Author Archives: නිදර්ශනී වික්‍රමසිංහ

පාර්ලිමේන්තුවේ කෑ ගසන අය විශ්‍රාමික හමුදා නිලධාරීන්ගේ පඹයන් වෙලා

රාජපක්ෂ රෙජීමය නැවත බලයට පැමිණියහොත් ලසන්ත වික්‍රමතුංග, ප්‍රගීත් එක්නැලිගොඩ යනාදීන් වෙනුවෙන් පෙනී සිටින මාධ්‍යවේදීන් ගණනාවකට අතුරුදන් වීමට සිදුවනු ඇතැයි තමන් අවධාරණයෙන් පවසන බව අග්‍රාමාත්‍ය රනිල් වික්‍රමසිංහ මහතා ප්‍රකාශ කරයි.

හෙතෙම මේ බව ප්‍රකාශ කර සිටියේ වැවිලි කර්මාන්ත අමාත්‍ය නවීන් දිසානායක මහතා එක්සත් ජාතික පක්ෂ ජාතික සංවිධායක ධුරයේ වැඩ බාරගැනීමේ අවස්ථාව සඳහා සිරිකොත පක්ෂ මූලස්ථානයේදී අද (24දා) එක්වෙමිනි.

නැවත හමුදා පාලනයක් ළඟා නොකිරීම රජයේ අරමුණ වන බව එහිදී අවධාරණය කළ අග්‍රාමාත්‍යවරයා, රාජපක්ෂ රෙජීමය ඇති කිරීම සඳහා සහාය දුන් හමුදා නිලධාරීන් පොහොට්ටුවේ අලුත් මුහුණු බවට පත්ව ඇති බවත්, එසේම ඔවුන් ඉදිරියේදී පාර්ලිමේන්තුවේදී කෑ ගසන උදවිය පඹයන් ගණනට පත්ව ඇති බවත් පෙන්වා දුන්නේය.

ඒ අනුව රටට අවශ්‍ය වන්නේ 'රාජපක්ෂ රෙජිමය-2' ද, නොඑසේනම් ප්‍රජාතන්ත්‍රවාදයද යන්න පිළිබඳ ජනතාව තීරණය කළ යුතු බව කීවික්‍රමසිංහ මහතා, රටක් දියුණු වීමට නම් එකම පක්ෂයක නායකත්වය විටින් විට ඉදිරියට ගෙන යා යුතු බවද පෙන්වා දුන්නේය.

එහිදී වැඩිදුරටත් සිය අදහස් දක්වා සිටි අග්‍රාමාත්‍ය රනිල් වික්‍රමසිංහ මහතා,

"අද පොහොට්ටුවට තියෙන අලුත් මුහුණු මොනවාද? විශ්‍රාම ගිය හමුදා නිලධාරීන් කණ්ඩායමක් පමණයි. පාර්ලිමේන්තුවේ ඝෝෂා කරන මන්ත්‍රීවරයෙකුගේ මුහුණක් එක්ක පෝස්ටරයක්වත් තියෙනවාද? නෑ! ඔක්කොම ඉන්නේ විශ්‍රාම ගිය හමුදා නිලධාරීන්. රාජපක්ෂ රෙජීමය එදා ඇතිකරන්න සහාය දුන්නු හමුදා නිලධාරීන් තමයි පොහොට්ටුවට එක්වී සිටින අලූත් මුහුණු. පාර්ලිමේන්තුවේ කෑ ගහන උදවිය මේ හමුදා නිලධාරීන්ගේ පඹයන් ගාණට පත් වෙලා.ඔවුන්ගෙන් ප්‍රජාතන්ත්‍රවාදය ආරක්ෂා වේවිද? ඔවුන් කරන්නේ කුමක්ද? එදා ලසන්ත වික්‍රමතුංග ඝාතනය වුණා. එක්නැලිගොඩ අතුරුදන් වුණා.

