Author Archives: ඔෂිත වරකපිටිය

පොලිස් , යුද හමුදාවට පැරදෙයි

ඩයලොග් අන්තර්සමාජ ලිග් රග්බි තරගාවලියේ පොලිස් කණ්ඩායම සමග පැවති තරගයෙන් ලකුණු 32-18 ක පහසු ජයක් වාර්තා කිරීමට යුද හමුදා කණ්ඩායම සමත් විය. රත්මලාන ගුවන් හමුදා පිටියේදී පැවති තරගයේ පළමු අර්ධය කණ්ඩායම් දෙකම ඉතා ප්‍රභල ක්‍රීඩා විලාශයකින් තරග වැදුණු අතර ඒ අනුව එම අර්ධය නිමා වන විටදී කණ්ඩායම් දෙකම ලකුණු 08 බැගින් ලබා සම තත්වයේ පසුවූහ.

කෙසේ වෙතත් දෙවැනි අර්ධයේදී යුද හමුදාව පොලිස් කණ්ඩායමට දැඩි පීඩනයක් එල්ල කිරීම කැපී පෙනින.

ජයග්‍රාහී යුද හමුදා ක්‍රීඩකයින් ගෝල දිනුම් 3 ක්,උත්සාහක දිනුමක් හා දඩුවම් පහර ද්විත්වයකින් ලකුණු රැස් කළ අතර උත්සාහක දිනුම් 3  ක් හා එක් දඩුවම් පහරක සාර්ථකත්වය පොලිස් කණ්ඩායමේ ලකුණු පුවරුව ක්‍රියාත්මක කරවීය.

පොලිස් කණ්ඩයම මෙවර තරගාවලියේ මේ දක්වා කිසිදු ජයග්‍රහණයක් ලබා නොමැති අතර මෙම ජයග්‍රහණය යුද හමුදා කණ්ඩායමේ තෙවැනි ජය වේ. මේ සමගින් ප්‍රසාද ලකුණු සටහනේ සී.ආර්. කණ්ඩායම අභිබවා සිව්වැනි ස්ථානය දිනා ගැනීමේ හැකියාවද ඔවුන්ට ඇත.

IMG_5806 IMG_5824 IMG_5828 IMG_5830 IMG_5832 IMG_5857 IMG_5951 IMG_5956 IMG_5970 IMG_6018 IMG_6021 IMG_6038 IMG_6040 IMG_6044 IMG_6049

 

ඡායාරූප- ඕෂිත වරකපිටිය

ක්ලිෆර්ඩ් කුසලානයේදී යුනිචෙලා හා ස්ලිම්ලයින් දස්කම් දක්වති

සමස්ථ පිරිමි ශූරතාව ස්ලිම්ලයින් ඒ කණ්ඩායමටත් කාන්තා ශූරතාව යුනිචෙලා කණ්ඩයමටත් හිමිකර දෙමින් 91 වැනි ක්ලිෆර්ඩ් කුසලාන බොක්සිං තරගාවලිය කොළඹ රාජකීය විදුහල් මාස් ඇරීනා බොක්සිං ක්‍රීඩාගාරයේදී ඊයේ (09) නිමාවට පත් විය.

පිරිමි අංශයේ අනුශූරතාව යුද හමුදා ක්‍රීඩා සමාජය  හිමිකර ගනිද්දී තෙවැනි ස්ථානය නාවික හමුදාව දිනා ගත්තේය.

මේ අතර කාන්තා අංශයේ අනුශූරතාව යුනිචෙලා විසින් හිමිකර ගත් අතර තෙවැනි ස්ථානය ගුවන් හමුදාව විසින් දිනා ගත්තේය.

තරගාවලියේ දක්ෂතම ක්‍රීඩකයා ලෙසින් දිනිඳු සපරමාදු දිනා ගත් අතර දක්ෂතම ක්‍රීඩිකාවක් වූයේ අනූෂා කොඩිතුවක්කුය.

තරගාවලිය පුරා දින 5 ක් (5-9) පුරාවට රාජකීය විදුහල් බොක්සිං ක්‍රීඩාගාරයේදී පැවැත්විණි.

