Category Archives: business

ඉන්දු සංස්කෘතික මධ්‍යස්ථාන නාමය විවේකානන්ද නමින්

කොළඹ පිහිටි ඉන්දියානු සංස්කෘතික මධ්‍යස්ථානය සුප්‍රසිද්ධ ඉන්දියානු දර්ශනවාදියෙකු හා ආධ්‍යත්මික නායකයෙකු ලෙස ප්‍රකට ස්වාමි විවේකානන්ද තුමාගේ නමින් නම් කිරීමට ඉන්දීය රජය විසින් තීරණය කර තිබේ.

1998 සිට කොළඹ පැවති සංස්කෘතික ක්‍රියාකාරකම්හි වැදගත් කේන්ද්‍රස්ථානයක් වූ ඉන්දියානු සංස්කෘතික මධ්‍යස්ථානය මෙතැන් පටන් ස්වාමි විවේකානන්ද සංස්කෘතික මධ්‍යස්ථනය ලෙස හඳුන්වනු ඇති බව ශ්‍රී ලංකාවේ ඉන්දියානු මහ කොමසාරිස් කාර්යාලය පවසයි. 

සහකාර රේගු අධිකාරීවරුන් 68 දෙනෙකුට පත්වීම් ලැබේ

සහකාර රේගු අධිකාරීවරුන් 68 දෙනෙකුට පත්වීම් ලිපි ප්‍රදානය කිරීම මුදල් හා ජනමාධ්‍ය අමාත්‍ය මංගල සමරවීර මහතාගේ ප්‍රධානත්වයෙන් සිදුවිය.

මුදල් අමාත්‍යාංශයේදී පසුගිය 24දා පැවති මෙම උත්සවයට අමාත්‍යාංශයේ ලේකම් ආචාර්ය ආර්.එච්.එස්. සමරතුංග, භාණ්ඩාගාර නියෝජ්‍ය ලේකම්වරුන් වන චන්ද්‍රා ඒකනායක, ඒ.ආර්. දේශප්‍රිය, රේගු අධ්‍යක්ෂ ජනරාල් පී.එස්.එම්. චාර්ල්ස් යන මහත්ම මහත්මීන් සහ පත්වීම්ලාභීන්ගේ දෙමවුපියන් ඇතුළු පිරිසක් එක්වූහ. 

10,000කට අධික පිරිසක් පෙනී සිටි තරග විභාගය සමත් 287දෙනෙකු අතුරින් සම්මුඛ පරීක්ෂණයකින් මෙම 68 දෙනා තෝරාගත් බවත්, මෙම තෝරා ගැනීම් සඳහා කිසිදු දේශපාලන මැදිහත්වීමක් සිදු නොවූවා සේම, සුදුස්සට සුදුසුතැන ලබාදීමේ ප්‍රතිපත්තිය පමණක් ක්‍රියාත්මක වූ බවත් මෙහිදී අදහස් දක්වමින් අමාත්‍ය මංගල සමරවීර මහතා පවසා සිටියේය.

DSC_6298 DSC_6247 DSC_6251 DSC_6322

විනිමය කොමිසමේ සභාපති ධුරයට රනෙල්

ශ්‍රී ලංකා සුරැකුම්පත් සහ විනිමය කොමිෂන් සභාවේ නව සභාපතිවරයා ලෙස රනෙල් තිස්ස විජේසිංහ මහතා පත්කිරීමට මුදල් හා ජනමාධ්‍ය අමාත්‍ය මංගල සමරවීර මහතා කටයුතු කර තිබේ.

ඒ අනුව, මෙම පත්කිරීම අද (24දා) සිට බලාත්මක කෙරෙන අතර, විනිමය කොමිෂන් සභාවේ අනෙකුත් සාමාජිකයන් ලෙස චන්ද්‍රකුමාර් රාමචන්ද්‍ර, ජයන්ත ප්‍රනාන්දු, අර්ජුන හේරත්, රජීව් අමරසූරිය සහ මංජුල හිරන්‍ය ද සිල්වා යන මහත්වරුන් ද පත්කර තිබේ.

