Category Archives: main_slider

අතිකාල නෑ කියා උතුරේ වෛද්‍යවරු එක්දින වර්ජනයක

උතුරු පළාත් සභාවට අයත් සියලුම රෝහල්හි වෛද්‍යවරුන් විසින් අද (14දා) එක්දින වැඩ වර්ජනයක් ආරම්භ කළ බවට රජයේ වෛද්‍යවරුන්ගේ සංගමයේ වවුනියාව වෛද්‍ය සංගමයේ ලේකම් එස්.තිරුවේකරන් මහතා පවසා සිටියේය.

උතුරු පළාතේ පිහිටි යාපනය ශික්ෂණ රෝහලේ හැරෙන්නට උතුරේ පිහිටි අනෙකුත් සියලුම රෝහල්වල සිටින වෛද්‍යවරුන් වෙනුවෙන් මාස 5ක කාලයක් පුරාවට උතුරු පළාත් සභාව මගින් ගෙවිය යුතු අතිකාල දීමනාව මෙතෙක් ලබානොදීම හේතුවෙන් තමන් අද දින මෙම වැඩ වර්ජනය ආරම්භ කළ බවට උතුරේ වෛද්‍යවරු පවසති.

යාපනය ශික්ෂණ රෝහල මධ්‍යම රජයෙන් ක්‍රියාත්මක වන අතරම දිවයිනේ අනෙකුත් පළාත් සභාවලට අයත් රෝහල් වෛද්‍යවරුන්ට අතිකාල දීමනාවන් ලැබුණද උතුරු පළාතේ කිසිදු වෛද්‍යවරුයෙකුට මාස 5ක කාලයක් පුරාවට අතිකාල දීමනාව ලබාදීම උතුරු පළාත් සභාව මගින් මගහැර ඇති බව ඔවුහු පවසති.

මෙම තත්ත්වය ඉදිරියටද පැවතියහොත් රජයේ වෛද්‍යවරුන්ගේ සංගමය සමග සාකච්ඡා කර අඛන්ඩ වැඩවර්ජනයකට පිවිසීමට පියවර ගන්නා බවද උතුරේ වෛද්‍යවරු වැඩිදුරටත් කියා සිටියහ.

අද දින උතුරු පළාතේ සියලුම රෝහලහි හදිසි ඒකකයන් පමණක් ක්‍රියාත්මක කෙරුණු අතර, මේ හේතුවෙන් සාමාන්‍ය ජනතාව ප්‍රතිකාර නොමැතිවීමේ අසීරුතාවයන්ට පත්ව සිටියහ.

SnapShot(132) SnapShot(133) SnapShot(144) SnapShot(146)

 

 

ශ්‍රී ලංකා ඉරාන ජනපතිවරු හමුවෙති

ඉරානයේ දෙදින රාජ්‍ය සංචාරයක නිරත ජනාධිපති මෛත්‍රීපාල සිරිසේන මහතා සහ ඉරාන ජනාධිපති හසන් රූහානි මහතා අතර නිල හමුව අද (13දා) සිදුවිය.

ටෙහෙරාන් නුවර පිහිටි ජනාධිපති මන්දිරය වන  Sadabaad Palace  වෙත ගිය ජනාධිපතිවරයා ඉරාන ජනාධිපති හසන් රූහානි මහතා විසින් ඉතා උණුසුම් අන්දමින් පිළිගත් බව ජනපති මාධ්‍ය අංශය පවසයි.

නායකයින් දෙදෙනා අතර සුහද කතා බහකින් අනතුරුව දෙරට අතර ද්විපාර්ශ්වික සාකච්ඡා ආරම්භ වී තිබේ.

1 2 3 4 6 7 8

 

ගාල්ලේ පවුල් 1960ක් අවතැන්

ගාල්ල නගරයට ඊයේ(12දා) රාත්‍රි යේ ඇද හැළුණු ධාරානිපාත වර්ෂාව නිසා පවුල් 1960 අසරණවී ඇති බව ගාල්ල වැඩ බලන දිසාපති ප්‍රදීප් රත්නායක මහතා පවසයි.

මේ නිසා ගාල්ල නගරය ආශ්‍රිත පහත් බිම් රැසක් ජලයෙන් යට වී ඇති බව ගාල්ල දිස්ත්‍රික් ආපදා කළමණාකරන මධ්‍යස්ථානය පවසයි.

