Category Archives: ada_7

පුද්ගලයන් විදෙස්ගත වන අකාරය අනුව ලබාදෙන වීසා වර්ග 7ක්

01. අධ්‍යාපනික වීසා (Student Visa)

උපාධි පාඨමාලාවන්, ඩිප්ලෝමා වැනි විවිධ විෂයයන්ට අදාළව උසස් අධ්‍යාපනය හැදෑරීම සඳහා විදෙස්ගත වීමට නිකුත් කරනු ලබන වීසා %අධ්‍යාපනික වීසා^ වේ. මේ සඳහා වඩාත් සුදුසු වන්නේ වයස අවුරුදු 18-35ත් අතර පිරිසයි.

1 Student Visa


02. සංචාරක වීසා (Visit Visa)

විවිධ රටවල සංචාරය කිරීම සඳහා යන පිරිස් වෙත නිකුත් කරනු ලබන්නේ %සංචාරක වීසා^ය. මෙය ඉතා කෙටි කාලයක් සඳහා පමණක් නිකුත් වන වීසාපතකි. මාධ්‍යවේදීන් හා සංචාරකයන් මෙම වීසාපත හරහා විදෙස්ගත වේ.

2 Visit Visa


03.  සේවක වීසා (Worker Visa)

රැකියාවන් කිරීම සඳහා යන පිරිස් වෙත නිකුත් කරනු ලබන වීසා පත %සේවක වීසා^ වේ. බොහෝ පිරිස් මෙම වීසා පත ලබා ගැනීමට උත්සාහ ගනු ලබන්නේ විදෙස්ගත වී රැකියාවක නියැළීමේ බලාපොරොත්තුවෙනි. මෙම වීසාපත වයස අවුරුදු 18 සිට 40 දක්වා වැනි වයස් සීමාවේ පිරිස් සඳහා නිකුත් කෙරේ. 

3 Worker Visa


04. සරණාගත වීසා (Refugee Visa)

යුදබිය, රට තුළ මරණ තර්ජන වැනි ජීවත් වීමට අපහසු වාතාවරණයක් තුළ මෙම 'සරණාගත වීසා' මගින් විදෙස්ගත වීමේ හැකියාවක් පවතී. තමන් දැනට ජීවත් වීමට නොහැකි හේතුව සඳහන් ලිපියක් අතැතිව, විදෙස් රටක ජීවත් වීමේ හැකියාවක් මෙම වීසාහි පවතී.

4 Refugee Visa


05. යැපුම් වීසා (Dependent Visa)

විදේශයක ජීවත් වන පුද්ගලයෙකු හරහා, තවත් අයෙකු එම රටට ගෙන්වා ගැනීමේදී නිකුත් කරන වීසා %යැපුම් වීසා^  නමින් හැඳින්වේ. මෙහිදී බොහෝවිට සැමියාට බිරිඳ, බිරිඳට සැමියා මෙම වීසා හරහා ගෙන්වා ගැනීමේ හැකියාවක් පවතී.
5 Dependent Visa

06. පවුල් වීසා (Family Visa)

'පවුල් වීසා' නිකුත් කරනු ලබන්නේ දෙමව්පියන් තම දරුවන් සමග විදෙස්ගත වීමකදීය. මෙම වීසා ලබාගැනීම සඳහා බොහෝ අධ්‍යාපනික සුදුසුකම් මෙන්ම, විශාල මුදලක් වැය කිරීමට සිදුවේ. මෙය පහසුවෙන් ලබාගත හැකි වීසාපතක් නොවේ.

6 Family Visa


07. ව්‍යාපාරික වීසා (Business Visa)

විවිධ ව්‍යාපාරික කටයුතු සඳහා නිකුත් කරනු ලබන වීසා %ව්‍යාපාරික වීසා^ නම් වේ. මෙය තම ව්‍යාපාර කටයුතු සඳහා විදෙස්ගත වීමටත්, නැවත පැමිණීමටත් හැකිවන පරිදි වසර කිහිපයකට නිකුත් කරනු ලබන වීසාපතකි.

