Category Archives: sports

ඉන්දීය පළමු ඉනිම 172

සංචාරක ශ්‍රී ලංකා කණ්ඩායම හා සත්කාරක ඉන්දීය කණ්ඩායම අතර කොල්කටාහි ඊඩ්න් ගාඩ්න්ස් ක්‍රීඩාංගණයේ පැවැත්වෙන පළමු ටෙස්ට් තරගයේ පළමු ඉනිම ක්‍රීඩා කළ ඉන්දීය කණ්ඩායම ලකුණු 172ට සීමා කිරීමට ශ්‍රී ලංකා පන්දු යවන්නෝ සමත්වූහ.

විශිස්ඨ පන්දු යැවීම නිරතවූ සුරංග ලක්මාල් පන්දුවාර 19කදී ලකුණු 26ට කඩුලු 4ක් දවාගත්තේය. ඔහු නිලකුණු පන්දුවාර 12ක් යොමුකළේය. දසුන් ශානක, ළහිරු ගමගේ හා ඩිල්රුවන් පෙරේරා කඩුලු 2ක බැගින් දවාගත්හ.

ඉන්දීය ඉනිමේ ඉහළම ලකුණු සංඛ්‍යාව රැස්කළ පුජාරා ලකුණු 52ක් රැස්කළේය. ඉන්දීය ඉදිරිපෙළ පිතිකරුවන් අඩු ලකුණු සංඛ්‍යාවකට දැවී යන විට පසුපෙළ ක්‍රීඩකයන් ඉන්දීය ඉනිම ලකුණු 172ක් දක්වා රැගෙන ගියේය.

පිළිතුරු ඉනිම ක්‍රීඩා කරන ශ්‍රී ලංකා කණ්ඩායම පන්දුවාර 7කට  ලකුණු 34ක් රසකරගෙන සිටින්නේ කඩුලු දෙකක් වැයකරමිනි. සදීර සමරවික්‍රම 23 කට හා කරුණාරත්න ලකුණු 8කට දැවී ගියේය. 

269781

 

සී.ආර්. වසර 9 කට පසු සී.එච්. ඉදිරියේ දණ නමයි

වසර 9 කට පසු රග්බි පිටියේදී සිය පැරණි ප්‍රතිවාදීන් වන සී.ආර්. කණ්ඩායම පරදා ජයක් වාර්තා කිරීමට සී.ආර්. ඇන්ඩ් එෆ්. සී. කණ්ඩායම සමත් විය. මෙවර ඩයලොග් අන්තර්සමාජ ලීග් රග්බි තරගාවලියේ සී.ආර් – සී.එච්. අතර තරගයෙන් සී.ආර්. පරදා ලකුනු 19-12 ක ජයක් වාර්තා කිරීමට සී.එච්. කණ්ඩායම සමත් විය.

කොළඹ තුරග තරග පිටියේදී ඊයේ (17) පැවති තරගයේ පළමු අර්ධයේ පටන් සී.ආර්. කණ්ඩායමට දැඩි පීඩනයක් එල්ල කිරීමට සී.එච්. සමත් විය. එහිදී පළමු අර්ධය ලකුණු 11-07 ක් ලෙසින් සී.එච්පෙරමුණේ සිටිමින් අවසන් විය.

ජයග්‍රාහී සී.එච්. ක්‍රීඩකයෝ ගෝල දිනුමක්, උත්සාහක දිනුමක් හා දඩුවම් පහර 2 ක් ආධාරයෙන් සිය ලකුණු රැස් කළ අතර සී.ආර්. ක්‍රීඩකයින් ගෝල දිනුමක් හා එක් උත්සාහක දිනුහමක් සාර්ථක කර ගත්හ.

සී.ආර්. කණ්ඩායම අවසන් වරට පසලොස් සාමාජික රග්බි පිටියේදී සී.එච්. හමුවේ පරාජයට පත්වූයේ 2008 වර්ෂශයේදීය.

IMG_1761 IMG_1769 IMG_1784 IMG_1798 IMG_1832 IMG_1842 IMG_1868 IMG_1885 IMG_1891 IMG_1897 IMG_1904 IMG_1923

 

ඡායාරූප- ඕෂිත වරකපිටිය

ඒක රොකට් විද්‍යාවක් නෙමෙයි – පෝතාස්

ඉන්දියාව හා ශ්‍රී ලංකාව අතර පැවැත්වෙන පළමු ටෙස්ට් තරගයේ මේ දක්වා සියලු දේ සිදුවූ ආකාරය පිළිබඳව ශ්‍රී ලංකා තාවකාලික පුහුණුකරු නික් පෝතාස් සතුටෙන් සිටියි. නමුත් තවත් දවස් තුනක් තරගය පැවැත්වීමට නියමිත හෙයින් ඔහු වැඩි තක්සේරුවක් කිරීමට කටයුතු නොකළේය.