මෙම වර්ෂාව නිසා ගාල්ල දිස්ත්‍රික්කයේ ගාල්ල කඩවත්සතර, අක්මීමණ, බෝපේ පෝද්දල හා බලපිටිය යන ප්‍රාදේශීය ලේකම් කාර්යාල සීමා වලට දැඩි අලාභ හානි සිදු වී තිබිණි. ා

ගාල්ල වැඩ බලන දිසාපති ප්‍රදීප් රත්නායක මහතා පවසන ප්‍රාදේශීය ලේකම් කාර්යාල සීමා හතර තුළ පවුල් 1960 කට අයත් ජනතාව 7736 දෙනෙකු පීඩාවට පත් වී ඇත.

මෙයින් ගාල්ල කඩවත්සතර ප්‍රාදේශීය ලේකම් කාර්යාල සීමාව තුළ පවුල් 1509 කට අයත් සාමාජිකයින් 6061 ක් ද බෝපේ පෝද්දල පවුල් 92 කට අයත් සාමාජිකයින් 406 ක් ද, බලපිටිය පවුල් 180 කට අයත්සාමාජිකයින් 560 ක්ද අක්මීමණ පවුල් 179 කට අයත් පවුල් 709 ක් ලෙස වෙයි.

එසේම දිස්ත්‍රික්කය තුළ නිවාස හානිවීම් 150 ක් ද පස් කදු කඩා වැටීම් 20 කට ආසන්න ප්‍රමාණයක් ඇති බව ද දිස්ත්‍රික් ලේකම්වරයා පවසයි.

පීඩාවට පත්ව සිටින ජනතාව වෙනුවෙන් පිසු ආහාර ලබා දීම දිස්ත්‍රික් ලේකම්වරයාගේ ප්‍රධානත්වයෙන් ආරම්භ කර තිබිණි.

ජල ගැලීම් තත්වය නිසා ගාල්ල දංගෙදර , ගල්වඩුගොඩ, කනම්පිටිය, දේද්දුගොඩ, ඩික්සන් හන්දිය , සරෙන්තුකඩේ, ගාල්ල කොග්ගල කඩේ හන්දිය,සමඟිවත්ත, ඩිඩිස්වත්ත, කලේගාන හන්දිය, නුගදුව  ඇතුළු ප්‍රදේශ ජලයෙන් යට වී තිබිණි. මොරගොඩ ඇළ පිටාර ගැනීම නිසා මෙම තත්වය ඇති වී තිබිණි.

රවීන්ද්‍ර ලියනගේ

1 2

කොළඹ නිවාස 437ක් ජනතා අයිතියට

කොළඹ නගරයේ අඩුපහසුකම් සහිත ජනතාව වෙනුවෙන් ඉදිකරන ලද නිවාස 437කින් සමන්විත දෙමටගොඩ, සියපත් සෙවණ, නව නිවාස සංකීර්ණය ජනතා අයිතියට පවරාදීම ජනාධිපති මෛතී‍්‍රපාල සිරිසේන මහතාගේ ප‍්‍රධානත්වයෙන් අද (10දා) උදෑසන සිදු කෙරිණි.

‘නිවසක් වෙනුවට ජීවිතයක්’ වැඩපිළිවෙළ යටතේ මෙම නිවාස ඉදිකර ඇති අතර, ඒ සඳහා වැයකර ඇති මුදල රුපියල් මිලියන 1,748කි.මහනගර සහ බස්නාහිර සංවර්ධන අමාත්‍යාංශයේ සහ නාගරික සංවර්ධන අධිකාරියේ නාගරික පුනර්ජීවන අංශය විසින් මෙය කි‍්‍රයාත්මක කර තිබේ.

මෙම වැඩසටහන යටතේ 2016,2017 වර්ෂවලදී රුපියල් මිලියන 7,496ක ආයෝජනයෙන් නිවාස 1,874ක් ඉදිකර ජනතා අයිතියට පවරාදී තිබෙන අතර, 2018 වසරේ මැයි මාසය අවසන් වන විට රුපියල් මිලියන 5,756ක ආයෝජනයෙන් තවත් නිවාස 1,439ක් ජනතා අයිතියට පවරාදීමට නියමිතය.

