Author Archives: රුවන් කාශ්‍යප

ලක්ෂ 229ක් වංචා කළ ගණකාධිකාරීවරිය අත්අඩංගුවට

ගම්පහ සණස ප්‍රධාන කාර්යාලයේ ගණකාධිකාරීවරියක් ලෙස කටයුතු කරන කාලසීමාවේදී එහි රුපියල් ලක්ෂ 229ක් වංචා කිරීමට සම්බන්ධ සැකකාරියක් අත්අඩංගුවට ගත්  බව පොලීසිය පවසයි.

පසුගිය 18 දා සැකකාරිය ඩුබායි සිට ශ්‍රී ලංකාවට පැමිණෙන විට කටුනායකදී අත්අඩංගුවට ගෙන ඇති අතර පසුව ආගමන විගමන නිලධාරීන්ගෙන් මිදී ඇය පළාගොස් ඇත.

ඒ අනුව සැකකාරිය අත්අඩංගුවට ගැනීමට දුරකතන කුළුණු වාර්තා ඔස්සේ විමර්ශනය කර ඇති අතර එයින් ලබාගත් තොරතුරු අනුව ඊයේ (19දා) අපරාධ පරීක්ෂණ දෙපාර්තමේන්තුව විසින් කෑගල්ලේදී අත්අඩංගුවට පත්ව ඇත.

ආගමන විගමන නිලධාරීන්ගේ භාරයේ සිටි සැකකාරිය ඉන් පළායාම පිළිබඳවද අපරාධ පරීක්ෂණ දෙපාර්තමේන්තුව තවත් පරීක්ෂණයක් ආරම්භ කර ඇත.

Police-logo

නොරොච්චෝලේ දහන අළු සඳහා සුළං බාධකයක්

නොරොච්චෝලේ බලාගාරයෙන් පිටවන ගල් අඟුරු දහන අළු සඳහා සුළං බාධකයක් කඩිනමින් ඉදිකිරීමට පියවර ගෙන අවසන් බව විදුලිබල හා පුනර්ජනනීය බලශක්ති හා වැඩබලන ආපදා කළමනාකරණ අමාත්‍ය රංජිත් සියඹලාපිටිය මහතා පවසයි.

පුත්තලම දිස්ත්‍රික්කයේ වියළි කාලගුණික තත්ත්වය හමුවේ ආපදාවට පත්ව සිටින ජනතාවගේ ගැටලු පිළිබඳව සාකච්ඡා කිරීමේ විශේෂ රැස්වීමක් අද (20දා) පුත්ත්ලම දිස්ත්‍රික් ලේකම් කාර්යාලයේදී පැවැති අවස්ථාවේදී අමාත්‍යවරයා මේ බව ප්‍රකාශ කළේය.

නොරොච්චෝලේ තාප බලාගාරය හේතුවෙන් වායු ගෝලයට යම් ප්‍රමාණයක් එක් වන අළු තත්ත්වය පාලනය කිරීම සඳහා සුළං බාධකයක් ඉදිකිරීමේ කටයුතු සියල්ල අවසන් කර ඇති බවත්, එය කඩිනමින් ක්‍රියාවට නංවන අතර, ඒ හරහා දැනට ඇතිවී තිබෙන ගැටලුවට තිරසාර විසඳුමක් ලබාදෙන බවත් ඒ මහතා පැවසීය.

පුත්තලම දිස්ත්‍රික්කයේ නියඟයෙන් පීඩාවිඳි පවුල් 167,000ක් සඳහා රුපියල් මිලියන 485ක ආධාර මේ වන විට ලබාදී ඇති බව පැවසූ අමාත්‍යවරයා දැනට ආධාර නොලැබුණු පිරිස්වල තත්ත්වය සොයා බලා කැබිනට් පත්‍රිකාවක් සකස් කරන ලෙස වැඩිදුරටත් උපදෙස් ලබා දුන්නේය.  

DSC_6168

ත්‍රීවීල් මීටර් මාර්ග ආරක්ෂාවට අදාළ වූයේ කෙසේ ද?

අද දින සිට ත්‍රිරෝද රථ සඳහා මීටර් අනිවාර්යය කිරීමට මාර්ග ආරක්ෂාව පිළිබඳව ජාතික සභාව කටයුතු කර ඇති බවත්, එම මීටරය මාර්ග ආරක්ෂාවට අදාළ වන්නේ කෙසේදැයි සමස්ත ලංකා යතුරුපැදිකරුවන්ගේ සංගමය ප්‍රශ්න කර සිටියි.

