Author Archives: මිත්‍ර ජයවර්ධන

BCCI විසින් වෝනර් සහ ස්මිත්ට IPL තහනම් කරයි

ඉන්දීය ක්‍රිකට් පාලක මණ්ඩලය විසින් ඔස්ට්‍රේලියානු ක්‍රීඩකයින් වින ස්ටීවන් ස්මිත් සහ ඩේවිඩ් වෝනර් හට ඉන්දීය ප්‍රිමියර් ලීගයේ 11වැනි තරගාවලියට ක්‍රීඩා කිරීම තහනම් කර තිබෙන බව ඉන්දීය මාධ්‍ය සේවා අනාවරණය කර ඇත

ඉන්දීය ක්‍රිකට් පාලක මණ්ඩලය මේ බව පවසා ඇත්තේ ඔස්ට්‍රේලියානු ක්‍රිකට් කමිටුව විසින් දකුණු අප්‍රිකාවේදී පන්දුව පළුදු කිරීමේ චෝදනාව මත මෙම ක්‍රීඩකයන් දෙදෙනාට මාස දොළහක තරග තහනමක් පැනවීමෙන් අනතුරුවයි.  

මේ සම්බන්ධව ඉන්දීය ප්‍රිමියර් ලීග කොමසාරිස් රජීව් ශුක්ලා පවසා ඇත්තේ මෙම ක්‍රීඩකයන් දෙදෙනා ක්‍රීඩා කරන කණ්ඩායම් වෙත වෙනත් ක්‍රීඩකයන් ආදේශ කරවන බවයි.

මෙම පුවත සැළවීමට පෙරාතුව ඩේවිඩ් වෝනර් විසින් සන්රයිසර්ස් හයිද්‍රාබාද් නායකත්වයෙන් ඉල්ලා අස්වූ පුවත වාර්තා විය. 

වෝනර් හයිද්‍රාබාද් කණ්ඩායම 2016 වසරේදී කුසලානය කරා මෙහෙයවූ අතර 2015 සහ 2017 වසරවලදී තරගාවලියේ වැඩිම ලකුණු ලාභියා බවටද පත්විය. 

මින් දින දෙකකට පෙර ස්ටීවන් ස්මිත් දරන්නට නියමිතව සිටි රාජස්ථාන් රෝයල්ස් නායකත්වයද ආජිනක්‍යා රහානේ හට පවරනු ලැබීය.

ඔස්ට්‍රේලියා ක්‍රිකට් ආයතනය විසින් මාස නමයක තරග තහනමකට ලක්වූ බැන්ක්‍රොෆ්ට් දකුණු අප්‍රිකා ටෙස්ට් තරගය අතරතුර බෝලය පළුදු කිරීමේ වරදට හසුවීඹත් සමග, එය නායකත්ව මණ්ඩලයේ වරදක් ලෙසින් ස්ටීවන් ස්මිත් පිළිගැනීමත් සමග මෙම වාතාවරණය උදා විය.

 

 

ස්මිත් සහ වෝනර්ට මාස දොළහක ක්‍රිකට් තහනමක්

දකුණු අප්‍රිකාවේදී පන්දුව පළුදු කිරීමේ චෝදනාවට වරදකරුවන් වූ ඔස්ට්‍රේලියානුවන් අතරේ නායක ස්ටීවන් ස්මිත්ට ස උපනායක ඩේවිඩ් වෝනර්ට මාස දොළහක ක්‍රිකට් තරග තහනමක් නිකුත් කිරීමට ක්‍රිකට් ඔස්ට්‍රේලියා ආයතනය කටයුතු කර ඇත.

මින් පෙර අන්තර්ජාතික ක්‍රිකට් කවුන්සිලය විසින් ඔවුන්ට දඬුවම් පැනවූ අතර, දකුණු අප්‍රිකානු තරගාවලිය අතරතුර ස්ටීවන් ස්මිත්, වොන්ර් සහ බැන්ක්‍රොෆ්ට් ඊයේ දිනයේදී නැවත කැඳවනු ලැබීය. මෙම පන්දුව පළුදු කිරීමේ වරදට දායක වූ කැමරන් බැන්ක්‍රොෆ්ට් හට මාස 9ක කාලයක ක්‍රිකට් තහනමක් පනවා ඇත.

