Category Archives: sports

ධනංජයද සිල්වාගේ පියාගේ අවසන් කටයුතු 28දා

image_1527188690-8f216350ebවෙඩි වැදීමකින් මිය ගිය රන්ජන් ද සිල්වා මහතා අවසන් කටයුත 28 දා ගල්කිස්ස පොදු සුසාන භූමියේදී සිදුකරන බව පවුලේ ඥාතීන් දැනුම්  දී ඇත.

ජාතික ක්‍රිකට් කණ්ඩායමේ තුන් ඉරියව් ක්‍රීඩක ධනංජයද සිල්වාගේ පියාවන රන්ජන්ද සිල්වා මහතා පසුගිය බ්‍රහස්පතින්දා සිදුවූ වෙඩි තැබීමකින් ඝාතනය විය.

28 දා සවස 1.00ට අවමංගල්‍ය සභාවේ කටයුතු ආරම්භ වන අතර දේහය අංක 100/06 මුහුදු වෙරළ පාර, රත්මලාන ලිපිනයේ තැන්පත් කර ඇත.

 

 

පාසල් රග්බි තරග පිටියට මත්පැන් තහනම්

පාසල් රග්බි තරඟාවලි පවතින අතර තුර හටගත් කලහකාරී ගැටුම් සම්බන්ධයෙන් ඊයේ (25දා) ක්‍රීඩා අමාත්‍ය ෆයිසර් මුස්තාපා මහතාගේ ප්‍රධානත්වයෙන් පැවති සාකච්ඡාවේදී දැඩි කොන්දේසි යටතේ නැවතත් ලබන 28 දා සිට පැවැත්වීමට තීරණය කර තිබේ.

පසුගිය තරඟාවලි අතර සිදුවූ ගැටුම් වීඩියෝ දර්ශණවලින් නැරඹීමෙන් අනතුරුව මේ සම්බන්ධව පොලීසියට ගත හැකි ක්‍රියාමාර්ග පිළිබද කොළඹ ප්‍රදේශ භාර ජ්‍යෙෂ්ඨ පොලිස්පති පතිනායක මහතාගෙන් විමසන ලදි. ඔහු ප්‍රකාශ කර ඇත්තේ පැමිණිල්ලක් සිදු කලහොත් අවශ්‍ය ක්‍රියාමාර්ග ගත හැකි බවයි.

එම මොහොතේම අමාත්‍යවරයා පාසල් රග්බි සංගමය වෙත අදාළ සිදුවීම පිළිබද පොලීසිය වෙත පැමිණිලි කරන ලෙස නියෝග කරන ලදි. සිදුවීම සම්බන්ධව සියළු වීඩියෝ පට පොලීසිය වෙත ලබාදීමට කටයුතු කරන ලෙසද උපදෙස් දෙන ලදි.

කලහකාරී ගැටුම් සම්බන්ධයෙන් අත්අඩංගුවට ගන්නා වැරදිකාරයන් සඳහා ඇප ලබාදීමට පොලීසිය පාර්ශවයෙන්  විරෝධතාවය දක්වන වන ලෙසද කොළඹ ප්‍රදේශ භාර ජ්‍යෙෂ්ඨ පොලිස්පතිවරයාගෙන් අමාත්‍යවරයා ඉල්ලා ඇත.

පාසල් රග්බි ක්‍රීඩා තරඟාවලි පැවැත්වෙන අතර මෙවැනි ගැටුම්කාරී තත්වයන් උද්ගතවීමට මත්පැන් භාවිතා කිරීම මූලික හේතුවක් බව අමාත්‍යවරයා පෙන්වා දෙන ලදි. ඒ අනුව මින් ඉදිරියට පවත්වන කිසිදු පාසල් රග්බි තරඟාවලියක් සදහා ක්‍රීඩාංගණය තුළ හෝ ඒ අවට මත්පැන් අලෙවිය තහනම් කරන ලදි.