Diverse business group meeting

 

 

කඳු-නිම්න-ග්ලැසියර් ආශ්‍රිත ඛාදිත භූ රූප 7ක්

යම්කිසි ප්‍ර‍ෙද්ශයක උෂ්ණත්වය හිමාංකයට වඩා අඩු නම් එම ප්‍ර‍ෙද්ශවලට වර්ෂාව ලෙස ලොකු කුඩා හිම කැට පතිත වෙයි. මෙසේ පතිතවන හිම දියවීමට තරම් උෂ්ණත්වයක් නොමැති වීමෙන් හිම කෙත් නිර්මාණයවෙයි. එම හිම කෙත් භුමියේ බෑවුමට අනුව සෙමෙන් ගමන් කිරීමක් සිදුවෙයි. ‍ෙමසේ භූතලය මත ගමන් කරන අයිස් ස්කන්ධ ග්ලැසියර්  ලෙස හඳුන්වයි. මෙලෙස ග්ලැසියර් නිර්මාණය වන පුදේශ, ඒවායේ ස්වභාවය, විශාලත්වය වැනි කරුණු පදනම් කොටගෙන විවිධ භූ රූප නිර්මාණය වෙයි.


සර්කය – උත්පාටන ක්‍රියාවලියේ (ජලය මිදීම හා දියවීම නිසා කුඩා ගල් පතුරු ගැලවී යාම) ප්‍රතිඵලයක් ලෙස කඳු මුදුනක සෑදෙන හාන්සි පුටුවක් වැනි ආවාටයකි.

b5fb42a1-fc09-4026-bb1f-69f57aaa2e34


ගිරිවිල – සර්කය ජලයෙන් පිරුණු විට ගිරිවිලකි. 

cirque


හේන්තුඩ – සර්ක කිහිපයක් කන්දක සිවු දිශාවෙන් නිර්මාණය වීමෙන් මෙම උල් හැඩැති කඳු මුදුන් වේ.

horn-58b5a8323df78cdcd88d4685


ලම්භ නිම්න – ප්‍රධාන නිම්නයට ලම්භකව කඳුකර ප්‍රදේශයක ඇති කුඩා නිම්න ඔස්සේ ග්ලැසියර් ගමන් කරන විට, නිර්මාණය වන නිම්න ලම්භ නිම්න වේ. කඳු මුදුනේ සිට ගලා බසින ගංඟා ප්‍රධාන නිම්නයට ඇද වැටෙන විට දිය ඇළි නිර්මාණය වේ. 

4205288


අරේටය – දෙපසින් සෑදෙන සර්ක හේතුවෙන් තියුණු දාර සහිත කඳු නාරටියක් නිර්මාණය වේ. මෙය දැති බෙදුම නමින්ද හැඳින්වේ. 

9922


'U' හැඩ නිම්නය – ග්ලැසියර් කුට්ටියක් ගමන් කිරීම හේතුවෙන් පොළොවේ නිර්මාණය කරනු ලබන 'U' හැඩැති නිම්නයේ පතුල පුළුල් හා ගැඹුරු ලෙස නිර්මාණය වේ.

images


විල් වැව – ග්ලැසියරයක් ගමන් කරන විට, මෘදු පාෂාණ ඉවත් වී ප්‍රතිරෝධක පාෂාණ ඉවත් නොවීම නිසාත් සිදුවන අසම ඛාදනයෙන් තැනින් තැන වළගොඩැලි නිර්මාණය වීමෙන් මෙය නිර්මාණය වේ.  

b5fb42a1-fc09-4026-bb1f-69f57aaa2e34

- සප්නා කුරේ

 

ප්‍රථමාධාර ක්‍රම 7ක්

ප්‍රථමාධාර (Fist Aids) ලෙස හඳුන්වන්නේ හදිසි අනතුරකින් පසු වෛද්‍යවරයා වෙත යෑමට පෙර රෝගියාගේ සුබ සිද්ධිය වෙනුවෙන් කළ හැකි ආධාර උපකාර වේ. මෙහිදී බලාපොරොත්තු වන ප්‍රධාන අරමුණු අතර අනතුරට ලක්වූ තැනැත්තාගේ දිවි ගලවා ගැනීමද, අනතුර නිසා ඇතිවූ තුවාලය හෝ අබාධය සුව වීම පහසු කරවීමද මූලික වේ.