මා එක් කාරණයක් අවධාරණය කරන්නම්. මේ පිරිස වෙනුවෙන් පෙනී සිටින මාධ්‍යවේදීන් ගණනාවකට ඔවුන් බලයට පැමිණයහොත් අතුරුදන් වන්නට සිදුවේවි. ඔවුන්ගේ පිළිවෙත එයයි. මා නැවත මතක් කළ යුතු නැහැ. තමන්ගේ බෙල්ල වටේ තමන්ම තොණ්ඩුව දමා ගනීවි. මේ කාරණය හෙට පුවත්පත්වල පළ කරන්නේ නැහැ. මාධ්‍යයේ රූපවාහිනී පළ කරන්නේ නැහැ. එහි ප්‍රශ්නයක් නැහැ. අපේ පාක්ෂිකයන් එය මතක තබාගන්න. නැවත හමුදා පාලනයක් ළඟා නොකිරීම අපේ අරමුණයි. ඔවුන් වෙනත් නමකින් කියන්නේ කුමක්ද යන්න තේරුම්ගත යුතුයි. ඔවුන්ගේ උත්සාහය නැවත රෙජීමයක් ඇතිකිරීමයි. එය'රාජපක්ෂ රෙජීමය 2' ලෙස හඳුන්වාදිය හැකියි. ඔබට ප්‍රජාතන්ත්‍රවාදය අවශ්‍යද? 'රාජපක්ෂ රෙජීමය 2' අවශ්‍යද කියා තීරණය කරන්න"යැයිද සඳහන් කළේය.

rANIL-03

තීන්දුවක් ගන්නා තෙක් කුඹුරු ඉඩම් ගොඩකිරීමටඅවසර නෑ

කුඹුරු ඉඩම් ගොඩකිරීම සඳහා විධිමත් ලෙස කරුණු සොයාබලා ප්‍රතිපත්තිමය තීන්දුවක් ගන්නා තෙක් කුඹුරු ඉඩම් ගොඩකිරීම සඳහා අවසර ලබානොදෙන ලෙස කෘෂිකර්ම අමාත්‍ය මහින්ද අමරවීර මහතා ගොවිජන සංවර්ධන දෙපාර්තමේන්තුවටඋපදෙස් ලබා දී තිබේ.

අමාත්‍යවරයා අවධාරණය කර ඇත්තේ,බස්නාහිර පළාතේ කුඹුරු ඉඩම් ගොඩකිරීමට අවසර ඉල්ලා අයදුම්පත් 3,500ක් මේ වන විට ලැබී ඇති බවත්,එහෙත් නිසි ක්‍රමවේදයකින් තොරව ඉඩම් ගොඩකිරීමට කිසිදු අවසරයක් ලබා නොදෙන බවත්ය.

ඇතැම් ඉඩම්වල අගට යෙදෙන දෙණිය, පිල්ලෑව, කුඹුර වැනි වචන හේතුවෙන් ඒවා ගොඩකිරීමට අවසර ඉල්ලා අයදුම්පත් ඉදිරිපත් කර ඇති බවට දෙපාර්තමේන්තු නිලධාරීන් වෙත පෙන්වා දී ඇති අමාත්‍යවරයා, අයදුම්පත් ලද පමණින් කුඹුරු ඉඩම් ගොඩකිරීම සිදු කළහොත් ඉදිරියේදී ගොවිජන සංවර්ධන දෙපාර්තමේන්තුව ඉදිරිපිට එහි නාම පුවරුව වෙනුවට ඉඩම් ගොඩකිරීමේ දෙපාර්තමේන්තුව ලෙස සඳහන් කිරීමට සිදුවනු ඇති බවද සඳහන් කර ඇත.

අමාත්‍යවරයා පෙන්වා දී ඇත්තේ ඇතැම් කුඹුරු ආර්ථික වශයෙන් ඵලදායී නොවන ඒවා වුවද, බස්නාහිර පළාතේ බොහෝ කුඹුරු ඉඩම් වී වගාව හෝ වෙනත් අතුරු බෝග වගාවන් සඳහා යොදාගත හැකි ඉඩම් වන බවයි.

ඒ අනුව කෘෂිකර්ම අමාත්‍යාංශයේ මැදිහත්වීම මත විධිමත් වැඩපිළිවෙළක් සකස් කරන තෙක් කුඹුරු ඉඩම් ගොඩකිරීමසඳහා අනුමැතිය ලබානොදෙන බව ටඅමාත්‍ය මහින්ද අමරවීර මහතා අවධාරණය කර ඇත.

Mahinda-Amaraweera

දකුණු පළාතේ උණ වසංගතයක් නෙමෙයි

දකුණු පළාතේ පැතිර යන වෛරස් උණ රෝගය වසංගත තත්ත්වයක් දක්වා වර්ධනය වී නැතැයි සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ මහතා අවධාරණය කරයි.

