Category Archives: entertainment

69th Emmy Awards-2017

69-emmys-generic-key-900x600

පසුගිය වසරේ ජුනි මස 01 වැනිදා සිට මේ වසරේ මැයි මස 31 වැනිදා දක්වා වූ කාල වකවානුව අතරතුර විකාශය වූ හොඳම ඇමෙරිකානු රූපවාහිනී කලා කෘති වෙනුවෙන් සම්මාන පිදෙන 69 වැනි Emmy Awards සම්මාන උලෙළ පසුගිය 17 වැනිදා නිමාවට පත් විය. ලොස් ඇන්ජලීස් නගරයේ මයික්‍රොසොෆ්ට් රඟහලේදී පැවති මෙම සම්මාන උලෙළ මෙහෙයවනු ලැබුවේ ජනප්‍රිය හොලිවුඩ් හාස්‍ය නළුවකු වන ස්ටීවන් කූල්බර්ට් විසිනි.
ඒ අනුව මෙවර සම්මාන උලෙළේදී වැඩිම සම්මාන ප්‍රමාණයකට නිර්දේශ වීමට HBO නාළිකාවේ විකාශය වූ විද්‍යාත්මක ශානරයේ ටෙලිනාට්‍යයක් වූ West world සහ NBC නාළිකාවේ විකාශය වූ හාස්‍ය ටෙලිනාට්‍යයක් වූ Saturday Night Live සමත් වූ අතර, ඒ සම්මාන 22 බැගින් නිර්දේශ වෙමිනි.

එසේම මෙවර වෙබ් කතා මාලාවක් ලෙසින් ලෙසින් විකාශය වූ The Handmaid’s Tale මාලා නාටකය පළමු වතාවට හොඳම නාට්‍යමය මාලා නාටකයට හිමි සම්මානය දිනාගත් අතර, එය අධ්‍යක්ෂණය කළේ රීඩ් මොරානෝය. එහි රඟපෑ එළිසබෙත් මොස් හොඳම නාට්‍යමය නිළිය ලෙසින්ද, ආරාධිත රූපණ ශිල්පිනිය ලෙසින් ඇලෙක්සිස් බ්ලෙඩල්ද සම්මාන දිනාගත් අතර, හොඳම නාට්‍යමය මාලා නාටක තිර රචක සම්මානය හිමිවූයේද මෙයටයි.

මෙහිදී හොඳම රූපවාහිනී චිත්‍රපටයට හිමි සම්මානය දිනාගත්තේ %Black Mirror^ චිත්‍රපටයයි. එසේම හොඳම රූපවාහිනී චිත්‍රපට/සීමිත කොටස් සහිත නාටක අංශයෙන් හොඳම නළුවාට හිමි සම්මානය දිනාගත්තේ රිස් අහ්මඩ් වීමද කැපී පෙනේ. මුස්ලිම් ජාතික ඔහුට මෙම සම්මානය හිමි වූයේ HBO නාළිකාවේ විකාශය වූ The Night Of වෙනුවෙනි. මීට තරග කළ සෙසු නම් අතර විශිෂ්ට සිනමා නළුවන් වූ බෙනඩික් කම්බර්බැච්, රොබට් ඩි නිරෝ, ජෙෆ්රි රෂ් වැනි විශිෂ්ටයන් සිටීමද ඔවුන් පරයා මෙම සම්මාන ලබා ගැනීමද කැපී පෙනේ. මෙහිදී එම අංශයේ හොඳම නිළිය සම්මානය හිමි වූයේ එම නාළිකාවේම විකාශය වූ Big Little Lies හි රඟපෑ නිකොල් කිඩ්මන්ටය.

CnybnyE005022_20170918_NYMFN0A001_11n

මෙවර Atlanta හාස්‍ය මාලා නාටකය වෙනුවෙන් හොඳම අධ්‍යක්ෂවරයා ලෙසින් සම්මාන දිනූ ඩොනල්ඩ් ග්ලෝවර්ද බොහෝදෙනාගේ අවධානයට ලක් වූ අතර, ඒ ඔහු කළුජාතික ඇමෙරිකානු අධ්‍යක්ෂවරයකු වීම හේතුවෙනි. මීට තරග කළ සෙසු මාලා නාටක වූයේ ජැමී බැබිට්ගේ %Silicon Valley (Episode: Intellectual Property)^, මයික් ජජ්ගේ %Silicon Valley (Episode: “Server Error”)^, මෝගන් සැකට්ගේ Veep(Episode: Blurb) සහ ඩේවිඩ් මැන්ඩෙල්ගේ Veep (Episode: Ground breaking) යන හාස්‍ය මාලා නාටකයි. එහෙත් හොඳම හාස්‍ය මාලා නාටකය වූයේ HBO නාළිකාවේ විකාශය වූ Veepය. මෙවර හොඳම සංගීතමය රියලිටි වැඩසටහන බවට පත්වූයේ NBC නාළිකාවේ විකාශය වූ The Voice ය. 

stephen-colbert_3d0c43aa-9c0c-11e7-a38e-8ee9fe2ac8e7

මෙවර හොඳම හාස්‍ය මාලා නාටක නිළිය බවට පත්වූයේ ජූලියා ලොයිස් -ඩ්‍රේෆස්ය. ඒ HBO නාළිකාවේ විකාශය වූ Veep (Episode: Ground breaking) වෙනුවෙනි. මෙවර හොඳම නාට්‍යමය මාලා නාටක නළුවා වූයේ ස්ටර්ලින් කේ. බ්‍රවුන්ය. ඒ NBC නාළිකාවේ විකාශය වූ This Is Us (Episode: Memphis) වෙනුවෙනි. එහෙත් ඊට තරග කළ අය අතර, අන්තෝනි හොප්කින්ස්, කෙවින් ස්පේසි වැනි දක්ෂ සිනමා නළුවන්ද සිටීම සුවිශේෂී විශේෂත්වයකි.

මෙවර සම්මාන උලෙළේදී වැඩිම සම්මාන ප්‍රමාණයකට නිර්දේශ වූයේ HBO නාළිකාව වන අතර, එය සටහන් වන්නේ 46ක් ලෙසිනි. CBS නාළිකාව හරහා විකාශය වූ මෙම සම්මාන උලෙළ මිලියන 11.4ක ප්‍රමාණයක් නරඹා ඇති අතර, වත්මන් ජනාධිපති ඩොනල්ඩ් ට්‍රම්ප් විවේචනය කරමින් රූපවාහිනී ක්ෂේත්‍රය පිළිබඳ කතා පැවැත්වීමද කැපී පෙනේ.

393847-thumb-630x330 2427773_1280x720 a7b8cce2e32cc257_stephen-colbert-emmys-1920 ad_258005429 awards-emmys c11426f4c2a7713dc0eb0f4592eb2883 download

ජගත් පෙම් කතා ජීවිතයට පාඩම් පොත් වගෙයි

කොළඹ බණ්ඩාරනායක සම්මන්ත්‍රණ ශාලා පරිශ්‍ර‘යේ පසුගිය 15 වැනිදා සිට ලබන 24 වැනිදා දක්වා පැවැත්වෙන ජාත්‍යන්තර පොත් ප්‍රදර්ශනයේ තිබෙන සුවිශේෂී පොත් අතර ජගත් පෙම් කතා මාලාවක්ද වෙයි. ශාන්ත කුමාර විතාන ලියූ එම පෙම් කතා මාලාවේ කෘති අතර භාරත පෙම් කතා, චීන පෙම් කතා හා හයිද්‍රා කුමරිය සහ හිරු උදා රැජින පිළිබඳ කතාද වෙයි. 'සී-140' රත්සර පොත් කුටියේදී එළිදැක්වෙන මෙම ජගත් පෙම් කතා මාලාව පිළිබඳ 'අද' කතුවරයා සමග කළ කතාබහකි මේ.


Q ජගත් පෙම් කතා අපේ පාඨක ලෝකයට වැදගත් වෙන්නෙ මොන ආකාරයෙන්ද?

ප්‍රේමය කියන්නේ මේ ලෝකය ආරම්භයේ සිටම පැවැතෙන විස්මිත දෙයක්. මේ නිසා ලෝකයේ ශ්‍රේෂ්ඨයන් ලෙස සැලකෙන අය පවා ප්‍රේම‘යෙන් බැඳී සිටියා. නැපෝලියන් බොනපාට් අධිරාජ්‍යයා ජොසපින් නමැති ඔහුගේ පෙම්වතියට උමතුවෙන් මෙන් ප්‍රේම කළා. අටවැනි එඩ්වඩ් රජු, සිම්ප්සන් ආර්යාව විවාහ කරගෙන රජ කිරුළට පයින් ගැහුවා. මිනීමරු හිට්ලර් දිවිනසා ගත්තෙත් ඔහුගේ පෙම්වතිය සමග. ඔය වගේ ප්‍රේමණීය සිදුවීම් ඕන තරම්. මම මීට වසර දහයකට විතර කලින් 'අප්‍රකට රජ පෙම් කතා' කියලා පොතක් ලිව්වා. එදා පළවුණේ ලෝක නායකයන්ගේ පෙම් කතා. මේ පොතට ලැබුණු ප්‍රතිචාරවලින් මම තේරුම් ගත්තේ ලෝක ඉතිහාසයට එකතු වූ පෙම් කතාවලට පාඨකයා මොන තරම් පෙම් කරනවාද කියන කාරණයයි. ඒ නිසාම මේ ජගත් පෙම් කතා පොත් පෙළකට එක්කරන්න මට හිතුණා.

Q එහි පළමු පියවර භාරත පෙම් කතා?

භාරත පෙම් කතා මං හොයා ගන්නේ අන්තර්ජාලයෙන්. භාරතයේ හොඳම පෙම් කතා කියල සෙවුම් කරද්දි සටහන් වෙන පෙම් කතා රැසක් තියෙනවා. 'ඩෝලා – මාරු, සෝහ්නි – මහීවාල්, හීර් – රංජා, සෂී- සුන්නු, මිර්ෂ – සහීබා, ප්‍රීතිවිරාජ් – සමියුක්තා, සලීම්- අනර්කලී, ෂා ජෙහාන් – මුම්ටාස් මහල්'.
මේ පෙම් කතා කියවන කොට හිතෙනවා ප්‍රේමය කියන්නේ මොන තරමේ පරිත්‍යාගයක්ද, මොන තරමේ කැපවීමක්ද කියන කාරණය, මොන තරම් බැඳීමක්ද කියන කාරණය. ගීත රචකයන් ප්‍රේම ගී රචනා කරන්නේ මෙන්න මේ පරිත්‍යාගශීලී ප්‍රේමය වෙනුවෙන් නෙමේද කියලා. ඉතින් මේ ප්‍රේම කතා මම පාඨකයන්ට තිළිණ කළා.

Q ඔබේ දෙවැනි ප්‍රේම කතා පොත චීන පෙම් කතාද?

