Category Archives: pilisaran

වකුගඩු රෝගියා ඔබේ ආධාර පතයි

දිවුලපිටිය, උල්ලපොළ, අංක 92 පදිංචි එච්.ඒ.ජේ. අනුර කුමාර මහතා දරුණු වකුගඩු රෝගයකින් පෙළෙන අතර, ඔහුට හැකි ඉක්මනින් 'ඒ' පොසිටිව් (A+) හෝ 'ඕ' (O) වර්ගයේ  වකුගඩුවක් බද්ධ කළ යුතු බවට ජාතික වෘක්තවේද කාන්දු කිරීමේ සහ බද්ධකිරීමේ ආයතනයේ විශේෂඥ වෛද්‍ය අනුර ප්‍රියන්ත හේවාගීගන  මහතා නිර්දේශ කර ඇත.

එම වර්ගයේ වකුගඩුවක් පරිත්‍යාග කළ හැකි අයෙකු වෙතොත් 011-2653778, 077-5896002 ‍යන දුරකථන අංකවලට හේ මොරටුව, මෝල්පේ, දෑගසව් මාවත, අංක 09/B යන ලිපිනයට දැනුම් දෙන ලෙස අනුර කුමාර මහතා ඉල්ලා සිටියි. 

පන්සලට ලැබෙන දානයෙන් පවුලක් නඩත්තු කරන හාමුදුරුවෝ

ගමේ පන්සලේ ලොකු හාමුදුරුවන් නොසිටියා නම්, තම පවුලටම මහමග හිඟාකෑමට වන බව දරුවන් සිවුදෙනෙකුගේ මවක වූ දැනට අංශභාගය රෝගය සෑදී ඔත්පොලව සිටින දවුලගල හන්දෙස්සේ පදිංචි ශාමා ගීතාංජලී (අවු.37) මහත්මිය පවසයි.

අංක 220/2, දිග්ගල වත්ත, හපුගහයට තැන්න, දවුලගල, හන්දෙස්ස පදිංචි ශාමා ගීතාංජලී දරුවන් සිවුදෙනෙකුගේ මවක වන අතර, විවාහ වීමට ප්‍රථම කොළඹ ප්‍රදේශයේ පදිංචිව සිට ඇත.

විවාහයෙන් පසු දවුලගල ස්වාමියාගේ නිවසට පදිංචියට පැමිණ ඇත. වසර කිහිපයක් ගතවන විට දූවරුන් සිවුදෙනෙකු ඔවුන්ට ලැබී ඇති අතර, දරුවන් සියලු දෙනාම දූවරුන් බැවින් නීත්‍යනුකූලව පිරිමි දරුවෙකු සාදාගැනීම සඳහා අසරණ පවුලකින් ලබාගෙන ඇත.

මෙලෙස තම ස්වාමියා සමග කාලය ගතකරන විට දරුවන්ගේ මවට අංශභාගය රෝගය වැලඳීමෙන් එක් අතක් සහ කකුලක් අප්‍රාණික වීමෙන් එක්තැන් වී තිබේ.

1 copy

ඉන්පසු තම පවුලට ආදරයෙන් සිටි ස්වාමියා දරුවන් 05 දෙනා අතහැර දමා වෙනත් කාන්තාවක සමග ගොස් ඇති බව ඇය පවසයි. මේ සම්බන්ධව දවුලගල පොලීසියේද පැමිණිල්ලක් කර ඇති බවත්, මේ දක්වා කිසිදු වන්දි මුදලක් ස්වාමියා විසින් ලබා නොදෙන බවද ඇය පවසා සිටියාය.

තම ස්වාමියාගේ නිවසේ ජිවත් වන ඇය ඇතුළු පවුලේ දරුවන් 05 දෙනා සමග ස්වාමියාගේ මව වන වයස 70ක් පමණ වන සීලවතී මහත්මියද සිටිති.

ඇයටද කුලියක් කරගැනීමටද නොහැකි තත්ත්වයකින් සිටින නිසා තම සහෝදරයන් හා අසල්වැසියන්ගෙන් ලැබුණු ආහාරවලින් ජීවිතය ගැටගසා ගත්තද, දරුවන්ට ඉගැන්වීමට ක්‍රමයක් නොමැති බව තම සිතට දැනුණු විට දරුවන් සමග ජීවිතය පවා නැතිකර ගැනීමට සිතුණු වාර අනන්ත බව දරුවන්ගේ මව වන ශාමා ගීතාංජලී මහත්මිය පැවසීය.