2020ට ප්‍රථම අඩු ආදයම්ලාභී පවුල් වෙත ලබාදීමේ අරමුණින් රුපියල් මිලියන 42,330ක  ආයෝජනයෙන් නව නිවාස 9,100ක් ඉදිකිරීම මේ වන විට ආරම්භ කර තිබෙන අතර, හේනමුල්ල, දෙමටගොඩ, අංගොඩ, මට්ටකුලිය, මාලිගාවත්ත, කොළොන්නාව,  බ්ලූමැන්ඩල් යන ප‍්‍රදේශ කේන්ද්‍ර කර ගනිමින් එම නව නිවාස සංකීර්ණ ඉදිකෙරේ.

නව නිවාස ජනතා අයිතියට පවරාදීම සංකේතවත් කරමින් නිවාස 10ක යතුරු නිවාසලාභීන් වෙත ප‍්‍රදානය කිරීමද ජනාධිපතිතුමා අතින් මෙහිදී සිදු කෙරිණි.

ඡායාරූප ක්‍රිෂාන් රණසිංහ

_KSR5362 _KSR5363 _KSR5367 _KSR5380 _KSR5389 _KSR5391 _KSR5406 _KSR5409 _KSR5414 _KSR5420 _KSR5422 _KSR5426 _KSR5438 _KSR5440 _KSR5451 _KSR5456

 

ඒකාබද්ධ රැකියා විරහිත උපාධාරී පෙළපාලියට ජල ප්‍රහාරයක්

රැකියා ලබාදීම ඇතුළු ඉල්ලීම් කිහිපයක් මුල් කරගනිමින් ඒකාබද්ධ රැකියා විරහිත උපාධිධාරී සංගමය විසින් සංවිධානය කරන ලද විරෝධතා පාගමනක් කොටුව දුම්රියපොළ ඉදිරිපිට සිට ලෝටස් පාර දක්වා අද (08දා) උදෑසන සිදුකෙරිණි. එහිදී පොලීසිය විසින් විරෝධතාකරුවන්ට ජල ප්‍රහාර එල්ල කරන ලදී.

AID_0028 AID_0030 AID_0041 AID_0043 AID_0044 AID_0054 AID_0060 AID_0067 AID_0072 AID_0080 AID_0084 AID_0097 AID_0105 AID_0107 AID_0114 AID_0119 AID_0128 AID_0139 AID_0143 AID_0144 AID_0151 AID_0152 AID_0159 AID_0166 AID_0171 AID_0180

අටවැනි පාර්ලිමේන්තුවේ දෙවැනි සැසිය අරඹමින්

ශ්‍රී ලංකා අටවැනි පාර්ලිමේන්තුවේ දෙවැනි සැසිවාරය ජනපති මෛත්‍රීපාල සිරිසේන මහතාගේ ප්‍රධානත්වයෙන් අද (08දා) ආරම්භවිය. මෙහිදී ජනපතිවරයා රාජාසන කතාවක් ලෙස ආණ්ඩුවේ ප්‍රතිපත්ති ප්‍රකාශය ඉදිරිපත් කළේය. එසේම විශ්වාසභංගයට පක්ෂව ඡන්දය ප්‍රකාශ කළ ශ්‍රි ලංකා නිදහස් පක්ෂයේ මන්ත්‍රිවරුන් 16 දෙනා මෙහිදී විපක්ෂයේ අසුන් ගත්තේය.

ඡායාරූප ශාන්ත රත්නායක

DSC_0887 DSC_0903 DSC_0925 DSC_0954 DSC_1113 DSC_1179 DSC_1223 DSC_1276 DSC_1305 DSC_1309 DSC_1320 DSC_1339 DSC_1343-(1) DSC_1359

ටොරින්ටන්ට පසුව ජනතාවට වැඩිම බදු ගසපු ආණ්ඩුව මෙයයි – මහින්ද

ජනපති මෛත්‍රීපාල සිරිසේන මහතා 2020දී විශ්‍රාම නොයන බවට ප්‍රකාශ කරන්නේ ශ්‍රී ලංකා නිදහස් පක්ෂයේ පාක්ෂිකයන් රඳවා ගැනීමට වෙන ක්‍රමයක් නොමැති නිසා බවත් ටොරින්ටන් ආණ්ඩුකාරවරයාගෙන් පසුව වැඩිම බදු ගසපු ආණ්ඩුව වත්මන් ආණ්ඩුව බවත් හිටපු ජනපති මහින්ද රාජපක්ෂ මහතා පැවැසීය.

