Category Archives: ada_7

සමුද්‍ර පරිසර දූෂණය හා එහි අහිතකර බලපෑම් 7ක්

මිනිසා විසින් සෘජුව හෝ වක්‍රාකාරව සමුද්‍ර පරිසරයට නොයෙක් ද්‍රව්‍ය හෝ පරිසර දූෂක ශක්තීන් එකතු කිරීම නිසා මුහුදු ජලයේ ගුණාත්මකත්වය හා සාගරයේ සුන්දර බව හීන කරන්නා වූ තත්ත්ව ඇති වේ. මේ තුළින් මිනිසාගේද සෞඛ්‍යයට මෙන්ම ධීවර කර්මාන්තය වැනි සාගරය හා සම්බන්ධ ක්‍රියාකාරකම්වලට බාධාකාරී තත්ත්ව ඇතිවෙයි.   



01. ඛනිජ තෙල් මුහුදට එක්වීම නිසා වෙරළ තීරයට, සාගරය හා අපගේ සමුදුර පරිසර පද්ධතිය ලෙස සැලකෙන වැලි සහිත වෙරළ, කඩොලාන, කොරල්පර, මුහුදු තෘණ, මුහුදු ජීවීන් කලපු සහ මෝය යන අාදියට දැඩි ලෙස බලපෑම් ඇති කරයි.


02. විනෝදාත්මක කටයුතු සඳහා මෙන්ම සංචාරක ව්‍යාපාරයේදී කොරල්පරවලට ලැබෙන්නේ ප්‍රධාන තැනකි. වෙරළ ඛාදනයෙන්් ආරක්ෂා කර ගැනීමේ කාර්යයට ප්‍රබල දායකත්වයක්  දක්වන කොරල්පර මුහුදු වෙරළට ඇති කරන්නේ සුන්දරත්වයකි.


03. කලපු සහ වගුරුබිම් ආශ්‍රිතව තෙල් හා රසායන ද්‍රව්‍ය ආදියෙන් දූෂණය වූ විට මිනිසාගේ සෞඛ්‍යයට අහිතකර තත්ත්ව ඇතිවෙයි. කලපු හා වගුරුබිම් ජලය රඳවා ගැනීමේ වැඩි නැඹුරුවක් පෙන්වයි. එවැනි ප්‍රදේශවලින් අල්ලා ගන්නා මත්ස්‍යයන් කකුළු විශේෂ හා ඉස්සන් ආහාරයට ගන්නා මිනිසුන්ගේ ශරීර ද විවිධ රෝගාබාධයනට ලක්විය හැකිය.


04. වැලි සහිත වෙරළ පක්ෂීන්ට හා වෙනත් ජීවින්ට වැදගත් පරිසරයක් වෙයි. සංචාරක ව්‍යාපාරයේදී ඉහළ ආර්ථික වටිනාකමක් ලබා‍ෙදයි. මේ ප්‍රදේශවල ඛනිජ තෙල් වර්ග තැන්පත් වීම නිසා සුන්දරත්වය විනාශ වී යයි. විශේෂයෙන් කැස්බෑවන්ට වෙරළ මතුපිට තෙල් ඒකරාශි වීම දැඩි ලෙස බලපෑම් ඇති කරනු ලබයි.


05. ඛනිජ තෙල් මත්ස්‍ය බිත්තරවලට හානිදායි වන අතර ඒවා විනාශවීමට ලක්වේ. එමගින් මත්ස්‍ය ගහනයට සෘජු බලපෑම් ඇති‍ෙවයි.


06. ඛනිජ තෙල් මගින් සිදුවන සමුද්‍ර දූෂණය හේතුවෙන් කඩොලාන පරිසරය මත හානිකර බලපෑම් ඇතිකරයි. කඩොලාන පත්‍ර හැළී ශාක මියයාම වැනි තත්ත්වයන් ඇතිවිය හැකිය. මෙම පරිසරයේ ජීවත්වන බොහෝ සත්ත්ව විශේෂද විනාශ වී යයි. 


07. සමුද්‍ර දූෂණයෙන් තොර ආරක්ෂාකාරි පරිසරයක් සඳහා අප කැපවීමෙන් සාගර සම්පත් ඇතුළු ස්වාභාවික සම්පත් සුරැකිය යුතුය. එවිට ඒවා තිරසාරව පවත්වා ගත හැකිය. මිනිසාට හොඳ ජීවන තත්ත්වයක් හා වැඩි ආදායමක් දූෂණයෙන් තොර සශ්‍රීක පරිසරය මගින් තහවුරු වෙයි. නිරොගී ජීවිත හිමිවෙයි.

