Author Archives: හැටන් රංජිත් රාජපක්ෂ

හිස් 2ක් පාද 8ක් වල්ග 2ක් සහිත වසු පැටව් උපතක්

අසාමාන්‍ය ලෙස එකට බද්ධ වී උපත ලද වසු පැටවුන් දෙදෙනෙක් උපතේදිම  මිය ගොස් ඇති බව මස්කෙලිය පශු වෛද්‍ය කාර්යයාලය කියයි.

මස්කෙලිය පොලිස් වසමට අයත් මොකා වතු යායේ වතු කම්කරුවෙකුගේ සත්ත්ව ගොවිපලක ඊයේ (16දා) අලුයම මෙම අසාමාන්‍යය වසු පැටවුන් දෙදෙනා උපත ලබා ඇත.

මෙම වසු පැටවුන් දෙදෙනා සමෙන් එකට ඇලි තිබු අතර හිස් දෙකක් , පාද 8 ක් , වල්ග 2ක්,වශයෙන් උපතේදි තිබි ඇති අතර එම වසු පැටවුන් දෙදෙනා මස්කෙලිය පශු වෛද්‍යය කාර්යයාලයේ නිලධාරින් සහ සේවකයන් විසින් දැඩි පරිශ්‍රමයක් දාරා වැස්සියගේ උදරයේ සිට ඉවතට ගෙන ඇත.

මෙම අසාමාන්‍යය වසු පැටවුන් දෙදෙනා බිහිවිමෙන් අනතුරුව වැස්සියද මිය ගිය  බව පශු වෛද්‍ය කාර්යයාලයේ නිලධාරින් වැඩි දුරටත් පැවැසීය.

01 02 03

හැටන්-කොළඹ ප්‍රධාන මාර්ගයේ ගිනිගත්හේන දියගල කොටස යළි වැසේ

(UPDATE)

හැටන්-කොළඹ ප්‍රධාන මාර්ගයේ ගිනිගත්හේන දියගල ප්‍රදේශයේ නාය යෑමේ අවදානමට ලක්ව ඇති පස් කන්දක් හේතුවෙන් එම මාර්ගයේ එම කොටස යළි තාවකාලිකව වසා දැමීමට තීරණය කළ බව ගිනිගත්හේන පොලීසිය පවසයි.

මධ්‍යම කඳුකරයේ බටහිර බෑවුම් ප්‍රදේශවලට අද  (07) පෙරවරුවේ  සිට ඇද හැළෙන අධික වර්ෂාවත් සමග අවස්ථා කිහිපයකදීම පස් කඳු නාය යෑමේ අවදානමට ලක්වූ අතර මීට පෙර අවස්ථාවකදීද එම මාර්ගය ගිනිගත්හේන දියගල ප්‍රදේශයේදී වසා තැබුණි.

පවතින වර්ෂාවත් සමග හැටන්-නුවරඑළිය ප්‍රධාන මාර්ගයේ හා හැටන්-කොළඹ ප්‍රධාන මාර්ගයේත් ස්ථාන කිහිපයකම පස් කඳු කඩාවැටීමේ අවදානමක් පවතින බැවින්  එම  මාර්ගවල රථවාහන ධාවනයේදී සැලකිලිමත් වන්නැයි පොලීසිය රියදුරන්ගෙන් ඉල්ලා සිටියි.

මේ අතර අධික වර්ෂාවත් සමඟ ලක්ෂපාන ජලාශය සහ විමලසුරේන්ද්‍ර ජලාශය  වාන් දමමින් පවතින බවත් කාසල්රි සහ මවුස්සාකැලේ ජලාශවල  ජල මට්ටම පිටාර මට්ටමට ආසන්න වී ඇති බවත් එම ජලාශ භාර වාරිමාර්ග ඉංජිනේරුවරුන් පවසයි.

 

WHETHERE-(3)

 

පෙපර්මින්ට් යැයි සිතා පැරසිටමෝල ආහාරයට ගත් සිඟිත්තෙක් ජීවිතක්ෂයට

පෙපර්මින්ට් යැයි සිතා අධික ලෙස පැරසිටමෝල් පෙති විශේෂයක් ආහාරයට ගත්  කුඩා පිරිමි දරුවෙකු රෝහල්ගත කිරීමෙන් අනතුරුව  අද (06දා) අලුයම මියගොස් ඇති බව මස්කෙළිය පොලීසිය පවසයි.