ක්‍රීඩා පිටිය වෙත මත්පැන් ගෙන ඒම හා මත්පැන් පානය කර පැමිණීම වැළැක්වීම සිදු කල යුතු අතර ඒ සදහා විදුහල්පති, ක්‍රීඩා භාර ගුරුවරුන්, ආදිශිෂ්‍යයන්, සංගම් හා තරඟ සංවිධායකයින් ඇතුළු සියළු පාර්ශවයන්ගේ සහයෝගය අවශ්‍ය බව අමාත්‍යවරයා අවධාරණය කරන ලදි.

පසුගිය කාලයේදී කළහකාරී ලෙස හැසිරුනු කාඩ්බෝඩ් වීරයන් ඉදිරි තරඟාවලි නැරබීම සඳහා පැමිණීම තහනම් කිරීමට අවශ්‍ය කටයුතු සිදු කරන ලෙස අදාළ පාර්ශවයන්ගෙන් ඉල්ලීමක්ද කරන ලදි.

එම අවස්ථාවේ ගැටළුවක් ලෙස හඳුනාගත් තරඟාවලි සඳහා සහභාගීවන රග්බි විනිසුරුකාරවරුන්ගේ ප්‍රමාණය වැඩි කිරීමටත්, ඔවුන්ගේ තාක්ෂණික පහසුකම් වැඩි දියුණු කිරීම වෙනුවෙන් අවශ්‍ය මූල්‍ය ප්‍රතිපාදන ලබා දීමට අවශ්‍ය කටයුතු කඩිනමින් ආරම්භ කරන බව අමාත්‍යවරයා ඒ මොහොතේ ප්‍රකාශ කරන ලදි.      

tigers-treviso-jb-10-prem-ball     

කළුතර හා පානදුර තරග පාවාදීම ගැන සෙවීමට විශ්‍රාමික ශ්‍රේෂ්ඨාධිකරණ විනිසුරුවරියක්

කලුතර හා පානදුර ක්‍රිකට් කණ්ඩායම් අතර පැවැති ප්‍රිමියර් ලීග තුන්දින තරගාවලියේ තරග පාවාදීමේ චෝදනා පිළිබඳව  විමර්ශනයක් කිරීමට විශ්‍රාමික ශ්‍රේෂ්ඨාධිකරණ විනිසුරුවරියක් වන රෝහිනී මාරසිංහ මහත්මිය පත්කර ඇත.

මෙම තරගපවාදීම් පිළිබඳව මීට ඉහතදී පත්කළ ක්‍රිකට් ආයතනය මෙන්ම ක්‍රීඩා අමාත්‍යාංශය පත්කළ කමිටුවල වාර්තා පිළිබඳවද අධ්‍යනය කරමින් සිය අවසන් වාර්තාව ඇය ඉදිරිපත් කිරීමට නියමිතය.

එසේම වරදකරුවන් වෙනුවෙන් ලබාදිය යුතු උපරිම දඬුවම් පිළිබඳව වාර්තාවක්ද ඉදිරිත් කිරිමට නියමිය.

display

 

 

