Author Archives: . .

ආණ්ඩුව සැලසුම් සහගතව රටේ සංස්කෘතිය විනාශ කරනවා – මහින්ද

කාන්තාවන්ට බාර්වලට යෑම සදහා අවසර ලබා දීම තුළින් ඉතාම සැලසුම් සහගතව මේ රටේ සංස්කෘතිය විනාශ කරන වැඩපිළිවෙලක් ක්‍රියාත්මක වෙමින් පවතින බව  හිටපු ජනාධිපති මහින්ද රාජපක්ෂ මහතා පවසයි.

පෙරේදා (14) ගාල්ල උඩුගම මහජන ක්‍රීඩාංගනයේදී පැවැති පොදුජන පෙරමුණේ ප්‍රචාරක රැළියකට සහභාගී වෙමින් වැඩිදුරටත් අදහස් දැක් වු ඒ මහතා මෙසේ ද පැවසීය,

අවුරුදු ගණනාවක් කාන්තාවට තිබුණු තැන නැති කරන්න අද කටයුතු කරලා. රෑ 10 වෙනකන් බාර් එකේ වැඩ කරන කාන්තාවගේ තත්වය කුමක්ද කියලා අපිට හිතන්න පුළුවන්. මේ අය කරන මේ හැම වැඩකම තියෙන්නේ යටි අරමුණු.

මේ ආණ්ඩුව ජනතාව ඉක්මනින්ම අමතක කළ ආණ්ඩුව කියලා මතක තියා ගත යුතුයි. අද සමහර ඇමතිවරු කියනවා මේක පාණ්ඩු ආණ්ඩුවක් කියලා. රටේ ජනාධිපති කියනවා මේ ආණ්ඩුව කුණු කන්දට වඩා ගඳගහනවා කියලා. ඒවා කියන්නේ කාටද? අපි ද ආණ්ඩු කරන්නේ?. කාටද මේ කියන්නේ. කාගේ ද මේ වරද?  අපි ආණ්ඩු කරන කාලේ අපි වැඩ කළා. රටේ වැඩ කෙරුණා. කන්න ටික තිබුණා, රටේ වැඩ කෙරුණා, බයිසිකල්, බස්, කාර් , ටිපර්, ගන්න ඕන අය ගත්තා. දන් ඇමතිවරු කියනවා හැම එකාම කාර් ගන්න ඕන නෑ කියලා. මෙන්න මේක තමයි අපෙයි එයාලගෙයි වෙනස. අපිට ඕන හැම කෙනෙකුටම බයිසිකලයක්, වාහනයක් ගැනීමේ අයිතිය ලබා දෙන්න. අද බලන්න මේ පළාතේ තේ කර්මාන්තයට මොකද වෙලා තියෙන්නේ. මම පොහොර අඩුවට දෙනකොට කට්ටිය හිතුවා සොච්චමකට හම්බවෙයි කියලා හිතුවා. ලැබුණ ද? මේ ආණ්ඩුවට කළමනාකරණයක් නෑ.

Mahinda Rajapaksha 1

හිනිදුම  රවීන්ද්‍ර ශ්‍රීලාල්

කොකේන් කිලෝ 928ක් විනාශ කරයි

පොලිස් මත්ද්‍රව්‍ය නාශක කාර්යාංශය විසින් අත්අඩංගුවට ගත් කොකේන් කිලෝ 928ක් ජනපති මෛත්‍රීපාල සිරිසේන, අග්‍රාමාත්‍ය රනිල් වික්‍රමසිංහ, නීතිය සාමය හා දක්ෂිණ සංවර්ධන අමාත්‍ය සාගල රත්නායක, පොලිස්පති පූජිත් ජයසුන්දර ඇතුළු පිරිසකගේ ඉදිරිපිට අද (15දා) විනාශ කෙරණි.

ශ්‍රී ලංකාවේදී ප්‍රථමවරට මේ සා විශාල කොකේන් මත්ද්‍රව්‍ය තොගයක් විනාශ කළ පළමු අවස්ථාව මෙය විය.පුත්තලම ප්‍ර දේශයේ දැඩි තාප උඳුණක දමා මෙම කොකේන් තොගය විනාශ කරන ලදී.