“අපි මේ දේ අඛණ්ඩව කරගෙන යන්න හදන්නේ. ඒක රොකට් විද්‍යාවක් නෙමෙයි. අපි පසුපසට ගිහින් නියමිත ස්ථානයට පන්දු යැව්වා. විශ්වාස කරනවා ඉදිරි දිනත් අපට වැඩ කරාවි කියා. මේ දක්වා සිදුවු දේවල් ගැන අපි සතුටු වෙනවා. ඒක පිතිකරුවන්ට අභියෝගාත්මක විකට්ටුවක්. නමුත් ඔබ තවදුරටත් එහි ගොස් ඔබගේ රාජකාරිය ඉටුකළ යුතුයි.”

“දෙවැනි දිනයේදී අපි ගොඩක් දේවල් බලාපොරොත්තුවෙන් සිටියේ. තවමත් තරගය පැරණි නෑ. අපි දින දෙකයි ක්‍රීඩා කළේ. මේ ඉන්න තත්ත්වය ගැන අපි සතුටුයි. නමුත් ඉන්දීය කණ්ඩායම සමග බැලු විට මෙයින් සතුටු වෙන්න බෑ.”

ඉන්දීය කණ්ඩායමේ මුල්පෙල විනාශ කරමින් පන්දුවාර 11කදී ලකුණු 5ට කඩුලු 3ක් දවාගත් සුරංග ලක්මාල්ව අගයීමට පෝතාස් අමතක නොකළේය.

“ ඔහු බුද්ධිමත් පන්දු යවන්නෙක්. ඔහු ගොඩක් පරීක්ෂණ කරනවා. ඔහු දන්නවා ඔහුගේ කාර්ය කොහොමද කළමණාකරනය කරන්නේ කියා. එය ජාත්‍යන්තර පන්දු යවන්නෙකුගේ ලක්ෂණයක්. ඔහු හොඳින්ම වර්ධනය වෙලා ඉන්නේ. ජාත්‍යන්තර ක්‍රිකට් ක්‍රීඩාවේදී අනෙක් ක්‍රීඩකයන් වර්ධනය වෙන නිසා ඔබත් වර්ධනය විය යුතුයි. එහෙම නැත්නම් ඔබට වර්ධනයක් ලබාගන්න බෑ”

cricket-sri-ind-odi_190f0706-87ff-11e7-b7bc-fa1568cb40f1

නිදහස් කුසලානයට දින නියම වෙයි

ශ්‍රී ලංකාවේ 70 වැනි නිදහස සැමරීම සඳහා ශ්‍රී ලංකාව, ඉන්දියාව හා බංග්ලදේශය යන රටවල් තුනේ සහභාගීත්වයෙන් තුන්කොන් විස්සයි20 තරගාවලියක් පැවැත්වීමට ශ්‍රී ලංකා ක්‍රිකට් ආයතනය කටයුතු කර තිබේ. එම තරගාවලිය මාර්තු මස 08 දා සිට 20 දා දක්වා කොළඹ ආර්. ප්‍රේමදාස පිටියේදි පැවැත්වීමට නියමිතය. 

326730-sri-lanka-cricket-board-log

ඉන්දියාව කඩුලු 5ට ලකුණු 74

ඉන්දියාව හා ශ්‍රී ලංකාව අතර පැවැත්වෙන පළමු ටෙස්ට් තරගයේ දෙවැනි දිනයද පන්දුවාර 21කට සීමා විය. පළමු දිනයේදී පන්දුවාර 11.5ක් යොමුකළ්ය.  සුරංග ලක්මාල් පළමු දිනයේදී කැපී පෙනෙන තරුව බවට පත්වෙද්දී සිකුරාදා (නොවැම්බර් 17දා) කොල්කටා පිටියේදී තරුව බවට පත්වූයේ පුජාරාය.

දෙවැනි දිනයේදී තරගය ආරම්භ කළේ නියමිත වේලාවට වඩා විනාඩි 15ක් පෙරාතුවය. ඒ අනුව තරගය පෙරවරු 9.15ට ආරම්භවිය. දිවා ආහාරය සඳහා තරගය නැවැත්වීමට පැය භාගයක කාලයක් තිබියදී වර්ශාව ආරම්භවිය. ක්‍රමයෙන් වර්ෂාව අධික වූ අතර තරගය 2.30ට පමණ අත්හැර දැමීමට සිදුවිය.