01. අස්ථියක් බිඳීම

අස්ථියක් බිඳුණු විට දිය හැකි වැදගත්ම ප්‍රථමාධාරය නම් එය සෙලවීම වැළැක්වීමට කටයුතු යෙදීමයි. රෝගියාටම අතින් අල්ලාගත හැකි තැනක් නම් එය අල්ලා ගැනීමට උපදෙස් දීම සුදුසුය. බිඳුණු අස්ථි සෙලවීම වැළැක්වීමට දෙපසට පතුරු තබා බැඳීමද හොඳ ප්‍රථමාධාරයකි. මෙවැනි අවස්ථාවලදී යොදාගත හැකි විශේෂ උරමාද (බාහු උරමාව) තිබේ.

අස්ථි බීදීමකදී


02. නාසයෙන් ලේ ගැලීම

වැටීමක්, හිසෙහි, නළල දෙස වන්නට වැදුණු පහරක් වැනි හේතු නිසා මේ තත්ත්වය ඇතිවිය හැකිය. සමාන්‍යයෙන් රුධිර ගැලීමකදී රුධිර කැටිය ඉවත් නොකරද මෙවන් අවස්ථාවකදී කැටි ගැසී ඇති රුධිරය ඉවත් කළ යුතුය. තවද හිස, නළල, නාසය මත තෙත රෙද්දක් තැබීමෙන් ලේ ගැලීමේ වේගය අඩු කර ගත හැක.

02


03. දියේ ගිලීම

 දියේ ගිලුණු තැනැත්තෙක් ගොඩට ගත් විගස කළ යුත්තේ ඔහුගේ ඇනහිට ඇති ශ්වසනය යථා තත්ත්වයට පත්කර ගැනීමයි. මෙහිදී කෘත්‍රිම ශ්වසනය (Artificial Respiration) ලබාදිය යුතුය.

03


04. ක්ලාන්තය

මෙවැනි අවස්ථාවකදී රෝගියාගේ හිස මඳක් පහත් වනසේ දිගා කරවීමෙන් හිසට රුධිරය ගැලීම පහසු කරවිය හැක.රෝගියාගේ තද ඇඳුම් බුරුල් කිරීම, පවන්සැලීම, මුහුණ තෙත රෙද්දකින් පිසදැමීම වැනි ප්‍රථමාධාර රෝගියාව ප්‍රකෘති තත්ත්වයට පත්කර ගැනීමට උපකාරී වේ.

Faint


05. තුවාලයකින් ලේ ගැලීම

මෙවැනි අවස්ථාවකදී දෙන ප්‍රථමාධාරවල මූලික අරමුණු වනුයේ රුධිරය ගැලීම අඩු කිරීමත්, තුවාලය හරහා විෂබීජ ශරීරගත වීමේ අවදානම අවම කිරීමත්ය. ලේ ගලන ස්ථානය ඇඟිල්ලෙන් තදකර ගැනීම හෝ තෙත රෙදි කඩකින් තුවාලය වසා රෙදි පටියකින් තුවාලය බැඳීම සිදුකළ යුතුය.

05

06. සුනඛයෙකු සපා කෑම

මෙහිදී දිය හැකි මූලිකම ප්‍රථමාධාරය වනුයේ තුවාලය සබන් යොදා හොඳින් සේදීමයි. ජලය ගලායන සේ ජලය වැඩි ප්‍රමාණයක් යොදාගෙන සේදීම උචිතම ක්‍රමයයි.

06


07.  වස පානය කිරීම

මෙහිදී රෝගියාගේ සිරුර හැකි තරම් නිසලව තබා ගැනීමෙන් විෂ ශරීරය පුරා පැතිරීමේ වේගය අඩුකරගත හැකිය. වස වර්ගය ගැන අවබෝධයකින් තොරව වමනය කිරීමට පෙළඹවීමත් හොඳ නැති අතර, ඊට හේතුව සැර අම්ලයක් හෝ භෂ්මයක් නම් වමනය කරන විට පිළිස්සී අනතුරේ ස්වභාවය තවත්  වැඩි වීමට හැකි වීමයි. මෙහිදී වස අඩංගු භාජනයද සමග රෝගී තැනැත්තා රෝහලට රැගෙන යෑම වඩාත් සුදුසුය.

recovery-position

- සහන් රසාංග

 

 

 

විවිධ අනතුරු වළකා ගැනීම සඳහා අවධානය යොමු කළ යුතු අවස්ථා 7ක්

01. ඔබ මර්ගයක ගමන් කරන පදිකයෙක් නම් සෑම විටම දකුණු පැත්තෙන් ගමන් කළ යුතු අතර, පාර මාරු වීමට පදික මාරු හා මගී පාලම්ද සෑම විටම භාවිතයට ගතයුතුය. එසේ කිරීමෙන්  පදිකයා මෙන්ම රියදුරාද ආරක්ෂා වේ.

aid138490-v4-728px-Be-Safe-at-Traffic-Lights-Step-2-Version-2


02. විනෝද චාරිකා හෝ වන්දනා අවස්ථාවල නෑමට සුදුසු ස්ථානවල පමණක් දිය නෑම කළ යුතුය. මත්පැන් පානය කර දිය නෑමෙන් වළකින්න.