මෙලෙස දිනෙන් දින කාලය ගතවන විට ගමේ විහාරයේ ලොකු හාමුදුරුවන්ගෙන් ලද පණිවුඩයකට අනුව නිවසේ සිටින මිත්තණිය දවුලගල හන්දෙස්ස හපුගහයට තැන්න ශ්‍රී ශෙලතලාරාම විහාරස්ථානයේ විහාරාධිපති දෙයියන්නෙවල පියරතන නායක හිමියන් හමුවී ඇත.

25 copy

මිත්තණිය අප සමග පැවසුවේ, දරුවන්ගේ අධ්‍යාපන කටයුතු කිසි විටක අඩාල නොකරන ලෙසටත්, විහාරයට ලැබෙන ආහාර පාන හැකි අයුරින් දිනපතා ලබාදෙන බවටත්, දානය නොලබෙන අවස්ථාවලදී ආහාරපාන ගැනීම සඳහා මුදල් ලබාදෙන බවටත්, දරුවන්ට අධ්‍යාපනය ලබාදී දරුවන් නිසිමගට ගැනීමට කැපවෙන්නේ නම්, උදවු කිරීමට හැකි බවටත් නායක හිමියන් පැවැසූ බවයි.

ඇය වැඩිදුරටත් පැවසුවේ, තම ලේලියට අංශභාගය රෝගය සෑදුණු පසු තම පුතු වෙනත් කාන්තාවක සමග ගොස් ඇති බවත්, දරුවන් හා ලේලිය තම නිවසේ සිට ජීවත් කරවීමට ගමේ විහාරයේ නායක හිමියන් මේ වනවිට වසර එකහමාරක් පමණ විහාරයට ලැබෙන ආහාර මුදල් තමන්ට ලබාදෙන බවත්ය.

මේ සම්බන්ධව අදහස් දැක්වූ දවුලගල හන්දෙස්ස හපුගහයටතැන්න ශ්‍රී ශෙලතලාරාම විහාරස්ථානයේ විහාරාධිපති දෙයියන්නෙවල පියරතන නායක හිමියෝ,

''මේ අපේ පන්සලේ දායක පවුල ගොඩාක් සමගියෙන් හිටියා. පිරිමි දරුවෙක් නැහැ කියල දරුවෙකුත් අරගෙන හදාගත්තා. දැන් වසර එකහමාරකට විතර ඉහතදී දායක මහත්මියට අංශභාගය රෝගය හැදිල අතකුයි කකුලකුයි පණනැති වුණා. ඔය අතරේ දායක මහත්මියගේ ස්වාමියා දරුවන් 04 දෙනා දාලා වෙනත් කාන්තාවක් එක්ක ගිහින් කියලා දැනගන්න ලැබුණා.

දරුවන්ට හරියට කන්න බොන්න නැහැ. දරුවන් පාසල් යන්නෙ නැහැ කියලා මට දැනගන්න ලැබුණා. මම එයාලව පන්සලට ගෙනැල්ලා උපදෙස් දුන්නා, පන්සලට ලැබෙන දානෙ දෙන්නම් ඔයාලට ජීවත් වෙන්න, දරුවන්ගෙ අධ්‍යපන කටයුතු නවත්වන්න එපා කියලා.

මමත් පිරිවෙන් ගුරුවරයෙක්. දැන් විශ්‍රාම ගිහිල්ල ඉන්නෙ. මගේ විහාරයෙත් කුඩා සාමනේර හිමිවරු 05ක් විතර වැඩ ඉන්නවා. තවත් පිරිවෙනේ ඉගෙන ගන්න දරුවන් 04ක් විතර ඉන්නවා. ඒ අය ජීවත් කරවන්නෙ අධ්‍යාපනයට අවශ්‍ය දේවල් ගන්නෙ මට ලැබෙන විශ්‍රාම මුදලෙන්. මම ඒ කටයුතු කරන ගමන් අර පවුලටත් මාසෙකට අවශ්‍ය බඩු බාහිරාදිය ගෙනැල්ල දෙනවා. උදවු කරනවා. ඒ දරුවනුත් අධ්‍යාපනයෙන් හොඳ තැනකට ඇවිත් ගතකරයි කියන බලාපොරොත්තුවකින් තමයි මම උදව් කරන්නෙ'' යැයි පැවසූහ.

