Category Archives: technology

ගේමින්ග් ලැප්ටොප් පරිණාමයේ මීළඟ පුරුක

ගේමින්ග් පරිගණකයක් යැයි කියූ විට දැවැන්ත දෘඪාංග එකලස් කළ ටවර් කේසිනයන්, විවිධාකාරයේ ගේමින්ග් ආදාන උපාංග ඇතුළු සම්පූර්ණ ගේමින්ග් ස්ටේෂන් එකක් සිහියට නැගෙනා කාලයක් මීට දශක දෙකකට තුනකට පෙර තිබූ බව අප මින් පෙරද යළි යළිත් කියා ඇත්තෙමු. තවමත් පරිගණක ක්‍රීඩා වෙනුවෙන්ම එවැනි අතිප්‍රබල ගේමින්ග් ස්ටේෂන් එකලස් කරන්නන් සිටියද, මේ වනවිට එය අතීතකාමී මතකයක් පමණක් බවට හැරෙමින් තිබේ. මන්දයත් මේ වනවිට පරිගණක ක්‍රීඩා වෙනුවෙන්ම නිර්මාණය වූ ගේමින්ග් ලැප්ටොප් වැනි වඩාත් හුරුබුහුටි උපාංගයන් පැමිණෙමින් තිබෙනා බැවිනි. කෙසේ නමුත් මෙය තාක්ෂණික ලෝකයේ සෑම තැනම සිදුවූ පරිද්දෙන් පරිගණක ක්‍රීඩා ලෝකයේද සිදුවෙමින් පවතින නොවැළැක්විය හැකි පරිණාමයයි. මිනිසා ක්‍රම ක්‍රමයෙන් තමන්ගේ දැවැන්ත පරිගණකයන් අතේ ගෙනයා හැකි හුරුබුහුටි උපාංගයන් තුළට සංයුක්ත කළ ආකාරයටම, ගේමින්ග් පරිගණක උපාංගයන්ද එම පරිණාම රීතියම අනුගමනය කරමින් තිබේ.

1 (1)

 මෙතෙක් ගේමින්ග් පරිගණකද ක්‍රම ක්‍රමයෙන් සිය හැඩිදැඩි මුහුණුවර හලා, වඩාත් සුමට සහ හුරුබුහුටි හැඩයන් ලබාගනිමින් තිබූ බව දකින්නට හැකිවිණි. කෙසේ නමුත් මෙතෙක් වෙනස් කළ හැකි තිර හා යතුරුපුවරු ආකාරයන් සමගින් නිර්මාණය වූ 'කන්වර්ටබල්' ලැප්ටොප් යන්ත්‍ර ලෙසින් ගේමින්ග් පරිගණක නිෂ්පාදනය වී තිබෙනු දක්නට නොලැබුණි. දැන් එම පියවරද සම්පූර්ණ කරමින් Acer වෙතින් කන්වර්ටබල් නෝට්බුක් පරිගණකයක් වෙතට ගේමින්ග් පරිගණක යන්ත්‍රයක් එකලස් කර ඇත්තේ එය ගේමින්ග් පරිගණක යන්ත්‍ර පරිණාමයේ මීළඟ පුරුක බවට පත්කරමිනි.

මේ හඳුන්වාදෙන Acer Nitro 5 Spin කන්වර්ටබල් ගේමින්ග් ලැප්ටොප් උපාංගයයි.

1 (2)

මෙය දැනට වෙළෙඳ පොළේ ඇති වඩාත්ම ප්‍රබල ගේමින්ග් ලැප්ටොප් උපාංගයන්ගෙන් එකක් නොවේ. එසේ වුවත් ඔබ දිනපතා ඔබේ කාර්යාලයීය සහ පුද්ගලික වැඩකටයුතු සඳහා යොදාගත හැකි, එසේම අවශ්‍ය මොහොතක නවීන පරිගණක ක්‍රීඩා ධාවනය කරමින් උපරිම ක්‍රීඩා අත්දැකීමක් හා තෘප්තියක් ලබාගත හැකි පරිගණක බලයක් සහිත, හුරුබුහුටි කන්වර්ටබල් ලැප්ටොප් උපාංගයක් සොයන්නේ නම් Acer Nitro 5 Spin යනු ඔබටම ගැළපෙන යන්ත්‍රයයි.

මෙය ප්‍රධාන වශයෙන්ම ස්පර්ශ තිරයකින් සහ අංශක 360ක් දක්වා ක්‍රියාත්මක වන අල්ලු පද්ධතියකින් සමන්විත, අඟල් 15.6ක තිරයක් සහිත ලැප්ටොප් පරිගණකයකි. එනම් ඔබට අවශ්‍ය ඕනෑම මොහොතක මෙය ලැප්ටොප් ආකාරයෙන් විශාල ටැබ්ලට් උපාංගයක් බවටත් හරවා ගැනීමට හැකියාව තිබේ. එසේම ඔබට චිත්‍රපට හෝ වීඩියෝ ක්ලිප නැරඹීම සඳහා සි‍ටුවා තැබිය හැකි ආකාරයට පවා මෙය පහසුවෙන් පරිවර්තනය කළ හැකි වේ. මේ සියල්ලම සමගින් පහසුවෙන් වසා ලැප්ටොප් බෑගයක දමාගෙන ගෙන යෑමටද හැකි තරම් මෙය හුරුබුහුටි වේ. සාමාන්‍යයෙන් ඔබ දකිනා ගේමින්ග් ලැප්ටොප් උපාංගයන්ට වඩා නවීන හුරුබුහුටි ගේමින්ග් ලැප්ටොප් උපාංගයන්ගේ දක්නට ඇති සිහින් හැඩය සහ නිමාව වෙත අනුහුරු වී ඇති මෙම Acer Nitro 5 Spin උපාංගය සම්පූර්ණයෙන්ම ඇලුමිනියම් බඳකින් යුතුව, වඩාත් සැහැල්ලු ලෙසින් නිර්මාණය වී ඇත.

මෙම උපාංගයේ ඇති අඟල් 15.6ක FHD, IPS ස්පර්ශ තිරය පහසුවෙන්ම 1080p ප්‍රමාණයේ විභේදනයක් ලබාදෙනු ඇත. එසේම පුළුල්ව නැරඹිය හැකි කෝණයන්ද සහිත මෙම තිරය සමගින් Acer Color Intelligence™ තාක්ෂණයද, Acer BluelightShield™ තාක්ෂණයද පැමිණෙන බැවින් ඔබේ පරිගණක ක්‍රීඩා අත්දැකීම් මෙන්ම සිනමා අත්දැකීම්ද සුපැහැදිලි දසුන් හා තියුණු වර්ණයන්ද සහිතව ලබාගැනීමට හැකියාව ලැබෙනු ඇත.  එසේම Dolby Audio™ Premium, Acer TrueHarmony, Acer Smart Amplifier තාක්ෂණයන් සමගින් ස්ථාපනය කොට ඇති මෙහි ශ්‍රව්‍ය ප්‍රතිදාන පද්ධතියෙන් ලබාදෙන හඬ අත්දැකීම ගැනද කිව යුත්තේ ඔබ ඉහළින්ම තෘප්තිමත් කරන්නට එය සමත්වනු ඇති බවයි. 

1 (3)

මෙය අටවෙනි පරම්පරාවේ ඉන්ටෙල් කෝර් ප්‍රොසෙසරයකින් සහ Nvidia GEForce GTX 1050 ග්‍රැ‍ෆික් ප්‍රොසෙසරයකින් සන්නද්ධව ඇත. එසේම ගිගාබයිට් 16 දක්වා වන ‍රැම් මතකයකින් සහ ගිගාබයිට් 512ක SSD මතක ධාරිතාවකින්ද මෙය සමන්විත වේ. මෙසේ බැලූ විට මෙම Acer Nitro 5 Spin උපාංගය Acer සමාගමේ නිල ගේමින්ග් පරිගණක පතාක යෝධයින් වන Predator ගේමින්ග් ලැප්ටොප් තරම් ප්‍රබල නොවන බව පෙනේ. නමුත් ඔබට පෙනෙනු ඇත්තේ වර්තමානයේ ඇති නවීන පරිගණක ක්‍රීඩා බොහෝමයක් සමගින් සුමට හා සන්තතික ක්‍රීඩා අත්දැකීමක් ලබාදීම සඳහා මෙයට හැකියාව තිබෙනා බවයි.