IMG_5516 IMG_5519 IMG_5547 IMG_5559 IMG_5600 IMG_5612 IMG_5703 IMG_5722 IMG_5726 IMG_5729 IMG_5787 IMG_5791

දක්ෂතම ක්‍රීඩිකාව වූ අනූෂා කොඩිතුවක්කු

IMG_5795

දක්ෂතම ක්‍රීඩකයා වූ දිනිඳු සපරමාදු

 

 

ඡායාරූප- ඕෂිත වරකපිටිය

හොංකොං හමුවේ ශ්‍රී ලංකාවට දරුණු පරාජයක්

ආසියානු 19 න් පහළ රග්බි තරගාවලියේ හොංකොං කණ්ඩායම සමග පැවති තරගයේ පළමු අදියරෙන් ලකුණු 37-08 ක පරාජයක් ලැබීමට ශ්‍රී ලංකාවට සිදුවිය.

එළඹෙන වර්ෂයේ (2018) ලෝක රග්බි කිරුළ (World Rugby Trophy/ දෙවැනි පෙළ ලෝක කුසලානය) වෙනුවෙන් පැවත්වෙන සුදුසුකම් ලබා ගැනීමට පැවැත්වෙන රග්බි තරගයේ  පළමු අදියර ලෙසින් මෙය ඊයේ (10) කොළඹ තුරඟ තරග පිටියේදී පැවැත්විණි.

තරගයේ පළමු අර්ධය අවසන් වනවිටදි ලකුණු 22-3 ක් ලෙසින් ඉදිරියෙන් සිටිමට හොංකොං කණ්ඩායම සමත් විය.

දෙවැනි අර්ධයේදීද හොංකොං කණ්ඩායමට පීඩනයක් එල්ල කිරීමට ශ්‍රී ලංකා ක්‍රීඩකයින්ට නොහැකි වූ අතර සමස්ථ තරගය පුරා ගෝල දිනුමක් හා උත්සාහක දිනුම් 6 ක් ආධාරයෙන්  ලකුණු රැස් කළහ. ශ්‍රී ලංකාව උත්සාහක දිනුමක් හා ගෝල දිනුමක් ආධාරයෙන් ලකුණු රැස් කළහ.

 තරගාවලියේ මීලඟ තරගය එළඹෙන  16 වැනිදා හොංකොං හි හොංකොං පාපන්දු ක්‍රීඩාංගණයේදී පැවැත්වේ.

AID_6601 AID_6599 AID_6594 AID_6582 AID_6581 AID_6579 AID_6578 AID_6563 AID_6615 AID_6614 AID_6611 AID_6610 AID_6606 AID_6633 AID_6639 AID_6640 AID_6644 AID_6645 AID_6700 AID_6691 AID_6690 AID_6676 AID_6657

 

ඡායාරූප- ඉසුරු පෙරේරා

 

හැව්ලොක්ස්- සී.ආර්. පරදයි

ඩයලොග් අන්තර්සමාජ ලීග් රග්බි තරගාවලියේ ප්‍රසාද ලකුණු සටහනේ සිය දෙවැනි ස්ථානය තවදුරටත් ආරක්ෂා කර ගැනීමට හැව්ලොක්ස් කණ්ඩායම සමත්විය. ඒ සී.ආර්. කණ්ඩායම සමග හයවැනි සතියේ පැවති තරගයෙන් ලකුණු 35-30 ක තියුණු ජයක් වාර්තා කිරීමත් සමගිනි.

කොළඹ ලොන්ඩන් පෙදෙස සී.ආර්. පිටියේදී පැවති තරගයේ පළමු අර්ධයේදී හැව්ලොක්ස් ක්‍රීඩකයින් ප්‍රතිවාදීන්ට යම් පීඩනයක් එල්ල කළ අතර ඒ අනුව එම අර්ධය ලකුණු 19-13 ක් ලෙස හැව්ලොක්ස් ඉදිරියෛන් සිටියහ.

නමුත් දෙවැනි අර්ධයේදී සී.ආර්. ක්‍රිඩකයින්ගෙන් හැව්ලොක්ස්ට ඉතා දැඩි පීඩනයක් එල්ල වීම කැපී පෙණින.

ජයග්‍රාහී හැව්ලොක්ස් ගෝල දිනුම් 2 ක්, උත්සාහක දිනුම් 3 ක හා දඩුවම් පහර දෙකක් ආධාරයෙන්ද සී.ආර්. ක්‍රීඩකයින් ගෝල දිනුම් 3 ක් හා දඩුවම් පහර ත්‍රිත්වයකින්ද ලකුනු රැස් කළහ.