පාඩු පිට වුවත් CPC මිළ ඉහළ නොනංවයි

ශ්‍රී ලංකා ඛනිජ තෙල් නීතිගත සංස්ථාව විසින් පාඩු ලබමින් වුවද පවතින ඉන්ධන මිළ පවත්වාගෙන යන බව රජය නිවේදනයක් නිකුත් කරමින් කියා සිටියි.

ඒ අනුව පෙට්‍රල් ලීටරයකින් රුපියල් 14.69ක්, ඩීසල් ලීටරයකින් රුපියල් 14.32ක් සහ භූමිතෙල් ලීටරයකින් රුපියල්. 44.63ක් පාඩු විඳීමට රජයට සිදුව ඇති බව පැවසෙයි.

ඉන්දීය තානාපති කාර්යාලය පවා අප මුණගැසෙන්න බයයි – ගෝඨා

මේ වනවිට ඉන්දීය තානාපති කාර්යාලය පවා තමන් මෙන්ම විපක්ෂය හමුවීමේ බියකින් පසුවන බව හිටපු ආරක්ෂක ලේකම් ගෝඨාභය රාජපක්ෂ මහතා ඉන්දීය ප්‍රමුඛ පුවත් වෙබ් අඩවියක් වන The Indian Express වෙබ් අඩවිය සමග සිදුකළ සම්මුඛ සාකච්ඡාවකදී  ප්‍රකාශ කර ඇත.

එහිදී අදහස් දැක්වූ ගෝඨාභය රාජපක්ෂ මහතා,

“ඉන්දියාවේ හිටපු රාජ්‍යතාන්ත්‍රිකයෙකු මෙන්ම ආරක්ෂක උපදේශකවරයෙකු වූ ශිවශංකර් මෙනොන්ගේ  Choices — Inside the making of India’s foreign policyයන කෘතිය කියවා ඇතිනම්, එහි ඔහු ශ්‍රී ලංකාව ඉන්දියාවට තර්ජනයක් වන දෙයකට සිය දේශය තුළ ඉඩ නොතැබූ බව පවසා තිබෙනවා. අපගේ රජය කෙදිනකවත් ශ්‍රී ලංකා භූමිය ඉන්දියාවේ ආරක්ෂාවට විරුද්ධව භාවිත කරන්නට ඉඩ දුන්නේ නැහැ. වර්තමානයේ චීනය සමග ලංකාවේ තිබෙන සබඳතා නිසා ඉන්දියාව ඇති කරගෙන තිබෙන බියෙන් ඔවුන් ඉවත් විය යුතුයි.” යනුවෙන් පැවසීය.

එහිදී, ඔබ තවමත් ඉන්දියාව සමග සබඳතා පවත්වානවාද ලෙසින් ඇසූ පැණයට පිළිතුරු ලෙසින්, "නැහැ, ඔවුන් අපට කතා කරන්නේ නැහැ(සිනහාසෙමින්). එය තමයි අනිත් ප්‍රශ්නය. අපගේ පාලන කාලයේදී වෙනත් රාජ්‍යතාන්ත්‍රිකයන්ට මෙරට විපක්ෂය මුණගැසීමේ ප්‍රශ්නයක් තිබුනේ නැහැ. රාජ්‍යතාන්ත්‍රිකයන් පමණක් නොව වෙනත් අමුත්තන් පවා ඉන්දියාවේ සිට විපක්ෂයේ සාමජිකයින් හමුවුනා. නමුත් මේ වන විට ඉන්දීය තානාපති කාර්යාලය පවා අපව මුණගැසෙන්නට බියකින් පසුවෙනවා. මට ඒ ඇයි කියලා කියන්න තේරෙන්නෙ නැහැ. ශ්‍රී ලංකා රජය ඔවුන් අපව මුණගැසීම ගැන මේ තරම් වද වෙන්නෙ ඇයි කියලා මට හිතාගන්නට බැහැ." යනුවෙන් සඳහන් කර ඇත.

ස්මිත් රාජස්ථාන් රෝයල්ස් නායකකමත් හැරයයි

ස්ටීව් ස්මිත් තමන් විසින් ඉන්දීය ප්‍රිමියර් ලීග විස්සයි විස්ස තරගාවලියේ ක්‍රීඩා කිරීමට නියමිත රාජස්ථාන් රෝයල්ස් කණ්ඩායමේ නායකත්වයෙන්ද අස්වී ඇත.