එසේම මෙහි දෘඪාංග ක්‍රියාකාරීත්වය සලකා බලන විට එයට තත්‍යාසන්න යතාර්ථ (VR) පරිගණක ක්‍රීඩාවන් පවා න්‍යායිකව ධාවනය කිරීමේ හැකියාව තිබුණත්, අතිප්‍රබල ගේමින්ග් පරිගණක යන්ත්‍රයක මෙන් සුමට ක්‍රියාකාරීත්වයක් බලාපොරොත්තු වීමට හැකි නොවනු ඇත.
එසේ නම් මෙය මිලදී ගැනීමට පරිශීලකයන් පෙළඹෙනු ඇත්තේ මක්නිසාද? ඊට පිළිතුර සරල වේ. මෙතෙක් කාලයකට කන්වර්ටබල් ලැප්ටොප් පරිගණකයක් ලෙසින් ජනප්‍රිය වූ ගේමින්ග් පරිගණකයක් ඉදිරිපත් වී නැත. එසේම මෙය ඔබට පහසුවෙන්ම ගේමින්ග් පරිගණකයක් ලෙසින් මෙන්ම, එදිනෙදා වැඩකටයුතු සඳහා අවශ්‍ය වන නෝට්බුක් එකක්, ටැබ්ලට් එකක්, ග්‍රැ‍ෆික් ටැබ්ලට් එකක් මෙන්ම විනෝදාස්වාදය සපයන පුද්ගල පරිගණකයක් ලෙසින් වුවත් භාවිත කිරීමට හැකියාව ඇත. එසේ සලකා බැලූ විට Acer Nitro 5 Spin හි උපයෝග්‍ය වටිනාකම සැබවින්ම ඉහළ බව කිව යුතු වේ.

එසේම මේ මග යමින් තව තවත් නිෂ්පාදකයින් කන්වර්ටබල් ලැප්ටොප් ලෙසත්, සමහර විට අනාගතයේදී ටැබ්ලට් ලෙසිනුත් ප්‍රබල ගේමින්ග් පරිගණක යන්ත්‍ර නිර්මාණය කරනු ඇත.

1 (4)

Google Pixel 2 නිකුත් වීමේ අතුරු කතා

ඔක්තෝබරයේ පස්වැනිදා නිකුත් වීමට නියමිත යැයි පැවසෙන ගූග්ල් සමාගමේ මීලඟ ෆ්ලෑග්ෂිප් උපාංගය පිළිබඳ මේ දිනවල දැඩි කතාබහක් සිදුවෙමින් පවතිනවා. ඉන් ප්‍රධානම කතාවක් වන්නේ එක් ප්‍රධාන තාක්ෂනික ඔත්තු සපයන්නෙකු වන Evleaks හී එවන් බ්ලාස් සිදුකළ Snapdragon 836 සම්බන්ධ ප්‍රකාශයයි.

ඒ නව ගූග්ල් පික්සල් උපාංගය නව Snapdragon 836 චිප් පද්ධතියෙන් සමන්විත වනු ඇති බවයි. එය ඒ මොහොතේදී විශ්වාස කළ හැකි පුවතක් බවට පත්වුනේ සෑම මොහොතකම ගූග්ල් සමාගම තම ෆ්ලෑග්ෂිප් උපාංගය නව තාක්ෂණයෙන් සන්නද්ධ (නෙක්සස් උපාංග පෙලෙහි සිටම) කළ බැවිනුයි. කෙසේ හෝ මෙම Snapdragon 836 පුවත සිදු නොවන බවට මේ වන විට මත ප්‍රකාශ වෙනවා.

එයට ප්‍රධාන හේතුව වන්නේ Qualcomm සමාගම Snapdragon 836 නිකුතුව වසරකින් කල් දැමීමයි. ඒ අනුව ගූග්ල් පික්සල් 2 උපාංගය Snapdragon 835 සමග නිකුත් වනු ඇති. ඒ අනුව Google Pixel 2 සහ XL උපාංග ඔක්තෝබරයේ පස්වැනිදා Snapdragon 835 පිළිබඳව වැඩි සිත් නොසතුටක් තබා ගත නොයුත්තේ, ගූග්ල් නිෂ්පාදන සෑම මොහොතකම ක්‍රියාකාරීත්වය අතින් දොසක් ගෙන නොදුන් බැවිනි.

1 Mockup_3-1

 

ලංකාවේ තොරතුරු තාක්ෂණය ගැන ඔබ අද දැනගත යුතු විස්තරයන්

අද රැකියා අවස්ථා බහුලව පිටරට ඇති ක්ෂේත්‍රය තොරතුරු අංශය යැයි සඳහන් කළ හැකිය. දිනෙන් දින විවිධ ඉසවු ඔස්සේ නව මංපෙත් විවර වී විකාශනය වන තොරතුරු තාක්ෂණ අංශය සඳහා ශ්‍රී ලංකාවේ වසරකට පිරවීමට ඇති රැකියා අවස්ථා ගණන 10,000 සිට 15,000ක පමණ ඇතැයිද සඳහන් කළ හැකිය.අද දවසේ තොරතුරු තාක්ෂණ අංශයෙහි දැනුම ලබාගන්නා පිරිසගේ හෙට දවසේ අනාගතය කෙසේ විය හැකිද?, ඒ පිළිබඳ සහ තොරතුරු තාක්ෂණය ගැන ඔබ දැනගත යුතුම කරුණු රැසක් පිළිබඳ ඔබව දැනුවත් කිරීමට දිවයිනේ මෙම අංශයේ දැනුම ලබාදෙන ප්‍රකට ආයතනයක් වන ඊ- සොෆ්ට් (Esoft) ආයතනයේ කළමනාකාර අධ්‍යක්ෂ, සභාපති සහ අන්තර්ජාතික වශයෙන් පිළිගැනීමට ලක්වූ වෛද්‍ය දයාන් රාජපක්ෂ මහතා අප 'අද' සමග සම්බන්ධ කරගත්තෙමු.


DSC_2700

Q අද ලංකාවේ තොරතුරු තාක්ෂණය තිබෙන්නේ මොන වගේ තැනකද?

තොරතුරු තාක්ෂණය යනු අද රැකියා අවස්ථා සඳහා බෙහෙවින් විවර වූ අංශයක්, වැටුප් ප්‍රමාණය ගැන කතා කළොත් , ඉහළම වැටුප් ස්ථරයක සිට මධ්‍යස්ථ වැටුපක් ලබාගත හැකි අංශයක්. දැනුම සහ ප්‍රා‘යෝගිකත්වය දෙස බැලුවොත්, අපි උපරිම තැනට තවම පැමිණ නැහැ. නමුත් ඊයෙට වඩා අද දවස ශීඝ්‍ර දියුණුවක් ලබා තිබෙනවා. හෙට දවසෙන් ශ්‍රී ලංකා භූමිය එහි උච්චතම ස්ථාවරයට ගමන් කරයි. 

Q මේ රැකියා සඳහා වූ අවකාශය නිසාද, මවුපියන් දරුවන් වඩාත් මේ ක්ෂේත්‍රයට යොමු කරවීමට උනන්දු වන්නේ? එය දරුවන්ට කරන බලපෑමක් නෙවෙයිද?

කොහෙත්ම නැහැ. ළමයාට පීඩනයක් වන්නේ ළමයා අකමැති දෙයකට යොමු කළ විටයි. ඒ නිසා දක්ෂතාව හඳුනාගෙන ළමයින්ව මෙහෙයවීම ඉතා වැදගත්. අද මේ ක්ෂේත්‍රය තම පසුම්බිය විශාල ලෙස සරු කරවන අංශයක් බවට පත්වෙලා. රැකියා අවස්ථාත් බොහොමයි.
මෑතකදී ඔබ ආයතනය උපාධි ප්‍රදානෝත්සවයක් පැවැත්වුවා. මෙලෙසින් වසරක් පාසා තොරතුරු තාක්ෂණ අංශයේ දැනුම ලබාදෙන තවත් බොහෝ ආයතන තිබෙනවා. මේ සියලු අංශ වෙතින් සමාජගත වන පිරිසට මොන වගේ රැකියාද විවර වී තිබෙන්නේ? 
අපි මෙවර උපාධි ප්‍රදානෝත්සවය පැවැත්වූවේ පස්වැනි වතාවටයි. මෙවර පශ්චාත් උපාධි සහ උපාධි ලැබූ පන්සීයකට වඩා වැඩි පිරිසකට උපාධි ප්‍රදානය කෙරුණා. මේ උපාධි අපි පිරිනමන්නේ බ්‍රිතාන්‍යයේ පිළිගත් සරසවි ආයතන වෙතින්. ව්‍යාපාර කළමනාකරණය, තොරතුරු තාක්ෂණය, පරිගණක ජාල නිර්මාණය කරන අංශ මෙන්ම මෘදුකාංග අංශයේ සහ ඉංජිනේරු ආදී මේ වගේ අංශ කිහිපයකින් උසස් අධ්‍යාපනය ලද පිරිසක් මෙහිදී උපාධි ලැබුවා.