මෙය මෙවර තරගාවලියේදී හැව්ලොක්ස් ලැබූ පස්වැනි ජය වේ.

IMG_5071 IMG_5106 IMG_5124 IMG_5126 IMG_5204 IMG_5206 IMG_5233 IMG_5262 IMG_5269 IMG_5294 IMG_5321 IMG_5339 IMG_5395 IMG_5397

 

ඡායාරූප- ඕෂිත වරකපිටිය

ක්ලිෆර්ඩ් කුසලානයේ අවසන් තරග අද

ශ්‍රී ලංකාවේ ප්‍රධානම බොක්සිං තරගාවලියක් වන ක්ලිෆර්ඩ් කුසලානයේ අවසන් මහා තරග අද (09) සවස කොළඹ රාජකීය විදුහල් මාස් ඇරීනා බොක්සිං පිටියේදී පැවැත්වීමට නියමිතය. පිරිමි හා කාන්තා බර පංති 10 ක් යටතේ ක්‍රීඩක ක්‍රීඩිකාවන් මේ වෙනුවෙන් තරග වැදීමට නියමිතය. තරගාවලියේ අවසන් පූර්ව තරග ඊයේ (08) රාජකීය විදුහල් බොක්සිං පිටියේදී පැවති අතර වසර කිහිපයකක් බොක් සිං ක්ෂේත්‍රෙයන් ඈතවී සිටි මෙරටින් බිහිවූ සුපිරි බොක්සිං ක්‍රීඩිකාවක් වන අනූෂා කොඩිතුවක්කුද මෙවර තරගාවලියේදී නැවති බොක්සිං වළල්ලට පැමිණ තරග වදිනු මෙහිදී දැකගත හැකිවිය. මෙහිදී ඇය ඊයේ සිය ඉසව්ව වූ කාන්තා කි.ග්‍රෑ 48 බර පන්තිය වෙනුවෙන් පැවති තරගය ජය ගැනීමට සමත්වූවාය.

IMG_4861 IMG_4865 IMG_4889 IMG_4890

අනූෂා කොඩිතුවක්කු (රතු) කි.ග්‍රෑ 48 ඉසව්ව වෙනුවෙන් තරග වදිමින්

IMG_4902

IMG_4929 IMG_4950 IMG_4972 IMG_4983 IMG_4995 IMG_5037 IMG_5047

 

ඡායාරූප- ඕෂිත වරකපිටිය

ස්ලිම්ලයින් , යුද හමුදාව හා යුනිචෙලා තෙවැනි දිනයේදි වැඩි ගෞරව දිනා ගනියි

ශ්‍රි ලංකා බොක්සිං සම්මේලනය සංවිධානය කරන 91 වැනි ක්ලිෆර්ඩ් කුසලාන බොක්සිං තරගාවලියේ ඊයේ (07) නිමාවූ තෙවැනි දිනය්දී වැඩි ගෞරව දිනා ගැනීමට ස්ලිම්ලයින් ‘ඒ’ , යුනිචෙලා ‘ඒ’ හා යුද හමුදා ‘ඒ’ කණ්ඩායම් සමත් විය.

එහිදි පිරිමි අංශයේ වැඩි ගෞරව දිනා ගැනීමට සමත් වූ ස්ලිම්ලයින් ‘ඒ ’ ක්‍රීඩකයෝ පැවති තරග වලින් තරග 7 ක ජයග්‍රහණ හිමි කර ගත්හ. එහිදී එම අංශයෙන්ම ඔවුන්ට ප්‍රභල අභියෝගයක් වූ යුද හමුදා ‘ඒ’ ක්‍රීඩකයෝ තරග 6 ක ජයග්‍රහණ හිමිකර ගත් අතර ගුවන් හමුදා ‘ඒ ’ ක්‍රීඩකයින් තරග 3 ක ජය හිමි කර ගත්හ.

මේ අතර කාන්තා අංශයේ වැඩි ජයග්‍රහණ ප්‍රාණයක් හිමිකර ගත් යුනිචෙලා ‘ඒ ’ හා යුද හමුදා‘ඒ ’  ක්‍රීඩිකාවන් තරග 2 ක බැගින් ජය හිමිකර ගත්හ.

තරගාවලියේ සිව්වැනි දිනය අද (08) පැවැත්වෙන අතර අවසන් මහා තරග හෙට (09) පැවැත්වීමට නියමිතය.

