Category Archives: health

අවුරුදු කන්න කලින් මේවා ගැනත් හිතන්න

අවුරුදු කාලෙට හැම කෙනෙකුටම මතක් වෙන්නෙ කැවුම් කොකිස් රස කැවිලි වගේම හත්මාළුව, වම්බටු මෝජුව වගේ අතීතයේ සිටන්ම අවුරුදු කෑම මේසය සරු කළ ආහාර පාන කිවුවොත් වැරදි නැහැ. ඒ කාලේ අවුරුදු කෑම මේසයට කොයිතරම් පැණි රස කෑම ආවත් කාටවත් ලෙඩ දුක් ගැන බයවෙන්න දෙයක් තිබුණෙ නැති බව තමයි වැඩිහිටියො පවසන්නෙ. ඒ කාලෙ අවුරුද්දට කැවුම් හැදුවෙ ගෙදර කොටාගත් පිටිවලින්. දර කඩන්න ,මිරිස් ගලේ, කුරහන් ගලේ අඹරන්න, ගෙවල් වල, ලිපේ ගොම මැටි ගාන්න මෙකී නොකී වැඩ ගොඩක ගෙදර ගෘහනිය රැඳෙද්දි ගෙදර ගෘහමූලිකයාත් ගෙයට හුණු පිරියම් කිරීම සිට බරපතළ වෙහෙසකාරී වැඩවල සිර වෙන කාලයක් විදිහටයි සිංහල අවුරුද්ද හැඳින්වූයේ. ඒ අය කොතරම් වෙහෙස වුවත් කොයිතරම් රස කැවිලි වර්ග අනුභව කළත් අද වගේ රෝගී වුණේ නැත්තෙ ඇයි..? සැබවින්ම ඔවුන් අනුගමනය කළ සිංහල ආහාර සිරිත්විරිත් නිසා කිවුවොත් එහි වරදක් නැහැ.සිංහල වෙදකමෙන් හෘද රෝග, මෙන්ම බයිපාස් රෝගීන් පවා සුවකරන, දියවැඩියාව පිළිකා රෝග, ආතරයිටිස් ,ගැස්ට්‍රයිටිස් ආදී රෝග නිට්ටාවටම සුව කරන හෝමගම සිද්ධාදී වෙද මැදුරේ චාන්දනී වික්‍රමාරච්චි වෙද හාමිනේ  රෝගී නොවී අවුරුදු කෑම රසවිඳින්නෙ කොහොමද කියූ හැටියි මේ.


Traditional-Avurudu-Table-1333428541

සූර්ය මංගල්‍යය නැතිනම් සිංහල අවුරුද්ද කියන්නේ අපේ රටේ වසන්ත කාලය එළැඹීම කිවහොත් එහි වරදක් නැහැ. ගහකොළවල මල් පිපී, පලබර වී සෑම නිවෙසකම පාහේ නව කළඑළියක් දැකිය හැකි මේ කාලයේ අස්වනු නෙලා ඒ අස්වැන්නෙන් දානමය කටයුතු නිමවා අලුත් සහලෙන් අවුරුදු මංගල්‍යය පැවැත්වීම පැරැන්නන්ගේ සිත් සතුටු කළ කාරණයක්. මේ නිසා නව අවුරුදු මංගල්‍යය කියා මේ අවුරුදු උත්සවය හැඳින්වීමත් ඔවුන් විසින් කළ දෙයක්. 

එකල කොතරම් ආහාර පාන සකස් කළත් ඒවා නිසා කිසිවෙකු රෝගී වූ බවක් දැනගන්නට නැහැ. නමුත් අද සිංහල අවුරුදු  කෑමබීම කරලියට එන්නටත් කළින් ඒවා ගැන යම් යම් අනතුරු ඇඟවීම් කරන්න සිදුවෙනවා. ඒ ඇයි? 

එකල බොහෝ කැවිලි සෑදුනේ නිවසේම සිඳගත් පොල් තෙලින්. ඒ නිසා ඒවාට කිසිවක් මිශ්‍රකර නැතිබව අප දැන සිටියා. එමෙන්ම එම කැවිලි බොහෝ කාලයක් දුමේ තබා ගනිමින් පරිභෝජනය කළත් කිසිවිටක මුඩු බවක් හෝ පුස් ඇති වුණේ නැහැ. සාදාගත් කැවිලි ගබඩා කර තිබුණේ පොල් කොළයෙන් වියූ පෙට්ටිවල හෝ මැටියෙන් තැනූ මුට්ටිවල. මේ නිසා ප්ලාස්ටික්වල අන්තර්ගත විෂ ඒවාට උරාගත්තේත් නැහැ. ඇතැම් ගෙවල්වල පිඟන් මැටිටෙන් තැනූ බූලි මේ සඳහා භාවිත කළා. මේවාට කෘත්‍රිම වර්ණකාරක හෝ රසකාරක අන්තර්ගතව තිබුණේත් නැහැ. ඒවාට යෙදූ රසකාරක වුණේ ස්වාභාවික දුරු වර්ග. යොදාගත් පැණි පවා ස්වාභාවිකව සාදාගත් ඒවා. ඒ පැණිවර්ග වෙනුවට ඔවුන් සුද්ද කළ සීනි යෙදුවේ නැහැ. සීනි සුද්ද කරන්නට යෙදූ රසායනිකයන් ඒ පැණිවල අන්තර්ගත වුණෙත් නැහැ. හකුරු යොදාගත් නමුත් ඒවා කිසිම කල්තබාගැනීමේ හෝ කෘත්‍රිමව යෙදූ දෙයින් සකස් වුණේ නැහැ.

 ඒ කාලේ අද වගේ පාන් පිටි වර්ග මේ කැවිලිවලට යෙදුවේ නැහැ. තනිකරම මේ කැවිලි සකස් කළේ ධාන්‍යවර්ගවල පිටිවලින් සහ පොඟවාගත් සහල් පිටි මුසුකරමින්. ඒ නිසා ඒ හැම කැවිලි වර්ගයකම නැවුම් බවක්, රසක් තිබුණා. නමුත් අද මේ කැවිලි සකස් කෙරෙන්නේ සුද්දකළ පිටිවර්ග වලින්, සුද්ද කළ සීනි රසකාරක කවලම් කරන ලද වෙනත් තෙල් සහිත පොල් තෙල් වලින්. ඉතිං මේ කැවිලි වර්ග අනුභව කළාම අනපේක්ෂිත ලෙස රුධිරයේ සංයුතිය වෙනස් වෙන්න පුලුවන්. කොලෙස්ටරෝල ඇතිකරන්නට සමත් මේදය ශරීර ගතවෙන්නට පුළුවන්. දියවැඩියාව ඇතිකරන්නට සමත් අධික පැණිරසත් මීට එකතු වෙන්න පුළුවන්. ආහාර වර්ණක සහ රසකාරක ලුණු ආදිය එක්වූ විට කැවිලි ලෙස සිතමින් අප ආහාරයට එක්කරගෙන ඇත්තේ රෝගවලට ලංවෙන මග වෙන්න පුළුවන්. එදා මේ කැවිලි වර්ග පරිභෝජනය කළ අය රෝගී නොවෙන්නටත්. අද අය රෝගී වෙන්නටත් හේතුව මෙයයි. ඉස්සර හැදුණු කිරිබතට රතු සහල් භාවිත කළා. එමෙන්ම පොල් කිරි යෙදුවේ පමණටයි. ඒවාට ලුණු යෙදුවේත් පමණටයි. නමුත් දැන් දැන් කිරිබතටත් වර්ණකාරක යෙදීම මෝස්තරයක් බවට පත්ව ඇති අවස්ථා දකින්නට පුලුවන්. කොකිස් සාදන විට පැරණි අය ඊට සුදු ලූණු ස්වල්පයක් අඹරා එක්කරන ලද්දේ රසයට පමණක්ම නොවේ. කොකිස්වලට වැඩි තෙල් ප්‍රමාණයක් උරාගන්නා නිසා එය ආහාරයට ගැනීමෙන් දිරවීමේ පහසුව ඇතිකරන්නටයි. මුට්ටියක බහා කට බැඳ දුම් මැස්සේ තැබූ කොකිස්වලින් දුමේ රස්නයට තවදුරටත් තෙල් ඉවත්වී යන බව ඔවුන් දැන සිටියා. 20180408_105641

මීලඟට අපි ඔවුන්ගේ සුවිශේෂිත අවුරුදු කෑම මේසයේ තිබුණු අනෙකුත් ආහාර ගැන විමසා බලමු. ඒ ආහාර අතර හත්මාලුවට ලැබුණේ සුවිශේෂී ස්ථානයක්. හත්මාලුව වශයෙන් හැඳින්වෙනුයේ වර්ග හතක් යෙදූ එක් වෑංජනයක් බව ඔබ දන්නවා. මේ ආහාරයට යොදන දුරු මිරිස් ආදියෙනුත් මතුවන්නේ ආහාර දිරවීම පහසුකරන වාතාවරණයක්. රසය සමග ගුණය එහි සුවිශේෂ බව කියාපානවා මේ ආකාරයෙන් සිංහල ආහාරවේලක තිබුණේ දිරවාගන්න අපහසු දේවල් නෙවෙයි. කොලෙස්ටරෝල වැඩි විය හැකි ආහාර පාන අනුභව කළත් අද සමාජයේ ඉන්නා පුද්ගලයින් ඉක්මවා යන නිරෝගී බවක් දැරුවේ ඔවුන් කය වෙහෙසවා වැඩ කරන්න හපනුන් වීම නිසයි. ගෙදර ගෘහනිය සියලුම ආහාර සඳහා අවශ්‍ය කරන දුරු මිරිස් සැකසුවේ මිරිස් ගලේ වංගෙඩියේ. දර ටික පලාගෙන ඒවා පිසුවේ දර ලිපේ. බැදුමක් සකස් කරනවා නම් බැදගත් දෑ තෙල් ඉවත්කරන්න පහසුවන ආකාරයෙන් දුමේ තබා හෝ නැතිනම් මිරිකා ඉවත්කර අවශ්‍ය පදම සකසා ගන්නවා. මේ වගේම ළමා ලපටින් පවා වැඩිපුර සීනි ආහාර වෙනුවට ස්වාභාවික පලතුරු ආහාරයට ගන්නා නිසා ඔවුන්ටත් මධුමේහය වැනි රෝග ඇතිවුණේ නැහැ. නමුත් දැන් දැන් කුඩා දරුවනුත් මධුමේහය නැතිනම් දියවැඩියාව යන තත්ත්වයට ගොදුරුවන බව දන්නවා. කෙසෙල් පැපොල් හා අඹ යන පලතුරු ඔවුන් ආහාරයට ගන්නේ කිසිම වස විසක් නැතිව ඉදවා ගැනීමෙන්. එකල කුඩා දරුවන් සම්බන්ධයෙන් මවුවරුන්ට පැවතියේ පණු අමාරු යන ගැටලුව පමණයි. එයටත් ඔවුන් අවුරුදු කාලයේදී එරබදු දළු වැනි දෑ සකස් කර දී ඒ ප්‍රශ්නයත් ජයගන්නවා. ගොටු දඬු, වළඟසාල් ආදිය එක්කොට සකස්කරගන්නා පාන වර්ග ලබාදීමෙන් ඔවුන් දරුවන්ගේ පණු රෝග මකා ගන්නවා විනා බෙහෙත් පෙති යොදා ප්‍රතිකාර කිරීම පැණිවර්ග යොදා පණුවන් පාලනය කිරීම පුරුද්දක් කරගෙන සිටියේ නැහැ. 

නමුත් මෙකල අපට පරිභෝජනය කරන්න වෙන්නේ අතීතයේ අප භාවිත කළ ද්‍රව්‍ය නෙවෙයි. අප ඉහත දී පෙන්වා දුන්නේ එකල අප රෝගී නොවන්නට බලපෑ තත්ත්වයන්. නමුත් අද අපට සිදුව ඇත්තේ අප රෝගීවන්නට බලපානා වූ ද්‍රව්‍යයන් සමගම ගනුදෙනු කරන්නට සිදුවීමයි. අවුරුද්දක් උදාවෙන්නේ වසරකට එක්වතාවයි. ඒ නිසා ඔබ අවුරුදු කෑම මේසය මග හරින්නට නම් එතරම් කැමති නොවන බව අප දන්නවා. රෝගී නොවන ලෙස පරිස්සමෙන් අවුරුදු කෑම මේසය  හා එක්ව අවුරුදු කෑම රසවිඳින්නට මගක් ඇත්නම් එයට ඔබ බොහෝමත්ම කැමති වෙනු ඇති. ඔබ අධිරුධිර පීඩනයෙන් පෙළෙන අයෙකු නම් ලුණු සහිත ආහාර තරමක් පාලනය කරන අතරතුර වැල්දොඩම් කොළ හා වැල් දොඩම් පාන ඔබේ ආහාර වලට එක්කර ගන්න. එවිට අධිකව ඔබේ රුධිර පීඩනය ඉහළ යාම මදක් පාලනය වේවි. නමුත් ඒ සමගම ඔබ දැනටමත් අධිරුධිර පීඩනය සඳහා නොකඩවා ප්‍රතිකාර ලබන්නෙක් නම් ඒ ප්‍රතිකාර නවතා ආහාර වෙත යොමුවන්නට එපා. සිද්ධාදී වෙද මැදුරේ ඔබේ අධිරුධිර පීඩනය සමථයකට පත්කළ හැකි ක්‍රම බොහෝ පවතින බැවින් ඔබට ඒවායින් සහනයක් ලබන්නට පුළුවන්.

ඔබ දැනටමත් කොලෙස්ටරෝල සඳහා ප්‍රතිකාර ලබමින් පසුවෙන්නෙක් නම් තව දුරටත් ඔබේ සිරුරට අධික ලෙස තෙල් එක්වීම වළක්වා ගන්නට මේ ප්‍රතිකාරය කළ හැකියි. එයින් ප්‍රතිඵල බොහෝ නමුත් ඔබට සකස් කර ගැනීමේ අපහසුව හෝ වැඩි මුදලක් වැයවෙන්නේ නැති බව මතක තබා ගන්න. අවහිර වූ රුධිර නාල මෙයින් සම්පූර්ණයෙන්ම සුව වනවා යැයි අප කියන්නේ නැහැ. නමුත් ඔබේ අවුරුදු කෑම වේලෙන් අනවශ්‍ය ලෙස ඔබේ කොලෙස්ටරෝල ඉහළ යෑම නවතන බව නම් ස්ථිර ලෙස කිව හැකියි. කොලෙස්ටරෝල ඇති ඔබට අවුරුදු කන්නට උදව් දෙන ඖෂධ සංයෝගයක් ලෙස මෙය හඳුවන්වන්නට පුළුවන්. උළුහාල් තේහැඳි එකක්, සුදුලූණු ගෙඩි එකක්, කුරුඳු පොතු, කරපිංචා, ගොරකා කෑලි තුනක් බැගින් ගෙන සිහින් වන්නට අඹරාගෙන තේ හැඳි එක බැගින් උණුවතුරින් බොන්න. දියවැඩියාව ඇත්නම් රණවරා ගසේ පංචාංගය පත අට එකට තම්බා උදේ සහ සවස බොන්න.  ආහාරයේ ඇති අම්ල ගතිය ඔබට යම් අපහසුවක් ඇතිකරන්නේ නම් අබ ඇට මිටක් ගෙන එය සපා ගිලිමින් ඇල්වතුර කෝප්පයක් බොන්න.  එයින් අවුරුදු කෑමවලින් ඔබේ රෝග තත්ත්වයන් උත්සන්න වීමට ක්ෂණිකව පිළියම් යෙදීමක් බවට පත්කරගන්නට හැකියි. හෝමාගම අතුරුගිරිය පාරේ නගරසීමා මාවතේ  අංක 345 හි සිද්ධාදී වෙද මැදුර අමතන්නට අවශ්‍ය නම් ඔබට 94 713464278 හෝ 94 759061771 අංක භාවිත කළ හැකියි.  සුවපත් බවින් පිරිපුන් අලුත් අවුරුද්දක් සමරන්නට මේ උපදෙස් ඔබට බොහෝ උපකාරී වනු ඇති.

වේදනා කැක්කුම් ඇතිවෙන්නේ ඇයි ?

වේදනා කැක්කුම් මෙකළ බොහෝ දෙනෙකු අත් විඳින සුලභ තත්ත්වයක් කිවහොත් එහි වරදක් නැති තරම් සිරුරේ කිසියම් තැනක වේදනාවක් කැක්කුමක් ඇතිවෙන්නේ නම් එය සාමාන්‍ය තත්ත්වයක් නොවන බව අමුතුවෙන් කිවයුතු දෙයක් නෙවෙයි.එමෙන්ම හැම වේදනාවකටම කැක්කුමකටම හේතුවත් එකම එකක් නෙවෙයි. මේ නිසා වේදනා කැක්කුම් සියල්ල එකම ගණයේ ලා සැලකිය නොහැකි බව ඔබට වැටහෙනවා ඇති. බොහෝ වේදනා කැක්කුම් ඇතිවන්නට වැරදි ඉරියව් බලපෑ හැකි වග ඔබ දන්නවාද? සමහර විට ඔබ භාවිත කරන උපකරණ ඔබේ ශරීරයේ පිහිටීමට නොගැලපෙන විට එයින් ශරීරයට ඇතිවන ආතතිය හේතුවෙන් හටගන්නා වේදනා කැක්කුම්ද ෙබාහෝයි. බටහිර වෛද්‍ය විද්‍යාවේ අර්ගනොමික්ස් වශයෙන් හඳුන්වන්නේ එවැනි හේතුවලින් හටගන්නා තත්ත්වයන් වන අතර මෑත කාලයේ එවැනි තත්ත්වයන් ඉතාම බහුල බව සැබවි. නමුත් අද අප මේ කතාකරන්නේ ඒ සම්බන්ධයෙන්ම පමණක් නොවේ වැරදි ඉරියව් නිසා ඇතිවන ආතතිය හේතුවෙන් මෙන්ම වෙනත් ශාරීරික තත්ත්වයන් හා සබැඳි වේදනා කැක්කුම් පිළිබඳ පොදුවේ ඔබ දැනසිටිය යුතු කරුණු පිළිබඳවය. හොඳින් බලන්න ඔබ මේ ගැන නොදැන සිටි යමක් මේ ලිපිය තුළින් ඔබට හමුවෙනු ඇත.


