිවෙළක් ලෙස කළුතර පරිවාසයක් සමග සාකච්ඡා කර තිබෙනවා. එමගින් ළමයින්ව බතික් සම්බන්ධ පුහුණුවක් ලබාදීලා ඒ අයට රැකියාවක් ලබාදීම මගේ අරමුණ වෙලා තිබෙනවා. ඒක ලොකු වගකීමක්. නමුත් ඒක හොඳ වැඩක් නිසා අපි තීරණය කළා ඒ අයට රැකියාවක් ලබා දෙන්න.* 
අද කාලයේ හොඳට අලෙවිකරණය (Marketing) පුළුවන් නම් ඕන දෙයක් විකුණන්න පුළුවන්. වැඩිපුර වැදගත් වෙන්නෙ ව්‍යාපාරයකදී ඒ දේට දක්‍ෂතාවටත් වඩා අපි කොහොමද ඒක වෙළෙඳ පොළට දාන්නෙ කියන කාරණය. මොකද මොන තරම් දක්‍ෂ ව්‍යවසායකයෙකු වුණත් වැඩක් නැහැ අපි ඒ දේ අලෙවි කරන්න දන්නෙ නැත්නම්. ඒ එක්කම තමන් ආස වෙන්නත් ඕන කරන දේට. බිස්නස් එකක් බලන පැති ගොඩක් තියෙනවා. අපි මුලින්ම හිතන්න ඕන අපි මොකද්ද කරන්න කැමැති කියලා. සමහර වෙලාවට හොඳම දෙයක් නිර්මාණය කරන කෙනා නෙමෙයි ඒ දේ හොඳට විකුණන්න පුළුවන් කෙනා සාර්ථක වෙන්න පුළුවන්. ඒ වගේම ව්‍යාපාරයක් පටන් ගත්ත ගමන් ලාභයක් ලබන්න බැරි වෙන්න පුළුවන්. නමුත් හැම අවුරුද්දකම සැලසුමක් තියෙන්න ඕන මොකද්ද අපි මේ අවුරුද්දෙ කරන්නෙ කියලා. මේ අවුරුද්දෙ සමහර විට ආයෝජනයක් පමණක් වෙන්න පුළුවන්. ලබන අවුරුද්දෙ අපි ලාභ ලබන්නෙ කොහොමද කියලා හිතන්න අවශ්‍යයි. ඉස්සෙල්ලාම කරන්න ඕන බය නැතිකර ගන්න එක. මොකද ව්‍යාපාරයක් කියන්නෙ වගකීමක්. සමහර වෙලාවට ව්‍යාපාරය සාර්ථක වෙන්නත් පුළුවන්, අසාර්ථක වෙන්නත් පුළුවන්. තමන්ට සිහිනයක් තියෙනවා නම්, මට මේ දේ කරන්න ඕන කියලා. ඒ දේ සාර්ථක කර ගන්න අපහසු වෙන එකක් නැහැ. 

අප මේ ඔබට පැවසුවේ ඇයගේ සාර්ථකත්වයේ කතාවයි. ඇත්තටම ඔබේ ජීවිතයට ඇයගේ මේ කතාව වැදගත් වේවි. මේ ලැබූ නව වසර අලුත් විදියකින් අරඹන්න පන්නරයක් වේවි. ඒ නිසා ‘අද’ අප කාංචනාට වගේම ඔබටත් ඔබේ බලාපොරොත්තු ඉටුවන වසරක් වෙන්න කියා ප්‍රාර්ථනා කරනවා. 
ඔබට ජය.

695A9402 695A9416 23167778_1853487324691501_5556729386299926123_n 23172391_1547565675324198_7513947234390472740_n

 

නව වසරේ පතිකුලයට යන ඔබට

නව වසරේ ආරම්භයත් සමග පතිකුලයට පිවිසීමේ අපේක්‍ෂාවෙන් සිටින ඔබට සාම්ප්‍රදායික උඩරට මනාලියක් ලෙස හැඩවන්නට ගැළපෙන විලාසිතා රැසක් ගාල්ල ලයිට්හවුස් හෝටල් පරිශ්‍රයේ පැවැති %මංගල මොහොතේදී^ 'අද' කැමරාවේ මෙලෙස සටහන් විය. 