අධ්‍යක්ෂ ජනරාල්වරයා ප්‍රකාශ කර සිටින්නේ පවතින තත්ත්වය මේ වනවිට පාලනය කර ඇති අතර,රෝගීන්ට ප්‍රතිකාර කිරීම සඳහා අවශ්‍ය සියලුම පහසුකම් ලබා දී ඇති බවයි.

රජයේ ප්‍රවෘත්ති දෙපාර්තමේන්තුවේ අද (22දා) පැවැති මාධ්‍ය හමුවකට එක්වෙමින් මේ බව කී ඒ මහතා වැඩිදුරටත් ඒ පිළිබඳ කරුණු දක්වමින්,

“දකුණේ පවතින උණ රෝග තත්ත්වය හේතුවෙන් දරුවන් 07 දෙනෙකු මියගොස් තිබෙනවා. කරාපිටිය, මාතර යන මහ රෝහල් සහ කඹුරුපිටිය මූලික රෝහල ඇතුළු රෝහල් රැසක රෝගී සත්කාරක සේවා ක්‍රියාත්මකයි. සෞඛ්‍ය අමාත්‍ය රාජිත සේනාරත්න මහතා ලෝක සෞඛ්‍ය සංවිධානයේ සැසිවාරයට සහභාගි වී සිටියත් සෑම දිනකම දුරකථනයෙන් කතාකොට මේ පිළිබඳ කරුණු විමසා මගපෙන්වීම ලබාදෙනවා.

දැනට මෙම රෝගය වැඩිවීමක් දක්නට ලැබෙන්නේ නැහැ. ප්‍රතිකාර කිරීම සඳහා අවශ්‍ය ඖෂධ, ඔක්සිජන් යන්ත්‍ර රෝහල්වලට ලබා දී තිබෙනවා. රෝගය පැතිර යෑම වැළැක්වීම සඳහා පාලනය කිරීමේ වැඩසටහන්ද ක්‍රියාත්මකයි. ඒ පිළිබඳ සියලුම පළාත් සෞඛ්‍ය බලධාරීන් දැනුවත් කර තිබෙනවා. දැනට දකුණු පළාතේ රෝහල්වල රෝගීන් 500-600ක් පමණ ප්‍රතිකාර ලබනවා”යැයිද සඳහන් කළේය.

Anil

 

විග්නේෂ්වරන් මගේ අමාත්‍යාංශය ආදර්ශයට ගතයුතුයි

සංහිඳියාව ස්ථාපිත කිරීම සම්බන්ධයෙන් විග්නේෂ්වරන් මහ ඇමතිවරයා තම අමාත්‍යාංශය ආදර්ශයට ගත යුතු යැයි මහ නගර හා බස්නාහිර සංවර්ධන අමාත්‍ය පාඨලී චම්පික රණවක මහතා පැවසීය.

බත්තරමුල්ල, සෙත්සිරිපායේදී අද (22 දා) දහවල් පැවැති මාධ්‍ය හමුවකට එක්වෙමින් ඒ මහතා මේ බව පැවසීය.

මෙහිදී වැඩිදුරටත් අදහස් දැක්වූ අමාත්‍යවරයා,

“ප්‍රජාතන්ත්‍ර විරෝධීව කටයුතු කරන පිරිස් සම්බන්ධයෙන් ලිහිල් ප්‍රතිපත්ති අනුගමනය කළ යුතු නෑ රටක් විදියට. ශිෂ්‍ය සංගමයක් නිවේදනයක් නිකුත් කරලා තියෙනවා උතුරේ සැමරුම් කරන්නේ ඒ ගොල්ලෝ විතරයි කියලා. අනෙක් අයට තහනම්. මේවා ප්‍රජාතන්ත්‍ර විරෝධී වැඩ. මේවා තමයි ප්‍රභාකරන්ගේ අංකුර බවට පත් වෙන්නේ. මේවා තමයි අනාගතයේ ඊළඟ බලහත්කාරයට ගමන් කරන්නේ.