මෙහිදී උපාධි ලබා පිටවන පිරිස තමුන්ගේ අභිප්‍රාය පරිදි රැකියා සඳහා යොමු ‍ෙවනවා. විදෙස්ගතවන පිරිස හැර ලංකාවේ රැකියාවේ නිරත වන පිරිස අතර සැසඳීමක් කළොත් ලබන වැටුප ඉතා වෙනස් වෙන්න පුළුවන්. නමුත් විදෙස්ගත නොවී මෙහිදීම ඉතා හොඳ වැටුප් ස්ථරයකට යා හැකි අංශ බොහෝමයි. යමෙකුට රැකියාවක් කරලා ගෙයක් දොරක් හදාගෙන වාහනයක් ගැනීමට විශ්‍රාම වයස දක්වා වැඩකිරීමට සිදුවේ නම් ඒ අංශය එතරම් ආකර්ෂණීය වන්නේ නැහැ. නමුත් මෙම තොරතුරු තාක්ෂණ අංශයේ රැකියාවලදී වයස අවුරුදු තිහ, තිස්පහ වෙද්දී ඔය කියන අභිප්‍රායන් සපුරාගත හැකි අවකාශය තිබෙනවා. ලංකාවේ මේ තිබෙන නිදහස, අවකාශය තමුන් උපන් පරිසරය සහ සියල්ල ගත්තාම ලංකා භූමියේදී උපයන මුදල හා විදේශයකදී උපයන මුදල එක හා සමාන විය හැකියි.

Q ශ්‍රී ලංකාවේ බොහෝ වැඩිහිටියන්ට පරිගණක දැනුමක් නැහැ. නමුත් ඔවුන් දරුවන්ව මේ ක්ෂේත්‍රයට යොමු කරවීමේදී මොන විදිහේ පිළිගැනීමක්ද අනුගමනය කළ යුත්තේ?

දරුවා පරිගණක ක්ෂේත්‍රයට අවතීර්ණ වන්නට මවුපියන් හා සකච්ඡා කළ යුතුයි. යා හැකි දුර ගැන දන්නෙ දරුවන් බව සැබෑව. එසේ වුවත් මවුපියන් හට මේ ක්ෂේත්‍රය  පිළිබඳව දැනුමක් නොතිබෙන්නට පුළුවන්. එය ප්‍රශ්නයක් නොවෙයි. මවුපියන්ට එහිදී ඇත්තේ රැකවරණය පිළිබඳව වූ අවධානය හා දරුවා නිසි ලෙස හැසිරවීමයි. 

දරුවා තම අරමුණෙන් තොර වෙනත් දෙයකට මනස යොදවනවා නම් මවුපියන් ඒ ගැන අවධානය යොමු කිරීම අත්‍යවශ්‍යයි. තොරතුරු තාක්ෂණයට පමණක්ම නොවෙයි ඕනෑම අංශයක උසස් අධ්‍යාපනයේ යෙදෙන දරුවා ගැන අවධානය යොමු කළ යුත්තේ ඒ විදිහටයි. අපිට මේ දැනුම නැහැයි කියා වැඩිහිටියන් දරුවන් ඒ ක්ෂේත්‍රයට යොමු කරවීමේදී අනිසි බියක් ගතයුතු නැහැ. 

Q මෙහිදී රැකියා උත්පාදනය වන්නේ කුමන ආකාරයෙන්ද?

දෙවිදිහකට රැකියා උත්පාදනය වීම සිදුවනවා. අද වනවිට තොරතුරු තාක්ෂණයෙහි මෘදුකාංග, දෘඪාංග, පරිගණක ජාල යනු වෙනම කර්මාන්තයක්. මෙම කර්මාන්තය දිනෙන් දින දියුණු වෙනවා. එහි නිමාවක් නැහැ. මේ වනවිට ඉදිරි වසර දෙක ඇතුළත නව සමාගම් දහසක් ඇති කරවීමට දැන් සාකච්ඡා වෙනවා. එය සැසඳීමේදී එක් ආයතනයකට විසිදෙනෙක් රැකියා සඳහා යොමු වුවහොත් එතැනම විසිදහසකට රැකියා අවස්ථා විවර වෙනවා. 

අපි ඒ හැර අනික් අංශය ගැන කතා කළොත් අද රජයේ හෝ පෞද්ගලික අංශයේ ඕනෑම ආයතනයක පරිගණක අංශය  ඉතා පුළුල් වෙලා. මේ නිසා ලැබෙන සේවාව වේගවත් වෙලා. මේ සෑම ක්ෂේත්‍රයකම නවීකරණය කරන්න අවශ්‍යතාව ඉහළ අගයක් ගන්නවා. වෛද්‍ය විද්‍යාව, වාණිජ අංශ, පරිපාලන අංශ ආදී ඕනෑම අංශයකට අද නැතුවම බැරි තත්ත්වයට තොරතුර තාක්ෂණය පත්වී හමාරයි. නමුත් වසරකට ඒ රැකියා වෙනුවෙන් දසදහසක සිට පහළොස්දහස දක්වා පුරප්පාඩු පවතිනවා. 
මෙලෙසින් රැකියා උත්පාදනය වීමේ ඉහළම අවකාශයක් ඇති අංශය මේ තොරතුරු තාක්ෂණ අංශයයි. 

රැකියා අංශය එලෙසින් බහුල වුවත්, ඉල්ලුම වැඩි වුවත්, අද සමාජයට තිබෙන ප්‍රශ්නයත් මේ තාක්ෂණයම නේද, මොන වෙලාවේ බැලුවත් එක්කෙනෙක් ටැබ් එකේ නැතිනම් ෆෝන් එකේ, ලැප් එකේ මේ නිසා මිනිසා සෞන්දර්යයෙන් ඈත්වෙලා කියලා හිතෙන්නේ නැද්ද?
පරිගණකය සහ ජංගම දුරකථනය යනු දෙකක් . දුරකථනයට ඇබ්බැහිවීම යනු තරුණ පරපුර එයාලගේ ඉලක්කවලට යෑමේදී ඇතිවන බාධාවක් වෙන්න පුළුවන්. නමුත් ජංගම දුරකථනයට අවශ්‍ය මෘදුකාංග හදන්න උත්සාහ ගන්න පුළුවන්. ඒ වගේ නිරන්තරයෙන් නව දේ සොයා යෑමේ අවකාශය මේ ක්ෂේත්‍රය සතුව පවතිනවා. ඕනෑම ක්ෂේත්‍රයකට අලුතින් යන කෙනෙකුට එකවර දෙයක් කළ නොහැකියි. අද මෙම අංශයේ පශ්චාත් උපාධි දක්වා ඉගෙනුම ලැබූ පිරිස් බොහෝමයි. 

උපාධියෙන් පසුව පශ්චාත් උපාධි ලබන පිරිස 50%දක්වා වර්ධනය වෙලා. එය අනෙක් ක්ෂේත්‍රවල දක්නට නොලැබෙන තරම් ප්‍රවණතාවක්. ඒ නිසා අපේක්ෂිත අරමුණක් ඇති අයට යා හැකි දුර බොහෝමයි. අපි කරන්නේ ඒ මාවත විවර කරදීමේ කර්තව්‍යයයි.

ලංකාවේ තව කොපමණ දුරකට මෙම අංශය ව්‍යාප්ත කළ යුතුව තිබෙනවාද?

