Author Archives: ජිනේෂ් නානායක්කාර

වෛරස් උණට තවත් දරුවෙක් බිලි

ඉන්ෆ්ලුවෙන්සා වෛරස් උණ රෝගය වැලදීමෙන් කරාපිටිය ශික්ෂණ රෝහල තුළදී  මියගිය කුඩා දරුවන්ගේ සංඛ්‍යව 20 දක්වා වැඩි වී ඇති බව රෝහල් අධ්‍යක්ෂක වෛද්‍ය ජයම්පති සේනානායක මහතා පවසයි.

මැයි මාසයේ සිට ජුනි මස 18 වැනිදා දක්වා කාලය තුළ මෙසේ කුඩා දරුවන් 20ක් මියගොස් ඇත. රෝහල් අධ්‍යක්ෂකරවරයා පවසන්නේ මේසේ මියගිය දරුවන්ගෙන් දහ දෙනෙකුම හෘද වස්තුවේ සිදුරු, මෝළයේ ආබාධ, උපතින්ම ඇති වු ආබාධයන්,  විවිධ සංකූලතාවලට ලක්වූ ප්‍රතිශක්තිකරණය අඩු දරුවන් බවයි.

එම දරුවන්ට වෛරස් උණ වැලදීමේ වැඩි ඉඩක් පවතින බවද රෝහල් අධ්‍යක්ෂකවරයා සඳහන් කළේය. ඉකුත් සෙනසුරාදා  වෛරස් උණ රෝගයට ගොදුරු වීමෙන් තවත් කුඩා දරුවෙකු මියගොස් තිබේ. මියගොස් ඇත්තේ අවුරුද්දක් හා මාස දෙකක් වියැති දරුවෙකි. එම දරුවා ගොනපිනුවල ප්‍රදේශයේ පදිංචි දරුවෙකි.

කෙසේවුවද මේ වනවිට වෛරස් උණ රෝගය පාලනය වි ඇති බවද රෝහල් අධ්‍යක්ෂකවරයා පැවැසීය.

influenza_virus_2008765-2300x1725 

 

 

 

ඝාතනයට ලක්වූ උපසභාපතිගේ සිරුරේ වෙඩි උණ්ඩ 08ක්-සැකකරුවෙක් අත්අඩංගුවට

වෙඩි ප්‍රහාරයකට ලක්ව මියගිය කරන්දෙණිය  ප්‍රාදේශීය සභාවේ උපසභාපති ඩොනල්ඩ් රණවීර මහතාගේ හිසට, මුහුණට, උදරයට සහ  පපු ප්‍රදේශයට ඇතුළු සිරුරේ ස්ථාන කිහිපයකට වෙඩි උණ්ඩ 08ක් පමණ වැදී ඇති බව  පශ්චාත් මරණ පරීක්ෂණයේදී  හෙළිව තිබේ.

උපසභාපතිවරයා  මංගල උත්සවයකට සහභාගි වී කැබ් රථයකින්  ආපසු නිවස බලා පැමිණිමින් සිටියදී පෙරේදා (08දා) රාත්‍රියේ ඌරගහ  කොරටියන හන්දිය අසලදී යතුරුපැදියකින් පැමිණි පුද්ගලයන් දෙදෙනෙකු විසින් වෙඩි තබා ඝාතනය ඇති බව පොලීසිය සඳහන් කරයි.

වෙඩි වැදීමෙන් පසු උපසභාපතිවරයාගේ හෘදය වස්තුවට, අක්මාවට, සුසුම්නාවට, මොළය ඇතුළු අවයවවලට බරපතළ තුවාල සිදුවීම හේතුවෙන්  මරණය සිදුව ඇති බව  පශ්චාත් මරණ පරික්ෂණයේ දී තහවුරු වී තිබේ.

මෙම  ඝාතන සිද්ධියේ තොරතුරු රැසක් මේ වනවිට අනාවරණය වී ඇති අතර  ඝාතනය සදහා පැමිණි පුද්ගලයන් දෙදෙනාගෙන් එක් අයෙකු අත්අඩංගුවට ගෙන ඇති බවත්   අත්අඩංගුවට පත් පුද්ගලයා විසිදෙහැවිරිදි වියේ පසුවන අයෙකු බවත්  වෙඩි තැබීමෙන් පසු සැකකරුවන් දෙදෙනා පලායමින් සිටියදී අනතුරට ලක්ව ඇති අතර එක් අයෙකු ඌරගහ රෝහලට ඇතුළත් වීමට පැමිණී අවස්ථාවේදී  අත්ඩංගුවට ගත් බවත් පොලීසිය පවසයි.

