Author Archives: වවුනියා මධුසංක අමරසිංහ

නිධානයක් ගැනීමට ගිය ඉන්දීය ජාතිකයන් 03ක් ඇතුළු 07ක් අත්අඩංගුවට

නිධානයක් ගැනීමට උත්සාහ කරමින් සිටි ඉන්දීය ජාතිකයන් තිදෙනෙකු හා ලාංකිකයන් සිවු දෙනෙකු කිළිනොච්චිය රාමනදපුරම් ප්‍රදේශයේදී අත්අඩංගුවට ගැනීමෙන් පසුව අද (25දා)  අධිකරණයට ඉදිරිපත් කිරීමට නියමිතව ඇති බව ධර්මපුරම් පොලීසිය පවසයි.

රාමනාදපුරම් ප්‍රදේශයේ සිදු කෙරෙන සංවර්ධන ව්‍යාපෘතියකට සම්බන්ධ වූ අදාළ ඉන්දීය ජාතිකයන් තිදෙනා සහ ලාංකිකයන් සිවු දෙනා රාමනාදපුරම් ප්‍රදේශයේ නිධානයක් වෙනුවෙන් පූජාවක් කිරීමට සැරසෙන අතරතුර පොලීසියට ලැබුණු තොරතුරකට අනුව මෙම පිරිස ඊයේ (24දා) සවස අත්අඩංගුවට ගෙන තිබේ.

අත්අඩංගුවට ගත් පිරිසි අතර සිටි ඉන්දීය ජාතිකයන් තිදෙදෙනාගේ වීසා නොමැතිව අනවසරයෙන් රැඳී ඇති බවටද තොරතුරු අනාවරණය වී ඇති අතර අදාළ නිධානය ගැනීමට පෙර සිදු කළ පූජාවට යොදා ගත් පූජා භාණ්ඩද අත්අඩංගුවට ගෙන ඇත.

සැකකරුවන් අද (25දා) කිළිනොච්චිය අධිකරණයට ඉදිරිපත් කිරීමට නියමිතව තිබේ.

aea

 

යාපනය මහාධිකරණ විනිසුරු ඉලංන්චේලියන් ත්‍රිකුණාමලයට

යාපනය මහාධිකරණ විනිසුරු මානික්කවාසගර් ඉලන්චේලියන් මහතා මේ මස 28 වැනිදා සිට ත්‍රිකුණාමලයේ මහාධිකරණ විනිසුරුවරයා වශයෙන් පත් කොට තිබේ.

 අධිකරණ සේවා කොමිෂන් සභාව මගින් මෙම පත් කිරීම් සිදු කරනු ලැබ ඇත.

ඉලන්චේලියන් මහතා 2015 වසරේ ජුනි මස 01 වැනිදා යාපනය මහාධිකරණ විනිසුරු  වශයෙන් වැඩ භාරගත්තේද ත්‍රිකුණාමල මහාධිකරණ විනිසුරුවරයා ළුහයෙන් සේවය කරමින් සිටියදීය..

 එමෙන්ම ඉලන්චේලියන් මහතා යුද සමයේදීද වවුනයාව දිස්ත්‍රික්කයේ මහේස්ත්‍රාත් වරයා වශයෙන්ද සේවය කොට ඇති අතරම යුද සමයේදී මහත් සේවයක් කළ විනිසුරුවරයෙකු වශයෙන් එවකට ජනතාවගේ ප්‍රසාදය දිනා සිටි අයෙකි.

අනතුරුව යාපනය මහාධිකරණ විනිසුරු වශයෙන් වැඩ භාර ගැනීමෙන් පසුව ආන්දෝලනයකට ලක් වූ විද්‍යා දැරියගේ නඩු තීන්දුව ලබා දුන් ප්‍රධාන මහාධිකරණ විනිසුරුවරයෙකු වශයෙන් කටයුතු කළේද ඉලන්චේලියන් මහතාය.

ත්‍රිකුණාමලය මහාධිකරණ විනිසුරු වශයෙන් පත් කිරීම හා ස්ථාන මාරුව අවලංගු කරන ලෙසට දෙමළ ජාතික සන්ධානය විසින් හා වෙනත් සංවිධාන විසින් කරන ලද ඉල්ලීමද පසෙක දමා ඉලන්චේලියන් මහතා ඉල්ලා ඇත්තේ තමන්ට එම ස්ථාන මාරුවට යාමට නිසි කාලය පැමිණ ඇති හෙයින් එහි යා යුතු බව පවසමිනි.

