Author Archives: හිඟුරක්ගොඩ ඩබ් ඒ පියතිලක

නිවසකට අත්තිවාරම් කපන විට රන් අලේපිත බුදු පිළිමයක් හමුවෙලා

නිවසක් ඉදිකිරීම සඳහා අත්තිවාරම්  කපන අවස්ථාවේ රන් ආලේපිත උස සෙන්ටිමීටර් 6.8 පලළ සෙන්ටිමීටර් 6.5 බුදු පිළිමයක් බි.ඕ.පී 316  තල්පොත ප‍්‍රදේශයේ පුද්ගලයෙකුට හමුවි ඇති බව පොළොන්නරුව පුරා විද්‍යා දෙපාර්තමේන්තු කාර්යාලය පවසයි.

මෙම පිළිම වහන්සේ පොළොන්නරු යුගයට අයත් පිළිමයක් බවත් මෙම ඉඩම පිහිටිම අනුව පොළොන්නරු යුගයේ  කාලිංග ඇළ මාර්ගය පිහිටි ආසන්නයේ ඇති බැවින් ඇළ මාර්ගය විවිධ පුද්ගලයන් සහ විවිධ ජාතිකයන් වෙළෙඳාම් කටයුතු සඳහා භාවිත කර ඇති බවට සඳහන්ව ඇතැයි පොළොන්නරු දිස්ත්‍රික් පුරාවිද්‍යා ගවේෂණ නිලධාරී එච්.එම්. අබේකෝන් මහතා පැවසීය.

 මෙම ප‍්‍රදේශයේ තිබී මිට පෙර පෞරාණික වටිනාකම් ඇති පිළිම ඇතුළු විවිධ දේ හමුවුණු අතර මේ පිළිමය පිළිබඳ පරික්ෂා කිරිමෙන් පසු කුමන ලෝහයකින් තනවා ඇත්දැයි සහ කාලය නිර්ණය කරගත හැකි බව අබේකෝන් මහතා වැඩිදුරටත් පවසා සිටියේය.

piX--01--BU

 

හිඟුක්ගොඩ ප්‍රා සභාපතිගේ පුටුව ඔසවන් යයි

හිඟුරක්ගොඩ ප‍්‍රාදේශීය සභාවේ පළමු සභාවාරය අද (02දා) පෙරවරුවේ පැවැති අතර, එහිදී ශ්‍රී ලංකා පොදුජන පෙරමුණේ මංත්‍රීවරු කළුපටි සහ වෙස් මුහුණු පැලඳ සභාවට පැමිණ සභාව තුළ කලහකාරී ලෙස හැසිරීම හේතුවෙන් සභාව මෙම මස 28දා දක්වා කල් දැමීමට එහි සභාපතිවරයා වන ඩී. ආර්. උඩවත්ත මහතා පියවර ගත්තේය.

ප්‍රාදේශීය සභාවේ සභාපතිවරයා පත්වීම නීත්‍යානුකූල නොවන බවට පවසමින් පොදුජන පෙරමුණේ මන්ත්‍රීවරු මෙසේ විරෝධතාව දැක්වීය.

මෙහිදී සභාපතිවරයා සභාව අමතන අතරතුර සභාපතිවරයාගේ සභාපති අසුන ශ්‍රී ලංකා පොදුජන පෙරමුණේ මංත්‍රීවරයෙකු විසින් ඔසවාගෙන සභාවෙන් එළියට රැගෙන ගිය අතර, පොලීසියේ මැදිහත් වීමෙන් සභාපති පුටුව නැවත සභාපතිවරයාට ලබාදීමට කටයුතු කළේය.

මෙහිදී ශ්‍රී ලංකා නිදහස් පක්ෂයෙන් තේරී පත්ව  සිටින ඩී. ආර්. උඩවත්ත සභාපතිවරයාට එරෙහිව ශ්‍රී ලංකා පොදුජන පෙරමුණේ මංත්‍රීවරු 13 දෙනාට අමතරව ඇතැම් එක්සත් ජාතික පක්ෂ මංත්‍රීවරුද, ශ්‍රී ලංකා නිදහස් පක්ෂයේ මංත්‍රීවරුද  සිය විරෝධය දක්වන අයුරු දක්නට ලැබුණි. මෙහිදී ඇතිවූ නොසන්සුන්තාවය සමථයකට පත්කිරීම සඳහා හිඟුරක්ගොඩ පොලීසියටද මැදිහත් වීමට සිදුවිය.