පුද්ගලික ආරවුලක් හේතුවෙන්  මෙම ඝාතනය සිදු කොට  ඇති අතර  උපසභාපතිවරයා ඝාතනය කළ ස්ථානයේ තිබී මැගසින් එකක්, ජංගම දුරකථනයක් හා  ඝාතකයන් පැමිණි යතුරුපැදිය සොයාගෙන තිබේ. වැඩිදුර විමර්ශන ඌරගස්මන්සන්දිය පොලීසිය සිදුකරයි.

Poto---01

 

දකුණේ මිය ගිය දරුවන් සංඛ්‍යාව 15 දක්වා ඉහළට

දකුණේ කුඩා දරුවන් අතර පැතිර යන වෛරස් උණ ආසාධනය විමෙන් මියගිය දරුවන් සංඛ්‍යාව 15 දක්වා වැඩිවි තිබේ.

වෛරස් ආසාදනට ලක්විමෙන් ගාල්ල කරාපිටිය ශික්ෂණ රෝහලේ ළමා දැඩිසත්කාරක ඒකකයේ ප්‍රථිකාර ලබමින් සිටි අවුරුද්දක් හා මාස 11ක තවත් පිරිමි දරුවෙකු ඊයේ (03දා) රාත්‍රි  මියගොස් ඇති බව රෝහල් ආරංචි මාර්ග සදහන් කරයි.

 පෙරේදා (03) රාත්‍රි 8.00 පමණ මෙම දරුවා මියගොස් ඇති අතර ඔහු මාවුල්දෙණිය ,කොළවෙනිගම, දෙනියාය ප්‍රදේශයේ පදිංචි දරුවෙකි. වැඩිම දරුවන් සංඛ්‍යාවක් මියගොස් ඇත්තේ මාතර දිස්ත්‍රික්කයෙන් වන අතර එම දරුවන් සංඛ්‍යාව 09 දෙනෙකි. ගාල්ල හා  හම්බන්තොට  දිස්ත්‍රික්කවල කුඩා දරුවන් තිදෙනා බැගින් මිය ගොස් ඇත.

මේ පිළිබද කරාපිටිය ශික්ෂණ රෝහලේ අධ්‍යක්ෂක වෛද්‍ය ජයම්පති සේනානායක මහතාගෙන් අප කළ විමසුමකදි ඔහු  සඳහන් කළේ කුඩා දරුවෙකු මියගොස් ඇති බවට තමන්ටද වාර්තා වි ඇති බවයි. මිය යන දරුවන් සංඛ්‍යාව වසන් කිරිමට කිසිදු අවශ්‍යතාවයක් නොමැති බව පවසන රෝහල් අධ්‍යක්ෂකවරයා  මියගිය දරුවන් දකුණු පළාතේ විවිධ ප්‍රදේශවලින්  වෛරස් ආසාදනයට ලක්විමෙන් කරාපිටිය ශික්ෂණ රෝහලට ඇතුළත් වු දරුවන් බවද සඳහන් කළේය.

Jalaram-Hospital-Kisumu-Jalaram-Maternity-and-Nursing-Home

දකුණේ වෛරසයට තවත් දරුවෙක් බිලි

ඉන්ෆ්ලුවන්සා වෛරස් උණ වැලඳීමෙන් මියගිය කුඩා දරුවන්ගේ සංඛ්‍යාව 12 දක්වා වැඩි වීඇතැයි කරාපිටිය ශික්ෂණ රෝහලේ අධ්‍යක්ෂ වෛද්‍ය ජයම්පති සේනානායක මහතා පවසයි.

පෙරේදා (29දා) අවුරුද්දක් හා මාස හතක් වියැති දරුවෙකු ළමා දැඩිසත්කාර ඒකකයේ ප්‍රතිකාර ලබමින් සිටියදී මියගොස් ඇති බවද රෝහල් අධ්‍යක්ෂවරයා සඳහන් කළේය.