 7 copy 15 copy 23 copy  26 copy 32 copy 38 copy

 

තම රෝගී දරුවාට ලැබුණු මුදලින් කොටසක් පරිත්‍යාග කළ නූතන විශාකාවියක්

අක්මා ආබාධයකින් පෙලුණු තම මිය ගිය දරුවාගේ අක්මා බද්ධ ශල්‍යකර්මය සඳහා එකතු වූ මුදලින් රුපියල් ලක්ෂ 35ක් එවැනිම අක්මා ආබාධවලින් පෙළෙන දරුවන් දෙදෙනකුගේ ශල්‍යකර්ම සඳහා ලබාදුන් නූතන විශාකාවියක් ගාල්ල දක්ෂිණ ලංකා මාධ්‍ය මධ්‍යස්ථානයේදී (21දා) හමු විය.

මේ පරිත්‍යාගශීලි කාන්තාව ගාල්ල වක්වැල්ල පදිංචි ඩබ්ලිව්.‍ඒ. දිනේෂා රංගනී ඇයයි.  

ඇය සිය සැමියා වන අසංග ගමගේ මහතා සමග පසුගිය (18) සහ (21) යන දෙදින දක්ෂිණ ලංකා මාධ්‍ය මධ්‍යස්ථානයට අවස්ථා අවස්ථා දෙකක දී පැමිණ මෙම පරිත්‍යාග සිදු කරනු ලැබුවාය.

ගාල්ල වක්වැල්ල අපේ ගම ප්‍රදේශයේ පදිංචිව සිට මියගිය සඳනෙත් ලාලිත මාස 11ක දරුවා වෙනුවෙන් ඔහුගේ මව සහ පියා විසින් එකතු කරගත් මුදලින් රුපියල් ලක්ෂ විස්සක මුදලක්  එවැනිම අක්මා රෝගයෙන් පෙළෙන රාගම ප්‍රදේශයේ පදිංචි චෙනුති සතිස්මා (මාස 8) වෙනුවෙන් ප්‍රදානය කිරීම 18දා සිදු විය.

සතිස්මාගේ මව වන සජීවනී විරානි හෙට්ටිආරච්චි මහත්මියට මෙම මුදල් පරිත්‍යාග කිරීම සිදු විය.

ඉන් අනතුරුව රංගනී මහත්මිය ඉකුත් 21 වැනි දිනද එවැනිම අක්මා රෝගයෙන් පෙළෙන මොනරාගල කුඹුක්කන පදංචි එච්. එම්. ඩිලානි සෙත්මිණි දැරියටද (අවු9) ඉන්දියාවේ දි සිදු කිරීමට නියමිත ශල්‍යකර්මය සදහා රුපියල් ලක්ෂ 15ක් පිරිනමනු ලැබුවාය.

පුතුගේ වියෝව පිළිබදව අදහස් දක්වමින් ඩබ්ලිව්. ඒ. දිනේෂා රංගනී මෙසේ කීවාය. "මගේ පුතා අක්මා රෝගයකින් පෙළෙන බව වෛද්‍යවරුන්ගෙන් මම දැන ගත්තා. ඒ සදහා රුපියල් ලකෂ 85ක් පමණ වැය වෙන බව වෛද්‍යවරු පැවසුවා.

එම අක්මා බද්ධ ශල්‍යකර්මය ඉන්දියාවේ දී සිදු කළ යුතු බවත් වෛද්‍යවරු කීවා. ඊට පසු මමත් පවුලේ අයත් පොළවල් ගානේ යමින් ශල්‍යකර්මයට අවශ්‍ය මුදල් එකතු කළත් අවශ්‍ය මුදල ලබාගත හැකි වූයේ නැහැ. පසුව මෙම සිද්ධිය විවිධ මාධ්‍යවල ප්‍රචාරය වීමෙන් පසුව අවශ්‍ය මුදල සොයා ගෙන ශල්‍යකර්මය කිරීමට සූදානමින් සිටියදී අවාසනාවන්ත ලෙස දරුවා මිය ගියා.