පාසල් රග්බි තරගාවලිය එළඹෙන සදුදා සිට ඇරඹේ

ගැටුම් ඇති වීම නිසා කල් දැමුණු අන්තර්පාසල් ලීග් රග්බි තරගාවලිය එළඹෙන සඳුදා පටන් ආරම්භ කිරීමට අද (25) තීරණය විය. ඒ ක්‍රීඩා හා පළාත් පාලන අමාත්‍ය ෆයිසර් මුස්තාපා මහතාගේ මූලිකත්වයෙන් අද (25) පැවති සාකච්ඡා වලදීය. මේ සඳහා පාසල් රග්බි සම්මේලනයේ නිළධාරීන්, ශ්‍රී ලංකා රග්බි සම්මේලනයේ නිළධාරීන්, අන්තර්පාසල් රග්බි තරගාවලියට සහභාගි වන පාසල් කණ්ඩායම් හා ශ්‍රී ලංකා විනිසුරුවන්ගේ සම්මේලනයේ නිළධාරීන්ද සහභාගි විය. තරගාවලියේ පසුගිය සතියේදී පැවති  ගැටුම් ඇතිවීම හා එම ගැටුම් ඉදිරියේදී වළක්වා ගැනීමට මෙම සාකච්ඡා පැවැත්විණි. මෙහිදී අදාළ ගැටුම් පිළිබඳ එම ගැටුම් වලට සම්බන්ධ පිරීම් වලට එරෙහිව පොලිසියේ පැමිණිලි සටහන් කරන ලෙස අමාත්‍යවරයා උපදෙස් ලබා දුන්නේය. එමෙන්ම තරගය පැවැත්වෙන වේලාවේදී මත්පැන් අදාළ ක්‍රීඩාංගණ තුළ අලෙවි නොකිරීමටද වගබලා ගන්නා ලෙසින්ද සත්කාරක පාසල් වලින් අමාත්‍යවරයා ඉල්ලීමක් සිදු කලේය. එමෙන්ම තරගයන්හි ආරක්ෂාව පිළිබඳ අදාළ පාසල්සමගින් සාකච්ඡා කොට තිරණයක් ගැනීමට විශ්‍රාමික ජ්‍යෙෂ්ඨ නියෝජ්‍ය පොලිස්පති හෆීස් මාසෝ මහතාව පත් කිරීමට ද මෙහිදී තීරණය විය.

ප්‍රේක්ෂකයන් නීතිය අතට ගැනීම ගැන අවධානයක් ඕනෑ

පාසල් රග්බි තරගවලදී ප්‍රේක්ෂකයන්ගේ කලහකාරී හැසිරීම හා නීතිය අතට ගැනීම සම්බන්ධයෙන් සහ විනිසුරුවන්ගේ, ක්‍රීඩකයන්ගේ හා ප්‍රේක්ෂකයන්ගේ ආරාක්ෂාව සම්බන්ධයෙන් විශේෂ අවධානයක් යොමු කළ යුතු බව පළාත් සභා, පළාත් පාලන සහ ක්‍රීඩා අමාත්‍ය ෆයිසර් මුස්තාපා මහතා පවසයි.

මෙම සිදුවීම් තුළින් ශ්‍රී ලංකා පාසල් රග්බි ක්‍රීඩාව අවදානමකට ලක්කර ඇති බවට පැවසූ අමාත්‍යවරයා ශ්‍රී ලංකා රග්බි සංගමය හා රග්බි විනිසුරුවන්ගේ සංගමය අතර,  විශේෂ සාකච්ඡාවක් පැවැත්වූ අතර, එහිදී ඉදිරියේදී පැවැත්වීමට නියමිත පාසල් තරග සඳහා විනිසුරුවන් සහභාගි නොකිරීමට තීරණය කෙරුණි.

ඉදිරියේදී ශ්‍රී ලංකා රග්බි පාපන්දු සංගමය, පාසල් රග්බි සංගමය, අධ්‍යාපන දෙපාර්තමේන්තුව සහ පාසල් බලධාරීන් අතර සාකච්ඡාවක් පවත්වා, මෙම තත්ත්වය මග හරවාගෙන පාසල් රග්බි ක්‍රීඩාවේ විනය නැවතත් ඇති කිරීමට කටයුතු කරන බවද  අමාත්‍යවරයා පැවසීය.

මේ සඳහා වූ සාකච්චාවක් හෙට (25දා) පැවැත්වීමට නියමිතය.