ශ්‍රී ලංකාවේ පුද පූජා ලබන යක්ෂයන් 7දෙනෙක්

01. රීරි යක්ෂයා

ශ්‍රී ලංකාවේ පුද පූජාවලට ලක්වන යක්ෂ කොට්ඨාසයන් අතර සිටින බලගතු යක්ෂයෙකු බවට පැවසේ. දළ රීරි යක්ෂයා, මරු රීරි යක්ෂයා, අටමගලේ රීරි යක්ෂයා, ඉර මුදුන් රීරි යක්ෂයා, තොටුපළ රීරි යක්ෂයා, කඩවර රීරි යක්ෂයා යනුවෙන් එක් එක් අවස්ථාවලදී බලපාන ආකාරය අනුව රීරි යක්ෂයාට අපර නම් රාශියක් තිබේ. සයිරාෂ්ඨ නම් දේශයේ, රීරි ගල් පර්වතයේ, ලේ පොකුණේ, ලේ විලේ උපන් බවට පැවසේ. ලේ මල් විලේ වාසය කරයි. රතු වස්ත්‍රයක් හඳී. වාලි මුහුණකින් යුක්ත බවට පැවසේ. එක් අතක යම මුගුරකි. නාසයෙන් ලේ යෑම, ලේ කිලි මාලය, ලේ ගුල්ම වැනි රුධිරය ආශ්‍රිත රෝග මොහු නිසා සිදුවන බවට විශ්වාස කෙරේ. 


02. කළු යකා 

සත් මුහුදෙන් එතෙර ඇති නිල් මුහුදෙහි වෙසෙන කරඬුබානා නොහොත් ගිනි කුමරියගේ කුසයෙන් උපන් බවට පැවසේ. මායා කෝවිලේ වාසය කරයි. මායාවක් ලෙසින් අවුත් ලෙස ඇති කරන බවට විශ්වාස කෙරේ. කළු වස්ත්‍රයක් හඳී. අතෙක වීදුරු කඩුවකි. මොහු විසින් වාත රෝග ඇති කරන බවට විශ්වාස කෙරේ.


03. මහසෝනා

වලස් මුහුණකින් සහ මිනිස් ශරීරයකින් යුක්ත බවට පැවසේ. සුදු වස්ත්‍රයක් හඳී. සඳ පායා ඇති රාත්‍රීවල අමු සොහොනේ, තුන් මංසලේ, දෙමංසලේ ඉඳ දුටුවන් ලෙඩ කරන බවට විශ්වාස කෙරේ. ඌරු අවතාරයෙන් යුක්තය.
දුටුගැමුණු රජතුමාගේ දස මහා යෝධයන්ගෙන් එක් යෝධයෙකු වූ ගෝඨයිම්භර සමග කළ ද්වන්ධ සටනේදී හිස සුන්ව මියගිය රිටිගල ජයසේන නම් වූ යෝධයෙකු මහසෝනා වූ බවට පැවසේ. මොහුට වලස් මුහුණක් ලබාදුන්නේ %සෙනසුරා^ විසින් යැයි ජනශ්‍රැතියෙහි සඳහන්ය. මෙකී මුහුණ හිස සුන් කඳට සවි කිරීමේදී මුහුණ පිටුපසට හරවා සිටින සේ සවි කිරීම නිසා ශරීරය ඉදිරිපසටත්, මුහුණ පිටුපස බලාත් සිටීම මහසෝන් යක්ෂයාගේ සුවිශේෂ ලක්ෂණයයි.


04. සූනියම් යක්ෂයා

ගම්බාර දේවතාවුන් වහන්සේ ලෙසද මොහුව හැඳින්වේ. යක්ෂ,දේව යනුවෙන් ස්වභාවයන් දෙකකි. යහපත සලසන විට දේව ස්වභාවයෙන්ද, විපත සලසන විට යක්ෂ ස්වරූපයෙන්ද යුක්තය. ඔඩ්ඩි යක්ෂයා, ඔඩ්ඩි දේවතාවා යනුවෙන්ද හඳුන්වන්නේ මොහුවය. ආතුර පක්ෂය මෙන්ම යකැදුරු පක්ෂයද ආරක්ෂා කරයි.


05. කළු කුමාරයා

කළු කුමාර දේවතාවා ලෙසද හඳුන්වයි. කළු කුමාරයාගේ උපත පිළිබඳව විවිධ ජනප්‍රවාද ඇත. එක් උපත් කතාවකට අනුව එක් කුමරෙක් ස්ත්‍රී පුරයේදී ස්ත්‍රීන්ගේ ග්‍රහණයට හසුවී මියගොස් තිබේ. එදා ස්ත්‍රී පුරයේදී ස්ත්‍රීන් එකිනෙකා පොර අල්ලා ඇඟ මස් කඩා ගැනීමෙන් මියගිය හෙයින් ස්ත්‍රීන් කෙරෙහි වෛරයෙන් කළු කුමරු වී උපන් බවට පැවසේ. මොහු විසින් ස්ත්‍රීන්ට ලෙඩ, තනිකම් දෝෂ, උන්මාද ඇති කරවන බවට පැවසේ. එමෙන්ම කළු කුමරා ස්ත්‍රීන්ගේ දරුඵල නැති කරන බවත්, සිහිනයෙන් තරුණියන්ට පෙනී ඔවුන් සමග හැසිරෙන බවටත් විශ්වාසයක් පවතී. කීල මදන, කළුදෑකඩ, ගිනි කුමාර, වට කුමාර, මල් කුමාර යනාදී වූ නම් රාශියකින් මොහුව හඳුන්වනු ලැබේ.


06. අභිමාන යක්ෂයා

කාසි රටේ දේශගුරු නම් පියෙකුට දාව ආඬි මවකගේ කුසින් උපන් බවට කියවේ. සුදු වස්ත්‍රයකින් සැරසේ. තුන් මුළු තොප්පියක් පැලඳ, තුන් මංසල, දෙමංසල රැක සිට ආතුරයන් ලෙඩ කරවන බවට පැවසේ. මොහු විසින් කතරගමට යන මග රැක සිට දන්කඳ උදුරා ගන්නා බවට පැරණි ගැමියන්ගේ විශ්වාසයක් පැවතිණි.