ඔබ කිසියම් ආකාරයක මිනිස් රුවක් හෝ වෙනයම් රූපයක් කෙළින් සිටගෙන සිටින ආකාරයෙන් අඹනවා යැයි සිතන්න. එවිට එය දරා සිටීම සඳහා ඔබ මුලින්ම සිදුකරනුයේ පොළව මත දරා සිටිය හැකි මතුපිටකින් කෙළවර වෙන ඇද කුද නැති කෙළින් පවතින කම්බියක්ගෙන ලී කැබැල්ලක් මත සැකිල්ල ඉදිකිරීම නොවෙද ? එය, මතුපිටින් එහි අලවන අනෙකුත් දෑ දරා සිටීම සහ කෙළින් තබාගැනීමට එම සෘජු කම්බිය උපකාරවන්නා සේම මිනිස් ශරීරයද කෙලින් දරා සිටීම සඳහා කන අසල සිට පහළට එවන් අස්ථිමය ආධාරකයක් පවතියි. එය නැවීම කැරකවීම ආදී කර්තව්‍යයන් සඳහා ඒ අස්ථිමය ආධාරකයේ යම් යම් ස්ථානවලින් ස්වභාවිකව හැරවීමට නැවීමට පහසුවන සේ යෙදුනු උපකාරකයන්ද පවතියි. උදාහරණයක් ලෙස දණහිස වැලමිට , ගෙල ආදී ස්ථාන මතකයට නගා ගන්න. නමුත් එය පිහිටා ඇති ආකාරයට ප්‍රතිවිරුද්ධව ඔබ යම් ආකාරයකින් ඒවා හරවන්නට නවන්නට  උත්සහ දරන්නේ නම් ඒ  ක්‍රියාවලියට බාධා පමුණුවමින් නිවැරදි පිහිටීම ඉක්මවා වැරදි ඵලයන් මතුවීමට පුළුවන. උදාහරණයක් ලෙස ඔබේ කොන්ද නැවීම ගැන සිතමු.

කොන්ද නැවීම ඉඟටියෙන් සිදුකිරීම බරක් එසැවීමේදී වැරදි ඉරියව්වකි. කොන්දෙන් නොනැමී දණහිසෙන් නැමී අදාල භාණ්ඩය තමන් සමීපයට ගෙන ඔසවමින් දණහිසින් නැගී සිටීම බර එසැවීමේ නිවැරදි ක්‍රියාවයි. නමුත් ඔබ දණහිස නොනමා පහතට නැමී බරක් ඔසවන්නේ නම් ඔබේ කොන්ද ආශ්‍රිත අස්ථිවලට මෙන්ම ඒවායේ මාංශ පේශි පිහිටා ඇති රටාව  ඇදීයාමකට ලක්කරන අතර අස්ථි බන්ධන වල කණ්ඩරාවලට ඇතිකරන ආතතිය නිසා වේදනා මෙන්ම ඉදිමීම් ආදියත් ඇතිවෙන්න පුළුවන්. එය ශරීරයේ පිහිටීමේ වරදක් නොවන අතර ඔබ ශරීරයේ පිහිටීම සම්බන්ධයෙන් සැලකිල්ලක් නොදක්වා ප්‍රතිවිරුද්ධ ආකාරයට ඒවා ක්‍රියාකරවන්නට යාමෙන් ඇතිකරගත් වේදනාවක් බව ඔබම වටහා ගත යුතුයි.   ඔබ යමක් එසැවීමට පහතට නැඹුරුවීම පමණක් නොව නිදන ආකාරය ඉඳගන්නා ආකාරය  ද මෙසේ වැරදි ඉරියව්වකින් පවත්වා ගතහොත් ඔබට නිරන්තරෙයන් යම් වේදනාවක් කැක්කුමක් මතුවන්නට ඇති ඉඩ කඩ බොහෝය. වේදනාවක් කැක්කුමක් මතුවූ විට බොහෝ දෙනා කරන්නේ එයට යම් වේදනා නාශකයක් පානය කිරීම නැතහොත් කිසියම් ආලේපනයක් තැවරීමයි.

සත්‍ය වශයෙන්ම ඔබ මදක් වේදනාව අඩු වූ වා යැයි සිතන්නට ඉඩ ඇතත් එය නතරවීමක් බලාපොරොත්තු විය නොහැකිය. එයට හේතුව වේදනාව ඇතිකිරීමට මුල් වූ හේතුව තව දුරටත් පැවතීමයි. මේ නිසා වේදනා නාශක හෝ ආලේපන පිළිබඳ සොයන්නට කලියෙන් වේදනාව මතුවීමට හේතුව කුමක්දැයි නිවැරදිව දැන හඳුනාගැනීම වැදගත්ය. බොහෝ විට මෙවැනි වේදනා කැක්කුම් පිළිබඳව වැඩිපුර මැසිවිලි නගන්නේ කාන්තාවන්වීමට ඇති ඉඩ කඩ වැඩිය. දවසේ වැඩ කටයුතු අවසන්වීමත් සමගම බාහුවල කොන්දේ සහ කෙණ්ඩාවල මතුවන වේදනාවක් ගැන ඔවුන් නිතර පැමිණිලි කරන්නේ එදිනෙදා වැඩකටයුතුවලදී නුහුරට පවත්වා ගත් ඉරියව් නිසා යැයි කිසිවිටෙකත් නොසිතනු ඇත. කොන්දේ කැක්කුමක් ඇතිවීමට හේතුව තනිකරම වැරදි ඉරියව් නොවේ.

මෙන්ම  වකුගඩු ආබාධ, සමහර පිළිකා තත්ත්ව මෙන්ම උණ , මුත්‍රා ආසාදන ආදී ශාරීරික තත්ත්වයන් නිසාද කොන්දේ කැක්කුමක් ඇතිවිය හැකි බව සත්‍ය නමුත් ඒ ආබාධය කුමක් නිසාදැයි , ගොඩවෙදකම් කර කර හඳුනාගැනීම කල් පසු කළ යුතු නොවේ.  කෙසේ වෙතත් කොන්දේ කැක්කුමක් මතුවූ පමණින් එය අසවල් රෝගය යැයි බියට පත්වීමටද ඔබ ක්‍රියාකළ යුතු නොවේ.පළමුව ඔබේ ඉරියව් නිවැරදිව පවත්වා ගන්නට උත්සහ දරන්න. ඔබ මුළුතැන්ගෙයෙහි වැඩි පුර වැඩ කරනුයේ සිටගෙන නම් ඔබ භාවිත කරන මේසය ඔබේ වැළමිටේ උස ප්‍රමාණයට පවතින්නේද යන්න පළමුව සොයා බලන්න. නැතිනම් ඔබේ පැන්ට්‍රියේ උස ප්‍රමාණය ඔබේ වැලමිටට පහළින් පවතින්නේ නම් ඔබ නිරන්තරයෙන්ම පහතට නැවී වැඩ කිරීම නිසා ඔබේ මාංශපේෂීවලට මෙන්ම අස්ථීන්ට ඔබේ කොන්ද නවා ගෙන සිටීම නිසා ඇතිවන ආතතිය කොන්දේ කැක්කුම මෙන්ම වේදනාවක් ලෙස දැනෙන්නට පුළුවන.  ඉඳගන්නා පුටුවේ ඔබට කොන්ද අංශක 90  පවතින ලෙස කෙළින් තබා අසුන් ගන්නට හැකියාවක් නොමැතිනම් ඔබට කෙලින් වාඩිවීමට උපකාරවන පුටුවක් ඒ සඳහා යොදාගන්න. නිදාගන්නා ඇඳ මෙට්ටයටද ඔබේ කොන්දට කැක්කුමක් එක් කළ හැකිය. අප වෙනත් අවස්ථාවක  සැප නින්දක් වෙනුවෙන් ඔබේ කොන්ද පවත්වා ගත යුතු ඉරියව් පිළිබඳ කතාකරමු. 

වැරදි ඉරියව් නිසා ඇතිකරගන්නා වේදනා කැක්කුමවලට එම ඉරියව් නිවැරදි කර ගැනීමෙන් සහ. එම අවයව වලට ඇති වූ හානි භෞතචිකිත්සක ප්‍රතිකාර හරහා නිවැරදි කළ හැකිව තිබේ.  සැබවින්ම එවන් අවස්ථාවක වඩාත් විශ්වාසනීයම ප්‍රතිකාරයක් ලෙස භෞත චිකිත්සක ප්‍රතිකාරවෙත යොමු විය හැකිය. ඔබ වේදනා නාශකවලින් මෙහි ඇති වේදනාවට පිළියම් සෙවූවත් එයින් සිදුවෙනුයේ වේදනාව මදක් සමනය වීම මිස සිදුවී ඇති හානිය නිවැරදිවීම නොවේ. අනවශ්‍ය තරම් වේදනා නාශක භාවිතය ඔබට වෙනත් අතුරුඵල ඇතිකරන බව සැබෑ නමුත් භෞතචිකිත්සක ප්‍රතිකාරවලින් එවන් අතුරු ආබාධ ඇතිවීමක් නැති අතර රෝගියාට ඉක්මන් සුවයක් ලඟාකරගත හැකිය. තාප ප්‍රතිකාර, කෙටිතරංග විද්යුත් උත්තේජන ආදී ප්‍රතිකාර රැසක්ම මෙවැනි අවස්ථාවල භෞත චිකිත්සාවෙන් යොදනු ලබයි. 
අස්ථිවල ඇතිවන නෙරීම් ඇදවීම් ආදිය ( ක්වෝලියෝසිස් ) ඇතැම්විට ඉරියව්වල වැරදි තුළින් මතුවිය හැකි වුවත් ඒවා නිසි ආකාරයේ පරීක්ෂාවකට ලක්කර නිවැරදිව හඳුනාගැනීමෙන් ප්‍රතිකාර යෙදිය හැකි පසුබිමක් සැකසිය හැකිය.මෙකළ වේදනා කැක්කුම් සම්බන්ධයෙන් බහුලව මැසිවිලි නගන තත්ත්වයක් මතුව ඇතැයි අප මෙම ලිපිය මුලදීම කීවා ඔබට මතක ඇති. ඇතැම් වේදනා ඔබේ ශාරීරික ව්‍යායාම් නිසි අධීක්ෂණයක නොපිහිටා කිරීමෙන් ඇතිවිය හැකියි.

බොහෝ විට කායවර්ධන ව්‍යායාම් පවත්වාගන යන ආයතන නැතිනම් ජිමිවල සිටින අය උපකරණ භාවිතය සම්බන්ධයෙන් විශේෂ දැනුමක් සහිත විය හැකි වුවත් කායික ව්‍යූහය සම්බන්ධයෙන් දැනුම්වත් බවක් පැවතීමේ මද බවක් තිබේ.  යමෙකු ව්‍යායාම්වල යෙදවීමට පළමු ඔහුගේ හෝ ඇයගේ භෞතික ලක්ෂණ පිළිබඳ අවධානය යොමු කිරීම ඉතාම වැදගත්ය.  හැම අයෙකුගේම පේශීන් හෝ අස්ථී එකම ආකාරයේ නොපවතින නිසා ඒවාට අනුව ඔවුන්ව ව්‍යායාම්වල යෙදවිය යුතුය. නැතිනම් ආයාසයෙන් ඒවා කරන්නට ගොස් ඇතිකරගන්නා අනපේක්ෂීත ආතතිය හේතුවෙන්  විවිධ සංකූලතාවයන්ට මුහුණදෙන්නට සිදුවිය හැකිය. විශේෂයෙන්ම ව්‍යායාම් කිරීම ඉතාම යෝග්‍ය දෙයක් වුවත් ඔබට යෝග්‍ය කෙබඳු ව්‍යායාම්ද යන්න පළමුව පරීක්ෂාවකට ලක්වී තීරණයකට එළැඹෙන්නේ නම්  බොහෝ අනපේක්ෂිත ගැටලු මගහරවා ගත හැකිය.සමහරෙකු ව්‍යායාම් කිරීම සිදුකරන්නේ කිසිදු උපදේශකත්වයක් නොලබාය. කිසියම් ව්‍යායාම උපකරණයකට නතුව එසේ කරන ව්‍යායයාම් නිසා අප මෙතෙක් කී වේදනා කැක්කුම් ඇතිකරගැනීම ඔවුන්ගෙන් බොහෝ දෙනෙක් මුහුණ දෙන අත්දැකීමකි. ව්‍යයාම් කිරීම සඳහා උපකරණ අවශ්‍ය නැත . ව්‍යයාම් යනු උපකරණවලින් පමණක් කළ හැකි දෙයක්ද නොවේ. ඔබට සුදුසු ව්‍යයාම මොනවාද යන්න පළමුව ඔබගේ භෞතචිකිත්සකවරයාගෙන් හෝ  නිසි සුදුසුකම් ලත් කායවර්ධන උපදේශකවරයාගෙන් උපදෙස් ලබන්න

ඔබට නොගැලපෙන ව්‍යයාම සහ ඔබට ගැලපෙන ව්‍යායාම . ආදි කොටස් දෙකක් මෙහි තිබිය හැකි බව දැනගෙන  ක්‍රියාකරන්න.  කිසියම් වේදනාවක් ඇතිවූ වහාම ඊට ඔබ දක්වන ප්‍රතිචාර කුමක්ද යන්න අප දැන් විමසා බලමු. බොහෝ දෙනා ව්‍යායාම උපකරණයක් භාවිතයේදී ආයාසයෙන් ඒ කටයුත්තෙහි යෙදෙන්නේ නම් එයින්  මාංෂ පේශී ඇදීයාමක් වීමට ඇති ඉඩ කඩ මෙහිදී සලකා බලමු .පළමුව ඔබ සිරිත් පරිදිම කිසියම් වේදනා නාශකයක් භාවිතකරන්නට පෙළඹෙනු ඇත. නමුත් එයින් සිදුවන්නේ වේදනාව මදක් සමනයවීම පමණක් බව ඔබ දැන් දනී. සමහරු ඇතිවූ පීඩනය සමනය කිරීම සඳහා බොහෝ විට උණුවතුරින් තවන්නට උත්සහ ගනු ඇත. නමුත් මෙය සුදුසු ක්‍රියාවක් නොවේ. උණුවතුරින් තවන විට එතැනින් යම් ඉදිමුමක්ද ඇතිවන්නට ඉඩ තිබේ. එම ස්ථානය නිසොල්මන්ව මදක් එසැවෙන සේ තබාගෙන සිටීම කළ යුතු අතර  හැකි නම් අයිස්වතුරින් තැවීම කළ යුතුය. එවිට ඉදිමීමක් ඇතිනොවන අතර දින තුනකට පසුව උණුවතුරින් තැවීම සුදුසුය. 

 මේ අප සඳහන් කලේ සාමාන්‍යයෙන් වේදනා කැක්කුමක් ඇතිවන්නට හේතුවිය හැකි සරල හේතු කීපයක් වන අතර අද පාඨක ඔබට වරින් වර මෙවන් අවස්ථාවලදී මෙන්ම හදිසියේ ඇතිවන ඔබේ වැරදි ඉරියව් හෝ අනතුරු හේතුවෙන් ඇතිවන අපහසුතාවයන්ට භෞත චිකිත්සාවෙන් ලද හැකි උපකාර සම්බන්ධයෙන් දැනුවත්බවක් ලබාදෙන්නට අප පියවර ගෙන ඇති බව දන්වමු. එතෙක් අප ඔබට කී මේ තොරතුරු ඔබේ එදිනෙදා ජීවිතයට එක්කර ගන්නා අතර වඩාත් සුවපත් දිවියක් වෙත ලඟාවෙන්න.  

ක්ෂය රෝගය නිමාවට නායකත්වයක්, ඉතිහාසයට පුනර්ජීවයක්

මේ මෙවර ජාතික ක්ෂය රෝග දින තේමාවයි. පසුගිය විසිහතරවැනිදාට යෙදුන ජාතික ක්ෂය රෝග දිනය වෙනුවෙන් අප මෙවර අද සෞඛ්‍ය පිටුව වෙන්කරනුයේ   ක්ෂය රෝගය දැනටත් අප රටට පමණක් නොව ලෝකයේ දැවෙන මහජන සෞඛ්‍ය ප්‍රශ්නයක් ලෙස වසරකට ලෝක ජනගහනයෙන් මිලියන දහයකට වඩා රෝගීන් බවට පත්කරවන සහ මිලියනයකට වඩා වැඩි මරණ සංඛ්‍යාවකට හේතුවන බෝවන රෝගයක් නිසයි. සම්පූර්ණයෙන්ම සුවකළ හැකි , ඖෂධ පවතින රෝගයක් වුවත්  ඒ බව නොදන්නාකම නිසා අවාසනාවන්ත ලෙස මිනිසුන්ගේ ජීවිත ගමන කෙටිකරනා රෝගයකි ක්ෂය රෝගය.  අප වසරකට ඩෙංගු රෝගයෙන් මිය යන රෝගීන් සංඛ්‍යාව  සිය දෙනෙකු  යැයි සිතුවහොත් එය මහා ව්‍යසනයක් ලෙස සලකා ඒ සම්බන්ධයෙන් බොහෝ කතාබහ කරන නමුත් අප රටේ වසරකට හාරසියයක් හා පන්සියයක් දෙනාට මරණය කැඳවන ක්ෂය රෝගය සම්බන්ධයෙන් එතරම් කලබලයක් නොදැක්වීම සහ සැලකිල්ලක් නොදැක්වීම වසරක් පාසා අපම අයගේ මරණ සහතිකය ලිවීමට හේතුවක් වීම අවාසනාවත් සිදුවීමකි. මොහොතක් සිතන්න ඒ පන්සියයක් දෙනා අතර ඔබේ මව , පියා සොහොයුරු සොහොයුරියන් බිරිය , පෙම්වතිය හෝ ඔබේ දරුවාද සිටිය හැකිවාක් මෙන්ම ඔබටද එම ඉරණමට අවධානමක් නැතැයි පවසන්නට හැකියාවක් නොමැත.නමුත් ක්ෂය රෝගයෙන් මරණය කරා නොයන්නට  එය සාර්ථකව සුව කළ හැකි ඖෂධ තිබියදී ඒ අවාසනාවන්ත ඉරණමට අඬගසන්නේ කුමටද? අප මේ සියලු තොරතුරු ඔබට ලබාදෙමින්  අසන්නේ අඬුව තිබියදී අත පුළුස්සාගන්නේ ඇයිද යන්නයි.


descarta-ssg-brote-de-tuberculosis-713894e4c52f74049b659998c81469b4

මේවන විට ඔබ අවට සිටින කී දෙනෙක් ක්ෂය රෝගීන්ව සිටිනවාද ? නැතිනම් ඔබ දැනට ක්ෂය රෝගයේ ගොදුරක්ව සිටිනවාද යන්න මොහොතක් හෝ සිතා බැලුවාද 2017 වන විට හඳුනාගත් ක්ෂය රෝගීන් ප්‍රමාණය (අප රටේ සායනවලට පැමිණි ලියාපදිංචි  රෝගීන් සංඛ්‍යාව)8511 කි. නමුත් මේ රෝගීන්ගෙන් ක්ෂය රෝගය ආසාදිතව සිටී යැයි ඇස්තමේන්තු ගත ප්‍රමාණය 13 ,000 ඉක්මවයි. නව රෝගීන්ගෙන් සෙමවල විෂ බීජ සහිත රෝගීන් සංඛ්‍යාව 4019 ක් වන අතර රෝග ලක්ෂණ මගින් හෝ අනෙකුත් පරීක්ෂණවලින් හඳුනාගත් රෝගීන් 1766 කි.

ක්ෂය රෝගය ඇතිකරනුයේ මයිකොබැක්ටීරියම්  ටියුබර්කියුලෝසිස් නම් බැක්ටීරියාවයි. මෙය ලෝකයේ ඉතාම පැරණි ඉතිහාසයක් ඇති බැක්ටීරියාවක්වන අතර 1882 දී ජර්මානු ජාතික විද්‍යාඥයෙකු වූ රෝබර්ට් කොක් විසින් එම බැක්ටීරියාව ක්ෂය රෝගය ඇතිකිරීමට හේතුකාරක වන බව සොයාගැනීමත් සමග සෑම මසකම මාර්තු මස විසිහතරවැනිදා ක්ෂය රෝග දිනය ලෙස නම් කෙරිණි. ලෝක ජනගහනයෙන් තුනෙන් එකක් ක්ෂය රෝග ආසාදිතයන් බවට  පත්ව ඇති අතරම මෙයින් සියයට හතලිස් පහක්ම ජීවත්වනුයේ අග්නිදිග ආසියාතික රටවලය. ලෝකයේ සිදුවන මරණ අතරින් නව වන ස්ථානයේ පවතින ක්ෂය රෝගය එක් බෝවෙන රෝගයකින් වැඩිම මරණ සංඛ්‍යාවක් ඇතිකරන රෝගය ලෙස  සැලකෙයි. 

