Category Archives: breaking_news

200 තරගයේදී කෝලිගෙන් 100ක්

සිය 200 වැනි එක්දින තරගයට ක්‍රීඩා කළ ඉන්දීය නායක විරාත් කෝලි එහිදී ශතකයක් වාර්තා කිරීමට සමත්විය. එය ඔහුගේ 31 වැනි එක්දින ශතකය වෙයි. ඒ අනුව එක්දින පිටියේ වැඩිම ශතක ප්‍රමාණයක් රැස්කළ ක්‍රීඩකයන් අතර දෙවැනි ස්ථානයට පත්වීමටත් කෝලි සමත්විය.

ශතක 30ක් රැස්කරගෙන සිටි පොන්ටින් එහි තෙවැනි ස්ථානයට  පත්විය. ශතක 41ක් රැස්කරගෙන ඇති සචින් තෙන්ඩුල්කාර් එක්දින පිටියේ වැඩිම ශතක ප්‍රමාණයක් රැස්කරගෙන ඇති ක්‍රීඩකයා වෙයි.

DMvQc0xWAAAKbOM

ත්‍රිරෝද රථ ආනනයට සීමා

ඉන්දියාවේ නිශ්පාදිත ත්‍රිරෝද රථ ශ්‍රී ලංකාවට ආනනය සීමා කිරීමට රජයේ අවධානය යොමුව ඇතැයි ඉන්දීය මාධ්‍ය වාර්තා කරයි.

ප්‍රවාහන අමාත්‍ය නිමල් සිරිපාලද සිල්වා මහතා කළ ප්‍රකාශයක් උපුටා දක්වමින් ඔවුන් මේ බව වාර්තා කරයි.

අමාත්‍යවරයා පාර්ලිමේන්තුවේදී සඳහන් කළේ ශ්‍රී ලංකාවේ මාර්ගයන්ට දරා ගත නොහැකි ආකාරයට  ත්‍රිරෝද රථ ශ්‍රී ලංකාව තුළ පවතින බවත් එය බොහෝමයක් මාර්ග අනතුරු සඳහා හේතුවක් වී ඇති බවත්ය.

“ අපිට මිලියනකට අධික (මිලියන 1.2ක) ත්‍රි රෝද රථ මාර්ගවල තිබෙනවා. මීට වඩා ත්‍රි රෝද රථ මාර්ගයන්ට දරා ගන්න බෑ. සිදුවන මාරාන්තික අනතුරුවලදී 18%ක් පමණ ත්‍රිරෝද රථ හේතුවෙන් සිදුවෙන්නේ” යැයි අමාත්‍යවරයා පාර්ලිමේන්තුවේදී සඳන් කළේය.

යම් හෙයකින් ශ්‍රී ලංකාවට ත්‍රිරෝද රථ ආනනය කිරීමට සීමා පැනවුවහොත් එය ඉන්දීය ත්‍රිරෝද රථ කර්මාන්තයට විශේෂයෙන් බජාජ් සමාගමට ගැටලුවක් වෙනු ඇති බවත් ඉන්දිය මාධ්‍ය වාර්තා කරයි.

image_3bcbffd292 copy copy

‘දාගත්ත කරුමේ තිබ්බ කරුමෙට වඩා එහා’

“තිබ්ච්ච කරුමෙ වැඩක් නෑ කියලා ජනතාව තවත් එකක් ඕන කියල තවත් ආණ්ඩුවක් ගත්තා. දැන් දාගත්තු කරුමය තිබ්බ කරුමෙට වඩා එහා. දැන් ඇඟට දාගත්ත ඒකෙන් ගැලවෙන්නෙ කොහොමද කියා මිනිසුන් බලා ඉන්නේ” යැයි ගැටඹේ රාජෝපවනාරාම විහාරාධිපති කැප්පෙටියාගොඩ සිරිවිමල හිමියෝ පැවසූහ.