ගාල්ල සමනල ක්‍රීඩාංගණයේ පැවැති ඒකාබද්ධ විපක්ෂ මැයි රැළිය අමතමින් හිටපු ජනපතිවරයා මේ බව ප්‍රකාශ කළේය.

එසේම මැයි පළමුවැනිදා ජාත්‍යන්තර කම්කරු දින සැමරුම මැයි  07 දාට යෙදවීම් ජනතාවට කළ ලොකුම අපහාසය බවත් හිටපු ජනපතිවරයා ප්‍රකාශ කළේය.

වත්මන් ආණඩුවට රට තියා ග්‍රාම නිලධාරී වසමක්වත් පාලනය කිරීමට නොහැකි බවත් ශ්‍රී ලංකාව තවදුරටත් ප්‍රජාතන්ත්‍රවාද සමාජවාදී ශ්‍රී ලංකා ජනරජය නොව ප්‍රජාතන්ත්‍රවාදී යූඇන්පී පොලිස් රාජ්‍යයක් බවත් ඔහු ප්‍රකාශ කළේය.

“ පාතාලයේ විවාහ උත්සව පවත්වන්නේ පොලිස් ආරක්ෂාව යටතේ. රටට ආයෝජකයන් එන්නේ නෑ. ඔවුන්  පැනලා දුවනවා.” යැයි ඔහු පැවැසීය.

ඡායාරූප රොමේෂ් ධනුෂ්ක 

RDS_3616 RDS_3628 RDS_3663 RDS_3676 RDS_3747

Capture

ප්‍රධාන පක්ෂ දෙක රට අගාධයකට දැම්මා

(UPDATE)එක්සත් ජාතික පක්ෂයත්, ශ්‍රී ලංකා නිදහස් පක්ෂයත් එකතු වී 70 වසරක් රට පාලනය කර මෙරට අගාධයට ඇද දමා තිබෙන බව ජනතා විමුක්ති පෙරමුණ නායක අනුර කුමාර දිසානායක මහතා සඳහන් කළේය.

මෙම කණ්ඩායම් දෙක තවත් අවුරුදු 50ක් රට පාලනය කළත් මෙරට අඟලකින් හෝ ඉදිරියට ගෙන යෑමට නොහැකි බවදජවිපෙ නායකයා සඳහන් කළේය.

ඒ මහතා මේ බව පැවසූයේ අද (07 දා) කොළඹ බී.ආර්.සී. පිටියේ පැවැති මැයි දින රැලියට සහභාගි වෙමිනි.

මෙහිදී අදහස් දැක් වූ අනුර කුමාර දිසානායක මහතා, පැවසූයේ ඩොලරයට සාපේක්ෂව රුපියල කඩා වැටීම පාලනය නොකිරීම හේතුවෙන් රට ආර්ථික වශයෙන් කඩා වැටීමකට ලක් වෙමින් තිබෙන බවයි.

බදු ගසා, දඩ ගසා, උප්පැන්න සහතිකය ගන්නා විට, මරණසහතිකය ගන්නාවිට එකතු කරගන්නා මුදල් ඇතුළුව ජනතාවගෙන් එකතු කරගන්නා සියලුම මුදල් රට ලබාගෙන තිබෙන ණයවල වාරිකයන්හි පොලී ගෙවීමටත් ප්‍රමාණවත් නොවන තත්ත්වයකට පත්ව තිබෙන බවද හෙතෙම පවසා සිටියේය.

වංචාව, දූෂණය ඉහවහා ගොස් තිබෙන බවත්, රජගෙදර සිටින වංචනිකයන් හා ඒ වටා සිටින වංචනිකයන් විසින් මෙරටේ ජනතාවගේ දේපොළ මංකොල්ලකා ගනිමින්  සිටින  බවද පක්ෂ නායකවරයා එහිදී සඳහන් කළේය.

මේ රට කඩා වැටීම නිසා සමස්ත ජනග්‍රහණයෙන් ලක්ෂ 86කින් එක් අයෙකුගේ දෛනික ආදායම ඩොලර් දෙකට අඩු බවද හෙතෙම පවසා සිටියේය.