මයිකොබැක්ටීරියම් ටියුබර්කියුලෝසිස් ඔබේ සිරුරට ඇතුළුවෙන්නේ කොහොමද?

 ඔවු මේ කාරණය නම් ඔබ දැන සිටිය යුතුමයි. මෙය ඔබේ සිරුර ආක්‍රමණය කරන්න ඔබේ සිරුර තුළට රිංගාගන්නේ වාතය මගින්. එසේ ඇතුළුවන මේ රෝගබීජයට ඔබේ පෙණහළු තුළ වගේම සිරුරේ ඕනෑම අවයවයක සැඟවෙන්නට පුළුවන්. ඒ වගේම මෙය රෝග ලක්ෂණ නොපෙන්වා පවතින්නට සමහර විට වෙනත් ඉන්ද්‍රියන්වල සැඟවුණ බැක්ටීරියාවට හැකියාව තිබිය හැකියි. එමෙන්ම රෝග බීජය ආසාදිත අය හැමෝම ක්ෂය රෝගීන් බවට පත්නොවේ.‍රෝගබීජය ආසාදිත වූවන් අතරින් රෝගය තවත් කෙනෙකුට බෝ කිරීමේ හැකියාව පවතින්නේ පෙණහළු ආශ්‍රිත නැතිනම් සෙමවලින් විෂ බීජ පිටකරන රෝගියෙකුට පමණයි. නමුත් සමහරුන්ට ක්ෂය රෝග බීජය ඇතුළු වුවහොත් ඉක්මණින් ක්ෂය රෝගීන් බවට පත්වීමේ හැකියාවන් පැවතිය හැකියි. ඒ ප්‍රතිශක්තිය හීනවූ පුද්ගලයන්ටය. සාමාන්‍යයෙන් මන්ද පෝෂණයෙන් පෙළෙන්නන්, දියවැඩියාවෙන් පෙළෙන්නන්, මත්ද්‍රව්‍ය හා මත් පැන්වලට ඇබ්බැහිවූවන්, නිදන්ගත රෝගවලින් පෙළෙන ප්‍රතිශක්තියහීනවූ පුද්ගලයින් මෙසේ ක්ෂය රෝගයට වැඩි ප්‍රවණතාවයක් දක්වයි.d_nptccd

ක්ෂය රෝගබීජ වාතයට එක්වනුයේ කෙසේද?

ක්ෂය රෝගය වාතය ඇසුරුකොට ගෙන බෝවෙන රෝගයක් බව අපි මුළින්ම කී බව ඔබට මතක ඇති.  එහෙම නම් මේ දරුණු බැක්ටීරියාව වාතයට එක්වන්නේ කෙසේද යන්නත් අපි සාකච්ඡාවට බඳුන් කළ යුතුයි. ක්ෂය රෝගය වැලඳුන පුද්ගලයෙක් තදින් සිනාසෙන විට , කහින විට  කිවිසුම් යන විට  පිටකරන රෝගකාරක බැක්ටීරියාව අඩංගු බිඳිති, තවත් අයෙකු අග්‍රාහණය කළහොත් එම පුද්ගලයාට මේ බැක්ටීරියාව ආසාදනය වෙන්නට පුළුවන්.  ප්‍රතිකාර නොලබන ක්ෂය රෝගියෙකුගේ සෙමවල මෙම බැක්ටීරියාව  පැවතියදී එය භාහිර පරිසරයට මුදාහැරීමෙන් තවත් නිරෝගී පුද්ගලයින් දහයක් පහළොවක් අතර ප්‍රමාණයකට රෝගය බෝකිරීමේ හැකියාව ඇත.කළින්ම රෝගය හඳුනාගෙන ප්‍රතිකාර ලබා සුවනොවුවහොත් ඔබ සමාජයේ බොහෝ දෙනෙකු ක්ෂය රෝග අවධානමට ලක් කරන්නා වූ පුද්ගලයෙකු වීමට ඉඩ ඇති බැවින් රෝග ලක්ෂණ එකක් හෝ ඇති විට නොපමාව ඔබේ එම රෝග ලක්ෂණය ක්ෂය රෝගය නිසාදැයි තහවුරු කරගන්න. 

ක්ෂය රෝගයේ රෝග ලක්ෂණය කහින විට රුධිරය පිටවීමද?

 බොහෝ දෙනා කැස්ස පිළිබඳ සිතන්නේ මෙහෙමයි. ක්ෂය රෝගය සඳහා ඇතිවන කැස්ස නම් සෙම සමග රුධිරය පිටවිය යුතුම යන්නයි. නමුත් ක්ෂය රෝගීන් සෑම දෙනෙකුම රෝගයේ මුල් අවදියේ සිටම එසේ සෙම සමග රුධිරය පිටකරන්නන් නොවේ. ප්‍රධානම ලක්ෂණය වනුයේ සති දෙකකට වඩා පවතින කැස්සයි. නමුත් ක්ෂය රෝගයේදී ඔබේ ආසාදිත බව පෙන්වන තවත් ලක්ෂණ තිබෙන්නට පුළුවන්. මද උණ ගතිය, රාත්‍රිකාලයේ වෙන කවරදාකවත් නොවූ පරිද්දෙන් අධික දහඩිය දැමීමක්  මෙන්ම ශරීරයේ බර අඩුවීම වෙහෙස නොවී සිටින විට පවා අධික මහන්සියක් දැනීම, පපුව රිදුමක් ඇතිවීම,  කළක් කැස්ස පැවතීමෙන් අනතුරුව කැස්ස සමග රුධිරය  වැනි මේ ලක්ෂණ සියල්ලම නැතත් කීපයක් හෝ පවතිනවා නම් වහාම පරීක්ෂණ වෙත යොමුවෙන්න.

රෝගය හඳුනාගැනීමේ පරීක්ෂණ

රෝගය සම්බන්ධයෙන් වගේම රෝග පරීක්ෂාව සම්බන්ධයෙනුත් ඇතමුන් තුළ වැරදි මත තිබෙන්නට හැකියි. ඒවා ගැන අප ඔබව වෙනමම දැනුම්වත් කරන්නේ ඒ නිසයි. ක්ෂය රෝගය හඳුනාගැනීම සම්බන්ධයෙන් ඇති පහසුම හා සරලම පරීක්ෂණය වනුයේ සෙම පටල අන්වීක්ෂයෙන් පරීක්ෂා කිරීමයි. කඩිනම් පරීක්ෂණයක්ද දැන් මේ සඳහා පවතින අතර පටක රෝපණය ( කල්චර්)  වඩාත් විශේෂිත  සහ සංවේදී පරීක්ෂණ ලෙස සඳහන් කළ හැකිය.

පරීක්ෂණ සඳහා යොමුවීමට සහ ප්‍රතිකාර සඳහා යොමුවීමට ඇති බාධාවන් මොනවාද ?

 කිසිදු බාධාවක් නැති අතර බාධාවක් ලෙස මතුවිය හැක්කේ ඔබගේම ආකල්පයි.ක්ෂය රෝගය යනු බෝවෙන නමුත් ප්‍රතිකාරවලින් සම්පූර්ණයෙන්ම සුව කළ හැකි රෝගයකි. එය සමාජයෙන් කොන්වී සිටීමට හෝ එසේ කොන්කිරීමට ලක්විය යුතු රෝගයක් නොවේ. මාස හයක ප්‍රතිකාර මගින් ක්ෂය රෝගය නිට්ටාවට සුව කළ හැකි අතර නැවත වතාවක් ආසාදනයවීම  ඉතාම දුලභය ප්‍රතිකාර ආරම්භ කර දින දෙකක කාලයේ සිටම ප්‍රතිකාර ලබාගත් රෝගියාගෙන් තවත් කෙනෙකු ආසාදිතවීම වළකී. මේ නිසා
සාමාජීය වශයෙන්….
 +  ක්ෂය රෝගය ආසාදිත අයෙකු ප්‍රතිකාර ලබමින් ඔබ සමග සේවය  කරන්නේ නම් ඒ තැනැත්තාව කොන් කිරීමෙන් වළකින්න.
 +  රෝගය නිසා ඔහු හා සේවය කිරීම ප්‍රතික්ශේප නොකරන්න. 
  + ප්‍රතිකාර නිසි පරිදි ගැනීමට ඔහු හෝ ඇය දිරිමත් කරන්න. 

ක්ෂය රෝගියෙකුවීම ඔහුගේ හෝ ඇයගේ වරදක් නොවේ. ඔහුහෝ ඇයගෙන් නොවූනද ඔබටද වෙනත් අයෙකුගෙන් එය වැලඳීමට ඉඩ ඇති අතර ඔබටද ඔවුන්ට මෙන්ම ප්‍රතිකාර ලබා රෝගය සුවකර ගැනීමේ අයිතිය හා හැකියාව ඇත.

රෝගියාගේ පාර්ශ්වයෙන්

+තමන්ට පවතින රෝග ලක්ෂණ කෙරෙහි පූර්ණ අවධානය දක්වා ළඟම ඇති රෝහලට හෝ  ළය චිකිත්සාගාරයට ගොස් පරීක්ෂාවට ලක්වෙන්න. 
+ අදාල පරීක්ෂණවලින්  ඔබ රෝගියෙකු බව තහවුරු විණි නම් වෛද්‍ය උපදෙස් පරිදි ඔබට ලබාදෙන ඖෂධ නිසි මාත්‍රාවෙන් නොවරදවා නොකඩවා ගැනීමට උනන්දු වෙන්න. 
+ ඔබේ රෝගී බව සමාජයෙන් සැඟවිය යුතු රෝගයක් නෙවේ. නමුත් මුව ආවරණයක් පැලඳීම තුළින් ඔබට ඔබේ සිතේ පවතින කුඩා සැකය පවා ඉවත්කර ගත හැකිය.
+ සෙම පටල පරිසරයට මුදාහැරි මොහොතේ සිට හොඳින් වාතාශ්‍රය තිබෙන ස්ථානයකදී සුළු මොහොතකින් එහි ඇති රෝග බීජ විනාශවන නමුත් හොඳ වාතාශ්‍රයක් නොමැති අඳුරු පරිසරයක් තුළ එයට ජීවී මට්ටමින් පැවතිය හැකි බැවින් ඔබෙන් තවත් කෙනෙකුට රෝගය ව්‍යාප්ත නොවෙන පරිද්දෙන් කටයුතු කරන අතර රෝගය සම්බන්ධයෙන් ඔබට ලබාදෙන වෛද්‍ය උපදෙස්  නිසි ලෙස පිළිපදින්න
 

රෝගය සඳහා පවතින ප්‍රතිකාරවල විශ්වාසනීයත්වය- 

 ඉතාමත් බහුළය.  ක්ෂය රෝයග නිට්ටාවටම සුවකරන්නට එම ප්‍රතිකාර වලට හැකියාව තිබේ.  සියළුම ප්‍රතිකාර නිර්දේශය පරිද්දෙන්ම ගැනීම ඔබේ සුවයට මනා පිටුවහලක් වෙයි. නොකඩවා මාස හයක් ගැනීම අවශ්‍ය අතර රෝග ලක්ෂණ පහව යන විට ප්‍රතිකාර අතරමග නැවැත්විය නොහැකිය. යම් අයුරකින් මාස හයම ප්‍රතිකාර ලබා නොගෙන පැහැර හැරියහොත් වඩාත් භයානක බහු ඖෂධ ප්‍රතිරෝධී ක්ෂය රෝග තත්ත්වය හටගත හැකිවන අතර  ජීවිතය මරණයෙන් කෙළවර විය හැකිය. ආරම්භයේදීම අප වසරකට හාරසියයත් පන්සියයත් අතර අපේ අය ක්ෂය රෝගයෙන්  මරණයට පත්වන බව පැවසුවා ඔබට මතක ඇති . එසේ මරණයට හේතුවන ක්ෂය රෝග තත්ත්වය ප්‍රතිකාර මග හැරීම නිසා අවාසනාවන්ත ලෙස රෝගියා විසින්ම අඬ ගසා ලබාගන්නක් බව ඒ සමගම ඔබට සිහිපත්වෙන්නේ නම් ඔබ දන්නා අයෙකු හෝ ඔබටම හෝ ක්ෂය රෝගය වැලඳී ඇතැයි දැනගත් විටක ඒ වෙනුවෙන්ම අවධානය දක්වා අමතක නොකර මාස හයක ඖෂධ නොකඩවා ලබාගැනීමට උනන්දුකරවන්න.
සෞඛ්‍ය ප්‍රවර්ධන කාර්යාංශයේ පැවති මාධ්‍ය සම්මන්ත්‍රණයෙණි. 
 

නින්ද නොයෑම ගැන හරිහැටි දැනගන්න

නිදිවැරීම සහ නින්ද නොයෑම කියන්නේ එකම කාරණයක් නෙවෙයි කාරණා දෙකක් . නමුත් ප්‍රතිඵලය එකම එකක්  ඇත්තෙන්ම වැඩිහිටියෙක් දවසකට පැය කීයක් නිදාගන්න ඕනද? අලුත උපන් කුඩා දරුවන් දවසේ වැඩි කාලවේලාවක් නිදාගන්නා බව ඔබ දන්නවා . දවසකට පැය අටක නින්දක් ගැන කතාකරපු අපි දැන් අඩු තරමේ වැඩිහිටියෙකුට පැය හයකවත් අඛණ්ඩ නින්දක් අවශ්‍ය  බව පිළිගන්නවා. කෙනෙක් නිදිවරන්නේ උවමනාවෙන් වුණත් නින්ද නොයන්නේ උවමනාවෙන් නෙවෙයි. නින්ද නොයන්නට ශාරීරික මෙන්ම මානසික කාරණාත් බලපෑ හැකියි. ඕනෑම කෙනෙකුට තාවකාලිකව නින්ද නොයෑම පිළිබඳ ගැටලු ඇතිවිය හැකි ඉඩක් තිබුණත් දිගින් දිගටම නින්ද නොයනවා නම් එය ප්‍රතිකාර ලැබිය යුතු තත්ත්වයක්. එසේම කෙනෙකු උවමනාවෙන් කාලයක් තිස්සේ නිදිවැරුවහොත් එයත් අවසානයේ ප්‍රතිකාර සඳහා යොමුවිය යුතු තත්ත්වයක් බවට පත්වීමට ඇති ඉඩ ,අපි නොසලකාහැරිය යුතු නැහැ. අද සෞඛ්‍ය පිටුව තුළින් අපි සාකච්ඡාවට බඳුන් කරනුයේ නින්ද හා බැඳුනු ගැටළු පිළිබඳවයි.


1200-6206-sleep-photo1

නින්ද යනු අප කවුරුත් අත්දකින අත්විඳීමට කැමති දවසේ අනිවාර්ය කාරියක් බව පැවසුවහොත් ඔබ ඊට එකඟවෙනු ඇති.  දවසේ පැය විසිහතරෙන්  ඔබගේ රාජකාරිය පැය කීයක්ද ? සාමාන්‍යයෙන් පැය අටක් අපි සේවා කාලය ලෙස හඳුන්වනවා. තවත් පැය අටක් අපගේ අනෙකුත් අවශේෂ ක්‍රියාවලීන් වෙනුවෙන් වැය වෙනවා. ඊට ආහාර ගැනීම ව්‍යායාම කිරීම, විනෝදාංශ, ආගමික  ආදී නොයෙකුත් කටයුතු වෙනුවෙන් වෙන් කෙරෙනවා.  දවසේ පැය විසිහතරින් තවත් පැය අටක් ඉතිරියි. ඒ පැය විසි හතරෙන් තුනෙන් එකක ප්‍රමාණය අප වෙන්කර ඇත්තේ නින්ද වෙනුවෙන් නම් එහි අපේ ශරීරයට අවශ්‍ය කායික මානසික විවේකයේ වේලාව ලෙස පිළිගතහැකියි. පැය 16 ක ක්‍රියාකාරීත්වයක් වෙනුවෙන් පැය අටක නින්දක් ලෙස අප එය ශාරීරික අවශ්‍යතාවයක් ලෙස පිළිගන්නට  හේතුව නිසි නින්දක් නොලැබූ විට ඇතිවන ශාරීරික හා මානසික පීඩාකාරී තත්ත්වය අලුත් දවසේ වැඩකටයුතු කෙරෙහි දැඩි බලපෑමක් එල්ලකරන නිසයි.

 සැබවින්ම නින්ද කියන්නේ ස්වභාවික ජෛව ක්‍රියාවලියක්. මෙය සෑම අයෙකුටම අවශ්‍ය දෙයක් වනුයේ  එය ස්වභාවයෙන්ම ඇතිවන ක්‍රියාවලියක් නිසා බව ඔබට වැටහෙනවා ඇති. දැන් අපි පළමුව නිදාවැරීම සම්බන්ධයෙන් අවධානය යොමු කර සිටිමු. බොහෝ විට කාර්යබහුල අයෙක් කිසියම් වැඩක් නිමකිරීම සඳහා අවශ්‍ය කාලය නින්දට වෙන්කර ඇති කාලයෙන් ලබාගන්නට පුළුවන්. නිදි වැරීම ලෙස අප හඳුන්වන්නේ නින්දේ අවශ්‍යතාවය ඇතත් නොනිදා වෙනත් වැඩකට කාලය කැප කරන අවස්ථාවයි. බොහෝවිට පාසල් දරුවන් නම් මේ වන විටත් ඔවුන්ගේ නින්දෙන් සැලකිය යුතු කාලයක් පාඩම් කිරීම සඳහා වෙන්කර ඇති. නමුත් නිදිවැරීම වඩා හොඳ මතක ශක්තියක් තබාගැනීමට නම් ප්‍රයෝජනවත් ක්‍රියාවලියක් නෙවෙයි.දවසේ වැඩකටයුතු වලින් වෙහෙසී විවේකය අවශ්‍ය මොහොතක ඔබට ඒ අවශ්‍යතාවය ශාරීරිකව හා මානසිකව දැනීම යටපත්කරවා ගෙන වතුර බේසම්වල දෙපා බහා තැබීම තේ කෝපි වැනි කැෆේන් සහිත පානවර්ග භාවිතය මෙන්ම ඇතැම් අවිධිමත් ඖෂධ ආදියද ඇතමුන් නිදිවරන්නට යොදාගන්නා බව අසන්නට ලැබෙන අවස්ථා තිබෙනවා. මේ සියල්ලන්ගෙන්ම වැටහෙන්නේ සිරුරට අවශ්‍ය විවේකය ශරීරයේ  ගෙවී ගිය පටක අලුත්වැඩියාවීම් සඳහා වැයකෙරෙන  කාලය එසේ බලහත්කාරයෙන් අහිමිකරවීම සිරුරට අහිතකර ලෙස බලපාන්නට ඇති ඉඩ කඩ බොහෝ බවයි. මේ නිසා මොළයේ රසායණික ක්‍රියාවලීන්ට යම් යම් බලපෑම් එල්ලකළ හැකි තත්ත්වයන් මතුවිය හැකි අතර ස්නායු වලට මෙන්ම ඇතැම්විට ශරීරයේ අභ්‍යන්තර ක්‍රියාවලීන්ටද එය අහිතකර ලෙස බලපෑ හැකියි.  ඇතැම්විට තරග විභාග ආදිය අවසන් වූ වහාම රෝගී වෙන මෙම දරුවන් හෝ පුද්ගලයන් අනවශ්‍ය ලෙස පීඩනයට පත්වන්නේ ඔවුන් හිතාමතාම ස්වභාවික ක්‍රියාවලීන් පාලනය කරන්නට හුරුවීම නිසයි.මේ නිසා දවසේ වැඩකටයුතු නිමාව අවසානයේ යම් විවේකයක් ලබාගැනීම වෙනුවෙන් ප්‍රමාණවත් ආකාරයක නින්දක් ලබා උදෑසනින්ම අවදිවී අදාල කටයුතු සිදුකිරීම වඩාත් ප්‍රතිඵලදායකය. ඒ වන විට ඔබේ සිරුර සහ මනස ලද විවේකය හේතුවෙන් මනස මෙන්ම සිරුරද යම් ප්‍රාණවත්බවකින් පැවතීම මෙන්ම නිරවුල්ව පැවතීම අදාල කාරිය හොඳින් සිදුකිරීමට ඔබට වඩා ශක්තියක් සපයනු ඇත. 