07. රාජමුළු සන්නි යක්ෂයා

සන්නි යකුන් දහඅටට නායක යක්ෂයාය. සංඛපාල නම් වූ රජුට දාව අසූපාල නම් වූ බිසවගේ කුසින් උපන් බවට කියවේ.
ඔහුගේ උප්පත්ති කතාව මෙසේය. සංඛපාල රජු අසූපාල දේවියව අනිවාරතේ සැක කර වධකයන් ලවා දෙපලු කරවා මරා දැමීය. එක් පළුවක් පුබ්බේරිය ගසක එල්ලා අනෙක් පළුව අමු සොහොනේ බිම රැඳවීය. මහ වැසි වැස පුබ්බේරිය අත්ත කඩා වැටී පළු දෙක එකට යා වීමෙන් පුතෙක් උපන් බවට කියවේ. මවගේ ඇඟ මස් කා වැඩුණු මේ කුමරා තමාට වූ විපත බලා පියා කළ අපරාධය දිවැසින් දැක, කැලේ කොළ කඩා අඹරා ගුලි දහඅටක් සකස් කර, එයින් දහඅටක යක්ෂ පිරිවරක් මවා ගත්තේය. ඔහු එකී පිරිවර සමග විශාලා නුවරට ගොස් එය වනසා එහි තුන් බියක් ඇති කළ වේලේ බුදුරදුන් එහි වැඩ රතන සූත්‍රය දේශනා කර, යකුන් සක්වල ගලින් එපිටට පන්නවා හැර ඔවුනට දොළක්, පිදේනියක් ගෙන දිවි රැක ගන්නට අවසර දී වදාළ බවත් පැවසේ. 

ප්‍රියාන් ෂමික

 

සිරිපා වන්දනා ගමනකදී සිදුවන විශේෂ කතාබහ

සිරිපා වන්දනා කාලය පටන් ගැනීමෙන් පසුව විශාල වශයෙන් බැතිමත්හු සිරිපා වන්දනාවේ යති. මෙහිදී ඉතාමත් සංවර ආකාරයෙන් හැසිරිය යුතුය. ඇතැමුන් සිරිපා ගමනට මාසයක සිට මස් මාංසයෙන් වැළකෙති. එසේම සිරිපා වඳින්නට යන විට කතාබහ පවා වෙනස් වේ. මේ එසේ සිදුවන කතාබහ ආශ්‍රිත කරුණු 7කි. 



01. නඩේ ගුරා

සිරිපා කරුණා කිරීම අතීතයේදී අද මෙන් පහසු එකක් නොවීය. බොහෝ ගම් ප්‍රදේශවල සිරිපා කරුණා කරන ‘නඩයක් එකතුකොට ගන්නේ නඩේ ගුරාය. මෙසේ වන්දනා කරන පිරිස හඳුන්වන්නේ නඩය යනුවෙනි. එම පිරිසෙහි නායකයාට නඩේ ගුරා යන නම ව්‍යවහාර කෙරේ. වන්දනා පිරිස නඩේ ගුරාට අවනතව ඔහුගේ උපදෙස පරිදි සිරිපා ගමන සිදුකරති.   


02. කෝඩුකාරයා

කෝඩුකාරයා යන්නෙන් අදහස් කරන්නේ පළමු වරට සිරිපා කරුණා කිරීම සඳහා ගමනට එක්වන අයයි. කොඩුකාරයන් වර්ග දෙකකි. එනම් කිරිකෝඩු හා දඬු කෝඩු වෙයි. මුල් වරට සිරිපා ගමනට එක්වන කුඩා දරුවකු හෝ දැරියක හඳුන්වන්නේ කිරිකෝඩු යනුවෙනි. මුල් වරට සිරිපා ගමනට එක්වන වැඩිහිටියා හැඳින්වෙන්නේ දඬුකෝඩු යනුවෙනි.


03. කරුණාවයි

සිරිපා ගමනේදී තම නඩයේ සේම වෙනත් නඩයක අය සමග ඔවුනොවුන් හමුවන අවස්ථාවන්හිදී ආශීර්වාද කරගන්නේ කරුණාවයි කියමිනි.


04. සැහැල්ලුව

සැහැල්ලුව යන්නෙහි සාමාන්‍ය තේරුම බර නැති යන අදහසය. එහෙත් සිරිපා වන්දනාව හා සම්බන්ධ සැහැල්ලුව එසේ බර නැති දෙයක් නොවේය. සිරිපා වන්දනාකරුවා රැගෙන යන සියලු ආම්පන්න බහාලන බෑගය මේ නමින් හැඳින්වෙයි.


05. පේ වීම

වන්දනාකරුවන් සිරිපතුල වඳින්නට පෙර පිරිසුදුවීම හඳුන්වන්නේ පේ වීම ලෙසය. හිසේ දෙහි කැබැල්ලක් ගා ශීත ගඟුලෙන් නෑම මෙහිදී විශේෂයෙන්ම පේ වීම නමින් හැඳින්වේ. පේ වීමෙන් පසු සුදු ඇඳුමක් පිරුවටයක් ඇඳිය යුතුය.


