Category Archives: sports

බංග්ලාදේශය හමුවේ ශ්‍රී ලංකාවට ලකුණු 163ක පරාජයක්

තුන්කොන් එක්දින ක්‍රිකට් තරගාවලිය යටතේ ශ්‍රී ලංකා කණ්ඩායම ලැබූ අඛණ්ඩ දෙවැනි පරාජයත් ලැබීය. ඒ සත්කාරක බංග්ලාදේශය හමුවේ ලකුණු 163කින් පරාජයට පත්වෙමිනි.ක

ලකුණු 321ක ජයග්‍රාහී ඉලක්කයක් හඹාගිය ශ්‍රී ලංකා කණ්ඩායමට සියලු දෙනා දැවි රැස්කර ගත හැකිවූයේ ලකුණු 157ක් පමණි. බංග්ලාදේශ ක්‍රිකට් ඉතිහාසයේ එක්දින තරගයකදී වැඩිම ලකුණු පරතරයක් සහිතව ලබාගත් ජයග්‍රහණය ලෙසද මෙය ඉතිහාසයට එක්විය.

එසේම චන්දික හතුරුසිංහ මහතා බංග්ලාදේශ කණ්ඩායමේ පුහුණුකරු තනතුරින් ඉවත්ව ශ්‍රි ලංකා පුහුණුකරු තනතුර භාර ගැනිමෙන් පසුව බංග්ලාදේශයට එරෙහිව පැවැති පළමු එක්දින තරගයද මෙය විය.

ශ්‍රී ලංකා ඉනිමේ ඉහළම ලකුණු සංඛ්‍යාව තිසර පෙරේරා වාර්තා කළේය. ඒ ලකුණු 29කි. තමීම් ඉක්බාල්, මුෂ්ෆිකාර් රහීම් හා ශකිබ් අල් හසන් බංග්ලාදේශය වෙනුවෙන් අර්ධ ශතක රැස්කිරීමට සමත්වූය.

Tamim Iqbal, Shakib Al Hasan

දයාසිරිගෙන් අර්ජුනට නව යෝජනාවක්

ක්‍රීඩා අමාත්‍ය දයාසිරි ජයසේකර සිය කැබිනට්ටු සාමාජික අමාත්‍ය අර්ජුන රණතුංගට හැකිනම් තම අමාත්‍යාංශයේ කටයුතුවලට ඇඟිලි නොගසා විනීත කමක් ඇතිව සිය කැබිනට් සාමාජිකත්වය අතහැර යන ලෙස කියා සිටිනවා.

ක්‍රීඩා අමාත්‍යවරයා මේ බව කියා සිටියේ ඊයේ(18) අමාත්‍යාංශයේ පැවැත්වුනු මාධ්‍ය හමුව අතරතුර මාධ්‍යෙව්දියෙකු ඇසූ ප්‍රශ්නයකට පිළිතුරු දෙමිනුයි.

එසේම ඔහ අර්ජුන අමාත්‍යවරයා වර්තමානයේ ශ්‍රී ලංකා ක්‍රිකට් කමිටුව තුළ කටයුතු සිදු වන අයුරු සම්බන්ධයෙන් පැහැදීමක් නැතිනම් එම තනතුරට පැමිණ එය වෙනස් කර පෙන්වන ලෙසයි.

එසේම ඔහු පෙන්වා දෙන්නේ අමාත්‍යවරයෙකු ලෙසින් ගත් කළ අර්ජුන රණතුංග අතිශය අසාර්ථක බවත් ඔහු මුළින් වරාය හා නාවික කටයුතු අමාත්‍යාංශය විනාශ කළ බවත් දැන් ඛනිජ තෙල් නීතිගත සංස්ථාව විනාශ කරමින් සිටින බවත්ය.

dayasiri

ඩේලිමිරර් ඇසුරෙනි.