දැන් අපි ස්වභාවිකව නින්ද නොයන ගැටලුව සම්බන්ධයෙන් සවිස්තර විග්‍රහයක යෙදෙමු.  එහිදී ස්වභාවික කාරණා සම්බන්ධයෙන්  ඔබේ අවධානය මුලින්ම යොමුකිරීම වඩා වැදගත්. 
 ඔබ දිවාකාලයේ වැඩි වේලාවක් නින්දට යොමු කරන අයෙක් නම් රාත්‍රී නින්දේ ප්‍රමාදයක් අත් දකින්නට හැකිවේවි. සාමාන්‍යයෙන් අපි මේ සඳහන් කරනුයේ දිවා කාලයේ ඔබ සුළුවේලාවක් ලබන කෙටි නින්ද නොවේ. දිවාකාලයේ පැයක පමණ වේලාවක් සුළු නින්දක් ලද හැකිනම් එය ශාරීරික මානසික වශයෙන් මනා සෞඛ්‍යකට පිටුවහලක් යැයි දැන් පිළිගැනෙන මතයක්.  පැය තුනහතරක නින්දක් ලැබුවේ නම් එය ප්‍රමාද වී නින්ද ඒමට බලපාන කාරණයක් විය හැකිය යන්න අනුමාන  කළ හැකියි. එසේත් නැතිනම් නින්ද නොඑන බව පැමිණිලි කරන්නා විදේශයක සිට ලංකාවට පැමිණී අලුත මේ ගැටලුවට මුහුණ දෙන්නේ නම් , එය එම රටේ රාත්‍රි කාලය අප රටට වඩා වෙනස්වීමෙන් නින්ද ලබන වේලාව නුහුරු වී මෙන්  සිදුවූවා විය හැකියි.එය ක්‍රම ක්‍රමයෙන් වෙනස් විය හැකි නිසා එය රෝගී තත්ත්වයක් යැයි කලබලයට පත්විය යුතු නොවේ.මෙසේම කිසියම් කෙනෙකු තමන්ගේ නිවසින් පිටව වෙනත් ස්ථානයක නිදන්නට ගිය විට නින්ද නොඑන බව පවසන්නේ නම් එය ද නින්ද සම්බන්ධ රෝගී තත්ත්වයක් නොවේ.ඇතමුන්ට නිදන්නට හුරු ස්ථානය වෙනස් කළ විට එවන් තත්ත්වයක් ඇතිවීම ස්වභාවිකව සිදුවිය හැකි තත්ත්වයකි. මේ හැරෙන්නට  කිසියම් ආකාරයක දුර ගමනක් යන්නට ඇති විට තේ කෝපි වැනි පානයක් ලබාගෙන ඇති විට, විභාගයකට මුහුණ දෙන්නට ඇති වීට ආදී මානසික වශයෙන් කැළඹීලි සහිත අවස්ථාවන්වලදී ඔබට මේ කියන ආකාරයේ නින්ද නොයන බව තාවකාලිකව අත්විඳින්නට සිදුවුවහොත් එය කිසියම් රෝගී තත්ත්වයක් නිසා යැයි කලබල නොවී සිටින්නට පුලුවන. 

නමුත් දිගින් දිගටම නින්ද ඇති නොවන්නේ නම් ඔබ ඊට යොදන පිළියම් කොතරම් ශරීරියට හිතකරද නැත්ද යන්න මුළින් විමසා සිටීම වැදගත්ය. ඔබ නින්ද ඇතිවන්නට යැයි සිතා පළමුව කරන්නේ නිදි පෙතිවලට හුරුවීම විය හැකිය. නමුත් එහිදී ඔබට ඇතිවන්නේ නින්දේ ස්වභාවික පුරුද්දෙන් ඔබව ඈත්කරන රසායණික ක්‍රියාවලියක් හරහා ඔබේ නින්ද ඇතිකිරීමයි.

 එය ඔබට නින්ද ඇතිනොකරන හේතුවට පිළියමක් නොවේ. ඒ හේතුව එහෙම්මම ඉතිරිව තිබියදී තාවකාලිකව ඔබේ නින්ද ඇතිකරවීමකි. එයින් ඔබට යම් ඇබ්බැහියක් ඇතිවුවහොත් එම ඖෂධය නොමැතිව නින්ද නොයන්නේ යන ආකල්පය ඔබට ඇති විය හැකියි. එවන් ඖෂධයක් කොතරම් කල් භාවිත කළත් එය ඔබට ඖෂධයක් නොවේ තාවකාලික පැලැස්තරයක් පමණක් බව මතක තබා ගන්න. එම ඖෂධය ඔබ භාවිත කරන්නේ නින්ද නොයෑමට බලපාන සැබෑ හේතුව අඳුනාගෙන නොවේ.එම හේතුව දිගින් දිගටම ප්‍රතිකාර නොලබා පැවතෙන්නටද ඔබ ගන්නා තාවකාලික පිළියම හේතුවක් විය හැකිය. අවසානයේ ඔබට ක්‍රම ක්‍රමයෙන් මතක ශක්තිය ඔබෙන් ගිලිහීි යන බවක් දැනෙන්නට පුලුවන. නින්ද සම්බන්ධයෙන් නිදි බෙහෙත් නිපදවා ඇත්තේ ඉතාම කෙටිකාලීන භාවිතයන් සඳහාය. කිසියම් අයෙකු යම් රෝගයකින් වඩාත් වේදනාකාරී තත්ත්වයකට පත්ව සිටින විට ඔහුට හේ ඇයට අහිමිවන නින්ද වෙනුවෙන් තාවකාලිකව ඉතා ස්වල්ප වශයෙන් වෛද්‍ය නිර්දේශය මත එවන් ඖෂධ යොදාගන්නා බව ඇත්තකි. නමුත් රෝගියාට වේදනාව මතුකරන රෝගය ඒ අතර පිළියම් ලබන බැවින් ඒ වේදනාව ඉක්මණින්ම පහව යන නිසා වේදනාව නවතන්නට දවස් කීපයකට වඩා නිදි බෙහෙත් ලබා නොදෙන බව මතක තබාගන්න. නමුත් නිදාගන්නට හිතුමතයේ ඖෂධ සොයනා අයගේ තත්ත්වය එය නොවේ.

ඔවුන් තමන්ට නින්ද නොඒමට බලපාන හේතුවට කිසිම ප්‍රතිකාරයක් නොලබා නින්ද ලැබීම වෙනුවෙන් එවන් ඔසුවක් භාවිත කළ පසු ටික කළකදී ඔවුන්ට එම ප්‍රමාණයෙන් ගන්නා නිදි බෙහෙත්වලින් නින්දක් නොඑන්නට පුලවන. එවිට එවන් අය කරන්නේ බෙහෙතේ ප්‍රමාණය තවත් ටිකක් වැඩි කිරීමයි. එසේ වැඩි කළ විට ඔවුන්ට බෙහෙත නිසා තරමක් වැඩි පුර නින්ද ඇතිවීම පාලනය කළ නොහැකිවෙයි. මෙවන් තත්ත්වයන් බොහෝ රිය අනතුරු මෙන්ම වැඩබිම්වල සිදුවන අනතුරුවලටද යන්ත්‍ර සූත්‍ර ආශ්‍රිතව වැඩ කරන අයගේ අත් සහ ඇඟිලි ආදීය කැපී යාම්වලට බලපා හැකිය. මේ නිසා නිදි පෙති යන මුලාවට ඔබ අසුවන්නේ කුමටද යන්න සිතා බලන්න. කාලාන්තරයක් ගතවන විට එම බෙහෙත් නිසා දුර්වලවන ඔබේ මතක ශක්තිය හේතුවෙන් ඔබට අමතකවීම් වඩා වැඩි වන්නට ඉඩ තිබේ.  ඇතමුන්ට මෙම බෙහෙත් ප්‍රමාණ වැඩිවීම් නිසා නින්දේදීම මරණය පවා ඇතිවන්නට ඉඩ තිබේ. දියවැඩියාව, මානසික රෝග, විශාදය, උමතු රෝග ආදියට මේ නිදි නොඒම සම්බන්ධයෙන් නිසි ආකාර ප්‍රතිකාරවලින් ඈත්වීම බලපෑ හැකියි. නින්ද ස්වභාවිකව ඇතිවන්නට බාධා පමුණුවන තත්ත්වයට හේතුකාරක සොයා ඒවා අවම කිරීම හෝ සම්පූර්ණයෙන් නැතිකිරීමට අවශ්‍ය ප්‍රතිකාර ක්‍රමවේද දැන් ඕනෑ තරම් පවතින අතර ඔබේ නින්ද නොයෑමට ආසන්නම හේතුව මානසික කාරණයක් නම් එය මනෝ වෛද්‍ය උපදෙස් මත නිරාකරණය කරගත යුතුය. කායික ප්‍රතිකාර අවශ්‍යද යන්න ඒ හරහා තීරණය කළ හැකිය.  නින්ද ඇති නොවීමට බලපාන හේතුව මුළුමනින්ම ඉවත්කළ පසු නැවත ස්වභාවික ලෙස නින්ද ඇතිවීම  මෙන්ම ස්වභාවික ලෙස ඔබේ සිරුරේ මනා ක්‍රියාකාරිත්වය පවත්වා ගැනීමට ඔබට හැකියාව ලැබෙනු ඇත.නමුත් කිසිවිටෙක නිදි පෙත්තක් මගින් නින්ද ඇතිකරගන්න වෙහෙසෙන පිරිස අතරට එක්නොවන්නට වග බලාගන්න.

උදෑසන අවදි වූ විගස ඇඳෙන් බ්මට අඩිය තැබීමට නොහැකි වේදනාවක් ඔබටත් දැනුණාද?

උදේට ඇහැරුණාම ඇඳෙන් බිමට අඩියක් තියන්න බෑ. හරියට උලකින් අනින්න වගෙයි. ටික දුරක් බොහොම අමාරුවෙන් බිත්තියක් අල්ලගෙන ගියාට පස්සෙ ඔන්න වේදනාව ටිකක් අඩුවෙනවා.මේ අපේ කාන්තා පාර්ශ්වය බොහෝ දෙනෙකු නිතර පවසන කාරණයකි. කෙසේ වෙතත්, මෙය රෝගී තත්ත්වයක් බව බොහෝ දෙනා නොදන්නවා සේම, තවත් අය මේ සඳහා විවිධ ප්‍රතිකාර ක්‍රම ඔස්සේ ගොස් හති වැටී සිටිති. 'අද සෞඛ්‍ය පිටුව' තුළින් අපි කතා කරන්නේ සාමාන්‍ය ව්‍යවහාරයේදී කතා කරන අස්ථි ලියලනවා යැයි කියන රෝගය සම්බන්ධයෙනි. මෙයට ආයුර්වේදයේදී 'වාත කණ්ඨක යැයි කියයි.


2_Bone-Spurs

උදෑසන අවදි වූ විගස දෙපය බිම තබා ගැනීමට නොහැකි බොහෝ කාන්තාවන් අපට ඔවුන්ගේ වේදනාව පවසන්නේ 'වාත කණ්ඨක' තත්ත්වයෙන් ඔවුන් පෙළෙන බව නොදැනය. විලුඹ අස්ථියට, සන්ධියට කිසිදු බාහිර අනතුරක් සිදුනොවී හට ගැනෙන මේ වේදනාව, තීව්‍ර වේදනාවක් ගෙන දෙන්නකි. ඒ අනුව, මේ %වාත කණ්ඨක^ රෝගය ඔබටත් වැළඳී ඇති බව ප්‍රත්‍යක්ෂ කරගැනීමට නම් පහත සඳහන් රෝග ලක්ෂණවලින් ඔබත් පිඩා විඳින්නේ දැයි ඔබටම විමසා බැලීමට පුළුවන.

රෝග ලක්ෂණ

උදෑසන අවදි වූ විගස ඇඳෙන් නැගිට විලුඹ බිම තබා ගැනීමට නොහැකි වෙයි.Capture
විලුඹ බිම තබන විට උලකින් අනිනවා වැනි දැඩි වේදනාවක් ඔබට දැනෙයි.
යම් වේලාවක් අැඳෙහි වාඩි වී සිට අසල වූ බිත්තියක් අල්ලාගෙන ක්‍රමයෙන් අඩි කිහිපයක් ඉදිරියට යනවිට වේදනාව තරමක් අඩුවෙයි.
ඔබ ඉහත රෝග ලක්ෂණ ගණන් නොගෙන සිටින විට, මීට නිසි ප්‍රතිකාරයක් නොගෙන සිටින විට උදෑසන කාලයට පමණක් සීමා වී තිබූ මේ විලුඹ වේදනාව දවසේ වැඩි වාර ගණනක් ඔබට අත්විඳීමට සිදුවනු ඇත. එමෙන්ම, ඔබ මේ වේදනාවෙන් මිදීම සඳහා අපහසුවෙන් ඇවිදීමට ගොස් ඔබේ බත්කෙන්ද, දණහිස, කොන්ද වේදනාවද පසු කාලීනව ඇතිවීමේ අවදානමක් පවතී.

රෝගය ඇතිවීමට හේතු

අප මුලින් සඳහන් කළ ආකාරයටම මේ රෝගයෙන් වැඩි වශයෙන් පීඩා විඳින්නේ පිරිමි පාර්ශ්වයට වඩා කාන්තා පාර්ශ්වයයි. එසේ නම්, ඔබට මෙතරම් වේදනා ගෙනදෙන මේ විලුඹ කැක්කුම හෙවත් වාත කණ්ඨක ඇති වන්නේ කෙසේදැයි යන්න අපි විමසා බලමු.
ශරීරයට දෛනිකව අවශ්‍ය ජල ප්‍රමාණය නොලැබීම හේතුවෙන් ඇති වන ප්‍රතිඵලයක් ලෙස රුධිරයේ අයන සාන්ද්‍රනය ඉහළ යාම සිදුවිය හැකි දෙයකි. එවිට එම රුධිරයේ ද්‍රාවිත, වැඩිපුර අයන සිරුරේ විවිධ ස්ථානවල තැන්පත් වීම සිදුවන්නේ රුධිරයේ සමතුලිතතාව පවත්වා ගැනීම සඳහාය. එය වැඩි වශයෙන් සිදුවන්නේ අස්ථි හා සන්ධි ආශ්‍රිතවය. අස්ථිභවනය වීම් (Calcification) නිසා ඇතිවන මේ තත්ත්වයන් බටහිර වෛද්‍ය විද්‍යාව තුළ හඳුන්වන්නේ Bone Spurs යනුවෙනි. මෙවැනි අස්ථිභවනය වීම් විලුඹ සන්ධියේ යටි පතුලේ කවාලිකාවේද (Plantar Fascia), අනුගුල්ප ස්ථානයේද (Insertion of Achilles Tendon), විලුඹ අස්ථියේද (Calcaneus Bone) සිදුවිය හැකිය. ඒ අනුව, විලුඹ වේදනාවට ප්‍රමාණවත් තරම් ජලය පානය නොකිරීම නිසා ඇතිවන අස්ථිභවනය වීම් හේතුවක් ලෙස දැක්වීමට පුළුවන. 
ඊට අමතරව අඩි උස සපත්තු (High Heel Shoes) පැලඳීම නිසාද විලුඹ සහ අනුගුල්ප කණ්ඩරාවට අධික පීඩනයක් ඇති වන බැවින් මෙයද විලුඹ වේදනාව ඇති වීමට යම් හේතුකාරයකයක් වෙයි. 
එමෙන්ම, නිරන්තරයෙන් සරඹ (වේගයෙන් ශබ්ද නැගෙන ලෙස පාදය පොෙළාවට පතිත වන ක්‍රීඩාවක්) පුහුණුවන අයට ඔවුන්ගේ පාදය වේගයෙන් නිතර පොළොවේ වැදීම නිසා විලුඹ අස්ථිය සහ යටි පතුල් අනුගුල්ප කණ්ඩරා කෙළවර යම් ආකාරයකට තුවාලවීමක් හෝ ප්‍රදහනයකට ලක්වීමක් සිදුවිය හැකිය. මෙවැනි ඉතිහාසයක් ඇති අයටද පසු කාලීනව විලුඹ වේදනාව ඇති වේ.
අධික තරබාරු අයටද තම සිරුරේ අධික බර දරාගනිමින් ඇවිදීම හෝ සිටගෙන සිටීම නිසාද විලුඹ වේදනාව ඇති වේ.
මීට අමතරව, නිරන්තරයෙන් ඇසිඩ් බහුල ආහාර / ආම්ලිකතාව වැඩි ආහාර ගැනීමද මෙම රෝගයට හේතුවක් ලෙස දැක්විය හැකිය.