01

 03 06

ඡායාරූප – සුදත් සිල්වා

( ඡායාරූප : සුදත් සිල්වා ) 

 

පාඩු ලැබූ සතොසෙන් කෝටි 100ක ලාභයක් – රිෂාඩ්

තමා අමාත්‍යංශය භාර ගන්නා විට පාඩු ලබමින් තිබූ ලංකා සතොස, පසුගිය වසර අවසානය වන විට රුපියල් බිලියන 01ක හෙවත් රුපියල් කෝටි 100 ක මෙහෙයුම් ලාභයක් වාර්තා කිරීමට සමත්ව සිටින බව කර්මාන්ත හා වාණිජ කටයුතු අමාත්‍ය රිෂාඩ් බදියුදීන් මහතා පැවසීය. පසුගියදා අමාත්‍යාංශයේ පැවති සාකච්ඡාවකට එක්වෙමින් අමාත්‍යවරයා පැවසවේ මෙය වාර්තාගත ලාභයක් බවයි.

එසේම එහිදී මානව සම්පත් දායකත්වය, නාස්තියකින් තොරව, නිවැරදිව, කාර්යක්‍ෂමව හා ඵලදායීව මෙහෙයුම් කටයුතුවලට යොදා ගැනීම නිසාත්, ප්‍රවාහන මෙහෙයුම් කටයුතු විධිමත් කිරීම නිසාත්, රැපියල් බිලියන 2.8 ක් ඉතිරි කර ගැනීමට හැකි වුනු බවද අමාත්‍යවරයා කීය.

rishad

රාජ්‍ය අමාත්‍ය ශ්‍රියාණි අනතුරක

කඩුගන්නාව හේනාවල ප්‍රදේශයේ සිදු වූ රිය අනතුරකින් පළාත් සභා හා පළාත් පාලන රාජ්‍ය අමාත්‍ය ශ්‍රීයානි විජේවික්‍රම මහත්මිය ඇතුළු තිදෙනෙකු අද (15දා) අලුයම තුවාල ලබා පේරාදෙණිය රෝහලට ඇතුළත් කොට ඇත.

අම්පාර ප්‍රදේශයේ සිට කොළඹ දක්වා සිය රථයෙන් ගමන් කරමින් සිටියදී අලුයම තුනට පමණ කඩුගන්නාව ප්‍රාදේශීය රෝහල අසළ දී වාහනය මාර්ගයෙන් ඉවතට පැන අසළ වූ නුග ගසක ගැටීමෙන් මෙම අනතුර සිදුව තිබේ.

ඔවුන්ගේ තත්ත්වය බරපතල නොවන බව රෝහල් ප්‍රකාශකයෙකු සඳහන් කළේය. අනතුර  සම්බන්ධයෙන්  කඩුගන්නාව පොලීසිය පරීක්ෂණ පවත්වයි.

IMG_20180115_081837 copy

පේරාදෙණිය සෙනරත් බණ්ඩාර/ චමිල් රූපසිංහ

 

 

කොන්දක් තියෙනවානං ශ්‍රීලනිපෙන් ඉවත්වෙන්න – ජනපති

අලුත් පක්ෂ ගොඩනගන අයට දේශපාලන පිටකොන්දක් තිබේ නම් ඔවුන් එම පක්ෂය ගොඩනැගිය යුත්තේ ශී‍්‍ර ලංකා නිදහස් පක්ෂයෙන් ඉවත්ව බව ජනාධිපතිවරයා පවසයි. ජනපතිවරයා මේ අදහස් පැවසුවේ ඊයේ(14) පස්වරුවේ හෝමාගම පැවති ජනහමුවක් අමතමිනි.

අලුත් පක්ෂයේ සාමාජිකත්වය ලබා නොගත් බවට මාධ්‍ය සාකච්ඡාවලදී පවසන අය, ශී‍්‍ර ලංකා නිදහස් පක්ෂයට නොව වෙනත් පක්ෂයකට ඡන්දය ලබාදෙන්නැයි ජනතාවට පැවසීම විහිළුවට කරුණක් බවත්, හෘද සාක්ෂියට අනුව දේශපාලනයේ නිරතවන ලෙස තමා එම සියලු දෙනාට පවසන බවත් ජනපති මෛත්‍රීපාල සිරිසේන මහතා වැඩිදුරටත් පැවසීය.