භාරතය තරම් මේ කතා වෙන කොහේවත් නැහැ. මම විවිධ රටවල පෙම්කතා හෙව්වෙත් අන්තර්ජාලයෙන්. මට හමුවෙන්නෙ භාරතයේ සහ චීනයේ පෙම් කතා විතරයි. ඉතින් මම දෙවැනියට චීන පෙම් කතා තෝරගන්නවා. 
මම මේ පෙම් කතාවලට යෙදුවේ වෙනත් නම්, 'සමනල පෙම්වත්තු', 'කවියෙකුට පෙම් බැඳ', 'ප්‍රේමයේ  ගීතය', 'ලේලියට පෙම් බැඳි අධිරාජ්‍යයා', 'හඬා වැටෙන තරු යුවළ', 'ධවල ආර්යාවගේ ප්‍රේමය' නමින් මම මේ පෙම් කතා නම් කරනවා. 

Q පසුව ඔබ ලියන්නෙ කෙබඳු රටක පෙම් කතාවක්ද?

මට හමුවෙනවා ඉන්දියාවේ හයිද්‍රාබාද් නුවර ඉදිකරන කතාව. මේ නුවර හදන්නේ මොහොමඩ් බ්‍රලී නමැති රජු. 1518 අවුරුද්දෙදී රජකමට පත්වෙන මේ රජු ආදරය කළේ හයිද්‍රා කුමරියට. ඔහු තමයි උර්දු බසින් පළමු වරට පෙම්කවි ලියූ කවියා. රජෙක් වුණත් ඔහු කවියෙක්. කවියෙකුගේ ප්‍රේමය බොහොම සුන්දරයි. ඉතිං මේ ප්‍රේම කතාව හරිම සුන්දර ප්‍රේම කතාවක්. ඒ නිසා පිටු හතළිහකට, පනහකට මේ ප්‍රේම කතාව සීමා කරන්න මට ලෝබ හිතුණා. මේ කතාව ලියන්න පටන් ගත්තාම මම සියවස් ගණනකට පෙර අතීතයට ගියා. මම ඒ අතීතයේ ජීවත් වුණා. හයිද්‍රා කුමරියට අර කවිකාර රජ්ජුරුවො ආදරය කරන්න ඇත්තේ මේ විදිහට වෙන්න ඇති කියලා මට හිතුණා. අන්තිමේ මගෙන් ලියැවුණේ පිටු දෙසීයක නවකතාවක්.

Q ඔබේ සිවුවැනි ජගත් පෙම් කතා පොත %හිරු උදා රැජින^ නිර්මාණය වුනේ කොහොමද?

මේක තායිලන්තයේ ඉපැරණි අයුක්තයා රාජධානියේ සුපතළ පෙම් කතාවක්. එම අධිරාජ්‍යයේ රජකම් කළ මහා චක්‍රවත් රජුගේ බිසව සූරියෝතායි, රජු වෙනුවෙන් ජීවිතය දුන්නා. ඒ බුරුම ආක්‍රමණිකයෙකුගේ සටනකදී. මේ බිසව පිරිමි ඇඳුම් ඇඳගෙන අලියෙකුගේ පිටේ ඇවිත් මහා චක්‍රවත් රජු සහ බුරුම ආක්‍රමණිකයන් අතර ඇතිවුණු ද්වන්ධ සටනක මැදට පැන රජුට වැදීමට ගිය කඩුපහරකට අභීතව මුහුණ දුන්නා. ඒක එක අතකින් රට වෙනුවෙන් කළ ජීවිත පූජාවක්, අනෙක් අතින් තමන්ගේ සැමියා වෙනුවෙන් කළ ජීවිත පූජාවක්. අන්න ඒ උතුම් ප්‍රේමය අගය කරන්නයි මම %හිරු උදා රැජින^ නමින් නවකතාවක් ලිව්වේ. 

Q වෙනත් රටවල ඉතිහාසය ප්‍රබන්ධ ලෙස ගැළපීමට පහසු නැහැ නේද? කොහොමද ඔබ ඒ දේ කළේ?

ඉතිහාසය මෙහෙම වෙන්න ඇති කියන පරිකල්පනය තුළින් තමයි. හැබැයි 'හිරු උදා රැජින' ලියන්න කලින් මම තායිලන්තයේ සංචාරය කළා. අයුක්තයා රාජධානියේ නටඹුන් දැකබලා ගත්තා. ඒ නිසා ඒ රටේ අතීතයට යන ගමන මට පහසුවුණා. අතීත තොරතුරු ඇසුරින් අපට ඉතිහාසය යළි ප්‍රතිනිර්මාණය කිරීම අපහසු වෙන්නේ නැහැ.

Q මෙවර පොත් ප්‍රදර්ශනය වෙනුවෙන් ඔබ අතින් නිර්මාණය වෙන්නේ ජගත් පෙම් කතා විතරද?

නැහැ. 'ඇමේසන් ගවේෂණ' කියන ගමන් විත්ති කෘතිය, 'මල් ආරුක්කුව' නවකතාව සහ 'අහස් වියන', 'කඳුළු කැකුළු' නමැති ගේය කාව්‍ය කෘතිය පොත් ප්‍රදර්ශනයේදී එළිදකින අලුත්ම පොත්. ඇමේසන් වනාන්තරයේ වෙසෙන විවිධ ගෝත්‍රයන්, මිනීමරු වනචාරීන් සොයාගෙන ලොව විවිධ ගවේෂකයන් ගිය ගමන් විත්ති රැසකිනුයි ඇමේසන් ගවේෂණ සමන්විත වෙන්නේ. මේ පොතට මං හිතුවටත් වඩා පාඨක ආකර්ෂණයක් ලැබී තිබෙනවා.

මීට අමතරව 'කඳුළු කැකුළු' කවි පොත හැම අවුරුද්දකම පොත් ප්‍රදර්ශනය වෙනුවෙන්ම නිකුත් කරන මගේ කවි පොත. 'අහස් වියන, පාරමිතාව, සඳරැස් මාවත, සුනිල සඳ, තුසර නිම්නය, ඒ සොඳුරු ඇස්, මල් පිපෙන තුරු^ යන නම්වලිනුයි මේ පොත්පෙළ නිකුත් වුණේ. පොදුවේ 'අහස් වියන^ යන නමින් මෙවර නිකුත් වෙන %කඳුළු කැකුළු^ එහි දහවැනි පියවර. මෙම %අහස් වියන^ පොත පාඨකයන්ට ගන්න ලැබෙන්නෙ පොත් ප්‍රදර්ශනයේදී විතරමයි. ඒකත් විශේෂත්වයක්.

1E855FD5 2E2E35AB  800AF79 C914B8EF

මේ වෛද්‍ය ක්ෂේත්‍රයේ පොත් රචනා කරනවිට විශේෂඥ වෛද්‍යවරුන්ගේ මගපෙන්වීම ලබාගත්තා

තිස් වසරක පමණ මාධ්‍ය ජීවිතය තුළ තමන් ලබන දැනුම පාදක කරගනිමින් මාධ්‍යවේදිනී ශිරාණි ගල්ලෑල්ල මහත්මිය වෛද්‍ය ක්ෂේත්‍රයේ යම් යම් තේමා පාදක කරගනිමින් ග්‍රන්ථ රචනා කරන්නීය. මෙවරද ඇය ග්‍රන්ථ පහක් රචනා කර තිබේ. එය අද (19දා) කොළඹ බණ්ඩාරනායක ජාත්‍යන්තර සම්මන්ත්‍රණ ශාලාවේදී දොරට වැඩුම සිදුවෙයි. මේ කතාබහ ඇය සමගිනි.


Q මෙවර එළිදැක්වෙන ග්‍රන්ථ පහ පිළිබඳ අපි මුලින්ම කතා කරමු?

වෛද්‍ය පොත් පහක් මම රචනා කළා. ඒ අතරින් 'සෙනෙහසේ කිරි සුවඳ' කියන පොතේ අන්තර්ගත වෙන්නේ දරුවෙකු නොමැතිව සිට දරුවෙක් කුස පිළිසිඳගත් දා සිට උපත ලැබීම දක්වා සඳහන් වෙනවා. මීට වසර පහකට පෙර මේ තේමාවෙන්ම 'දරු ගැබක් කුස දරා දසමසක් පෙරුම් පුරන්නේ' කියන ග්‍රන්ථය නිකුත් කළා. සෑම දිනම වෛද්‍ය විද්‍යාව දියුණු වෙනවා. අලුත් දේවල් එකතු වෙනවා. මීට වසර පහකට පෙර වෛද්‍ය විද්‍යාව තිබුණු තැන නෙමෙයි අද වනවිට තිබෙන්නේ. එය වැඩිදියුණු වී තිබෙනවා. ඒ කරුණුත් අන්තර්ගත කරලා තමයි මම විශේෂඥ වෛද්‍ය මධුර ජයවර්ධනගේ මගපෙන්වීමෙන් ' සෙනෙහසේ කිරි සුවඳ^ කියන ග්‍රන්ථය රචනා කළේ. 

ඒ වගේම මෙවර 'අවදානමෙන් මිදී මවක් වන්න' කියන ග්‍රන්ථය රචනා කළා. එය මහාචාර්ය හේමන්ත දොඩම්පහළ මහතාගේ මගපෙන්වීමෙන් රචනා වුණේ. නොදැන කරන දේවල් නිසා දරුවන් නැතිවීම ගැන වෛද්‍යවරයා හමුවීමට නිරන්තරව බොහෝ දෙනෙක් පැමිණෙන බව ඔහු සඳහන් කළා. ඒ අවදානම ගැන කතා කරලා තමයි මේ පොත රචනා කළේ. 

දියවැඩියාව කියන රෝගය ගැන කතා කරන, 'ජීවිතය විඳින්න – දියවැඩියාවෙන් මිදෙන්න' කියන ග්‍රන්ථය රචනා කළා. මීට පෙර දියවැඩියා රෝගීන්ට ආහාර ගැනීමේ සිට රුව රැකගැනීම ගැන පවා ගැටලුකාරී තත්ත්වයන් ඇතිව තිබුණා. මේ ග්‍රන්ථය රචනා කළේ දියවැඩියා රෝග විශේෂඥ වෛද්‍ය මනිල්ක සුමන තිලකගේ මගපෙන්වීමෙන්. එහිත් දියුණු වෛද්‍ය තාක්ෂණයත් එක්ක අන්තර්ගත කරුණු තිබෙනවා. දියවැඩියා රෝගය ඇති වෙන්න පෙර තිබෙන අවදානම, දියවැඩියා රෝගය හැදුණු පසු කටයුතු කළ යුතු ආකාරය සහ පරිස්සම් වන ආකාරය ගැන එහි අන්තර්ගත වෙනවා. 