පුතාට රාගම රෝහලේදී ප්‍රතිකාර ගැනීමේ දි තවත් එවැනිම අක්මා රෝගයෙන් පෙළෙන දරුවන් දෙදෙනකු හඳුනා ගත්තා. එම දරුවන්ට ඉන්දියාවේ දී අක්මා බද්ධ ශල්‍යකර්මය කිරීමට නියමිතව තිබුණ මගේ දරුවා මිය ගිය නිසා එම දරුවාට ශල්‍යකර්මය කිරීමට රුපියල් ලක්ෂ 80 වැයවෙන නිසා මගේ පුතා වෙනුවෙන් එකතු වූ මුදලින් රුපියල් ලක්ෂ 35ක් මුදලක් එම දරුවන්ගේ දෙමාපියන්ට මම ලබා දුන්නා. මගේ එකම බලාපොරොත්තුව මගේ පුතාට සසරේදී කවරදාවත් මෙවැනි අකල් මරණවලට මුහුණ පෑමට සිදු නොවේවායි ප්‍රාර්ථනා කිරීමයි."

චෙනුති සතිස්මා දැරිය කරන ලද පරිත්-යාගය

සිවුදරු පවුලකට නව නිවෙසක් සැදීම අරඹයි

හදිසි අනතුරකින් සැමියා මිය යාමත් සමග අසරණව දිවිගෙවූ සිවුදරු පවුලකට සිංගක්කුලිය, යෝගියාන සරසවි කලා සංගමයේ මූලිකත්වයෙන් ප්‍රදේශවාසීන්ගේද ආධාර ඇතිව නිවෙසක් ඉදිකිරීමට මුල්ගල තැබීම එම සංගමයේ සාමාජික මහත්ම මහත්මීන්ගේ සහභාගිත්වයෙන් සිදුකෙරිණි.

මෙම නිවෙස ඉදිකෙරෙනුයේ දංකොටුව ප්‍රා‘දේශීය ලේකම් කොට්ඨාසයේ දික්වෙල ගමේය. ටී.සුසාරි සහ ඇගේ දරු පවුල සඳහා මෙම නිවෙස ඉදිකෙරෙන අතර, මේ සඳහා රුපියල් ලක්ෂ හතහමාරක් පමණ වැයවී තිබේ.

ආගමික වතාවත්වලින් අනතුරුව මුල්ගල තැබීම සරසවි කලා සංගමයේ සභාපති ආනන්ද කරුණාරත්න මහතාගේ අතින් සිදුකෙරිණි.

එම අවස්ථාව සඳහා කොටියාගල සීවලී හිමි, සංගමයේ ලේකම් සුසවන්ත කුමාරසිංහ, භාරණ්ඩාගාරික උපාලි රණසිංහ යන මහත්වරුන් ඇතුළු සංගමයේ සාමාජික මහත්ම මහත්මීන් හා ප්‍ර‘දේශවාසීහු පිරිසක් සහභාගි වී සිටියහ.

1

2 

5

අක්මා රෝගයකින් පීඩා විඳින දිනුත්ට පිහිටක් වෙමු

මාතර, වැලිගම, පිටදූව පදිංචි දිනුත් විසල්ක (අවු.07) දරුවා දරුණු අක්මා රෝගයකින් පෙළෙන අතර, ඔහුට හැකි ඉක්මනින් ශල්‍යකර්මයක් කළ යුතු බවට වෛද්‍යවරුන් නිර්දේශ කර තිබේ.

ඒ සඳහා මාස දෙකහමාරක් තුළ රුපියල් ලක්‍ෂ 70ක මුදලක් සොයාගත යුතු බවත්,  දැඩි ආර්ථික අසීරුතා මධ්‍ය‘යේ ජීවත් වන තමන්ට තනිවම එම මුදල සොයාගත නොහැකි බවත් දරුවාගේ මව වන මධුකා සෙව්වන්දි මහත්මිය පැවසුවාය.