Faiszer-Musthapha-640x400

 

 

 

මහනුවර ක්‍රිකට් සභාපති තිළිණ බණ්ඩාර

THilanaමහනුවර දිස්ත්‍රික් ක්‍රිකට් සංගමයේ සභාපති ධුරයට මධ්‍යම පළාත් ක්‍රීඩා, ග්‍රාම සංවර්ධන, කර්මාන්ත හා වනිතා කටයුතු අමාත්‍ය තිළිණ බණ්ඩාර තෙන්නකෝන් මහතා නිතරඟයෙන් යළිත් පත්ව තිබේ.

මෙම නිලවරණය මහනුවර අස්ගිරිය ශ්‍රීලංකා ක්‍රිකට් මහනුවර දිස්ත්‍රික් කාර්යාලයේදී පැවැත්විණි.

මෙයට ප්‍රථම මධ්‍යම පළාත් ක්‍රිකට් සංගමයේ සභාපති හා මහනුවර දිස්ත්‍රික් ක්‍රිකට් සංගමයේ සභාපති ලෙස කටයුතු කළ තිළිණ බණ්ඩාර තෙන්නකෝන් මහතා වසර 2015දී එම තනතුරුවලින් ඉවත් විය.

මහනුවර දිස්ත්‍රික් ක්‍රිකට් සංගමයේ ලේකම් ධුරයට විරාජ් බණ්ඩාර සුමනසේකර හා භාණ්ඩාගාරික ධුරයට දිලිප් විජේකෝන් යන මහත්වරුද නිතරගයෙන් පත්ව තිබේ.

 

 

ක්‍රිකට් නිලවරණයට මහේලගෙන් උපහාසයක්

ශ්‍රී ලංකා ක්‍රිකට් නිලවරණය පිළිබඳව හිටපු ශ්‍රී ලංකා ක්‍රිකට් නායක මහේල ජයවර්ධන සිය ට්විටර් ගිණුමෙන් කළ ප්‍රකාශයක් මේ වන විට සමාජ ජාල ඔස්සේ දැඩි කතා බහකට ලක්ව තිබෙනවා. 

මහේල සිය ට්විටර් ගිණුමෙන් උපහාසයක් කරමින් පවසන්නේ " ශ්‍රී ලංකා ක්‍රිකට් නිලවරණයට නව මුහුණු රාශියක් ඉදිරිපත්ව තිබීම දැකීමට හොඳ දෙයක්" බවයි.

ශ්‍රී ලංකා නිලවරණයේ සභාපති තනතුරට තරග වදින්නේ එක් එක් කාලසීමාවලදී ශ්‍රී ලංකා ක්‍රිකට් ආයතනයේ සභාපති, ලේකම්, උපසභාපති ලෙස කටයුතු කළ පුද්ගලයන් වෙයි. 

Capture

Mahela-new

AB ජාත්‍යන්තර ක්‍රිකට් පිටියට සමුදෙයි

දකුණු අප්‍රිකානු හිටපු නායක, සුපිරි පිතිකරු ඒ.බී. ඩිවිලියර්ස් ජාත්‍යන්තර ක්‍රිකට් පිටියට සමුදීමට තීරණය කර තිබේ.

ටෙස්ට් තරග 114, එක්දින තරග 228ක් හා විස්සයි20 තරග 78කදී ඩිවිලියර්ස් දකුණු අප්‍රිකා කණ්ඩායම නියෝජනය කර ඇත.

දකුණු අප්‍රිකාවෙන් ලෝකයට දායාද කළ සුපිරි පිතිකරුවෙක් වන ඩිවියරස් එක්දින හා ටෙස්ට් තරග වලදී සාමාන්‍ය 50ට වඩා රඳවා ගෙන යන ක්‍රීඩකයිකි.

එක්දින පිටියේ ප්‍රවේගකාරී පිතකිරුවෙක් වන ඩිවිලියර්ස් වේගවත්ම එක්දින ශතකයකට හිමි වාර්තාවට හිමිකම් කියන්නේ කොදෙව්න්ට එරෙහිව පන්දු 31කින් ශතකයක් රැස්කරමිනි.