Ilancheliyan

 

සිවාජලිංගම්ගෙන් රජයට අභියෝගයක්

උතුරු පළාතට අයිති කොඩිය කුමන ආකාරයෙන් භාවිත කළද ඒ සඳහා කිසිවෙකුගෙන් අවසර ගත යුතු නොමැති බවත් හැකිනම් නීතිමය පියවර ගන්නා ලෙසත් උතුරු පළාත් දෙමළ ජාතික සන්ධාන මන්ත්‍රී එම්. කේ. සිවාජිලිංගම් මහතා රජයට අභියෝග කොට සිටියි.

මන්ත්‍රීවරයා මේ බව පැවසුවේ ඊයේ (21) යාපනයේදී පැවති මාධ්‍ය හමුවකට එක්වෙමිනි.

මෙහිදී අදහස් දැක්වූ මන්ත්‍රීවරයා,

“සමහර ඇමතිවරු කියලා තිබුණාලු උතුරු පළාත් සභා කොඩිය පාසල්වල භාගයක් දාපු එක වැරදියි කියලා. අපි අහන්න කැමතියි අපේ අයිතිය තියෙන කොඩිය කොයි විදිහට දානවා කියලා  ඔබතුමාලාගෙන් අහන්න ඕනෙද? ඒකට ඇක්ෂන් ගන්න ඕනේ නම් පුළුවන්නම් ඇක්ෂන් ගන්න. සමහර අය කියනවා උතුරු පළාත් සභාව විසුරුවනවයි කියලා. පුළුවන්නම් විසුරුවලා බලන්න. අපි චැලේන්ජ් කරන්නම්. මේ ජන සංහාර සිද්ධ වෙලා තියෙනවා. මේකට නීතිය අපිට ලැබෙන්න ඕනේ. අපේ පළාත අපිට ඕනේ විදියට පාලනය කරන්න අපිට අයිතිවාසිකම් එන්න ඕනේ. මේක අනිත් පැත්ත රවට්ටලා කරනවා නම් වැරදියි” යනුවෙන් පැවසීය.

 

SIWA

 

ආවා කල්ලියේ ප්‍රබලයෙක් අත්අඩංගුවට

ආවා කල්ලියේ සිදුවීම් රැසකට සම්බන්ධ ප්‍රබල සාමාජිකයෙකු වූ පොල් නමැති පුද්ගලයා අද (22දා) අත්අඩංගුවට ගත් බව යාපනය පොලීසිය පවසයි.

පොලීසියට අත්‍යවශ්‍යවම සිටි පෝල් හෙවත් පොල් වෙනිස්ටන් නමැත්තා අද (22) උදෑසන අත්අඩංගුවට ගත් බවට යාපනය පොලීසිය කියා සිටියේය.

 සැකකරු යාපනය නගරයේ ස්ථානයක සිටියදී පොලීසියට ලද තොරතුරකට අනුව එහි නිලධාරීන් පිරිසක් විසින් අත්අඩංගුවට ගෙන ඇති අතර මීට පෙර අවස්ථා කිහිපයකදී අදාළ සැකකරු අත්අඩංගුවට ගැනීමට  උත්සාහ කළද එම උත්සාහයන් අසාර්ථක වී ඇත.

 අත්අඩංගුවට ගත් සැකකරු අද (22දා)  යාපනය අධිකරණයට ඉදිරිපත් කිරීමට නියමිතව ඇති බව වාර්තා වේ.

awa

මුලතිව් තනිදළයා ඝාතනය කරයි

 මුලතිව් පුදුකුඩිඉරිප්පු, තේරාවිල් ප්‍රදේශයේ දැවැන්ත ඇතෙකු කිසියම් පිරිසක් විසින් දමා තිබූ විදුලි රැහැනකට හසු වී ඊයේ (21) දින මියගොස් තිබියදී සොයාගත් බවට වනජීවි නිලධාරීහු පවසති.

 මෙසේ මියගොස් ඇත්තේ තනි දළ ඇතෙකි. ඇතා විදුලි රැහැන් යොදා මරාදමා ඇති බවට සිදුකරන ලද මූලික පරීක්ෂණවලදී හෙළිව ඇති අතර  ඝාතනය කළේ කව්රුන්ද යන්න මෙතෙක් හෙළිව නොමැත.

පුදුකුඩිඉරිප්පු වැසියන් මෙම ඇතා තනි දළයා නමින් හඳුන්වා ඇත. ඊට හේතුව පසුගිය දිනයන්හි එම දිස්ත්‍රික්කයේ පැවැති නියං තත්ත්වය සමග මෙම තනිදළයා ගම්වැදී වගාවන්ට දැඩි ලෙස හානි සිදු කිරීම හේතුවෙන් ඔහු  එලෙස හඳුන්වා ඇත.