Survive-a-Heart-Attack-Step-12


03.  ශ්‍රී ලංකාවේ සුෂුම්නා අනතුරු හේතුවෙන් වසරකට 1500 – 2000 අතර, සංඛ්‍යාවක් රෝගී තත්ත්වයට පත්වන බවට වාර්තා මගින් පෙන්වා දෙන අතර,
රිය අනතුරු, පලංචියෙන් වැටීම, අතුරෙන් වැටීම, වහලයෙන් වැටීම, ගස් නැගීමට ගොස් ලිස්සා වැටීම, විදුලි බුබුලක් සවි කිරීමට ගොස් ලිස්සා වැටීම, ඉණිමගෙන් වැටීම ආදී අවස්ථා ගණනාවක් නිසාවෙන් මෙවැනි සුෂුම්නා අනතුරු සිදුවිය හැක. ඔබ මෙවන් කාර්යයක් සිදුකිරීමෙදී තමා කරන කාර්යය පිළිබඳව වැඩි අවධානයකින් යුක්තව සිදුකළ යුතුය.


04. වාහනයේ ඉදිරිපස ආසනවල දරුවන් රැගෙන නොයායුතු අතර, හැකි නම් දරුවන් රැගෙන යාම සඳහා ගැළපෙන ආසන පිටුපස සවි කරන්න.

Child


05.හෝටල්වල පිහිනුම් තටාකාංගනවලදී දරුවන් දිය නාන විට දෙමාපියන් සැලකිල්ලෙන් සිටිය යුතුය.

aid693776-v4-728px-Teach-Autistic-Children-to-Swim-Step-13-Version-2


06. කුඩා දරුවන් සරුංගල් යැවීමේදී සෑම විටම විදුලි රැහන් හෝ විදුලි රැහැන් පද්ධති සහිත ප්‍රර‘දේශයෙන් බැහැර වියයුතුය. ඇතැම් අවස්ථාවන්හිදී මෙම සරුංගලa විදුලි රැහැන් මත පැටලුණු විටදී ඔවුන් ඒවා ගැනීමට ගොස් අනතුරකට භාජනය විය හැක. 

??????????????????????????????????????????????????????????????????????????????????????


07. මහා මාර්ගයේ හෝ නිවසේ ඇති  විදුලි රැහැන් ආසන්නයේ රූපවාහිනී ඇන්ටනා සවිකිරීමෙන් වළකින්න. මන්ද ඇන්ටනා සවිකිරීමේදී ආධාරක කණු ලෙස බොහෝවිට යොදනු ලබන්නේ විද්්‍යුත් සන්නයන යකඩ බම්බු වීමයි. ඇතැම් අවස්ථාවක මේවා විදුලි රැහැන් මත කඩා වැටීමෙන් භයානක අනතුරු පවා සිදුවිය හැක.

 

 

 

 

ලෝකයේ ඇති අනර්ඝතම පිහිනුම් තටාක 7ක්

ලෝකයේ කොතෙකුත් පිහිනුම් තටාක ඇතත් සිත්ඇදගන්නාසුලු පිහිනුම් තටාක මිනිසා අතින් නිර්මාණය වූවායැයි සිතීමත් පුදුම සහගත සිතුවිල්ලකි.


01. Shaw House, Vancouver- Canada

 'ෂෝ හවුස්' යනු තනිව ජීවත්වන මිනිසෙකු විසින් නිර්මාණය කළ නිවසකි. එහි නිදන කාමරය, අධ්‍යයන කාමරය, සංගීත කාමරය, ආලින්දයට උඩින් පිහිටා ඇති වහලය වන්නේ නිවසේ ඇති පිහිනුම් තටාකයයි. ඇත්ත වශයෙන්ම එය මෙම නිවසේ සිවිලිම ලෙසද සැලකිය හැක. සූර්යාලෝකය නිවසේ මධ්‍යම ප්‍ර‘දේශයට පතිතවීම ඔහුට ජීවයේ හැඟීම ගෙන දෙන්නක් බව හිමිකරු පවසයි.