මම රචනා කළ අනිත් ග්‍රන්ථය තමයි  'සිත ලෙඩ වෙන රුව නැති වෙන සමේ රෝග' කියන ග්‍රන්ථය. ලස්සන වෙන්න භාවිත කරන ක්‍රීම් වර්ග හා අනෙකුත් දේවල් ගැන මම රචනා කළා. මානසික රෝග පිළිබඳවත් ග්‍රන්ථයක් රචනා කළා. විශේෂඥ වෛද්‍ය ශවීන්ද්‍ර ඩයස්ගේ මගපෙන්වීමෙන්. අද සමාජයේ බොහෝ දෙනෙක් වෙනත් ලෙඩවලට බෙහෙත් ගත්තට අවසානයේදී ඇත්තම රෝගී තත්ත්වය මානසික රෝගයක්. එවැනි ලෙඩ රෝග ගැන මම රචනා කළා. මේ ග්‍රන්ථ සමනල ප්‍රකාශන ලෙස අද (19දා) එළිදැක්වෙනවා. මගේ ග්‍රන්ථ පහට අමතරව සුබෝධනී පෙරේරාගේ 'සතුට අහිමි මනසට පිළියම්^ හා ගයාන් සූරියආරච්චිගේ %සුව දිවියයි භෞතික චිකිත්සාවයි' ග්‍රන්ථත් එළිදක්වනවා.

Q පුවත්පත් ක්ෂේත්‍රය තුළත්, සෞඛ්‍යය සම්බන්ධ ලිපි තමයි ඔබ රචනා කරන්නේ. ඉන්පසු එය පොතක් ලෙස එළිදක්වන්න කටයුතු කළේ ඇයි?

සිරිකත පුවත්පතට සම්පාදනය කළ ලිපි මාලාවම නෙමෙයි, සමහර වැදගත් ලිපි මෙහි අන්තර්ගත වෙනවා. මම සම්පාදනය කළ ග්‍රන්ථවලට පාඨකයන්ගේ හොඳ ප්‍රතිචාර ලැබුණා. සතිපතා පළවෙන ලිපියක් වෙනුවට පොතකට ඒ ලිපි අන්තර්ගත වුණොත් එය වැදගත් කියන සිතුවිල්ල තුළ සිට තමයි මම මේ ග්‍රන්ථවලට ඒ සමහර කරුණු එකතු කළේ.

Q වෛද්‍ය ක්ෂේත්‍රය සම්බන්ධ ග්‍රන්ථවලට සිටින පාඨක පිරිස ගැන ඔබේ අදහස කෙබඳුද?

මගේ පළමු ග්‍රන්ථය මීට වසර පහකට පෙර රචනා කළේ. එය කර්තෘ ප්‍රකාශනයක් ලෙස එළිදැක්වුණේ. එයට හොඳ ප්‍රතිචාර ලැබුණා. ගැබිනි මවුවරුන්ට නොමිලේ බෙදාදෙන්න ආයතන විසින් ඒ පොත ලබාගත්තා. ඒ ගැන ඇත්තටම සතුටුයි. එහි දෙමළ පරිවර්තනයකුත් නිකුත් වුණා. ප්‍රචාරණයක් නැති  වුණත් වෛද්‍ය ග්‍රන්ථ පාඨකයන් අතර ජනප්‍රිය වෙනවා. විශේෂඥ වෛද්‍ය රුවන් ඒකනායකගේ හෘදයාබාධ යන ග්‍රන්ථය රචනා කළා. ඊට අමතරව සමේ රෝග කියන පොතත් රචනා කළා. මිනිස්සුන් තමන්ගේ සෞඛ්‍යය ගැන හිතනවා. ඒ ගැන දැනුවත් වෙන්න මිනිස්සු කැමතියි. මම වෛද්‍ය ක්ෂේත්‍රයේ පොත් රචනා කරන විට විශේෂඥ වෛද්‍යවරුන්ගේ මගපෙන්වීමක් ලබා ගන්නේ. මිනිස්සු කැමති විශේෂඥ වෛද්‍යවරයෙකුගේ උපදෙස් ලබාගන්න. ඒ නිසා මම මගේ ග්‍රන්ථවලටත්, ලිපිවලටත් එය අනුගමනය කරනවා. එයත් මේ ග්‍රන්ථ මිනිසුන් අතරට යන්න හේතුවක් බවට පත්වෙන්න ඇති.

Q ඉදිරි වැඩ කටයුතු හා මතක් කළ යුතු පිරිස ගැන කතා කළොත්?

කාර්යබහුලත්වයත් එක්ක ග්‍රන්ථ පහක් රචනා කරන අදහසක් මුලින් මට තිබුණේ නැහැ. එහෙත් නිවසේදී තමයි බොහෝ විට මේ ග්‍රන්ථ රචනා කරන්න යොමු වුණේ. මම මේ වනවිට තවත් ග්‍රන්ථ තුනක් රචනා කරමින් පවතිනවා. වසරක පමණ කාලයක සිට ලියන නවකතාවකුත් ඊට ඇතුළත්. එය ඉදිරියේදී එළිදැක්වීමට බලාපොරොත්තු වෙනවා. 

මම වාණිජ විෂයය ධාරාවෙන් ඉගෙනගත්තේ. පුවත්පත් මාධ්‍යයට යොමු වුණේ අහම්බෙන්. මගේ අක්කාගේ මහත්තයා මහාචාර්ය සුනන්ද මහේන්ද්‍ර. ඔහු තමයි මාව පුවත්පත් කලාවට යොමු කරන්න මූලික වුණේ. මම පුවත්පතට එක් වූ කාලයේ සිටි කර්තෘ එස්. සුභසිංහ මහත්තයා, සිරි රණසිංහ මහත්තයා මතක් කළ යුතුයි. ඔවුන් ගෞරවයෙන් මතක් කළ යුතුයි. ඒ වගේම මගේ මුල් ග්‍රන්ථයේ සිට ග්‍රන්ථවල කවර නිර්මාණය කළ සුදත් රත්නායකත් මතක් කළ යුතුයි.

Cover - Final New  2 - Fla Cover - Final New  New Cover - Fla Cover - Final New Cover - Skin Cover -

 

විනිවිදභාවයක් නැහැ කියලා දැනුණු නිසා සුමති සම්මාන උලෙළ වර්ජනය කරනවා

නවකතාකරුවෙක්, ගුවන් විදුලි නාට්‍ය රචකයෙක් ලෙස කටයුතු කරන සමන් එදිරිමුණි 'සිදු' ටෙලි නාට්‍යය රචනා කිරීම හරහා රූපවාහිනී මාධ්‍යයට පිවිසෙයි. එය ප්‍රේක්ෂකයන් ආදරයෙන් වැලඳ ගත් ටෙලිනාට්‍යයක් බවට පත්වෙයි. මේ වන විට 'දෙෙවනි ඉනිම' ටෙලිනාට්‍යයේ තිර රචකයා ලෙස ඉමහත් ජනාදරයට පත්ව ඇති ඔහු පිළිබඳව සුවිශේෂී කතාබහකට යොමු වීමටයි මේ සූදානම. එයට පාදක වන්නේ ඔහු මෙවර පැවැත්වීමට නියමිත සුමති සම්මාන උලෙළ වර්ජනය කිරීමයි. එහි ඇතිව තිබෙන ගැටලුකාරී තත්ත්වය සම්බන්ධයෙන් කතා කිරීමට සමන් එදිරිමුණි 'අද' හා සම්බන්ධ විය. 


මෙවර පැවැත්වීමට නියමිත සුමති සම්මාන උලෙළ වර්ජනය කිරීමට තීරණය කළේ ඇයි?

මේ වන විට ලංකාවේ ජනප්‍රියම ටෙලිනාට්‍යය මොකක්ද කියලා සවිඥානික ඕනෑම කෙනෙක් දන්න දෙයක්. නමුත් සුමති සම්මාන උලෙළේදී එතරම් මහජන ප්‍රසාදයක් නොතිබුණ ටෙලිනාට්‍යයක් අස්වාභාවික ලෙස මනාප වෙනස් වී අංක 01 බවට පත්ව තිබෙනවා.  %නෙතූ^ කියන ටෙලිනාට්‍යය මේ මස 09 වනදා වන විට තිබූ ප්‍රතිඵල අනුව 8618 මනාප ලබාගෙන තිබුණා. මේ මස 11 වනදා වන විට 8264ක් මනාප තිබුණේ. දින දෙකක් තුළ මනාප එකක් හෝ වැඩි වෙනවා වෙනුවට මනාප 354ක් අඩුවී තිබෙනවා. එහෙම මනාප අඩුවෙන්න විදිහක් නැහැනේ. එක්කෝ පැවති මනාප ප්‍රමාණයම තිබිය යුතුයි. එසේත් නැත්තම් ඒ මනාප ප්‍රමාණය වැඩි විය යුතුයි. සුමති සම්මාන උලෙළේ විනිවිදභාවය පිළිබඳ කතාබහ දිගින් දිගටම පැවතුණා. ඒ සැකය මේ තුළින් තහවුරු වුණා. වගකීම් විරහිත මනාප ගණනයක් තමයි සිදුවෙන්නේ. සුමති සම්මාන ෆේස්බුක් පිටුවේ මේ සම්බන්ධයෙන් ජනතාව චෝදනා කරන විට ඔවුන් මෙය අත්වැරදීමකින් සිදුවුණා කියලා එය නිවැරදි කිරීමක් කළා කියලා සඳහන් කළා.

මේක කාලයක් තිස්සේ පැවතගෙන එන ලංකාවේ ප්‍රධාන පෙළේ සම්මාන උලෙළක්. එවැනි උලෙළක කිසිම වගකීමක් නැතුව සංවිධායක කමිටුවක් කටයුතු කරන්නේ නැහැ. මෙහි විනිවිදභාවයක් නැහැ. මෙහි විනිවිදභාවයක් නැහැ කියලා තරයේ දැනුණු තැන තමයි මම මෙය වර්ජනය කරන්න තීරණය කළේ. මෙහි අරමුණ සම්මාන උලෙළවල් කඩාකප්පල් කිරීම නෙමෙයි. සම්මාන උලෙළවල නිර්මාණකරුවන් අගය කළ යුතුයි. එවිටයි කර්මාන්තයක් ලෙස මෙය දියුණු වෙන්නේ. සාධාරණ ක්‍රමවේදයක් නැතුව මනාප පළ කරන්න ගියාට පස්සේ කලාකරුවන් කලාකරුවන්ගේ භූමිකාවෙන් මිදී දේශපාලඥයන් සේ කටයුතු කරන්න උත්සාහ කරනවා. මේ විනිවිදභාවයක් නැති මනාප ක්‍රමය තුළ මගේ අදහස වුණේ 'දෙෙවනි ඉනිම' ටෙලිනාට්‍යය මේ සම්මාන උලෙළෙන් ඉවත් කරගත යුතුයි කියන එකයි. ඒක මගේ පෞද්ගලික මතය මිසක් 'දෙවනි ඉනිම' කණ්ඩායමේ මතය නොවන නිසා ඒක මට කළ නොහැකියි. ඒ නිසා මට කළ හැක්කේ පෞද්ගලිකව මේ උලෙළ වර්ජනය කිරීම පමණයි. ජනප්‍රියම නළුවා තේරීමේ තරගයේදී පවා මේ දිනවල ටෙලිනාට්‍යයක් විකාශනය වෙන්නෙත් නැති නළුවන් ප්‍රමුඛ ස්ථානවලට ඇවිත් තිබෙනවා. ජනප්‍රිය ගණයේ ලා සැලකෙනවා නම් ඔහු මේ දිනවල ටෙලිනාට්‍යවල සිටිය යුතුයි.