මියගොස් ඇත්තේ  මාතර තිහගොඩ ප්‍රදේශයේ පදිංචි දරුවෙකු බවද රෝහල් අධ්‍යක්ෂවරයා සඳහන් කළේය.

මෙම දරුවා මාස දෙකකට ආසන්න කාලයක් කරාපිටිය රෝහලේ ළමා දැඩි සත්කාර ඒකකයේ ප්‍රතිකාර ලබමින්  සිටියදී මියගොස් ඇත.

මාතර දිස්ත්‍රික්කයේ දරුවන් 06 දෙනෙකුද, ගාල්ල හා හම්බන්තොට යන දිස්ත්‍රික්කවල දරුවන්  තිදෙනා බැගින්ද මේ වනවිට මියගොස්  තිබේ.

Healthcare-India1

 

බද්දේගම අධිකරණයේ සිරමැදිරියක සිටි රැඳවියන් පස් දෙනෙක් පලා යති

බද්දේගම මහේස්ත්‍රාත් අධිකරණයේ සිරමැදිරයක සිටි රැඳවියන් පස් දෙනෙකු  අද  (28) සවස  පලා ගොස් ඇති බව  බද්දේගම පොලීසිය පවසයි.

මෙම රැඳවියන් පස්දෙනා ගාල්ල බන්ධනාගාරයේ සිට බද්දේගම අධිකරණය වෙත ඉදිරිපත් කිරීම සඳහා රැගෙනවිත් සිටි බවත් ඔවුන් අධිකරණය වෙත ඉදිරිපත් කිරීමෙන් පසු ඇඟිලි සලකුණු ආදිය ලබාගැනීම සඳහා රඳවා සිට ඇති අතර එම අවස්ථාවේ  අයෙකු සිරමැදිරියේ සිට එළියට ගන්නා අවස්ථාවේ  එහි සිටි බන්ධනාගාර නියාමකවරයා තල්ලු කර මොවුන් පලා ගොස් ඇති බවද පොලීසිය පැවසීය.

 මෙම රැඳවියන් භාරව  බන්ධනාගාර සැරයන්වරයකු හා නියාමකයන් පස්දෙනෙකු සිටි  ඇති අතර මෙම සිදුවීමට පෙර හදිසියේ අසනීප වු රැඳවියෙකු රෝහල්ගත කිරීම සඳහා බන්ධනාගාර නියාමකවරු දෙදෙනෙකු කරාපිටිය රෝහලට පැමිණ ඇති බවත් මෙම සිද්ධියෙන් පසු බන්ධනාගාර නිලධාරීන් දෙදෙනෙකු රෝහල්ගත කර ඇති බවද පොලීසිය සඳහන් කරයි.

 පලාගිය සැකකරුවන් අත්අඩංගුවට ගැනීම සඳහා පොලීසිය හා බන්ධනාගාර නිලධාරීන් එක්ව විශේෂ මෙහෙයුමක් දියත් කොට ඇත.

 

aea

 

දකුණේ වෛරසය ළමුන් 11කට මරු ගෙනෙයි

දකුණු පළාතේ කුඩා දරුවන් අතර පැතිර යන ඉන්ෆ්ලුවෙන්සා  වෛරස් උණ වැළදිමෙන්  ඉකුත් දෙදින තුළ තවත් කුඩා දරුවන් දෙදෙනෙකු මියගොස් ඇති බව ගාල්ල කරාපිටිය ශික්ෂණ රෝහලේ අධ්‍යක්ෂක වෛද්‍ය ජයම්පති සේනානායක මහතා පවසයි.

  ඉකුත් 25 හා 26 යන  දෙදින තුළ මෙම කුඩා දරුවන් දෙදෙනා මියගොස් ඇති බවද රෝහල් අධ්‍යක්ෂකවරයා සදහන් කළේය. මියගොස් ඇත්තේ මාස හයක හා අවුරුදු එකහමාරක පමණ වියැති කුඩා දරුවන් දෙදෙනෙකු  බවද රෝහල් අධ්‍යක්ෂකවරයා  පැවසිය.

මේ වනවිට  වෛරස් උණ රෝගි තත්වයෙන් කුඩා දරුවන් 11 දෙනෙකු මියගොස් ඇති අතර ඉන් දරුවන් නම දෙනෙකු මියගොස් ඇත්තේ ඉන්ෆ්ලුවන්සා හා ඇඩිනෝ හා තවත් වෛරස් කිහිපයක් නිසා ඇතිවු සංකුලතාවයෙන් බව පරික්ෂණ වලදි අනාවරණය වි ඇති බවද රෝහල් අධ්‍යක්ෂකවරයා සදහන් කළේය.