මේ පිළිබඳ වැඩිදුරටත් අදහස් දැක්වූ දරුවාගේ මව,

''අපි වැලිගම, පිටිදූව ප්‍රදේශයේ ජීවත් වෙන්නෙ. මට දරුවන් දෙදෙනෙක් ඉන්නවා. ලොකු දුවට වයස 11 යි, පුතාට වයස 07යි.  පුතාගේ නම දිනෙත් විසල්ක. 2014 වර්ෂයේ මුලින්ම එයාට ආවෙ ඇඟ කැසීමේ රෝගයක්. වෛද්‍යවරුන්ට පෙන්වලා බෙහෙත් ගත්තත් හොඳ වුණේ නැහැ. පසුව සමේ රෝග විශේෂඥ වෛද්‍යවරයෙක්ට පෙන්නුවා කරාපිටිය රෝහලේදී. එහිදී ලේ පරීක්ෂණ කළා.

එතකොට තමයි දැනගත්තේ අක්මාවේ ප්‍රශ්නයක් තියෙනවා කියලා. මාස 05ක් විතර බෙහෙත් කරලා පසුව රාගම ශික්ෂණ රෝහලට එක්ක යන්න කිව්වා, දරුවාගේ අක්මාවේ කොටසක් අරන් පරීක්‍ෂණයක් කරන්න. ඒ පරීක්‍ෂණයේ වාර්තාව වුණේ දරුවාට සිරෝසිස් රෝගය කියලා.

2014 ඉඳන් මේ දක්වා ඒ රෝගයට බෙහෙත් කළා. බෙහෙත්වලට විශාල මුදලක් වියදම් වුණා. මසකට දසදහසකට අධික මුදලක් වියදම් වෙනවා. අවසානේ මහත්තයා විදෙස්ගත වුණා, දරුවාගේ බෙහෙත්වලට යන මුදල හොයන්න. එයා දැනට ඩුබායි රටේ රියදුරෙකු ලෙස සේවය කරනවා. 

ලේ පරීක්ෂණ සෑම මාසයකම රාගම රෝහලේදී කරනවා. ගිය මාසයේ ඒ පරීක්ෂණය කළාම වෛද්‍යවරු කිව්වා. ලේවල ප්‍රතිශතය වැඩියි, බබාට බෙහෙත්වලින් සනීප කරන්න බැහැ, අක්මාවේ කොටසක් අක්‍රීය වෙලා ඒ කොටස ඉවත් කරලා කොටසක් බද්ධ කරන්න වෙනවා කියලා. තව පවුලේ කෙනෙක්ගේ අක්මාවේ කොටසක් වෙන්නත් ඕන සහ ලේ ගැලපෙන්නත් ඕන කිවුවා.

අවසානයට මගේ අක්මාවේ කොටසක් දරුවාට බද්ධ කරන්න තීරණය වුණා. නමුත් එය ඉන්දියාවේ චෙන්නායිවල කරන්න ඕන. ඒ සඳහා ලංකාවේ මුදලින් රුපියල් ලක්ෂ 70ක් වැය වෙනවා. ඒ තරම් මුදලක් අපට හොයාගන්න නැහැ. වැඩි කාලයකුත් නැහැ, මාස දෙකහමාරක කාලයක් පමණයි ඉතුරු වෙලා තියෙන්නෙ* යැයි පවසා සිටියාය.

දරුවාගේ සැත්කම සඳහා උපකාර කළ හැකි අයෙකු වෙතොත් ආර්.පී. මධුකා සෙව්වන්දි නමින් සම්පත් බැංකුව, වැලිගම ශාඛාවේ 120954085136 දරන ගිණුමට හෝ මහජන බැංකුව, වැලිගම ශාඛාවේ පවතින  077200100026959 දරන ගිණුමට ආධාර මුදල් බැරකරන මෙන් දරුවාගේ මව ඉල්ලා සිටියි.

මේ පිළිබඳ වැඩි විස්තර 041 2 260 257 යන දුරකථන අංකය ඇමතීමෙන් ලබාගත හැකිය.