06. සංහි‍ඳේ

සිරිපා වන්දනා කරන විට එම මග අවහිර වන අවස්ථා සිදුවෙයි. එවිට සංහිඳේ යන්න භාවිත වෙයි. එහිදී ඉතා සුහදශීලී ලෙස තවත් අයගෙන් ඉඩ ඉල්ලන්නේ මේ ආකාරයටය. “දෙන්න අපට සංහිඳේ… දුන්න අයට පින් පිරේ” යනුවෙනි. 


07.ඉර සේවය

හිමිදිරි පාන්දර සූර්යයා පෙරදිගින් උදාවීම සිරිපා මළුවේදී හඳුන්වනු ලබන්නේ ඉර සේවය ලෙසිනි. කඳු අතරින් පෙනෙන මෙම සූර්ය උදාව ඉතාමත් මනරම් දසුනකි. මේ ස්වභාවික සිදුවීම ඉර සේවය නමින් හැඳින්වේ.  

සුප්‍රකට ගූගල් සමාගම පිළිබඳ අප්‍රකට කරුණු 7ක්


01. ගූගල් සමාගම ගූගල් (Google) ලෙස නම් කිරීමට පෙර එහි මුල් නම වූයේ බැක්රබ් (Backrub) ය.


02. ගූගල් සමාගමේ සේවකයෙක් මියගිය හොත් ඔහුගේ යැපෙන්නන්ට මියගිය තැනැත්තාගේ වසරක වැටුපෙන් 50% ප්‍රමාණයක් වසර 10ක් දක්වා ලබාදෙයි.


03. ගූගල් මැප් මගින් වාහන තදබදය විනිශ්චය කරන්ෙන් අදාළ මාර්ගෙය් අැති අැන්ෙඩ්‍රායිඩ් උපාංග යම් කාලයක් තුළ චලනය වූ දුර ප්‍රමාණය ගණනය කිරීෙමනි.


04. ගූගල් සමාගම ෙස්වකයන්ට සිය සුරතලුන් රැෙගන ඒ්මට අවසර ලබාදී තිෙබ්.


05. පසුගිය 12 වසර තුළ ගූගල් සමාගම විසින් සමාගම් 127ක ප්‍රමාණයක් අත්පත් කර ගෙන තිෙබ්.


06. ගූගල් සමාගම ලබන අාදායමින් 80% ක පමණ ප්‍රමාණයක් ලබන්නේ වෙ‍ෙළඳ දැන්වීම් පළ කිරීම හරහාය.


07. අද අප භාවිතා කරන Gmail මුලින්ම නිර්මාණය කර තිබෙන්නේ ගූගල් සමාගමේ සේවකයන්ෙග් පරිහරණය වෙනුවෙනි.

 

එදිනෙදා ජීවිතයේ සිදුවීම් 7ක විද්‍යාත්මක පැතිකඩ

01. අක්මාවේ ආබාධ ඇති අයට තෙල් ආහාර සුදුසු නොවෙයි. 

අක්මාවේ ඇති පිත්යුෂයෙන් තෙල් සහිත ආහාර තෛලෝදකරණය කරයි. අක්මාවේ ආබාධ ඇතිවිට තෛලෝදකරණය නිසි ලෙස සිදුනොවෙයි. තවද තෙල් සහිත ආහාර ගැනීමෙන් අක්මාවෙන් පිත් යුෂ ශ්‍රාවයට උත්සාහ කරයි. ඒ හේතුවෙන් අක්මාවෙන් සිදුවන කාර්යයන් තව තවත් වැඩි වීමෙන් ආබාධය උත්සන්න වේ.


02. ඇතැම් ශාකවල අත්තක පොතු වළලු ආකාරයට ගැසු විට එහි ඵලදාව වැඩිවේ.

ශාකයක ආහාර පරිවහනය සිදු වන්නේ ප්ලෝයම පටක මගිනි. පොතු වළලු ගැසීමේදී එම ස්ථානයෙන් ප්ලෝයම පටකය සම්පුර්ණයෙන්ම ඉවත් වන බැවින් පත්‍ර මගින් නිපදවන ආහාර ශාකයේ පහළ කොටස් කරා පරිවහනය නොවී එහි රුස්වේ. වැඩි ආහාර ප්‍රමාණයක් රුස්වෙන බැවින් එහි සෑදෙන ඵල ප්‍රමාණයද වැඩිවේ.


03. අහසින් මාළු වැටීම

ඇතැම් අවස්ථාවල යම්යම් ප්‍රදේශවලට වර්ෂාවත් සමග හෝ වර්ෂා නොමැතිව සුළඟ සමග අහසින් කුඩා මසුන් වැටීමක් සිදුවෙයි. එහෙත් අහසෙහි මාළුන් නොමැත. මෙය සිදුවන්නේ ජලාශ ආශ්‍රිත හෝ මුහුද ආශ්‍රිත ප්‍රදේශයකට ටො‍ෙන්ඩෝ තත්වයක් ඇතිවී එහි සිටින කුඩා මසුන් ඇතුළු ජීවීන් අධික වේගයෙන් අහස දෙසට ඇදී යයි. එසේ ඇදීගිය මසුන් ටො‍ෙන්ඩෝවෙහි ශක්තිය අඩුවී ගොස් අහසෙහි සිට එම ප්‍රදේශයටම හෝ ඉන් බැහැර ස්ථානයකට නැවත වැටෙයි.   