ඔස්ට්‍රේලියානු කණ්ඩායම දකුණු අප්‍රිකාව සමග පැවති තුන්වැනි ටෙස්ට් තරගය අතරතුර සිදු කළ පන්දුව පළුදු කිරීමේ සිදුවීමත් සමගින් නායක ස්ටීව් ස්මිත්ට නායකකම අහිමි විය.

ඒ අනුව ඔහු විසින් ඉන්දීය ප්‍රිමියර් ලීග විස්සයි විස්ස තරගාවලියේ ක්‍රීඩා කිරීමට නියමිත රාජස්ථාන් රෝයල්ස් කණ්ඩායමේ නායකත්වයෙන්ද ඉවත් වී ඇති අතර, ඒ වෙනුවෙන් ආජින්ක්‍යා රහනේ නායකත්වයට පත් කර ඇති බව වාර්තා වේ.

 

ඔස්ට්‍රේලියානු කණ්ඩායමේ ඉතිරි තරග නායකත්වයට ටිම් පේන්

පන්දුව පළුදු කිරීමේ චෝදනා පිළිගැනීමත් සමගින්ම නායකත්වයෙන් ඉවත්වන්නට ස්ටීවු ස්මිත්ට නියෝග කෙරුනු අතර ඒ අනුව තරගයේ ඉතිරිය නායකත්වයට ටිම් පේන් පත්කර ඇත.

ස්ටීව් ස්මිත් නායකත්වයෙන් ඉවත්වීමට සමගාමීවම ඩේවිඩ් වෝනර් හටද උපනායකත්වයෙන් ඉවත් වීමට සිදුවිය.

ආයුර්වේද ඖෂධ සොයාගැනීමේ අපහසුව පිළිබඳව ඇමතිට කියයි

ආයුර්වේද ඖෂධ නිෂ්පාදනය සදහා ඖෂධ සොයා ගැනීමේ අපහසුතාවය පිළිබඳව සෞඛ්‍ය, පෝෂණ හා දේශීය වෛද්‍ය අමාත්‍යාංශයේ උපදේශක සභාවේ සාමාජිකයින් සෞඛ්‍ය අමාත්‍ය දොස්තර රාජිත සේනාරත්න මහතා සමග පැවැති සාකච්ඡාවක දී අවධාරණය කර සිටියේය.

සෞඛ්‍ය, පෝෂණ හා දේශීය වෛද්‍ය අමාත්‍යාංශයේ උපදේශක සභාව සෞඛ්‍ය අමාත්‍යවරයාගේ ප්‍රධානත්වයෙන්  සෞඛ්‍ය අමාත්‍යාංශයේ දී රැස්වූ අවස්ථාවේ මේ බව සඳහන් කළේය. මෙහිදි ආයුර්වේද ඖෂධ නිෂ්පාදනය සදහා ඖෂධ සොයා ගැනීමේ අපහසුතාවය පිළිබදව කමිටු සාමාජිකයින් පෙන්වා දෙන ලදි. එහිදී සෞඛ්‍ය අමාත්‍යවරයා සදහන් කළේ ආයුර්වේද ඖෂධ නිෂ්පාදනය සදහා අවශ්‍ය කංසා වගා කිරීම සදහා වූ ව්‍යාපෘති යෝජනාවක් අමාත්‍ය මණ්ඩලයට ඉදිරිපත් කර ඇති බවයි.

ලෝකයේ රටවල් රැසක කංසා වගා කිරීම සදහා යොමු වී ඇති බව පෙන්වා දුන් සෞඛ්‍ය අමාත්‍යවරයා ආයුර්වේද ඖෂධ නිෂ්පාදනය සදහා කංසා වගා කිරීම තුලින් විදේශ විනිමය ලබාගත හැකි බව ද සදහන් කළේය. තව ද 2020 සිට දුම්කොළ වගා කිරීම තහනම් කිරීම හේතුවෙන් අපහසුතාවයට පත්වන ගොවි ජනතාව ආයුර්වේද ඖෂධ වගා කිරීම කෙරෙහි යොමු කිරීමට ද මෙහිදී යෝජනා විය.