මිනිසුන් අතර කතාබහ විය යුතුයි. නිර්මාණකරුවෙක් ලෙස මම මහජන මතයට ඇහුම්කන් දෙනවා. සුමති සම්මාන උලෙළ ගැන මහජනයා දක්වන අදහස්වලින් සියයට 98ක් පමණම තිබෙන්නේ මෙහි විනිවිදභාවය ප්‍රශ්න කරපු ඒවා. මෙහි ප්‍රතිඵල තුළින් මහජන මතය නෙමෙයි නියෝජනය වෙන්නේ කියන කාරණය මට තේරුණා. මෙවැනි සැක සහිත සම්මාන උලෙළක මම ලියන ටෙලිනාට්‍යය ජනප්‍රියම ටෙලිනාට්‍යය බවට පත්වුණත් ඒ සම්මානය ලබාගන්න හිරිකිතයක් තිබෙනවා. 'දෙවනි ඉනිම' අංක 1 වෙන්නත් පුළුවන් නොවෙන්නත් පුළුවන්. අංක 1 නොවී මෙය කිව්වොත් සම්මාන නොලැබුණ නිසා කියනවා කියල සඳහන් කරයි. ඒ නිසා තමයි මම මෙය සම්මාන උලෙළට කලින් කියලා ඉවත් වුණේ.

1 (1)

මේ පවතින මනාප ක්‍රමවේදය එක්ක විනිවිදභාවය ප්‍රශ්නයක් නම් මේ මනාප ලබාගන්නා ක්‍රමවේදය ගැන නැවත සිතිය යුතු වෙනවා නේද?

එය පැහැදිලියි. ස්ලිම් නෙල්සන් සම්මාන උලෙළ මම ඉතා අගය කරන සම්මාන උලෙළක්. ඔවුන් මහජන අදහස් විමසනවා. නමුත් රයිගම් සම්මාන උලෙළත්, සුමති සම්මාන උලෙළත් ඒ වගේම ලංකාවේ තිබෙන රියලිටි වැඩසටහන්වල ක්‍රමයත් ගැන හිතන්න වෙනවා. මම විරුද්ධ මේ එස්.එම්.එස් ක්‍රමයටයි. මෙය වෙළෙඳ පොළේ තිබෙන වැඩක්. එක් දුරකථනයකින් කැමති ප්‍රමාණයක් එස්.එම්.එස් එවන්න පුළුවන්. මෙය කලාකරුවන්ට කරන බරපතළ අසාධාරණයක්. දුප්පත් දක්ෂ කලාකරුවන් ඉන්නවා. ඔවුන්ට ලක්ෂ ගණන් එස්.එම්.එස් එවන්න මුදල් නැහැ. සාමාන්‍යයෙන් එස්.එම්.එස් එකකට ශත 37ක් වැනි මුදලක් තමයි අය වෙන්නේ. මෙවැනි මනාපයකට රුපියල් 3යි ශත 70ක් විතර අය කෙරෙනවා.

ලක්ෂයක් එස්.එම්.එස් ගන්න නම් ලක්ෂ තුනක් වත් අවශ්‍යයි. එහෙම මුදල් වියදම් කරලා සම්මාන ගන්න පුළුවන් අවස්ථාවක් දුප්පත් දක්ෂ කලාකරුවන්ට නැහැ. දුප්පත් දක්ෂ කලාකරුවන් සම්මානයට පාත්‍ර නොවීම තුළ කලකිරීමට ලක්ෙවනවා. සමස්ත කලාවේ උන්නතිය උදෙසා මේ මනාප ක්‍රමය එක දුරකථනයකින් එක මනාපයක් පළ කළ හැකි වන සේ නිවැරදිව සැකසිය යුතුයි. රයිගම් හිදිත් මම එය දැක්කා. මම ඒ මොහොතේ සහභාගි වුණා. යූටියුබ් තුළින් සාමාන්‍ය ජන විඥානය හැසිරෙන විදිහ බලාගන්න පුළුවන්. නමුත් මම එම සම්මාන උලෙළින් පසු තීරණයක් ගත්තා මේ මනාප ක්‍රමවේදයම පැවතුණොත් ඒ කිසිම සම්මාන උලෙළකට සහභාගි වෙන්නෙ නැහැ කියලා. මම සහභාගි නොවුණා කියල සම්මාන උලෙළවල් නතර වෙන්නේ නැහැ. මගේ හෘදසාක්ෂියට එකඟව මම වැඩ කරනවා.

රයිගම් සම්මාන උලෙළේදිත් 'දෙෙවනි ඉනිම' ටෙලිනාට්‍යය ජනප්‍රියම ටෙලිනාට්‍යය බවට පත්වීමේදී ගැටලුවක් මතු වුණා නේද?

සම්මාන උලෙළක් පටන් ගන්න පෙර සම්මාන උලෙළේ නීතිරීති හඳුන්වාදිය යුතුයි. සුමති, රයිගම් සම්මාන උලෙළ ද්විත්වයේදීම මෙය මුලින් සඳහන්ව තිබුණා. මුලින් සඳහන් කළේ අක්‍රමිකතාවක් සිදුවන දෙයක් නම් අපට එයට එකඟ විය නොහැකියි. මගේ මතය නම් රයිගම් සම්මාන උලෙළේදී පවා ජනප්‍රියත්වය මිනුම් කළේ මේ ක්‍රමවේදයෙන්ම තමයි. එහි ප්‍රතිඵල ගැනත් කතාබහක් ඇති වුණා. රයිගම් සම්මාන උලෙළේ අංක 1ට 'දෙවනි ඉනිමත්' දෙකට 'සිදූ' ටෙලිනාට්‍යයත් තේරී පත්වුණා. ඒ වන විට සාමාන්‍ය සමාජයට බැහැල බැලුව නම් මේ ටෙලිනාට්‍ය දෙකම තමයි ඉහළින්ම තිබෙන්නේ. තවත් හොඳ ටෙලිනාට්‍ය විකාශය වෙනවා. මේ ටෙලිනාට්‍යවලට ආදරය කරන මිනිසුන් එස්.එම්.එස් පළ කරනවා. ඒ එස්.එම්.එස් අවංකයි. මෙහෙම තත්ත්වයකදී ඒවටවත් වටිනාකමක් ලැබෙන්නේ නැහැ.

ඔබ සම්මාන උලෙළ ගැන මේ තරම් කතා කරන්නේ සම්මාන බලාගෙනම නිර්මාණ කරන නිසාද?

එහෙම ආසාවෙන් ඉන්නවා නම් මේ වෙලාවේ කළ හැකි හොඳම දේ නිහඬව සිටීම. සුමති සම්මාන උලෙළේ මේ මොහොතෙත් %දෙවනි ඉනිම^ තමයි පළමුවෙනි ස්ථානයේ තිබෙන්නේ. මමයි ඒක රචනා කරන්නේ. රයිගම් සම්මාන උලෙළේ ජනප්‍රියම ටෙලිනාට්‍යය ලිව්වෙත් මම. ස්ලිම් නෙල්සන් ජනතා සම්මානය ලැබූ ටෙලිනාට්‍යය ලිව්වෙත් මම. මෙහෙම සම්මාන ලබාගත් මම තමයි මේ කතා කරන්නේ. සම්මාන ලැබෙන නිසා නිහඬව ඉන්න පුළුවන්. ඒක හරිනෑ. මේ වෙනුවෙන් කතා කරද්දි නාට්‍යයට අකටයුතුකම් සිදුවෙනවා. මෙහෙම  කතා කරනකොට කෙසේවත් සම්මාන හිමිවෙන්නෙ නෑ. මම නිතර වැඩ කරන්නේ මිනිසුන්ගේ කැමැත්තත් එක්ක. ලියන දේ ලියන්නේ මිනිසුන්ගේ ආදරය එක්ක. මට සම්මාන ඕන නෑ.

නමුත් කලාකරුවෙක්ට සම්මානයක් දෙනවා නම් ඒ සම්මානය අභිමානවත් සම්මානයක් බවට පත්වෙන්න ඕන. මම මෙහෙම කතා කරනකොට කෙනෙක් කියන්න පුළුවන් මම සම්මාන වෙනුවෙන් කතා කරන්නේ කියල. ඒත් ලබන සම්මාන උලෙළෙදිවත් මේ ගැන හිතලා ඒ තත්ත්වය උදා නොවෙන්න කටයුතු කරයි කියලා බලාපොරොත්තු වෙනවා. 

1 (6)

 

විවාහ යෝජනා එද්දී අම්මගේ හිතේ දුකක් තියෙනවා කියලා මට දැනෙනවා

විනු උදානි සිරිවර්ධන මේ දිනවල පුංචි තිරයේ නිතරම දකින්න ලැබෙන චරිතයක්. තාරුණ්‍යයේ ආදරණීය රංගන ශිල්පිනියක වන ඇය මේ දිනවල තරමක් කාර්යබහුල චරිතයක් බවට පත්ව තිබෙනවා. මෙවර 'අද' තරු කතාබහ වෙන් වන්නේ ඇයටයි. 


Q මේ දිනවල කොහොමද කාලය ගෙවෙන්නේ?

මේ ටිකේ ටිකක් කාර්යබහුල කමක් තියෙනවා. 'රතු පිච්ච' ටෙලි නාට්‍යයේ රූගත කිරීම් සිදු කෙරෙනවා. මම ගොඩක් කාර්යබහුල වුණේ 'රතු පිච්ච', 'දෙව්ලියේ' යන ටෙලිනාට්‍යවල රූගත කිරීම් නිසයි. නමුත් දැන් 'දෙව්ලියේ' ටෙලිනාට්‍යයේ වැඩකටයුතු අවසන් කරලා ඉවරයි. ඊට අමතරව ලැබුණ ආරාධනා කිහිපයකුත් භාර ගත්තා. මේ දිනවල විකාශය වන 'මිල්ලෑව වලව්ව' ටෙලිනාට්‍යයේ් චරිතයකටත් ඉදිරියේදී දායක වෙනවා. ඊට අමතරව චිත්‍රපටයක රූගත කිරීම් ආරම්භ කරලා තියෙනවා. 

Q මොකක්ද ඒ චිත්‍රපටය?

ඒ චිත්‍රපටය සඳරුවන් ජයවික්‍රම මහත්මයා තමයි අධ්‍යක්ෂණය කරන්නේ. මීට මාසයකට පමණ පෙර තමයි එහි රූගත කිරීම් පටන් ගත්තේ. නමුත් අයහපත් කාලගුණයත් සමග එහි රූගත කිරීම් කටයුතු නවතා තිබෙනවා. එහි ප්‍රධාන චරිතවලට දායක වෙන්නේ හේමාල් රණසිංහ, ආශා එදිරිසිංහ සහ මමයි. 