එසේම අලුතින් පිහිටුවාගත් එම පක්ෂයේ ලේකම්වරයා සහ සභාපතිවරයා ශී‍්‍ර ලංකා නිදහස් පක්ෂයේ මන්තී‍්‍රවරු මෙන්ම පසුගිය රජයේ ඉහළ තනතුරු දැරූ අය බව පැවසූ ජනාධිපතිතුමා ඔවුන් අද මේ ශී‍්‍ර ලංකා නිදහස් පක්ෂයේ සිට සිදුකරමින් සිටින්නේ දෙවැනි බණ්ඩාරනායක ඝාතනය බව ද ජනපතිවරයා කියා සිටියේය.

8

වයර්ලස් යුගයේ සිට ඩිජිටල් යුගය දක්වා රනිල්

1970 රනිල් වික්‍රමසිංහ දේශපාලනයට පිවිසෙන විට ශ්‍රී ලංකාවේ අධිපති මාධ්‍ය වූයේ පුවත්පත් හා වයර්ලස් නැතහොත් නීත්‍යනුකූලව ක්‍රියාත්මක වූ ගුවන්විදුලියයි. එවකට ප්‍රමුඛතම පුවත්පත වූයේ රනිල් වික්‍රමසිංහගේ පවුලට අයත්ව තිබූ %ලේක් හවුස්^ ආයතනයයි. එසේම ලංකාවේ නීත්‍යනුකූලව ක්‍රියාත්මක වූ එකම ගුවන්විදුලි සේවය වූයේ ශ්‍රී ලංකා ගුවන්විදුලි සංස්ථාවයි. 

හැත්තෑව දශකයේ දේශපාලනයට පැමිණි ශ්‍රී ලංකාවේ එලිට් පවුල්වල සියලුම දෙනා පාහේ ශ්‍රී ලංකාවෙන් පිටත යුරෝපයේ අධ්‍යාපනය ලැබූ අය වූහ. විශේෂයෙන්ම මැතිවරණයකට ඡන්දය ඉල්ලා පාර්ලිමේන්තුගත වී මැතිඇමතිකම් ගත් කොළඹ එලිට් පවුල්වල සියලු දෙනා පාහේ එංගලන්තයේ ඔක්ස්ෆර්ඩ්, කේම්බ්‍රිජ් විශ්වවිද්‍යාලවල අධ්‍යාපනය ලැබූ උගත්තු වූහ. නමුත් ලංකාවේ විශ්වවිද්‍යාලයක අධ්‍යාපනය ලබා නීති උපාධිය ලබාගෙන නීතිඥවරයෙකු බවට පත්වූ රනිල් වික්‍රමසිංහ ප්‍රථමයෙන් කැලණිය කොට්ඨාසයෙනුත්, දෙවැනුව බියගම කොට්ඨාසයෙනුත් එක්සත් ජාතික පක්ෂ ආසන සංවිධායකවරයා බවට පත්වෙද්දී ඔහු ශ්‍රී ලංකාවේ අධ්‍යාපනය ලබා මැතිවරණයකට ඉදිරිපත් වූ එලිට් පවුලක දෙවැනි සාමාජිකයා විය. ප්‍රථමයා වන්නේ ජේ.ආර්. ජයවර්ධන මහතාය.
හැත්තෑව දශකය යනු මෙරට දේශපාලනයේ හා ජනමාධ්‍යයේ වයර්ලස් යුගයයි. එකල හේන් ගොවිතැන් කරන, කුඹුරු වැඩ කරන ගොවීන් හා රැකියාවල නිරත වන ශ්‍රී ලාංකිකයන් සියලු දෙනා සවස් කාලයේ තමන්ගේ ගෙදර හෝ තම අසල්වැසි නිවසක තිබූ %වෑර්ලස්^ යන්ත්‍රය වටා එකතු වී සින්දු අසමින්, ගුවන්විදුලි නාට්‍යවලට සවන් දෙමින්, ප්‍රවෘත්ති ප්‍රචාරයට සවන් දෙමින් කාලය ගත කළහ. හැත්තෑව දශකයේ අග භාගයේ සහ අසූව දශකය මුල් භාගයේ ලංකාවේ දේශපාලනයේ කේන්ද්‍රීය ආයතනය වූයේ ශ්‍රී ලංකා ගුවන්විදුලි සංස්ථාවයි. එසේම පුවත්පත් මුද්‍රණය කළද, ශ්‍රී ලංකාවේ ඈත පළාත්වලට පුවත්පත් බෙදා හැරීමේ විශාල දුර්වලතා තිබූ අතර, සමාජීය තොරතුරු දැන ගැනීමේ හෝ තොරතුරු දැනුම ලබා ගැනීමේ විශාල බාධාවන්ගෙන් පීඩිතව තිබ්ණි. කොළඹ ජීවත් වූ බොහෝ දෙනා වඩාත් බලවත්, වඩාත් ධනවාදී,