ලෝක කණ්ඩායම හා ශ්‍රී ලංකාව අතර ප්‍රදර්ශනාත්මක තරගයක් – සංගා හා මහේල නෑ

නියඟය හා ගංවතුර හේතුවෙන් විපතට පත්ව සිටින ශ්‍රී ලංකාවේ ළමයින් වෙනුවෙන් අවශ්‍ය සහන සැලසීමට ආධාර ලබාදීමේ අරමුණින් අරමුදල් රැස්කිරීම සඳහා ශ්‍රී ලංකා ක්‍රිකට් කණ්ඩායම හා ලෝක කණ්ඩායම අතර ප්‍රදර්ශනාත්මක විස්සයි20 තරගයක් පැවැත්වීමට ක්‍රිකට් ආයතනයේ අවධානය යොමුව තිබේ. තරගය සැප්තැම්බර් 08 වැනිදා පැවැත්වීමට නියමිතය.

ශ්‍රී ලංකා ක්‍රිකට් ආයතනයේ ප්‍රධාන විධායක නිලධාරී ඈෂ්ලි ද සිල්වා මහතා මේ බව අද (13දා) තහවුරු කළ අතර තරගය ආර්. ප්‍රේමදාස පිටියේදී පැවැත්වීමට නියමිතය. ශ්‍රී ලංකා කණ්ඩායමේ මෙන්ම ලෝක කණ්ඩායමේ වත්මන් ක්‍රීඩකයන් මෙන්ම එම කණ්ඩායම් නියෝජනය කර ඇති ක්‍රීඩකයන් තරගයට ක්‍රීඩා කිරීමට නියමිතය.

“තරගයට එක්වෙන ක්‍රීඩකයන්ගේ නම් ප්‍රසිද්ධ කිරීමට අපට හැකියාවක් නෑ. නියඟයෙන් හා ගංවතුරින් විපතට පත් ළමුන් වෙනුවෙන් ආධාර එක්කිරීමට මෙම තරගය පැවැත්වෙන්නේ. ඒ සඳහා අයි.සී.සී.යේ සහාය අපට ලැබුණා. ඉන්දියාවත් ඇතුළුව ලෝක කණ්ඩායම නියෝජනය කරන අනෙකුත් රටවල් හතේ ක්‍රීඩකයන් තරගාවලියට එක්වෙතැයි අපි අපෙක්ෂා කරනවා.”

“අපි තරගාවලියට එක්වන ක්‍රීඩකයන් පිළිබඳ අවසන් තීරණයක් ගන්නේ අනෙක් රටවල් සමග කතා කිරීමෙන් පසුවයි.  අවාසනාවකට කුමාර් සංගක්කාරට මේ තරගයට එක්වෙන්න බෑ. මොකද ඔහු විදෙස්  කණ්ඩායම් කිහිපයක් සමග ක්‍රීඩා කරනවා. මේ පිළිබඳ අපි මහේලටත් කතා කළා. ඔහුටත් යොදාගත් වැඩ තිබෙනවා. ඔහු පැවසුවේ තරගයට එන්න උපරිම ලෙස උත්සාහ කරන බවයි. හැකියාවක් තිබුණොත් ඔහු තරගයට එයි.”

කෙසේ වෙතත් තිලකරත්න ඩිල්ෂාන් මෙන්ම සනත් ජයසූරිය මෙම තරගයට ක්‍රීඩා කිරීමට නියමිතය. තරගය හරහා උපයාගැනීමට අපේක්ෂා කරන ආධාර මුදල  රුපියල් මිලියන 35-40ක් පමණ වන බවද ඈෂ්ලිද සිල්වා මහතා පැවසීය.

 

 

තනිවම පැල්පතක දිවිගෙවමින් උසස් පෙළට සූදානම් වන දිරිය සිසුවිය

හුදකලාව පැල්පතක දිවි ගෙවමින් උසස් පෙළ විභාගයට මුහුණ දෙන සිසුවියක පසුගියදා ගලේවෙල ප්‍රදේශයේදී අපට හමුවිය.
ඇය එම ප්‍ර‘දේශයේම පාසලක කලා විෂයය ධාරාවෙන් උසස් පෙළ හදාරන්නීය. ඇය පදිංචිව සිටින ප්‍රදේශයට ගිය අපට දැකගත හැකිවූයේ දිරාගිය පොල්අතු හා මැටි යොදා සකස්කරන ලද කුඩා පැල්පතකි. විදුලිය පහසුකම් නොමැති එම පැල්පතෙහි ලාම්පු එළියෙන් පාඩම් කටයුතු සිදුකරන ඇය, ගුරුවරියක වීමේ අනාගත බලාපොරොත්තුවෙන් සිටින්නීය.  