04. එළවළු වෙ‍ෙළඳ පොළවල ඇතැම්විට අ‍ෙලවිකරන එළවළුවල පැහැයට සමාන පැහැයක් ඇති පොලිතින් ආවරණයකින් තාවකාලික වහලයක් සකසයි.

එළවළුවල පැහැයට සමාන පැහැයක් ඇති පොලිතින් ආවරණයක් ඇතිවිට සුර්යාලෝකය එ් හරහා ගමන් කිරීමෙන් එහි වර්ණය තව තවත් වැඩිවෙයි. එහි එළවළුවල පැහැය වැඩිවීමක් සිදුවෙයි.


05. හුමාලයෙන් පිළිස්සීම තදබලය.නටන ජලයට වඩා හුමාලයේ අඩංගු තාප ප්‍රමාණය වැඩිය.

හුමාලය සමට වැදුණු විට මෙම අතිරේක ගුප්ත තාපයද පිළිස්සීමට දායක වේ. නටන ජලයෙන් මෙම අතිරේක තාපය නොලැබේ.


06.  සෑම විටම අහසේ දේදුන්නක් දැකිය හැක්කේ වරෂාවක් ඇතිවීමෙන් පසුව හෝ සිහින් වරෂාවක් ඇතිවිටකය

සූර්යාලෝකය කුඩා ජල බිඳු හරහා ගමන් කිරීමෙන් එය වර්ථනය ලක්වී වර්ණාවලියක් ඇතිවීමේ සංසධ්දියි. මෙම ක්‍රියාවලිය සුර්යයා හොඳින් ඇතිවිට හා වර්ශා සහිත අවස්ථාවක දේදුන්නක් ඇතිවෙයි.


07. ඉඳිකටු පාවිච්චියට නොගන්නාවිට ඇළුමිනියම් පත්‍රව ඔතා තබයි. 

ඉඳිකටු තනා ඇත්තේ වානේවලිනි. වානේ සාමාන්‍ය පරිසරයේදී ජලවාශ්ප සමග එක්වීමෙන් මළ බැඳිමක් සිදුවෙයි. එහෙත් ඇළුමැනියම් සාමාන්‍ය පරිසරයේ ජලවාෂ්ප සමට එක්වීමෙන් මළ බැඳී විඛාදනයක් සිදුනොවෙයි.  එම නිසා ඉඳිකටු පාවිච්චියට නොගන්නාවිට ඇළුමිනියම් පත්‍රයක ඔතා තබයි.   

ස්ටීවන් හෝකින්ගේ විශිෂ්ට කියමන් 07ක්

ඇල්බට් අයින්ස්ටයින්ගෙන් පසුව ලෝකයේ පහළ වූ විශිෂ්ටතම විද්‍යාඥයා ලෙස සැලකූ ස්ටීවන් හෝකින් පසුගියදා මියගියේ ලෝකයට තවත් ශ්‍රේෂ්ඨයෙකුගේ හිඩසක් ඇති කරමිනි. ඔහු පැමිණි ශ්‍රේෂ්ඨත්වයේ ගමන් මග පුරාම ඔහු මුහුණදී ජයගත් අභියෝග බොහෝය. මේ ඔහු ලෝකයට සිය දිවියෙන් ලබාදුන් පණිවුඩ කිහිපයකි. වර්ෂ 1942 ජනවාරි මස 8 වැනිදා බ්‍රි‍තන්‍යයේ ඔක්ස්ෆර්ඩ්ෂයර් හි උපත ලබන ස්ටීවන් හෝකින් පසුගිය 14 වැනිදා මියගියේය.


stephen-hawking-1982-gty-thg-180313_4x3_992

 

01. ජීවිතය තුළ විනෝදයක් නොමැති නම් එම ජීවිතය සම්පූර්ණයෙන්ම වැදගත්කමක් නොමැති විකාරයක් බවට පත්වනු ඇත.


02. බුද්ධිය යනු අභියෝග භාරගැනීමට ඔබ තුළ පවතින හැකියාවයි.


03. සමහර විට දෙවියන් කියා පිරිසක් විශ්වයේ ඇති. නමුත් විද්‍යාවට දෙවියන්ගේ උදව් නැතුව විශ්වය ගැන සොයන්න පුළුවන්.


04. නිතර තරහ ගන්නා පුද්ගලයන් වෙනුවෙන් හා විවේචනය කරන අය වෙනුවෙන් ඔබ කිසිදු අයුරකින් ඔබේ කාලය වෙන්කළ යුතු නැත.


05. ශක්තිමත් මිනිසුන් නිරන්තරයෙන්ම නිහඬය.


06. හොඳ මිනිසුන්ව අධම ගති අැති මිනිසුන්ට පෙනෙන්නේ පිස්සන් ලෙසය.


07. ජීවිතය යනු ගැටලු සහ අභියෝගවලින් පිරුණු දෙයක් බව සැබෑවක් නමුත් ඒ ජීවිතය තුළ පවතිනවා ඔබට හොඳින්ම සිදුකළ හැකි හා ඔබට සාර්ථක විය හැකි දෙයක්. එය සොයාගන්න.