රටේ ආදායම බෙදී යෑමේදී ඉහළම සිටිනා 20%ට 50.8% ක් බෙදී යන බවත්, පහළම සිටිනා 20%ට ලැබෙනුයේ සමස්ත ආදායමෙන් 4.1%ක් පමණක් බවත් පක්ෂ නායකවරයා සඳහන් කළේය.

රටේ ආර්ථිකය හොර කල්ලියක් විසින් අත්පත් කරගත් නිසා ආණ්ඩු වෙනස් කරන බවත්, එහෙත් ජනතාව යළිත් පත් කරන්නේ තවත් හොර කල්ලියක් වන අතර, එබැවින් මෙරට ගොඩනැගිය හැක්කේ ජනතා විමුක්ති පෙරමුණ ප්‍රමුඛ පුළුල් බලවේගයකට පමණක් වන බවත් හෙතෙම කියා සිටියේය.

මෙරට පුද්ගලයෙකුට වෙනස් කළ නොහැකි බවත්, රාජ්‍ය ධනයෙන් ශත පහක මුදලක් ජනතා විමුක්ති පෙරමුණ සොරකම් කර නොමැති අතර,ඔවුන් සියලුම කැප කිරීම් සිදුකර තිබෙන්නේ මෙරටේ ජනතාව වෙනුවෙන් බවත් පක්ෂ නායකවරයා සඳහන් කළේය.

රට හැදීමට වෙනස් ආර්ථික ක්‍රමයක්, ප්‍රජාතන්ත්‍රවාදය ජනතාව සමග අදහස් උදහස් හුවමාරු කරන පාලනයක් ඇති කළ යුතු බවත්,රජ ගෙවල්වල දූෂණය වංචාව තිබියදී රුපියලක් ලබානොදෙන බස් කොන්දොස්තර සමග හෝ පොලීසිය සමග රණ්ඩු වී නොමැති බවත් මේ නිසා දේශපාලනය මහජන සේවයක් බවට පත්කර ජනතා සේවයක් සිදුකරන පාලනයක් ඇති කරගතයුතු බවද මෙහිදී සඳහන් කළේය.

අතිබහුතරයක් දෙනාට දේශපාලනය බිස්නස් එකක් බවට පත්වී තිබෙන බවත්, මේ නිසා දේශපාලනය ලාභ ලබන ව්‍යාපාරයක් තත්ත්වයට පත්වී තිබෙන බවත් පක්ෂ නායකයාමෙහිදී කියා සිටියේය.

මේ රට දියුණු කිරීමට තම ආර්ථික ක්‍රමවේදය වෙනස් කළයුතු බවත්, ජීවිත වෙනස් කර වංචාවෙන් දූෂණයෙන් තොර රටක් බවට පත්කිරීමට සටනක් දියත් කළයුතු බවත් මෙහිදී සඳහන් කළේය.

70 වසරක පක්ෂ දෙකේ පාලනය කොතරම්ද යත් රටට අවශ්‍ය සීනිවලින් 90%ක් පිටරටින් ගෙන එන බවත්, රටට අවශ්‍ය සහල්වලින් 32෴කුත්, රටට අවශ්‍ය අර්තාපල්වලින් 67%කුත් විදේශ රටවලින් ගෙන්වන බවත් පක්ෂ නායකයා මෙහිදී කියා සිටියේය.

බොරැල්ල කැම්බල් පිටියේ සිට බී.ආර්.සී. පිටිය දක්වා ජනතා විමුක්ති පෙරමුණේ මැයි දින පෙළපාළිය පැවැත්වූ අතර, මැයි දින රැලිය පක්ෂ නායක අනුර කුමාර දිසානායක මහතාගේ ප්‍රධානත්වයෙන් බී.ආර්.සී. පිටියේදී පැවැත්විණි.

DSC_5744 DSC_5746 DSC_5750 DSC_5754 DSC_5756 DSC_5757 DSC_5761 DSC_5777 DSC_5779 DSC_5780 DSC_5786 DSC_5791 DSC_5824 DSC_5828 DSC_5836

මම 2020දී විශ්‍රාම යන්නේ නෑ – ජනපති

තමන් 2020දී විශ්‍රාම යන බවට මේ වන විට තමන්ගෙන් අසන නමුත් තමන් 2020දී විශ්‍රාම නොයන බවත් කිරිමට බොහෝ දේවල් තිබෙන බවත් ජනපති මෛත්‍රීපාල සිරිසේන මහතා ප්‍රකාශ කළේය.