තම ජීවිතය පිළිබඳ අදහස් දැක්වූ ඇය පවසා සිටියේ, "මම ප්‍රශ්න ගොඩක හිටියේ. මගේ තාත්තා හදිසියේ නැතිවුණා. අම්මා වෙන විවාහයක් කරගත්තා. මගේ නංගිලා දෙන්නා අම්මා ළඟ ඉන්නෙ. මම බාප්පත් එක්ක ඒ නිවසේ ඉන්න කැමැති නැහැ. මට පාඩම් කරන්න බෑ, එතැන ප්‍රශ්න ගොඩක් තිබෙනවා. ඒ නිසා මම තීරණය කළා තාත්තගේ ඉඩමේ පොඩියට පැලක් හදාගෙන තනිව ජීවත් වෙන්න. දැන් වසර කිහිපයක් මෙහෙම ඉන්නවා. මට දැන් බයක් දැනෙන්නේ නැහැ. මගේ එකම අරමුණ තමයි ගුරුවරියක් වෙලා මා වගේ අසරණ තවත් දරුවන්ට උගන්වන එක.

මම නිවාඩු දවස්වලට කුලියට උදලුගාන්න, ලූනු හදන්න, වල්පැළ ගලවන්න යනවා. දවසට රු. 700ක් ලැබෙනවා. ඒ මුදල් කෑමට හා ඉගෙනීම්වලට වියදම් කරනවා. සමහර දවස්වලට උයන්නේ නැහැ. සමහර දවස්වලට එක වේලක් උයනවා. ඒක තුන්වේලටම හරි, දෙවේලට හරි කනවා. නැත්නම් බිස්කට් එකක් කාලා තේ එකක් හදාගෙන බීලා පාඩම් කරනවා. මගේ අරමුණ කෑමබීම නෙවෙයි. මම මේ ඉන්න අක්කරයක ඉඩම ලක්ෂ තුනහමාරකට බාප්පා උකස් කරලා. ඒක බේරාගන්න ඕනෙ. මම ඉගෙන ගෙන කොහොම හරි ඒ දේ කරනවා" යනුවෙනි. 

කේ.ජී. නිමේෂා මධුවන්ති – කොමර්ෂල් බැංකුව – ගලේවෙල 8090029145

??????????????????????????????? ??????????????????????????????? ??????????????????????????????? ??????????????????????????????? ???????????????????????????????

අගහිඟකම් වලින් දුප්පත් වුවත් අාදරයෙන් පොහොසත් යුව‍‍‍ළක්

හදිසියේ දෑස නොපෙනෙන තත්ත්වයට පත්වූ බිරිඳ‍ ජීවත් කරවමින් දිවිගෙවන ආදර්ශවත් සැමියෙකු පසුගියදා හබරණ, මොරගස්වැව ප්‍ර‘දේශයේදී අපට හමුවිය.

ආර්.එම්. පියසිරි රත්නායක (අවු.57) මහතා හා එම්. පුන්චි කුමාරහාමි (අවු.57) මහත්මිය කුලී වැඩ කරමින් ජීවත් වෙති. මීට මාස නවයකට පමණ පෙර පුන්චි කුමාරහාමි මහත්මියගේ දෑස් නොපෙනෙන්නට වී ඇති අතර, නැවත ඇයට පෙනීම ලබාගැනීමට ඇයගේ සැමියා ගත් සියලු උත්සාහයන් ව්‍යර්ථ වී ඇත.

තම බිරිඳගේ සියලු කටයුතු සිදුකිරීමට අවැසි බැවින් තමන්ට රැකියාවකට හෝ යෑමට හැකියාවක් නොමැති බවත්, කවුරුන් හෝ ලබාදෙන දෙයකින් දෛනික ආහාර වේල සපයා ගන්නා බවත් පියසිරි මහතා පැවසීය.

අඩක් වැඩ නිමකළ නිවසේ කාමරයක තමන් සහ බිරිඳ ජීවත් වන බවද හෙතෙම පවසා සිටියේය.