රෝගය සඳහා ප්‍රතිකාර

මේ රෝගී තත්ත්වය ඇති අය සාමාන්‍ය දෛනිකව පානය කරන ජලය ප්‍රමාණයට වඩා දෙගුණයක්වත් ජලය පානය කිරීම අත්‍යවශ්‍ය බව විශේෂයෙන් සඳහන් කළ යුතුය.
එමෙන්ම, දැනට මේ රෝගය මුල් අවස්ථාවේ පවතින හෝ රෝගය නොවැළඳුණු අය පවා සාමාන්‍ය දෛනිකව පානය කරන ජලය, ප්‍රමාණවත් ලෙස සෑම පැය භාගයකට වරක්වත් ලබාගැනීමට වගබලා ගත යුතුය. 
මීට අමතරව, ශරිරයේ බර අඩුකර ගැනීම, අධික ආම්ලිකතාවයෙන් යුතු ආහාර ගැනීමෙන් වැළකීම මෙන්ම, ක්‍රීඩාවන් හිදී මෙන්ම, අඩි උස සපත්තු පැළඳීම වැනි ක්‍රියාවලදී තම ශරීරයට අනවශ්‍ය හානියක් ගෙන නොදෙන ආකාරයෙන් ක්‍රීඩාවක් හෝ විලාසිතාවක් කිරීමටද ඔබ බුද්ධිමත් විය යුතුය.
බටහිර වෛද්‍ය විද්‍යාවේදී මේ රෝගයට වේදනා නාශක ලබාදීම, එන්නත් කිරීම් වැනි ප්‍රතිකාර ඇති නමුත් එය තාවකාලික සහනයක් ගෙන දෙන්නකි. නමුත්, ආයුර්වේද වෛද්‍ය ක්‍රමයේ මේ සඳහා විශේෂ ප්‍රතිකාර ක්‍රම රැසක් ඇති අතර, ඔබට කිසිදු අතුරු ආබාධයක් නොමැතිව 'වාත කණ්ඨක' රෝගය නිට්ටාවටම සුවකරගත හැකිය. ඒ සඳහා ඔබ කළ යුත්තේ පිළිගත් ආයුර්වේද වෛද්‍යවරයෙකු හෝ ආයුර්වේද රෝහලකට ගොස් ප්‍රතිකාර ලබාගැනීමය. 

spinacalcaneare

ඇදුම රෝගය සඳහා ඉන්හේලර් භාවිතයේදී

ඇදුම යනු බහුලව දැකිය හැකි  ස්වසන ආබාධයකි. අද අපි සිරිත් පරිදි කතාකරනුයේ ඇදුම රෝගය  මතුවන ආකාරය ගැන නොවේ.  ඇදුම රෝගය ඇතිකිරීමට බලපානු ලබන හේතු විවිධාකාරය. ස්වාසනාලය ඉදිමීම හේතුවෙන්  ඇතිකරන රෝග ලක්ෂණ වහා පාලනයකිරීමට  මුඛ මාර්ගයෙන්  ලබා දෙන ගිලින පෙතිවලට වඩා ඉක්මන්  ක්‍රියාකාරී ප්‍රතිකාරයකි ස්වසන මාර්ගයට  ඉන්හේලරයක් භාවිතයෙන්  ඖෂධ ඇතුළුකිරීම.නමුත් ඉන්හේලර් භාවිතයද  ඔබ දැනගෙන කළ  යුත්තකි.


dry-powder-inhaler copy

ඉන්හේලර් ප්‍රධාන වශයෙන්  කාණ්ඩ දෙකකි. ඒ දුමාරයක ආකාරයෙන්  බෙහෙත්  පිටකරන  ඉන්හේලරය සහ බෙහෙත් පවුඩර් කරල්  භාවිතකරන ඉන්හේලරය වශයෙනි. මේවා භාවිතකරන  ආකාරයද එකිනෙකට  තරමක්  වෙනස්ය. දුමාරයකයක් වශයෙන් ඖෂධ පිටකරන  ඉන්හේලරය ක්‍රියාකරවූ එය තුළ වැඩි පීඩනයක් යටතේ  දියර ආකාරයෙන් අන්තර්ගතකර  ඇති ඖෂධ දුමාරයක් හැරී පෙණහළු තුළට ඇතුළුවෙයි.

පවුඩර් කරල් වශයෙන්  භාවිත කරන  ඉන්හේලර් ක්‍රියාකරවූ විට එය එය තුළ  අන්තර්ගතකරන  ඖෂධ කරල තුළ ඇති ඉතා සියුම්  ඖෂධ කුඩු පෙණහලු  තුළට ආශ්වාස කළ හැක.

ඉන්හේලර් කුමක් වුවත් ඔභේ ඉන්හේලරය සමග සපයා ඇති උපදෙස්  සමග සපයා ඇති උපදෙස් පත්‍රිකාව හොඳින්  කියවා එය භාවිත කරන ආකාරය පිළිබඳව  හොඳින් තේරුම් ගන්න. වෛද්‍යවරයාගෙන් සහ ඖෂධවේදියාගෙන් මේ පිළිබඳව  සවිස්තර උපදෙස් ලබාගැනීම  ඉතාම වැදගත්ය. ප්‍රථමවතාවට  ඉන්හේලරය භාවිතා කරන  විට ඔබගේ වෛද්‍යවරයා  ඔබගේ වෛද්‍යවරයා  හෝ ඖෂධවේදියා ඉදිරියේ එය භාවිතකර  ඔබ එය භාවිතකරන්නේ නිවැරදි ආකාරයෙන්  දැයි තහවුරැ කර ගන්න. ඔබට නිසි ප්‍රතිඵල  තහවුරු කර ගන්න.  ඔබට නිසි ප්‍රතිඵල  නොලැබුණේ නම්  ඒ පිළිබදව වෛද්‍යවරයාට දැනුම් දෙන්න. ඒ පිළිබද  වෛද්‍යවරයා  ඉදිරියේ  ඉන්හේලරය භාවිතකරන බව  තහවුරු කරගන්ගන්න . දුමාරයෙක් ආකාරයෙන් බෙහෙත් බෙහෙත්  පිට කරන ඉන්හේලරය භාවිත කරන අන්දම තහවුරු කරගන්න.

MDI-inhaler copy

 දුමාරයක් ආකාරයෙන්  බෙහෙත් පිට කරන  ඉන්හේලරය භාවිතකරන අන්දම

  1. ඉන්හේලරය  හොදින් සොලවන්න

  2. ඉන්හේලරය මුඛයට තබන කොටස වසා ඇති කොපුව ඉවත් කරන්න.

  3.  ගැඹුරු හුස්මක් පිටකරන්න

  4.  හිස මදක් පිටුපසට නැඹුරු කරන්න.

  5. වහාම ඉන්හේලරයේ  මවුත් පීස් එක මුඛය  ඇතුළුකර  තොල්වලින් තෛරපා ගන්න.

  6.  ඉන්හේලරයේ  සිලින්ඩරාකාර උඩ කොටස  ඇගිලි තුඩින්  තුඩින් තෙරපෙනවාත් සමග සීරුවෙන් ආශ්වාසකරමින්  එය තුළින් පිටවන  එය තුළින්  පිටවන දුමාරය  පෙනහළු තුළට හොඳින් ඇතුළුකර ගන්න.  තප්පර 10 ක් හුස්ම අල්ලාගෙන සිට  ඉන්හේලරය කටින් එළියට ගෙන ප්‍රාශ්වාස කරන්න

 බෙහෙත්  පවුඩර්  කරල් භාවිතකරන ඉන්හේලරය භාවිත කරන අන්දම

ඉන්හේලරය විවෘතකර ඖෂධ   ඖෂධ කරල දැමීම සඳහා සැකසුන  කුඩා කුටීරය  තුළ ඖෂධ කරල තැන්පත් කරන්න.  ඉන්හේලරය සමග ඇති රූප සටහන  සහ විස්තර පත්‍රිකාවේ උපදෙස් පරිදි ඉන්හේලරය ක්‍රියාකරවූ විට  ඖෂධ කරල තුළ ඇති ඖෂධ එය තැන්පත් කර ඇති  කුඩා කුටිය තුළ ට මුදා හැරෙනු ඇත. එයින් අනතුරුව ගැඹුරු හුස්මක් ගෙන පිටකරන්න.  ඉන්හේලරයේ  මුඛයට තැබීම සහා සකසා ඇති කොටස  තොල් අතර රඳවා  තොල්වලින් තෙරපාගෙන  හොඳින් ආශ්වාස කරන්න.  මෙසේ කීපවතාවක් කිරීමෙන්  ඖෂධ කුඩු පෙණහලු තුළට යොමු කළ හැකිය . හිස් කරල ඉන්හේලරය තුළින් ඉවත් කරන්න.

 landscape-1445712013-g-inhaler-171631825 copy dry-powders copy

කායික රෝග පිළිබඳ විශේෂඥ – චාමරී වීරරත්න මිය

ඔස්ටියෝකොන්ඩ්‍රෝමා

ඔස්ටියෝ යන වචනය ඇසීමත් සමගම මේ නම් අස්ථි සම්බන්ධ කතාවක් බව ඔබට එකවරම සිතෙන්නට පුළුවනි. ඔවු ඔබ සම්පූර්ණයෙන්ම නිවැරදියි.  මෙය ඔබේ අස්ථි සම්බන්ධ ගැටලුවක්.  නමුත් මෙය තරුණ වයසේ අයට පමණක් ඇතිවන ගැටලුවක් බව කිවහොත් එය වඩාත් නිවැරදියි. අත පය වල වේදනා ගැන මැසිවිලි නගන්නේ වැඩිපුරම පාහේ වැඩිහිටියන් නමුත් තරුණ වයසේ අස්ථි ආශ්‍රිතව ඇතිවන වේදනාවන් බොහෝ විට ඔස්ටියෝකොන්ඩ්‍රෝමා නිසා ඇතිවන්නක් විය හැකිද යන්න විමසීම ට අද සෞඛ්‍ය පිටුව තුළින් උත්සහ දරමු.


අතපය කැක්කුම් ඇතිවීම විවිධ හේතු නිසා සිදුවන්නට පුළුවන. ඇතැම්විටක වැරදි ඉරියව් හේතුවෙන්  එසේත් නැතිනම් නොගැලපෙන ඉරියව්වකින්  නිදා ගැනීම, ඉඳ ගැනීම , බරක් එසැවීම , ඇවිදීම වැනි දෑ  හේතුකොටගෙන  අස්ථි ආශ්‍රිත වේදනා මතුවන්නට පුළුවන.  එමෙන්ම සිරුරේ පිහිටීම ට නොගැලපෙන  උපකරණ භාවිතය නිසාත්  එවැනි තත්ත්වයක් මතුවිය හැකියි.  ඒ පිළිබඳව  තවත් පැහැදිලි කළහොත් , නොගැලපෙන පාවහන්, ආදිය අමතක කළ යුතු නොවේ.  

13023_2007_Article_103_Fig1_HTML copy   

මෙවන් තත්ත්වයක් ඇතිවූ විට බොහෝ දෙනා කරන්නට පෙළඹෙන්නේ  කිසියම් ආලේපනයක් ගල්වා පිරිමැද , හෝ සම්භාහනය කර එයින් යම් සහනයක් බලාපොරොත්තුවීමයි.  මාංශ පේශින් ඇදීයාමක් වැනි තත්ත්වයකදී මෙවැනි පිළිවෙත් තුළින් ඉතාම සුළු සහනයක් ලැබගන්නට හැකි වුවත් අභ්‍යන්තරය තුළින් මතුවන තීව්‍ර ගැටලුවකදී එවැනි ක්‍රියා තුලින් කිසිදා සහනයක් ලැබගන්නට නොහැකිය. මේ වේදනාවන් උළුක්කු සහ මාංශ පේශීන්  ඇදීයාම් හේතුවෙන් ඇතිවන වේදනාවන්ට වඩා වෙනස් බව පළමුවෙන්ම ඔබ දැන සිටිය යුතුය. සමහරෙක් අතපය කැක්කුම් ගැන පැමිණිලි කරන්නට පෙළඹෙනුයේ ක්‍රීඩාවක නිරතවීමෙන් පසු , කිසියම් කයවෙහෙසවා කරන ක්‍රියාවකින් පසු නම් එය අප මේ කියන්නට  සැරසෙන තත්ත්වයට කිසිදු අදාලකමක් නොදක්වන්නකි.  

අස්ථියක් ආසන්නයේ ඇතිවන මෙවැනි වේදනාවක් සමගම අස්ථියේ කිසියම් නෙරීමක්, වර්ධනයක් දකින්නට ඇත්නම්  එය තව දුරටත් නොසලකා හැරිය හැකි තත්ත්වයක් නොවේ.  ඔස්ටියෝකොන්ඩ්‍රෝමා  වශයෙන් අප හඳුන්වන්නේ  ඔබේ අස්ථියක් ආශ්‍රිතව ඇතිවන වේදනාව සමග එම අස්ථියේ කිසියම් නෙරීමක් හෝ වර්ධනයක් ඇතිවීම නිසා මතුවන රෝගී තත්ත්වයයි.  කුඩා කළ සිටම හොඳින් පැවති අස්ථියක් ඇසුරෙන් තරුණ අයෙකුට හදිසියේම මෙවන් තත්ත්වයක් ඇතිවන්නට හේතුවූයේ කුමක්ද යන්න දැන් ඔබට මතුවිය හැකි ගැටලුක් වනු නියතය. මෙවන් තත්ත්වයක් මතුවන්නට හේතුවනුයේ කුමක්ද යන්න දැන් අප විමසා බලමු. ඔස්ටියෝකොන්ඩ්‍රෝමා තරුණ වයසේදී මතුවුවත්  එය ආරම්භ වනුයේ එක්වරම නොවේ.

ඇතැම් තරුණයෙකුට මේ තත්ත්වය ඇතිවීමට මුල පුරනුයේ ළමා කළ සිට විය හැකිය. කුඩා කළ අස්ථි වර්ධනය ආරම්භකළ කාලයේ දිග අස්ථීවල එනම් දෙපාවල අස්ථී වැනි දිග අස්ථීවල  අස්ථී කොටස් සහ කාටිලේජමය කොටස්  එක්වී සාමාන්‍ය අස්ථී වර්ධනය වන ආකාරයෙන් වෙනස්ව වෙන වෙනමම ආකාරයකට පිළියෙළ වීමට සහ වර්ධනයවීම ආරම්භ කරන අවස්ථාවේ  එය අස්ථීය තුළ වූ ගෙඩියක් ලෙස පිටතට පෙනෙන්නට පුළුවන.  මෙවැනි නෙරීමක් දුටුවහාම  එය තැවීම තෙල් ගැල්වීම, සම්භාහනය ආදී දෙය තුළින් නවතන්නට සමහරුන් උත්සහ දැරූවත්  එය පිටතින් යොදන ලද ආලේප ආදියෙන් නැවතිය හැකි රෝග තත්ත්වයක් නොවන බව මතක තබා ගන්න.

ostchfibfig3 copy

සමහරුන් ඒ නෙරීම මත  විවිධ තෙරපීම් යොදා වෙලා තැබීමෙන්  එය යටපත් කිරීමට වෙහෙසුණත්  එසේ කළ නොහැකිය.  එම නිසා එවැනි උත්සහයන්වල නෙයෙදී  මෙවැනි ආගන්තුක තත්ත්වයක් දුටු වහාම  ශල්‍ය සායන වෙත හෝ ශල්‍ය වෛද්‍යවරයා වෙත යොමුවීම වඩාත් ප්‍රතිඵලදායකවන බව සිහිතබා ගන්න.  දැන් අප මේ අස්ථීවල එන ගෙඩි වේදනාකාරී දැයි විමසා බලමු. ඔස්ටියෝකොන්ඩ්‍රෝමා යන තත්ත්වයේදී මතුවන ගෙඩි වල වේදනාවක් නොදැනෙන නමුත් එසේ වේදනා රහිත යැයි ඇතමෙකුට නොසිතෙන්නට හේතුවන කාරණයක්ද තිබේ.  ඇතැම්විටක මේ අස්ථීවල මතුවන ගෙඩි පිටතට නෙරා ඒමේදී මස්ගොබ සහ කණ්ඩරා යනාදිය  ඒ මත තෙරපීම නිසා එයින් වේදනාවක් දැනේ යැයි දැනෙන්නට ඉඩ තිබේ.  

නමුත් වේදනාවක් ඇතිවන්නට බලපාන එකම කාරණයද මේ මස්ගොබ හා කණ්ඩරා නිසා මතුවන තත්ත්වය පමණක් නොවේ.. මේ අස්ථියේ මතුව පිටතට නෙරා එන ගෙඩිය අවට පිහිටා ඇති ස්නායු නිසාද මේ කියන තත්ත්වය ඇතිවිය හැකිය .ගෙඩියේ නෙරා ඒම නිසා ස්නායු මත තෙරපුමක් ඇතිවීමද එයින් යම් වේදනාවක් ඇතිවෙන්නා ලෙසින් දැනීමට ඉඩ තිබේ. ඇතමුන් වේදනාවක් නොදැනුණද ඒ ගැන කලබලයට පත්වෙන අවස්ථා තිබේ. ඒ සමාජගතව පවතින යම් යම් මත හේතුවෙනි. කිසියම් ගෙඩියන් සෑදී ඇති විටක එයින් වේදනාවක් මතු නොවන්නේ නම් එය පිළිකාවක ලක්ෂණයක් විය හැකිය යන්නයි ඒ.

නමුත් මෙම ගෙඩි සෑමවිටම පිළිකාවක් නොවේ. නමුත් කලාතුරකින් එසේ වීමට ඉඩක් පවතින බව සත්‍යයකි.  බොහෝ විට තරුණයෙකු වඩාත් කලබලයට පත්වනුයේ මෙයින් ඇතිවන වේදනාව පිළිබඳ නොවන්නට ඉඩ තිබේ.   මන්ද පාදයේ මෙවැනි නෙරීමක් ඇතිවුවහොත් එයින් භාහිර ස්වරූපයට යම් අවලස්සනක් මතුවේ යැයි දැනෙන්නට ඇති ඉඩ කඩ නිසාය.  එවන් කැපී පෙනෙන ආකාරයේ අවලස්සනක් නොමැති වුවත් එයින් අවලස්සනක් මතුවේ යැයි යන සැකය තරුණයෙකුට වඩාත් දැනෙන්නට ඉඩ තිබේ. බොහෝ විට එම සැකයට හේතුවනුයේ මේ ගෙඩි එන්න එන්නම විශාලවේ යැයි  ඔවුන් තුළ මතුවන සැකයයි. 

මේ ගෙඩි ඇතිවීමට හේතුව අප මුලදී සඳහන් කළෙමු. එය අස්ථී වැඩීම සමග ආරම්භවන්නකි. නමුත් අස්ථී වැඩීම හැමදාම සිදුවන්නේ නැත.  අස්ථී වැඩී අවසන් වූ පසු මේ ගෙඩි තව දුරටත් විශාල නොවීම මේ සම්බන්ධයෙන් පවතින සත්‍යයි. එනම් අවුරුදු විස්ස වැනි වයස පසු කරන විට තව දුරටත් මේ ගෙඩි විශාල වේ යැයි බියපත් වීම අවශ්‍ය නොවන්නේ ඒ වන විට අස්ථී වැඩීම අවසන්ව පවතින බැවිණි.  එහෙයින් මේ රෝගය සම්බන්ධයෙන් කිසියම් තරුණයෙකු භාහිර ස්වරූපය ගැන කලබලයට පත් විය යුතු වනුයේ අස්ථී වැඩෙන කාලයේ එයින් ඇතිවන වර්ධනය කෙතරම් වේද යන්න පිළිබඳව මිස අස්ථී වැඩීම අවසන්ව ඇති විට එය තවත් විශාල වේ යැයි යන්න පිළිබඳව නොවේ.