IMG_4394 IMG_4395 IMG_4400 IMG_4409 IMG_4413 IMG_4439 IMG_4476 IMG_4484 IMG_4497 IMG_4522 IMG_4538 IMG_4549 IMG_4564 IMG_4567 IMG_4604 IMG_4628 IMG_4746 IMG_4772 IMG_4774 IMG_4779 IMG_4823 IMG_4850

 

ඡායාරූප- ඕෂිත වරකපිටිය

වසරේ පාපන්දු ක්‍රීඩකයා රොනාල්ඩෝ

ආර්ජන්ටිනාවේ ලයනල් මෙසී පරාජය කරමින් මෙවරද වසරේ පාපන්දු ක්‍රීඩකයාට හිමි බැලොන් ඩි ඕර් සම්මානය තමන් සතු කර ගැනීමට පෘතුගාලයේ ක්‍රිස්ටියානෝ රොනාලඩෝ සමත් විය. ඒ ඊයේ (07) සවස පැවති 2016/2017 බැලොන් ඩි ඕර් සම්මාන රාත්‍රියේදීය.

එහිදී රොනාල්ඩෝ සමස්ථ ප්‍රසාද ලකුණු 946 ක් ලබා ගනිද්දී ඔහුගේ ප්‍රධාන ප්‍රතිවාදියා වූ ලයනල් මෙසී ලබා ගත්තේ ප්‍රසාද ලකුන 670 ක් පමණි. මෙහි තෙවැනි ස්ථානය බ්‍රසීල සුපිරි පාපන්දු ක්‍රීඩක නේමාර් (ප්‍රසාද ලකුණු 670) හිමි විය.

මෙම සම්මානය හිමිවීමත් සමග රොනාල්ඩෝ සතු බැලොන් ඩි ඕර් සම්මාන සංඛ්‍යාව 5 දක්වා ඉහළ ගිය අතර එය ලොව වැඩිම වාර ගනනක් බැලොන් ඩි ඕර් සම්මානයට පාත්‍ර වූ ලනයල් මෙසී සමගින් සම වීමකි. එමෙන්ම රොනාල්ඩෝ මෙය දිනා ගත්තේ අඛණ්ඩව දෙවැනි වතාවටය.

මොවුන් දෙදෙනාම 5 වරක් බැගින් මෙහි අනුශූරතාවටද හිමිකම් කියා ඇත.

පසුගිය 2016 වර්ෂය රොනාල්ඩෝගේ පාපන්දු දිවියේ ස්වර්ණමය අවධියක් වීම මෙම සම්මානය ලැබීමට මූලික හේතුවක් විය.

එහිදී ඔහු යුරෝපානු කුසලානය පෘතුගාලයට හිමිකර දීමට මෙන්ම ලා ලිගා කිරුළ ඔහු ක්‍රීඩා කරන ස්පාඤ්ඤ රියල්  මැඩ්රිඩ් කණ්ඩායමට හිමිකර දීමට මුලිකත්වයක් ගත් අතර රියල් මැඩ්රිඩ් වෙනුවෙන් එම වර්ෂයේ පමණක් ඔහ වාර්තා කළ ගෝල සංඛ්‍යාව 42 කි._99115702_ronaldo_getty5

සෝන්ඩර්ස් පරදා ජාවාලේ්න් ජය ලබයි

ඩයලොග් චැම්පියන්ස්  ලීග් පාපන්දු තරගාවලියේ සෝන්ඩර්ස් සමග පැවති තරගයෙන් ගෝල 2-1 ක ජයක් ලැබීමට ජාවා ලේන් කණඩායම සමත් විය. කොළඹ සිටි පාපන්දු ක්‍රීඩාංගණයේදී පැවති තරගයේ පළමු අර්ධය ගෝල 1-1 ක් ලෙස සම තත්වයෙන් නිමා වුවද දෙවැනි අර්ධයේදී සිය ජයග්‍රාහී ගෝලය තහවුරුු කිරීමට ජාවා ලේන් ක්‍රීඩකයෝ සමත්  විය. මෙය ජාවා ලේන් මෙවර තරගවාරයේදී ලැබූ තෙවැනි ජය වේ. එමෙන්ම එය සෝන්ඩර්ස් ලැබූ තෙවැනි පරාජයද වේ.