AB-de-Villiers

රග්බි විනිසුරුවන් පාසල් කිහිපයක තරග වර්ජනයක

අන්තර් පාසල් ලීග් රග්බි (19න් පහළ) තරගාවලියට ක්‍රීඩා කරන පාසල් කිහිපයක් සහභාගි වන ඉදිරි තරග සඳහා විනිසුරුවරුන් ලබා නොදීමට ශ්‍රී ලංකා රග්බි විනිසුරුවන්ගේ සංගමය තීරණය කර තිබේ. 
කොළඹ වෙස්ලි, මරදාන සහිරා හා කුරුණෑගල මලියදේව විදුහල් සහභාගි වන කිසිදු තරගයක් සඳහා මෙලෙස තාවකාලිකව විනිසුරුවන් ලබා නොදීමට රග්බි විනිසුරුවන්ගේ සංගමය තීරණය කළ බව ශ්‍රී ලංකා රග්බි විනිසුරුවන්ගේ සම්මේලනයේ සභාපති නිශාම් ජමල්ඩීන් මහතා 'අද' පුවත්පත සමග පැවසීය. 

වෙස්ලි හා කුරුණෑගල මලියදේව විදුහල් සඳහා මෙලෙස විනිසුරු වාරණයක් සිදු කිරීමට ප්‍රධානම හේතුව වී ඇත්තේ පසුගිය සතියේ පැවැති ඔවුන් සත්කාරකත්වය දැරූ ලීග් රග්බි (19න් පහළ) තරගාවලියේ තරග කිහිපයකදී ප්‍රේක්‍ෂකයන්ගෙන් විනිසුරුවන්ට එල්ල වූ අයහපත් බලපෑම් හේතුවෙනි.  

කොළඹ සහිරා විදුහලේ තරගවලට විනිසුරුවන් සැපයීම තහනම් කර ඇත්තේ එහි ප්‍රධාන පුහුණුකරු වූ ෂම්ලි නවාස් විසින් තරගාවලියේ විනිසුරු තීරණ ප්‍රසිද්ධ මාධ්‍යයේ විවේචනය කිරීම නිසා බව ජමල්ඩීන් මහතා වැඩිදුරත් ප්‍රකාශ කළේය. මේ අනුව මෙම පාසල් සත්කාරකත්වය දරන හෝ සහභාගි වන කිසිදු වයස් කාණ්ඩයක රග්බි තරගයකට තාවකාලිකව විනිසුරුවන් ලබා නොදීමට සිය සංගමය තීරණය කළ බව හෙතෙම මෙහිදී පැවසීය.  මෙයින් විනිසුරුවන්ට එල්ල වූ අයහපත් ප්‍රේක්‍ෂක බලපෑම පිළිබඳ ආසන්නතම සිදුවීම පසුගියදා (19දා) කොළඹ සී.ආර්. ඇන්ඩ්එෆ්.සී. පිටියේදී පැවැති රාජකීය – වෙස්ලි තරගයේදී වාර්තා වූ අතර, එහිදී දෙවැනි අර්ධයේ 25 වැනි මිනිත්තුවේදී ප්‍රේක්‍ෂකයන්ගෙන් විනිසුරුවන්ට එල්ල වූ අයහපත් තර්ජන හා බැණ වැදීම් හේතුවෙන් තරගය තාවකාලිකව නතර කිරීමට තරගයේ විනිසුරු වූ ඩින්කා පීරිස් මහතා ක්‍රියා කළේ තරග තීරකවරයා වූ නිරෝධ විජේරාම මහතාගේ උපදෙස් පිටය.