PIX--03--HI PIX--05--HI PIX--06--HI

 

 

ලුණු පැකට්ටුවේ මැරුණු ගෙම්බෙක්

තමා පරිභෝජනය සඳහා වෙළෙඳසැලෙන් රැගෙන ආ ලුණු පැකට්ටුවේ මියගොස් වේළුණු ගෙම්බෙක් සිටි බව පොළොන්නරුව බැඳි වැව අයුර්වේද වෛද්‍යවරයෙකු වන  කේ. ජී. රවින්දු කුමාර මහතා පැවසීය.

මේ පිළිබඳ අප සමග අදහස් දැක් වූ ඒ මහතා,

“මම පසුගිය දවසක ගේ ළඟ කඩෙන් ලුණු ඇතුළුව වෙනත්  කෑමට ගන්නා බඩු  ගෙදරට ගෙනාවා. අද (12දා) උදේ ලුණු පැකට් එක කඩලා වෑංජනයට දාන්න හදකොට ලුණු පැකට් එක් ඇතුළේ ලොකු ලුණු කැටයක් තිබුණා. ඒක මම පොඩි කරනනකොට කළු පාට මොකක්දෝ තිබුණා. බලපුවාම ගෙම්බෙක්. මට හිතා ගන්න බැරි වුණා මොකක්ද මේ කියලා.  මම දන්න විදියට ගෙම්බෝ  විෂ සහිත අය ඉන්නවා. මේ ලුණු පැකට් එක අයිති සමාගම හම්බන්තොට ප‍්‍රදේශයේ එකක්. එම සමාගම විසින් රට පුරා මෙම ලුණු බෙදා හැර තිබෙනවා.

කවුරු හරි කියනවා නම් අපි බොරුවක් කියනවා කියලා මේ ගෙම්බා පරීක්ෂා කර බලන්න පුළුවන් ලුණු පැකට් එකේ හිටියාද නැද්ද කියලා. මහජන සෞඛ්‍ය පරීක්ෂකවරු විසින් පරික්ෂා කිරීමෙන් පසු මිනිස් පරිභෝජනයට සුදුසු බව අනුමත කළ ලුණු පැකට් එකක් තමයි මේ. මේ ලුණු පැකට්  එකේ ශ්‍රී ලංකා ප‍්‍රමිති සහතිකය තිබෙන එකයි පුදුම වැඩේ. මම මේ සම්බන්ධයෙන් පාරිභොගික අධිකාරියටත් පැමිණිලි කළා. ජනතාව පරිභෝජනය කරන ආහාර පිළිබඳ සෞඛ්‍ය අංශ බලධාරීන් දැඩි කි‍්‍රයා මාර්ග ගත යුතුයි” යැයි පැවසීය.

PIX--03--GEMBA copy

 

පරාක්‍රම සමුද්‍රයේ වාන් දොරටු අටක් විවෘතයි

(UPDATE) පොළොන්නරුවට පැවැති දැඩි නියඟය හමාර කරමින් දින 02ක් පුරා පැවැති දැඩි වර්ෂාව හේතුවෙන් පරාක‍්‍රම සමුද්‍රයේ වාන් දොරටු  දහයෙන් අටක් විවෘත කර ඇති බවත්, අඩි එක බැගින් වාන් දොරටු හයක්ද, අඩි දෙක බැගින් දොරටු දෙකක්ද අද (27දා) රාත්‍රී 8.00 වන විට විවෘත කළ බවත් පොළොන්නරුව කලාප වාරිමාර්ග අධ්‍යක්ෂක එස්. කේ. හේවගේ මහතා පැවසීය.

මේ වන විට පරාක්‍රම සමුද්‍රයේ ජල ධාරිතාව අක්කර අඩි එක් ලක්ෂ දාහත් දාහක් ඇති බවත්, දොරටු අටක් විවෘත කර ඇති අතර, තප්පරයට ඝන අඩි 1400ක් ජලය පිටවන බවත් ඒ මහතා ප්‍රකාශ කළේය.

මෙම ජලය මහවැලි ගඟට මුදාරින බවත්, එබැවින් ගඟ දෙපස සිටින ජනතාව සහ ගඟ පරිහරණය කරන ජනතාව අවධානයෙන් සිටින ලෙසත් පොළොන්නරුව කලාප වාරිමාර්ග අධ්‍යක්ෂක එස්. කේ. හේවගේ මහතා ජනතාවගෙන් ඉල්ලා සිටී.