011


02. Ubud Hanging Gardens Resort, Bali – Indonesia 

ඉන්දුනීසියාවට අයත් වර්ග කිලෝමීටර් 5780ක් පමණ වන දූපතක් වන බාලි දූපතෙහි මෙම 'උබඩ් හැඟින්' 'ගාර්ඩන්ස් රිසෝට්' පිහිටා ඇත. මෙය ගිනි කන්දක් මැද 

පිහිටි සුඛෝපභෝගී නිවාඩු නිකේතනයකි. වනාන්තර, සතුන්, සිවුපාවුන් සමග ස්වභාව සෞන්දර්ය විඳිමින් ඉතා හොඳ අත්දැකීමක් විඳ ගැනීමට හැකි ලෙස දූපතේ ඉතාමත් උස් ප්‍රදේශයක මෙම තටාකය පිහිටා තිබේ. 

2


03. Nemo 33, Belgium

බෙල්ජියමේ ඉදිකර ඇති මෙම නෙමෝ 33 පිහිනුම් තටාකයේ ගැඹුර අඩි 115ක් දක්වා පමණ වේ. එහි පරිමාව ජලය ලීටර් 2500000 පමණ වේ.  මෙය වැඩිපුර භාවිත වන්නේ කිමිදුුම් කටයුතු පුහුණු කිරීම සඳහාය. මෙහි ජලයේ උෂ්ණත්වය සෙල්සියස් අංශක 30 වන ලෙස තාප ජනක යන්ත්‍ර මගින් පවත්වාගෙන යයි.

3


Marina Bay Sands Skypark, Singapore

2010 වසරේදී මෙය ඇමෙරිකානු ඩොලර් බිලියන 08ක වියදමකින් යුතුව 'මරිනා බේ' නමින් සිංගප්පූරුවේදී ආරම්භ විය. 'Sands Skypark' යනු එහි ඉදිකළ නෞකාවක් මෙන් වූ පිහිනුම් තටාකය පිහිටි උද්‍යානයයි. මෙය මීටර් 340ක දිගින් යුතු වන අතර පිහිනුම් තටාකය මීටර් 150ක පමණ දිගකින් යුක්තය. 

4


05. Joule Hotel, Dallas – United States

1927දී  ඉදිකරන ලද මෙය එවකට ඩලස් ජාතික බැංකු ගොඩනැගිල්ල විය. නමුත් කිසියම් පුද්ගලයෙකු විසින් මෙය මිලදී ගෙන කාමර 164කින් යුත් හෝටලයක් බවට පත්කර 'ජූල් හෝටලය' ලෙස නම් කරන ලදී. මෙහි 10වන තට්ටුවේ ඉදිකර ඇති එළියට නෙරා ඇති පිහිනුම් තටාකය මෙහි කැපී පෙනෙන අංගයක් ලෙස පෙන්වාදිය හැක

5


06. Seagaia Ocean Dome, Japan

ලෝකයේ විශාලතම ජල උද්‍යානය ලෙස මෙය සැලකෙන මෙය ජපානයේ ඉදිකර ඇත. ගිනස් ලෝක වාර්තාවට අනුව මෙහි දිග මීටර් 300කුත් පළල මීටර් 100කුත් පමණ විශාලත්වයකින් යුක්තය. මෙය 1993දී ආරම්භ කළ අතර, එවකට වසරකට සංචාරකයන් පැමිණීම මිලියන 1.25ක තරම් ඉහළ අගයක් ගැණිනි.

6


Aquarium Pool at the Golden Nugget, Las Vegas –Nevada

ඇමරිකාවේ උප ප්‍රාන්තයක් වන නවාඩාහි, ලාස් වේගාස්වල පිහිටා Golden Nugget සුඛෝපභෝගී හෝටලයේ කාගේත් සිත්නෙත් ඇද ගන්නා මනරම් මින්මැදුරු පිහිනුම් තටායක් ලෙස මෙය හැඳින්විය හැකිය. එසේ වීමට හේතුව වන්නේ මෙහි පසුබිමින් ඇති මනරම් වූ මින්මැදුරයි. එහි ඇති මෝරුන් තල්මසුන් සමග හරි හරියට පිහිනනවා සේ අත්දැකීමක් ලබාගැනීමට මෙහිදී හැකියාව ලැබේ.