කෙසේ වෙතත් මේ අතරතුරදී තරගයේ සත්කාරකත්වය දැරූ වෙස්ලි විදුහලේ සංවිධායක කමිටු සාමාජිකයෙකු විනිසුරුවරයාට, තරගය හොඳින් විනිශ්චය නොකළ බව පවසා චෝදනා කර ඇත. එහිදී විනිසුරුවරයා නැවත තරගය ආරම්භ නොකිරීමට සූදානම් වුවත්, පසුව තරග සංවිධායකයන් අදාළ සිදුවීම පිළිබඳ කනගාටුව පළකොට තරග විනිසුරුවරුන්ට ආරක්‍ෂාව සපයන බවට සහතික වීමෙන් පසු නැවත තරගය පැවැත්වීමට විනිසුරුවරයා තීරණය කළේය. කෙසේ නමුත් තරගය නිමා වීමෙන් අනතුරුවද ආරක්‍ෂකයන් විසින් විනිසුරුවරයා පිටියෙන් ඉවතට ගෙන යද්දීද ප්‍රේක්‍ෂකයන් විනිසුරුට තර්ජන හා බැණවැදීම් සිදුකර තිබේ.

මේ සම්බන්ධයෙන් අප වෙත අදහස් දැක් වූ ශ්‍රී ලංකා රග්බි විනිසුරුවන්ගේ සම්මේලනයේ සභාපති නිශාම් ජමල්ඩීන් මහතා පැවසුවේ තරගාවලියේ පසුගිය සතියේ පැවැති ඉසිපතන- කිංග්ස්වුඩ් තරගය අතරතුරදීද මෙවැනි සිදුවීමක් වාර්තා වූ බවත්, මේ සම්බන්ධව
ශ්‍රී ලංකා පාසල් රග්බි සම්මේලනයට තමන් විසින් ලිඛිතව දැනුම් දුන් බවත්ය. 

කෙසේ වෙතත් මෙවැනි සිදුවීම් දිගින් දිගටම සිදුවීම නිසා තම සම්මේලනයේ විනිසුරුවන්ගේ ආරක්‍ෂාව සලසා ගැනීම පිණිස මෙම තීරණයට එළඹි බව ඔහු පැවසීය. මෙය තාවකාලික තීරණයක් බවද හෙතෙම පැවසීය. මේ ආකාරයෙන්ම තරග විනිසුරුට තර්ජනය කිරීමේ සිදුවීමක් පසුගියදා (18දා) කුරුණෑගල මලියදේව විදුහල් ක්‍රීඩාංගණයේදී පැවැති  මලියදේව හා ගල්කිස්ස ශා. තෝමස් අතර තරගයේදීද වාර්තා විය. මේ සම්බන්ධයෙන් වැඩිදුරටත් අදහස් දැක් වූ ජමල්ඩීන් මහතා, "අපි විනිසුරුවරුන්ගෙත් ආරක්‍ෂාව බලන්න ඕන. විනිසුරුගේ මොකක්හරි වැරැද්දක් තියෙනවා නම් ඒකට ලෝක රග්බි සම්මේලනයෙන් පවා නියම කරල තියෙන ක්‍රමවේදයක් තියෙනවා. පසුගිය සතියේදී ඉසිපතන – කිංග්ස්වුඩ් අතර තරගයේදීත් මෙවැනි සිදුවීමක් වාර්තා වුණා. අපි මේ පිළිබඳ පාසල් රග්බි සම්මේලනයත් දැනුවත් කළා. ඔවුන්ගේ තීරණය එනකන් තමයි අපි බලන් ඉන්නේ. මේ වගේ සිදුවීම් දිගින් දිගටම වෙනව නම් අපිට බලන් ඉන්න බෑ" යනුවෙන් පැවසීය.