PIX--01--PA

පොළොන්නරු වී මිළ ශීඝ්‍රයෙන් පහළට

මේ වන විට පොළොන්නරුවේ මාස්කන්නයේ වී අස්වැන්න නෙළමින් පැවතියත්, වී මිල ශීඝ්‍ර ලෙස පහළ බසිමින් පවතින බව වාර්තා වේ. පෞද්ගලික වෙළෙඳුන් ගොවීන්ගෙන් නාඩු වර්ගයේ වී කිලෝවක් රුපියල් 18 සිට 22ක දක්වාත්,  සම්බා වී කිලෝවක් රුපියල් 30 සිට 35ක මිලකටත් මිලදී ගන්නා අතර, වි අලෙවි මණ්ඩලය ගොවීන්ගේ වී මිලදී නොගන්නා බව  වැලිකන්ද ප්‍රදේශයේ ගොවීහු පවසති.

මේ දිනවල  පොළොන්නරුවේ වැලිකන්ද දෙහිඅත්තකණ්ඩිය අඹගස්වැව සහ මීගස්වැව ප්‍රදේශවල ගොඩ වී අස්වැන්න නෙළමින් පවතින අතර, ලබාගන්නා අස්වැන්න තුට්ටු දෙකට දීමට සිදුව ඇති බවද ගොවීහු පවසති. පසුගිය දිනවල නාඩු වී පමණක් කිලෝ එකක් රුපියල් 50 සිට 55 දක්වා පැවති අතර අස්වැන්න නෙළන සමය වන විට පෞද්ගලික වෙළෙඳුන් තමන්ගේ අස්වැන්න අසාධාරණ ලෙස  තුට්ටු දෙකට මිලදී ගන්නා බව ගොවී කියති.

රජය විසින් වී මිලදී ගැනීම ආරම්භ කරනවා නම් මෙවැනි ආකාරයට වී මිල පහත නොවැටෙන බවත්, රජය සතුව වී තොග නොමැති වීම නිසා සහල් මිල ඉහළ යන අතර වී මිල පහළ යන ක්‍රමයට වී මෝල් හිමියන් සහ පෞද්ගලික වී මිලදී ගන්නන් විසින්  මෙම ජාවාරම සිදුකරන බවයි. මෙසේ වීමට ප්‍රධාන හේතුව වී ඇත්තේ ගොවියාට අවශ්‍ය කිසිදු දෙයක් නිසි කලට බලධාරීන් විසින් ලබා නොදීමත්,  ලබා ගන්නා අස්වැන්නට ඉහළ මිලක්  ලබා නොදීමත් නිසා බව ගොවීහු පවසති.  

PIX--03--S PIX--04---S PIX--05---S

ඉතිහාසයේ ප්‍රථම වතාවට ආදිවාසී කාන්තාවකට සභික ධුරයක්

ශ්‍රී ලංකා ඉතිහාසයේ ප්‍රථම වරට ආදිවාසී කාන්තාවක් පසුගියදා පැවැත් වූ පළාත් පාලන මැතිවරණයට ශ්‍රී ලංකා පොදුජන පෙරමුණේ අපේක්ෂිකාවක් ලෙස  දෙහිඅත්තකණ්ඩිය හේනානිගල දකුණ සහ උතුර බහු ආසනය වෙනුවෙන් තරග කළාය. ඇය නමින් ඩබ්.එම් ශිරෝමාලා (37) නම් වේ.  අපොස (සා.පෙළ) දක්වා ඉගෙනුම ලබා ඇති ඇය තිදරු මවකි. ශිරෝමාලා ඡන්ද 1369ක් ලබා ගනිමින් මෙරට ඉතිහාසයට එක්වන්නේ ප්‍රථම ආදිවාසී මහජන නියෝජිතවරිය ලෙසයි.

ඇය  ලැබූ ජයග්‍රහණය පිළිබඳ මෙසේ පැවසුවාය.