වත්මනෙහි සියලුම මෘදුකාංග පෙළේ සමාගම් ගතහොත්, ඒ සියල්ල තිබෙන්නේ කොළඹ. ඉතා සීමිත ප්‍රමාණයක් නුවර තිබෙන්නට පුළුවන්. එහෙත් එය එලෙසින් සීමා විය යුතු නැහැ. මෙය රට පුරා ව්‍යාප්ත කළ යුතු අවශ්‍යතාවක් බවට අද පත්ව තිබෙනවා. මේ වෙළෙඳ පොළ සොයා ගැනීම සිදුවන්නේත් තාක්ෂණය වෙතින් . ඒ නිසා ඒ වෙනුවෙන් වූ මෘදුකාංග නිර්මාණයට පවා පෙළඹෙන්න පුළුවන්. ඒ අවශ්‍යතාව සමාජජාලා, මාධ්‍ය ඔස්සේ ප්‍රචලිත කරවන විදිහ ගැන සිතන්න පුළුවන්.
මෘදුකාංග හදන කාර්යය කොළඹ හා නුවරටම සීමා විය යුතු නැහැ. එය රටපුරා ඕනෑම තැනක සිට කළ හැකියි. අද රටේ අන්තර්ජාල පහසුකම් හරි ඉහළයි. ඒ නිසා ලංකාවේ ඕනෑම කොනක ඉමක සිට මෙම අංශයේ නව සොයාගැනීම්,  ව්‍යාපෘති, නිර්මාණය වගේම ආයතනයක් බිහිකිරීමේ අවකාශය තිබෙනවා. ඒ සඳහා අවශ්‍ය වන්නේ අරමුණ සහ ඉලක්කය පමණයි. 

Q මෘදුකාංග ගැන විතරමද අප අවධානය යොමු කළ යුත්තේ. ලංකාවේ දෘඪාංග කර්මාන්තය දියුණු කරන්න බැරිද?

අමුද්‍රව්‍ය මත පදනම්ව එය සිදුවන නිසා නිෂ්පාදන ක්‍රියාවලියේදී එය අපට දරාගත නොහැකි වේවි. ඒ නිසා දෘඪාංග අංශය ගැන වැඩිදෙනා අවධානය යොමු කරන්නෙ නැහැ. නමුත් පරිගණකයක්ම නොව නව නිමැවුමක් (ගැජට් එකක්) හදනවා නම්, එය මෘදුකාංග, දෘඪාංග යන සම්මිශ්‍රණයෙන් සමන්විත වෙනවා. 

එහිදී Iot කියන සංකල්පය අප සතුයි. මේ තාක්ෂණය නිසා තමාගේ කරන කියන කටයුතු ඉතා ක්‍රමවත් වෙනවා. සැලසුම් වෙනවා. ඒ නිසා අපට නිෂ්පාදනයක්ම නිර්මාණය කළ යුතු නැහැ. ඒ නිෂ්පාදනයට අවශ්‍ය අමතර සේවා ලබා ගැනීමේ උපාංග නිපදවන්න පුළුවන්. එහි විශේෂිත ගුණාංග තිබේ නම් එයට වෙළෙඳ පොළ ජයගත හැකියි. එලෙසින් අරමුණු, සිතුවිලි සහ තමාගේ ඉලක්කය ගැන සිතා කටයුතු කිරීම වැදගත්. අපි මේ ශ්‍රී ලාංකේය සමාජයට සපුරාලන්නේ ඒ වගකීමයි. මෙම අංශය ගැන උනන්දු වන එහෙත් වියදම් කිරීමට අපහසුතා ඇති දක්ෂයන් උදෙසා තමයි අපි 'Leap' සංකල්පය ගෙනාවේ. වෙනත් විදිහකට කියනවා නම් එය 'Learn Earn And Pay' යනුවෙන් හඳුන්වන්න පුළුවන්.

- සඳුන් ගමගේ

DSC_2731

Samsung Gear Sport ස්මාට් වොචය ඔක්තෝබරයේදී

එළැඹෙන ඔක්තෝබරයේදී නව ස්මාට් වොචයක් නිකුත් වීමට නියමිතය. නුදුරු අනාගතයේ Samsung සමාගම සේම Apple සමාගමද නව ස්මාට් වොච් උපාංග නිකුත් කිරීමට නියමිත අතර, Samsung සමාගමේ ස්මාට් වොචය ක්‍රීඩා සංස්කරණයක් ලෙසින් වඩා ක්‍රීඩාශීලී පෙනුමකට කැමති පිරිස වෙනුවෙන් නිකුත් වනු ඇත.

අතට පහසු ඔරලෝසු පටියක් සේම, මීටර් පනහක් ගැඹුරු ජලයේදී පවා හානියක් නොවන ලෙස එය සකසා ඇත. Super AMOLED capacitive touchscreen එකක් තිරය ලෙසින් යොදාගෙන ඇති අතර එයට Corning Gorilla Glass 3 තිරයකින් ආරක්ෂාව සැලසෙයි.

ස්මාට් වොච් සංකල්පය තුළ බොහෝ සමාගම් තවතවත් ස්මාට් ෆෝනය හා බද්ධ වෙමින් ස්මාට් වොචයක විශේෂාංග ඉහළ නැංවීම වෙනුවෙන් කටයුතු කළත් Samsung සමාගම මෙම Gear Sport උපාංගයේදී එය පෙනුමට සහ ක්‍රීඩාශීලීත්වය කියන අවශ්‍යතාවන්ට මුල් තැන දෙමින් නිකුත් කරයි.

එහි Accelerometer, gyro, heart rate, barometer සංවේදක අන්තර්ගතය. වයර්ලස් චාජින් හැකියාවද අඩංගු අතර, බික්ස්බිට කටහඬින් කතා කරමින් ඔබේ අවශ්‍යතා දැනුම් දී කාර්යයන් ඉටු කරගැනීමේ හැකියාවද මෙහි ඇත.

samsung-gear-sport1 samsung-gear-sport2 samsung-gear-sport3 samsung-gear-sport4

 

 

 

 

 

 

පියවරක් ඉදිරියටද? පිම්මක් ඉදිරියටද?

 AndroidPIT-android-O-Oreo-2090

ඇන්ඩ්‍රොයිඩ් මෙහෙයුම් පද්ධතීන් නම් කිරීම සෑමවිටම කටට රස දැනෙනා කටයුත්තක් බව අමුතුවෙන් කිව යුතු නොවේ. කෙසේ නමුත් ඇන්ඩ්‍රොයිඩ් ඉතිහාසයේ මෙතෙක් වෙළෙඳ නාමයක් සමගින් අන්‍යාන්‍ය සන්නාමකරණයකට ඇන්ඩ්‍රොයිඩ් සංස්කරණයක් පා තැබූ පළමු අවස්ථාව ඇන්ඩ්‍රොයිඩ් කිට්කැට් නිකුත් වුවත්, එය එතැනින් අවසන් නොවනු ඇති බව ඉඟි කරමින් ඇන්ඩ්‍රොයිඩ් 7.0 නුගා සංස්කරණයෙන් වසරකට පසුව ඇන්ඩ්‍රොයිඩ් 8.0 ඕරියෝ සංස්කරණය පැමිණ ඇත.

කෙසේ නමුත් බොහෝ දෙනා බලාපොරොත්තු වූ ආකාරයේ විප්ලවීය වෙනස්කම් මෙම සංස්කරණයන් සමගින් දක්නට නොමැති බව බැලූ බැල්මට පෙනී ගියද, මෙය සැබවින්ම ඇන්ඩ්‍රොයිඩ් මෙහෙයුම් පද්ධතියේ ඉදිරි පියවරක් බව සැක නැතිවම ප්‍රකාශ කළ හැක.

කෙසේ නමුත් බොහෝ දෙනා අසනා පැනය වන, ඇන්ඩ්‍රොයිඩ් 8.0 සමගින් බලාපොරොත්තු විය හැකි නවතම දෑ මොනවාද යන ගැටළුවට පිළිතුරක් සපයන්නට අපි බලාපොරොත්තු වෙමු.

ඇන්ඩ්‍රොයිඩ් 8.0 ඕරියෝහි සෙටින්ග්ස් මෙනුව සම්පූර්ණයෙන්ම වෙනස් වී තිබෙනා බවක් බැලූ බැල්මට පෙනී යනු ඇත. කෙසේ නමුත් තවත් පිරික්සන විට පෙනී යන්නේ මෙම සෙටින්ග්ස් මෙනුව පරිශීලනය වඩාත් පහසු වී ඇති බවයි. විශේෂයෙන්ම සම්පූර්ණ ආධුනිකයෙකුට වුවද ඇන්ඩ්‍රොයිඩ් පද්ධතියක් පහසුවෙන් පාලනය කිරීම සඳහා මෙය මනා උපකාරයක් වනු ඇත. මෙයට අමතරව ඇන්ඩ්‍රොයිඩ් 8.0 පද්ධතිය බූට් වීමද සම්පූර්ණයෙන්ම දෙගුණයකින් වේගවත් වී ඇති බවද නිරීක්ෂණය වේ.