මේ අතර සහිරා විදුහලේ පුහුණුකරුගේ ක්‍රියාව සම්බන්ධයෙන් අදහස් දැක් වූ ජමල්ඩීන් මහතා, "ඔහු පසුගියදා පැවැති සහිරා හාශා. ජෝශප් අතර තරගයෙන් අනතුරුව තරගයේ විනිසුරු තීරණ විවේචනය කරල මාධ්‍යයකට ප්‍රකාශ නිකුත් කරල තිබෙනවා. අන්තර්ජාතික රග්බි සම්මේලනයේ නීතිරීතිවලට අනුව ඔහුට (සහිරා රග්බි පුහුණුකරු) එහෙම ප්‍රසිද්ධ මාධ්‍යයකට විනිසුරුව විවේචනය කරල ප්‍රකාශ නිකුත් කරන්න බෑ. මේ පිළිබඳවත් අපි පාසල් සංගමයට ලිඛිතව පැමිණිලි කරල තිබෙනවා".

මේ සම්බන්ධයෙන් අප කළ විමසුමකදී ශ්‍රී ලංකා පාසල් රග්බි සම්මේලනයේ ලේකම් නිරෝධ විජේරාම මහතා පැවසුවේ ශ්‍රී ලංකා රග්බි විනිසුරුවන්ගේ සම්මේලනය මගින් විනිසුරුවන් ලබා නොදීම පිළිබඳ ලිඛිත දැනුම්දීමක් සිය සංගමයට නොකළ බවයි. 
කෙසේ නමුත් විජේරාම මහතා විනිසුරුවන්ගේ ගැටලුව ඇති වූ වෙස්ලි – රාජකීය තරගයේ තරග තීරකවරයා ලෙසින්ද කටයුතු කළ අතර, මේ සම්බන්ධයෙන් ගන්නා ක්‍රියාමාර්ග පිළිබඳ තමන්ද මේ වන විට වාර්තාවක් ඉදිරිපත් කොට ඇති බවත්, තරග විනිසුරුගේ හා කණ්ඩායම්වල වාර්තාද සලකා බලා ඉදිරියේදී ගන්නා ක්‍රියාමාර්ග පිළිබඳ සලකා බලන බවත් හෙතෙම පැවසීය.

මේ සම්බන්ධයෙන් තීරණයක් ගැනීම සඳහා සිද්ධියට සම්බන්ධ පාසල් , විනිසුරුවන් සමගින් අද (23) සාකච්ඡාවක් සිදු කරන බව ශ්‍රී ලංකා පාසල් රග්බි සම්මේලනයේ සභාපති රංජිත් චන්ද්‍රසේකර මහතා 'අද' පුවත්පතට පැවසීය.

PremRugbyBalls2-new-1024x576

තරග පාවාදෙන්න එක්කෙනෙකුට විතරක් පුළුවන්ද?

තරග පාවාදෙන්නෙකු ලෙසින් තමන්ට දිගින් දිගටම චෝදනා එල්ල කළද තමන් නිර්දෝශී බවත්, කිසිදු තරග පාවාදීමක් සිදු නොවූ බවත්, ශ්‍රී ලංකා ක්‍රිකට් ආයතනයේ උපලේකම් රවීන් වික්‍රමරත්න මහතා පැවසීය. කළුතර ක්‍රීඩා සමාජය හා පානදුර කායවර්ධන කවය ක්‍රීඩා සමාජය අතර පසුගිය වර්ෂයේ (2017) ජනවාරි මසදී පැවැති පළමු පෙළ ක්‍රිකට් තරගාවලියේ තරගයකදී සිදුවූයේ යැයි කියන තරග පාවාදීම සම්බන්ධයෙන් කරුණු පැහැදිලි කිරීම උදෙසා රවින් වික්‍රමරත්න මහතා විසින් මෙම මාධ්‍ය හමුව ඊයේ (22දා) පවත්වනු ලැබීය. හෙතෙම මෙහිදී පැවසූයේ කිසිදු තරග පාවාදීමකට තමන් සම්බන්ධ නොවූ බවත් , කිසිදු තරග  පාවාදීමක් සිදුනොවූ බවත්ය.
 