 

එක්දින කණ්ඩායමේ නායකත්වය චන්දිමාල්ට

ශ්‍රී ලංකාව, සිම්බාබ්වේ සහ සත්කාරක බංග්ලාදේශය අතර පැවැත්වෙන තුන්කොන් එක්දින තරගාවලියේ දී ශ්‍රී ලංකා එක්දින කණ්ඩායම සහභාගීවන ඉදිරි තරග මෙහෙයවීමේ වගකීම දිනේෂ් චන්දිමාල්ට හිමිව තිබේ. ඒ නායක ඇන්ජලෝ මැතිව්ස් අබාධයකට ලක්වීම හේතුවෙනි.

තරගාවලියේ පළමු තරගය ඊයේ (17දා) සිම්බාබ්වේ කණ්ඩායම සමගින් පැවැත්විණි. එම තරගයෙන් ශ්‍රී ලංකා කණ්ඩායමට ලකුණු 12ක පරාජයක් හිමිවිණි. 

CRICKET-SRI-BAN

ශ්‍රී ලංකාව යළිත් සිම්බාබ්වේ හමුවේ පරදියි

බංග්ලාදේශයේ පැවැත්වෙන තුන්කොන් එක්දින තරගාවලිය යටතේ ශ්‍රී ලංකා කණ්ඩායම හා සිම්බාබ්වේ කණ්ඩායම අතර පැවැති තරගයෙන් සිම්බාබ්වේ කණ්ඩායම හමුවේ ශ්‍රී ලංකා කණ්ඩායම ලකුණු 12කින් පරාජයට  පත්විය.

ලකුණු 291ක ජයග්‍රාහී ඉලක්කයක් හඹා ගිය ශ්‍රී ලංකා කණ්ඩායමට රැස්කළ හැකිවූයේ ලකුණු 278ක් පමණි. පන්දුවාර 48.1කදී ශ්‍රී ලංකා ඉනිම අවසන් විය. කුසල් පෙරේරා හා තිසර පෙරේරා අර්ධ ශතක රැස්කරමින් ශ්‍රී ලංකා ඉනිම ජයග්‍රහණය කරා රැගෙන යාමට උත්සාහ කළත් එය ප්‍රමාණවත් නොවුණි.

නායක ඇන්ජලෝ මැතිව්ස් හා දිනේෂ් චන්දිමාල්ද ලකුණු අතරට පිවිසීමට සමත්වූහ. ටෙන්ඩායි චටාරා කඩුලු 4ක් දවා ගැනීමට සමත්විය.

ඔහුගේ අවසන් පන්දුවාර තුනේදී ඔහු කඩුලු තුනක් බිඳ දැමීමට සමත්වීම සිම්බාබ්වේ ජයග්‍රහණයට අඩිතාලම විය.

Kyle Jarvis, Tendai Chatara

ක්‍රිඩක ක්‍රීඩිකාවන් වැඩිම අවමාන වින්ඳේ වත්මන් රජය යටතේයි – අර්ජුන

ක්‍රීඩක ක්‍රීඩිකාවන්ට අපහාස වන කාලයක රජයේ ඇමතිවරයෙකු ලෙස කටයුතු කිරීමට සිදුවීමතරම් අවමානයක් මේ දක්වා තමන් විඳනැතැයි ඛනිජ තෙල් සම්පත් අමාත්‍ය අර්ජුන රණතුංග මහතා පැවසීය.

එමෙන්ම මෙරට ක්‍රීඩාවට මෙන්ම ක්‍රීඩක ක්‍රීඩිකාවන්ට වැඩිම අවමාන සහ අපහාස විඳින්නට සිදුවූයේ වර්මාන රජය යටතේ බවද ඒ මහතා වැඩිදුරටත් සඳහන් කර සිටියේය.

කඩාවැටෙමින් තිබෙන මෙරට ක්‍රීඩාවට විසඳුම් ලබානොදී බලධාරීන් ඒ සඳහා පැලැස්තර විසඳුම් ලබාදීම තුළින්මෙරට ක්‍රීඩාව තව තවත් ප්‍රපාතයට ගමන් කරමින් තිබෙන බවද අමාත්‍යවරයා සිය දේශනයේදී සඳහන් කර සිටියේය.