Q 'රතු පිච්ච' ටෙලිනාට්‍යයේදී ඔබ අලුත් අත්දැකීමකට මුහුණ දෙනවා නේද?

මම ද්විත්ව චරිත නිරූපණයක නියැළෙන ප්‍රථම අවස්ථාව. එහි චරිත දෙක වන්නේ එකක් සිංහල චරිතයක්, අනික දමිළ චරිතයක්.  නිවුන් සහෝදරියන් දෙදෙනෙකුගේ චරිත තමයි මම රඟපාන්නේ. දමිළ ටෙලිනාට්‍යයක මම මීට පෙර රඟපාලා තිබුණා. නමුත් විකාශය වූ ටෙලිනාට්‍යයත් එක්ක දමිළ චරිතයකට  මම දායක වන පළමු චරිතය තමයි 'රතු පිච්ච' හි මායා කියන්නේ. ඉතිං ඒකටත් හුඟක් හොඳ ප්‍රතිචාර ලැබුණා.

VI3A3761

Q ඔබට දමිළ  භාෂාව කතා කිරීමේ හැකියාව තියෙනවාද?

පාසල් ගිය කාලේ ඉගෙනගත් නිසා සාමාන්‍ය‘යෙන් වචන කිහිපයක් කතා කරන්න පුළුවන්. ටෙලිනාට්‍යයක දමිළ චරිතයක් කරද්දී නුපුරුදු ගතියක් පේන්නට බැහැනේ. ඒකට අවශ්‍ය කරන පසුබිම ඒ පහසුව ලබා දුන්නේ දර්ශන් ධර්මරාජ් මහතායි. ඔහු තමයි එහි මගේ අයියා විදියට පෙනී සිටියේ. එහි අම්මා තාත්තා ලෙස සිටිය අය දමිළ අයමයි. ඒ ගොල්ලොන්ගෙන් ලොකු සහයෝගයක් ලැබුණා. ඒ විදියට තමයි චරිතය ගොඩනගා ගත්තේ. 

Q සිනමාවට අවම වශයෙන් දායක වෙන්නේ, සිනමාවට කැමැත්තක් නැද්ද?

වැඩිපුර කැමැත්ත තියෙන්නේ සිනමාවට. නමුත් හොඳ නිර්මාණ පිළිබඳව තමයි වැඩි බරක් තියෙන්නේ. ඉතිං හොඳ නිර්මාණයක් ලැබෙන කල් කියලා බලාගෙන ඉන්න හින්දා කියලා තමයි චුට්ටක් ටෙලිනාට්‍යවලට වඩා අඩුවෙන් චිත්‍රපට සඳහා දායකත්වය ලබා දෙන්නේ. සිනමා නිර්මාණ ටෙලිනාට්‍ය තරම් දීර්ඝ විදියටම නිර්මාණය වෙන්නේ නැහැ. කිසියම් වටිනාකමක් තියෙන හොඳ විදියක නිර්මාණයක් තමයි බලාපොරොත්තු වෙන්නේ. පසුගිය කාලය බලද්දි හැම වර්ෂයකදීම එක සිනමා නිර්මාණයකට වශයෙන් දායකත්වය ලබාදී තිබුණා. 

Q හොඳ නිර්මාණ පමණක් කියලා ඔබ අදහස් කරන්නේ කුමක්ද?

හොඳ නිර්මාණ කියලා මම අදහස් කළේ මට ගැළපෙන කියන එක. චරිත නිරූපණයත් සමග මම තෝරා ගැනීමක් කරනවා. ඊට අමතරව කතා තේමාව පිළිබඳව ගැලපීම් හා නොගැළපීම් තිබෙනවා. ඉතිං ඒ දේවල් එක්ක ගත්තාම තමයි පොඩ්ඩක් තෝරා ගැනීම් කරන්න වෙන්නේ. 

Q ඒකාකාරී චරිතවලට කොටුවෙලාද රංගනයට දායක වෙන්නෙ?

රංගනයේදී  යම් කිසි සීමා මායිම් තිබුණත් ඒකාකාරී චරිත මම බලාපොරොත්තු වෙන්නේ නැහැ. මේ දිනවල විකාශය වන %දෙව්ලියේ^, %සීරජ^, %රතු පිච්ච^ කියන ටෙලිනාට්‍ය ගත්තාම ඒ සියල්ලේම චරිත එකිනෙකට වෙනස්. ඒවගේ මමත් බලන්නේ අලුත් දෙයක් නිර්මාණය වෙනුවෙන් මගේ දායකත්වය ලබාදෙන්නයි. 

Q මේ දක්වා ඔබ රංගනයෙන් දායක වූ වැඩ කටයුතු පිළිබඳව ඔබ තෘප්තිමත්ද?

අපි ඉදිරිපත් කළාට වඩා යමක් නිර්මාණ හරහා බලාපොරොත්තු වන්නට පුළුවන්. හොඳ නිර්මාණයක් කරද්දී ගොඩක් අයට මුදල් පිළිබඳ ගැටලු මතුවෙනවා. ඒ කියන්නේ සමස්තයක් විදියට සම්පූර්ණ නිර්මාණය සඳහා වියදම් කරන මුදල මත තමයි ගොඩක් දේවල් තීරණය වෙන්නේ. ඒ නිසා තමයි හොඳ නිර්මාණවල අඩුවක් දක්නට ලැබෙන්නේ. හොඳ නිර්මාණයක් කරනකොට, හොඳ චරිත තෝරා බේරාගන්නකොට ඒ චරිතවලට දායකවන පුද්ගලයන්ට සාධාරණයක් කරන්නට ඕන. ඒ නිර්මාණ හා පසුතල නිර්මාණයන් සඳහා යම් කිසි වියදමක් දරන්නට වෙනවා. ඒ හැමදෙයක් ගැනම බලද්දී මම හිතන්නේ සමහර දේවල්වලට අඩුකමක් වෙන්නේ ඒක. ඒ අතරේ හොඳ අධ්‍යක්ෂකවරුන් යටතේ හොඳ නිර්මාණත් බිහිවෙනවා.

VI3A3764

Q අද ලංකාවේ ගොඩක් පුවත් හුවමාරුව සිදුවෙන්නේ සමාජ මාධ්‍ය හරහායි. මේ පිළිබඳ ඔබේ අදහස?

ඇත්තටම මම කාලයක් නිහඬව හිටියා කිසිම තොරතුරක් දෙන්නේ නැතිව. ඒ කියන්නේ රංගනය හෝ පෞද්ගලික තොරතුරක් හෝ මම එළියට දුන්නේ නැහැ. ගොඩක් විට සමාජ මාධ්‍ය හා වෙබ් අඩවිවලින් දකින්නේ ඒ දේවල් විකෘති කර පළවීමක්. මෑත කාලයේදී මම පුවත්පත් සඳහා අදහස් දක්වා තිබුණා ඒ දේවල් නිවැරදි වෙයි කියන විශ්වාසයෙන්. ඒ වගේම මම සජීවී දේවල්වලට වඩා පළවන දේවල් පිළිබඳව විශ්වාස කරන කෙනෙක් නෙවෙයි. දෙයක් ඇහෙන් දකින්නේ නැතිව කෙනෙක් කියපු පළියට විශ්වාස කරන්න බැහැ. නමුත් සමාජ වෙබ් අඩවිවල සමහර වෙලාවට දකින දේවල් ඈතින් දැකලා විශ්වාස කරන්න වුණත් අපහසු තත්ත්වයන්ට පත්වෙනවා. ඉතිං මම හිතන්නේ මට කලාකාරිනියක විදියට ඕනෑම ක්ෂේත්‍රයක ඉන්න කෙනෙක්ගේ අගය කිරීමක් කරන්න පුළුවන් නම් සමාජ මාධ්‍යයන්ට යහපත් පැත්තක් තියෙයි කියලා.

Q මෙපමණ කාලයක් ක්ෂේත්‍රයේ ඉඳලත් තවමත් අපි දන්නේ නැහැ ඔබ පෙම්වතියක්ද කියන එක? ඒ සඳහා තවමත් කාලය තියෙනවාද?

මම හිතන්නේ ඒ සඳහා තවමත් කාලය තියෙනවා කියලයි. ආදරය කියන දෙය ඇත්තටම මම කැමති දෙයක්. මේ වනවිට ප්‍රේක්ෂක ආදරය නම් මට කොහොමත් නොඅඩුව ලැබෙනවා. ඒ අතරේ විශේෂ ආදරයක් හා විවාහය පිළිබඳව තවමත් කල් තියෙනවා කියලා ඉන්නවා.

Q පෙළවහක් වෙන්න ඕන කාලය හරි කියලා අම්මලා කියන්නේ නැද්ද?

එහෙම දැන් කියන්නේ නැහැ. විවාහ යෝජනා එද්දී අම්මගේ හිතේ දුකක් තියෙනවා කියලා මට දැනෙනවා. ඒ මම එයාලගෙන් ඈත්වෙයිද කියලා. හැබැයි ඉතිං මම දකින විදියට එයාලගෙත් ලොකු හදිස්සියක් නැහැ ඒ සඳහා.

Q අම්මලා විනූව ඈත්කරලා වෙන කෙනෙකුට දෙන්න අකමැතිද?

එහෙම එකකුත් තියෙනවා. අම්මලාගේ කාලෙ ගත්තාම අපේ අම්මාත් විවාහ වෙලා තිබුණේ අවුරුදු 29දී විතර. සමහරවිට මටත් ඒ වෙනකම් ඉන්න වෙයිද දන්නේ නැහැ. 

Q ඒ කියන්නේ තව අවුරුදු ගාණක් බලන් ඉන්න වෙයිද?

ඔව්. අවුරුදු ගාණක් ඉන්න වෙයි.

VI3A3758

Q ප්‍රේක්ෂකයන්ට කියන්න තියෙන්නේ මොකක්ද?

ප්‍රේක්ෂකයන් හැමදාම මගෙ නිර්මාණවලට සහ මට ආදරය කළා. හැමදාම වගේම අදත් මම මගේ ප්‍රේක්ෂකයන්ට ගොඩක් කැමතියි. මම ඕනෙම වෙලාව ඒ අයත් එක්ක කතා කරන්න කැමතියි. එයාලට හැමදාම ඒ විදියටම මාත් එක්ක ඉන්න කියලා ආරාධනා කරනවා. 

Q ඉදිරි බලාපොරොත්තු?

හොඳ නිර්මාණවලින් ඉදිරියේදී දායක්වය දෙන්න බලාපොරොත්තුවක් තියෙනවා. ඒත් එක්කම විශේෂ මම විලාසිතා පැත්තට කැමැත්තක් හා නැඹුරුවක් තියෙන නිසා ඇඳුම් නිර්මාණය හා විලාසිතා පිළිබඳව මගේ නිර්මාණයන් විදියට දෙයක් කරන්න ඕන කියල අදහසකුත් තියෙනවා. 