ඉන්දියාව කඩුලු 5ට ලකුණු 74ක් රැස්කරගෙන සිටියේය. පුජාරා නොදැවී ලකුණු 47ක් රැස්කරගෙන සිටියි. ඔහු පන්දු 102කට මුහුණ දී ඇත. ඔහුව දවා ගැනීම සඳහා ශ්‍රී ලංකා පන්දු යවන්නෝ හැකි උපරිමය කළත් එයින් ආරක්ෂා වීමට පුජාරා සමත්විය.

ඉන්දීය අනෙක් පිතිකරුවන් ගැන සඳහන් කරන්නේ නම් ලෝකේෂ් රාහුල් හා විරාත් කෝලි ලකුණු ලබා ගැනිමට මත්තෙන් පිටියෙන් ඉවත්විය. ශිකර් දවාන් ලකුණු 8ක් රැස්කළේය. රහානේ හා අශ්වින් ලකුණු 4ට දැවී ගියේය. තරගය අත්හැර දමන විට රිද්දිමාන් සහා පුජාරාට හොඳ සහායක් ලබාදෙමින් සිටියේය. ඔහු ලකුණු 6ක් රැස්කරගෙන සිටියි. එකතුවක් වශයෙන් ගත් විට පුජාරා රැසකළ ලකුණු සංඛ්‍යාවෙන් භාගයක් හෝ රැස්කිරීමට අනෙක් පිතිකරුවන්ට නොහැකිවිය.

පහරවල් එල්ල නොකළ යුතු පන්දුවලට පහරවල් එල්ල කිරීමට ගොස් දසුන් ශානකගේ පන්දු හමුවේ රහානේ හා අශ්වින් දැවී ගියේය. ඒ හරහා ඉන්දීය පිතිකරුවන්ට පීඩනය එල්ල කිරීමට ශ්‍රී ලංකා පන්දු යවන්නෝ සමත්වූහ.

ඉන්දියාව දෙවැනි දිනය ආරම්භ කළේ ලකුණු 17ට කඩුලු 3ක් දැවී ගොස් තිබූ අවස්ථාවකය. ඒ අනුව පන්දුවට පහරදීමට පැමිණි පුජාරා හා රහානේ කෙසේ ක්‍රීඩා කරයිද යන්න බොහෝ දෙනෙනකු අවධානය යොමුකර තිබුණු ගැටලුවකි. ශානකගේ පන්දුවක් හමුවේ පිතතේ දාරයේ වැදුණ පන්දුව කඩුලු රකින දික්වැල්ල නිවැරදිව රැක ගැනීනේ පසුව රහානේගේ ඉනිම අවසන්විය. ඉන් අනතුරුව ඔහු අශ්වින්ව දවා ගත්තේය. දිනය නිමාකරන විට දසුන් ලකුණු 23ට කඩුලු 2ක් දවාගත්තේය.පන්දුවාර 11ක් යොමුකළ ලක්මාල් ලකුණු 5ට කඩුලු තුනක් දවාගත්තේය.

ඉදිරි දිනයන්ද කාලගුණයෙන් පෙන්වන්නේ සාර්ථක අනාවැකි නොවේ. සෙනසුරාදා දිනයේදී ගිගුරුම් සහිත වැසි ඇතිවිය හැකි බව ඔවුන් නිවේදනය කරයි. ටෙස්ට් තරගයේ දින දෙකකදී මේ දක්වාම ක්‍රීඩා කළේ එක් හොඳ සැසියක් පමණි. විකට්ටුව මේ ආකාරයෙන්ම පැවැතියහොත් අනිවාර්යෙන්ම තරගය අඩු ලකුණු අනුව තීරණය වෙනු ඇත.

Cheteshwar-Pujara-1

 

 

ක්‍රීඩකයින්ගේ ආර්ථිකය දියුණු කිරීමට දල්මියා මුල්වූවා -ශ්‍රී ලංකා ක්‍රිකට් සභාපති තිලංග සුමතිපාල

ක්‍රිකට් ක්‍රීඩාවේ හා ක්‍රිකට් ක්‍රීඩකයන්ගේ ආර්ථික පසුබිම උසස් තත්ත්වයකට ගෙනඒමට පුරෝගාමීව ක්‍රියාකළ ජාත්‍යන්තර ක්‍රිකට් සමුළුවේ සහ ඉන්දීය ක්‍රිකට් පාලක මණ්ඩලයේ හිටපු සභාපතිවරයෙකු වන ජග්මෝහන් දල්මියා අතිදක්ෂ පරිපාලකයෙකු ලෙස සුහදව  සාකච්ඡා මගින් ගැටලු විසඳූ දක්ෂ නිලධාරියෙකු බව ශ්‍රී ලංකා ක්‍රිකට් ආයතනයේ සභාපති තිලංග සුමතිපාල මහතා පැවසීය.