යුරෝපයේ තිබුණු පැරණිතම ත්‍රස්තවාදී ව්‍යාපාරයක් ETA ත්‍රස්තවාදය. 1959 ඉඳන් සටන් කරන්නේ. මේ පසුගිය මැයි 04 වැනිදා ‘බාස්’ ව්‍යාපාරය විසුරුවා හැරියා. විසිරුවා හැරලා ප්‍රජාතන්ත්‍රවාදී ප්‍රවාහයට එකතු වුණා. ඊට අදාළ පුවත්පත් සාකච්ඡාවේදී මොකක්ද ඒ අය කිව්වේ. 59 ඉඳලා අපේ අතින් 800ක් ඝාතනය වුණා. ඒ සෑම පවුලක් වෙනුවෙන්ම අපිට සමාවෙන්න. අපිටත් ප්‍රජාතන්ත්‍රවාදයට ඇවිල්ලා දේශපාලනය කරන්න ඉඩ දෙන්න කිව්වා. මම අහන්නේ ලංකාවේ දහස් ගණන් ඝාතනය කළ ඔය එකෙක්වත් සමාවෙන්න කියන අකුරු 4 කියලා තියෙනවාද? එතැනයි මේ රටේ ප්‍රශ්නය තියෙන්නේ. නිහතමානීකමක් නෑ” යැයි පැවසීය.

patali-champika-ranawaka

බස් ගාස්තු සියයට 6.56කින් ඉහළට

අද (15දා) සිට මධ්‍යම රාත්‍රියේ සිට බස් ගාස්තු ඉහළ දැමීමට කැබිනට් මණ්ඩලය තිරණය කර ඇත. ඒ අනුව බස් ගාස්තු 6.56කින් ඉහළ දැමීමට තීරණය කර ඇති බව ප්‍රවාහන හා සිවිල් ගුවන්සේවා නියෝජ්‍ය අමාත්‍ය අශෝක් අබේසිංහ මහතා ප්‍රකාශ කළේය. ලංගම හා පෞද්ගලික බස් ගාස්තු මේ අනුව වැඩිවිමට නියමිතය.

bbbbbbbbbbbbbbb

 

නොරොච්චෝලේ ගල් අඟුරු දහනයෙන් ජය ශ්‍රී මහ බෝධීයට හානියක්?

norocholi_power_plant

නොරොච්චෝලේ ගල් අඟුරු බලාගාරයේ ගල් අඟුරු දහනය වීමෙන් ඇතිවන විෂ ආම්ලික තත්ත්වයක් ඉහළ අහසේ වලාකුළුවල තැන්පත්ව ඇති බවත්, එම වලාකුළු නිරිතදිග මෝසම් තත්ත්වයත් සමග අනුරාධපුර ජය ශ්‍රී මහ බෝධීන් වහන්සේ දෙසට ගමන් කිරීමේ අවදානමක් ඇති බවත් පරිසර විද්‍යාඥ ආචාර්ය රනිල් සේනානායක මහතා පෙන්වා දෙයි.

හෙතෙම මේ බව පෙන්වා දුන්නේ රාජගිරිය, වැලිකඩවත්ත පාරේ පිහිටි කැෆේ සංවිධානයේ කාර්යාලයේදී ශ්‍රී ලංකා මානව හිමිකම් කේන්ද්‍රය විසින් ඊයේ (13දා) කැඳවන ලද මාධ්‍ය හමුවකට එක් වෙමිනි.
නොරොච්චෝලේ ගල් අඟුරු බලාගාරයේ ගල් අඟුරු දහනය වීමේදී ගෙන්දගම්, සල්ෆර් ඩයොක්සයිඩ් සහ නයිට්‍රජන් ඔක්සයිඩ් මෙන්ම බැරලෝහ පිටවන බවට සඳහන් කළ ආචාර්යවරයා, එලෙස පිටවන සල්ෆර් ඩයොක්සයිඩ් ඉහළ අහසේ වලාකුළු සමග එක්ව සල්ෆියුරික් අම්ලය සාදන අතර, නයිට්‍රජන් ඔක්සයිඩ් තුළින් නයිට්‍රික් අම්ලය සාදන බවද පෙන්වා දුන්නේය. 

හෙතෙම සඳහන් කර සිටියේ මේ වනවිට නොරොච්චෝලේ අවට ප්‍රදේශවල ගස්වැල් ඇතුළු ස්වාභාවික පරිසරය වෙත දැවැන්ත පාරිසරික තර්ජනයක් එල්ල වී ඇති බවත්, එහිදී ප්‍රදේශය ආශ්‍රිත ඉහළට වැඩී ඇති ශාකවල ඉහළ ශාක පත්‍ර කහ පැහැගැන්වී ඇති බවට නිරීක්ෂණය කළ හැකි බවත්ය.