මෙසේ මියගොස් ඇත්තේ මස්කෙළිය පොලිස් වසමට අයත් නොටින්හැම් වතුයායේ පදිංචිව සිටි ශ්‍රි මනෝක්‍රිෂ්ණන් මර්දි නමැති අවුරුදු 4 ½ වයසැති පිරිමි දරුවෙකි.

තම නිවසේ තිබූ පැරසිටමෝල් පෙති රැගෙන මෙම දරුවා ආහාරයට ගනිමින් සිටියදී ඒ  බැව් දුටු මියගිය දරුවාගේ මව සහ පියා දරුවා  දික්ඔය මුලික රෝහල වෙත ඇතුළත් කිරීමෙන් අනතරුව වැඩිදුර ප්‍රතිකාර සඳහා නාවලපිටිය මුලික රෝහල වෙත ඇතුළත් කර ඇති අතර  ප්‍රතිකාර ලබමින් සිටියදී ජීවිතක්ෂයට පත්ව තිබේ. මියගිය දරුවාගේ පශ්චාත් මරණ පරික්ෂණය නාවලපිටිය මුලික රෝහලේදී  සිදු කිරීමට නියමිතය.

 

baby-76

 

 

කොරා පොලිස් නිලධාරීන්ගේ කර මතින් අවසන් ගමන් යයි

හැටන් පොලිස් කොට්ඨාස සුනඛ අංශයේ වසර 03කට  වැඩි කාලයක් රාජකාරියෙහි නිරතව සිටි කොරා සුනඛයාගේ අවසන් කටයුතු හැටන් පොලිස් නිලධාරීන්ගේ ගෞරවාචාර මැද අද (31දා) පස්වරුවේ හැටන් පොලිසියේදී සිදු කෙරිණි.

හැටන් පොලිස් කොට්ඨාස සුනඛ අංශයේ වසර 03 ට වැඩි කාලයක් සේවය කරමින් සිටි මෙම සුනඛයා පසුගිය (29දා) මහනුවර අස්ගිරිය නිල සුනඛ මූලස්ථානයේ පුහුණුවක් සඳහා රැගෙන ගිය අවස්ථාවේ මිය ගොස් තිබුණි.

මේ පිළිබඳ පශ්චාද් මරණ පරීක්ෂණය පේරාදෙණිය විශ්වවිද්‍යාලයේ පශු වෛද්‍ය  අංශයේ  වෛද්‍යවරුන් විසින් සිදු කරන ලද අතර පිළිකාවක් හේතුවෙන් මෙම මරණය සිදුව ඇති බව එහිදී අනාවරණය වී ඇත.

පෑලියගොඩ, අම්පාර , මඩකලපුව, බණ්ඩාරවෙල යන පොලීසිවලට අනුයුත්කව සේවයේ නිතරව සිට ඇති මෙම නිල සුනඛයා අවසන් වරට  හැටන් පොලිස් කොට්ඨාසයේ සේවයේ නිරත වෙමින් අපරාධ රැසකට සම්බන්ධ සැකකරුවන් අත්අඩංගුවට ගැනිමට සමත්ව තිබේ.

හැටන් පොලිස් අධිකාරී රවින්ද්‍ර අඹේපිටිය , සහකාර පොලිස් අධිකාරි දසනායක යන මහත්වරු ඇතුළු විශාල පිරිසක් මෙම අවස්ථාවට එක්ව සිටියහ.

19 21 24 25 26 30 33

අපරාධකරුවන් රැසක් නීතියට කොටුකළ කෝරා සමුගනියි

 අපරාධකරුවන් රැසක් නීතියට කොටුකළ කෝරා සමුගනියි ශ්රීධ පාද වන්දනාවේ මත්ද්රයව්යපය රැගෙන ආ සැකකරුවන් රැසක් අත්අඩංගුවට ගැනිමට සහයෝගය දක්වා ඇති හැටන් පොලිස් කොට්ඨාශ සුනඛ අංශයේ වසර 3ට අධික කාලයක් රාජකාරී කළ කෝරා සුනඛයා අද (29දා) මියගොස් තිබේ. 

බෙල්ජියම් මැරනුන් වර්ගයට අයත් මෙම කෝරා සුනඛයාගේ වයස අවුරුදු 8 වන අතර, එම සුනඛයා පැලියගොඩ, අම්පාර , මඩකලපුව,බණ්ඩාරවෙල යන ස්ථානවල සහ අවසන් වරට හැටන් පොලිස් කොට්ඨාශයේ රාජකාරිය සිදු කර තිබේ.

