Author Archives: ටී.කේ.ජී.කපිල

අගමැති දින 8කට පසුව පැමිණෙයි

සිය දින 08 ක විදේශ සංචාරය නිමා කරමින් අග්‍රාමාත්‍ය රනිල් වික්‍රමසිංහ මහතා අද (18දා) අලුයම 1.45 ට දෝහා සිට පැමිණි කටාර් ගුවන් සේවයේ කිව්.ආර් .-668 දරණ ගුවන් යානයෙන් කටුනායක ගුවන් තොටුපොළ වෙත පැමිණියේය. අගමැතිවරයා ඇතුළු දූත පිරිස ඉකුත් 6/10 දින අලුයම 3.15 ට කටාර් ගුවන් සේවයේ යානයකින් දෝහා වෙත පිටත්ව ගොස් තිබුණි .

download

මුහුදු අශ්වයින් චීනයට ගෙනි යන්න බැරිවෙයි

නීතිවිරෝධී ලෙස මුහුදු අශ්වයන් සහ කොතළ හිඹුටු භාජන තොගයක් චීනය බලා රැගෙන යෑමට තැත් කළ චීන වැසියන් තිදෙනකු ඊයේ (16දා) සවස කටුනායක ගුවන් තොටුපොළේ දී රේගු නිලධාරීන් විසින් අත් අඩංගුවට ගෙන තිබේ.

අවුරුදු 35 , 37 සහ 40 යන වයස් වල පසුවන මෙම චීන ජාතිකයන් තිදෙනා තම ගමන් මලු තුනක සඟවා  මේවා නීතිවිරෝධී අයුරින් චීනයට රැගෙන යෑමට උත්සාහ කර ඇත.

තේ අඩංගු ටින් තුනක් තුළ ග්‍රෑම් 350 ක් බර මෙම  වියළන ලද මුහුදු අශ්වයන් 265 ක් අසුරා ගෙන තිබූ අතර , මීට අමතරව රුපියල් 1,60,000 ක් පමණ වටිනා  කොතළ හිඹුටු වලින් සකසන ලද භාජන 08 ක් ද එම ගමන් මලු වල තිබුණි .

මෙම මුහුදු අශ්වයන් සෙන්ටිමීටර 6 සිට 11 දක්වා වූ දිගකින් යුක්ත වූ අතර , ඔවුන් යොදා සාදනු ලබන විශේෂ සුප් වර්ගයක් පානය කිරීම නිසා තම පරමායුෂ වැඩි වන බව චීන ජාතිකයෝ විශ්වාස කරති.

මෙම චීන ජාතිකයන් මේවා මීගමුව ප්‍රදේශයෙන් අධික මිලකට මිලදී ගෙන තිබූ බව රේගුව සිදු කළ මූලික පරීක්ෂණ වලදී අනාවරණය කර ගෙන තිබුණි . මුහුදු අශ්වයන් සහ කොතළ හිඹුටු භාජන තොගය  රාජසන්තක කළ රේගුව චීන ජාතිකයන්ට අවවාද කර නිදහස් කර ඇත.

Capture

කටුනායකට ආපු කටුස්සන් යළිත් ඔස්ට්‍රේලියාවට

ඔස්ට්‍රේලියාවේ සිට නීතිවිරෝධී ලෙස ශ්‍රී ලංකාවට එවා තිබූ කටුස්සන් වැනි සත්ත්ව විශේෂයක් පෙර්දා (13දා) රාත්‍රියේ රේගු නිලධාරීන් විසින් කටුනායක ගුවන්තොටුපොළේදී අත්අඩංගුවට ගනු ලැබූ බව රේගු මාධ්‍ය ප්‍රකාශක සුනිල් ජයරත්න මහතා පැවසීය.

ගුවන් භාණ්ඩ ප්‍රවාහන සේවාව ඔස්සේ එවා තිබූ මෙම සත්ත්ව විශේෂය කටුනායක ගුවන්තොටුපොළ ගුවන් බඩු ගම්මානයේ භාණ්ඩ ප්‍රවාහනය කරන ජාත්‍යන්තර සමාගමක කාර්යාලයකට එවා තිබියදී මෙලෙස අත්අඩංගුවට ගෙන ඇත.

භාවිත කළ පරිගණකයක් සේ හඳුන්වමින්  කළුතර ප්‍රදේශයේ පදිංචිකරුවෙකුගේ ලිපිනයට එවා තිබූ මෙම ගුවන් භාණ්ඩ පාර්සලය භාර ගැනීමට අදාළ පුද්ගලයාට දැන්වුවද  ඔහු පැමිණ නොමැත.