උතුරු මැද පළාතේ සහ උතුරු පළාතේ ආයුර්වෙද ඖෂධ වගා කිරීමට උචිත ඉඩම් ඇති බව ද නිෂ්පාදනය කරන එම ඖෂධ ශ්‍රී ලංකා ආයුර්වේද ඖෂධ සංස්ථාව මගින් මිල දී ගැනීමට ද හැකියාව ඇති බව ද සෞඛ්‍ය අමාත්‍යවරයා මෙහිදී පෙන්වා දෙන ලදි.

ඔස්ට්‍රේලියානු රජය ස්මිත්ට නායකත්වයෙන් අස්වෙන්නට කියයි

ක්‍රිකට් පිටියේ සිදුවූ මහත් ආන්දෝලනාත්මක වංචාකාරී සිදුවීමක් ලෙසින් ඊයේ(24දා) දිනයේ කේප්ටවුන් හී දකුණු අප්‍රිකාව සමග පැවති තරගයෙන් ඔස්ට්‍රේලියානු ක්‍රීඩකයන් ක්‍රියාකළ ආකාරය සමග, ඔස්ට්‍රේලියානු නායක ස්ටීවන් ස්මිත්ට නායකත්වයෙන් ඉවත් වන ලෙසින් ඔස්ට්‍රේලියානු රජය නියෝග කර ඇත. 

මේ සම්බන්ධයෙන් අදහස් දක්වන ඔස්ට්‍රේලියානු අගමැති මැල්කම් ටර්න්බුල් පවසන්නේ මෙය විශ්වාස කළ නොහැකි තරම් කළකිරීමක් දනවන සිදුවීමක් බවයි.

උතුරු පළාත් ආණ්ඩුකාරවරයා බවට ලෝගේස්වරන් මහතා පත්වෙයි

බස්නාහිර පළාත් ආණ්ඩුකාර කේ. සී. ලෝගේස්වරන් මහතා උතුරු පළාත් ආණ්ඩුකාරවරයා ලෙස පත්කර ඇත.

උතුරු පළාතට පත්වන පළමු දමිළ ආණ්ඩුකාරවරයා ලෙසින්ද ලෝගේස්වරන් මහතා සඳහන් වනු ඇත.

මින් පෙර උතුරු පළාත් ආණ්ඩුකාර ධූරය දරණ ලද්දේ ශ්‍රීලනිපය නියෝජනය කළ රෙජිනෝල්ඩ් කුරේ මහතා වන අතර, ඉන් පෙර එම තනතුරේ පිහිටි එස්. පලිහක්කාර, ඒ. චන්ද්‍රසිරි, ඩික්සන්, සරත්චන්ද්‍ර දෑල, වික්ටර් පෙරේරා සහ මොහාන් විජේවික්‍රම යන මහත්වරුන් පක්ෂ දේශපාලනයක් නියෝජනය නොකර ස්වාධීනව එම තනතුර හොබවා ඇත.

 

ස්ටීව් ස්මිත්ට නායකකම අහිමි වෙයිද?

ක්‍රීඩා ලෝකය දැඩිව කැළඹුනු ඔස්ට්‍රේලියානුවන් විසින් පන්දුව පළුදු කිරීමේ සිදුවීමත් සමගම ඒ සම්බන්ධයෙන් ඔස්ට්‍රේලියානු නායක ස්ටීව් ස්මිත්ගේ නායකත්වයට අර්බුදයක් මතුවේදැයි කරුණු පැනනැගී තිබේ.

මේ ස්ම්බන්ධයෙන් ස්ටීව් ස්මිත් නැවතත් තම නායකත්වය යටතේ මෙවැනි සිදුවීමක් සිදු නොවන බවටත්, තම නායකත්වය හැර යාමේ අදහසකින් පසු නොවෙන බවත්, ඔහු සිතනා පරිදි නායකත්වය සම්බන්ධයෙන් ගැලපෙනම පුද්ගලයා තමන් බවත් ඔහු මාධ්‍යයට පවසා ඇත.

මෙම සිදුවීම සම්බන්ධයෙන් හිටපු ඔස්ට්‍රේලියානු ක්‍රිකට් ක්‍රීඩකයින් දැඩිව තම අප්‍රසාදය පළකර ඇත. එසේම මෙම සිදුවීමට පුහුණුකරු ඩැරන් ලීමන්ද සම්බන්ධයැයි ඇතැම් වාර්තා පවසයි.