IMG_4047 IMG_4082 IMG_4121 IMG_4130 IMG_4151 IMG_4153 IMG_4179 IMG_4259 IMG_4320 IMG_4322 IMG_4358 IMG_4371

 

ඡායාරූප- ඕෂිත වරකපිටිය

මැනි පැකායෝට කර්නල් තනතුරක්

පිලිපීන බොක්සිං තරුව වන සුපිරි බොක්සිං ක්‍රීඩක මැනි පැකායෝ යුධ හමුදා කර්නල් තනතුරට උසස් කොට ඇත. පිලිපීන යුද හමුදා ප්‍රධානී මේජර් ජෙනරාල් එමානුවෙල් බැටිස්ටා විසින් මෙම නිළය ඊයේ පැකායෝ වෙත පිරිනමා තිබුණි.

පිලිපීන ඉතිහාසයේ බිහිවූ සුපිරිතම බොක්සිං ක්‍රීඩකයෙකු වන පැකායෝ ලොව බිහිවූ අතිදක්ෂ ප්‍රහාරකයෙකු ලෙසින්ද ප්‍රකටය. එමෙන්ම දේශපාලඥයෙකු, ගායකයෙකු හා රංගන ශිල්පියෙකු ලෙසින්ද ඔහු නමක් දිනා ඇත.

ඔහු  බොක්සිං ඉතිහාසයේ කැපී පෙනෙන්නේ වෘත්තීය බොක්සිං ක්‍රිඩාවේ බර පංති 8 ක ලෝක ශූරතාවන් දිනා ගත්තෙකු ලෙසිනි.

එමෙන්ම ඔහු 2015 වර්ෂයේදී  සුපිරි බොක්සිං ක්‍රීඩක ෆ්ලොයිඩ් මේවෙදර්  සමගින් සිදු කළ තරගය ලොව පුරා අතිශය ජනප්‍රිය වූ බොක්සිං තරගයක් විය.

හෙතෙම 2006 වර්ෂයේදී සාජන්වරයෙකු ලෙස පිළිපීන යුද හමුදාව හා එක්වන අතර  මීට පෙර අවසන් වරට ඔහු 2011 වර්ෂයේදී ලුතිනල් කර්නල්වරයෙකු ලෙස උසස්වීම් ලැබිය.

 

640_ZZZ_120511_news 71134 IMG_3496 pacquiao

ක්ලිෆර්ඩ් කුසලානයේදී තරගකරුවන් 165ක් බොක්සිං වළල්ලට

ක්ලිෆර්ඩ් කුසලානය වෙනුවෙන් පැවැත්වෙන බොක්සිං තරගාවලිය අද (05දා) කොළඹ රාජකීය විදුහල් බොක්සිං පිටියේදී (රෝයල් මාස් 'ඇරීනා'හිදී) ආරම්භ විය.

මෙවර තරගාවලිය වෙනුවෙන් ක්‍රීඩා සමාජ 16කින් ක්‍රීඩක ක්‍රීඩිකාවෝ 165 දෙනෙක් සහභාගි වෙති. කාන්තා හා පිරිමි දෙයංශයෙන්ම පැවැත්වෙන මෙම තරගාවලිය එළැඹෙන 09 වැනිදා දක්වා රාජකීය බොක්සිං පිටියේදී පැවැත්වේ.

තරගාවලියේ පසුගිය වර සමස්ත ශූරයන් ලෙස 'ස්ලිම්ලයින්' කිරුළු පැලඳුවේ අඛණ්ඩව 05 වැනි වතාවටය. එමෙන්ම එම තරගාවලියේදී දක්ෂතම ක්‍රීඩකයා ලෙස 'එච්.කේ. කරුණාරත්න අනුස්මරණ කුසලානය'  දිනා ගත්තේ 'ස්ලිම්ලයින්' ක්‍රීඩා සමාජයේ දිනිඳු සපරමාදුය‍. එහිදී දක්ෂතම ක්‍රීඩිකාව ලෙස 'යුනිචෙලා' ක්‍රීඩා සමාජයේ අනුරාධා ජයසිංහ සම්මාන දිනා ගත්තාය.

IMG_4001 IMG_4003 IMG_4013 IMG_4014 IMG_4016 IMG_4020 IMG_4022 IMG_4029 IMG_4037 IMG_4040 IMG_4042

IMG_4044

 

ඡායාරූප- ඕෂිත වරකපිටිය