ස්ටීව් ජොබ්ස්ගේ විශිෂ්ට කියමන් 7ක්

සුප්‍රකට ඇපල් සමාගමේ නිර්මාතෘ ස්ටීව් ජොබ්ස් හෙට දවස අද දුටු ශ්‍රේෂ්ඨයෙකි. 1955 පෙරවාරි 24 දින සැන්ෆ්‍රැන්සිස්කෝහිදී උපත ලැබූ ඔහු 2011 ඔක්තෝමබර් 05 වැනිදා පිළිකා රෝගයකින් මිය යන විට ලෝකයට දායාද කළ දේ බොහෝය.

 


01. ඔබට ඇති කාලය සීමිතයි. ඒ නිසා නොවැදගත් දේ වෙනුවෙන් හා නොවැදගත් පුද්ගලයන් වෙනුවෙන් එම කාලය කිසිම විදිහකින් වැය කරන්න එපා.


02. ව්‍යාපාරයකදී ලබන සාර්ථකත්වයන් කණ්ඩායමක් විසින් ලබාගත් සාර්ථකත්වයන් මිස තනි පුද්ගලයෙකුට පමණක් කිසි විටෙක එහි සම්පූර්ණ ගෞරවය ලබාගත නොහැකියි.


03. ඔබේ අරමුණු සහ සිහින තවකෙකුගේ මතයක් නිසා බිඳ වට්ටවා ගන්න එපා.


04. ඔබ කළ යුතු දේ තීරණය කිරීම වගේම වැදගත් වෙනවා නොකළ යුතු දේ තීරණය කිරීම.


05. සැබෑ නායකයෙක් කියන්නේ තමන්ගේ යටතේ සිටින අය සිදුකිරීමට අකමැති දෙයක් කරවන පුද්ගලයෙක් නොවෙයි. තමන්ට කවදාවත් කරන්නට බැහැ කියලා වැටී ඉන්න මිනිසුන්ට ඒ දේවල් කරන්න පොළඹවන සහ දිරිගන්වන පුද්ගලයාටයි.


06. අතීතයේ කළ නොහැකි වූ දෙයක් වෙනුවෙන් අලුත් දෙයක් නිපදවනවාට වඩා අනාගතයට වැදගත් දෙයක් නිපදවන්න උත්සාහ කරන්න.


07. ඔබට කිසිම අමතර උපකාරකයකින් තොරව යමෙකුට දෙයක් තේරුම් කරන්න පුළුවන් ඔබට ඔබ කතා කරන දේ පිළිබඳ හොඳ අවබෝධයක් සහ දැනුමක් තිබෙනවා නම්.


 

ශ්‍රී ලාංකිකයන් අදහන දෙවිවරු සත් දෙනෙක්

01. විෂ්ණු දෙවියන්

හින්දු සංකල්පයට අනුව ත්‍රිමූර්තියට අයත් එක් ප්‍රධාන දෙවියෙකි. බ්‍රහ්ම විසින් ලෝකය මවන ලද්දේ යැයිද, විෂ්ණු විසින් ලෝකය පාලනය කරන්නේ යැයිද ඔවුන්ගේ මතයක් පවතී. නිල්වන් ශරීරයකින් යුක්තය. ගුරුළු වාහනයක් අරා සිටී. බුද්ධ ශාසනයේ ආරක්ෂක දේවතාවා විෂ්ණු දෙවියන් බව බෞද්ධයන්ගේ පිළිගැනීමයි. තමන් වෙත පැමිණෙන දුක්ඛ, දොමනස්ස, කරදර කම්කටොලු ආදියේදී විෂ්ණු දෙවියන් අරභයා භාරහාර වීම සිරිතයි.


02. ස්කන්ධ හෙවත් කතරගම දෙවියෝ

වේදයෙහි සඳහන් දෙවියෙකි. කන්ද ස්වාමි, කදිරේෂ, ශන්මුග,ආරුමුග,කුමාරස්වාමි,මුරුක,කතරගාමම් සහ සුබ්‍රමන්‍ය යන නාමයන්ගෙන්ද හඳුන්වනු ලැබේ. මුහුණු සයක් සහ අත් දොළොසක් ඇත. එබැවින් බාසුරු කියාද පවසයි. මයුරා පිට වැඩ සිටී. රුහුණට අධිපති දෙවිඳුන්ය. සැවුල් ධජය දරයි. මිනිසුන් කෙරෙහි පැතිරෙන්නා වූ විවිධ දුක් කම්කටොලු වෙනුවෙන් බාරහාර වූ විට කතරගම දෙවිඳුන් විසින් එකී දුක් කම්කටොලුවලින් ඔවුන් මුදවාලීමට කටයුතු කරන අතර, මිනිසුන් විසින් එකී දෙවියන් වෙනුවෙන් වූ බාරහාර ඔප්පු කර දෙවියන්ට පිං පෙත් පැමිණවිය යුතුය. කතරගම ශ්‍රී ස්කන්ධ කුමාර මහ දෙවොල කතරගම දෙවිඳුන් අදහන ප්‍රධාන දේවාලය ලෙස පිළිගැනේ.