රට ව්‍යසනයකට ගමන්කරන විට මහා සංඝයා එක්ව එකතුව ‍ඒවාට පිළියම් ඉදිරිපත් කරන බවත්, එය අතීතයේ සිට සිදු වූ දෙයක් බවත් කී උන්වහන්සේ රට රැකගන්නට ඉදිරියට එන මහා සංඝයාට අපහාස වන අයුරින් වත්මන් රජය සංඝයා වහන්සේලාට ගරහන බවද කියා සිටියහ.

හිටපු පාර්ලිමේන්තු මන්ත්‍රී තිස්ස අත්තනායක මහතා අද (22දා) ගැටඹේ රාජෝපවනාරාම විහාරාධිපති කැප්පෙටියාගොඩ සිරිවිමල හිමියන්හමුවීමට ගිය අවස්ථාවේ උන්වහන්සේ මේ බව පැවසූහ.

“වත්මන් රජය මොනයම් සූත්‍රයක් දමා හෝ මැතිවරණය කල් දමනවා.එහෙන් බැංකු කනවා. අනික් පැත්තෙන් අධ්‍යාපනය කනකම් බලං ඉන්නවා.නිකන් හිතන්න ඕන මේක පිනට ලැබිච්ච එකක්. ඒක නිසා ජනතාවට වැඩක් කරන්න ඕන කියල.මෙහෙම ගියොත් රට ඉතාමත් ඉක්මනට විනාශ වී යනවා.”

5 (1) copy

 

 

2000ක අල්ලසක් ගත් පොලිස් නිලධාරීන්ට ඇප

රථවාහන වැරැද්දකට අධිකරණයේ නඩු නොපවරන බව කියමින්, රියදුරෙකුගෙන් රුපියල් දෙදහසක මුදලක් බලහත්කාරයෙන් ලබාගැනීමේ චෝදනාව මත අත්අඩංගුවට ගෙන අධිකරණයට ඉදිරිපත්කළ අනුරාධපුර කොට්ඨාස රථවාහන අංශයේ පොලිස් කොස්තාපල්වරුන් දෙදෙනෙකු රුපියල් ලක්ෂය බැගින්වූ ශරිර ඇප දෙකක් මත මුදාහරින ලෙස අනුරාධපුර වැඩබලන මහෙස්ත්‍රාත් ප්‍රියදර්ශනී කාරියවසම් මහත්මිය ඊයේ (21දා) නියෝග කළාය.

උතුරු මැද පළාත භාර නියෝජ්‍ය පොලිස්පතිවරයාට කළ පැමිණිල්ලකට අනුව සැකකාර පොලිස් කොස්තාපල්වරුන් දෙදෙනා අත්අඩංගුවට ගෙන පරීක්ෂණ සිදුකරන ලෙස නියෝගකර තිබිණි.ඒ අනුව අනුරාධපුර මූලස්ථාන පොලීසියවිසින් නිලධාරීන් දෙදෙනා අත්අඩංගුවට ගෙන තිබිණි.

arrest

ඉදිරියේදී අන්තර් මෝසම් සක්‍රීය වෙයි

ඉදිරි දිනවලදී දිවයින හරහා අන්තර් මෝසම් කාලගුණ තත්ත්වය ක්‍රමයෙන් ස්ථාපිත වේයැයි අපේක්ෂා කරන බව කාලගුණ විද්‍යා දෙපාර්තමේන්තුව කියයි.

ඒ අනුව දිවයිනේ බොහෝ ප්‍රදේශවලට වැසි සමග සුළං ඇතිවීමේ හැකියාවක්ද පවතියි.

මේ අතර හෙට (22දා) දිනය පිළිබඳව කාලගුණ විද්‍යා දෙපාර්තමෙන්තුව නිකුත් කළ අනාවැකියේ දැක්වෙන්නේ දිවයිනේ බොහෝ ප්‍රදේශවලට සවස 2න් පමණ පසුව වැසි හෝ ගිගුරුම් සහිත වැසි ඇතිවිය හැකි බවයි.

බස්නාහිර, සබරගමුව හා දකුණු පළාත්වලත් යාපනය, මන්නාරම හා පුත්තලම දිස්ත්‍රික්කවලත් උදෑසන කාලයේදීත් වැසි ඇතිවේයැයි එම නිවේදනයේ වෙයි.