විනිමය කොමිෂන් සභාවේ සභාපති ධුරය මේ දක්වා දරනු ලැබුවේ තිලක් කරුණාරත්න මහතා විසිනි.

1_Ranel

2020දී වැට් සියයට 2.5කින් අඩු කරනවා – මුදල් ඇමති

දැනට 15%ක්ව පවතින එකතු කළ අගය මත බද්ද 2020 වන විට 12.5% දක්වා පහත හෙලීම සිය අපේක්ෂාව බව මුදල් හා ජනමාධ්‍ය අමාත්‍ය මංගල සමරවීර මහතා පවසයි.

අද සියලු ජනතාව වක්‍ර ආකාරයට බදු ගෙවන බැවින් එම ජනතාව වක්‍ර බදු බරින් නිදහස් කිරීම සඳහා 2020 වන විට වැට් බද්ද 2.5%කින් අඩු කිරීමට බලාපොරොත්තු වන බව හෙතෙම අවධාරණය කළේය.

අමාත්‍යවරයා මේ බව කියා සිටියේ සහකාර රේගු අධිකාරීවරුන් 68 දෙනෙකුට පත්වීම් ලිපි ප්‍රදානය කිරීම සඳහා අද (24දා) මුදල් අමාත්‍යාංශයේ පැවති උත්සවයකදීය. 

ආපදා සූදානමට මූල්‍ය හා තාක්ෂණ ආධාර ලබාදීම

ශ්‍රී ලංකාවේ ආපදා සූදානම, කළමනාකරණය සහ ප්‍රතිසාධනය වෙනුවෙන් එක්සත් ජනපද මූල්‍ය හා තාක්ෂණික ආධාර ලබාදීම ගැන සාකච්ඡා කිරීමට ඇමෙරිකානු තානාපති, USAID සහ OFDA නියෝජිතයන් අමාත්‍ය දුමින්ද දිසානායක මහතා හමුවී තිබේ.

ශ්‍රී ලංකාවේ සහ මාලදිවයිනේ එක්සත් ජනපද තානාපති අතුල් කේෂප්, අන්තර්ජාතික සංවර්ධනය සඳහා වූ එක්සත් ජනපද ආයතනයේ (USAID) ශ්‍රී ලංකා කාර්යාලයේ අධ්‍යක්ෂ රීඩ් අයිෂ්ලිමන් සහ අන්තර්ජාතික සංවර්ධනය සඳහා වූ එක්සත් ජනපද ආයතනයේ විදේශ ආපදා ආධාර කාර්යාලයේ (OFDA) ආචාර්ය මයිකල් අර්නස්ට් යන මහත්වරුන් ජල සම්පත් කළමනාකරණ හා ආපදා කළමනාකරණ අමාත්‍ය දුමින්ද දිසානායක මහතා එම අමාත්‍යාංශයේදී හමුවී සාකච්ඡා පවත්වා ඇත.

1_Relief

 

ආපදාවට පත් ජනතාවට සතොසින් වියළි ආහාර

ගංවතුර, නායයෑම් වැනි හදිසි ආපදා තත්වයන් නිසා පීඩාවට පත්ව ඇති ජනතාවට, එම ප්‍රදේශවල පිහිටි ලංකා සතොස අලෙවි සැල් මගින් අත්‍යවශ්‍ය වියළි ආහාර ද්‍රව්‍ය දිස්ත්‍රික් ලේකම් කාර්යාලවල ඉල්ලීම්වලට අනුව වහාම ලබාදීමට පියවර ගන්නා මෙන් කර්මාන්ත හා වාණිජ කටයුතු අමාත්‍යාංශය ලංකා සතොස පාලනාධිකාරියට හා කළමනාකරුවන් සියලු දෙනාට දන්වා තිබේ.