අප බොහෝ දෙනා කිසියම් වේදනාකාරී තත්ත්වයක් ඇති වූ වහාම උත්සහ දරනුයේ කුමන හෝ ආකාරයක වේදනා නාශකයක් පානය කිරීමෙන් ඒ වේදනාව සමනය කර ගනීමටයි.දැන් ඔබ සිතන්නේ කුමක්ද ? ඔස්ටියෝකොන්ඩ්‍රෝමා නිසා ඇතිවන වේදනාවත් ඔබට වේදනා නාශක මගින් සුවකර ගත හැකි බවද? නැත මේ සඳහා කිසිවිටෙකත් වේදනා නාශක ආලේපන හෝ වේදනා නාශක ආලේපන වර්ග ප්‍රමාණචත් නොවේ. වේදනා නාශක භාවිතාකරමින් සහනය සොයමින්  මෙවන් තත්ත්වයක් නොසලකා හරින්නට බැරි ඇයිද යන්න  දැන් අප තව දුරටත් විමසා බලමු.   ඉතාම කලාතුරකින් නමුත් ඔස්ටියෝකොන්ඩ්‍රෝමා යන තත්ත්වය  පිළිකාවක් බවට පරිවර්ථනයවීමට පවතින කුඩා ඉඩ කඩ මුලදීම නවතාගන්නට කටයුතුකිරීම  වඩා නුවණැති ක්‍රියාවයි. 

osteochondroma44 copy

මෙවන් තත්ත්වයක් ඔබේ දරුවෙකුට හෝ හිතවතෙකුට පවතින්නේ නම් වහාම එම තැනැත්තාව ශල්‍ය වෛද්‍ය උපදෙස් වෙත යොමු කරන්නට වග බලාගන්න. එයින් අප මුලින් කී කලාතුරකින් නමුත් ඇතිවීමට ඉඩ ඇති  පිළිකා අවදානම  කළින්ම නවතාගන්නට අවස්ථාව උදාවෙයි.එමෙන්ම සමහරෙකුගේ සිරුරේ මේ ඔස්ටියෝකොන්ඩ්‍රෝමා ගෙඩි එකකට වඩා පැවතීමටද ඉඩ තිබේ. එසේ මෙවන් ගෙඩි රාශියක්ම පවතී නම් ඒ ගැන වැඩි අවදානයක් දැක්වීම ඉතාම අවශ්‍යය. තවත් සමහරෙකුට මෙය උපතින්ම ඇතිවන තත්ත්වයක් ලෙස පැවතිය හැකිය. එය අප බහුල වශයෙන් පිළිකා තත්ත්වයක් ඇතිවීමට බලපෑ හැකි හේතුවක් ලෙස සලකනු ලබන්නේ එවන් ලක්ෂණ පැවති බොහෝ දෙනෙකුට එම පවුලේ එවැනි පිළිකා සෑදී තිබෙනු  දැකගත හැකි නිසයි.

එම නිසා ඉවත් කිරීමට හැකි තැන්වල මතුවන මෙවැනි ගෙඩි සැතිකමකින් ඉවත්කර ගැනීම වඩාත් සුදුසුවනුයේ එවන් ගෙඩි රාශියක් පැවතෙන්නට ඉඩහැරිය විට එයින් මතුවන පිළිකා අවදානම සලකා බලමිණි.  සාමාන්‍යෙයන් අවුරුදු විස්සකට අඩු පිරිස් අතර අස්ථිවල ඇතිවන පිළිකා බහුලවශයෙන්  මතුවන්නේ ඔස්ටියෝකොන්ඩ්‍රෝමා තත්ත්වය  හේතුකොටගෙන බව පැවසිය යුතුව තිබේ. එහෙත් ශරීරයේ බොහෝ අස්ථිවල මෙවැනි ගෙඩි හටගෙන ඇති අවස්ථාවක  ඒවා ඉවත් කිරීම බොහෝ අපහසු ක්‍රියාවක් බැවින් භාහිර පෙනුම අවලස්සන කරන සහ ඉතාම විශාලව පෙනෙන්නට ඇති ඒවා ඉවත් කිරීමට කටයුතු යොදනු ලබන අතර  මෙවැනි අයින් නොකළ ගෙඩි සහිත පුද්ගලයින් වෛද්‍ය පරීක්ෂණයන් යටතේ තබා  සුපරික්ෂාවෙන් පසුවනු ඇත. 

මෙම ශල්‍යකර්මය අස්ථියෙන් කොටසක් කපා සිදුකරනු ලබන ශල්‍යකර්මයකි.  ඉතා හළ පිරිසුදුකමක් සහිතව ආසාදන ඇතිවීමට කිසිදු ඉඩකඩක්  නැති ශල්‍යාගාරයක මෙම සැත්කම සිදුකෙරෙයි.  මෙම ගෙඩි ඉවත් කළ පසු නැවත එම ස්ථානයෙන් ගෙඩි මතුවන්නේ දැයි ඔබට පැණයක් මතුවන්නේ නම්  එය සාධාරණය. නැත ,  එසේ ඉවත් කළ ස්ථානයෙන් නැවත ගෙඩි මතුවීමක් නැත. නමුත් සිරුරේ වෙනත් ස්තානයක  මෙවැනි ගෙඩි පැවතිය හැකිය. එහෙත් එය ශල්‍යකර්මයේ  ප්‍රතිඵල ලෙස මතුවන්නක් නොවේ.  විශේෂයෙන්ම පසු සංකූලතා අඩු  මේ ශල්‍යකර්මයේදිත් හිමටෝමා  වශයෙන් හඳුන්වන  ලේ කැටියක් ඇතිවීම ඉතා කුඩා සංකූලතාවයක් ලෙස  මතුවිය හැකිවුවද, එයද විද රුධිරය ඉවත්කළ හැකි ක්‍රමයක්  පවතින නිසා වැඩි සංකූලතාවයක් ඇති නොකරයි. මේ තත්ත්වයට සමාන තවත් ගෙඩි වර්ගයකි අයිවරි ඔස්ටියෝමා  යන ගෙඩි විශේෂය. 

මේ ගෙඩි බහුලව දැකිය හැක්කේ හිස්කබලේය. ඔළුවට අත තබන විට  හිස්කබලේ  අසුවන ගැටයක් වැනි මේ ගෙඩි නම් පිළිකා අවදානමක් නොදරයි.  මේවාත් ශල්‍ය කර්මයක ආධාරයෙන් ඉවත් කළ පසු  මෙයින් මතුවන අපහසුතාව හෝ අවලස්සන  ඉවත් කළ හැකිය.  කිසියම් ගැටිත්තක් හෝ  ගෙඩියක් පිළිකාවක්ද  නැතිනම් වෙනයම් තත්ත්වයක්ද යන්න දැනගැනීමට නිසි වෛද්‍ය පරීක්ෂණ අවශ්‍යය.  ඔබගේ අස්ථියේ පවතින එවැනි නෙරීමක් ඔස්ටියෝකොන්ඩ්‍රෝමා ද නොඑසේනම්  පිළිකාවක්ද යන්න නිශ්චිතව දැන ගැනීමට  ඝල්‍ය වෛද්‍ය පරීක්ෂාවකින් පසු සිදුවිය යුත්තකි.  කෙසේවෙතත් එවැනි ගැටලු කඩිනමින් විසඳා ගැනීම කල්පසුකරනවාට වඩා නුවණට හුරුය.  

20316tn copy

ඖෂධ ගැන දැනගෙන භාවිතකරමු

ඖෂධ යනු අප කාටත් කිසියම් අසනීපයක් ඇති වූ අවස්ථාවක එයින් ඇතිවන පීඩාව සමනය කර ගැනීම සඳහා කුමන හෝ වෛද්‍යකර්මයක් මගින් අප විසින් භාවිත කිරීමට සුදුසු යැයි නියම කරනු ලබන එක් සංයෝගයක් හෝ සංයෝග කීපයක් කැටිකොටගත් එකකි. කිසියම් රෝගයක් සෑදුනු පමණින් එයට ප්‍රතිකාර නියම කරන්නට රෝගියාටම පුලුවන් කමක් නැතත් අද බොහෝ දෙනෙකු ඖෂධ සම්බන්ධයෙන් පවතින නොදැනුවත්කම හේතුවෙන් කුමන හෝ අතට අසුවන ඖෂධයක් හෝ ඔසුහලකින් ලබාගන්නා වෛද්‍යවරයෙකු විසින් නිර්දේශ නොකළ නමුත් ඖෂධවේදියෙකුගේ සහය ලබා හෝ තම මතය පරිදි තෝරාගත් ඖෂධයක් භාවිත කර  සුවයක් ලබන්නට තැත් කරයි. සැබවින්ම ඕනෑම ඖෂධයක් සම්බන්ධයෙන් කිසියම් අතුරුඵලයක්ද තිබිය හැකි බැවින් නියමාකාරයෙන් වෛද්‍ය නිර්දේශ මත පමණක් ඖෂධ ලබාගැනීමට වග බලාගත යුතුය.ඖෂධ සම්බන්ධයෙන් සියල්ල දැනගැනීම ඔබේ ජීවිතයේ ආරක්ෂිතබවට එක්තරා ආකාරයක රුකුලකි. අද සෞඛ්‍ය පිටුව තුලින් මේ කාරණය සම්බන්ධයෙන් ඔබට ඇති ප්‍රශ්න සහ ගැටලු නිරාකාරණයකරන්නට  අප ඉඩ වෙන්කරමු.


Pills
සිරුරේ එක් ක්‍රියාවලියක් හෝ ක්‍රියාවලියන් කිහිපයක් වෙනස් කිරීමේ හැකියාව ඇති ආහාරමය නොවන රසායනික ද්‍රව්‍යයක් ඖෂධයක් යනුවෙන් හැදින්වේ. 
උදාරහණ – සිරුරෙහි සිදුවන ක්‍රියාවලි කිහිපයක් පහත දැක්වේ. 
 
රුධිර පීඩනය කිසි මට්ටමකට පවත්වා ගැනීම 
රුධිර ග්ලුකෝස් මට්ටම නිසි පරිදි පවත්වා ගැනීම 
මෙම ක්‍රියාවලියන් නිසි පරිදි නොවීම නිසා පිළිවෙලින් අධික රුධිර පීඩනය සහ දියවැඩියාව සෑදේ. එම නිසා මෙම ක්‍රියාවලියන් නැවත යථා තත්ත්වයට ගෙන ඒමට හැකියාවක් ඇති රසායනික ද්‍රව්‍ය මෙම රෝග සඳහා ඖෂධ ලෙස භාවිතා කෙරේ. අධික රුධිර පීඩනය අඩු කළ හැකි රසායනික ද්‍රව්‍ය රුධිර පීඩනය පාලනය සඳහා සුදුසුයි. රුධිරයේ ග්ලුකෝස් මට්ටම පාලනය කළ හැකි රසායනික ද්‍රව්‍ය දියවැඩියාව පාලනය සඳහා සුදුසුය. 

ඖෂධයක් හඳුන්වන නම් තීරණය වන්නේ කෙසේද? 

ඖෂධයක් සඳහා නම් නියම කරන ආකාර තුනකි. 
රසායනික නාමය (chemical name)
ඖෂධ නාමය (generic name, international nonproprietary name) (INN) 
වෙළඳ නාමය (trade name, brand name, proprietary name)
රසායනික නාමය (chemical name)
 ඖෂධයක රසායනික සංයුතික නියමාකාරයෙන් දැක්වෙන්නේ මෙම නාමයෙන්ය. බොහෝ විට රසායනික නාමය සංකීර්ණ ය. මෙය දැන සීටිම ඔබට අවශ්‍ය නොවේ.
ඖෂධ නාමය (generic name, international nonproprietary name) (INN) 
රසායනික නාමයට වඩා මෙය සරලයි. ඖෂධයක රසායනික සංයුතියට අනුරූපව ඒ අනුසාරයෙන් ඖෂධයට ලබා දුන් නාමය මෙයයි. ඖෂධ නාමය දැන සිටීම ඉතා වැදගත් වේ. ලොව කොතැනක ගියත් බටහිර වෛද්‍ය විද්‍යාව අනුව අන්තර්ජාතිකව පිළිගැනෙනුයේ මෙම නාමයයි.
වෙළඳ නාමය (trade name, brand name, proprietary name)
යම් ඖෂධයක් නිෂ්පාදනය කළ වෙළඳ සමාගම (brand name, proprietary name) මගින් ඖෂධයට ලබා දුන් නාමය වෙළඳ නාමය ලෙස හැදින්වේ. එකම ඖෂධය වෙළඳ සමාගම් ගණනාවක් මගින් නිපදවන්නේ නම් එකම ඖෂධය සඳහා වෙළඳ නාමයන් ගණනාවක් ම ඇති වේ. 
උදාහරණයක් ලෙස නිතර භාවිතා ෙකරෙන පැරසිටමෝල් (paracetamol) නම් ඖෂධය සලකා බලමු. paracetamol නම් ඖෂධයේ රසායනික නාමය වනුයේ N – Acetyl – p – aminophenol ය. එහි ඖෂධ නාමය paracetamol ය. මෙම ඖෂධය වෙළඳ සමාගම් ගණනාවක් මගින් නිපදවන බැවින් ඒ සඳහා panadol, calpol, pracetol ආදී වශයෙන් වෙළඳ නම් රැසක් ඇත. 

ඖෂධ නාමයෙන් අලෙවි කරන ඖෂධ සහ එහි වෙළඳ නාමයන් අලෙවි කරන ඖෂධ එකිනෙකට සමානද ? 

අඩංගු සක්‍රීය ඖෂධය එකමය. 
ඖෂධයක් එහි ඖෂධ නාමයනේ අලෙවි කළත් වෙළඳ නාමයෙන් අලෙවි කළත් එහි අඩංගු සක්‍රීය ඖෂධය එකමය. උදාහරණයක් ලෙස paracetamol යන ඖෂධ නාමයෙන් ලබා ගන්නා ඖෂධය සහ panadol සහ calpol  යන වෙළඳ නාමයන්ගෙන් ලබා ගන්නා ඖෂධයන්හි අන්තර්ගත සක්‍රීය ඖෂධය වනුයේ paracetamol මය. 
ඖෂධයේ අඩංගු ඖෂධ ප්‍රමාණය බොහෝ දුරට සමානයි. 
උදාහරණයක් ලෙස පැරසිටමෝල් ඖෂධ නාමයෙන් අලෙවි කළත් Panadol  වැනි වෙළඳ නාමයෙන් අලෙවි කළත් එක් පෙත්තක අඩංගු සක්‍රිය ඖෂධ ප්‍රමාණය වනුයෙ මිලි ග්‍රෑම් 500 කි. 
ගුණාත්මක බව අතින් බොහෝ දුරට සමානයි. 
ඖෂධ නාමයෙන් සහ එහි වෙළඳ නාම වලින් අලෙවි කෙරෙන ඖෂධ අතර වෙනස්කම් මොනවාද ? 
ඖෂධ නාමයෙන් අලෙවි කරන ඖෂධ වෙළඳ නාමයෙන් අලෙවි කරන ඖෂධ වලට වඩා බොහෝ විට මිලෙන් අඩුය.
පෙනුමේන වෙනස් විය හැකිය. (වර්ණය සහ හැඩය)
අඩංගු අනෙකුත් අක්‍රීය ද්‍රව්‍ය වෙනස් විය හැකිය. 
උදාරහණ - 
ඇතැම් ඖෂධ නිෂ්පාදන වල සීනි, ලුණු, මද්‍යසාරය, ලවණ සංයුතිය, රසකාරක, වර්ණකාරක, කල් තබා ගැනීම සඳහා භාවිතා කරන ද්‍රව්‍ය වල සංයුතිය වෙනස් විය හැකිය. දියවැඩියාව, අධික රුධිර පීඩනය වැනි දිගු කාලීන රෝගී තත්ත්ව ඇත්නම්, ගර්භිණි සමයේ පසුවේ නම් හෝ, කිරිදෙන මවක් නම් ඖෂධයේ අඩංගු අක්‍රිය ද්‍රව්‍ය ඔබට සුදුසු වන්නේ දැයි විමසිලිමත් විය යුතුයි. වෛද්‍යවරයෙකු විසින් ඖෂධයක් නිර්දේශ කරනුයේ මේ සියල්ල සැලකිල්ලට ගැනීමෙන් පසුවය. 
ඖෂධ සඳහා අඩු මුදලක් වැය කොට වැඩිම ගුණයක් ලබා ගන්නේ කෙසේද? 
වෙළඳ නාමයෙන් නිර්දේශ කළ ඖෂධයක් මිල වැඩි වීම හේතුවෙන් ඔබට ගැනීමට අපහසු නම් වෛද්‍යවරයා සමග මේ ගැන සාකච්ඡා කරන්න. ඖෂධයේ ගුණාත්මක භාවය රැකෙන පරිදි ඖෂධ නාමයෙන් එම ඖෂධ ලබා ගැනීමට හැකි දැයි වෛද්‍යවරයාගෙන් විමසන්න. 
මෙසේ නොකර ඖෂධයේ මිල අධික විට ඔබ පහත සඳහන් ආකාරයෙන් ක්‍රියාකළහොත් නම් එය භයානක විය හැකිය. 

ඖෂධ නොගෙන සිටීම.

දිගු කාලීනව දිනපතා ගැනීමට නිර්දේශ කර ඇති ඖෂධ දින කිහිපයකට වතාවක් භාවිතා කිරීම. 
උදාහරණ – දියවැඩියාව, අධික රුධිර පීඩනය, අප්ස්මාරය වැනි රෝග සඳහා දිනපතා ඖෂධ භාවිතා කළ යුතුයි. ඇතැම් රෝගීන් මෙම ඖෂධ වැඩි කාලයක් භාවිත කිරීමේ අරමුණෙන් දින කිහිපයකට සැරයක් භාවිතා කරයි. මෙසේ කිරීමෙන් ඔබගේ රෝගය නිසි ලෙස පාලනය නොවේ. ෙරා්ගය නිසා ඇති විය හැකි සංකුලතා ඇති වීමේ ප්‍රවණතාවය වැඩිවේ. 
දිනකට කිහිප වතාවක් භාවිතා කිරීමට නිර්දේශ කර ඇති ඖෂධ දිනකට වරක් පමණ භාවිතා කිරීම. 
ඖෂධ මාත්‍රාව (dose) අඩු කර ගැනීම. 
රෝග ලක්ෂණ සුව වූ විගස ඖෂධ ගැනීම නතර කිරීම. 
ඖෂධය ගැනීමට නිර්දේශ කර ඇති නියම කාල සීමාව සඳහා ඖෂධ නොගැනීම.
උදාහරණ – වොළඳ නාමයෙන් මිල අධික ප්‍රතිජීවක ඖෂධ දින පහක් ගැනීමට නිර්දේශ කර ඇතත් දිනයක් හෝ දෙකක් සඳහා පමණක් ‘ඖෂධ භාවිත කිරීම. මෙසේ කිරීමෙන් ඔබේ ශරීරයේ පවතින රෝගාකාරක බැක්ටීරියා සම්පුර්ණයෙන්ම විනාශ වීම වැළකේ. ඖෂධ නැවැත්වූ සැනින් ඇතැම් බැක්ටීරියා නැවත පණ ගසා ඖෂධයට ප්‍රතිරෝධයක් (ඖෂධයට විරුද්ධව සටන් කිරීමේ හැකියාවක්) ඇති කර ගනී. නැවත එම රෝගාකාරක බැක්ටීරියාව ශරීරගත වීමෙන් ඔබ රෝගාතුර වූ අවස්ථාවක මෙම ප්‍රතිජීවක ඖෂධ ඔබේ රෝගය සුව කිරීමට නොහැකි වීමට ඉඩ ඇත. මෙය භයානක තත්ත්වයකි. 