මෙම සතුන් ඔස්ට්‍රේලායවේ සිට සිංගප්පූරුවට ගෙන ඒමෙන් අනතුරුව එතැන් සිට සිංගප්පූරු ගුවන් යානයක් මගින් ශ්‍රී ලංකාවට රැගෙනවිත් ඇති බව පරීක්ෂණවලදී අනාවරණය වී ඇත.

ඉන් අනතුරුව මෙම පුද්ගලයා සහ ලිපිනය පිළිබඳව සොයා බැලූ රේගු නිලධාරීන් ඒවා ව්‍යාජ ඒවා බව දැන ගැනීමෙන් පසුව මෙම පාර්සලය අදාළ ගුවන් භාණ්ඩ ප්‍රවාහන ආයතනයේ නිලධාරීන් ඉදිරිපිටදී විවෘත කර පරීක්ෂා කර බැලීමේදී මෙම සතුන් 32  එම පරිගණකය  තුළ වූ කුඩා රෙදි මලු 05ක දමා සිටියදී රේගු නිලධාරීන් විසින් සොයා ගනු ලැබ තිබේ.

මෙම සත්ත්ව විශේෂය බටහිර රටවල සුරතලයට ඇති කරන බව ප්‍රකාශ වුවද  මොවුන් පිළිබඳ නිශ්චිත තොරතුරු මෙතෙක් අනාවරණය කර ගෙන නොමැත.

මෙම සතුන් පිළිබඳව දෙහිවල සත්ත්ව උද්‍යානයයේ නිලධාරීන් මෙන්ම, කෘෂිකර්ම දෙපාර්තමේන්තුවේ සත්ත්ව නීරෝධායන අංශයේ නිලධාරීන් සමග සහ ශ්‍රී ලංකා රේගුවේ වන සත්ත්ව ආරක්ෂක නිලධාරීන් මේ  පිළිබඳව වැඩිදුරටත්  පරීක්ෂණ පවත්වා අද (15දා) මෙම සතුන් යළිත් ඔස්ට්‍රේලියාවට ආපසු යැවීමට කටයුතු කරන බව රේගු මාධ්‍ය ප්‍රකාශකවරයා වැඩිදුරටත් පැවසීය.

IMG-20180614-WA0027 Capture IMG-20180614-WA0024

 

 

කටුනායකට පැමිණි ගුවන් යානය මත්තලට යයි

කටුනායක බණ්ඩාරනායක ජාත්‍යන්තර ගුවන් තොටුපොළ අවට ප්‍රදේශයේ  අද (01දා) දින අලුයම් කාලයේ පැවති අධික වැසි සහිත අයහපත් කාළගුණික තත්වය නිසා මස්කට් සිට කටුනායක ගුවන් තොටුපොළ වෙත ගොඩ බෑමට පැමිණි ශ්‍රී ලන්කන් ගුවන් යානයක් , මත්තල ගුවන් තොටුපොළ වෙත යොමු කිරීමට කටුනායක ගුවන් තොටුපොළ බලධාරීන් පියවර ගෙන තිබුණි .

ශ්‍රී ලන්කන් ගුවන් සේවයේ යූ.එල්.- 206 දරණ යානය මෙසේ මත්තල වෙත ගොඩ බෑවේය. අද අලුයම 4.45 ට කටුනායක ගුවන් තොටුපොළ වෙත ගොඩ බෑමට නියමිතව අලුයම 5.20 ට මත්තල ගුවන් තොටුපොළ වෙත ගොඩ බැසීමට පියවර ගෙන තිබුණි .

ඒ වනවිට එහි මගීන් 130 ක් සිටි බව ශ්‍රී ලන්කන් ගුවන් සේවයේ මාධ්‍ය ප්‍රකාශක දීපාල් පෙරේරා මහතා පැවසීය .

 කටුනායක ගුවන් තොටුපොළ අවට ප්‍රදේශයේ කාළගුණික තත්වය යහපත් වූ පසු 6/01 දින උදෑසන 6.30 ට යළිත් මත්තල ගුවන් තොටුපොළෙන් , කටුනායක ගුවන් තොටුපොළ බලා පිටත්විය.

SriLankan-1

ශ්‍රී ලංකන් ගුවන් යානයක් මහ අනතුරකින් බේරෙයි

‍ෙඅධික වැසි සහ දැඩි සුළං මධ්‍යයේ ඉන්දියාවේ කොචින් අන්තර්ජාතික ගුවන් තොටුපොළ වෙත ගොඩබාමින් තිබූ ශ්‍රී ලංකන් ගුවන් යානයක් , සිදු වීමට ගිය මහා අනතුරකින් වළක්වාලමින් සාර්ථකව ගොඩ බෑමට එහි නියමුවා අද (27දා) සමත් වී ඇත.