එසේම ගංවතුර ආපදාව වැඩි ප්‍රදේශවල පවතින ලංකා සතොස ගබඩා පහසුකම් තවදුරටත් පුලුල් කරමින් අත්‍යවශ්‍ය වියළි ආහාර ද්‍රව්‍ය හිගයකින් තොරව ගබඩා කර ගන්නා ලෙසද, සියලුම ලංකා සතොස අලෙවිසැල්වලට අවශ්‍ය වියළි ආහාර ද්‍රව්‍ය තොග යාවත්කාලීන කර පවත්වාගෙන යන ලෙසද, එම සතොස අලෙවිසැල් වල සේවය අවශ්‍ය හැම විටම ලබාදීමට සූදානමින් සිටින ලෙසද ඔවුන්ට වැඩිදුරටත් දන්වා තිබේ.

අප්‍රේල් උද්ධමනය තවදුරටත් පහළට

2018 අප්‍රේල් මාසයේ ලක්ෂ්‍යමය උද්ධමනය 1.6%ක් දක්වා තවදුරටත් අඩු වූ බව ජනලේඛන හා සංඛ්‍යාලේඛන දෙපාර්තමේන්තුවේ අධ්‍යක්ෂ ජනරාල් ඒ.ජේ. සතරසිංහ මහතා පවසයි.

පසුගිය මාර්තු මාසයේ ලක්ෂ්‍යමය උද්ධමනය 2.8%ක් ලෙස වාර්තා වූ අතර, අප්‍රේල් මාසයේ උද්ධමනය සඳහා ආහාර කාණ්ඩයේ -0.2%ක හා ආහාර නොවන කාණ්ඩයේ 1.7%ක දායකත්වයක් පිළිවෙලින් ලබා දී ඇත.

2018 මුල් කාර්තුව ඇඟලුම් අපනයනවල වර්ධනයක්

2018 මුල් කාර්තුවේ ශ්‍රී ලංකා ඇඟලුම් අපනයනය පෙර වසරේ මුල් කාර්තුව සමග සැසඳීමේදී 4% කින් වර්ධනය වී ඇති බව කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා පවසයි.

2017 වසරේ මුල් කාර්තුවේදී ශ්‍රී ලංකාව ඇඟලුම් අපනයනයෙන් ඇ.ඩො.බිලියන 1.21 ක් හෙවත් රු.කෝටි 19,155.5 ක් උපයාගෙන ඇති බවත්, එය 2018 වසරේ මුල් කාර්තුව වනවිට ඇ.ඩො.බිලියන 1.26 ක් හෙවත් රු.කෝටි 19,947 ක් දක්වා වර්ධනය වී ඇති බවත් හෙතෙම පෙන්වා දෙයි.

අමාත්‍යවරයා මේ බව පැවසුවේ පසුගියදා බණ්ඩාරනායක අනුස්මරණ ජාත්‍යන්තර සම්මන්ත්‍රණ ශාලාවේ පැවති AISEX 8 වැනි ප්‍රදර්ශනය විවෘත කිරීමේ උළෙලට සහභාගී වෙමිනි.

ETI තැන්පත්කරුවන්ට මුදල් ගෙවීමට සැලසුම්

ETI ෆිනෑන්ස් ලිමිටඩ් ආයතනය මුහුණදී ඇති මූල්‍ය දුෂ්කරතාව සහ ඉන් මූල්‍ය පද්ධතියට ඇති විය හැකි බලපෑම පිළිබඳව සලකා බලා එහි පරිපාලිත හා උප පරිපාලිත සමාගම්වල අයිතිය සහ ආයෝජන දේපළ ඇ.ඩො.දශ ලක්ෂ 75ක පමණ මුදලකට විකිණීම සඳහා එහි අධ්‍යක්ෂ මණ්ඩලය ඉදිරිපත් කළ යෝජනාවට මහ බැංකුවේ මුදල් මණ්ඩලයේ අනුමැතිය හිමිව තිබේ.