ඇන්ඩ්‍රොයිඩ් 8.0 ඕරියෝ සමගින් Picture-in-picture ආකාරය වීඩියෝ සඳහාත් පැමිණ තිබෙන බව පෙනී යයි. එනම් ඔබට වීඩියෝ නැරඹීමේදී එම තිරයෙන් ඉවත් වීමට අවශ්‍ය වුවත්, ඔබ වෙනත් තිරයකට හෝ හෝම් තිරයට මාරුවීමේදී වීඩියෝව නොනැවතෙයි. ඒ වෙනුවට එය කුඩා තම්බ්නේල් ප්‍රමාණයේ තිරයක් ලෙසින් ප්‍රධාන තිරයේ පසෙකින් ‍රැඳී තිබෙනු ඇත.

ඇන්ඩ්‍රොයිඩ් පද්ධතියක ඔබ වැඩ නොකරන යෙදුමක් පවා යම් විටකදී පසුබිමින් ක්‍රියාත්මක වෙමින් පවතී. මෙයින් සිදුවන්නේ ස්මාට්ෆෝනයේ බැටරිය ඉක්මනින් බැසයාමයි.

එනමුත් ඇන්ඩ්‍රොයිඩ් 7.0 සිට ඔබට පසුබිමින් ක්‍රියාත්මක වන අනවශ්‍ය යෙදුම් නැවැත්වීමේ හැකියාව ලැබුණු නමුත්, එය ස්වයංක්‍රීය ක්‍රියාවලියක් නොවුණි. ඇන්ඩ්‍රොයිඩ් 8.0 සමගින් ඔබට තවදුරටත් ඒ සම්බන්ධයෙන් කරදර වීමට හෝ ඒ සඳහාම තවත් යෙදුමක් ස්ථාපනය කර ගැනීමට අවශ්‍ය නොවේ.

android-oreo-1

ඔබට ෆේස්බුක්, ට්විටර් වැනි යෙදුම් මගින් පැමිණෙන සිහිකැඳවීම් නොනවත්වාම ලැබුණත්, එම යෙදුමක් ඔබ භාවිත නොකරන විට එය නවත්වා තබා බැටරි බලය ඉතිරි කරන්නට ඇන්ඩ්‍රොයිඩ් 8.0 ඕරියෝ සමත්. ඔබට යම් යෙදුමක් නොනවත්වාම පසුබිමින් ධාවනය විය යුතුය කියා හැ‍ඟෙන්නේ නම් එයද ඔබට සැකසුම් හරහා වෙනස් කළ හැකියි.

මෙයට අමතරවද බැලු බැල්මට කැපී පෙනෙනා වැඩිදියුණු කිරීම් ගණනාවක්ම ඇන්ඩ්‍රොයිඩ් 8.0 ඕරියෝ වෙත පැමිණ තිබේ. විශේෂයෙන්ම නව ඉමොජ් එකතුව, දුරකථන අංක හෝ ලිපින හෝ සබැඳි ක්ෂණයකින් හඳුනාගන්නා ස්මාට් ටෙක්ස්ට් සිලෙක්ෂන් හැකියාව, නව ආරක්ෂක පද්ධතිය මෙයින් කිහිපයකි.

කෙසේ නමුත් ලොව පුරා ඇන්ඩ්‍රොයිඩ් ලෝලීන්ගේ අදහස් සමස්තයක් ලෙසින් ගත් විට, මෙම නවතම ඇන්ඩ්‍රොයිඩ් 8.0 ඕරියෝ පද්ධතියට කැමති පිරිසක් මෙන්ම එයින් තෘප්තිමත් නොවන පිරිසක්ද සිටිනා බව කිව යුතුවේ. මෙම දෙවෙනි පිරිස බලාපොරොත්තු වූයේ එක්කෝ විප්ලවීය නව මෙහෙයුම් පද්ධති වෙනසක් හෝ අඩු තරමින් වඩාත් බැරෑරුම් පෙනුමක්, අඳුරු පෙනුමක් ඇති තේමාවක් හෝ පෙරනිමියෙන් ඇන්ඩ්‍රොයිඩ් 8.0 හා ලබාදෙන්නට තිබුණාය යනුවෙනි.

 

කරලියට එන අලුත්ම ෆ්ලෑග්ෂිප් උපාංගය LG V30

 lg-v30-2

මේ දිනවල කතාබහට ලක්වන ප්‍රධාන ස්මාට්ෆෝන් තුනක් වෙයි. Samsung Galaxy Note 8 උපාංගය, Samsung Galaxy Note 7 තාක්ෂණික දෝෂ හේතුවෙන් පිපිරීමට පටන් ගැනීමෙන් ලද අසාර්ථක අලෙවියෙන් පසුව වඩා සාර්ථකව වෙ‍ෙළඳ පොළට පැමිණෙයි. ඉතා නුදුරු අනාගතයේ නිකුත් වීමට නියමිත iPhone 8 හෝ මීළඟ අයිෆෝනය(වෙනත් නමකින් හැඳින්වෙන්නටද ඉඩ ඇත.) ස්මාට්ෆෝන් සම්මතයේ නැවුම් වෙනස්කම් කිහිපයක්ම සිදු කරනු ඇත. අනෙක් උපාංගය අප මෙම සටහනෙන් හඳුන්වාදෙන LG V30 උපාංගයයි. අඟල් හයක තිරය සමගින් එන මෙහි සාමාන්‍යෙයන් ස්මාට්ෆෝනයේ උඩින් සහ යටින් බෙසල් ලෙසින් වෙන්වන ඉඩ බොහෝ දුරකට අඩු කර ඇත. 

මෙම උපාංගයට IP68 සහතිකය ඇත. එනම් දුහුවිල්ලෙන් මෙන්ම මීටර් 1.5ක් ගැඹුරු ජලයේ මිනිත්තු තිහක කාලයක් දක්වා හානියක් නොවී පැවතිය හැක. Corning Gorilla Glass 5 තිර ආරක්ෂණය යොදා ඇත. Android 7.1.2 (Nougat) මෙහෙයුම් පද්ධති සංස්කරණයෙන් බලගැන්වෙයි. Qualcomm MSM8998 Snapdragon 835 චිප පද්ධතියෙන්ද, Octa-core ප්‍රොසෙසරයකින්ද එය සම්පූර්ණ වේ. 

lg-v30-5

සාමාන්‍ය V30 උපාංගය 64GB, 4GB RAM මතක ධාරිතාවෙන් අන්තර්ගත වන අතර, V30+ උපාංග සංස්කරණය 128GB, 4GB RAM සමග අන්තර්ගත වනු ඇත. 

කැමරා පද්ධතිය ද්විත්ව කැමරා ලෙසින් 16MP (f/1.6, OIS, 3-axis, laser සහ phase detection autofocus) + 13MP (f/1.9, no AF) ලෙස පැමිණෙනු ඇති අතර එයට LED flash අඩංගුය. එයට අමතර විශේෂාංග ලෙසින් 1.0 µm pixel size, geo-tagging, touch focus, face detection, HDR, panorama යන පහසුකම් අඩංගුය. වීඩියෝ පටිගත කිරීමේ ගුණාත්මක බව 2160p@30fps, 1080p@30fps, 720p@120fps, 24-bit/192kHz stereo sound rec., HDR video ලෙසින් අඩංගු අතර, ඉදිරිපස කැමරාව 5MP (f/2.2, 1/5” sensor size, 1.12 µm pixel size) ලෙස දැක්වේ.

lg-v30-1

අඟල් 6ක තිරය මෙහි විශේෂිතම අංගය වන අතර, කැමරා පද්ධතිය මේ මොහොතේ වෙ‍ෙළඳ පොළ ඇති ස්මාට්ෆෝන් කැමරා සමග සසඳන විට එතරම් සුවිශේෂීතාවයක් දරන්නේ නැත. නමුත් මෙම උපාංගය සම්පූර්ණයෙන් ගත් කළ සියළු විශේෂාංග අතින් ඉදිරියෙන් ඇති නිෂ්පාදනයකි. Cloud Silver, Moroccan Blue වර්ණ දෙකෙන් LG V30 උපාංගය වෙ‍ෙළඳ පොළට පැමිණෙයි. එයට Li-Po 3300 mAh බැටරියක් අන්තර්ගත අතර එයද මේ මොහොතේ වෙ‍ෙළඳ පොළ අවශ්‍යතාවයට වඩා තරමක් අඩු බව කිව යුතුමය.