Q රංගන ශිල්පිනියක් වගේම ඉදිරියේදී ව්‍යාපාරික කාන්තාවක් වෙයි කියලද විනූ කියන්නේ?

ව්‍යාපාරිකාවක වගේම මගේ හැකියාවට ඉඩක් දෙන්න ඕන කියලා පෞද්ගලිකව මට හිතිලා තියෙනවා. 

ඡායාරූප – කවීත් මිලින්ද

නිරුවත නිසා රූපවාහිනිය තහනම් වූ ‘කරිෂ්මා’

ඉන්දියානු පුවත් අඩවි මේ දිනවල උණුසුම් පුවතක් වාර්තා කරනු ලබයි. ඒ 2011 වර්ෂයේදී ඉන්දියාවේ ආන්දෝලනයට ලක්වූ චිත්‍රපටයක තෙවැනි කොටස එළිදැක්වීමේ පුවතක් ප්‍රචාරය වීමත් සමගිනි. මේ කාරණාව හේතුවෙන් මේ දිනවල ඉන්දියානු පුවත් මේ පිළිබඳව වාර්තා කරනු ලබන්නේ ඉතාමත් නොඉවසිල්ලෙනි. සරාගී දර්ශන බොහෝමයක් අඩංගු මෙම චිත්‍රපටයේ ඇතැම් දර්ශන බොහෝවිට තහනම් කිරීමට හැකියාවක් ඇති බවද සඳහන් වෙයි. වැඩිහිටියන්ට වඩාත් සුදුසුයි යන ලේබලය ඔස්සේ තිරගත වූ 'රාගිනී එම්එම් එස් 1' සහ '2' මෙන්ම, තෙවැන්න වූ 'රාගිනී එම්එම්එස් රිටන්ස්' චිත්‍රපටයත් එම ලේබලය යටතේම තිරගත වීමට සුදුසු බවයි සඳහන් වන්නේ.

20213913_481350922224892_8425568237986512896_n

මෙහි දෙවැනි චිත්‍රපටය තිරගත කරනු ලැබුවේ 2014 දීය. තෙවැන්න වූ %රාගිනී එම්එම්එස් රිටන්ස්^ චිත්‍රපටය අද්භූත චිත්‍රපටයක් ලෙසද හඳුන්වනු ලබයි. මෙහි තවත් කරුණක් වන්නේ, පළමු සහ දෙවැනි චිත්‍රපටයන්ට සාපේක්ෂව මෙම චිත්‍රපටයේ සරාගී දර්ශනයන් වැඩි බවට ඉඟි පළකර තිබීමයි. මෙහි ප්‍රධාන චරිතයට පණ පොවන නිළිය පිළිබඳව බොහෝ දෙනාගේ අවධානය මේ සමග යොමුව තිබේ. 23 වැනි වියේ පසුවන 'කරිෂ්මා ශර්මා' ඉන්දියානු සරාගී නිළියක් ලෙසයි බොහෝදෙනා හඳුන්වන්නේ. 'රාගිනී එම්එම්එස් රිටන්ස්' චිත්‍රපටය ඇය රංගනයෙන් දායක වන දෙවැනි චිත්‍රපටය වෙයි. 

ඉන්දියානු නිරූපිකාවක් වුවත්, ඇය බොහෝ ප්‍රසිද්ධියක් ලබා ඇත්තේ බිකිනි ඡායාරූප සඳහාය. කරිෂ්මා බොහෝ වෙළෙඳ දැන්වීම් සහ ප්‍රචාරක වැඩකටයුතු වලට දායක කර ගැනීමේ මූලික අරමුණ වන්නේ අඩනිරුවතින් සැරසී සිටීම ඇයට සාමාන්‍ය දෙයක් වීම නිසාවෙනි. ඉන්දියානු බොහෝ නිරූපිකාවන් අඩනිරුවත් දර්ශන සඳහා මැලිකමක් දක්වන බැවින් කරිෂ්මාට මහඟු අවස්ථාවන් උදාවේ.

18013296_1497032800330220_4191481742630060032_n

ඇයව ප්‍රසිද්ධියට පත්වූයේ ඉන්දියානු කතාමාලාවක් වන 'යේ හේ මොහබ්බතින්' හි රයිනාගේ චරිතය ඔස්සේය. ඉන්පසු ඇය තවත් රූපවාහිනී කතාමාලාවන් 08ක් සඳහා දායක විය. ඇයගේ මෙම නවතම චිත්‍රපටය හේතුවෙන් ඇයව ටෙලි නිර්මාණ තුළින් ප්‍රතික්ෂේප වීමට බොහෝ ඉඩකඩ ඇති බව ඉන්දියානු මාධ්‍ය සඳහන් කරයි. කෙසේවුවත් මේ කාරණා හේතුවෙන් කරිෂ්මාගේ රංගන ජීවිතයට යම්කිසි හානියක් සිදුවනු ඇති බවද බොහෝදෙනා පවසයි. 'රාගිනී එම්එම්එස් රිටන්ස්' තුළින් ජනප්‍රියත්වයට පත්වුවත් ඇයගේ සිනමා දිවියට එය කෙසේ බලපාවිද යන්න පිළිබඳ බොහෝදෙනෙකු විමසිලිමත් වන බව සඳහන් වේ.

1

 

හෙළයේ මහා සිනමාකරු – ආචාර්ය ලෙස්ටර් ඇගයීමේ උලෙළක්

මෙරට මුල්කාලීන චිත්‍රපට අධ්‍යක්ෂවරුන් ඇගයීමේ උපහාර උලෙළක්  පැවැත්වීමට රජයේ ප්‍රවෘත්ති දෙපාර්තමේන්තුව කටයුතු සංවිධානය කර තිබේ.

හෙළයේ මහා සිනමාකරු ආචාර්ය ලෙස්ටර් ජේම්ස් පීරිස් , සුගතපාල සෙනරත් යාපා , තිස්ස ලියනසූරිය , කීර්ති ශ්‍රී පෙරේරා යන සිනමාවේදීන්ට මෙහිදී උපහාර පිදීමට නියමිතය.

මෙම මස 18 දා ප.ව 6.00 ට රජයේ ප්‍රවෘත්ති දෙපාර්තමේන්තු ශ්‍රවණාගාරයේදී පැවැත්වීමට සූදානම් කර ඇති මෙම උලෙළේදී රජයේ චිත්‍රපට අංශය මගින් නිෂ්පාදනය කරන ලද සම්මානනීය වාර්තා චිත්‍රපට ඇතුළු වාර්තා චිත්‍රපට ඩිජිටල්කරණය කර සංරක්ෂණය කිරීමට ජාතික ලේඛනාරක්ෂක දෙපාර්තමේන්තුවට භාරදීමට ද නියමිතය 

පොතකින් දරුවෙකුට ලැබෙන දේ අතිවිශිෂ්ටයි කියලයි මට හිතෙන්නේ

මාධ්‍ය කේෂත්‍රයට යොමු වී හයමසක් ගත වනවිට ( 2003) ඇය ශ්‍රී ලංකා කර්තෘ සංසදයෙන් පිරිනැමූ වසරේ විශිෂ්ටතම මාධ්‍යවේදිනියට හිමි සම්මානය ලබාගන්නීය. 2004දී වසරේ දක්ෂතම ව්‍යාපාරික මාධ්‍යවේදිනිය ලෙසත්, සමාජ ප්‍රශ්න වාර්තා කිරීම සම්බන්ධයෙන් සුබ්‍රමනියම් ෂෙට්ටියාර් සම්මානයත් හිමිකර ගන්නීය. මේ වනවිට ග්‍රන්ථ කිහිපයක්ම රචනා කර ඇති ඇයගේ නවතම ළමා ග්‍රන්ථය වන්නේ 'නිල් ගප්පි අම්මාගේ අපූරු පාඩම' ළමා ග්‍රන්ථයයි. ඇය අසුන්තා එදිරිසූරියයි. මේ ඒ ග්‍රන්ථය හා ඇගේ අනෙකුත් ග්‍රන්ථයන් ගැන කෙටි සංවාද සටහනකි.



අලුතින්ම එළිදක්වන ග්‍රන්ථය ගැන මුලින්ම අපි කතා කරමු?

මගේ අලුත්ම ග්‍රන්ථය තමයි 'නිල් ගප්පි අම්මාගේ අපුරු පාඩම' කියන්නේ. මෙය ළමා ග්‍රන්ථයක්. පුංචි දරුවන් මාළුවන්ට දැඩි කැමැත්තක් දක්වන නිසාම ගප්පියෙක් වටා මේ කතාව ගොඩනගන්න ඕන කියලා හිතුණා. කේන්තිය නැති කරන පුංචි ව්‍යායාමයක් ගැන තමයි පොතේ කියවෙන්නේ. මෙහි චිත්‍ර නිර්මාණය කළේ ගුණදාස ශ්‍රී අලවත්තගේ මහතා. ජ්‍යෙෂ්ඨයෙක් මම වැනි ආධුනිකයෙක්ගේ පොතක චිත්‍ර අඳින්න භාරගත්ත එක ගැන ස්තුතිවන්ත වෙනවා. නිල් ගප්පි පවුලක් වටා තමයි මේ කතාව ගෙතෙන්නේ. මෙය මගේ දහ වෙනි ග්‍රන්ථය. ළමා පොත් වලින් හතර වෙනි ග්‍රන්ථය තමයි මෙය.

ළමා ග්‍රන්ථ රචනා කරද්දී ළමා මනස එක්ක තමයි වැඩි වශයෙන් ගනුදෙනු කරන්න සිද්ධවෙන්නේ. මේ අභියෝගයට කොයි විදිහටද මුහුණ දුන්නේ?

මම උපදේශනය විෂයයක් ලෙස හදාරපු කෙනෙක් නිසා මතුපිටින් දරුවෙක්ව දකිනවට වඩා ඔවුන්ගේ මනාසිකත්වය ගැඹුරින් බලන්න මට හැකියාව ලැබුණා. යහපත් පරපුරක් බිහිකරන්න නම් දරුවෙකුගෙන් තමයි පටන්ගන්න ඕන කියලා මට හිතුණා. මම දරුවන් දෙදෙනෙකුගේ මවක්. දරුවන් සමග සිටින විට මම ලියපු කතා මුලින්ම කිව්වේ මගේ අවුරුදු පහක් වයසැති දුවට. මේ පොත හොඳද නැද්ද කියන එක මුලින්ම අධ්‍යයනය කළේ චූටි දුවගෙන්. යහපත් දරුවෙක් නිර්මාණය කරන්න මම අද වෙහෙසෙනවා කියන්නේ අනාගතයේදී යහපත් පුරවැසියෙක් සමාජයට දායාද කරන්න අත්වැලක් සපයනවා කියන එක. මම ආයුර්වේද පොත් කළා, බෞද්ධ පොත් කළා. ඒ අතරේ ළමා පොත් කරන්න පටන් ගත්තා එකෙන් මම හිතනවා අනාගතයේදී කිසියම් දෙයක් කරන්න මේ හරහා පුළුවන් වේවි කියලා.