ක්‍රිකට් සභාපතිවරයා මේ බව සඳහන් කළේ පසුගියදා (14දා) ඉන්දියාවේ පැවති දල්මියා මහතාගේ 77 වන ජන්මෝත්සවය වෙනුවෙන් එහි විශේෂ ආරාධිත අමුත්තා ලෙස සහභාගී වෙමිනි.

ජාත්‍යන්තර ක්‍රිකට් ක්‍රීඩාවේ සහ උපමහද්වීපයේ ක්‍රිකට් ක්‍රීඩාව සංවර්ධනයට දල්මියා මහතාගෙන් සිදුවූ සේවය උදාර හා විශිෂ්ඨ වන්නේ යැයි ද සුමතිපාල මහතා එහි දී සඳහන් කළේය.  ඉන්දීය ක්‍රිකට් ක්‍රීඩාවේ පීතෘ ලෙස සැලකූ දල්මියා මහතා සිය 75 වන ජන්ම දිනයට දින දෙකකට පසු පෞද්ගලික රෝහලක දී අභාවප්‍රාප්ත විය.  බැංගලෝරයේ ටාජ් හෝටලයේ ක්‍රිස්ට්ල් ශාලාවේ පැවැති දල්මියා 77 වන ජන්ම උත්සවයට ශ්‍රී ලංකා -  ඉන්දීය ක්‍රිකට් කණ්ඩායම්ද ශ්‍රී ලංකා – පකිස්තාන – ඉන්දියා ක්‍රිකට් ආයතනයන් හි නියෝජිතයන් හා වත්මන් හා හිටපු ක්‍රීඩකයන් රැසක් ද සහභාගි වූහ. 

 

මෙහි දී ශ්‍රී ලංකා ක්‍රිකට් ආයතනයේ සභාපති තිලංග සුමතිපාල මහතා හා හිටපු ඉන්දීය ක්‍රිකට් නායක කපිල් දේව් ප්‍රධාන දේශන පැවැත්වූ අතර, එම අවස්ථාවට දල්මියා මහතාගේ බිරිඳ ඇතුළු පවුලේ සාමාජිකයෝද එක්ව සිටියහ. 

මෙහි දී වැඩිදුරටත් අදහස් දැක්වූ ශ්‍රී ලංකා ක්‍රිකට් ආයතනයේ සභාපති තිලංග සුමතිපාල මහතා,

‘දල්මියා මහතා ජගත් ක්‍රිකට් සංවර්ධනය වෙනුවෙන් අමිල මෙහෙයක් සිදු කළා.  සාකච්ඡා මාර්ගයෙන් කටයුතු සාර්ථක කරගැනීමට ඩල්මියා මහතා තුළ විශේෂ දක්ෂතාවක් තිබුණා.  ක්‍රිකට් පරිපාලකයෙක් ලෙසට ඔහු ක්‍රිකට් ක්‍රීඩාවේ මෙන්ම ක්‍රීඩකයන්ගේ ආර්ථිකයත් ඉහළ මට්ටමකට ගෙන ඒමට පුරෝගාමී වූවා.  1996 ලෝක කුසලාන ක්‍රිකට් සංවිධායක කමිටුවේ (PIL Com – පිල්කොම්) ඔහු විශේෂ කාර්යභාරයක් ඉටු කළා.  1996දී  ඕස්ට්‍රේලියාව සහ බටහිර කොදෙව් දූපත් ශ්‍රී ලංකාවට පැමිණ ක්‍රීඩා කිරීම ප්‍රතික්ෂේප කළ අවස්ථාවේ ඉන්දියා – පාකිස්තාන ඒකාබද්ධ කණ්ඩායමක් ශ්‍රී ලංකාවට පැමිණ ක්‍රීඩා කරවීමේ කටයුත්තේ ප්‍රමුඛයා වුයේද දල්මියා මහතායි. 

 

ඒකාබද්ධ කණ්ඩායමේ නායකයා ලෙස ඉන්දියාවේ මොහොමඩ් අසුරුදීන් පත් කිරීමටත්, පාකිස්තානයේ වසිම් අක්රම් ඔහු යටතේ ක්‍රීඩා කිරීමට කැමති කරවා ගැනීමටත් ඒකාබද්ධ කණ්ඩායමේ කළමනාකරු ලෙස ඉන්ටිකාබ් අලාම් (පාකිස්තානය) නම් කිරීමටත් දල්මියා මහතා ගත්තේ මිනිත්තු 05ක් වැනි සුළු කාලයකුයි.  එම සාකච්ඡාවට මාත් සහභාගි වූවා.  දල්මියා මහතා සාකච්ඡා මගින් සියල්ල විසඳීමට උත්පත්තියෙන්ම දක්ෂ අයෙක්.  සියලුදෙනා සාකච්ඡා මගින් එක මතයකටත් ගෙන ඒමට ඔහුට තිබුණේ පුදුම හැකියාවක්.