''මට මුලින්ම කියන්න තියෙන්නේ අපේ රැහේ ඇත්තන්ට මෙතෙක් කල් නොවිසිදුණු  ප්‍රශ්න ගොඩක් තියෙනවා. හැබැයි ඒ ප්‍රශ්න ඔක්කෝම  විසදන්න බැහැ. ටිකක් හරි විසඳන්න උත්සාහ කරනවා. ඒ විශ්වාසය තියලා තමයි අපේ රැහේ අය වාගේම අනිකුත් අය මාව පත්කර ගත්තේ. ඒ නිසා මම කැමති නැහැ ඒ විශ්වාසය නැතිකර ගන්න. ගිලිහී යන අපේ සංස්කෘතිය, ආගම රැක ගන්නත්, ගමේ, රටේ සංවර්ධනයට උපරිමය සහයෝගය ලබා දී කටයුතු කරන්නත් මම බලාපොරොත්තු වෙනවා. ඉදිරියේදී පැවැත්වෙන පළාත් සභාවටත්, පාර්ලිමේන්තු මැතිවරණවලටත් ඉදිරිපත් වීම තමයි මගේ එකම බලාපොරොත්තුව.''

ශ්‍රී ලංකාවේ ආදිවාසී පරපුරේ 19 වෙනි නායකයා වන ඌරුවරිගයේ වන්නිල ඇත්තෝ තම පරපුරේ කෙනෙකු මන්ත්‍රීවරියක වීම පිළිබඳ මෙසේ අදහස් දැක්වීය.

''අපේ රැහේ කැකුළියක් මන්ත්‍රීවරියක් වීම පිළිබඳ ලොකු සතුටක් පපු කැනැත්තට දැනෙනවා. ඒ වගේම ලොකු බයකුත් හිත් පොජ්ජට දැනෙනවා. මොකද කියනවා නම් අද අපේ රටේ ඉන්නේ දේශපාලඥයන්,  පාලකයන් නෙවේ. ජනතාව රවට්ටමින් බොරුව, දූෂණය, වංචාව සහ රට විනාශ කරන දේශපාලන ක්‍රමයක් තමයි පවතින්නේ. එවැනි ක්‍රම අනුගමනය කරන තැනකට වාගේම, එවැනි මිනිස්සු ඉන්න පරිසරයකට යන විට කල්පනාකාරී විය යුතුයි.

මේ ඇත්ති මම ඇතුළු හේනානිගල නායක ඇත්තන්ගේ අවවාද, අනුශාසනා වලට පිටින් වැඩ නොකරන බවට අපට විශ්වාසයි. අපේ ප්‍රශ්න ගැටලු මෙතෙක් කල් කියන්න සිද්ධ වුණේ වෙනත් පක්ෂයක, වෙනත් වරිගයක අයට තමයි. නමුත් දැන් අපේ ප්‍රශ්න ගැටළු කියන්න අපේම කැකුළියක් ඒ තැනෙහි ඉන්න එක පිළිබඳව මා පමණක් නෙවේ, අපේ රටේ ගම්මාන 62ක ජීවත්වන ආදිවාසී සියලු ජනතාව සතුටු වෙනවා. ඒ වගේම තමයි මගේ පූර්ණ ආශිර්වාදය ඇයට ලබා දෙනවා.

ඉදිරියේදී පැවැත්වෙන ප්‍රාදේශීය සභා, පළාත් සභා, පාර්ලිමේන්තු මැතිවරණ සඳහා රට පුරා තිබෙන අපේ ආදිවාසී ගම්මාන නියෝජනය වෙන පරිදි කැකුළන්, කැකුළියන් ඉදිරිපත් කර ජයග්‍රහණ  ලබාගෙන රටත්, ස්වභාවධර්මයත්, රැහේ පිරිස වාගේම අපේ සංස්කෘතිය සහ රටේ සංවර්ධනයට දායක වීම අපේ එකම බලාපොරොත්තුවයි.''

PIX--01--ADI copy PIX--06--ADI copy PIX--08--ADI copy PIX--09--ADI copy PIX--13--ADI copy PIX--14--ADI (2) copy

පොලොන්නරුවේ ඡන්ද වැඩට දරුවන් යොදාගෙන

ඡන්ද මධ්‍යස්ථාන වෙත ඡන්ද පෙට්ටි රැගෙන යෑම සඳහා කුඩා දරුවන් සහභාගි කර ගෙන තිබූ අයුරු පොලොන්නරුවේදී දැකගත හැකිවිය.