7

- දිනිත් කනිෂ්ක

ඔසු ශාක පොතු පිළිබඳ කරුණු 07ක්

මූනමල් පොතු

දත් මුල් දියවීම, දත්වල දුබලතා, මුඛ දුර්ගන්ධයට බොහෝ සෙයින් යොදා ගන්නා අතර, මූණමල් පොතු තම්බා කට සේදීමෙන් ඉහත කී රෝගය වළක්වාගත හැකිය.

Munamal


කොකුම් පොතු

සර්ප දෂ්ට කිරීම්වලදී, ඇස් රෝග, සන්ධි ඉදිමුම් මෙන්ම චර්ම රෝගවලටද, සමේ වර්ණය වර්ධනයටද, පිවිතුරු බවටද මෙය බොහෝ සෙයින් උපකාරී වේ.

kokum


අශෝක පොතු 

මෙය මුත්‍රා දැවිල්ල, අර්ශස් රෝගවලට විශිෂ්ට ඖෂධයක් මෙන්ම ප්‍රත්‍යක්ෂ අරිෂ්ටයක්ද වේ.

ashoka


කොතල හිබුටු

 ප්‍රධාන වශයෙන්ම දියවැඩියා රෝගයට ප්‍රත්‍යක්ෂ ඖෂධයක් ‍ෙවනවා මෙන්ම දියවැඩියා රෝගීන්ට කොතල හිබුටු දඬු තම්බා වතුර පානය කිරීම වඩා සුදුසු වේ.

kothala hibutu


මාදං පොතු 

දියවැඩියාව රෝගයට හා තුවාල සේදීමට මාදං පොතු යොදා ගන්නා අතර, පිළිස්සුම් තුවාලවල කැළැල් මැකීමටද මේවා උපකාරී වේ.

madan1


බෝඹු පොතු

උළුක්කු, තැලීම්, මස්පිඩු ඉදීමීමට ප්‍රධාන වශයෙන්ම යෙදා ගනී.

bombu


 මගුල් කරඳ පොතු

 උළුක්කු,  තැලීම්, අස්ථි කැඩුම් බීඳීම්වලදී මෙන්ම අර්ශස් රෝගීන්ටද ඉතා සුදුසුය.

magul karada

සඳලිකා සුනාලි

දත් ගැන කරුණු 07ක්

3-1

සාමාන්‍යයෙන් අප හැමදෙනාම පාහේ තමන්ගේ දත් හොඳින් පවත්වා ගැනීම වෙනුවෙන් දෛනිකව කිසියම් කාලයක් කැප කරනු ලබයි. ඇතැම්විට එම කටයුතු හිතාමතාම කිරීමටත් වඩා පුරුද්දකට මෙන් කරන බව පැහැදිලිවම දැකිය හැක.


01. කුඩා දරුවෙකුගේ මුවෙහි මෝදු වන දත් හඳුන්වන්නේ කිරි දත් යනුවෙනි. ඒවා ගණනින් 20ක් වන අතර, මේවා සියල්ලම ළමා වයසේදී හැළී යයි.


02. කිරි දත්වලින් පසුව වැඩෙනුයේ ස්ථිර දත්ය.( Permanent teeth)මෙම දත් ආරක්ෂා කරගත හොත් ජීවිත කාලය පුරාම පවතිනවා මෙන්ම, ඒ දත් විනාශ වුවහොත් ඒ වෙනුවට නැවත දත් නොවැඩේ.


03. දත්වලින් විශාල කාර්ය භාරයන් සිදුවන අතර, ආහාර විකීම ඉන් ප්‍රධාන තැනක් ගනී. ආහාර විකීම කරන්නේ යටි හනුව චලනය කිරීම මගින් වන අතර, උඩු හනුව හැම විටම නිශ්චලය.


04. මිනිසාට තිබෙන ස්ථිර දත් ගණන 32කි. ඒවා 16 බැගින් දත් ඇඳි 02ක් ලෙස පිහිටා ඇත. උඩු ඇන්දේ දත් උඩු හනුවටත් යටි ඇන්දේ දත් යටි හනුවටත් (අධෝ හනුවටත්) සම්බන්ධය.