 

ශරීර සුවතාවට වඩාත් ස්මාට් සහකරුවෙක් ‘Fitbit Ionic’

fitbit-iconic-840x472

‍ෆිට්නස් ට්‍රැකර් හෙවත් ශරීර සුවතා මැන බැලීමේ උපාංගයන් මේ වනවිට ලෝකයේ බොහෝ දෙනෙකු විසින් භාවිත කරනු ලබන සහ තවත් බොහෝ පිරිසකගේ උනන්දුව ලබාගෙන ඇති උපාංගයක් බවට පත්ව ඇත්තේ, කාර්යබහුල ජීවිතය සමගින් වැඩිවන ශරීර සුවතා ගැටළුවලට යම් කිසි පිළියමක් ඒවායින් සපයන බවට ඇති විශ්වාසය නිසාත්, එසේම ශරීර සුවතාවය පවත්වාගෙන යන ක්‍රීඩකයින් වැනි අයට වඩාත් නිරවද්‍ය ලෙසින් සිය ව්‍යායාම ආදිය කළමනාකරණය කරගැනීමට ඒවායින් සහාය ලැබෙනා නිසාත් වේ.

මේ වනවිට ප්‍රමුඛ පෙළේ ශරීර සුවතා මැන බැලීමේ උපාංග නිෂ්පාදන සමාගම් මගින් ඉහළ මිල ගණන් වලට නිර්මාණය කරනා උපාංග මෙන්ම, රුපියල් හාරදහසකට නැතිනම් පන්දහසකට පවා ලබාගත හැකි ආකාරයේ මූලික හැකියාවන් පමණක් සහිත ‍ෆිට්නස් ට්‍රැකර් උපාංගයන්ද වෙළෙඳ පොළේ තිබේ.

fitbit-ionic-3

බොහෝ විට ඉහළ මට්ටමේ ‍ෆිට්නස් ට්‍රැකර් උපාංගයන් නිර්මාණය කරනා සමාගම් මගින් වෙහෙසෙන්නේ ‍ෆිට්නස් ට්‍රැකර් සහ ස්මාට් අත් ඔරලෝසු සංකල්පයන් එකට මුසු කරමින් වඩාත් ස්මාට් හැකියාවන් සහිත ‍ෆිට්නස් ට්‍රැකර් උපාංගයන් නිර්මාණය කිරීමට වේ.
‍ෆිට්නස් ට්‍රැකර් උපාංග නිර්මාණය සඳහා ප්‍රමුඛ නාමයක් වන මේ වනවිටත් තමන්ගේ නිෂ්පාදන වෙත වඩ වඩාත් ස්මාට් හැකියාවන් එකතු කිරීම සඳහා වෙහෙසෙන බව රහසක් නොවේ.

විශේෂයෙන්ම සිහිකැඳවීම්, පණිවුඩ මෙන්ම සංගීතය වාදනය කිරීම වැනි විවිධාකාරයේ පහසුකම් තම ‍ෆිට්බිට් උපාංගයන් සඳහා එකතු කිරීම සඳහා උත්සාහ කරනා ‍ෆිට්බිට් මගින් ඒ වෙත තබා ඇති නවතම ඉදිරි පියවර වන්නේ Fitbit Ionic උපාංගයයි.

මෙම නවතම Fitbit Ionic ‍ෆිට්නස් ට්‍රැකර් උපාංගය සැබවින්ම සියලු පහසුකම් සහිත ස්මාට්වොච් උපාංගයක් ලෙසින් හැඳින්වීම නිවැරදි වේ. මන්දයත් එහි Fitbit OS යනුවෙන් හැඳින්වෙන සම්පූර්ණ මෙහෙයුම් පද්ධතියක්ද අන්තර්ගතව තිබෙනා අතර, එය තුන්වන පාර්ශවයන් මගින් නිර්මාණය කරනා යෙදුම් ස්ථාපනය කිරීමටද සහාය දක්වන බැවිනි.

fitbit-ionic

එසේ ස්මාට්වොච් උපාංගයක් ලෙසින් නිෂ්පාදනය වූවත් මෙහි ‍ෆිට්නස් ට්‍රැකර් උපාංගයක තිබිය යුතු සියලුම හැකියාවන් අඩු නැතිව තිබෙනා බවද විශේෂයෙන්ම සඳහන් කළ යුතුවේ. එනම් ඔබේ පියවර මැන වාර්තා තබාගැනීම, හෘද ස්පන්දනය, ඔබ විසින් වැය කරනා කැලරි ප්‍රමාණය ගණනය කිරීම මෙන්ම ඔබ ක්‍රියාකාරීව සිටිනා කාලය වාර්තා තබා ගැනීම සහ ඔබේ නින්දේ ක්‍රියාකාරීත්වයන් නිරීක්ෂණය කොට වාර්තා තබාගැනීමද මේ මගින් සිදුකෙරෙනු ඇත.

මෙහි ඇතුළත් කොට ඇති ජී.පී.එස්. ක්‍රියාකාරීත්වය මගින් දුර, උස, ඇවිදීමේ වේගය පමණක් නොව ඔබේ සමස්ත ගමනම විස්තරාත්මකව ලබාගැනීමට සමත් වනු ඇත. එසේම මෙය මීටර් පණහක් පමණ ගැඹුරට ජලයට ප්‍රතිරෝධය දක්වන නිසා පිහිනුම් තටාකය තුළ වුවද ඔබට ගැටළුවකින් තොරව ඔබේ ක්‍රියාකාරකම් වල යෙදීමට හැකියාව ලැබෙනු ඇත. එපමණක් නොව එහිදීද ඔබට පිහිනුම් තටාකය තුළ එහාට මෙහාට යන වාර ගණන, කාලය, දහනය වන කැලරි ප්‍රමාණය යනාදී සියලු කරුණු ගණනය කර වාර්තා කර ගැනීමට හැකිවනු ඇත.

fitbit-ionic-1

මෙය සැලසුම් කොට ඇත්තේ දිවීම හෝ පිහිනීම පමණක් මැන බැලීමට නොවේ. සයිකල් පැදීම සහ තවත් ක්‍රීඩා ගණනාවක් ඒවායේ ස්වභාවය අනුව වාර්තා කොට ගැනීමට Fitbit Ionic උපාංගයට හැකියාව තිබේ. එපමණක් නොව ඔබ කරමින් සිටිනා ක්‍රියාකාරකමට අනුකූලව ඔබට උපදෙස් සහ මඟ පෙන්වීමේ පණිවුඩද Fitbit Ionic උපාංගයේ තිරය මත දිස්වනු ඇති අතර, මේ අයුරින් ඔබට තත්කාලීන ඉලෙක්ට්‍රොනික පුහුණුකරුවෙකුගේ සේවය ලැබෙන බව හැ‍ඟෙනු ඇත.

එසේම වෙනත් ඕනෑම ස්මාට්වොච් උපාංගයක් මෙන්ම මෙයද නිර්මාණය කොට ඇත්තේ ඔබේ ස්මාට්ෆෝනය සමගින් ‍රැහැන් රහිතව සම්බන්ධ වී, ස්මාට්ෆෝනයට පැමිණෙන පණිවුඩ, සිහිකැඳවීම් Fitbit Ionicහි තිරය මතට ගෙන ඒමේ හැකියාව සමගිනි. ඒ සඳහා මෙම උපාංගය iOS, Android නැතිනම් Windows mobile මෙහෙයුම් පද්ධතීන් සමගින් මනා සහයෝගයකින් ක්‍රියාත්මක වනු ඇත.

fitbit-ionic-4

එසේම Fitbit Ionic උපාංගයේ NFC චිපයක්ද තිබෙන්නේ ඔබේ වීසා, මාස්ටර්කාඩ් හෝ ඇමෙක්ස් වැනි ක්‍රෙඩිට්/ඩෙබිට් කාඩ් තොරතුරු රඳවා තබාගනිමින් ඔබට සෘජුවම Fitbit Ionic උපාංගය හරහා ගනුදෙනු කිරීමට හැකියාව ලබාදෙමින් වුවත් ශ්‍රී ලංකාව තුළ මෙය එතරම් ප්‍රයෝජනවත් විශේෂාංගයක් ලෙසින් නොසැලකෙනු ඇත.