ශ්‍රී ලංකාවේ සම්පත් වැඩියෙන් පරිභෝජනය කරන කොට්ඨාසයක් බවට පත්ව තිබූ අතර, ඔවුන් දැනුම නිසා සමාජයේ විශේෂ වරප්‍රසාදිතයෝ වූහ.  
හැටේ දශකයේදී ලෝකයේ බොහෝ රටවල රූපවාහිනී සේවා ආරම්භ වුවද, ලංකාවේ ප්‍රථමයෙන් රූපවානිය ආරම්භ වන්නේ අසූව දශකයේ මුල් කාර්තුවේය. ඒ අග්‍රාමාත්‍ය රනිල් වික්‍රමසිංහ මහතාගේ සහෝදරයා වූ ශාන් වික්‍රමසිංහ මහතා විසින් ස්වාධීන රූපවාහිනිය ආරම්භ කරමිනි. රනිල් වික්‍රමසිංහ වයර්ලස් යුගයේ සිට වර්තමාන ඩිජිටල් යුගය දක්වා අඛණ්ඩව පාර්ලිමේන්තුව නියෝජනය කරයි. වයර්ලස් යුගයේ අවසන් කාර්තුවේදී රනිල් වික්‍රමසිංහ සාර්ථක දේශපාලඥයෙකු ලෙස වර්ධනය වෙද්දී %රනිල් රනිල් ගොනා ගොනා, ගොන් පනතක් ගෙනා ගෙනා^ යනුවෙන් එවකට සිටි ඊනියා මාධ්‍යවේදීන්, දේශපාලඥයන් හා ප්‍රොපගැන්ඩා ඔස්තාර්ලා රනිල් වික්‍රමසිංහ විනාශ කිරීමේ කටයුතුවල යෙදිණි. දශක තුනකට පසුවත්, අදත් රනිල් වික්‍රමසිංහ ලංකාවේ සියලු පුවත්පත්වල, ගුවන්විදුලියේ, රූපවාහිනියේ හා ඩිජිටල් මාධ්‍ය තුළ ප්‍රමුඛ පුවත් මවන්නා වන අතර, මීට දශක තුනකට පෙර ඔහු විනාශ කිරීමේ මාධ්‍ය මෙහෙයුම්වල යෙදුණු මාධ්‍යකරුවන්ට සිදුවූ දෙයක් නැත. ඔවුහු එකිනෙකාගේ ඉත්තන් බවට පත්ව රනිල් වික්‍රමසිංහ විනාශ කිරීමේ ව්‍යාපෘතිවල යෙදී අවසානයේ තමන්ට තිබූ තත්ත්වයද අහිමි කරගෙන වේදිකාවෙන් බැස ගියහ. නමුත් රනිල් වික්‍රමසිංහ හා ඔහුගේ අණපනත් තීරණාත්මක සේවයක් ශ්‍රී ලංකාවේ අධ්‍යාපනයට සිදු කරමින් යහමින් වැජඹේ. 

1994න් පසුව එළැඹුණු කාලයේ රූපවාහිනී යුගයේදී රටේ සියලු රූපවාහිනී ප්‍රවෘත්තිවල වැඩි ඉඩක් වෙන් කරනු ලැබුවේ රනිල් වික්‍රමසිංහ බටලන්දට ඇති සම්බන්ධය මේ රටේ ජනතාවට පැහැදිලි කර දීමටය. එවකට රූපවාහිනී මාධ්‍යයේ ප්‍රමුඛතම ව්‍යාපෘතියක් වූයේ චන්ද්‍රිකා ජනාධිපතිනිය පිනවීමට, රනිල් වික්‍රමසිංහ වැනසීමේ ව්‍යාපෘතියේ යෙදීමයි. රූපවාහිනිය ලංකාවට හඳුන්වා දුන් වික්‍රමසිංහලාගෙන් කෙනෙකු වූ රනිල් වික්‍රමසිංහ එම මාධ්‍යයේ දිග පළල හොඳින් දැන සිටි අතර, එදා ඔහුට ප්‍රහාර එල්ල කළ බොහෝ දෙනා වේදිකාවෙන් බැසගොස් තිබෙන නමුත් තවමත් රනිල් වික්‍රමසිංහ වේදිකාවේ සිටියි. රූපවාහිනී මාධ්‍යයේ අදත් පුවත් මවන ප්‍රධානම දේශපාලඥයා වන්නේ රනිල් වික්‍රමසිංහය. 