මෙරට ප්‍රවීණතම මලල ක්‍රීඩා පුහුණුකරුවෙකු වන යෝගානන්ද විජේසුන්දර මහතා ඇගයීමේ උපහාර උලෙළෙට සහභාගි වෙමින් අමාත්‍යවරයා ඉහත අදහස් දැක්වීය. උපහාර උලෙළ අද (17දා) කොළඹ ඔලිම්පික් කමිටු ශ්‍රවණාගාරයේදී පැවැත්විණි. 

Arjuna

19න් පහළ ශ්‍රී ලංකා එක්දින කණ්ඩායමට ඇෆ්ගනිස්තානය හමුවේ ලකුණු 32ක පරාජයක්

ඇෆ්ගනිස්තාන 19න් පහළ කණ්ඩායම හමුවේ, ඩක්වර්ත් ලුවිස් න්‍යායට අනුව ලකුණු 32ක පරාජයක් අත්විඳීමට ශ්‍රී ලංකා 19න් පහළ කණ්ඩායමට අද (17දා) සිදුවිය. තරගාවලියේ පළමු වටයේ දෙවැනි තරගය ලෙසින් ශ්‍රී ලංකා කණ්ඩායම ඇෆ්ගනිස්තාන කණ්ඩායම සමගින් මෙහිදී තරග වැදුණි.

ප්‍රථමයෙන් පන්දුවට පහරදුන් ඇෆ්ගනිස්තාන කණ්ඩායම නියමිත පන්දුවාර 50 තුළදී කඩුලු 7ක් දැවී ලකුණු 284ක් රැස් කළේය. වර්ෂාව හේතුවෙන් දෙවැනියට පන්දුවට පහරදුන් ශ්‍රී ලංකා කණ්ඩායමට පන්දුවාර 38දී ලකුණු 235ක ඉලක්කයක් හිමිවුවද, පන්දුවාර 37.3දී සියලුදෙනා දැවී රුස්කරගත හැකිවූයේ ලකුණු 202ක් පමණි.

 ඒ අනුව තරගාවලියේ අවසන් පූර්ව වටයට සුදුසුකම් ලබන්නට නම් ශ්‍රී ලංකා 19න් පහළ කණ්ඩායමට පාකිස්තානය සමග පැවැත්වෙන තරගය අනිවාර්යයෙන් ජයගන්නට සිදුවේ.  ICC U19 Cricket World Cup - Sri Lanka v Afghanistan

ශ්‍රී ලංකාව මුලින්ම පන්දු රකියි

බංග්ලාදේශයේ පැවැත්වෙන තුන්කොන් එක්දින  ක්‍රිකට් තරගාවලිය යටතේ ශ්‍රී ලංකා කණ්ඩායම සහභාගිවන පළමු තරගය මේ වන විට බංග්ලාදේශයේ ඩකා නුවරදී පැවැත්වෙයි. 

තරගයේ කාසියේ වාසිය දිනාගත් ශ්‍රි ලංකා නායක ඇන්ජලෝ මැතිව්ස් මුලින්ම පන්දු යැවීමට තීරණය කළේය. 

නව නායක ඇන්ජලෝ මැතිව්ස් හා නව පුහුනුකරු චන්දික හතුරුසිංහ යටතේ පැවැත්වෙන පළමු තරගය මෙය වෙයි.

272043

නරක හැසිරීම නිසා කෝලිට දඩයක්

දකුණු අප්‍රිකාව සමග මේ දිනවල පැවැත්වෙන ටෙස්ට් තරගාවලියේ දෙවැනි ටෙස්ට් ක්‍රිකට් තරගයේදී ක්‍රිකට් ක්‍රීඩාවේ ජීව ගුණයට හානි වන අන්දමින් පිටිය තුළදී හැසිරුණේ යැයි පවසමින් ඉන්දීය ක්‍රිකට් නායක විරාට් කෝලිට තරග ගාස්තුවෙන් සියයට 25ක් සහ ඍණ ලකුණක (DEMERIT POINTS) දඩයක් පැනවීමට තරග තීරක ක්‍රිස් බ්‍රෝඩ් මහතා පියවර ගෙන තිබේ.