එහි සභාපති චිරන්ත අමරසිංහ මහතා නිකුත් කළ නිවේදනයක දැක්වෙන්නේ,  මෙම කටයුත්ත සිදුකරනුයේ, මීටර් ව්‍යාපාර සමග සබඳතා ඇති ත්‍රිරෝද රථ සංගම්වල උවමනාව මත බවයි.

එම නිවේදනයේ මෙසේද සඳහන් වෙයි.

“දැනට තිබෙනා මීටර් පාරිභෝගිකයා රවටා වැඩිපුර දුර වැටෙන ලෙස වෙනස් කිරීමේ හැකියාව හා ඒ සඳහා ප්‍රසිද්ධ ව්‍යාපාර තිබේ. ඇතැම් දුෂ්කර පළාත්වල ත්‍රිරෝද රථ රියදුරන් අය කරන්නේ දුරට නොව අදාළ එක් ගමනකටය, මාර්ගයේ පසුබිම අනුව, ඒ ප්‍රදේශයේ මිනිසුන්ගේ ආර්ථික තත්ත්වයට ගැළපෙන ලෙසය.

එමනිසා සමස්ත ත්‍රිරෝද රථ කර්මාන්තයටම ත්‍රීවීල් මීටර් අනිවාර්ය කිරීම අගමැති වීමට සිහින දකිමින් නිදියන ඇමතිවරයා ගත් ඉතාමත් මෝඩ තීරණයක් බව අපි දැඩි ලෙස අවධාරණය කර සිටිමු. මීටර් නොමැති ත්‍රිරෝද රථවල යෑමට කිසිවකුට ජනතාවට බල කර නොහැක. එසේ යෑම හෝ නොයෑම රජයේ නියාමනයක් නොව ජනතාවගේ අයිතියකි.

මිල නියාමනයක් නොමැතිව හා වෙනස් කෙරූ මීටර් ඇති පසුබිමක මීටර් අනිවාර්ය කිරීම නිසා අවාසිය සිදුවන්නේ ජනතාවටමය. උක්ත සංගම් සමග එක්ව රජය ජනතාවට වෙනුවෙන් එය කරන්නේ නම් ඉස්සෙල්ලාම අනිවාර්ය විය යුත්තේ මීටර් සඳහා පළාත්/ප්‍රදේශ/ගමනාන්තය අනුව ත්‍රිරෝද රථවල මීටර් සඳහා මිල නියාමනයක්ය, මීටර් සඳහා ප්‍රමිතියක්ය.”

Untitled-1

 

මුරලිට අතීතය අමතක වෙලා – තිලංග

ශ්‍රී ලංකා ක්‍රිකට් කණ්ඩායමේ හිටපු සුපිරි දඟ පන්දු යවන ක්‍රිඩකයෙක් වන මුත්තයියා මුරලිදරන්ට අතීතය අමතක වී ඇති බව ශ්‍රී ලංකා ක්‍රිකට් සභාපති තිලංග සුමතිපාල මහතා පැවැසීය. ඔහුට වැරදි පුද්ගලයන්ගේ උපදෙස් ලැබී ඇති බවත් මුරලිව අවස්ථා කිහිපයකදීම ආරක්ෂා කළ බත් සභාපතිවරයා සඳහන් කරයි.

ක්‍රිකට් ආයතනයේ අද (20දා) පැවැති මාධ්‍ය හමුවකදී ඔහු මෙම අදහස් දැක්වීය. ශ්‍රී ලංකා ක්‍රිකට් ක්‍රීඩාව දේශපාලකයන් විසින් විනාශ කරන බව සඳහන් කරමින් මුරලි පසුගියදා ශ්‍රී ලංකා ක්‍රිකට් පරිපාලනය දැඩි ලෙව විවේචනය කළේය.

ඒ පිළිබඳව අදහස් දක්වමින් තිලංග සුමතිපාල මහතා ඉහත අදහස් දැක්වූ අතර උප සභාපති මොහාන්ද සිල්වා මහතාද තිලංග සුමතිපාල මහතාගේ ප්‍රකාශය අනුමත කළේය.

Untitled-1

පාර්ලිමේන්තුවේ ඉන්නේ වසල පිරිසක්

ශ්‍රී ලංකා පාර්ලිමේන්තුව තුළ වර්තමානය වන සිටින්නේ සිටින්නේ වසල පිරිසක් බවත් ඔවුන් ස්වාර්ථය මිස අන් කිසිවක් නොසළකන බව මහාචාර්ය මොහාන් සමරනායක මහතා පැවැසීය.

ඊයේ (20දා) කොළඹදී පැවැති මාධ්‍ය හමුවකදී ඔහු මෙම අදහස් දැක්වීය. මෙහිදී නව ව්‍යවස්ථාව පිළිබඳවද මහාචාර්යවරයා අදහස් දැක්වීය.