රූපවාහිනිය ඉදිරියේ වයර්ලස් හා පුවත්පත් පරාජය පිළිගෙන බැසගියා සේ ඩිජිටල් මාධ්‍ය ඉදිරියේ රූපවාහිනිය බැස යද්දී රනිල් වික්‍රමසිංහත්, එක්සත් ජාතික පක්ෂයත් මේ රටේ දේශපාලන බලය හොබවමින් නිරුපද්‍රිතව සිටියි.
අද ද රනිල් වික්‍රමසිංහට ඔහුගේ දේශපාලන ජීවිතයේ හැමදාම මෙන් දැවැන්ත ප්‍රහාරයක් එල්ල වේ. ඒ පිටුපස දැවැන්ත මාධ්‍ය හා ව්‍යාපාරික මාෆියාකරුවෝ කිහිපදෙනෙක් සිටිති. රනිල් වික්‍රමසිංහ එම කුඩා මාධ්‍යකරුවන්ට අලුත් සතුරෙකු හෝ අලුත් අත්දැකීමක් වුවද රනිල් වික්‍රමසිංහට මේ ඔහුගේ ජීවිත කාලය පුරාම ඔහුට එල්ල වූ ප්‍රචාරණ අභියෝගයයි. වයර්ලස් යුගයේ සිට ඩිජිටල් යුගය දක්වා අනුවර්ථනය වෙමින්, නවීකරණය වෙමින් එක්සත් ජාතික පක්ෂයත්, තමනුත් ආරක්ෂා වෙමින් ඉදිරියට ආ රනිල් වික්‍රමසිංහට මෙම මාධ්‍ය හා දේශපාලන මෙහෙයුම තම ජීවිතයේ මුහුණ දුන් තවත් එක් සිදුවීමක් පමණි.

රනිල් වික්‍රමසිංහගේ දේශපාලන ජීවිතය අවසන් කිරීමට වසර හතළිහක් තිස්සේ වයර්ලස් යුගයේ සිට ඩිජිටල් යුගය දක්වා ප්‍රචාරක මෙහෙයුම් ක්‍රියාත්මක කළ සියලුම දෙනා වේදිකාවෙන් බැස යද්දී, තම ස්වයං විනාශය කැඳවා ගනිද්දී, තමන් සමාජයේ අවලංගු කාසි බවට පත්වද්දී රනිල් වික්‍රමසිංහ හැමදාම දේශපාලන කරළියේ ප්‍රමුඛ පුවත් මවන්නා විය. ඔහුගේ පැවැත්ම ස්ථිරසාරය. ඔහු සෙමින් අඩිය තියමින් බොහෝ දුර පැමිණ තිබේ. වසර හතළිහක් පාර්ලිමේන්තුව නියෝජනය කර තිබේ. අද අපි දකින මෙම සමාජ ක්‍රමයට, ආර්ථික ක්‍රමයට අත්තිවාරම දැමූ නායකයා ඔහුය. පෞද්ගලිකව මා කල්පනා කරනුයේ එතෙක් මෙතෙක් බිහිවූ දේශපාලඥයන්ගෙන් සාර්ථකම දේශපාලඥයා රනිල් වික්‍රමසිංහ බවයි. එම දශක හතරක කාලය තුළ බොහෝ දෙනා කරළියට පැමිණ වේදිකාවේ රඟපා ඉන් බැස ගියහ. ඒ අතර ජනාධිපතිවරු, අගමැතිවරු, ඇමතිවරු, කැරලිකරුවෝ ඇතුළු බොහෝ දෙනා වූහ. ඔවුන් සියලු දෙනා බැස ගියද රනිල් වික්‍රමසිංහ තවමත් වේදිකාවේ සිටියි.