 

දල්මියා මහතාගේ ඉදිරි දැක්ම හා විශිෂ්ට නායක්තවය ජගත් ක්‍රිකට් සංවර්ධනයට විශාල ලෙස බලපෑවා.  1990 දශකයේ පසුබෑමකට ලක්වීමට ගිය ජගත් ක්‍රිකට් ක්ෂේත්‍රය දල්මියා මහතාගේ දක්ෂතා මත නව මගක් ගත්තා.  ජගත් ක්‍රිකට් ක්ෂේත්‍රයට දල්මියා මහතාගෙන් සිදු වූ සේවය සදා මතකයේ රැඳෙන බවද වැඩිදුරටත් සඳහන් කළේය.

Pic 1 Pic 2 TS speech

 

ඡායාරූප අනුග්‍රහය- ශ්‍රී ලංකා ක්‍රිකට්

 

සුරංග කඩයිමක් අබියස, ලෝකේෂ්ට වාර්තාවක් අහිමිවෙයි

සංචාරක ශ්‍රී ලංකා කණ්ඩායම හා ඉන්දීය කණ්ඩායම අතර කොල්කටාහි ඊඩ්න් ගාඩ්න්ස් ක්‍රීඩාංගණයේදී අද (16දා) ආරම්භ වූ පළමු ටෙස්ට් ක්‍රිකට් තරගයේදී වාර්තාගත ඉනිමක් ක්‍රීඩාකිරීමට තිබූ අවස්තාව ඉන්දීය ආරම්භක පිතිකරු ලෝකේෂ් රාහුල්ට අහිමි විය.

තරගයේ මුහුණදුන් පළමු පන්දුවෙන්ම ලෝකේෂ් රාහුල්, නිරෝෂන් දික්වැල්ල වෙත උඩපන්දුවක් ලබාදී ලකුණු නොලබාම දැවී ගියේය. මෙම දැවීයාමත් සමග ටෙස්ට් තරග 08කදී අඛණ්ඩව අර්ධ ශතක රැස්කළ ලොව පළමු පිතිකරුවා වීමේ භාග්‍ය හිමිකරගැනීමට තිබූ අවස්ථාව රාහුල්ට අහිමිවිය.

ලෝක ටෙස්ට් ක්‍රිකට් පිටියේ අඛණ්ඩව වාර්තාකළ වැඩිම අර්ධ ශතක සංඛ්‍යාව 07ක් වන අතර, රාහුල් සමගින් පිතිකරුවන් 06 දෙනෙකු එම දක්‍ෂතාව දක්වා ඇත. එම පිතිකරුවන් අතර ශ්‍රී ලංකාවේ කුමාර් සංගක්කාරද සිටින අතර, ඊ.ඩී. වීක්ස් (බ.ඉ. කොදෙව්), ඇන්ඩි ෆ්ලවර් (සිම්බාබ්වේ), ශිවනාරින් චන්ද්‍රපෝල් (බ.ඉ. කොදෙව්) හා ක්‍රිස් රොජර්ස් (ඔස්ට්‍රේලියාව) ඔහු සමගින් සිටින අනෙකුත් පිතිකරුවෝ වෙති.

රාහුල් අවසන් වරට සිදුකළ ශ්‍රී ලංකා තරග සංචාරයේදී (85, 57) මෙන්ම ඔස්ට්‍රේලියානු කණ්ඩායමේ ඉන්දීය තරග සංචාරයේදී (90, 51, 67, 60, 51) අඛණ්ඩව අර්ධ ශතක රැස්කිරීමට සමත් විය.

මේ අතර අද දිනයේ සාර්ථක පන්දු යැවීමක් සනිටුහන් කිරීමට සුරංග ලක්මාල්, ඉන්දීය ඉනිමේ බිඳවැටුණු සියල්ලේම හිමිකරුවා විය. ඔහු පන්දුවාර 06ක් යොමුකළ අතර, එම සියල්ල නිලකුණු පන්දුවාර වීමද සුවිශේෂී වෙයි.