“අපේ පාර්ලිමේන්තුව කෙරෙහි අපට විශ්වාසය තියන්න බෑ. මගේ තක්සේරුව නම් අපේ මහජන නියෝජිතයන් වැඩි දෙනා නූගත්, අඥාන පොත පත නොකියන ස්වාර්ථය මිය අන්කිසිවක් නොසළකන ඉතාම වසල පිරිසක් බවයි.

ඉතින් ඔවුන්ව සල්ලිවලට ගන්න පුළුවන්.බෙදුම්වාදය අද එදාටත් වඩා ප්‍රබලයි දේශපාලන වශයෙන් එවැනි වාතාවරණයක ජනාධිපති ක්‍රමය අහෝසි කිරීම මේ රට අවුල් කිරීමක්.

අපේ රට පාලනය කරන්නේ ජනාධිපති මෛත්‍රීපාල සිරිසේන මහතා නොවේ. අගමැති රනිල් වික්‍රමසිංහ ප්‍රමුඛ නව කන්සවේටිව් කල්ලියක්.ඒ අයට රටක් අවශ්‍ය නෑ. ඒ අයට අවශ්‍ය වෙළෙඳපොළක්.

එසේ නම් කවුද මේක ගේන්නේ.13 වැනි ආණ්ඩුක්‍රම සංශෝධනයට එරෙහිව පාරට බැහැලා, බස් ගිනි තියලා, ජීවිත පූජා කරලා ඝෝෂා කරපු ජනතා විමුක්ති පෙරමුණ ඌරගේ මාළු ඌරගේ ඇඟේ තියලා කපන ව්‍යාපෘතියක් දියත් කරනවා. ඒකාබද්ධ විපක්ෂයටත් මේවා පිළිබඳ ගැඹුරු කියැවීමක් නෑ.”

mohan

 

 

අප්‍රේල් 22 දා සියලුම පාසල් පිරිසුදු කරයි

නව පාසල් වාරය ආරම්භවීමට පෙර දිවයිනේ සියලු පාසල්වල පවිත්‍රතා වැඩසටහන් ක්‍රියාත්මක කරන ලෙස අධ්‍යාපන අමාත්‍යාංශය විසින් මේ වනවිට සියලු පාසල් දැනුවත් කර තිබේ.

ඒ අනුව ගුරුවරුන්, මාපියන් ඇතුළු පාසල් ප්‍රජාවගේ සහභාගීත්වයෙන් ලබන 22 වැනිදා දිවයිනේ සියලු පාසල්වල පවිත්‍රතා වැඩසටහන් ක්‍රියාත්මක කිරීමට නියමිතය.

එළඹෙන නිරිතදිග මෝසම් වර්ෂාව හේතුවෙන් ඩෙංගු මදුරුවන් වර්ධනය වීමේ අවදානමක් පවතින බැවින් එම තත්ත්වය මැඬ පැවැත්වීම සඳහා අධ්‍යාපන අමාත්‍යාංශය විසින් මෙම තීරණය ගෙන තිබේ.

Ministry_of_Education

නිදහස් කුසලානයෙන් ලක්ෂ 9000ක ලාභයක් – තිලංග

ශ්‍රී ලංකාවේ සත්කාරකත්වයෙන් පැවැති නිදහස් කුසලාන තරගාවලියේදී ශ්‍රී ලංකාව ලක්ෂ 9000ක ශුද්ධ ලාභයක් ඉපැයූ බව ශ්‍රී ලංකා ක්‍රිකට් සභාපති තිලංග සුමතිපාල මහතා පැවසීය.

ශ්‍රී ලංකා ක්‍රිකට් ආයතනයේ වැඩකටයුතු නව වසර වෙනුවෙන් ආරම්භ කිරීමට මත්තෙන් ක්‍රිකට් ආයතනයේ සේවකයන් අමතමින් ඔහු මේ බව සඳහන් කළේය.

“ලංකාවේ අන්තිමට ගහපු තරගාවලිය (නිදහස් කුසලානය) මැච් හතරක් ගැහුවා (ශ්‍රී ලංකාව) තුනක් පරාදයි. මිනිස්සු බැන්නේ නෑනේ. හොඳ ක්‍රිකට් ගැහුවේ. තරගකාරීත්වය තිබුණා. රටේ මිනිසුන්ට අවබෝධයක් තිබෙනවා. මොකක්ද ක්‍රිකට් කියන්නේ දිනනවා පරදිනවා. ලෝකේ කිසිම ක්‍රිකට් පාලක මණ්ඩලයක් පළමුවැනි ස්ථානයේ හැමදාම ඉඳලා නෑ.