මීට පෙර ඔබ  ළමා ග්‍රන්ථ තුනක් රචනා කරනවා. ඒ ග්‍රන්ථ එක්ක බලනකොට මෙම ග්‍රන්ථය විශේෂ වෙන්නේ කොහොමද?

මගේ පළමු පොත %රනාගේ මල්වත්ත^ කියන පොත. දෙවැනි පොත 'උදව්ව' හා තුන්වන පොත %ඊසාගෙන් තෑග්ගක්^. ඒ හැම පොතකින්ම පුංචි පුංචි පණිවුඩ දුන්නේ. බෙදාහදා ගැනීම, සහයෝගයෙන් වැඩකටයුතු කිරීම, අනෙකා ගැන සිතීම වැනි දේවල් තිබුණේ. %නිල් ගප්පි අම්මාගේ අපූරු පාඩම^ කියන පොත කේන්තිය පාලනය කරගන්න විදිහ ගැන කියා දෙනවා. තරගකාරී සමාජයක අපි දුවන්නේ. පුංචි දරුවන්ටත් කේන්තිය, මානසික ආතතිය වැඩිපුර තිබෙනවා. ඒ කේන්තිය නැති කරගන්න ක්‍රමයක් තමයි මෙහි පවතින්නේ. චිත්‍රත් එක්ක පොත බලද්දී ඒ ගැන සතුටුයි. එහි වෙනසක් තිබෙනවා.

කර්තෘ ප්‍රකාශන ලෙස තමයි බොහෝ විට ළමා ග්‍රන්ථ නිකුත් වෙන්නේ. ප්‍රකාශන ආයතන වල ළමා පොත් වලට ඒ තරම් ඉඩක් නැද්ද?

මෙම පොත සුසර ප්‍රකාශන ලෙස සිදුකරන්නේ. මේ මොහොතේ එහි හිමිකරු කපිල වික්‍රමසිංහට කෘතඥතාව පුද කරනවා. මීට පෙර සිදුකළ පොත් කර්තෘ ප්‍රකාශන ලෙස සිදුකළේ. ළමා පොතක් අනෙක් පොත්වලට වඩා ලොකු වෙහෙසක් දරා රචනා කරන්නේ. නමුත් වාණිජ ලෝකයේදී ළමා පොත් මුද්‍රණය කරන්න ප්‍රකාශන ආයතන කැමති නැහැ. හොඳ ළමා පොතක් කළත් ප්‍රතික්ෂේප කරනවා. බොහෝ ආයතන වලට ඒ සඳහා තිබෙන ඉඩ සීමිතයි.

මීට පරිබාහිරව ඔබ පොත් හයක් රචනා කරනවා. ඒ ගැන සඳහන් කළොත්?

පළමු ග්‍රන්ථය 'අභිමන් ලියපොත'. එය දිරිය කාන්තාවන් ගැන ලියවුණ පොතක්. 'දිවි සුරකින හෙළ ඔසු' නමින් ආයුර්වේද ග්‍රන්ථයක් නිකුත් කළා. 'රුව රකින ආයුර්වේද රහස්' නමින් පොතක් නිකුත් කළා. පසුව බෞද්ධ පොත් කළා. ඉදිරියේදී වෛද්‍ය පොතක් සාහිත්‍ය මාසය වෙනුවෙන් නිකුත් කරනවා.

Untitled-2

තාක්ෂණයත් එක්ක තමයි  මේ මොහොත වනවිට  බොහෝ දරුවන් බද්ධ වී සිටින්නේ?

මිනිසාගේ පියා දරුවාය කියලා මනෝ විද්‍යාවේදී සඳහන් කරනවා. අද රට තාක්ෂණයෙන් දියුණු තත්ත්වයක තිබෙන්නේ. තාක්ෂණික මෙවලම් දරුවන්ට ඕන තරම් තිබෙනවා. ආහාරපාන, ඇඳුම් පැලඳුම් දෙනවා වගේම ඔවුන්ගේ ආධ්‍යාත්මික යහපත්කමක් හදන්න නම් උපයෝගී වෙන්නේ පොතක්. පොතකින් දරුවෙකුට ලැබෙන දේ අතිවිශිෂ්ටයි කියලයි මට හිතෙන්නේ. ඒ නිසා මම හොඳ පොතක් නිර්මාණය කරලා සමාජයට දුන්නොත් ඉන් යහපත් පරපුරක් දායාද වෙයි කියලා මට හිතෙනවා.

 

ප්‍රකාශන ආයතනය පවත්වාගෙන යන්න නෙමෙයි අපි පොත් නිකුත් කරන්නේ

ජනප්‍රිය සාහිත්‍යවේදනියක සහ මාධ්‍ය‍ෙව්දිනයක වන චන්දි කොඩිකාර මේ වන විට නවකතා සියයකට වැඩි ප්‍රමාණයක් රචනා කර ඇති ඇයගේ  අලුත්ම නවකතාව වන 'තාරානාථ' පිළිබඳ කතාබහ කිරීමට 'අද' සමග මෙලෙස එක්විය.


Q 'තාරානාථ' නවකතාව ලියන්න සංකල්පය ඇතිවෙන්නේ කොහොමද කියල මුලින්ම කතා කළොත්?

වරක් මම පෞද්ගලික පාසලක පැවති උත්සවයකට සහභාගි වුණා. එහි අධ්‍යක්ෂිකාව බොහෝ චාම් සුන්දර කාන්තාවක්. ඇය නිහතමානියි. කාන්තාවක් ව්‍යාපාරයක් පවත්වාගෙන යනවා කියන්නෙ එතරම් පහසු කටයුත්තක් නෙමෙයි. එහෙම වුණත් මේ කන්තාව ඉතාම දක්ෂ අයුරින් මේ ව්‍යාපාරය පවත්වාගෙන යනවා. මම ඇය සමග කතා කළා. එහිදී ඇය සඳහන් කළේ මේ ව්‍යාපාරය බොහෝ දුෂ්කරතා මැද්දේ පවත්වාගෙන යනව බවයි. කාන්තාවක් ඉදිරියට එනකොට ඇයට එන ප්‍රශ්න වැඩියි කියලා ඇය සඳහන් කළා. මේ සංකල්පය මගේ හිතේ තිබුණා. මේ ග්‍රන්ථය රචනා කරන්න සංකල්පය ඇතිවෙන්නේ එහෙම. 'සිරිකත' පුවත්පතට නවකතාවක් ලියන්න කියලා ආරාධනා කළාම මම මේ සංකල්පය තමයි පාදක කරගත්තේ.

Q ඒ කියන්නේ 'තාරානාථ' නවකතාව පුවත්පතක කොටස් වශයෙන් පළ වූ නවකතාවක්?

පුවත්පතේ පළවන විට පාඨකයන් කොටස් වශයෙන් තමයි නවකතාව කියවන්නේ. නමුත් නවකතාව එක දිගට කියවන්න කැමති  පාඨකයන් සිටිනවා. ඒ වගේම මේ නවකතාව ළඟ තියාගන්න කැමති පාඨක පිරිසකුත් ඉන්නවා. පුවත්පතක පළ වූ කතාවක් පොතකට ගන්න විට ඒ විදිහටම ගන්න හැකියාවක් නැහැ. සමහර තැන් වෙනස් කරන්න සිදුවෙනවා. පුවත්පතකට නවකතාවක් රචනා කරද්දි සිමා ඇති කරගෙන ලියන්න සිදුවෙනවා. නමුත් ග්‍රන්ථයක් රචනා කරද්දි එලෙස සීමාවන් තබාගත යුතු නැහැ. ඒ වගේම මේ වන විට මම ග්‍රන්ථ 120ක් පමණ රචනා කර තිබෙනවා. ඒ හැම එකකටම වෙනස් තේමාවන් තමයි පාදක කරගත්තේ. මේ 'තාරානාථ' ග්‍රන්ථයේ තේමාව ගැන මම මීට කලින් ලියල නැහැ. ඒ නිසා මේ ග්‍රන්ථය මට විශේෂ ග්‍රන්ථයක් බවට පත්වෙනවා.

Q ග්‍රන්ථයක් රචනා කිරීමට කොතරම් කාලයක් ගතවනවාද?

එය ග්‍රන්ථයෙන් ග්‍රන්ථයට වෙනස් වෙනවා. සති දෙක තුනක් ඇතුළත වගේම මාස හය හතක කාලයක් ගත කර රචනා කරන පොතුත් තිබෙනවා. ඒ වෙනුවෙන්ම කාලය වෙන් කරලා ග්‍රන්ථ රචනා කළොත් ග්‍රන්ථයක් මාසයකින් රචනා කරන්න හැකියාව තිබෙනවා.

Q එලෙස එක විට ග්‍රන්ථ තුන හතරක් ප්‍රකාශයට පත්වීමේදි එහි ගුණාත්මකභාවය ගැන ප්‍රශ්න ඇතිවෙනවා නේද?

අපි ජනප්‍රිය ලේඛක ගොන්නටයි එකතු වෙන්නේ. සමහර අය සඳහන් කරනවා වසර ගාණටම එක පොතයි නිකුත් කළේ. වසරකට එක පොතයි නිකුත් කරන්නේ කියලා. ඒ නිසා ඉක්මනින් ග්‍රන්ථ රචනා කරනවිට එය ගුණාත්මක බවෙන් හීනයි කියන චෝදනාව තියෙනවා තමයි. අපි පුවත්පත්වල වැඩ කළ අය. ඒ නිසා වේගයෙන් රචනා කිරීමේ හැකියාව තියෙනවා. ඒ වගේම නවකතා තුනක් පමණ එක විට ලියන්නත් හැකියාව තියෙනවා. මේ වන විටත් පුවත්පත් හතරකට නවකතා හතරක් මම ලියනවා. එකිනෙකට එය බාධාවක් වෙන්නේ නැහැ. මේ සමාජයේ ඕනතරම් වස්තුබීජ තිබෙනවා. හැම කෙනෙක් ළඟම පොතකට ගත හැකි වස්තුබීජ තිබෙනවා. ලියල අවසන් කළ නොහැකි තරම් තිබෙනවා.

Q අද වන විට පොත් කියවන පාඨකයන් දුරස්වෙලා කියල සඳහන් කරනවා. ඒ ගැන ඔබේ අදහස කුමක්ද?

පොත් කියවන පාඨකයෝ දුරස් වෙලාම නැහැ. නමුත් තරමක අඩුවීමක් දකින්න තිබෙනවා. විශේෂයෙන් තරුණයන් ඈත් වෙලා තියෙනවා නවීන තාක්ෂණය නිසා. මම සෑම වසරකම අවම වශයෙන් එක් ග්‍රන්ථයක් නිකුත් කරනවා. ඒ නිසා අලුත් පාඨක පිරිසක් අවුරුද්දකට වරක්වත් එකතු වෙනවා.

අද නවකතාවලට තාක්ෂණයත් එක්ක අන්තර්ජාලයේ වෙළදපලක් තිබෙනවා නේද?