ඡායාරූප – දිස්න  ධර්මරත්න

IMG_9156 IMG_9159 IMG_9161 IMG_9164 IMG_9174 IMG_9179

2016 වර්ෂයේදී, විවිධ මට්ටමේ ප්‍රමාදයන් නිසා මාතෘ මරණ 68%ක්

bdr

2016 වසරේ සිදු වූ මාතෘ මරණ සමාලෝචන වාර්තාව සෞඛ්‍ය, පෝෂණ හා දේශීය වෛද්‍ය අමාත්‍ය දොස්තර රාජිත සේනාරත්න මහතාට පිරිනැමීම සෞඛ්‍ය අමාත්‍යාංශයේදී පසුගියදා සිදු කෙරිණි. 
වාර්තාව බාරදෙනු ලැබුවේ පවුල් සෞඛ්‍ය කාර්යාංශයේ අධ්‍යක්ෂිකා වෛද්‍ය ප්‍රියාණි සේනාධීර මහත්මිය සහ ප්‍රජා වෛද්‍ය විශේෂඥ කපිල ජයරත්න මහතා විසින්ය. 
රට තුළ වාර්තා වන සෑම ගර්භිණී හෝ පසු ප්‍රසව මරණයක්ම වැරදි නොසොයන පදනමක් තුළ පුළුල් විමර්ශනයකට ලක්කරනු ලබයි. මෙම ක්‍රියාවලිය ක්‍ෂේත්‍ර, රෝහල්, දිස්ත්‍රික් සහ ජාතික මට්ටමේදී සියලුම සෞඛ්‍ය කාර්යමණ්ඩලවල සහභාගිත්වයෙන් සිදුකරනු ලැබේ. මෙම ක්‍රියාවලියේ ප්‍රධාන විද්වත් දායකත්වය 

ශ්‍රී ලංකා ප්‍රසව හා නාරිවේද වෛද්‍යවරුන්ගේ සංගමය ලබාදෙයි. ශ්‍රී ලංකා නිර්වින්දන වෛද්‍යවරුන්ගේ සංගමය සහ ශ්‍රී ලංකා අධිකරණ වෛද්‍යවරුන්ගේ සංගමයද තාක්‍ෂණික සහාය ලබාදෙයි. 
මෙම වාර්තාවට අනුව 2016 වසරේදී මාතෘ මරණ 112ක් සිදුව ඇත. ඒ අනුව මාතෘ මරණ අනුපාතිකය සජීවී දරු උපත් ලක්‍ෂයකට 33.8ක් ලෙස ගණනය කර තිබේ. මෙය දකුණු ආසියාතික කලාපයේ සාධනීය තත්ත්වයක තිබෙන මාතෘ මරණ අනුපාතිකයයි. එහෙත් පසුගිය වසර 07 පුරාම ශ්‍රී ලංකාවේ මාතෘ මරණ අනුපාතිකය එකම මට්ටමේ පැවතිණි. ඍජු මාතෘ මරණ මෙවර වැඩි වී ඇත. එය 55෴කි. පසු ප්‍රසව රක්තපාතය, හදවත් රෝග හා ගැබ් තරලය රුධිරයට මුසුවීම ප්‍රධානතම හේතු ලෙස සොයාගෙන තිබේ. මාතෘ මරණවලින් 68෴ක්ම විවිධ මට්ටමේ ප්‍රමාද වීම් නිසා සිදුව ඇත. මියගිය මවුවරුන්ගෙන් 43%ක් නිසි වේලාවට වෛද්‍ය උපදෙස් ලබාගෙන හෝ රෝහලකට පැමිණ නොමැත. සෞඛ්‍ය කාර්යමණ්ඩලවල ප්‍රමාද වීම් මරණ 44කට ඍජු හෝ වක්‍රව දායක වී ඇත. නිසි පවුල් සැලසුම් ක්‍රමයක් භාවිත නොකිරීම නිසා මවුවරු 20කට ජීවිතය අහිමි වී තිබේ. 

අදාළ මරණවලින් 55%ක් වළක්වාගත හැකිව තිබූ මරණ බවද එම වාර්තාවේ දැක්වේ. 
එම මරණ තවදුරටත් සිදුවීම වැළැක්වීම සඳහා ගත යුතු ක්‍රියාමාර්ග පිළිබඳ ප්‍රතිපත්තිමය තීරණ රැසක් මෙහිදී ගනු ලැබීය. 
මෙම අවස්ථාවට සෞඛ්‍ය සේවා අධ්‍යක්‍ෂ ජනරාල් විශේෂඥ වෛද්‍ය අනිල් ජාසිංහ, නියෝජ්‍ය සෞඛ්‍ය සේවා අධ්‍යක්‍ෂ ජනරාල්වරුන් වන සුනිල් ද අල්විස් සහ හේමන්ත බෙනරගම යන මහත්වරුද, 
ශ්‍රී ලංකා ප්‍රසව හා නාරිවේද වෛද්‍යවරුන්ගේ සංගමය නියෝජනය කරමින් එහි සභාපති මහාචාර්ය දීපාල් වීරසේකර, ශ්‍රී ලංකා නිර්වින්දන වෛද්‍යවරුන්ගේ සංගමය නියෝජනය කරමින් විශේෂඥ වෛද්‍ය රම්‍යා අමරසේන ඇතුළු වෛද්‍ය කණ්ඩායමක්ද එක්ව සිටියහ.