ඒ කාලය තුළ අපරාධ රැසකට සම්බන්ධ සැකකරුවන් අත්අඩංගුවට ගැනීමට සහාය දක්වා ඇත. මධ්‍යයම පලාතේ මහනුවර අස්ගිරිය නිල සුනඛ  මුලස්ථානයේ පුහුණුවක් සදහා කෝරා සුනඛයාව රැගෙන ගිය අවස්ථාවේ කෝරා මිය ගොස් ඇති බවයි හැටන් පොලිසියේ නිලධාරියෙකු කියා සිටියේ.

KORA-(10)

 

මන්දකට හසුව මියගිය දිවියෙක් නෝවර්වුඩ් වතුයායෙන් හමුවෙයි

මන්දකට  හසු වී මියගොස් සිටි දිවියෙකුගේ සිරුරක්  නෝවුඩ් වතු යායේ ඉහළ කොටසේ  තණබිමක තිබිදී ඊයේ (26දා) සොයා ගත් බව නොර්වුඩ් පොලීසිය පවසයි.

මියගිය දිවියා අඩි 4ක් දිගකින් හා අඩි 2 ½ පමණ උසකින් යුක්ත අවුරුදු 6 පමණ වයසැති මෑතකදී පැටවුන් බිහිකළ  කොටි දේනුවක් බව නල්ලතන්නිය වනජීවී  නිලධාරීන් පවසයි.

තේ වතු ආශ්‍රිතව සැරිසරන ශ්‍රි ලංකාව පමණක් ආවේණික වු මෙම දිවි විශේෂය ශ්‍රි ලංකා කොටියා යනුවෙන් ද හඳුන්වනු ලබන අතර වතු යායේ මුරකරු විසින් මන්දකට හසු වී මියගොස් සිටි දිවියාගේ සිරුර දැක ඒ පිළිබඳව නොර්වුඩ් පොලිසියට දැනුම් දී ඇති අතර නොර්වුඩ් පොලීසිය නල්ලතන්නිය වනජීවී  කාර්යාලයේ නිලධාරීන් දැනුවත් කර තිබේ.

මියගිය දිවියා මන්දකට හසුවීමෙන් පසු  ඔහුගේ හිසට  පහර දී  දත් සහ නියපොතු  ගලවා සිරුර තිබු ස්ථානයට ගෙනැවිත් දමන්නට ඇති බව වනජීවී  නිලධාරින් පැවසීය.

දිවියා ඝාතනය කළ සැකරුවන් සොයා මෙහෙයුමක් ආරම්භ කර ඇති අතර  දිවියාගේ සිරුර පශ්චාත් මරණ පරීක්ෂණය සඳහා උඩවලව ජාතික වනජීවී පශු වෛද්‍ය රෝහල වෙත යොමු කර තිබේ.

di

වැස්ස නිසා රාත්‍රියට ශ්‍රී පාදය සංචාරය තහනම්

මධ්‍යම කඳුකරයේ බටහිර බැවුම් ප්‍රදේශවලට මේ දින වල පවතින අයහපත් කාලගුණ තත්ත්වය හේතුවෙන් විදේශික සංචාරකයන්ට රාත්‍රී කාලයේදී අවාරයේ ශ්‍රී පාදය සංචාරය කිරීමඅද (24දා) සිට තාවකාලිකව තහනම් කළ බව නල්ලතන්නිය වනජීවී කාර්යාලයේ වනසත්ත්ව අඩවි ආරක්ෂක ඒ.ආර්.පි.ඒ. කරුණාතිලක මහතා පැවසීය.

ශ්‍රීපාද අවාරයේ හැටන් මාර්ගය ඔස්සේ ශ්‍රී පාදය සංචාරය කිරීමට දිනකට විශාල විදේශීය සංචාරකයන් පිරිසක් පැමිණෙන බවත්, ඉන් වැඩි පිරිසක් රාත්‍රී කාලයේ සංචාරය කිරීමට උනන්දු වන්නේ අලුයම් කාලයේ ඉර සේවය නැරඹීමේ අදහසින් බවත් සත්ත්ව ආරක්ෂක නිලධාරියා කියා සිටියේය.

සංචාරකයන්ගේ ආරක්ෂාව උදෙසා ගත් මෙම පියවර අනුව ඕනෑම සංචාරකයෙකුට නල්ලතන්නිය පොලීසිය දැනුවත් කර  දිවා කාලයේ ශ්‍රී පාදය සංචාරය කිරීමට හැකි බවත්, එසේ සංචාරය කරන්නන් එදිනම පස්වරු 6 වන විට නල්ලතන්නිය වෙත පැමිණිය යුතු බවත්, මේ සම්බන්ධයෙන් තම කාර්යාලයේ නිලධාරීන් අධීක්ෂණයක් සිදු කරන බවත්,වනසත්ත්ව අඩවි ආරක්ෂකවරයා කියා සිටියේය.