05. මිනිසාගේ දත් වර්ග 4කි. එනම්,
කෘන්තක (incisors) – 8
රදනක (canines) – 4
පුරස්චාර්වක (pre- molars) – 8
චාර්වක (molars) -12


06. දත් වර්ග හතර අතුරින් අවසාන චාර්වක දත් 4 වැඩෙන්නේ වයස අවු. 17-24අතර කාලයේදී වේ. මෙම දත් ඥාන දත් (wisdom teeth) ලෙසද හඳුන්වයි.


07. දන්ත පෝෂණය ඉතාම වැදගත් වන අතර, දත් වැඩීමට අත්‍යවශ්‍ය වන ෆ්ලෝරයිඩ් (fluoride) සිරුරට ලැබෙන ප්‍රධානතම මාර්ගය වන්නේ ජලයයි.

 

- සහන් රසාංග

ලෝකයේ වැඩිම ආයු කාලයක් ඇති සත්ත්ව විශේෂ 07ක්

සත්ත්ව ලෝකයේ විවිධාකාර සත්ත්වයන් අපට හමුවෙනවා. වර්තමානයේ සිටින සත්ත්වයන් අතුරෙන් මෙම සත්ත්වයන් වැඩිම ආයු කාලයක් ජීවත් වෙනවා.


01 ) බෙල්ලා Arctica Islandica (Ocean quahog)

බෙල්ලා

මෙම බෙල්ලන් විශේෂය වසර 405 – 41ත් අතර ආයු කාලයක් ජීවත් වනවා. දැනට වාර්තා වන වැඩිම ආයු කාලය අවුරුදු 507ක් පමණ වෙනවා.


02) තල්මසා (Bowhead Whales)

තල්මසා (2)


මෙම තල්මසුන් විශේෂය වසර 200ක් පමණ ජීවත්  වන බව පැවසෙනවා. මෙම තල්මසුන් විශේෂ හැඩයකින්ද යුක්ත වෙනවා.  මෙම තල්මසුන්ගේ ශරීර තුළ තිබී 1890 කාලයට අයත් බිලි කොකුවල කැබලි සොයාගෙන තිබෙනවා. එමෙන්ම ඇමයිනෝ අම්ල පරීක්ෂාවට ලක්කිරීමෙන් ඔවුන්ගේ ආයු කාලය 177 – 245ක් පමණ වන බවයි පැවසෙන්නේ.


මෝරා  (Greenland Shark)

මෝරා


මෙම මෝරුන් විශේෂය උතුරු අත්ලාන්තික් සාගරය තම නිජභූමිය කරගෙන ජීවත් වෙනවා. මෙම මෝරුන්ගේ ආයු කාලය අවුරුදු 200ක් පමණ වෙනවා.


'ටූටරා' නම් කටුසු විශේෂයක්

කටුසු විශේෂය (2)


කටුසු වර්ගයට සමානකම් කියනා මෙම උරග විශේෂය නවසීලන්තයටම අවේණිකයි. මෙම කටුසු විශේෂය වසර 100-200ත් අතර කාලයක් ජීවත් වෙනවා. 


ගැලපගොස් ඉබ්බා (Galápagos giant tortoise)

ඉබ්බා


ගැලපගොස් දූපත්වල ජීවත්වන මෙම  ඉබි විශේෂය  දැක ගැනීමට විශාල සංචාරකයන් පිරිස් වැඩි වශයෙන් පැමිණෙනවා. මෙම ඉබ්බන් වඳවී යාමේ තර්ජනයට මුහුණ පා සිටියි. අවුරුදු 190ක පමණ ආයු කාලයක් ජීවත් වෙනවා. මෙම ඉබ්බෙකුගේ සාමාන්‍ය බර කිලෝ 417ක් 
පමණ වේ.


 

අලියා (Elephant)

Elephant


අලියෙකුගේ ආයු කාලය වසර 70 – 80 පමණ වෙනවා. 


ආඳා (Eel)

ආදා


ලිස්සන සුලු මත්ස්‍යයෙකු වන ආඳාට අවුරුදු 150ක පමණ ආයු කාලයක් පවතිනවා.