03. සුමන සමන් දෙවියෝ

මෙම දෙවිඳුන් සමනල අඩවියට එනම් සබරගමු ප්‍රදේශයට අධිපති දෙවිඳුන්ය. සබරගමු මහ සමන් දෙවොල සමන් දෙවිඳු නමින් කරවන ලද්දකි. සබරගමු සාම්ප්‍රදායික ශාන්තිකර්මවලදී ප්‍රමුඛ වශයෙන් පුද ලබන දෙවි කෙනෙකි. බුදුන් වහන්සේ ශ්‍රීපාදස්ථානයේ සිය පාද ලාංචනය තැබුවේ සමන් දෙවියන්ගේ ආරාධනයෙන් බවට පැවසේ. ශ්‍රී ලාංකිකයන් විසින් බැතිබරව අදහනු ලබන දෙවියෙකි.


04. දෙවොල් දෙවියෝ

දෙවොල් දෙවියන් හත් කට්ටුවකි. වෙළෙඳාමට පැමිණි මොවුන්ගේ නැව මහ මුහුදේදී කුණාටුවකට හසුවී කැඩී ගියෙන් මණිමේකලාව විසින් මවාදුන් පහුරක නැගී මෙරටට පැමිණි බවට කියවේ. පත්තිනිය දෙවොල් දෙවියන්ට ගොඩ බසින්නට නොදී ගිනි කඳු හතක් මවාලූ බවද කියවේ. එම ගිනි කඳු හත අතින් අල්ලා, පයින් පාගා පොඩි කොට ලංකාවට ගොඩ බසින්නට දෙවොල් දෙවියන් සමත් වූ බවට කියවේ. හිරු සාමි, තෙද රැස් සාමි,ගිනි රැස් සාමි, සඳ රැස් සාමි, යස රැස් සාමි,මහා සාමි, දෙවොල් සාමි නමින් හඳුන්වන දෙවොල් දෙවි හත් කට්ටුවට කුරුම්බර පිරිවරක්ද ඇත. දෙවොල් මඩු ශාන්තිකර්මය දෙවොල් යාගය, පත්තිනි යාගය යනුවෙන් කොටස් දෙකක් බවට පත්වූයේ එබැවිනි.


05. දැඩිමුණ්ඩ දෙවියෝ

දේවතා බණ්ඩාර යනුවෙන්ද මෙම දෙවියා හැඳින්වේ. හඳුන් කුමාර,මැණික් බණ්ඩාර යන පර්යාය නාමයද මොහුට යෙදී තිබේ. මහානුභාව සම්පන්න දෙවි කෙනෙකි. එරන්දතී නම් නාග කන්‍යාවගේ කුසින් පූර්ණක නම් වූ යක්ෂ සේනාධිපතියාට දාව තලගිරි කන්දේ උපන් බව කියවේ.


06. මංගර දෙවියෝ

මෙම දෙවියන් පිළිබද උප්පත්ති කතා රාශියක් ඇත. සබරගමු සාම්ප්‍රදායික ශාන්තිකර්මවලදී වෙසෙසින්ම පුද ලබන දෙවියෙකි. කිතල්ලව නම් රජෙකුට දාව උපන් බවට කියවේ. කිරි හරක්ට ඇළුම් කළ අතර, කුළු හරක් ඇල්ලීමේ දක්ෂතාවයක් මොහුට තිබුණි. දිනක් මීමෙකු විසින් ඇණ මරා දමන ලදී. එඬේර කුමරකු විසින් මීමා මරා උගේ ශරීරාංග ප්‍රයෝජනයට ගෙන කිරි උතුරුවා මෙම කුමරුගේ ඇඟට ඉස්සේය. ඉන් පසු නැවත පණ ආ කුමරු වනයට පැනගිය බවට කියවේ.


07. අයියනායක දෙවියෝ

බලසම්පන්න දෙවි කෙනෙකු වන මෙම දෙවියන්ට වැව් බැඳි රටේ ගැමියන් මහත් භක්ත්‍යාදරයෙන් පුද පූජා පවත්වයි. අයියනායක දෙවියන් ‍වෙනුවෙන් අතු එල්ලීම සඳහා ගස් වෙන් කර තිබේ. මෙකී ගස්වල අයියනායක දෙවියන් සිහිපත් කර අත්තක් එල්ලා තැබූ විට කිසිදු විපතක් සිදුනොවන බවට විශ්වාසයක් පවතී.      

ප්‍රියාන් ෂමික

යුනිසෙෆ් සංවිධානය පිළිබඳ කරුණු 7ක්


01. එක්සත් ජාතීන්ගේ අන්තර් ජාතික ළමා අරමුදල ලෙස හඳුන්වන, යුනිසෙෆ් සංවිධානය වර්ෂ 1946 දෙසැම්බර් මස 11දා පිහිටුවා තිබේ. එහි ප්‍රධාන කාර්යාලය ඇමෙරිකා එක්සත් ජනපදයේ නිව්යෝක් නගරයේ පිහිටුවා තිබේ.


02. යුනිසෙෆ් සංවිධානයේ ප්‍රධාන අරමුණ වූයේ දෙවන ලෝක යුද්ධයේදී පීඩාවට පත් වූ දරුවන්ට පිහිටවීම සඳහා විශේෂ අරමුදලක් පිහිටුවීමයි. ඉන් ප්‍රමුඛස්ථානය හිමිවන්නේ සංවර්ධනය වෙමින් පවතින රටවල ළමුන්ගේ අභිවෘද්ධිය උදෙසා ක්‍රියා කිරීමයි.