ඒ වගේම සල්ලි තිබුණ හැම රටක්ම පළමු ස්ථානයේ ඉන්නෙත් නෑ. සල්ලි තියෙන රටකින් ඇවිත් ක්‍රිකට් පටන්ගත්තා කියලා ලෝකයේ පළමු වැනි ස්ථානයට යන්නෙත් නෑ.

නිදහස් කුසලානයක් තිබුණේ නෑ. අපි නිදහස් කුසලානයක් හැදුවා. අපට ඉලක්කයක් තිබුණා. බිලියන 1.3ක ආදායමක් උපයන්න. ලංකාවේ ඉතිහාසයේ එච්චර ලොකු ආදායමක් ලබාගෙන තිබුණෙ නෑ.

අපි ඒ තරගාවලියේ ටී.වී. හිමිකම් විකුණා තිබුණේ පන්දුවාරයක් ගත්තොත් ඩොලර් 4000කට. අපි නිදහස් කුසලානයෙන් එක් පන්දුවාරයකින් හෙව්වා ඩොලර් 27000ක්. නිදහස් කුසලානයෙන් පමණක් ලක්ෂ 9000ක පමණ ශුද්ධ ලාභයක් හෙව්වා. ඉතිහාසයේ කවදාවත් අපි එච්චර ලස්සන තරගාවලියක් දැකලා තිබුණේ නෑ."

THILANGA-SUMATHIPALA

 

ඉන්ටර්පෝල් රතු වරෙන්තු පුද්ගලයන් අතර අර්ජුන් නෑ

මහ බැංකු බැඳුම්කර සිදුවීම සඳහා හිටපු මහ බැංකු අධිපති අර්ජුන් මහේන්ද්‍රන් මහතාට ජාත්‍යන්තර පොලීසිය රතු වරෙන්තු නිකුත් කළ බවට පොලිස් මූලස්ථානය සඳහන් කළත් එහි වෙබ් අඩවියට තවමත් අර්ජුන් මහේන්ද්‍රන් මහතාගේ නම තවමත් ඇතුළත් කර නොමැත.

ශ්‍රී ලංකාවේ හෝ සිංගප්පූර්වේ රතු වරෙන්තු ලත් පුද්ගලයන් ලේඛණගත කර තිබුණත් අර්ජුන් මහේන්ද්‍රන්ගේ නම තවමත් එහි සටහන් නොවේ. අර්ජුන් මහේන්ද්‍රන් සිංගප්පූරු පුරවැසියෙකි.

සිංගප්පූරුවේ රතු වරෙන්තු ලැබූවන්

1


ශ්‍රී ලංකාවේ රතු වරෙන්තු ලැබූ පිරිමි සැකකරුවන්

2 3

අර්ජුන් මහේන්ද්‍රන්ට ඉන්ටර්පෝල් රතු නිවේදන

මහ බැංකු බැඳුම්කර ගනුදෙනුව සම්බන්ධයෙන් අත්අඩංගුවට ගැනීමට වරෙන්තු නිකුත් කර ඇති හිටපු මහ බැංකු අධිපති අර්ජුන් මහේන්ද්‍රන් මහතා අත්අඩංගුවට ගැනීමට ජාත්‍යන්තර පොලීසිය සමගින්ද රතු නිවේදනයක් නිකුත් කර ඇත.

 පොලිස් මාධ්‍ය ප්‍රකාශක පොලිස් අධිකාරී රුවන් ගුණසේකර මහතාගේ අත්සනින් යුතුව පොලිස් මාධ්‍ය ප්‍රකාශක කාර්යාලය මාධ්‍ය වෙත නිකුත් කළ නිවේදනයක මේ බව දැක්වෙයි.

Arjun-1

බැංකු සේවිකාවක් ලෙස පෙනී සිට මුදල් වංචා කළ සැකකාරියක්

බැංකු සේවිකාවක ලෙස පෙනී සිටිමින් මහජනතාව රවටා මුදල් වංචා කිරීම සම්බන්ධයෙන් අවශ්‍ය සැකකාරියක් අත්අඩංගුවට ගැනීමට පොලීසිය මහජන සහාය ඉල්ලා සිටියි.

සැකකාරිය පිළියන්දළ පදිංචි නිහාධි ධනුෂ්කා බවත් ඇයට එරෙහිව කොටුව, අලුත්කඩේ, මාළිගාකන්ද හා මොරටුව යන මහේස්ත්‍රාත් අධිකරණ වල නඩු පවතින බවත් පොලීසිය පවසයි.

සැකකාරිය පිළිබඳව තොරතුරු දන්නේ නම් ඒ පිළිබඳව දැනුම් දීමට දුරකතන අංකද පොලීසීය විසින් ඉදිරිපත් කර ඇත.

1 2