එමෙන්ම, ඒ සඳහා පහසුකම් සැලසීමටත් මහ බැංකුව පියවර ගන්නා බවත්, එකී ගනුදෙනුව ශ්‍රී ලංකාවේ පවතින නීතිරීති සහ රෙගුාලසිවලට අනුකූලව විය යුතු බවත් මහ බැංකුව දැනුම් දී තිබේ.

ඒ අනුව, අදාළ ගැනුම්කරු විසින් ගෙවිය යුතු එක්සත් ජනපද ඩොලර් දශ ලක්ෂ 75ක මුදලින් ඩොලර් දශ ලක්ෂ 32ක මුදලක් දැනට ලබාදී ඇති අතර, එය ශ්‍රී ලංකා මුදලින් රු. දශ ලක්ෂ 5,017.6ක් ලෙස ETI ආයතනය වෙත ලැබී ඇති බව මහ බැංකුව පවසයි. එහිදී, තැන්පත්කරුවන්ගේ ඉල්ලීම් සලකා බැලීමෙන් අනතුරුව එසේ ලැබී ඇති මුදලින් ETI ආයතනයේ මුළු තැන්පතු වගකීම්වලින් 10%ක මුදලක්, එනම් ආසන්න වශයෙන් රු. දශ ලක්ෂ 3,350ක මුදලක් සහ 2018 මැයි මාසය අවසානය වනවිට ගෙවිය යුතු වන පොලී මුදල්, ආසන්න වශයෙන් රු. දශ ලක්ෂ 1,400ක් පමණ තැන්පත්කරුවන් වෙත ගෙවීමට උපදෙස් ලබාදී තිබේ. මෙම ගෙවීම 2018.06.05 දින ආරම්භ කෙරෙනු ඇති බවද මහ බැංකුව පවසයි.

එමෙන්ම, එම ආයතනයේ තැන්පතු වගකීම්වලින් තවත් 10%ක මුදලක් ඉහත කී වත්කම් විකිණීමෙන් ලැබෙන ඉතිරි මුදලින් (එක්සත් ජනපද ඩොලර් දශ ලක්ෂ 43) ගෙවීමටත් ETI ආයතනය වෙත උපදෙස් ලබාදී තිබේ. 2018.06.05 වැනි දින ආරම්භ වන ගෙවිම් සැලැස්ම පිළිබඳ විස්තර තැන්පත්කරුවන් වෙත ETI ආයතනය විසින් ඉක්මනින් දැනුම්දෙනු ඇති බවද මහ බැංකුව පවසයි.

Big Wheels රථ වාහන දැක්ම අදත් කොළඹදී

ලොව පුරා රථවාහන සන්නාමවලින් යුතු උසස් තත්ත්වයේ වාහන රැසක් සමග LB Big Wheels රථවාහන දැක්ම අදත් (20දා) කොළඹ නෙළුම් පොකුණ පරිශ්‍රයේදී පැවැත්වේ.

මුදල් හා ජනමාධ්‍ය නියෝජ්‍ය අමාත්‍ය ලසන්ත අලගියවන්න මහතා අතින් පසුගිය 18දා විවෘත වූ මෙම රථවාහන දැක්ම පෙ.ව.10.00 සිට රාත්‍රී 10.00 දක්වා පැවැත්වේ.

ශ්‍රී ලංකා රථවාහන ආනයනකරුවන්ගේ සංගමය විසින් මුල් වරට සංවිධානය කරන මෙම රථවාහන දැක්ම සඳහා උසස් තත්ත්වයේ බ්‍රෑන්ඩ් නිව් සහ රීකන්ඩිෂන් වාහන රැසක් ඉතිරිපත් කර තිබේ.

LB Big Wheels රථවාහන දැක්ම මුද්‍රිත මාධ්‍ය අනුග්‍රහය විජය පුවත්පත් සමාගමෙනි.

01_BIG 1.4 7 8 10 11 12 13 14