එය හොඳ තත්ත්වයක්. නමුත් අද එයත් ප්‍රශ්නයක් බවටත් පත්වෙලා තියෙනවා. අපෙන් අවසරයක් නැතුව අපේ ග්‍රන්ථ වෙබ් අඩවිවල පළ වෙනවා. ඒ වෙනුවෙන් අපිට මුදලක් වත් ලැබෙන්නේ නැහැ. ඔවුන් නමත් ඉවත් කරලා තමයි පළ කරන්නේ. එය ලොකු ගැටලුවක් බවට පත්වෙලා තියනවා. නීතිමය පියවර ගන්න මේ වන විට සාකච්ඡා කරමින් ඉන්නවා.

Q ඔබ රචනා කරන ග්‍රන්ථ නිකුත් කරන්නේ ඔබේම ප්‍රකාශන ආයතනයකින් නේද?

THARANATHA BOOK COVER-1

මුල් කාලයේ ප්‍රකාශන ආයතනවලට දීල තමයි පොත් ප්‍රකාශනය සිදුකළේ. නමුත් සිදු වූ අසාධාරණය නිසාම අපි හිතුවා අපේම ආයතනයක් ආරම්භ කිරීමට. සමහර ආයතන අවංකව කර්තෘභාගය ගෙවනවා. සමහර ආයතන ගැන නම් කලකිරීමක් තිබුණා. අනිත් දේ මගේ නිවසේ තුන්දෙනෙක් ග්‍රන්ථ රචනා කරනවා. ඒ නිසා සෑම වසරකම පොත් දහයක් පමණ නිකුත් කරනවා. හැබැයි ප්‍රකාශන ආයතනය පවත්වාගෙන යන්න නෙමෙයි අපි පොත් නිකුත් කරන්නේ.

Q තාරානාථ ග්‍රන්ථයට අමතරව මෙවර පාඨකයන් අතට පත්වන ග්‍රන්ථ ගැන කතා කළොත්?

පොත් ප්‍රදර්ශනයට අලුත් පොත් කිහිපයක් පැමිණෙනවා. 'නිහඬ කැඳැල්ලේ අපි දෙන්නා' කියල පොතක් මම රචනා කළා. එයට පාදක වෙන්නේ විවාහක යුවළකට දරුවන් නොමැති වූ විට ඇතිවන ගැටලු ගැන. විශේෂයෙන් ඒ ගැටලුවට මුහුණ දෙන්න සිද්ධ වෙන්නේ කාන්තාවට. එවැනි තත්ත්වයකට මුහුණ දුන්න කාන්තාවක් ගැන තමයි මේ ග්‍රන්ථයට අන්තර්ගත වෙන්නේ.

ඒ චිත්‍රපටය අපි හිතපු තරමටම සාර්ථක වුණේ නැහැ

රොෂාන් රණවන රිදී තිරයේ පෙම්වතා ලෙස බොහෝ ජනප්‍රියය. නමුත් ඔහු ඉදිරියේදී තිරගත වීමට නියමිත චිත්‍රපටයක් ඔස්සේ දුෂ්ටයෙකු ලෙස අප හමුවීමට නියමිතය. ඒ පිළිබඳ සහ ඔහුගේ නිර්මාණ ගැන කතාබහ කිරීමට රොෂාන් 'අද' සමග මෙලෙස එක් විය.


Q මේ දිනවල වැඩ කටයුතු කොහොමද?

පසුගිය දිනවල සමන් කුමාර ලියනගේ මහතාගේ ටෙලි නාට්‍යයක වැඩකටයුතු නිම කළා. අංගම් පොර සටන් කලාව හා සම්බන්ධව තමයි රූගත කිරීම් කළේ. මම පළමුවෙනි වරට තමයි මේ වගේ ටෙලිනාට්‍යයකට සම්බන්ධ වුණේ. මට ඒක අලුත් අත්දැකීමක්. ඊට අමතරව 'ෆේස් ටු ෆේස්' කියලා චිත්‍රපටයක් තිරගත වීමට නියමිතව තියෙනවා. මේක මම දුෂ්ටයාගේ චරිතය හා ඩබල් ඇක්ටින් කරපු පළමු චිත්‍රපටය. එය ලබන වසරේදී තිරගත වේවි.

 Q පසුගිය දිනවල තිරගත වුණු 'රේන්බෝ' චිත්‍රපට‘යෙත් ඔබ ප්‍රේමවන්තයාගෙන් එහා ගිය චරිතයක් රඟපෑවේ. එය සාර්ථක වුණාද?

ඒ චිත්‍රපටය අපි හිතපු තරමටම සාර්ථක වුණේ නැහැ. නමුත් ඒ චිත්‍රපටය අසාර්ථකයි කියන්නත් බෑ. 

VI3A2109

Q එයින් අදහස් වෙන්නේ ප්‍රේක්ෂකයා ඔබ පෙම්වතාගේ චරිතයෙන් ඇරෙන්න වෙනත් චරිතයකින් දකින්න අකමැතියි කියන එකද?

එහෙමම කියන්න බෑ. ඇක්ෂන් චරිතයක් මම කළේ පළමුවෙනි වරට. එහි ප්‍රචාරණ කටයුතු පැත්ත හරියාකාරව සිදුවුණේ නැහැ. ඒ වගේ දේවල් ඇතුළෙන් සිදුවුණා.

Q ප්‍රේමවන්තයෙකුගෙන් එයා ගිය චරිතයක් ඔබට ලැබීම පිළිබඳ ඔබ තෘප්තිමත්ද?

මට ලැබුණු අවස්ථා එක්ක මම ඒ ඒ චරිතවලට සාධාරණයක් කළා කියලා හිතනවා.

'ෆේස් ටු ෆේස්' චිත්‍රපට‘යත් සමග වැඩ කරද්දී ලබපු අත්දැකීම් මොනවගේද?

මට වෙනසක් අවශ්‍ය වෙලා තියෙනකොට හර්ෂ උඩකන්ද මහතාගෙන් ලැබුණු හොඳ අවස්ථාවක් ඒක. 'ෆේස් ටු ෆේස්' චිත්‍රපටය හරහා ප්‍රේක්ෂකයන් කවදාවත් මගෙන් බලාපොරොත්තු නොවන විදියේ චරිතයක් ඔවුන් වෙනුවෙන් දෙන්න ලැබුණා කියන එක මට හිතෙනවා.

VI3A2117

Q හර්ෂ උඩකන්ද අධ්‍යක්ෂණය කළ 'උලත් එකයි පිලත් එකයි' චිත්‍රපටයත් සාර්ථක වුණේ නැහැනේ?

ඒ චිත්‍රපටයටත් හරි සැලැස්මක් ලැබුණෙ නැහැ. ප්‍රචාරණ කටයුතු හරියාකාරව සිදු වුණේ නැහැ. සිනමාහල තුළ චිත්‍රපටය අසාර්ථක වුණා. නමුත් චිත්‍රපටය DVD පට හරහා වෙළෙඳ පොළට නිකුත් වුණාට පස්සෙ විශාල පිරිසක් ඒ චිත්‍රපටය නරඹලා තියෙනවා. දැන් ඒ චිත්‍රපටය සඳහා ගොඩක් හොඳ ප්‍රතිචාර ලැබෙනවා. 

Q අද ගොඩක් සිනමා නිර්මාණ බිහිවුණත් සිනමාහල්වල තිරගත කරවීමේ ගැටලු ඇති වී තිබෙනවාද?

අනිවාර්යයෙන්ම. ඉදිරියේදී අපි කොච්චර හොඳ නිර්මාණ කළත්, විකාශන තිර, ශබ්ද විකාශන යන්ත්‍ර ඇතුළු සිනමා ශාලාවල අඩුපාඩු තිබෙනවා. %රේන්බෝ^ චිත්‍රපට‘යේදීත් මෙම ගැටලුව මතුවුණා. චිත්‍රපටය තිරගත වීමේදී එකම දවසේ චිත්‍රපට තුනක් තිරගත වෙනවා. ඉංග්‍රීසි, සිංහල, හින්දි මේ ආදී වශයෙන්. සිනමා ක්ෂේත්‍රයට ඉදිරියේදී මොනවා වෙයිද කියලා හිතාගන්න අමාරුයි. 

VI3A2176

එවැනි තත්ත්වයක් තුළ අධ්‍යක්ෂවරුන් හා නිෂ්පාදකවරුන් සිනමාවට යොමුවීමේ අඩුවක් වෙන්න පුළුවන් නේද?

එහෙමත්ම නෑ. නමුත් ඉතිං චිත්‍රපටියක් කීවාම ඒ සඳහා එකතු වෙන්න බයයි. ඒක තමයි වෙන්නේ. විශේෂයෙන්ම නිෂ්පාදකවරු ඒ සඳහා දායකවීමට මැලිකමක් දක්වනවා. 

Q ටෙලි නිර්මාණවලින් ඔබ දායක වුණේ මේ නිර්මාණය සඳහා පමණද?

තව ටෙලි නාට්‍ය කිහිපයක් කළා. නමුත් ඒවා කවදා විකාශය වේවිද කියන්න දන්නේ නැහැ. ටෙලි නාට්‍ය ක්ෂේත්‍රයටත් ඒ වගේ තත්ත්වයක් වෙලා තියෙන්නේ. චැනල්වලට ඕනේ විදියට සමහර වැඩ කරන්න වෙනවා. චැනල්වලින් කරන ගෙවීම් පිළිබඳ ගැටලු තියෙනවා. චැනල්වලින් ලැබන මුදලත් සමග නිෂ්පාදකවරුන් සොයාගෙන හොඳ නිර්මාණ කරන්න බැරි වෙනවා.

මේ වෙද්දි ඉන්දියානු ටෙලි නාට්‍ය ප්‍රචාරය වීම නිසා සිංහල ටෙලි නාට්‍ය බිහිවීම හා ප්‍රචාරය වීම අවම වෙලා තියෙනවා. මෙයට මාධ්‍ය ආයතන සඳහා චෝදනාව එල්ල කරන්න පුළුවන්ද?

ප්‍රේක්ෂකයන්ට වුණත් ඕනෙ දෙයක් බලන්න අයිතිය තියෙනවා. හැමදේම වැඩිපුර සිද්ධ වෙනවා. ඒ කියන්නේ ඕනෑවට වැඩිය වෙනවා. 

Q අවසාන වශයෙන් ඔබේ රසිකයන්ට වෙනුවෙන් මොනාද කියන්න තියෙන්නේ ?

රසිකයන් නිසා තමයි තරු බිහිවීම සිදුවෙන්නේ. ජනප්‍රිය වෙනවා කියන එක හැමදාම හැමෝටම කරන්න බෑ. තමන්ට හැමෝගෙම හිත්වලට යන්න පුළුවන් කියන්නේ ඒක තමන් ලද වාසනාවක්. මම ඇත්තටම හැමදාම මගේ රසිකයින්ට ආදරෙයි. මම රසිකයන් නිසා තමයි අද මේ තැන ඉන්නේ.

ඡායාරූප – කවීත් මිලින්ද

VI3A2122