එසේම නැගෙනහිර හා ඌව පළාත්වල සමහර ස්ථානවලට තරමක් තද වැසි (මිලි මීටර් 50-75 පමණ) ඇතිවිය හැකි බවත් එම නිවේදනයේ වෙයි.

rain-generic-umbrella-raindrops copy copy

 

සයිටම් පාඨමාලාව අවසන් කරන ලෙසයි ඉල්ලුවේ

SAITMසයිටම් ආයතනය අහෝසි කරන ලෙස වෛද්‍ය පීඨ ආචාර්යවරුන් ඉල්ලා නොමැති බවත්, තම සංගමය යෝජනා කර තිබෙන්නේ එම ආයතනය විසින් පවත්වන වෛද්‍ය පාඨමාලාව අහෝසි කරන දමන ලෙස පමණක් බවත් වෛද්‍ය පීඨ ආචාර්යවරුන්ගේ සංගමය සඳහන් කරයි.

මේ නිසා ජනාධිපති මෛත්‍රීපාල සිරිසේන මහතා සයිටම් ආයතනයේ වෛද්‍ය පාඨමාලාව සම්බන්ධයෙන් ලබාදෙන විසඳුම පීඨාධිපතිවරුන් ලබාදී තිබෙන යෝජනාවලට අනුව ලබාදිය යුතු බවද එම සංගමයේ මාධ්‍ය ප්‍රකාශක විශේෂඥ වෛද්‍ය වීරසිංහ මහතා සඳහන් කළේය.

එසේ නොමැතිව සයිටම් ආයතනය අහෝසිකරන කාරණය පදනම් කරගෙන විසඳුමක් ලබාදීමට ගොස් පවතින ගැටලුව තවත් අර්බුදයකට ලක් නොකළ යුතු බවද අද (22දා) පැවැති සාකච්ඡාවකදී ඔහු සඳහන් කළේය.

 

ළමා දින සැමරුමට කළුතර ආ ළමා නිවාස දරුවන් 2ක් අතුරුදන්

ලෝක ළමා දින සමරු උත්සවයක් සඳහා කළුතර වර්ණන්  ප්‍රනාන්දු ක්‍රීඩා සංකීර්ණයට පැමිණ සිටි මාකොළ ළමා නිවාසයේ 15 හැවිරිදි ළමුන් දෙදෙනෙකු අතුරුදන් වී ඇතැයි දකුණු කළුතර පොලීසිය කියයි.

බස්නාහිර පළාත් ළමා නිවාස දරුවන් වෙනුවෙන් ඉකුත් 20 වනදා මෙම උත්සවය පැවැත්වුණු අතර, ඊට සහභාගී වීම සඳහා තම ළමා නිවාසයෙන් ළමුන් 45 දෙනෙකු පැමිණි බවත් සවස සොයා බලන විට ළමුන් දෙදෙනෙකු නොසිටි බවත් ඔවුන් භාරව පැමිණි මාකොළ ළමා නිවාසයේ නිලධාරියෙකු වන ජී. තිලකසිරි යන අය පොලීසියට පැමිණිලි කර තිබේ.

අධිකරණ නියෝග යටතේ ළමා නිවාසයේ රඳවා සිටින එම ළමුන් දෙදෙනාගේ ලිපිනයන් හා මාපියන් පිළිබඳ තොරතුරු පසුව පොලීසියට දන්වන බවද ඔහු ප්‍රකාශ කර තිබේ.

කළුතර කොට්ඨාස භාර පොලීසිය මේ සම්බන්ධයෙන් වැඩිදුර පරීක්ෂණ පවත්වයි.

Missng

කළුතර – සුනිල් එස්. තන්ත්‍රීආරච්චි

පාසල්වලට රංග ශාලා වැඩි මිලට වෙන් කර ගන්න බෑ

පාසල්වල උත්සව සඳහා ශාලා වෙන්කර ගැනීමේ දී ඇතැම් පාසල් වියදම් අධික රංග ශාලා වෙන්කරගැනීමට අවම කළ යුතු බවත්, ඒ සඳහා සියලු පාසල් ප්‍රධානීන් දැනුවත් කර චක්‍රලේඛයක් නිකුත් කිරීමට අධ්‍යාපන ලේකම්වරයාට උපදෙස් දුන් බව අධ්‍යාපන අමාත්‍ය අකිල විරාජ් කාරියවසම් මහතා පවසයි.