ඊයේ (21) සවස ඇතා මියගොස් සිටි ස්ථානයට පැමිණි වනජීවි නිලධාරීන් පොලීසියේ හා ප්‍රදේශවාසීන්ගේ සහාය ඇතිව ඔහුගේ අවසන් කටයුතු සිදුකොට ඇති අතරම ඇතාගේ දළ මුලතිව් වනජීවි නිලධාරීන් රැගෙන ගොස් ඇත.

මේ වන විට ඇතාගේ ඝාතන සැකකරුවන් සොයා වනජීවී නිලධාරීන් හා පොලීසිය එක්ව මෙහෙයුම් දියත්කොට ඇත.

aaaaaaaaaaaaaa

sssssssssssssssss

මන්නාරමෙන් තවත් සමූහ මිනීවලක්

මන්නාරාම සතොස තොග ගබඩාව ආසන්නයේ සිදු කළ කැණීමකදී මිනිස් ඇටසැකිලිවලට සමාන ඇටසැකිලි තොගයක් හමු වී ඇතැයි වාර්තා වේ.

මන්නාරම සතොස තොග ගබඩාවේ නව ගොඩනැගිල්ලක් ඉදිකිරීම සඳහා පසුගිය මාර්තු 26 වැනිදා  එහි ඉවත් කරන ලද  පස් රැගෙන ගිය පුද්ගලයෙකුට  පළමුව මෙම ඇටසැකිලි හමු වී ඇත.

පසුව මාර්තු 27 වැනිදා එම ගොඩනැගිල්ල හෑරූ ස්ථානයේ සිදු කළ කැණීම්වලදී තවත් ඇටසැකිලි තොගයක්ද හමු වී ඇති අතර  මන්නාරම් මහේස්ත්‍රාත් අලෙක්ස් රාජා මහතා මෙම ඇටසැකිලි පිළබඳ ඉදිරි පරීක්ෂණ  පුරාවිද්‍යා නිලධාරීන්ගේද සහාය ඇතිව සිදු කරන ලෙසට නියෝග කරනු ලැබුවේය.

කෙසේ වෙතත් මීට පෙර තිරුකේදීශ්වරන් කෝවිල ආසන්නයේ පිහිටි සමූහ මිනීවලක තිබී 100කට ආසන්න වූ මිනිස් ඇටසැකිලි තොගයක් හමු වි ඇති අතර මෙයද ඒ හා සමාන සමූහ මිනීවලක්ද යන්න පිළිබඳ සැක පහළ වී ඇත.

dddddddddqq

 

මුල්ලිවයික්කාල් සැමරුමට එක්වූ අයට යුද හමුදාවෙන් සිසිල් පැන් දන්සලක්

මුලතිව් වෙල්ලමුල්ලි වයික්කාල්හි පැවති සැමරුම වෙතට ගිය හා ආපසු පැමිණි වැසියන් වෙනුවෙන් සිසිල් පැන් දන්සලක් ලබා දීමට මුලතිව් ආරක්ෂක සේනා මූලස්ථාන විසින් පියවර ගෙන තිබුණි.

මුලතිව් මුල්ලියාවලෙයි මන්සන්ධියේදී මෙම සිසිල් පැන් දන්සල සංවිධානය කොට තිබූ අතර මුලතිව් ආරක්ෂක සේනා අඥාපතිවරයාගේ උඵදෙස් පරිදි මුල්ලි වයික්කාල්හි සැමරුම් වෙනුවෙන් සහභාගී වූ වැසියන් වෙනුවෙන් ලවත්වා තිබුණි.

එහිදී යාපනයේ සිට පැමිණි විශ්වවිද්‍යාල රථ පෙලපාලියටද යුද හමුදාව විසින් සිසිල් පැන් සංග්‍රහ කළ අතර විශ්වවිද්‍යාල සිසුන්ගේ ප්‍රසාදයද හිමිවීම කැපී පෙනුණි.

IMG_1721 ??????????????????????????????? IMG_1774 IMG_1780 IMG_1810 IMG_1846

 

රණවිරුවෝ උතුරේ යුද සැමරුම සමරති

09 වැනි යුද සැමරුම යෙදුණු අද (18දා) උතුරේ සියලුම ආරක්ෂක සේනා මූලස්ථානයන්හි යුද ජය සැමරීම සිදු කෙරිණි.

තිස් වසරක් තිස්සේ පැවති යුද්ධය නිම කර වසර 09ක් ගත වීම නිමිත්තෙන් පැවති මෙම යුද සැමරුම් එම ආරක්ෂක හා බළ සේනා මූලස්ථානවල අඥාපතිවරුන්, සේනංකාධිපතිවරුන් හා බළසේනාධිපතිවරුන්ගේ ප්‍රධානත්වයෙන් පැවැත්විණි.