මෙයට ඔබ ක්‍රීඩා හෝ ව්‍යායාම කටයුතු වල යෙදෙන අතර සංගීතය වාදනය කිරීමටද හැකියාවෙන් යුතු වන අතර, Fitbit Ionic උපාංගය තුළ ඔබට ගීත තුන්සියයක් පමණ රඳවා තබාගැනීමට හැක.

එසේම මෙහි බැටරිය සාමාන්‍යයෙන් ඔබ උපාංගය භාවිත කරනා ආකාරය අනුව දින හතරක් පමණ එක් ආරෝපණයකින් තබාගැනීමට හැකිවනු ඇත. එය ස්මාට්ෆෝනයකටද වඩා දිගු බැටරි කාලයකි. කෙසේ නමුත් ඔබ නිරන්තරයෙන් ජී.පී.එස්. හැකියාවන් භාවිත කරන්නේ නම් මෙම බැටරි කාලය පැය දහයකට පමණ බසිනු ඇත.

මෙය බැලූ බැල්මට ඔබට ‍ෆිට්නස් ට්‍රැකර් උපාංගයකට වඩා ස්මාට්වොච් උපාංගයක් ලෙසින් දිස්වනු ඇත. එසේම මෙහි වර්ණ ස්පර්ෂ තිරය සීරීම් වලින් ආරක්ෂා කිරීම සඳහා Gorilla Glass 3 ආරක්ෂක ආවරණයක්ද තිබේ. මෙහි තිරය ඉතාමත් දීප්තිමත් වන අතර, ඔබට සෘජු හිරු එළියේ පවා තිරය පැහැදිලිව දිස්වනු ඇත. www.fitbit.com/ionic

1503964472_screen_shot_2017-08-28_at_4.41.27_pm     

සැප්තැම්බර් 12 වැනිදා කරළියට එන iPhone 8

Apple සමාගමේ ප්‍රධාන මූලස්ථානයේ ස්ටීව් ජොබ්ස් තියටර්හිදී එළැඹෙන සැප්තැම්බර් මස 12 වැනිදා නව අයිෆෝනය නිකුත් කිරීමට සූදානම් බව කියැවේ. නමුත් තවමත් වැඩ නිමැවෙමින් පවතින නිසා ඒ වෙනුවෙන් දෙවැනි සැලැස්මක්ද සූදානම් කර ඇති බව කියැවේ.

වසර 5කට පෙරාතුව 2012 වසරේ සැප්තැම්බර් 12 වැනිදා පැමිණි iPhone 5 උපාංගය දැඩි ලෙස තාක්ෂණයෙන් දියුණු වී iPhone 8 ලෙසින් පැමිණෙන්නට නියමිතව තිබේ. තවම එහි නම iPhone 8 යැයි නිශ්චිතව සඳහන් කර නැත. (iPhone X වීමටද ඉඩ ඇත.)

බෙසල්(තිරයේ ඉහළ සහ පහළින් ඇති කළු පැහැ තීරු) වෙනුවෙන් වෙන්වන කොටස ඉතා අවම කර, රැහැන් රහිතව චාජ් කළ හැකි ලෙසත්, හිමිකරුගේ මුහුණ ස්කෑන් කර හඳුනාගත හැකි ලෙසත් නව iPhone උපාංගය වෙළෙඳ පොළට නිකුත් වනු ඇත. මෙහි පසුපස ආවරණයට ඇළුමිනියම් ස්ථරයක් නොව වීදුරුවක් එක්වනු ඇත.

එදිනම දර්ශන ගුණාත්මක බව 4K වූ ඇපල් රූපවාහිනියක්ද  නිකුත් කිරීමට නියමිත බව පැවසේ. එසේම එදිනේදී LTE තාක්ෂණය සමගින් නිපදවෙන ඇපල් වොච්හි 3වැනි අදියර නිකුත් කෙරෙනු ඇත. පෙර සිදුවූඅයුරු සසඳා බලන කල නව iPhone උපාංගය එළැඹෙන සැප්තැම්බර් 20ට පෙර ඇනවුම් කිරීමේ හැකියාව ලබාදෙනු ඇත.

 

 

 

Asus පවුලේ ශක්තිවන්තයා Asus Zenfone 4 Pro

Zenfone උපාංග සම්බන්ධයෙන් ලාංකේය ස්මාට්ෆෝන් වෙ‍ෙළඳ පොළ තුළ ඇත්තේ සුබවාදී ප්‍රතිචාරයකි. ඊට ප්‍රධාන හේතුවක් වන්නේ ඒවායේ ඇති සිත් ඇදගන්නා සුලු පෙනුමයි.

ඇන්ඩ්‍රොයිඩ් මෙහෙයුම් පද්ධතිය මගින් බලගැන්වෙන මෙම උපාංගවල අඩුපාඩුවක් ඇත්නම් එලෙස සඳහන් කළ හැකි අඩු පාඩුවකට වූයේ ඒවායේ අන්තර්ගත හැකියාවන්ගේ සාපේක්ෂ අවම බවයි. එහෙත් එයට සරිලන ලෙස නිෂ්පාදකයන් එම උපාංගවල මිල සාධාරණ මට්ටමක පවත්වාගෙන ගිය බව දැකිය හැකි විය. මේ එම වෙනස බිඳින්නට පැමිණෙන නවීනතම උපාංගයයි.

Asus Zenfone 4 Pro යනු ඇන්ඩ්‍රොයිඩ් 7.1.1 (Nougat) සමග පැමිණෙන අඟල් 5.5ක ස්මාට්ෆෝන් උපාංගයකි. එය Snapdragon 835 ප්‍රොසෙසරයක් ඔස්සේ බලගැන්වේ. MicroSD මතක චිපය හරහා ගිගාබයිට් 256ක් දක්වා ඉහළ නැංවිය හැක. අභ්‍යන්තර මතකය 64/128GB ලෙස සංස්කරණ දෙකකින් මෙම උපාංගය වෙ‍ෙළඳ පෙළට පැමිණෙයි. එසේම එයට ගිගාබයිට් 6ක රැම් අගයක්ද ස්ථාපනය කොට තිබේ. 

මෙහි  කැමරා පද්ධතිය Dual 12 MP (f/1.7, OIS, 4-axis, phase detection AF) කැමරාවකින් සහ 16MP (50mm) කැමරාවකින් සමන්විත වේ.

මෙම කැමරා පද්ධතියට laser/phase detection autofocus, OIS (4-axis), 2x optical zoom, dual-LED (dual tone) flash වැනි පහසුකම් ප්‍රධාන වශයෙන්ම අඩංගු වන අතර, එයට අදාළ අනෙකුත් විශේෂාංග ලෙසින් 1.4µm pixels, geo-tagging, touch focus, face detection, panorama, HDR පෙන්වා දිය හැක. ඉදිරිපස ද්විතීය කැමරාව ලෙසින් මෙගා පික්සල් 8ක කැමරාවක් අන්තර්ගතය.

Fingerprint (front-mounted), accelerometer, gyro, proximity, compass යන සෙන්සරයන්ගෙන් සැදි සෙන්සර පද්ධතියකින් සැකසුණු මෙම Asus Zenfone 4 Pro උපාංගය සැලකිය යුතු වේගයකින් ආරෝපණය කිරීමට හැකියාව ඇති අතර Li-Ion 3600mAh බැටරියකින් සන්නද්ධය. සුදු සහ කළු වර්ණයන්ගෙන් ඉදිරියේදී නිකුත් වන Asus Zenfone 4 Pro උපාංගය පෙර Asus නිෂ්පාදනවලට වඩා ‍වෙ‍ෙළඳ පොළ ආකර්ෂණය දිනාගත හැකි බව විශ්වාස කළ හැක.