එම නිසා අද රනිල් වික්‍රමසිංහට තර්ජනය කරන, අභියෝග එල්ල කරන බොහෝ දෙනා වේදිකාවෙන් බැස යෑමට නියමිත අතර, ඔවුන් සමග ඔවුන්ට සම්බැට්ටකම් කරන මාෆියා මාධ්‍ය ආයතනද තමන්ගේ ගමන අවසන් කරනු ඇත. නමුත් රනිල් වික්‍රමසිංහත්, එක්සත් ජාතික පක්ෂයත් අඛණ්ඩව ශ්‍රී ලංකාවේ දේශපාලන කරළියේ පුවත් මවමින් වැජඹෙනු ඇත. එය රනිල් වික්‍රමසිංහගේ වචනයෙන් පැහැදිලි කරන්නේ නම්, මේ රටේ ජනතාවට පොරොන්දු වූ ආර්ථික සමෘද්ධිය ලබාදෙන තුරු ඔහු දේශපාලන කරළියේ සිටිනු ඇත. 

 

ජනපතිගේ ධුර කාලය අවුරුදු 5

ජනපති මෛත්‍රීපාල සිරිසේන මහතාගේ ධුර කාලය වසර 5කට සීමා වන බව ශ්‍රේෂ්ඨාධිකරණය සිය තීන්දුව ජනපතිවරයාට ලබාදෙමින් පවසා ඇත.

ජනපතිවරයා ශ්‍රේෂ්ඨාධිකරණය කළ මත විමසීමක් අනුව පත්කළ පංච පුදගල විනිසුරු මඩුල්ල ජනපතිවරයාගේ ධුර කාලය වසර 5කට සීමාවන බව දන්වා ඇත.

ඒ 19 වැනි ආණ්ඩුක්‍රම ව්‍යවස්ථා සංශෝධනය අනුවයි. 

law-court_2900691b

2020දි රාජපක්ෂලාගේ ලිපිනය තියෙන්නේ වැලිකඩයි – රාජිත

වසර 2020 වනවිට රාජපක්ෂලාගේ ලිපිනය තියෙන්නේ වැලිකඩයි. තංගල්ලේ සහ මැදමුලන ලිපින අහෝසි වෙනවා. එම නිසා රාජපක්ෂලා අපෙත් එක්ක තරහයි. යනුවෙන් රාජිත සේනාරත්න අමාත්‍යවරයා 2018 පළාත් පාලන මැතිවරණය අරමුණු කොටගෙන එක්සත් ජාතික පක්ෂයේ බේරුවල ආසන බල මණ්ඩල රැස්වීමකදී පැවසීය.

එහිදී වැඩිදුරටත් අදහස් දැක්වූ අමාත්‍යවරයා, හිටපු ජනාධිපතිවරයා ඇතුලු පවුලේ පිරිස සිදු කළ වංචා දුෂණ ජනතාවට තවම අමතක නැහැ. ඩුබායි බැංකු ගිණුම්වල තැන්පත් කර තිබෙන්නේ හොරකම් කළ සල්ලි. රාජපක්ෂලාගේ පරම්පරාගත සල්ලි නොවෙයි. රුපියල් බිලියන  හතහමාරක මුදලක් එහි තැන්පත් කර තිබෙනවා. ඒ පිළිබද තොරතුරු අප සතුව තිබෙනවා. යුක්රේනයෙන් මිග් යානා ලබාගැනීමේ ගනුදෙනුවත් හරිම දුෂිතයි. එය සිදු කර ඇත්තේ රණවිරු රාජපක්ෂයි. දැන් කකුලුවා ඉන්නවා වතුර රත් වෙනකම්. වතුර රත් වුනාම තමයි ප්‍රශ්නය. වංචාවෙන් හා දුෂණයෙන්  සොයාගත් මුදල් වියදම් කරලා හොරකම් වහගන්න හදනවා. ලෙසින් අදහස් දැක්වීය.