- සහන් රසාංග

 

එළවළු, පලා හා පලතුරු දිනපතා ආහාරයට ගැනීමේ වාසි 07ක්

දිනපතා නිර්දේශිත ප්‍රමාණවලින් (Servings) එළවළු/ පලා වර්ග 03ක් වත් හා පලතුරු වර්ග 2ක් වත් ආහාරයට එක්කර ගැනීම වෛද්‍ය නිර්දේශය වේ. ශරීරයට අත්‍යවශ්‍ය විටමින්, ඛනිජ ලවණ, තන්තු හා ප්‍රතිඔක්සිකාරක නොඅඩුව ලැබෙන්නේ මේ හරහාය. එමගින්,

01) ලෙඩරෝගවලට ඔරොත්තුදීමේ හැකියාව වැඩිවේ.


02) සිරුරේ බර වැඩිවීම පාලනය කරයි.


03) කොලෙස්ටරෝල් හා සීනි සිරුරට උරා ගැනීම පාලනය කරයි.


04) මලබද්ධය අඩුකරයි.


05) ආහාරයට විවිධ රස එකතු කරයි.


06) ආහාර ප්‍රියජනක කරයි.


07) පිළිකා ඇතිවීමේ අවදානම අඩුකරයි.


 

සාර්ථකත්වයට පාර කියන කරුණු 07ක්

01 කැමති දෙයකින් ආරම්භ කරන්න -දෙයක් ආරම්භ කිරීමට අමාරුම, අපහසුම තැනින් නොව අප කැමැතිම දෙයකින් ආරම්භ කිරීම වැදගත්ය. එසේ කළහොත් එය වැඩි සාර්ථකත්වයකින් නිමකළ හැකිය.


02 අද කරන්න තියෙන දේ අදම කරන්න - බහුතර පිරිසක් අසාර්ථක වීමට ප්‍රධාන හේතුව අද කළ යුතු දේ හෙට දිනයට කල් දැමීමය. අද දවසේ කිරීමට අවශ්‍ය වැඩකටයුතු අද දවසේම අවසන් කළ යුතුය. සැබැවින්ම සාර්ථකත්වයට පත්වූ පුද්ගලයන් හා අප අතර ඇති ප්‍රධානතම වෙනස මෙය වේ.


03 කුඩා සිහින නොව ලොකු සිහින දකින්න – අප සෑම අයෙකුම අනාගතය ගැන සිහින දකින්නන්ය. එහෙත් ඇතැම් පුද්ගලයන් ලොකු සිහින දකිද්දී ඇතමෙක් කුඩා සිහින ඇතුළෙහිම ජීවත් වෙති. සැබැවින්ම සාර්ථක විය යුතු නම්, කුඩා සිහිනවලට තිත තැබිය යුතුය.


04 අතහැරීමට පෙර නැවත උත්සාහ කරන්න – එක්වරක්, දෙවරක් අසමත් වුණායැයි අත්නොහැර නැවත වතාවක් උත්සාහ කිරීම සාර්ථකත්වයට ප්‍රධාන හේතුවයි. අත්හැරිය හොත් පරාජිතයෙක් වී අසමත් වෙනවා සේම, උත්සාහ කළොත් ජයග්‍රාහී, සාර්ථක පුද්ගලයෙක් වීමට පුළුවන.


05 තමන් ගැන විශ්වාසය තියාගන්න – 'මට කරන්න බැරිවෙයි, ඒක අමාරුයි, අපට හිරියන එකක් නෑ' යැයි නොව 'ඔව් මට පුළුවන්' යැයි සිතන්නේ නම්, තමන් ගැන තමන්ට විශ්වාසයක් ඇතිකර ගත හැකිය. එය සාර්ථකත්වයේ මාවතයි.


06 ඉලක්කයක් ඇතිව වැඩ කරන්න - ඍජු ඉලක්කයක් තබා ගතහොත් පමණක් ඉලක්කයට ළඟාවිය හැකිය. අප සතු සියලුම ශක්තිය හා බලය තෝරාගන්නා ඉලක්කයක් වෙත එල්ල කිරීමෙන් ඉලක්කය කරා ගමන් කළ හැකිය.


07 අතීතය ගැන නොව අනාගතය ගැන සිතන්න - අතීතයේ සිදුවූ දේ ගැන සිතමින් දුක්වන්නේ නම්, සාර්ථකත්වයට එය බාධාවකි. අතීතයෙන් ඔබ්බට අනාගතය සාර්ථක කරගැනීමට නම්, අද උපරිමයම කළ යුතුය. එවිට අපට නොදැනීම අපගේ අනාගතය සාර්ථකත්වයට ළඟාකර ගත හැකිය.


සහන් රසාංග