වැඩි දුරටත් 

ඖෂධ නාමයෙන් අලෙවි කරන ඖෂධ ගැනීමට අනියත බියක් ඇති කර නොගන්න. රජයේ රෝහල් වල දශක ගණනාවක් පුරා බහුලව ම භාවිතා කරනුයේ ඖෂධ නාමයෙන් අලෙවි කරන ඖෂධය. මෙම ඖෂධ භාවිතයෙන් දියවැඩියාව, අධික රුධිර පීඩනය, හෘද රෝග ආදී බොහෝ රෝග ඉතා සාර්ථකව පලනය කර ඇත. නියුමෝනියාව, මොළේ උණ ආදි විෂබීජ නිසා ඇති වන භයානක රෝග සුව කර ඇත. ළමා මරණ අනුපාතිකය, මාතෘ මරණ නුපාතිකය දියුණු රටවලට සම කළ හැකි ඉතා අඩු මට්ටමක පවත්වා ගෙන ඇත. ප්‍රතිශක්තිකරණ ඖෂධ මගින් පෝලියෝ, කක්කල් කැස්ස, ගලපටලය, පිටගැස්ම වැනි භයානක රෝග අසන්නට දකින්නට නොලැබෙන තරමට අඩු කර ඇත. මේ වික්‍රමයන් සියල්ල කර ඇත්තේ බොහෝ විට මිලෙන් ඉතා සාධාරණ ඖෂධ නාමයෙන් අලෙවි කරන ඖෂධ භාවිතා කිරීමෙන්ය. 
එම නිසා ඖෂධ නාමයෙන් ඇති ඖෂධ භාවිතයට බිය විය යුතු නොවේ. වෙළඳ නාමයකින් අලෙවි වූ පමණින් හෝ ඖෂධ මිල වැඩි වූ පමණින් ගුණාත්මක භාවය වැඩිවේ යැයි කිව නොහැකිය. අතුරු ආබාධ අඩු වේයැයි සහතිකයක් ද නැත. 
විවිධ වූ ඖෂධ නිෂ්පාදන ඇත
පෙති (tablets) 
කරල් (capsules)
එන්නත් (injections)
දියර (syrup)
ගුද මාර්ගයෙන් ඇතුළු කැරෙන කරල් (suppository)
යෝනි මාර්ගයෙන් ඇතුළු කැරෙන කරල් (pessary)
ආලේපන (skin creams and ointments)
ආදී වශයෙන් විවිධ ආකාරයෙන් ඖෂධ නිෂ්පාදනය කර ඇත.
මූලික වශයෙන් ඖෂධ වර්ග ප්‍රධාන කාණ්ඩ දෙකක් යටතේ වර්ග කළ හැකිය. 
එනම් -:
 
වෛද්‍ය නිර්දේශය මතප පමණක් ලබා ගත යුතු ඖෂධ (prescription Only medicines)
වෛද්‍ය නිර්දේශයක් නොමැතිව වුවත් ලබා ගැනීමට සුදුසු ඖෂධ (non prescription medic
වෛද්‍ය නිර්දේශපත් නොමැතිව ලබාගත හැකි ඖෂධ ලෙස ඔබ දැනටමත් පැරසිටමෝල් වැනි ඖෂධ හඳුනනවා ඇත. නමුත් ඒවාද නියමිත මාත්‍රාව පමණක් ලබාගැනීමට වග බලා නොගතහොත්  විවිධාකාර ගැටලු මතුවෙයි. නිර්දේශපත් නොමැතිව නිකුත් නොකරන බෙහෙත් අතර ප්‍රතිජීවක ඖෂධ විශේෂය. කරුණු කෙසේ වුවත් ඖෂධ භාවිතකරන්නා විසින්  තමන්ට එම කාණ්ඩයේම ඖෂධයක් හෝ වෙනත් කිසියම් ඖෂධයක් අසාත්මක වී ඇත්නම් ඒ සම්බන්ධයෙන් විශේෂයෙන් උපදෙස් ලබා ආරක්ෂිත ඖෂධ භාවිතයකට යොමුවීම වැදගත් බව අමතක නොකරන්න.

ගිලීමේ අපහසුතාවය (ඩිස්පේජියා) රෝගී තත්ත්වයක්ද?

ආහාර ගිලීමේදී අපහසුතාවය ඇතිවීම බොහෝ දෙනෙකු කලබලයට පත්වෙන රෝගී තත්ත්වයකි. ඒ බොහෝ දෙනෙකු මේ සම්බන්ධයෙන් අසා ඇති කරුණු  මත පදනම්ව ඇති කරගන්නා බිය හේතුවෙණි. ආහාර සහ දියර වර්ග ගිලීමේදී සිරවීමක් ඇතිවීම, නැතිනම් ගිලීමේ අපහසුතාවය සම්බන්ධයෙන් පවතින වඩාත් ප්‍රසිද්ධම හේතුව උගුරේ ඇතිවන පිළිකා තත්ත්වයකැයි යන්න හැමවිටම ඒ ආකාරයෙන් නොපවතී. එමෙන්ම ආහාර ගිලීමේ අපහසුතාවයට එකම හේතුව පිළිකා පමණක් නොවේ. බොහෝදෙනා අතර සුළබ නමුත් සමාජය තුළ එතරම් කතාබහකට ලක්නොවී පසුකාලීනව වඩාත් බරපතල තත්ත්වයට පත්වෙන ආහාර සහ දියර ගිලීමේදී ඇතිවන අපහසුතාවය සම්බන්ධයෙන් අද සෞඛ්‍ය පිටුවේ ප්‍රධාන ලිපිය සැකසෙන්නේ  මෙම ගැටලුව දැන් දැන් වඩා සුලභ තත්ත්වයක් ලෙස මතුවන බැවින්, අද පාඨක ඔබට පූර්ණ දැනුම්වත්බවක් ලබාදෙමින් ඔබේ සෞඛ්‍යට මතුවිය හැකි ගැටලු අවම කරන්නටය.


iStock_000017648001_web

ඝන හෝ මෘදු ඕනෑම ආහාරයක් ගිලින විට උගුර සිරවීමක් හෝ වේදනා දැනීමක් යම් යම් අවස්ථාවල අප කාටත් ඇතිවිය හැකිය. ඇතැම් අවස්ථාවල ඔබට සෙම්ගෙඩි හෝ වෙනයම් උගුරේ ආසාදන තත්ත්වයක් ඇතිවූ විට සෙම්ප්‍රතිශ්‍යාව සෑදී  ඇති විටක මද පමණින් හෝ මෙවැනි තත්ත්වයක් ඔබටත් අත්විඳින්නට ලැබී ඇති. අද අප කතාකරන්නේ ඒ තත්ත්වය ගැන නොවෙන බව පළමුව ඔබ දැනුවත් විය යුතු කරුණයි.උගුරේ සිරවීම නැතිනම් ආහාර ගිලීමේදී ඇතිවන අපහසුතාවය පිළිබඳ  බොහෝ දෙනා එතරම් තැකීමක් නොකරන්නට හේතුව ඒ සම්බන්ධයෙන් නිවැරදි දැනීමක් නොමැතිවීම යැයි කිවහොත් එහි වරදක් නොවේ. බොහෝවිට ආහාර ගිලීමේ අපහසුතාවය වැඩිපුර අත්විඳිනුයේ වියපත් අයවීම  ඉතා බහුල සිද්ධියකි.නමුත් කලාතුරකින් නමුත් මෙය තරුණ වයසේ අයටද ඇතිවිය හැකියි. 
අප කළින් කීවාක් මෙන් උගුරේ සිරවීම නැතිනම් ආහාර ගිලීමේ අපහසුවට බහුලවම හේතුකාරකවී ඇත්තේ ගලනාලයේ ඇතිවන පිළිකා බව සැබෑවක්.නමුත් සැමවිටම එය පිළිකා තත්ත්වයක ලක්ෂණයක්ම ෙනාවන අතර මෙතැන් සිට අප ඔබව දැනුම්වත් කරනුයේ එම කරුණ පිළිබඳවයි. විශේෂයෙන් වතුකරයේ ලැයිම් ආශ්‍රිතව ජීවත්වන සහ විවිධ මානසික අවපීඩනයන් සහිතව ජීවත්වන අය  සියදිවි හානිකර ගැනීමේ අරමුණින් ඇසිඩි පානය කිරීම කලකට ඉහත ඉතාම සුලභ තත්ත්වයක්ව පැවතුණි. වාසනාවකට මෙන් දැන් දැන් එම තත්ත්වය අඩු නමුත් තවමත් ඉඳහිට එවැනි සිද්ධින් වාර්ථාවන අතර එම අනුවණ ක්‍රියාව නිසා ඔවුන් මුළු ජීවිතකාලය පුරාම එක්තරා අපහසුතාවයකට මුහුණ දීමද ආරම්භ කරයි. 

ඒ අවාසනාවකට මෙන් එම තත්ත්වය සුවපත් කිරීමේ හැකියාවක් නොමැතිවීම නිසයි. ඇසිඩ් පානය කළ  අයෙකුගේ ගලනාලය පිළිස්සීයාම නිසා කැළලක් ඇතිවීම නිසා පසුකාලෙක ආහාර ගිලීමේ අපහසුතාවය ඇතිවන්නට හැකියි. නමුත් එය රෝගියා තනිව තීරණය නොකළ යුතුයි එය තීරණය කළ යුත්තේ නිසි පරීක්ෂාවකින් පසුව ශල්‍ය වෛද්‍යවරයෙකු විසිණි. මීළඟට උගුරේ වේදනාවක් සහිතව ගිලීමේ අපහසුතාවය ඇතිවන තවත් තත්ත්වයක් තිබේ. එයට ස්ත්‍රී පුරුෂ බේධයක් නැත. ඇතැම් අයට ගැස්ට්‍රසිටීස් වැනි ආමාශයේ අම්ලය අධික තත්ත්වයක් පවතින විට රාත්‍රී  නින්දේදී එය ගලනාලය දිගේ උඩ කෙළවර තෙක් ගලා ඒමේන් යම් පිළිස්සීමක් ඇතිවීම හේතුවෙන්ද කෙනෙකුට මෙවන් ලක්ෂණයක් මතුවිය හැකිය. එය උගුර ආශ්‍රිතව සිදුකරන පරීක්ෂණ ඇසුරෙන් තීරණය කළ හැකි තත්ත්වයකි. නමුත් මෙය පිළිකා තත්ත්වයක් නොවේ. අප බොහෝ විට ගිලීමේ අපහසුතා සම්බන්ධයෙන් බහුලව දකින්නේ ගලනාලයේ පිළිකා තත්ත්වයන් යැයි පැවසුවහොත් වයස් ගත පුද්ගලයන් ඇසුරින් නම් සත්‍යයකි. වයස අවුරුදු හැටට වැඩි පුද්ගලයන්ගේ ගිලීමේ අපහසුතාවලට වැඩිම හේතුව වී ඇත්තේ ගලනාලයේ පිළිකා තත්ත්වයන් වන අතර දැන් දැන් වයස අවුරුදු 45 ට වැඩි අයගේද හේතුව ගලනාල පිළිකා යැයි දැනගන්නට තිබේ.  විශේෂයෙන්ම පිරිමින් අතර බහුලම පිළිකාව පුරස්ථි ග්‍රන්ථි පිළිකාව සහ මුඛ පිළිකාව යැයි සැලකුනත් හතරවැනියට වැඩිම පිළිකා තත්ත්වයව පවතින්නේ ගලනාල පිළිකාවයි.    


(ශල්‍ය වෛද්‍ය සායනවලින් මේ තත්ත්වයට හේතුව සියයට සියයක් සොයා ගෙන නැත.) කෙසේ නමුත් යකඩ ඌණතා තත්ත්වයක් හේතුවෙන් තරුණ කාන්තාවන්ටත් ඇතැම් අවස්ථාවක ගිලීමේ අපහසුතාවය මතුකරන තත්ත්වයක් ඇති විය හැකියි. එය පිළිකාමය තත්ත්වයක් නොවුණත් පසුකාලීනව එවන් අයට පිළිකා ඇතිවීමේ අවදානමක් ඇති බව අමතක නොකළ යුතුයි. යකඩ ඌණතාවය නිසා එවන් ගිලීමේ අපහසුතාවයක් ඇති වූ තරුණ කාන්තාවන්  තමන් ගේ ජීවිත කාලය පුරාම වරින් වර එන්ඩොස්කොප් පරීක්ෂණ මගින් එම තත්ත්වය පිළිකා අවදාමක් කරා යන්නේද යන්න පරීක්ෂා කර බැලිය යුතු අතර යකඩ ඌණතා තත්ත්වය අවම වන ප්‍රතිකාර ලබාගත යුතුයි. 

දැන් අප ගලනාලයේ පිළිකා තත්ත්වයන් ඇතිවීමට තුඩු දිය හැකි කරුණු සම්බන්ධයෙන් වැඩි අවධානයක් යොමු කර සිටිමු. ඔබ නිතර ඉතාමත් දැඩි රස්නයක් සහිත ආහාර පාන භාවිතයට හුරු වී සිටින්නෙක් ද ? අධික රස්නයෙන් ආහාර පාන ලබා ගැනීම එතරම් හිතකර පුරුද්දක් නොවන බව පළමුව සිහිතබා ගන්න .ඔබේ ගලනාලයේ නිරෝගීතාවය නැතිකර දමන මේ පුරුද්ද ඔබට පසු කාලෙක ගලනාල පිළිකාවකට මග පෙන්වයි. මේ හැරෙන්නට ඔබ මත්වතුර බාවිත කරන්නෙක් නම් එයින් සිදුවන්නේද ඔබේ ගලනාලය පුළුස්සා දැමීමකි. එමෙන්ද ඔබ දුම් පානය කරන්නෙක් නම් තත්ත්වය තවත් දරුණුය. මත්වතුර හා දුම්පානය ගලනාල පිළිකා පමණක් නොව මුඛ පිළිකා මෙන්ම තවත් පිළිකා රැසකට ඔබව කැඳවාගෙන යන බැවින් වහාම අදම ඔබේ ඒ වැරදි පුරුදුවලින් ඈත්වෙන්න. මුලින්ම ඔබට ඇතිවන්නට ඉඩ ඇත්තේ ඝන ආහාර ගැනීමේදී උගුරේ සිරවෙන ගතිය නමුත් දෙවැනි පියවර ලෙස ඔබ දියර ආහාරවලට පවා එම තත්ත්වය අත්විඳින්නට ඉඩ තිබේ. ක්‍රම ක්‍රමයෙන් මුළුමණින්ම ආහාර ගිලීමේ අපහසුතාවය වැඩි දියුණුවීමත් සමග එය සුව කිරීමට ඇති අවස්ථාද මගහැරෙන බැවින් වහාම මූලික ලක්ෂණ දැනෙන්නට පටන්ගත් විගසම ඔබේ ශල්‍ය සායනයට හේ ශල්‍ය වෛද්‍යවරයා වෙත යන්න.ගලනාලයේ ඇතිවන කුඩා ගැටිත්තක් හේතුකොටගෙන ඇතිවන මේ ගිලීමේ අපහසුතාවය පසුකාලෙක මුළුමනින්ම ගිලින්නට අපහසුවක් විය හැකියි.  ගලනාලයේ මෙවැනි ප්‍රශ්නයක් ඇති වූ  ඇතමුන් මුළින්ම පැමිණිලි කරන්නේ පපුව මැද්දේ සිරවීමක් ඇතිකරන බවයි. ඒ නිසා ඔබට කුමන ආකාරයෙන් හෝ ආහාර ගිලීමේදි අපහසුතාවයක් මතුකරන කිනම් හෝ ලක්ෂණයක් පවතින නමුත් එය සාමාන්‍ය තත්ත්වයක් නොවන බවත් ප්‍රතිකාර ලැබිය යුතුම ,ඔබේ වෛද්‍යවරයාගේ උපදෙස් ලැබිය යුතුම අවස්ථාවක් සේ සලකා ඉක්මන් වෙන්න. මන්ද ඔබට ඇතිවිය හැකි සංකූලතා මග හරවා ගන්නට මෙන්ම ඉක්මන් සුවයක් ලබන්නටද පූර්ණ සුවයක් ලබන්නටද නොපමා වීම අත්‍යවශ්‍ය කරුණක් වන බැවිණි.


ගලනාලයේ ඇතිවන ඇතැම් ගැටලු පිළිකාවලට බැර කරන්නට නොහැකි බව අප මුළින්ම ඔබට කීවා. එවන් තවත් එක් තත්ත්වයක් ලෙස ගලනාලයේ ඇතිවන පුස්වර්ග හඳුන්වන්නට පුලුවන්. මේ පුස් වර්ග නැතිනම් කැන්ඩිඩා වර්ගවලින් ඇතිකරන බලපෑම එන්ඩොස්කොපි පරීක්ෂණය මගින් හඳුනාගත හැකියි. එමෙන්ම ගැස්ට්‍රයිටිස් තත්ත්වයේදී උගුරට ඇසිඩ් ගැලීම හේතුවෙන් ඇතිවන පිළිස්සීමේදී ගලනාලයේ ඇතිවන ඉදිමීමද මේ ආකාරයෙන්ම ඉහත කී පරීක්ෂණවලින් සහතික කරගන්නට හැකියි. මේ නිසා වහාම ඔබ හේතුව කුමක් වුවත්  එය නිවැරදිව දැනගන්නට වෛද්‍යවරයෙකුගේ උපදෙස් වෙත යොමු විය යුතුය. ගිලීමේ අපහසුව එන්න එන්නට වැඩිවීම ඔබට වෙනත් ආකාරයක අතුරු ඵලයක්ද ඇතිකරවන්නට සමත් සාමාන්‍යයෙන් දිනකට පුද්ගලයෙකුට කෙළ මි. ලි එක්දහස් පන්සියයයක් පමණ ගිලෙනවා.  නමුත් කල් පසුවෙන්නට පසුවෙන්නට රෝගී පුද්ගලයාට කෙළ ගිලගන්නට අපහසුවෙනවා. ආහාර සහ වතුර මේ නිසා ගලනාලය තුළ ඉතිරිවීම සිදුවෙනවා.  මෙය එක්තරා ආකාරයක භයානක ප්‍රතිඵලයක් ඇතිකරවන්නට සමත් මේවා පෙණහළු තුළට ඇතුළුවීමෙන් රෝගියා නියුමෝනියා තත්ත්වයකට පත්ව වඩාත් රෝගීවෙන්නට හැකියි.