ඒ සම්බන්ධව වැඩිදුරටත් අදහස් දැක්වූ අමාත්‍යවරයා, මේනිසයි මෙම රජය පෙරළන්න උත්සාහ කරන්නේ. අපි අඛණ්ඩව ප්‍රකාශ කළා රාජපක්ෂලාගේ හොරකම් ගැන කඩිනම්න් විභාග කරන්න කියලා. රජයේ ප්‍රමාදයක් තිබුනා. ඊට හේතු වුයේ හිටපු අධිකරණ අමාත්‍යවරයායි. ඔහු නඩු ප්‍රමාද කළා. ඒ රාජපක්ෂලා සමග තිබු ගණුදෙනුවකයි. එයා දෙකේ කොළේ රාජපක්ෂ කෙනෙක්. කෙසේ වෙතත් අපි මෙම නඩු කඩිනමින් විභාග කරනවා. වසර 2020 වනවිට රාජපක්ෂලාගේ ලිපිනය තියෙන්නේ වැලිකඩයි. තංගල්ලේ සහ මැදමුලන ලිපින අහෝසි වෙනවා. එම නිසා රාජපක්ෂලා අපෙත් එක්ක තරහයි. යනුවෙන්ද අදහස් දැක්වීය.

rajitha senarathne

නීති ලිහිල් කළ නව මත්පැන් චක්‍රලේඛය හෙටින් අවලංගුයි – ජනපති

මත්පැන් අලෙවි සැල් පෙ.ව 8.00 සිට රාති‍්‍ර 10.00 දක්වා විවෘතව තැබීමට අවසර ලබාදෙමින් හා කාන්තාවන්ට මත්පැන් මිලදී ගැනීම පිළිබඳ පනවා තිබූ තහනම ඉවත් කරමින් නිකුත් කර ඇති චක‍්‍රලේඛය වහාම අවලංගු කිරීමට තමා මුදල් අමාත්‍යාංශය වෙත උපදෙස් ලබාදුන් බව ජනපකි මෛත්‍රිපාල සිරිසේන මහතා අද (14) පස්වරුවේ අගලවත්ත ප‍්‍රදේශයේ පැවති ජනහමුවක් අමතමින් පැවසීය.
ඒ අනුව හෙට සිට එම චක‍්‍ර ලේඛය අවලංගු කෙරෙණු ඇති බව ජනාධිපතිවරයා ප්‍රකාශ කළේය.

අද ප‍්‍රජාතන්ත‍්‍රවාදය සහ නිදහස සමග ඉතා පැහැදිලි පාලනයක් රට තුළ ඇතිවී තිබෙන බව ප‍්‍රකාශ කළ ජනාධිපතිතුමා එම නිදහස භුක්තිවිදීම මනුෂ්‍යත්වය තුළ සිදුවිය යුතු බවත් ඇතැම් අය එම නිදහස අහිමි කිරීමට අද මාර්ග සකසමින් සිටින බවත් කියා සිටියේය.

8

2018දී ලංකා ආර්ථිකයේ වර්ධනයක් – ලෝක බැංකුව

ශ්‍රී ලංකාවේ ආර්ථිකය 2018 දී 5%කින් වේගවත් වනු ඇතැයි ලෝක බැංකුව සිය නවතම ආර්ථිකය අනාවැයෙන් පවසයි.

එමෙන් ම දකුණු ආසියාව පිළිබඳ ව ලෝක බැංකුව පවසන්නේ 2018 දී 6.9%ක වර්ධනයක් අත්පත් කරගන්නා බවත් පරිභෝජනය ශක්තිමත් ව පවතින අතර අපනයන යථා තත්ත්වයට පත්ව ආයෝජන යහපත් ලෙස පවතිනු ඇති බවයි.

2018 – 2019 මූල්‍ය වර්ෂයේ දී ඉන්දියාව 7.3%ක වර්ධනයක් ලබාගනු ඇති අතර 2019 – 2020 වර්ෂයේ දී එය 7.5%ක වර්ධනයක් වනු ඇත. පෞද්ගලික අංශ භාණ්ඩ හා සේවා බද්ධට හුරුවෙමින් පෞද්ගලික අංශයේ ආයෝජන ඉහළ යනු ඇත.

ඉන්දියාව හැර ගත් විට කලාපය 2018 වසරේ දී 5.8%ක වර්ධනයක් ද 2019 වසරේ දී 5.9%ක වර්ධනයක් ද ලබනු ඇත. පකිස්ථානය 2018 – 2019 වසරේ දී 5.8%ක, බංග්ලාදේශය 6.7%ක්ද අත්පත් කරගනී. ශ්‍රී ලංකාව 2018 දී ශක්තිමත් පෞද්ගලික පරිභෝජන හා අයෝජනා වර්ධනයක් පෙන්වමින් 5%ක වේගයක් අපත් කරගනු ඇතැයි අපේක්ෂා කෙරේ.

World-Bank