මෙය වාර්තාගත පන්දු යැවීමක් වන අතර, ලක්මාල්ට තවත් එකඳු ලකුණක් හෝ ලබානොදී පන්දු 05ක් (පන්දු 41ක් වනතෙක්) යැවිය හැකි වුවහොත්, ලෝක ටෙස්ට් ක්‍රිකට් පිටියේ අඛණ්ඩව වැඩිම නිලකුණු පන්දු සංඛ්‍යාවක් යොමුකළ පන්දු යවන්නා වීමට අවස්ථාව උදාවේ.

මෙම වාර්තාගත පන්දු යැවීමට මේ වනවිට බටහිර ඉන්දීය කොදෙව් කණ්ඩායමේ ජෙරම් ටේලර් හිමිකම් කියන අතර, ඔහු 2015 වසරේදී ඔස්ට්‍රේලියාව සමග පැවැති තරගයකදී නිලකුණු පන්දු 40ක් යොමුකර ඇත.

269725

වර්ෂාවෙන් බාධා පැමිණියත් ශ්‍රී ලංකා පන්දු යවන්නෝ පළමු දිනය ජයගනිති

edit

ශ්‍රී ලංකාව සමග පැවැත්වෙන පළමු ටෙස්ට් ක්‍රිකට්තරගයේ ශ්‍රී ලංකා ඇරයුමින් පළමුව පන්දුවට පහර දුන් ඉන්දීයාව අයහපත් කාළගුණ තත්වය නිසා පළමු දිනය  අවසන් කරන විට පන්දුවාර 11.5 ක් අවසනදී කඩුළු 3 ක් දැවී ලකුණු රැස් කරගෙන සිටියේ ලකුූන 17 ක් පමණි. නොදැවී පන්දුවට පහර දෙමින් සිටින චේතේෂ්වර් පුජාරා ලකුණූ 8ක් රැස් කරගන සිටින අතර අජින්ක්‍යා රහනේ ලකුණු රැස් කරගෙන නොමැත. අයහපත් ආලෝක තත්වය නිසා තරගය මේ වනවිට අත්හිටුවා ඇත.

ශ්‍රී ලංකා කණ්ඩායමට දසුන් ශානක හා  සධීර සමරවික්‍රම ඇතුලත් වූ අතර ඉන්දීය කණ්ඩායම ට හර්දික් පාණ්ඩ්‍යා වෙනුවට වේගපන්දු යවන ක්‍රීඩක බුවනේෂ්වර් කුමාර් ඇතුලත් විය.

වර්ෂාව හේතුවෙන් තරගයේ කාසියේ වාසිය තීරණය කිරිම ශ්‍රී ලංකා වේලාවෙන් පස්වරු 1 දක්වා ප්‍රමාද විය.

කෙසේ වෙතත් ඉන්දීය ඉනිමේ පළමු පන්දුවෙන්ම ලෝකේෂ් රාහුල් දවා ලිමට සුරංග ලක්මාල් සමත් වූ අතර නිරෝෂන් දික්වැල්ල අතට උඩ පන්දුවක් ලබා දෙමින් ඔහු දැවි ගියේය.

ඉන්දීය ඉනිමේ ලකුණු 13 ක් සනිටුහන් වන විටදී සුරංග ලක්මාල් ගේ පන්දුවක් හමුවේ ශිකර් ධවාන් ලකුනු   13කට දැවී ගියේ පන්දුව කෙලින්ම කඩුල්ලේ වැදිමෙනි.

නැවතත් ක්‍රියාත්මකවූ සුරංග ලක්මාල් නායක විරාත් කෝලිට මෙම තරගයේදී සාර්ථක වීමට ඉඩක් ලබා නොදෙමින් ලකුණු නොලබාම ඔහුව ක්‍රීඩාගාරයට හරවා යැවීය.

වර්ෂාව හා අයහපත් ආලෝක තත්වය  තරගයට කීප විටක්ම බාධා කිරීම කැපී පෙණින.

 

269706 269725 edit

Capture

 

 

 

 

පොලිසිය, යුද හමුදාවට පැරදෙයි

ඩයලොග් චැම්පියන්ස් ලීග් පාපන්දු තරගාවලියේ පොලිස් කණ්ඩායම පරදා ගෝල 1-0 ක ජයක් වාර්තා කිරීමට යුද හමුදා කණ්ඩායම සමත් විය.

ලොන්ඩන් පෙදෙස සී.ආර්. ඇන්ඩ් එෆ්.සී. ක්‍රීඩාංගණයේදී පැවති තරගයේ පළමු අර්ධයේ පටන් කණ්ඩායම් දෙකම ඉතා තියුණු තරග විලාශයකින් තරග වැදුණු අතර ඒ අනුව පළමු අර්ධය නිමා වූයේ කිසිවෙකුටත් ගෝල වාර්තා කිරීමේ අවස්ථාවක් නොමැතිවය.