ජංගම ප්‍රොජෙක්ටරයන් අතරට වැඩි බැටරි බලයක් සහිත තරගකරුවෙක්

ප්‍රොජෙක්ටරයක් නැති නම් ප්‍රක්ෂේපණ යන්ත්‍රයක් බොහෝ විට ඉගැන්වීමේ කටයුතුවලදී මෙන්ම කාර්යාල කටයුතු වලදීද ස්ලයිඩ් ඉදිරිපත් කිරීම් හෝ වීඩියෝ ක්ලිප් ඉදිරිපත් කිරීම් සඳහා බහුලව යොදාගැනේ. ඒ සඳහා භාවිත කළ හැකි වඩාත් හුරුබුහුටි, ජංගම ප්‍රොජෙක්ටරයක්ද මේ වනවිට නිර්මාණය වී තිබේ.

කෙසේ නමුත් සිනමා දසුන් නැරඹීම වැනි කර්තව්‍යයක් සඳහා එවැනි සාමාන්‍ය ගුණාත්මක භාවයක් ලබාදෙන ප්‍රොජෙක්ටරයක් සුදුසු නොවේ. ඒ සඳහා ගැලපෙන්නේ තියුණු, සුපැහැදිලි දසුන් සහ වර්ණයන් ලබාදෙන, ඉහළ ගුණාත්මක මට්ටමක අන්තර්ගතයන් ප්‍රතිදානය කරනා ප්‍රොජෙක්ටරයක් වේ.

අතීතයේ මේ සඳහා තිබූ ප්‍රොජෙක්ටර් යන්ත්‍රයන් එහා මෙහා ගෙනයෑමට අසීරු තරම් විශාල වූ නමුත්, වර්තමානය වනවිට සිනමා අත්දැකීම් ලබාදෙන ප්‍රොජෙක්ටරයන්ද වඩ වඩාත් සංයුක්ත ප්‍රමාණයෙන් සහ හුරුබුහුටි නිමාවෙන් යුතුව නිෂ්පාදනය වනු දක්නට ලැබේ.

හඳුන්වාදෙන Nebula Mars Portable Cinema ජංගම සිනමා ප්‍රක්ෂේපණ යන්ත්‍රය මෙම ප්‍රමාණයෙන් නිෂ්පාදනය වූ ප්‍රථම ජංගම ප්‍රොජෙක්ටරය නොවේ. කෙසේ නමුත් ඔබට කඳවුරු භූමියක, එළිමහනක නැතිනම් නිවස තුළ පවා භාවිත කළ හැකි මෙම ප්‍රොජෙක්ටරය කරුණු කීපයක් සමගින් සුවිශේෂී වනු ඇත.

වඩාත් සුපැහැදිලි දසුන් හා තියුණු වර්ණයන් සමගින් වඩාත් ඉහළ මට්ටමක රූප ගුණාත්මක භාවයක් ලබාදීම, වඩාත් පැහැදිලි සහ ඉහළ හඬකින් යුතු ශ්‍රව්‍ය ප්‍රතිදානය මෙන්ම සාපේක්ෂව වැඩි බැටරි කාලය මෙයින් කීපයක් ලෙසින් දැක්විය හැක.

මෙම Nebula Mars Portable Cinema ප්‍රොජෙක්ටරයට නිවෙස් තුළ පරිහරණයට නිර්මාණය කර ඇති ඉහළ මට්ටමේ ප්‍රොජෙක්ටර් යන්ත්‍රයන්ට මෙන් 1080p දසුන් ප්‍රක්ෂේපණය කළ නොහැකි වුවත්, එය වෙනත් ජංගම ප්‍රොජෙක්ටරයන්ට වඩා හොඳ ගුණාත්මක තත්ත්වයකින් යුතු පික්සල් 1280 x 800 විභේදනයක දසුන් ලබාදෙන්නට සමත් වනු ඇත.

එය බොහෝ විට 720p ගුණාත්මක තත්ත්වයේ වුවත්, ඔබේ රසවින්දනයට එය බාධාවක් නොවනු ඇත. වඩාත්ම වැදගත් කරුණ වන්නේ මෙම ප්‍රොජෙක්ටරයේ ප්‍රක්ෂේපණයන් ලුමන් 3,000ක බලයකින් යුතු බල්බයකින් සිදුවන අතර, ඒ නිසා මෙයින් ප්‍රක්ෂේපණය කෙරෙනා දසුන් ඉතාමත් ඉහළ දීප්තියකින් සහ වැඩි කළ හැකි තීව්‍ර බවකින් (5000:1 contrast ratio) යුක්ත වීමයි.

මේ දැක්වූයේ දිවා කාලයේදී ඔබට දකින්නට ලැබෙනා ප්‍රක්ෂේපණය වන අතර, ඒ නයින් රාත්‍රී කාලයේ මෙම ප්‍රොජෙක්ටරයෙන් ලබාගත හැකි දීප්තිය ඔබට වටහාගත හැක.

මෙම ප්‍රොජෙක්ටරයෙන් ලැබෙනා දසුන් වල ගුණාත්මක භාවය හරි හැටි විස්තර කරන්නේ නම්, එයින් 800p තත්ත්වයේ වීඩියෝ දසුන්, අඟල් 150ක් දක්වා විශාලත්වයක් ප්‍රක්ෂේපණය කරනු ඇත. මෙය සැබවින්ම ඔබට සැබෑ සිනමා ශාලාවක දැක්වෙන අන්දමේ අත්දැකීමක් ලබාදෙන බව අමුතුවෙන් කිව යුතු නොවේ.

ඔබ එළිමහනක බිත්තියක් මතට හෝ තිරයක් මතට Nebula Mars Portable Cinema ප්‍රොජෙක්ටරයෙන් දසුන් ප්‍රක්ෂේපණය කොට සිනමා අත්දැකීමක් ලබාගැනීමට සිතන්නේ නම්, ඔබට ඉහළ ගුණාත්මක මට්ටමක ශ්‍රව්‍ය ප්‍රතිදානයක්ද ලැබිය යුතු බව අනිවාර්යය කරුණකි.

මෙම ප්‍රොජෙක්ටරයේ වොට් 10ක JBL ස්පීකරයන් දෙකක පද්ධතියක් තිබෙන අතර, එය ඔබට හෝම් තියෙටර් සිස්ටම් එකක අත්දැකීමක් ලබා නොදුන්නත්, ඔබ තෘප්තිමත් වෙන ආකාරයේ ශ්‍රව්‍ය ගුණාත්මක භාවයක් ලබාදෙනු ඇති බවට සහතික විය හැක.

සැබවින්ම මෙවැනි ජංගම ප්‍රොජෙක්ටරයක ඔබ මෙතෙක් දැක නොමැති ආකාරයේ ශ්‍රව්‍ය ගුණාත්මක භාවයක් මෙයින් ඔබට ලබාදෙනු ඇත.

මෙම Nebula Mars Portable Cinema ප්‍රොජෙක්ටර් යන්ත්‍රයේ බැටරිය සම්බන්ධයෙන් විශේෂයෙන්ම සඳහන් කළ යුතුවේ. මෙය 19,500mAh ධාරිතාවයෙන් යුතු බැටරියක් වන අතර, එක් වරක් ආරෝපණය කිරීමෙන් පසුව එක දිගට පැය තුනක කාලයක් පුරා සිනමා ප්‍රක්ෂේපණයක් සහ ශ්‍රව්‍ය ප්‍රතිදානයක් ලබාදීමට එය සමත් වනු ඇත.

මෙය සැබවින්ම ජංගම ප්‍රොජෙක්ටර් උපාංගයන් සම්බන්ධයෙන් සැලකීමේදී ජයග්‍රහණයක් ලෙසින් හඳුන්වා දිය හැක. එසේම මෙය ඔබට පහසුවෙන්ම ඕනෑම බිත්තියක ඇති බල සැපයුම් සොකට්ටුවකට සවි කොට ආරෝපණය කිරීමටද හැකියාව ඇත.

අඟල් 7 x 4.8 x 5.4 ප්‍රමාණයේ මානයන්ගෙන් යුක්ත සංයුක්ත උපාංගයක් වන මෙම ප්‍රොජෙක්ටර් යන්ත්‍රය පහසුවෙන්ම ඔබේ ගමන් බෑගයක ඇසිරීමට හැකියාව ඇත. එසේම මෙහි USB 3.0 සහ HDMI පෝට් දෙකක් තිබෙන අතර, ඒ නිසා පහසුවෙන්ම ඔබේ ලැප්ටොප් උපාංගයට හෝ වෙනත් ඕනෑම වීඩියෝ උපාංගයකට ඈඳීමටද හැකියාව ඇත.