03. වර්තමානය වන විට ලෝකයේ රටවල් 190ක මෙය ක්‍රියාත්මක වන අතර විශේෂයෙන් යුද්ධ පවතින රටවල දරුවන්ගේ සුබසිද්ධිය පිණිස මොවුහු කටයුතු කරති. වයස අවුරුදු 05ට අඩු ළමයින්ට සෑදෙන රෝග මැඬලීම සඳහාද වැඩි අවධානයක් මොවුන් යොමු කරයි.


04. නිව්මෝනියාව, පාචනය, ක්ෂය රෝගය, සරම්ප, කක්කල් කැස්ස, පෝලියෝ ආදී රෝගවලින් දරුවන් බේරා ගැනීම වෙනුවෙන් යුනිසෙෆ් සංවිධානය විශාල උත්සාහයක් දරන අතර,  ඒ සඳහා විශාල මුදලක් ඔවුන් වෙන් කරයි.


05. 1989දී එක්සත් ජාතීන්ගේ මහා මණ්ඩලය ළමා අයිතිවාසිකම් පිළිබඳ වූ ප්‍රඥප්තිය පිළිගැන්වීමෙන් පසුව යුනිසෙෆ් සංවිධානය විසින් පළමු වරට වර්ෂ 1990 සැප්තැම්බර් මාසයේදී ළමයි සඳහා ලෝක සමුළුවක් පවත්වා තිබේ.


06. එක්සත් ජාතීන්ගේ සංවිධානයේ ප්‍රඥප්තියට අනුව, ළමා අයිතිවාසිම් පිළිබඳව කාර්යයන් තවත් ව්‍යාප්ත කරමින් අධ්‍යාපනය නොලබන දරුවන්ට අධ්‍යාපනය ලබාදීම, යුද්ධය හෝ මෙහෙකාර සේවයට දරුවන් පත්වීම වළක්වා ගැනීම සහ එම දරුවන්ට ආරක්ෂාව ලබාදීම, වද හිංසාවලට භාජනය වූ දරුවන්ට ආරක්ෂාව සැපයීම වැනි ළමා සුබසාධන කටයුතු සඳහා සේවාවන් ඉටු කිරීමට මුදල් ප්‍රතිපාදන වෙන්කිරීමට යුනිසෙෆ් සංවිධාන පෙළඹිණි.


07. යුනිසෙෆ් සංවිධානයේ පනස්වැනි සංවත්සරය වෙනුවෙන්  ශ්‍රී ලංකාවද 1996 වසරේදී මුද්දරයක් නිකුත් කළේය. තවද, ලොව දරුවන් සඳහා සිදුකරන මෙහෙවර වෙනුවෙන් වර්ෂ 1965 ඔක්තෝබර් මාසයේදී යුනිසෙෆ් සංවිධානයට නොබෙල් ත්‍යාගය හිමිවී තිබේ.

 

ඔරිගමි පිළිබඳ කරුණු 7ක්

1 'ඔරිගමි’ ලෙස අදහස් කරනුයේ ‘කඩදාසි නැමීම යන්නයි. 'ඔරි’ යනු ජපන් භාෂාවෙන් නැමීම යන අදහස දෙන වචනයක් වන අතර ‘ගමි’ යනු ‘කඩදාසි' යන තේරුම දෙන ජපන් වචනය.


2 ජපානය කියූ සැනින් කිමෝනාව ඔවුන්ගේ අනන්‍යතාවේ ප්‍රබල සලකුණක් වෙයි.එසේම ඔවුන්ගේ අනන්‍යතාවේ තවත් ප්‍රබල සලකුණක් වන්නේ ඔරිගමි කලාවයි.


3 දරුවන්ගේ බුද්ධි වර්ධනය වීම සඳහාත් ‘ඔරිගමි කලාව ඉතා වැදගත් වේ. වැඩිහිටියන්ගේ  ආතතිය නැති කර ගැනීමට මෙය විනොදාංශයක් ලෙස යොදාගත හැකිය.


4 වර්තමානයේ ලොව පුරාම රටවල මෙය ප්‍රචලිත අතර නව නිර්මාණ බිහිකිරීමට සේම හැඩ තල නිර්මාණයේදී සරල ගණිත සංකල්ප ඉගෙන ගැනීමට ද ඔරිගමි වි‍ෙශ්ෂ වෙයි.


5 ජපන් ඔරිගමි කලාව කොටස් දෙකකට බෙදෙයි. ඉන් එකක් ලෙස තෑගි එතීම සඳහා භාවිත කරන ‘ඔරිගමි කලාවයි. අනෙක නම් කුරුල්ලන්, සතුන්, මාළුවන්, මිනිස් රූප සහ වෙනත් ද්‍රව්‍ය සැකසීමට භාවිත කරන ‘ඔරිගාමි කලාවයි.


6 ජපානයේ සංස්කෘතික උත්සව, උපන්දින හා විවාහ උත්සවලදී  සැරසිලි සඳහා ඔරිගමි කලාව යොදාගනු ලබන අතර උත්සවයන්ට සහභාගි වන්නන්ගේ විනෝදය පිණිසද  යොදාගනු ලබයි.


7 හිරෝෂිමා සහ නාගසාකි නගරවල පරමාණු බෝම්බ හෙළීමේ සිහිවටන පිහිටි උද්‍යානවල තිබෙන ‘ඔරිගමි කොකුන් විශාල වශයෙන් තබා ඇත.

origami-210114_960_720