කෙසේ වෙතත් දෙවැනි අර්ධයේ 55 වැනි මිනිත්තුවේදී ක්‍රියාත්මක වූ තරිඳු ධනුෂ්ක යුද හමුදාව වෙත ගෝලයක් වාර්තා කර දීමත් සමගින් තරගය ගෝල 1-0 ක් ලෙසින් ජය තහවුරු කර ගැනිමට යුද හමුදා කණ්ඩායම සමත් විය.

IMG_1576 IMG_1583 IMG_1591 IMG_1616 IMG_1618 IMG_1632 IMG_1641 IMG_1657 IMG_1673 IMG_1676 IMG_1693 IMG_1705 IMG_1718

 

ඡායාරූප- ඕෂිත වරකපිටිය

 

ජාතික දැල්පන්දු පුහුණුකරුට අනුමැතිය දීම තාවකාලිකව අත්හිටුවයි

දැල්පන්දු පුහුණුකාරිනියට අනුමැතිය ලබාදීම තාවකාලිකව අත්හිටුවීමට පියවර ගෙන ඇතැයි ‘අද’ට වාර්තා වේ. මීට හේතුව වී ඇත්තේ ජාතික දැල්පන්දු පුහුණුකාරිනිය තෝරාගැනීමේ සම්මුඛ පරීක්ෂණයට ඉදිරිපත්වූ හිටපු ජාතික පුහුණුකාරිනියක වන හයසින්ත් විජේසිංහ මහත්මිය ගොනුකළ අභියාචනාව විමර්ශනය කර අවසන් නොවීම හේතුවෙනි. 

එමෙන්ම මේ වනවිට විදෙස්ගතව සිටින දැල්පන්දු සංගමයේ සභාපතිනි ට්‍රික්සි නානායක්කාර මහත්මිය පැමිණ කරුණු දක්වන තෙක් මෙම ගැටලුවට ස්ථිර විසඳුමක් නොමැති බව හෙළිවේ.

ජාතික දැල්පන්දු පුහුණුකාරිනිය තෝරාගැනීමේ ක්‍රියාවලිය නීත්‍යනුකූලව පැවැත්වූයේ නැතැයි චෝදනා කරමින් ඊට මුහුණදුන් පුහුණුකාරිනියක් වන හයසින්ත් විජේසිංහ මහත්මිය පසුගියදා (09දා) අභියාචනාවක් ඉදිරිපත් කළ අතර, එම අභියාචනය විමර්ශනය කිරීම ඊයේ (14දා) පෙරවරු 11.00ට ක්‍රීඩා අමාත්‍යවරයාගේ උපදේශක සහ ජාතික ක්‍රීඩා සභාවේ සභාපති මිල්ටන් අමරසිංහ සහ ක්‍රීඩා අමාත්‍යාංශයේ සහකාර අධ්‍යක්ෂ ආර්.බී. වික්‍රමසිංහ යන  මහත්වරුන්ගේ මූලිකත්වයෙන් ක්‍රීඩා අමාත්‍යාංශයේදී සිදුවිය. 

ශ්‍රී ලංකා දැල්පන්දු සංගමය නියෝජනය කරමින් එහි ලේකම් ජයන්ති සෝමසේකරම් මහත්මිය මෙම අභියාචනාව විමර්ශනයට එක්ව සිටි අතර, හයසින්ත් විජේසිංහ මහත්මිය ඉදිරිපත්ව සිටියේ නීතිඥ ප්‍රතිභා මහානාම මහතා සමගිනි.

අභියාචනය විමර්ශනය  සම්බන්ධයෙන් අප හිටපු ශ්‍රී ලංකා ජාතික දැල්පන්දු පුහුණුකාරිනී හයසින්ත් විජේසිංහ මහත්මියගෙන් කරුණු විමසා සිටි අතර, ඇය පැවසුවේ, අනාගතයේදී දැල්පන්දු ක්‍රීඩාවට පමණක් නොව අනෙකුත් ක්‍රීඩාවන්ටද නිවැරදි ගමන්මගක ගමන් කිරීමට මෙමගින් නිවැරදි මාර්ගයක් එළිපෙහෙළි වනු ඇති බවයි.

ජාතික දැල්පන්දු පුහුණුකාරිනියට අනුමැතිය ලබාදෙන්නේ දැයි අප ක්‍රීඩා අමාත්‍ය දයාසිරි ජයසේකර මහතාගෙන් විමසීමක් කළ අතර අමාත්‍යවරයා පවසා සිටියේ, අභියාචනා ක්‍රියාවලිය අවසන් වූ සැණින් එහි නිර්දේශ මත අනුමැතිය ලබාදීමට පියවර ගන්නා බවයි.