බොරැල්ල රත්නාවලී බාලිකා පැවැති උත්සවයකදී අමාත්‍යවරයා මේ බව සඳහන් කළේය. අගනුවර බොහෝ පාසල්වල උත්සව පැවැත්වීම සඳහා මිල අධික රංග ශාලා යොදාගැනීම පුරුද්දක් කරගෙන ඇති බවත්, මේ සඳහා අදාළ මූල්‍ය ප්‍රතිපාදන සම්පාදනය කරගැනීමේ දී මව්පියන්ගේ දායකත්වය ලබාගැනීම හේතුවෙන් ඔවුන් දැඩි ආර්ථික අපහසුතාවන්ට මුහුණ දෙන බවත් අමාත්‍යවරයා පැවැසීය.

පාසල්වල උත්සව පැවැත්වීම සඳහා ප්‍රමාණවත් ශාලා පහසුකම් නොමැති අවස්ථාවල  දී අදාළ පහසුකම්වලින් සමන්විත ප්‍රදේශයේ වෙනත් පාසල්වලින් අඩු පිරිවැයකින් යුක්තව ඒවා ලබාගැනීමට අවශ්‍ය කටයුතු සම්පාදනය කර ගන්නා ලෙස විදුහල්පතිවරුන්ට උපදෙස් ලබාදී ඇත.

Akila-Viraj-Kariyawasam

 

නොරොච්චෝලේ නිසා තවත් ගැටලුවක්

නොරොච්චෝලේ ගල් අඟුරු බලාගාරයෙන් නොකඩවා ගල් අඟුරු කුඩු හා ගල් අඟුරු දුමාරය හේතුවෙන් ජනතාවට සිදුවෙන පාරිසරික හානිය කඩිනමින් නවතා දමන ලෙසත් ඒ සඳහා ගන්නා ක්‍රියා මාර්ග සෑම මසක් ඇතුළතම දන්වන ලෙසත් මධ්‍යම පරිසර අධිකාරියේ සභාපති මහාචාර්ය ලාල් මර්වින් ධර්මසිරි මහතා  නොරෝච්චෝල ලක් විජය බලාගාරයේ නිළධාරින්ට දන්වා ඇත.

නොරෝච්චෝල ලක් විජය ඉදි කළ කාල වකවානුවේ සිටම ගල් අගුරු දුවිල්ල හා ගල් අඟුරු දැවිමෙන් ඉතිරි වන අළු වලින් ආසන්නයේ ගම්මාන ගණනාවක ජනතාවගේ ජන ජීවිතය අවුල් වී ඇති බවට නැගුනු චෝදනා සම්බන්ධව වයඹ පළාත් පරිසර අධිකාරිය කිසිදු ක්‍රියා මාර්ගයක් නොගැනිම හේතුවෙන් පිඩාවට පත්වූ ජනතාව ජනාධිපති මෛත්‍රීපාල සිරිසේන මහතාට දිගින් දිගටම දන්වා තිබුණි.

ඒ අනුව ජනාධිපතිවරයා විසින් මධ්‍යම පරිසර අධිකාරියේ සභාපතිවරයා ඇතුළු කණ්ඩායමක් මේ සඳහා පරීකෂණ පැවැත්විමට පත්කර තිබුණි.

වසරකට ගල් අගුරු බලාගාරයේ විදුලි නිශ්පාදනය සදහා ගල් අඟුරු මෙට්ට්‍රික් ටොන්  මිලියන දෙකක ප්‍රමාණයක් නැව් මගින් විදේශිය රටවලින් ආනයනය කරයි.