ශ්‍රී ලන්කන් ගුවන් සේවයේ යූ.එල්.- 167 දරණ ගුවන් යානය ශ්‍රී ලංකා වේලාවෙන් පස්වරු 3.30 කොචින් අන්තර්ජාතික ගුවන් තොටුපොළ වෙත ගොඩ බෑමට සූදානම් වෙත් දී ,එම ගුවන් තොටුපොළ අවට දැඩි සුළං සහ අධික වැසි සහිත අයහපත් කාළගුණික තත්වයක් පැවතී ඇත.

එවිට මෙම යානය තුළ මගීන් 228 ක් සහ කාර්යය මණ්ඩලය 12 ක් ගමන් කරමින් සිට තිබේ.  මෙම  ගුවන් යානය ප්‍රංශයේ නිෂ්පාදිත A-330 වර්ගයේ යානයකි.  කොචින් ගුවන් තොටුපොළ වෙත ගොඩබාමින් තිබූ ගුවන් යානය එකවරම එක පසෙකට ඇල වෙමින් ලිස්සා ගොස්, එම ධාවන පථය තුළ සවි කර තිබූ විදුලි පහන් කීපයකට හානි සිදු වී තිබේ .

එහෙත් පසුව මෙම යානයේ නියමුවා මෙම දුෂ්කර තත්වයේ වුවද , යානය පාලනය කර ගනිමින් , එහි වූ මගීන්ට කිසිදු කරදරයක් නොවන පරිදි සාර්ථකව  ගොඩ බෑමට සමත් වී ඇත. මේ වනවිට ශ්‍රී ලන්කන් ගුවන් සේවයේ ඉංජිනේරුවරුන් පිරිසක් කොචින් අන්තර්ජාතික ගුවන් තොටුපොළ වෙත ගොස්, යානයට යම් ආපදාවක් සිදු වී ඇත් ද යන්න පිළිබඳව පරීක්ෂා කරමින් සිටියි.

SriLankan-1

 

 

ආගමන විගමන නිලධාරී වෘත්තීය ක්‍රියාමාර්ගය අවසන්

ආගමන – විගමන නිලධාරීන් ඊයේ මධ්‍යම රාත්‍රීයේ සිට ආරම්භ කර තිබූ අකුරට වැඩ කිරීමේ වෘත්තීය ක්‍රියාමාර්ගය විෂයභාර අමාත්‍ය එස්.බී.නාවින්න මහතා විසින් දෙන ලද ලිඛිත පොරොන්දුවක් මත සවස 3.20 ට පමණ අත් හැරීමට තීරණය කළ බව ඩසංගමයේ සභාපති අනුර කණුගල මහතා ප්‍රකාශ කළේය .

ආගමන – විගමන දෙපාර්තමේන්තු නිලධාරීන්ගේ මෙම ඉල්ලීම් තුන ලබන අගහරුවාදා කැබිනට් අනුමැතියට යොමු කර ලබා දෙන බවද අමාත්‍යවරයා සඳහන් කර ඇතැයි කණුගල මහතා පැවසීය .

2

කටුනායක වරින් වර දිගු පෝළිම්

කටුනායක බණ්ඩාරනායක ජාත්‍යන්තර ගුවන් තොටුපොළේ සේවා සපයන ආගමන – විගමන දෙපාර්තමේන්තු නිලධාරීන් , සිය ඉල්ලීම් 03ක් දිනා ගැනීමේ අරමුණින් ඊයේ (17දා) මධ්‍යම රාත්‍රීයේ සිට අකුරට වැඩ කිරීමේ වෘත්තීය ක්‍රියාමාර්ගයක් ආරම්භ කර තිබේ.

ආගමන – විගමන සේවාව සඳහා නව ව්‍යවස්ථාවක් සම්පාදනය කිරීම , විදේශ දූත මණ්ඩල සඳහා ආගමන – විගමන දෙපාර්තමේන්තු නිලධාරීන් පත්කිරීම සහ දෙපාර්තමේන්තු නඩු පැවරීමේ අංශය නැවත ක්‍රියාත්මක කිරීම යන කරුණු 03 මුල් කර ගනිමින් පැවැති සාකච්ඡා අසාර්ථක වීමෙන් පසු මෙම වෘත්තීය ක්‍රියාමාර්ගයට ඔවුන්  අවතීර්ණ වී තිබේ.

මෙම වෘත්තීය ක්‍රියා මාර්ගය කටුනායක බණ්ඩාරනායක ජාත්‍යන්තර ගුවන් තොටුපොළට අමතරව , සියලුම වරායවල සහ අනෙකුත් අභ්‍යන්තර සහ ජාත්‍යන්තර ගුවන් තොටුපොළවල ක්‍රියාත්මක වෙමින් පවතී.

මෙම ක්‍රියා මාර්ගය නිසා කටුනායක ගුවන් තොටුපොළ තුළ වරින් වර දිගු පෝළිම් ඇති වුවද , එය ගුවන් තොටුපොළ දෛනික රාජකාරි කටයුතුවලට බාධාවක් නොවන බව කටුනායක ගුවන් තොටුපොළ කාර්යය භාර නිලධාරීවරයා ප්‍රකාශ කළේය.