හයසින්ත් විජේසිංහ මහත්මියගේ අභියාචනයේ දැල්පන්දු පුහුණුකාරිනිය තෝරාගැනීමට අදාළ සම්මුඛ සාකච්ඡා මෙහෙයවන නිලධාරී මඬුල්ලට (Panel) දැල්පන්දු සභාපතිනි ට්‍රික්සි නානායක්කාර මහත්මියට සහභාගි විය හැකි වුවද එය මෙහෙයවිය නොහැකි බව දැක්වේ. ඒ අයදුම්කරුවෙකුට යම්කිසි ගැටලුවක් පැනනැගුණු විටදී එය සාකච්ඡා කිරීමට සංගමයේ සභාපති සිටිය යුතු වීම හේතුවෙනි.

 එනිසා සභාපතිනිය මුලසුන දැරීම සදාචාරාත්මක නොවන බව ඇය පවසන්නීය. එමෙන්ම සම්මුඛ පරීක්ෂණය මෙහෙයවූ නිලධාරී මඬුල්ලට ක්‍රීඩා අමාත්‍යාංශයේ සහ දැල්පන්දු සංගමයේ සෙසු බලතල දරන නිලධාරිනියන්ගෙන් අනුමැතියක් හිමිව නැතැයිද ඇය සඳහන් කරන අතර, පුහුණුකරු තෝරාගැනීමට අදාළ සම්මුඛ සාකච්ඡාවේදී අවසන් වසර 05 තුළදී දැක්වූ දක්ෂතා (දේශීය සහ විදේශීය) වෙනුවට වසර 5-10ත් අතර දක්ෂතා පිළිබඳව සොයා බැලීමෙන් අනෙකුත් පුහුණුකාරිනියන්ට අසාධාරණයක් වූවා යැයිද ඇය චෝදනා කරන්නීය.  

අභියාචනා විමර්ශනය සම්බන්ධයෙන් අප ක්‍රීඩා අමාත්‍යවරයාගේ උපදේශක සහ ජාතික ක්‍රීඩා සභාවේ සභාපති මිල්ටන් අමරසිංහ මහතාගෙන් කරුණු විමසා සිටි අතර, ඔහු පැවසුවේ, මෙම අර්බුදයේදී නීතිමය කාරණා ක්‍රියාත්මක කිරීමේදී ගැටලුවක් සිදුව ඇතිදැයි විමර්ශනය කරන බවයි.  එමෙන්ම දැල්පන්දු සංගමයේ සභාපතිනිය මේ වනවිට විදෙස්ගතව සිටින හෙයින් ඇය පැමිණ කරුණු දක්වන තෙක් මෙම ගැටලුවට අවසන් විසඳුමක් ලබාදිය නොහැකි බවද හෙතෙම පවසා සිටියේය.

"අපි අභියාචනය තවදුරටත් විමර්ශනය කරනවා. දැල්පන්දු සභාපතිනිය විදෙස්ගතව සිටින බව සංගමයේ ලේකම්තුමිය අපට දැන්වුවා. විදෙස්ගතව සිටින සභාපතිනිය නැවත පැමිණි පසු අපි ඇයගෙන් විමර්ශනයට අවශ්‍ය තොරතුරු ලබාගන්නවා. එහෙත් ඇය නැවත පැමිණෙන දිනයක් අපිට දන්වලා නැහැ.

අපි ලේකම්තුමියට උපදෙස් දුන්නා ඇය පැමිණෙන දිනයක් අපිට දන්වන ලෙස. අපිට අවසන් තීරණයක් ගන්න වෙන්නේ ඉදිරිපත් වන කරුණු දිහා බලලයි. ඒවගේම නීතිමය කරුණු උල්ලංඝනය වෙලා තිබෙනවා නම්, අපිට ඒ පිළිබඳව නිසි තීරණ ගන්න වෙනවා" යැයි මිල්ටන් අමරසිංහ මහතා වැඩිදුරටත් සඳහන් කළේය. 

පසුගියදා පැවති දැල්පන්දු ජාතික පුහුණුකාරිනිය තෝරා ගැනීමේ සම්මුඛ පරීක්ෂණයෙන් වැඩි ලකුණු ලබා ඊට නිර්දේශ වී සිටියේ වත්මන් බෘෘනායි දැල්පන්දු කණ්ඩායමේ පුහුණුකාරිනිය වන තිලකා ජිනදාස මහත්මියයි.

free-netball-vector