පවතින අධික වර්ෂාවත් සමග නල්ලත්නිය සිට ශ්‍රී පාද උඩමළුව දක්වා දැඩි අයහපත් කාලගුණ තත්ත්වයක් පවතින නිසාවෙන් සංචාරකයන්ගේ ආරක්ෂාව උදෙසා මෙම ආරක්ෂිත වැඩපිළිවෙළ දියත් කර ඇතැයි සඳහන් කරයි.

Adams-Peak-Sri-Pada-Sri-Lanka-Night-Time

 

ඉහළ කොත්මලේ ජලාශයේ වාන් දොරටු දෙකක් විවෘත කෙරේ

මධ්‍යම කඳුකරයේ බටහිර බෑවුම් ප්‍රදේශ  ඇද හැළෙන අධික වර්ෂාවත් සමග ඉහළ කොත්මලේ ජලාශයේ වාන් දොරටු දෙකක් විවෘත කර ඇත.

එම ප්‍රදේශයට තවදුරටත් වැසි ලැබෙමින් පවතින නිසා  ජලාශ වේල්ලේ සෙසු වාන් දොරටු ස්වයංක්‍රියව විවෘත වන බැවින් වේල්ලට පහළින් කොත්මලාඔය දෙපස පදිංචිකරුවන් සැලකිලිමත්ව සිටින ලෙසද විදුලි බලාගාර ඉංජිනේරුවන් ජනතාවගෙන් ඉල්ලා සිටියි.

එමෙන්ම නුවරඑළිය – හැටන් ප්‍රධාන මාර්ගයේ ස්ථාන කිහිපයකම පස්කඳු කඩාවැටීම හේතුවෙන් එම මාර්ගවල වාහන ධාවනය කිරිමේදි සැලකිලිමත් වන  ලෙසද සෙමින් රිය ධාවනය කරවන ලෙසද පොලීසිය රියදුරන්ගෙන් ඉල්ලා සිටියි.

eeeeeeeeeeeeeeeeeeeeeee22

පාලිත මී හරක් මුදාහැරීමට ගොවීන්ගේ විරෝධය

රාජ්‍ය නිලධාරීන්ට බැණ වදිමින් වගාවට හානි කරන කුළු හරක් රක්ෂිතයට මුදාහල  වනජීවී නියෝජ්‍ය අමාත්‍ය පාලිත තෙවරප්පෙරුම මහතාට එරෙහිව විරෝධය පාමින් අඹේවෙල ප්‍රදේශයේ ගොවීන් පිරිසක් අඹේවෙල දුම්රිය ස්ථානය අසල අද (16දා) උද්ඝෝෂණයක් ආරම්භ කර තිබේ.

නියෝජ්‍ය අමාත්‍යවරයා හොර්ටන් තැන්න ප්‍රදේශයේ සංචාරයක නිරතවන අතරතුර අඹේවෙල ප්‍රදේශයේ ප්‍රධාන මාර්ගයට මායිම්ව ගැට ගසා තිබූ කුළු හරක් 7 දෙනෙකු රක්ෂිතයට මුදා හැර, නුවරඑළිය ප්‍රාදේශීය ලේකම්වරියට හා කාෂිකර්ම පර්යේෂණ නිලධාරියාට බැණ වැදුනේ යැයි පැවසෙන සිද්ධියට විරෝධය පාමින් මොවුහු මෙම උද්ඝෝෂණය සිදු කළහ.

වැලිමඩ ප්‍රදේශයේ එළවළු වගාව සඳහා ගොවීන් විසින් ඇති කරන ලද මී  හරක් මීට වසර කිහිපයකට ප්‍රථම කැලයට මුදා හැර ඇති බවත්, එම මීහරක් මේ වන විට කැලෑ වැදී ඇති අතර, එම සතුන් 150-200 අතර ප්‍රමාණයක් කුළු හරක් වශයෙන් බෝවී රංචු වශයෙන් ගම් වැදී වගාවන්ට හානි සිදු කරන බවත් අදාළ ගොවීහු පවසති. ඇතැම් අවස්ථාවල එම සතුන් ප්‍රදේශවාසීන් හා එම මාර්ගය හරහා ගමන්ගන්නා  සංචාරකයන්ටද පහර දෙන බව ඔවුහු ප්‍රකාශ කරති.