ශ්‍රී ලංකා නිදහස් පක්ෂයේ මැයිදින රැළිය මඩකලපුවේදී අමතමින් ජනපතිවරයා මේ බව ප්‍රකාශ කළේය.

 “බලය ලබාගන්න පුළුවන්. බලය ලබාගන්න සමහර අය නොයෙකුත් දේවල් පෙන්වනවා. බලය ලබා ගැනීමේ සිහින වල ඉන්නවා. උතුරේ වේවා දකුණේ වේවා මේ රටේ තරුණ ජනතාව තුවක්කු අතට නොගන්නා යුගයක් ඇති කළ යුතුයි.

අපි රට වෙනුවෙන් වගකිම් කටයුතු කරන්න ඕන. බලය නැති අයට ඕන දෙයක් කියන්න පුළුවන්. හැමදෙනෙකුටම ආරාධනා කරන්නේ ජාතික සමගිය ඇති කිරීමේ වැඩපිළිවෙළ ක්‍රියාත්මක කරන්න කියලා.

සාමාන්‍ය ජනතාවගේ ප්‍රශ්න තිබෙනවා. ඒවා විසඳන්න අපි පසුගිය අවුරුදු තුන හමාරක විශාල කාර්යයක් ඉටුකළා. සෑම දේශපාලඥයෙක්ම අවංක වෙන්න ඕන. බලයට පමණක් ජනතාව රවට්ටන්න හොඳ නෑ.

වැඩපිළිවෙලක් නැතිව බලය ගන්න දගලනවා. ශ්‍රී ලංකා නිදහස් පක්ෂය ජනතාවට අලුත් වැඩපිළිවෙලක් ඉදිරිපත් කරනවා. සමහර මගෙන් අහනවා මම 2020දී විශ්‍රාම යනවද කියලා. මේ දවස්වල සමාජවෙබ් අඩවිවල හුඟක් යනවා මම 2020දී විශ්‍රාම යනවා කියලා. මම 2020දී විශ්‍රාම යන්නේ නෑ කරන්න ගොඩක් වැඩ තියෙනවා. අපිට අවශ්‍ය අලුත් වැඩපිළිවෙළක්.

සමහර අය සිහන මවනවා 2020දී අලුත් ආණ්ඩු හදන්න. අපේ ආණ්ඩුවෙත් සමහර අය 2020 ගැන කතාකරනවා. ඒ හිටපු අයටයි ඉන්න අයටයි ඔක්කොටම කියනවා අවංක දේශපාලනයක් වෙනුවෙන් සුදුසු අය සමග එකතුවෙන්න කියලා.”

01 02 09 11 14 16 17 19

Capture

 

 

මම හිටියේ ත්‍රිරෝද රථයේ ස්පෙයාර් වීල් එක වගේ

තමන්ට ආණ්ඩුවට බනින ආකාරයට එදා රාජපක්ෂට බැන්නේ නම් හැමකෙනාම සිටින්නේ කනන්තේ බවත්, එසේ වූවා නම් අද මාධ්‍යයක් නොමැති බවත් අග්‍රාමාත්‍ය රනිල් වික්‍රමසිංහ මහතා සඳහන් කළේය. අද (06දා) සුගතදාස ගෘහස්ථ ක්‍රීඩාංගණයේ පැවති එක්සත් ජාතික පක්ෂ මැයි දින රැලියට සහභාගී වෙමින් මේ බව සඳහන් කළ අග්‍රාමාත්‍ය රනිල් වික්‍රමසිංහ මහතා වැඩිදුරටත් සඳහන් කළේ,

"හැමදාම උදේට මට බනින එක හොඳයි. ඒකෙන් වස්දොස් යනවා. ඒත් මට ඕනවට වඩා බනින්න එපා, එතකොට තමන්ට තියෙන කණ්ඩායම අඩුවෙනවා. ප්‍රේක්ෂකයන් අඩු වෙනවා.