මේ සම්බන්ධයෙන් වැඩිදුරටත් පැහැදිලි කිරීමක නිරතවූ ආචාර්ය රනිල් සේනානායක මහතා,

"මෙහි අවාසනාවන්ත තත්ත්වය මෙම විෂ ආම්ලික තත්ත්වයන් සහිත වලාකුළු නිරිතදිග මෝසම් තත්ත්වයත් සමග අනුරාධපුර දෙසට ගමන් කිරීමයි. කිලෝමීටර් 06 -6.5ක පමණ ප්‍රදේශයක් පුරා පැතිරී පවතින මෙම වළාකුළු අනුරාධපුර දෙසට ගමන් කිරීමේදී එම ගමන් පථය තුළ අනුරාධපුරයේ ජය ශ්‍රී මහ බෝධියද පිහිටා තිබෙනවා. ලොව පැරණිතම වෘක්ෂය මෙන්ම 
ශ්‍රී ලාංකිකයන්ගේ මුදුන්මල්කඩ බඳු ජය ශ්‍රී මහ බෝධියට පවා මෙම ආම්ලික වලාකුළු මගින් හානියක් සිදුවිය හැකියි. මීට අමතරව මුහුදු ප්‍රදේශ ආශ්‍රිතවද කහ පැහැති ආම්ලික තත්ත්වයක් වර්ධනය වන බවත් සඳහන් කළ හැකියි. ඒ අනුව, මෙවැනි හානිදායක ගල් අඟුරු බලාගාර නැවත තැනීමට කටයුතු කිරීම දැඩි පාරිසරික තර්ජනයකට හේතු වෙනවා" යැයිද පෙන්වා දුන්නේය.

2020 ජනාධිපතිවරණයට පොදු අපේක්ෂකයෙක්

2020 ජනාධිපතිවරණය සඳහා පෙරමුණක් යටතේ බොහෝ දුරට පොදු අපේක්ෂයෙකු ඉදිරිපත් විය හැකි බවට අග්‍රාමත්‍යවරයා තමා සමග පැවසූ බව සම කැබිනට් ප්‍රකාශක, අමාත්‍ය රාජිත සේනාරත්න මහතා පැවසීය.

හෙතෙම මේ බව පවසා සිටියේ රජයේ ප්‍රවෘත්ති දෙපාර්තමේන්තුවේදී අද (10දා) පැවැති කැබිනට් තීරණ දැනුම්දීමේ මාධ්‍ය හමුවේදී මාධ්‍යෙව්දීන් ඇසූ ප්‍රශ්නවලට පිළිතුරු දෙමිනි.

Rajitha-Senarathna

 

ගෝඨාව ලංකාවේදී අත්අඩංගුවට ගන්න බෑ

ගෝඨාභය රාජපක්ෂ මහතා ශ්‍රී ලංකාවේදී අත්අඩංගුවට ගැනීමට නොහැකි බව සමකැබිනට් ප්‍රකාශක අමාත්‍ය රාජිත සේනාරත්න මහතා කැබිනට් තීරණ දැනුම්දීමේ මාධ්‍ය හමුවේදී අද (10දා) පැවසීය.

අමාත්‍යවරයා – ''ශ්‍රී ලංකාවේදී ගෝඨාභය රාජපක්ෂ අත්අඩංගුවට ගන්න බෑ. ඒක තමයි ලංකාවේ නීතිය''

මාධ්‍යවේදීන් - ඇමතිතුමා ඒකට හේතු?

අමාත්‍යවරයා – ඒක තමයි මමත් දන්නේ නැත්තේ. දැන්  මේවා අහනකොට තමයි මට බණින්නේ. ගෝඨාභය රාජපක්ෂගේ වැරදි අපි කතා කළේ ගිය ආණ්ඩුවත් කැබිනට් මණ්ඩලයේ ඉඳගෙන. කිහිපදෙනයි කශේරුකාව තියන් කතා කළේ. අනිත් අය මහරජාණෙනි කිව්වා.