මේ අතර වන්නි වන්නි ආරක්ෂක සේනා ආඥාපති මේජර් ජෙනරල් කුමුදු පෙරේරා මහතාගේ ප්‍රධානත්වයෙන් වන්නි ආරක්ෂක සේනා මූලස්ථානයේද යුද සැමරුමක් පවත්වන ලදී.

DSC_8562 DSC_8571 DSC_8586 DSC_8593 DSC_8594 DSC_8595 DSC_8603 DSC_8611 DSC_8631

මුල්ලිවයික්කාල් සැමරුම පැවැත්වෙයි – දේශපාලඥයන් නෑ

මීට වසර 09කට පෙර පැවැති යුද්ධයේදී මිය ගිය මහවිරුවන් හා සාමාන්‍ය වැසියන් වෙනුවෙන් වෙල්ලමුල්ලි වයික්කාල් නැගෙනහිර පිහිටි සැමරුම් ස්මාරකය අසලදී අද (18දා) සැමරුමක් පවත්වා තිබේ.

මෙය අද උතුරු මහ ඇමති සී.වී.විග්නේස්වරන් මහතාගේ මෙන්ම සාමාන්‍ය වැසියන් 5000කට ආසන්න පිරිසකගේ සහභාගිත්වයෙන් සිදුකෙරිණි.

පසුගිය වසරේදී (2017) දෙමළ ජාතික සන්ධානයේ නායක ආර්.සම්බන්ධන් මහතා ඇතුළු දෙමළ ජාතික සන්ධානයේ සෙසු පක්ෂ නායකයින්ගේ ප්‍රධානත්වයෙන් මෙය පැවත්වුණද මෙවර කිසිදු දේශපාලන නායකයෙකු ප්‍රධාන නොකළ අතර, උතුරු මහඇමති ප්‍රධාන වූවේද දේශපාලන නායකයෙකු වශයෙන් නොව උතුරු පළාත් සභාවේ සංවිධානත්වයෙන් මෙය සිදු වූ නිසාවෙනි.

මෙහිදී උත්සව අවස්ථාවට සහභාගි වූ සියලුම දෙනා අවසන් යුද්ධයේදී මිය ගිය අය වෙනුවෙන් විනාඩි 03ක නිශ්ශබ්දතාවයක් පවත්වා, මල් පූජා කොට, භූමියට රැස්ව සිටි සියලු දෙනා පහන් දල්වා, මිය ගිය අයට සෙත් ශාන්ති පැමිණවීම සිදු කළේය.

මෙහිදී උත්සව අවස්ථාවට සහභාගි වූ උතුරු මහඇමතිවරයා විසින් රැස්ව සිටි පිරිස් ඇමතූ අතර, හෙතෙම මිය ගිය වැසියන් වෙනුවෙන් ශෝක පණිවිඩය ප්‍රකාශයට පත් කළේය.

 

DSC_0059 DSC_0066 DSC_0073 DSC_0089 DSC_0120 DSC_0147 DSC_0164 DSC_0179 DSC_0196 DSC_0255

වෙල්ලමුල්ලි වෛයික්කාල් සැමරුම ගැන බැලීමට උතුරු මහ ඇමති යයි

මුලතිව්, වෙල්ලමුල්ලිවයික්කාල්හි හෙට (18දා) දින සිදුකෙරෙන 09 වැනි සැමරුමට මේ වන විට සියල්ල සූදානම් කර ඇති අතර, එහි සංවිධාන කටයුතු පිළිබඳ සොයා බැලීමට උතුරු පළාත් ප්‍රධාන අමාත්‍ය සී.වී.විග්නේශ්වරන් මහතා සංචාරයක නිරත විය.

වෙල්ල මුල්ලි වයික්කාල් සැමරුමේ පූර්ණ සංවිධාන කටයුතු සිදුකරනුයේ උතුරු පළාත් සභාව මගිනි. පළමු වතාවට එහි සංවිධාන කටයුතු වෙනුවෙන් යාපනය විශ්වවිද්‍යාලයේ මහා ශිෂ්‍ය සංගමයද සහයෝගය ලබාදී තිබේ.

මේ අනුව වෙල්ලිමුල්ලි වයික්කාල් යුද සැමරුම් ස්මාරකය අසල සැරසිලි හා සංවිධාන කටයුතුවල නිරතව සිටි යාපනය විශ්වවිද්‍යාලයේ සිසුන් පිරිසක් හමු වූ උතුරු පළාත් ප්‍රධාන අමාත්‍ය වරයා එම සිසුන් සමග සාකච්ඡාවක නිරත වූයේ හෙට දිනයේදී යුද්ධයේදී මිය ගිය ජනතාව වෙනුවෙන් සිදුකරන සැමරීම කුමන අකාරයකට සිදු කරන්නේද යන්න පිළිබඳවය.

IMG_1541