මෙහිදී වැඩිදුරටත් අදහස් දැක් වූ වික්‍රමරත්න මහතා,"මේ දක්වා මම කතා නොකර හිටියේ තරගයෙන් පස්සෙ එක දිගට මාස ගණනාවක් පරීක්ෂණයක් ගිහින් ඉන් පස්සෙ ක්‍රීඩා අමාත්‍යාංශයෙනුත් පරීක්ෂණයක් පැවැත්වුණ නිසා. නමුත් ඇතැම් මාධ්‍යයන් දිගින් දිගටම මට පහර එල්ල කළා මම මේකට සම්බන්ධයි කියලා. මම විධායක කමිටු සාමාජිකයෙක්. තිලංග සුමතිපාල මහතාගේ මිත්‍රයෙක්. ඒක දඩමීමා කරගෙන දිගින් දිගටම මට පහර එල්ල කළා. මාව උලුප්පලා පෙන්නලා තරග පාවාදෙන්නා කියන තැනකට සමහර මාධ්‍ය මාව ඇදගෙන ගියා. මේ පිළිබඳ මම විධායක කමිටුවට ලිඛිතව දැනුම් දුන්නා මට වන අපකීර්තිය මගේ වෘත්තීයමය තත්ත්වයට කැළලක් කියලා" යැයි පැවසීය.
 
මෙහිදී සිය ස්ථාවරය හා ගන්නා ඉදිරි ක්‍රියාමාර්ග සම්බන්ධයෙන් අදහස් දැක්වූ වික්‍රමරත්න මහතා,
 
"මම ඉදිරියේදී ක්‍රීඩා ඇමතිතුමාටත් මේ පිළිබඳ යොමු කරන්න බලාපොරොත්තු වෙනවා. මොකද ක්‍රීඩා අමාත්‍යාංශයෙන් දුන්න නිර්දේශවල මගේ නමත් සඳහන් වෙලා තියෙනවා. මේකෙදී ක්‍රීඩකයන්ගේ ස්වාභාවික යුක්ති මූලධර්ම උල්ලංඝනය වෙලා තියෙනවා කියලත් තියනවා. නමුත් මේ  පරීක්ෂණය මාස එකොළහක් විතර කාලයක් තිබ්බට ඒ පිළිබඳව මට එක සැරයක්වත් කතා කරලා නෑ.(ප්‍රශ්න කර නෑ) මම අහන්නේ තරග පාවාදෙන්න තනි නිලධාරියෙක්ට විතරක් පුළුවන්ද. පාවාදෙන්න ක්‍රීඩකයන්ගෙන් උදව්වක් එන්න ඕන. නමුත් මේකෙ තියෙන්නේ ක්‍රීඩකයන් නිදහස් කරන්න, නිලධාරීන්ට දඬුවම් කරන්න කියලා. ක්‍රීඩකයන් නැතුව තරගයක් සෙල්ලම් කරන්න පුළුවන්ද?
 
ක්‍රීඩකයන්ට යුක්ති මූලධර්මයක් නෑ කියලා අතඅරිනවා නම් මට තියෙන යුක්ති මූලධර්මය මොකද්ද? මේක අහන්නේ නැතුව මේ ප්‍රශ්නය තවත් තලයන්ට ගෙනියනවා නම් මට නීතිමය මාර්ගයෙන් කටයුතු කරන්න වෙනවා. නමුත් මගේ ස්ථාවරය තමයි මම මේකට සම්බන්ධ නෑ. මෙතන තරග පාවාදීමක් වුණෙත් නෑ කියන එක. මේ ගැටලුව සම්බන්ධව  ක්‍රිකට් විධායක කමිටුව හරියාකාරව ක්‍රියා කළේ නැත්නම් ඒ පිළිබඳවත් මට සාධාරණයක් ඉටු වුණේ නැත්නම් මම නීතිමය ක්‍රියාමාර්ග ගන්නවා" යනුවෙන් ප්‍රකාශ කළේය.
z_p14-Ravin-(1)