දකුණු අප්‍රිකාව සමග පැවැත්වෙන දෙවැනි ටෙස්ට් ක්‍රිකට් තරගයේ තෙවැනි දිනයේදී විරාට් කෝලි පන්දුවේ හැඩය වෙනස් වී ඇතැයි තරග විනිසුරු මයිකල් ගෆ් හට අඛණ්ඩව පැමිණිලි කිරීම, පන්දුව ගෙන නොහොබිනා අයුරින් දමා ගැසීම සහ ක්‍රීඩාගාරයේදී ක්‍රීඩකයෙක්ට නුසුදුසු අයුරින් ආවේගශීලීව හැසිරීම යන වැරදිවලට විරාට් කෝලිට මෙම දඬුවම පනවා ඇත.  

ජාත්‍යන්තර ක්‍රිකට් කවුන්සිලයේ ක්‍රීඩක විනය මාලාවේ පළමු මට්ටම (LEVEL 01) මෙලෙස කෝලී උල්ලංඝනය කර ඇති බව ජාත්‍යන්තර ක්‍රිකට් කවුන්සිලය නිකුත් කළ මාධ්‍ය නිවේදනයක දැක්වේ.

සනත් සැත්කමට මුහුණ දෙයි

ශ්‍රී ලංකා ක්‍රිකට් හිටපු නායකයෙක් මෙන්ම සුපිරි පිතිකරුවෙක්ද වන සනත් ජයසූරිය සිය දණහිසෙ ශල්‍ය කර්මය සඳහා මුහුණ දී තිබෙනවා. ඔහු සිය සැත්කමට ඔස්ට්‍රේලියාවේ මෙල්බර්න් නුවරදී මුහුණ දී ඇත බවයි වාර්තා වෙන්නේ.

ඔහු ක්‍රිකට් ක්‍රීඩාවෙන් සමුගෙන බොහෝ කාලයකට පසුව දණහිසේ ආබාධයකට මුහුණ දුන්නේය. දණහිස් බද්ධ කිරීමේ සැත්කමකට ඔහු මුහුණ දුන් අතර එය සාර්ථක වී ඇති බවයි වාර්තා වෙන්නේ.

FB_IMG_1516037101991

හිරුණි විජේරත්නගෙන් ශ්‍රී ලංකා වාර්තාවක්

ඇමෙරිකාවේ පැවැති "හූස්ටන් මැරතත්" තරගයේදී මැරතන් කාන්තා ඉසව්වේ ශ්‍රී ලංකා වාර්තාව අලුත්කිරීමට හිරුණි විජේරත්න සමත් වූවාය. ඇමෙරිකානු Hiruni_profileවේලාවෙන් ඊයේ (14දා) අවසන් වූ මෙම තරගයේ 08 වැනියා ලෙස හිරුණි තරගය අවසන් කළ අතර, ඒ සඳහා ඇය පැය 2:36:35ක කාලයක් ගතකළාය. හිරුනි සමස්ත තරගයේ (කාන්තා/පිරිමි) 51 වැනි ස්ථානය දිනාගත්තාය.

මෙය නිලූකා රාජසේකර විසින් පිහිටුවා තිබූ දෙවසරක් පැරණි කාන්තා මැරතන් ශ්‍රී ලංකා වාර්තාව අබිබවා යාමක් වන අතර, නිලූකා පසුගිය 2015 වසරේ පැවැති හොංකොං මැරතන් තරගයේදී සිය ඉසව්ව පැය 2:40:07කින් අවසන් කර එම ශ්‍රී ලංකා වාර්තාව පිහිටුවා තිබිණි.

ශ්‍රී ලංකා – ඇමරිකා මලල ක්‍රීඩිකාවක වන හිරුණි වාර්තාකළ මෙම කාලය හේතුවෙන් ඇය මෙම වසරේ අප්‍රේල් මස ඔස්ට්‍රේලියාවේ පැවැත්වෙන පැවැත්වෙන පොදුරාජ්‍ය මණ්ඩලීය ක්‍රීඩා උලෙළටද සුදුසුකම් ලබාගත්තාය.