ඇතැම් අවස්ථාවක වෙනත් පිළිකාවන් ඇති විටත් කෙනෙකුට ඒ හා සම්බන්ධ රෝග ලක්ෂණ යම් ආකාරයක ඉහත කී කියන රෝග ලක්ෂණ හරහාද පෙන්නුම්කරන අතර එය එසේ වනුයේ ඒ සම්බන්ධයෙන් වසා නාලවල ක්‍රියාකාරිත්වය තුළින්ද යම් ලක්ෂණ පෙන්නුම්කරන නිසයි.කෙසේ නමුත් ඔබේ සියලු වැඩ රාජකාරීවලට වඩා පළමු රාජකාරිය ඔබේ ජීවිතයේ සුවපත් බව වෙනුවෙන් කැප කරන්න.ගිලීමේ අපහසුතා ඇතිකරන්නට සමත් අවදානම් සාධක කීපයක් හෝ එකක් ඔබ සමීපයේ පවතී නම් ඔබේ ආහාරගැනීමේදී ඔබ අත්විඳින සාමාන්‍ය ජීවිතයේදී වෙනදා අත්නොවිඳි නමුත් දැන් අත්විඳින සුළු වෙනස්කමක් වෙත වුවත් ඔබේ අවධානය යොමුකරන්න. ගිලීමේ අපහසුතා ඇතිවෙන්නේ ඇයිදැයි දැන් ඔබ හොඳින් දන්නා කරුණක්. නමුත් සතියකට වඩා පවතින ක්‍රම ක්‍රමයෙන් වැඩිවන ආහාර ගිලීමේ අපහසුතාවය, සතියකට වඩා පවතින ආහාර ගිලීමේදී ඇතිවන වේදනාව , ආහාර අරුචිය, අනපේෂිත ලෙස ශරීරයේ බර අඩුවීම ක් ඇත්නම් වහාම ක්‍රියාත්මක වී ඔබේ ශල්‍ය වෛද්‍යවරයා මුණගැසෙන්න. එමෙන්ම ගලනාලයේ පමණක් නොව ස්වරාලයේ ඇතිවන පිළිකා තත්ත්වයන්වලදීත් ආහාර ගිලීමේ අපහසුතාවය සහ උගුරේ වේදනාව ඇතිවිය හැකිය .ස්වරාල පිළිකාවේදී කල්පවතින කැස්සක්ද කටහඬේ වෙනස්වීම හා ගොරෝසුබවක්ද  ඇතිවිය හැකියි. මේ නිසා හරියටම කුමක් නිසා ඔබට රෝග ලක්ෂණ පහළවී දැයි දැනගන්නට වහා වහා ප්‍රථිකාර වෙත යොමුවීමෙන් ඔබට අවස්ථාව ලැබෙනවා සේම රෝගය සුවපත්කරගැනීමේ අවස්ථාවද ඔබට උදාවේ.

සිංහල බෙහෙතින් රෝග සුවවීම ප්‍රමාදවෙනවාද ?

 රෝගීවීම අප කාටත් පොදු දෙයකි. එවන් අවස්ථාවක අප උත්සහ දරන්නේ කුමන හෝ ක්‍රමයකින් රෝගයෙන් අපට ඇති වී තිබෙන පීඩාවන් අවම කරගන්නටය. අප ඒ සඳහා තෝරාගන්නා දේ ඇතැම්විට විධිමත් විය හැකි අතර ඇතැම් විටක අවිධිමත් විය හැකිය. කෙසේ නමුත් දැන් දැන් බොහෝ දෙනා සිංහල බෙහෙත් ගැන උනන්දුවක් දක්වන අතර  ඇතමුන් තමන්ගේ නොදන්නාකම නිසාම සිංහල බෙහෙතින් ඇතිවන ප්‍රතිඵල  අවතක්සේරු කර කඩාකප්පල් කිරීමට උත්සහ දැරීමක්ද දැකිය හැකිය. සිංහල බෙහෙත් සහ ආයුර්වේදය යනු එකක් ද, මේ ඇතමෙක් නගන පැනයකි. ආයුර්වේදය යනු අප රටේ බිහිවූවක් නොව ඉන්දියාවෙන් අපට ලැබුන ප්‍රතිකාර ක්‍රමවේදයකි. නමුත් හෙළ වෙදකම යනු බුද්ධදාස රජ සමයේ පටන් මෙදියත පැවති ප්‍රතිකාර ක්‍රමවේදයකි. ඇතමුන් පවසන සිංහල වෙදකමෙන් රෝග සුවය ප්‍රමාදයක් පවතීද යන්න විමසීමට අද අප සෞඛ්‍ය පිටුව තුළින් උත්සහ දරමු.


Mortar with fresh rosemary and dried spices

මිනිසාට ඇතිවන ව්‍යාදීන් මුලිනුපුටා දැමීමට අවැසි ඖෂධ සකස්කිරීම සිදුවනුයේ ස්වභාව දහම තුළ නිපදවෙන දේ භාවිතයෙනි. ජලය යනු අප කවුරුත්  පිළිනොගත්තත් හොඳ ඖෂධයකි. නමුත් ජලය නිෂ්පාදනය කළ කෙනෙකු අපට හමුනොවේ. සිංහල වෙදකම ලෙස අප අරුත් ගන්වන්නේ ස්වභාව දහම තුළ අපට ඇති සම්පත් භාවිතය තුළින් අප, අපට ඇතිවන ව්‍යාධීන් සුව කර ගැනීමේ විද්‍යාවයි. මෙය මිනිසා පමණක් නොව සතා සීපාවාද දන්නා වෙදකමකි. ඔබේ නිවසේ ඇතිකරන බළලා කුප්පමේනියා ගසක මුල, ඌගේ බඩේ ඇතිවන ආබාධයට ගුණ බව දන්නේ අලුතින් වෙදකම ඉගෙන ගෙන නොවේ. සුනඛයා කලාඳුරු ගසක පත්‍ර තම උදරාබාධයට අනුභව කරනුයේ වෙදකම ඉගෙන ගෙන නොවේ. මෙසේ සත්ත්ව ලෝකයේ ඇති ප්‍රතිකාර ක්‍රමද බොහෝය. සිංහල වෙදකම අනුව සතා සීපාවාටද වෙදකම් කළ බව අප බුද්ධදාස රජතුමා නයෙකුගේ බඩ පලා බෙහෙත් ගල්වා සුව පත් කළ කතාව තුළින්  අසා ඇත. එසේ නම් අද ශල්‍යකර්ම ලෙස හඳුන්වන ක්‍රියාව සිංහල වෙදකමේත් නැතිනම් හෙළ වෙදකමේත් තිබුණ බව බැහැර කරන්නට නොහැකිය. ආයුර්වේදයේද ශල්‍ය ලෙස වෙන් කෙරුණු කොටසක් පවතී.  වෙදකම කුමක් වුවත් එයින් සිදුවිය යුත්තේ රෝග සුවයයි. 

අදවන විට සකස් කළ බෙහෙත් වර්ග වෙළඳ පොල ආක්‍රමණය කර තිබෙන වග ඔබ දනී. අසවල් රෝගය මේ අරිෂ්ටයෙන් පැණියෙන් සුව වේ යැයි කියන දැන්වීම් බොහෝය. නමුත් ලේබලයේ සඳහන් ඖෂධ සියල්ල එහි අඩංගුද?  නිසි ප්‍රමිතියට ඒ බෙහෙත් සකසා තිබේද, එය වගකීමක් ඇති වෛද්‍යවරයෙකුගේ නිෂ්පාදනයක්ද යන්න සොයා බැලෙන ක්‍රමවේදයක් නීතිගතව නොපැවතීම හේතුවෙන් සිංහල බෙහෙත් මුවාවෙන් වෙළඳ පොළට පැමිණෙන නිකම්ම නිකම් නමට පමණක් වූ ද්‍රව්‍ය පැවතිය හැකිය. මෙය දියවැඩියාව  ( මධුමේහය) ට ප්‍රත්‍යක්ෂය, මෙය ගැස්ට්‍රයිටිස් ( අම්ල පිත්ත රෝගය) රෝගයට ප්‍රත්‍යක්ෂය ආදී වශයෙන් ලේබල් කළ නිසි වගකීමකින් තොර නිෂ්පාදන වෙළඳ පොල පුරා සැරිසරයි. තමන්ට ඇති රෝග සඳහා ඔබ සිංහල වෙදකම නමින් මිලට ගන්නේ එසේ වගකීමක් නැති ඖෂධ නම් ඒවා කෙතෙක් කල් පානය කළත් ලෙඩ රෝග සුවයක් නොව නැති ලෙඩ ඇතිවීමක් විය හැකිය.එය සිංහල වෙදකමේ හෝ ආයුර්වේදයේ වරදක් නොවේ. ඉංග්‍රීසි වෙදකමේ වෛද්‍යවරයාගේ වට්ටෝරුවක් නොමැතිව ඖෂධ ලබා නොදුන්නත් සිංහල බෙහෙත් බඩු වෙළඳ සැලක වීදුරු කබඩ් තුළ පුරවා තිබෙන ඇතැම් ඖෂධ නමින් නම්කර ඇති සංයෝග තම හිතුමතයේ ගැනීමට කිසිදු බාධාවක්. නැත. මේවායේ ප්‍රමිතිය පිළිබඳ ගැටලු පවතින නිසා තමන් සුවයක් නොලද බව කියන අයද බොහෝය. සිංහල ක්‍රමය නැතිනම් ආයුර්වේදය අනුව මිනිස් සිරුර වා පිත් සෙම් නැතිනම් ත්‍රිදෝෂ අනුව හටගන්නා ව්‍යාදීන් පිළිබඳ හැඳින්වීමක් කරයි. ඇතමෙකුගේ සිරුර වාතය අධිකය. තවකෙකුගේ සිරුර සෙම් අධිකය. අනෙක් කෙනෙකු ගේ සිරුර පිත් අධික එකක් විය හැකිවා මෙන්ම වාතය අධික සිරුරකට පිත කිපීමෙන් හා සෙම කිපීමෙන් හටගන්නා රෝගයක් වැළඳෙන්නට ඇති ඉඩ කඩ අමතක කළ යුතු නොවේ.

මේ නිසා වෙදකම නොදන්නා අය තනිවම ඹෟෂධ නියම කරගැනීම බටහිර හෝ සිංහල හෝ ඕනෑම වෙදකමක් අනුව භයානකය.කෙනෙකුට ඇත්තේ කෙබඳු සිරුරක්ද යන්න නිර්ණය කරන්නට වෙද මහතෙකු නම් නාඩි පරීක්ෂාවක් සිදුකරනු ඇත. නාඩි අනුව කෙනෙකු ගොදුරුව ඇති රෝගය කුමන තත්ත්වයක්ද එය සමනය කිරීමට කුමක් කළ යුතුද යන්න තීරණය කිරීමට උගත් වෛද්‍යවරයෙකුට හැකියාව තිබේ. (ව්‍යෛ නිර්දේශය මත සකස් කළ ඖෂධයක් භාවිතය වරදක් නොවේ. එවිට වෛද්‍යවරයා එය නිර්දේශ කරනුයේ එම නිෂ්පාදය යොදා ගත් අත්දැකීම් මතය.) සෙම් අධික සිරුරකට වාතය කිපීමෙන් රෝගයක් හටගෙන ඇතිනම් ඒ තත්ත්වයන් දෙකම සමනය වන සේ ඖෂධ යෙදවීම වෛද්‍යවරයාගේ කාරියයි. පුවත්පතක පළ වූ බෙහෙත් පංති, රූපවාහිනී  වැඩසටහනක කියූ බෙහෙත් පංතිවලින් තමන්ගේ රෝගවලට සුවයක් අත් නොවුනේ ඇයිදැයි සිතන ඔබට කිව හැකි වනුයේ  ඔබ ඔබම තීරණය කර බෙහෙත් බීම ඔබේ වකුගඩුවලට අනවශ්‍ය කරදරයක් කරන ක්‍රියාවක් බවයි. ඔබ බටහිර බෙහෙත් බීවත් සිංහල බෙහෙත් බීවත් ඔබේ වකුගඩුවට කිසිදු බේධයක් නැත .ඒවායින් සිරුරට එකතුවුණ දෑ වකුගඩුව විසින් පෙරනු ලබන්නේ මේවා මොන වෙදකමේද යන්න විමසමින් නොවේ. වකුගඩුවට අනවශ්‍ය ක්‍රියාකාරිත්වයක් ඇති කිරීමේ ප්‍රතිඵලය වනුයේ වකුගඩු රෝගවීම විය හැකි බව මතක තබාගන්න. සමහරු විසින් වකුගඩු රෝගීවීමේ වරද පටවනුයේ අර්ෂ්ට වර්ග වලටය. කිසිම ඖෂධයක් තවත් රෝගයක් ඇතිකිරීම සඳහා නිපදවන්නේ නැති බව මතක තබා ගන්න. අනිසි බාවිතය තුලින් සිරිරට හානි පමුණුවා ගැනීම නවතා ගත හැකිවන්නේ තමන්ටමය.

Kerala-Ayurveda9_TI

ලේබලය මත දක්වා ඇති කරුණු අනුව ඔබ බෙහෙත් තෝරාගන්නවා නම් ලේබල් වෛද්‍යවරයා පරීක්ෂාවකින් තොරව නියම කළ ඒ ඖෂධය ඇතැම් විට ඔබට විෂ වන්නටද ඉඩ තිබේ. ඒ නිසා ලේබල් වෛද්‍යවරයා හැමවිටම නොසලකා හරින්න. ඔබට යම් ආබාධයක් පවතී නම් පාරම්පරික හෝ කුමන හෝ අයුරකින් වෙදකම දන්නා රෝගීන් නිබඳවම සුවපත් කිරීමේ ඥාණයක් ඇති හැකියාවක් ඇති පළපුරුද්දක් ඇති නාඩි බලා රෝග නිර්ණය කිරීමට වෙද ඥාණයක් ඇති වෛද්‍යවරයෙකු තෝරාගන්න.සමහරු ස්වල්ප වශයෙන් ඖෂධ ලබාදෙනවාට කැමති නැත. නමුත් එළවළුවක් කිලෝ එකක ප්‍රමාණයෙන් පිසීමේදී එයට ලුණු කිලෝ භාගයක් පමණ නොදමන බව සිතන්න. ලුණු අඩංගුකරනුයේ තේ හැඳි වලින් මිස කිලෝ වලින් නොවුණත් රසයට එයින් බාධාවක් නොවේ. රසය විකෘතිවනුයේ වැඩිපුර යොදන විටය. හෙළ වෙදකමෙන් රෝග සුවයට ඖෂධ පමණක් ප්‍රමාණවත් නොවේ. වෛද්‍යවරයා ඔබේ රෝගය බලපා ඇති හේතුව හැඳින එම තත්ත්වයන් සමනය කරගත හැකි ආහාර පාන සහ ඇවතුම් පැවතුම් පිළිබඳ පැහැදිලි කිරීමක් කරනු ඇත. ආතරයිටිස් නැතිනම් අස්ථි පර්වදාහය යනුවෙන් හඳුන්වන රෝග තත්ත්වයේදී බොහෝ දෙනා අස්ථිවල පෝෂණය ගැන සිතා ධාන්‍ය වර්ග ආහාරයට ගැනීමෙන් ප්‍රෝටීන් සහ යකඩ ලබා ගැනීමෙන් අස්ථි වේදනා තුනී කර ගැනීමට කල්පනා කරයි.

කඩල වැනි ධාන්‍ය වැඩිපුර ආහාරයට එක් කර ගනී, නමුත් ආතරයිටිස් රෝගියා කඩල ආහාරයට ගැනීම සුවය සඳහා වස කෑමක් හා සමාන විය හැකි වන්නේ වාතය ඇවිස්සීම අධික, විය හැකි  කඩල ආහාරයෙන් රෝගයේ වේදනාව වඩාත් දැඩි විය හැකි බැවිණි. එවිට වාතය සමනය සඳහා ප්‍රතිකාර ලබාදී ඇති විට ඒ ප්‍රතිකාර ලබා ගනිමින් වාතය අධිකවන ආහාර ලබා ගැනීමෙන් රෝගය උත්සන්න විය හැකිය. එවිට බොහෝ දෙනා ඇඟිල්ල දිගු කරනුයේ බෙහෙත්වලට විය හැකිය. එවන් අවස්ථාවක ඒ වරද බැරවෙන්නේ ප්‍රතිකාර ලබාදෙන වෛද්‍යවරයාට හෝ වෙදකමට වීම නිරන්තරයෙන් දැකිය හැකි තත්ත්වයකි. මේ නිසා වෛද්‍ය නියමය ඉක්මවා නොයන්නට හැම විටම වග බලා ගන්න. තවත් සමහරු  ඇල්වතුර භාවිතය නවතන්නට උපදෙස් ලැබුණ විට නිතර වතුර උණු කළ නොහැකි යැයි පවසා ඉඳ හිට උණුවතුරත් වැඩි පුර ඇල්වතුරත් භාවිතා කර වෙද මහතාගේ ප්‍රතිකාරවලින් ගුණයක් නැති බවත් වේදනාව වැඩි වූ බවත් පවසන්නට ඉඩ තිබේ. මේ නිසා ඕනෑම ප්‍රතිකාර ක්‍රමවේදයක් අනුගමනය කරද්දී වෛද්‍ය නියමය ඉක්මවා නොයන්නට වගබලා ගන්න.

නියම කරන අනුපාන, නියම කරන ප්‍රමාණ, නියම කරන වේල් ගණන ,පත්‍ය අපත්‍ය ආහාර ,හෙද කම මේ සියල්ල නිසියාකාරව පවත්වාගෙන ඔබ වෛද්‍ය කර්මයක පිහිට පතනවා නම් රෝගයක සුවය ස්ථීරය. ඇතැම් වෛද්‍යවරු ඇතැම් රෝග සුවපත් කිරීමට නම් දරා සිටිය හැකිය.  එහි අදහස ඔහු දන්නේ එම රෝගය පමණක් සුවපත් කිරීම යන්න නොවේ. කඩුපුල් මල් ව්‍යාපාරය ලෙසින් අප ගමින් ගමට බෝ නොවෙන රෝග සුවපත් කරමින් යන ගමනේදී දියවැඩියාව,  රුධිර පීඩනය, ආතරයිටිස්, සෙම, හතිය, හෘදයාබාධ පමණක් සඳහා රෝගීන්ට ප්‍රමුඛතාවයක් දෙන්නේ නැත. පංච කර්ම යැයි කියූ විට ඕනෑම ව්‍යාධියකට ප්‍රත්‍යක්ෂ වෙදකම් දැනීමක් වෛද්‍යවරයෙකු සතුව පවතින නිසා වෛද්‍යවරයා සුවපත්කරවන රෝගීන් එක් අංශයකින් වැඩි බවක් දැක්වූ පමණින් ඔහුට සුව කළ හැක්කේ එම රෝග පමණකැයි සිතීමෙන් වළකින්න.වෙදකම ප්‍රගුණ කළ තැනැත්තාට ඕනෑම රෝගයකට ප්‍රතිකාර ලෙස තමන් සෑදූ ප්‍රතිකාර පංතියක් තිබිය යුතුය.අනුන් සකස් කළ ඖෂධවලින් තම වෙදකම කිරීමට උත්සහ දැරීම තුළ යම් යම් ගැටලු පැවතිය හැකිවන්නේ වෛද්‍යවරයා කොතරම් දක්ෂ වුවත් පෙර කී ඖෂධ නිෂ්පාදකයා ඒවා නිෂ්පාදනය සඳහා යොදාගන්නා ඖෂධ මත  ඒ වෙදකම සාර්ථක අසාර්ථක බව පෙන්විය හැකි බැවිණි.

සිතන්න බුද්ධදාස රජතුමා ප්‍රතිකාර කලේ කඩෙන් ගත් ඖෂධවලින් නොවේ. ඒ නිසා ඔබ ප්‍රතිකාර සඳහා යන විට ඒවා හරියාකාරව පිළිපැදීම මෙන්ම ගැටලු තැන් වෛද්‍යවරයාගෙන්ම විමසා  විසඳාගැනීමට හැකි වෛද්‍යවරයෙකු තෝරා ගන්න.ඔබට සිංහල වෙදකම ගැන ඇති ගැටලු 0777248128 යන අංකයෙන් වෛද්‍යවරයා අමතා විසඳා ගන්නට පුලුවන.