Rajitha-Senarathna

2020 පොදු අපේක්ෂකයෙකු ගැන එජාපෙ නායකයන් සාකච්ඡාවකට

2020 වසරේදී පැවැත්වීමට නියමිත ජනාධිපතිවරණය සඳහා පෙරමුණක් යටතේ සියලු බලවේග ඒකරාශී කර ගනිමින් පොදු අපේක්ෂකයෙකු ඉදිරිපත් කිරීම සඳහා වූ සාකච්ඡාවක් එක්සත් ජාතික පෙරමුණේ නායකයන් සමග හෙට (10දා) පැවැත්වීමට නියමිත බව සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සෙනාරත්න මහතා ප්‍රකාශ කළේය.

එම අමාත්‍යාංශයේදී මාධ්‍යවේදීන් පිරිසක් සමග සිදු කරන ලද සාකච්ඡාවකදී අද (09දා) මේ බව සඳහන් කළ අමාත්‍යවරයා, ඒපිළිබඳ වූ මූලික සාකච්ඡා අග්‍රාමාත්‍ය රනිල් වික්‍රමසිංහ මහතා සමග තමන් විසින් පවත්වන ලද බවත්, එහිදී අග්‍රාමාත්‍යවරයා සාධනීය ස්ථාවරයක සිටි බවත් පැවසීය.

අමාත්‍යවරයා සඳහන් කර සිටියේ,එක් පෙරමුණක් යටතේ තරග කිරීමට එක්සත් ජාතික පක්ෂය එකඟතාවකට පැමිණීමෙන් අනතුරුව ශ්‍රී ලංකා නිදහස් පක්ෂය සමග සාකච්ඡා ආරම්භ කිරීමට බලාපොරොත්තු වන බවයි.

අනතුරුව වසර 2025 දක්වා වත්මන් යහපාලන රජය කටයුතු කිරීමට සැලසුම් කර ඇති බවත්,සම්ප්‍රදායිකව නොසිතා නව දේශපාලන ප්‍රවාහයක් කෙරෙහි අවධානය යොමුකළ යුතු බවත් සේනාරත්න මහතා පැවසීය.

Rajitha-Senarathna

උසස් පෙළ හැදැරීම සඳහා සාමාන්‍ය පෙළ ගණිතය සමත් වීම ගැන පවතින චක්‍රලේඛ වෙනස් කිරීමක් නෑ

අ.පො.ස. උසස් පෙළ හැදැරීම සඳහා අ.පො.ස. සාමාන්‍ය පෙළ ගණිතය විෂයය සමත් වීමේ අවශ්‍යතාව සම්බන්ධයෙන් පවතින චක්‍රලේඛ වෙනස් කිරීමකින් තොරව එලෙසම පවතින බවත්, ඒ අනුව අ.පො.ස. සාමාන්‍ය පෙළ ගණිතය අසමත් සිසුන්ට උසස් පෙළ පන්තියට ඇතුළත් වීමේ අවස්ථාව බොහෝ පාසල්වල අහිමිව ඇති බවට ඇතැම් පාර්ශ්ව විසින් සිදු කරන ප්‍රකාශවල කිසිදු සත්‍යතාවක් නොමැති බවත් අධ්‍යාපන අමාත්‍යාංශය ප්‍රකාශ කරයි.

අමාත්‍යාංශය පෙන්වා දෙන්නේ සෑම පාසල් සිසුවෙකුටම පළමු ශ්‍රේණියේ සිට අඛණ්ඩ පාසල් අධ්‍යාපනයක් ලබාදීම අරමුණු කර ගනිමින් අධ්‍යාපන අමාත්‍යාංශය විසින් නව වෘත්තීය විෂයයන් 26ක් ඇතුළත් විෂය ධාරාවක් අ.පො.ස. උසස් පෙළ සඳහා හඳුන්වා දී ඇති අතර, එය මේ වන විට නියාමක වැඩසටහනක් ලෙස තෝරාගත් පාසල් 192ක ක්‍රියාත්මක කරන බවයි.

ඒ අනුව මේ සම්බන්ධයෙන් අදාළ සියලුම විදුහල්පතිවරුන් දැනුවත් කර ඇති බව අවධාරණය කරන අමාත්‍යාංශය, අධ්‍යාපන අමාත්‍යාංශයේ නිසි බලධාරියෙකුගේ විමසීමකින් තොරව සිදු කරනු ලබන එවැනි අසත්‍ය ප්‍රචාර මගින් ජනතාව නොමග යැවීමක් සිදු වෙනවා සේම ඔවුන් බරපතළ අපහසුතාවට පත්වන බවද පෙන්වා දෙයි. 

1

2

3

4

5