නුවරඑළිය කෘෂිකර්ම කමිටුවේ නිර්දේශයක් මත මෙම කුළු හරක් අල්ලා මෙල්ල කර අම්බලන්ගොඩ ප්‍රදේශයේ ගොවිපොළකට නිත්‍යානුකූලව රැගෙන යෑමට තිබියදී එම මාර්ගයේ ගමන් ගත් නියෝජ්‍ය අමාත්‍යවරයා එම ස්ථානයට පැමිණ මාධ්‍ය සංදර්ශනයක් පවත්වමින් රාජ්‍ය නිලධාරීන්ට පරුෂ වචනයෙන් බැන වැදී අදාළ කුළු හරක් රක්ෂිතයට මුදාහල බව උද්ඝෝෂකයෝ පවසති.

තම වගාවට විශාල වශයෙන් හානි සිදුකරන කුළු හරක් යළිත් වරක් අල්ලා වෙනත් ප්‍රදේශයකට රැගෙන යන ලෙස උද්ඝෝෂණයේ නියැළී සිටින ගොවීහු අදාළ නිලධාරීන්ගෙන් ඉල්ලා සිටියි.

නියෝජ්‍ය අමාත්‍යවරයා විසින් මාධ්‍ය හමුවේ සිදුකර ඇති ප්‍රකාශ පදනම් විරහිත බවත්, නීත්‍යානුකූලව එම කුළු හරක් රැගෙන යාමට පැමිණි කිසිවෙකුත් පට්ටිපොල පොලීසිය විසින් අත්අඩංගුවට ගැනිමක් සිදුනොකළ බවත් උද්ඝෝෂකයෝ වැඩිදුරටත් කියා සිටිති.

ABEWELA-(1)1

 

බුදුරුව සහිත සාරිය ගැන පරීක්ෂණයක්

හැටන් නගරයේ රාජ්‍ය මූල්‍ය ආයතනයක තාවකාලිකව සේවය කරන කාන්තාවක බුදුරුව සහිත සාරියක් පැලඳ සිටීම සම්බන්ධයෙන් හැටන් පොලීසියට අද  (08දා) ලද තොරතුරක් මත හැටන් පොලිසිය විසින්  එම සාරිය පොලිස් භාරයට ගෙන ඇත.

කොළ පාට සාරියේ බෝඩරය වටා බුදු සිරස මුද්‍රණය කර තිබු  අතර, එම සාරියෙන් කපාගත් කොටසකින් එම කාන්තාව හැට්ටයක්ද මසා පැලද සිට තිබේ

විශ්වවිද්‍යාල  ප්‍රවේශ ලබා සිටින එම කාන්තාව විශ්වවිද්‍යාලයට ඇතුළත් වන තෙක් තාවකාලිකව රාජ්‍ය මූල්‍ය ආයතනයේ  සේවය කරන අතර, ඇය විසින් හැටන් නගරයේ රෙදි පිලි අලෙවි කරන වෙළෙඳ සැලකින් ඊයේ (07දා) පස්වරුවේ මෙම සාරිය රුපියල් 1500 කට මිලදී ගෙන ඇති බව පරීක්‍ෂණවලදී අනාවරණය විය.

එම රෙදි පිළි වෙළෙඳ සැලද පොලීසිය විසින් පරීක්‍ෂා කළ අතර එහිදි මෙවැනි මුදුණ සහිත වෙනත් සාරි තොග අලෙවි කිරීමට නොතිබුණු අතර, මෙම සාරි ඉන්දියාවෙන් ආනයනය කළ බව එහි හිමිකරු පොලීසියට පවසා තිබේ.

මෙම සිද්ධිය සම්බන්ධයෙන් එම කාන්තාවගෙන්ද වෙළෙඳ සැල් හිමියාගෙන්ද පොලීසිය විසින් ප්‍රකාශ ලබාගෙන බුදුරුවට සමාන මුද්‍රණය කර තිබු සාරිය පොලිස් භාරයට ගෙන ඇත.

මෙම සිද්ධිය සම්බන්ධයෙන් හැටන් මහෙස්ත්‍රාත් අධිකරණය වෙත කරුණු ඉදිරිපත් කර නීතිපති උපදෙස් අනුව ඉදිරි නීතිමය ක්‍රියාමාර්ග ගැනීමට නියමිතය. සිද්ධිය සම්බන්ධයෙන් හැටන් පොලීසිය වැඩිදුර පරීක්ෂණ පවත්වයි.

BUDURUWA-(6)BUDURUWA-(2) BUDURUWA-(4)