මෙම අසරණ යුවළට උපකාර කළ හැකි අයෙකු වෙතොත් ආර්.එම්. පියසිරි රත්නායක නමින් ලංකා බැංකුවේ හබරණ ශාඛාවේ පවතින 77191400 දරන ගිණුමට ආධාර මුදල් බැරකළ හැකිය. මේ පිළිබඳ වැඩි විස්තර 071- 0918792 යන දුරකථන අංකය ඇමතීමෙන් ලබාගත හැකිය.

??????????????????????????????? ??????????????????????????????? ??????????????????????????????? ??????????????????????????????? ???????????????????????????????

පවුලේ ජීවන වියදම සොයා ගැනීමට වෙර දරන දිරිය දියණියෝ

සිය පවුලේ ජීවන වියදම සොයා ගැනීමට පැණිකෝන් අලෙවි කරන කුඩා දැරියන් දෙදෙනෙකු පසුගියදා හබරණ – ත්‍රිකුණාමලය මාර්ගයේ අලුත්ඔය ප්‍රදේශයේදී අපට මුණගැසිණි.

එම දරුවන්ගේ මවද තවත් කුඩා දරුවෙකු ඇකයේ තබාගෙන ඔවුන් සමීපයේ සිට උදලු මිටි සහ දර මිටි අලෙවි කරන අයුරු දැකගත හැකිවිය.

සිවුවැනි වසරේ සහ‍ තෙවැනි වසරේ ඉගෙනුම ලබන දියණියන් දෙදෙනාට සහෝදරයන් දෙදෙනෙකුද සිටින බව අප කළ විමසීමකදී අනාවරණය විය.

තම සැමියා දර අලෙවි කරමින් ජීවිකාව ගෙන යන අතර, දර කැබැල්ලකට තුවාල වී සැමියාගේ එක් ඇසක් අන්ධභාවයට පත්ව ඇති බවත්, දර, මී පැණි හා පලතුරු වර්ග ආදිය අලෙවි කර තමන් ඇතුළු දරුවන් ජීවත් වන බවත් චන්ද්‍රිකා පේමරත්න මහත්මිය පවසා සිටියාය.

තමන්ගේ දරුවන් තිදෙනෙකු පාසල් යන අතර, ඔවුන් දැඩි ආර්ථික දුෂ්කරතා මධ්‍යයේ අධ්‍යාපනය ලබන බවද ඇය පැවසීය. 

එක් ඇසක් අන්ධ වූවද තමන් කෙසේ හෝ දරුවන් රැකබලා ගන්නා බවත්, අබලන් වී ඇති නිවස පිළිසකර කර ගැනීමට දිවාරෑ නොබලා වෙහෙසෙන බවත් දරුවන්ගේ පියා වන ප්‍රියන්ත රණසිංහ මහතා පැවසීය.

තම පවුලට යම් උපකාරයක් කළ හැකි අයෙකු වෙතොත් එස්.ජී. ප්‍රියන්ත රණසිංහ නමින් ලංකා බැංකුවේ හබරණ ශාඛාවේ පවතින 72600845 දරන ගිණුමට ආධාර මුදල් බැරකරන ලෙස හෙතෙම ඉල්ලා සිටියි.

මේ පිළිබඳ වැඩි විස්තර 076 6 995 508 යන දුරකථන අංකය ඇමතීමෙන් ලබාගත හැකිය.

??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ??????????????????????????????? ???????????????????????????????

පිළිකා රෝගීන් වෙනුවෙන් කෙස් දන්දෙයි

පිළිකා රෝගය නිසා කෙස් කළඹ අහිමි වූවන්ට ස්වාභාවික හිසකෙස්වලින් කෙස් කළඹක් (විග්) ලබාදීමේ ව්‍යාපෘතියක් 'පිළිකා සරණ භාරය' සහ 'රමණි ප්‍රනාන්දු සැලෝන්ස්' එක්ව ආරම්භ කර තිබේ.

මෙහි සමාරම්භක උත්සවය අද (20දා) බොරැල්ල හරස් පාරේ පිහිටි රමණි ප්‍රනාන්දු සැලෝන්හිදී පැවැත්වුණු අතර, පරිත්‍යාගශීලීන් රැසක් පිළිකා රෝගීන් වෙනුවෙන් සිය කෙස් කළඹ පරිත්‍යාග කළහ.

IMG_3555

IMG_3566 IMG_3575 IMG_3600 IMG_3612 IMG_3630 IMG_3635