ගල් අඟුරුවල ප්‍රමිතිය අඩු මට්ටමක තිබීම නිසා දහනයෙන් පසුව ඉවත් කරන අළුවල කාබන් ප්‍රමානණ ඉහල මට්ටමක පවතින බව කියයි. මේ නිසා වසරකට ගල් අගුරු අළු මෙට්ට්‍රික් ටොන් 910 ක් බැහැර කරන බව නොරෝච්චෝල පාලනාධිකාරිය පවසයි .නමුත් මෙම අළු වලින් සුළු ප්‍රමාණයක් පමණක් ගොඩනැගිලි සඳහා අතුරු නිශ්පාදන සදහා ලබා දෙන නමුත් විශාල ප්‍රමාණයක් බලාගාර පරිශ්‍රයේ වෙනම ස්ථානයක ගබඩා කර තිබෙයි.

එසේ ගබඩා කර ඇති අළු මුහුද රළු වීමත් සමග මුහුදු සුළග සමග මුසු වෙමින් පරිසරයට විශාල ලෙස පැතිරි යයි .මේ ගැටලු හේතුවෙන් බලාගාරය පිහිටි ඉලන්තඩිය ඇතුළු ගම්මාන ගණනාවක ජන ජීවිතය සම්පුර්ණයෙන් අවුල් වී තිබේ.

1 (1) copy CEB (4) copy CEB (12) copy CEB (18) copy DSC06041 copy

 

ශ්‍රී පාදයේ කඩා වැටුණු කුණු ඉවත් කිරීමට හමුදා භට පිරිස්

හැටන් ශ්‍රී පාද මාර්ගයේ මහගිරිදඹ ප‍්‍රදේශයට ශ්‍රී පාද උඩමලුවේ සිට පහළට කඩාගෙන විත් පියගැට පෙළේ රැදි ඇති කැළි කසළ සහ පස් කන්ද ඉවත් කිරිම සඳහා යුද හමුදා භටයින් හතලිස් දෙනෙකුගෙන් සමන්විත පිරිසක් දින තුනක් (22දා සිට)  ශ්‍රී පාද උඩමලුවේ සථාන ගත කිරිමට කටයුතු කර ති‍‍බේ.

දහනව ශ්‍රී ලංකා ජාතික ආරක්‍ෂක බල මුලුවේ අණදෙන නිළධාරි මේජර් ඒ.ඩී. ගුණවර්ධන මහතා පැවැසුවේ මෙම භට පිරිස් අතර නුවරඑළිය ශ්‍රී ලංකා තුන්වන සිංහ රෙජිමේන්තුවේ හා දහ නවවන ශ්‍රී ලංකා ජාතික බල මුලුවේ භට පිරිස් සිටින බවයි.

 එම කැළි කසල  කන්ද සහ කඩා වැටි ඇති පස් කන්ද ඉවත් කිරිමට ගතවු දින කිහිපය තුළ නල්ලතන්නිය පොලීසිය, යුද හමුදාව, නාවික හමුදාව සහ සිවිල් ආරක්‍ෂක බලකායේ භට පිරිස් සහභාගීවූ බව නල්ලතන්නිය පොලීසියේ ස්ථානාධිපති පොලිස් පරික්‍ෂක අනිල් ජයසිංහ මහතා පැවැසීය.

පියගැට පෙළේ ඇති කැළි කසල කන්ද සහ පස් කන්ද ඉවත්  කිරිමට දින ගණනාවක් ගතවන බවද ස්ථනාධිපතිවරයා  පැවැසීය. ශ්‍රී පාද වන්දනාකරුවන් විසින් උඩ මලුවට රැගෙන ගොස් මුදාහැර තිබූ පොලිතින්, ප්ලාස්ටික්, ඝන අපද්‍රව්‍ය සහ කැළි කසල තොගයෙක් මෙසේ ඉකුත් 14දා දා පහළට කඩා වැටුණි.

01 copy 03 copy 04 copy 09 copy IMG-a67cee0095083ebb6aa296bd6a4fd8e8-V copy IMG-ecff9f2d960123661d7351cf10597250-V copy SRIPADA (4) copy SRIPADA (6) copy SRIPADA (9) copy SRIPADA (10) copy