මේ අතර විෂය භාර අමාත්‍ය එස්.බී.නාවින්න මහතා අද (18දා) උදෑසන 9.00ට පමණ කටුනායක ගුවන් තොටුපොළ වෙත පැමිණ , ආගමන  – විගමන නිලධාරීන් හමු වී සාකච්ඡා කර තිබෙන අතර , රජය සමග සාකච්ඡා කර පසුව මේ සඳහා විසඳුමක් ලබාදෙන බවට ප්‍රකාශ කර තිබේ.

2 4 1

 

ආගමන විගමන නිලධාරීන් නිහඬ විරෝධතාවක

ශ්‍රී ලංකා ආගමන – විගමන දෙපාර්තමේන්තු නිලධාරීන්ගේ සංගමයේ සාමාජිකයෝ පිරිසක් ඉල්ලීම් 03ක් මුල් කරගනිමින් අද (17දා) දහවල් කටුනායක ගුවන්තොටුපොළ පැමිණීමේ පර්යන්තය ඉදිරිපිට නිහඬ විරෝධතාවක නිරත වූහ.

විරෝධතා පුවරු ප්‍රදර්ශනය කරමින් පැවති මෙම විරෝධතාවට ආගමන – විගමන නිලධාරීහු 200ක් පමණ එක්ව සිටියහ.

ආගමන – විගමන සේවාව සඳහා නව ව්‍යවස්ථාවක් සම්පාදනය කිරීම, විදේශ දූත මණ්ඩල සඳහා ආගමන – විගමන නිලධාරීන් අනුයුක්ත කිරීම සහ දෙපාර්තමේන්තු නඩු පැවරීමේ අංශය නැවත ස්ථාපිත කිරීම යන ඉල්ලීම් මුල් කර ගනිමින් මෙම විරෝධතා ව්‍යාපාරය දියත් කරන බව ශ්‍රී ලංකා ආගමන – විගමන නිලධාරීන්ගේ සංගමයේ සභාපති අනුර කණුගල මහතා පැවසීය.

මේ අතර දිවයිනේ සියලුම අභ්‍යන්තර සහ ජාත්‍යන්තර ගුවන්තොටුපොළ මෙන්ම සියලුම  වරායවලද අද මධ්‍යම රාත්‍රී 12.00 සිට අකුරට වැඩ කිරීමේ වෘත්තීය ක්‍රියාමාර්ගයක් අනුගමනය කිරීමට නියමිත බවද සභාපතිවරයා වැඩිදුරටත් පවසා සිටියේය. 

IMG-20180517-WA0000

ජනපති ඉරාන සංචාරය අරඹයි

දින දෙකක නිල සංචාරයක් ජනාධිපති මෛත්‍රීපාල සිරිසේන මහතා අද (12දා)  දහවල් ඉරානයේ ටෙහෙරාන් බලා පිටත්ව ගියේය . ඔහු සමග දූත පිරිස 10  ක්  පමණ මෙම සංචාරය  සදහා එක් වී සිටියහ .

ඔවුන් කටාර් ගුවන් සේවයේ Q.R.- 665 දරණ ගුවන් යානයෙන් දහවල් 11.50 ට පමණ කටුනායක  ගුවන් තොටුපොළෙන් පිටත්ව ගියහ.

Sira-02

 

කටුනායක තීරුබදු රහිත බඩු ගබඩා සංකීර්ණයක ගින්නක්

කටුනායක ගුවන් තොටුපොලේ තීරුබදු රහිත බඩු ගබඩා සංකීර්ණයක ගින්නක් හටගෙන ඇති බවත් අලුයම 4.00ට පමණ මෙම ගින්න ඇතිවූ බවත් පොලීසිය පවසයි.

පොලීසිය, කටුනායක ගුවන්තොටුපොළ ගිනි නිවීමේ ඒකකය හා ගුවන් හමුදා ගිනි නිවීමේ ඒකකයේද සහාය ලබාගෙන ගින්න මැඬපවත්වා ඇත.

ගොඩනැගිල්ලේ විදුලි උපකරණ ගබඩා කර තිබූ ගබඩාවක ගින්න හටගෙන ඇත. ගින්න හේතුවෙන් අධික දුමක් ඇතිවී තිබෙන බවත් ගොඩනැගිල්ල අසළ පවතින එය ගුවන් ගමන් සඳහා බාධාවක් නොවන බවත් පොලීසිය පවසයි.

ගින්නෙන් ජීවිතහානී කිසිවක් ඇතිව නොමැත. සිද්ධිය පිළිබඳව විමර්ශන පවත්වයි.  

BIA