එක්සත් ජාතික පක්ෂයට අනාගත නායකයන් සිටිනවා. මේ නිසා ඉදිරි මාස 18 තුළ රටේ විශාල වැඩකොටසක් කිරීමට තිබෙනවා. සෑම ගමකම පුංචි සිරිකොතක් ඇති කරන්න බලාපොරොත්තු වෙනවා. ඒ හරහා ඉදිරි වසර 20 මේ රට පාලනය කරන්නේ එක්සත් ජාතික පක්ෂයයි.

ලංකාවේ වැඩිම ණය සහ පොලී වාරික ගෙවන්න තියෙන්නේ මේ වසරේ සහ ලබන වසර තුළයි. ඒ දෙකම සිදුකිරීමට අවශ්‍ය කටයුතු කර තිබෙනවා. නමුත් 2014 වසරේදී මහින්ද රාජපක්ෂට පොලී ටික ගෙවන්න මුදල් තිබුණේ නැහැ. මේ දේවල් සිදුකරන්න ගිය නිසා පෙබරවාරි මාසයේ පැවති ඡන්දය පරාජයට පත් වුණා. නමුත් පසුගිය වසරේ මැයි මාසයේ මැතිවරණය පැවැත්වුණා නම් එක්සත් ජාතික පක්ෂයට ලෙහෙසියෙන්ම දිනන්න තිබුණා. ඉදිරි මාස 18 ගමන් කිරීම සඳහා අපි පසුබිම සකස් කරගෙන තිබෙනවා. 70 වන සංවත්සරයේදී අපි දුන්න පොරොන්දුවකට අනුව පක්ෂයට අලුත් නායක පරපුරක් ඇති කළා.

ජේ.ආර් ජයවර්ධන මහතා නායකයන් තිදෙනෙකු පුහුණු කළා. ඒ ඔක්කෝම නැති වුණා. මම හිටියේ ත්‍රි‘රෝද රථයේ ස්පෙයාර් වීල් එක වගේ. මම පක්ෂය භාරගන්නා විට වෙන කිසිවෙක් හිටියේ නැහැ. ඒ නිසා 1994 පක්ෂයට වෙන්නේ කුමක්ද කියලා සමහර පිරිස් විමසා සිටියා.

උඩ සිට පහළට සිටි නායකයන් ඝාතනය වුණා. අසාධාරණයට පත්වුණ එක්සත් ජාතික පාක්ෂිකයන් දහසය දහසකට අධික ප්‍රමාණයක් සිටිනවා. ඒ අය වෙනුවෙන් අවුරුදු 20කින්වත් කරන්න බැරි වැඩ තියෙනවා. මේ සියලුම දේ සකස් කරගෙන කඩා වැටුණ ආර්ථිකය සකස් කිරීම යු.ඇන්.පී ආණ්ඩුවෙන් සිදුකරනවා. මේ නිසා අවුරුදු 05ක යූඇන්පී ආණ්ඩුවක් නෙවෙයි, අවුරුදු 20ක් 30ක් තියෙන යූ.ඇන්.පී. ආණ්ඩුවක් තිබිය යුතුයි.

මේ වන විට එක නායක කණ්ඩායමක් තෝරාගෙන සිටිනවා. මේ විදිහේ ප්‍රතිසංවිධානයක් සිදුකරලා අවුරුදු 20ක් ආණ්ඩුවේ සිටිය හැකි පක්ෂයක් නිර්මාණය කරනවා. ආණ්ඩුවේ සිටින එක්සත් ජාතික පක්ෂයේ ඇමතිවරුන්ගේ ප්‍රගතිය පිළිබඳව මැයි මාසයේ අන්තිමේදී සොයා බලනවා. ජනාධිපතිතුමා සමග කතා කරලා අනෙක් අමාත්‍යාංශවලත් ප්‍රගතිය සොයා බලනවා." යනුවෙන් අග්‍රාමාත්‍යවරයා වැඩිදුරටත් පවසා සිටියේය.

ඡායාරූප කුෂාන් පතිරාජ

DSC_1361 DSC_1369 DSC_1375 DSC_1397 DSC_1439 DSC_1459 DSC_1465 DSC_1499 DSC_1514 DSC_1554 DSC_1555 DSC_1564

DSC_1541KDM_4694 KDM_4699