මේ සමිබන්ධයෙන් ජාතික ළමාආරක්ෂක අධිකාරියේ සභාපතිනි නිතිඥ මාරිනි ද ලිවේරා මහත්මිය සමිබන්ධ කර ගැනිමට උත්සාහ කළත් සම්බන්ධ කරගත නොහැකි විම නිසා ජාතික ළමාආරක්ෂක අධිකාරියේ නිතී අංශයේ ප්‍රකාශකයෙක් පැවැසුවේ කිසිසෙත්ම  වයස අඩු දරුවන් කුමන සේවාවක හෝ යෙදවීමට කිසිම පුද්ගලයෙකුට හෝ ආයතනයකට නොහැකි බවයි.

පොලොන්නරුව දිස්ත්‍රික් ලේකම් කාර්යාලයේදී මෙම දර්ශන කැමරාවේ සටහන්විය. 

PIX--07--CHE copy PIX--12--CHE copyPIX--04--CHE copy

 

 

පොළොන්නරුවට අධික මීදුම

පවතින නියං තත්ත්වයත් සමග පොළොන්නරුවේ ප‍්‍රදේශ රැසකට අද (07දා)උදෑසන අධික මීදුම් තත්ත්වයක් ඇති වී තිබිණි. මේ හේතුවෙන් මාර්ග නොපෙනීම නිසා මාර්ග  භාවිත කරන්නන්ට සහ රථවාහන ගමනාගමනයටද  බාධා ඇති විය..

හිඟුරක්ගොඩ, මින්නේරිය, මැදිරිගිරිය සහ පොළොන්නරුව ඇතුඑ ප‍්‍රදේශ රැසකට මෙම අධික  මීදුම් තත්ත්වය උදෑසන 8-9  පමණ වනතෙක්  පැවැති අතර, පසුව ක්‍රමයෙන් එය පහව යන අයුරු දැකගත හැකි විය.

PIX--01--M PIX--03--M PIX--06--M PIX--08--M

පුද්ගල පහරදීමක් සම්බන්ධයෙන් හිටපු පාර්ලිමේන්තු මන්ත්‍රී අත්අඩංගුවට

පුද්ගලයෙකුට පහරදීමක් සම්බන්ධයෙන් හිටපු පොළොන්නරු දිස්ති‍්‍රක් එක්සත් ජනතා නිදහස් සන්ධාන පාර්ලිමේන්තු මන්ත්‍රී  ජයසිංහ බණ්ඩාර මහතා සහ ඔහුගේ

  පුත්‍රයා අද (28දා) අත්අඩංගුවට ගත් බව අරලගංවිල පොලීසිය පවසයි.

වෙනත් පක්ෂයක ආධාරකරුවෙකුට පහරදීම හේතුවෙන් මෙම අත්අඩංගුවට ගැනීම සිදුකර  ඇති අතර, පහර කෑමට ලක් වූ පුද්ගලයා දෙහිඅත්තකණ්ඩිය රෝහලේ නේවාසිකව ප‍්‍රතිකාර ලබමින් සිටින බවට වාර්තාවේ.

අත්අඩංගුවට ගත් සැකකරුවන් දෙදෙනා පොළොන්නරුව අධිකරණයට ඉදිරිපත් කිරීමෙන් පසු එක් අයෙකුට රුපියල් ලක්ෂය බැගින් ශරිර ඇප දෙකක් මත  නිදහස් කළ බව අරලගංවිල පොලීසිය ප්‍රකාශ කළේය.

 

මන්ත්‍රී සිරිපාල ගම්ලත්ගේ දියණිය ඩෙංගු මරුවාට බිලි

පොලොන්නරුව දිස්ති‍්‍රක්  පාර්ලිමේන්තු මන්ත්‍රී, එක්සත් නිදහස් සන්ධානයේ හිටපු  නියෝජ්‍ය අමාත්‍ය සිරිපාල ගම්ලත්  මහතාගේ   දියණියක් ඩංගු උණ රෝගය හෙතුවෙන් මියගොස්  තිබේ

මෙසේ මියගොස් ඇත්තේ රංජලා ගමිලත් (35) මහත්මිය ඩෙංගු රොගය  වැළදිම හෙතුවෙන් කොළඹ පෞද්ගලික රෝහලක ප‍්‍රතිකාර ලබමින් සිටියදිය. ඊයේ (16දා) අඑයම ඇය මියගොස් ඇත. මෘතදේහය ගිරිතලේ 20 කණුව ප‍්‍රදේශයේ පිහිටි නිවසේ තැන්පත් කර ඇත.

ARFBYK_2942681b