Jalaram-Hospital-Kisumu-Jalaram-Maternity-and-Nursing-Home

ඉන්ෆ්ලුවන්සාවෙන් දකුණේ දරුවන් 08ක් මරුට

මෙම මස පළමු වැනිදා සිට මේ දක්වා අතර කාලය තුළදී ඉන්ෆ්ලුවන්සා  වෛරස් උණ වැළඳුණු කුඩා දරුවන් 270දෙනෙකු කරාපිටිය ශික්ෂණ රෝහලෙන් නේවාසික ප්‍රතිකාර ලබා ගෙන ඇති අතර ඉන් දරුවන් අට දෙනෙකු මියගොස් ඇති බව කරාපිටිය  ශික්ෂණ රෝහලේ අධ්‍යක්ෂ වෛද්‍ය ජයම්පති සේනානායක මහතා පවසයි.

මේ වනවිටත් කුඩා දරුවන් 29 දෙනෙකු රෝගය වැළඳීමෙන්  රෝහලේ ළමා වාට්ටුවල නේවාසිකව ප්‍රතිකාර ලබන බවද හෙතෙම පැවසීය.

එහිදී වැඩිදුරටත් අදහස් දැක් වූ රෝහල් අධ්‍යක්ෂවරයා,

 “වෛරස් උණ වැලඳී රෝහලට ඇතුළත් කරන දරුවන් බාහිර රෝගී අංශයේදී පරීක්ෂණයට ලක් කරනවා. ඉන්ෆලුවන්සා වෛරස් උණ වැලඳුණු දරුවන් තමයි නේවාසික ප්‍රතිකාර ලබාදීමට ළමා වාට්ටුවලට ඇතුළත් කරන්නේ. අනෙක් දරුවන්ට අවශ්‍ය ප්‍රතිකාර කර බෙහෙත් ලබදී ඔවුන් පිටත් කරනවා. පසුගිය දින දෙක තුළ මාස හයක දරුවෙක් මියගියා. ඒ දරුවා උපතින්ම හෘද රෝගී තත්ත්වයෙන් පෙළුණු අයෙක්. මේ වනවිට  කුඩා දරුවන් 08 දෙනෙකු මෙකී වෛරස් උණ වැලඳීමෙන් මියගොස් තියෙනවා. ඉන් දරුවන් පස් දෙනෙකු ඉන්ෆලුවන්සා ඇඩිනෝ ඇතුළු වෛරස් කිහිපයකින් මියගිය බවට හඳුනාගෙන තියෙනවා. අනික් දරුවන් තිදෙනාත් මෙම වෛරස් උණ වැලඳීමෙන් මියගිය බවට සැකකරනවා”යැයිද පවසා සිටියේය.

ifli

 

 

ඉන්ෆ්ලුවන්සා වැලඳුණු දරුවන් 37ක් කරාපිටිය රෝහලේ

ඉන්ෆ්ලුවන්සා වෛරසය වැලඳුණු කුඩා දරුවන් 37 දෙනෙකු පමණ කරාපිටිය ශික්‍ෂණ රෝහලේනේවාසික ප්‍රතිකාර ලබන බව කරාපිටිය ශික්‍ෂණ රෝහලේ අධ්‍යක්‍ෂ වෛද්‍ය ජයම්පති සේනානායක මහතා පැවසීය.

එම දරුවන්ගෙන් 27 දෙනෙකුට ඉන්ෆ්ලුවන්සා උණ රෝගය වැලඳී ඇතැයි පරීක්‍ෂණවලදී තහවුරු වූ බවද රෝහල් අධ්‍යක්‍ෂවරයා සඳහන් කළේය.

මීට අමතරව තවත් දරුවන් කිහිපදෙනෙකුගේ රුධිර සාම්පල්  වැඩිදුර පරීක්‍ෂණ කටයුතු සඳහා කොළඹ වෛද්‍ය පර්යේෂණ ආයතනය වෙත යොමුකර ඇති බවත්, දැනට එම දරුවන් 37 දෙනාටම ඉන්ෆ්ලුවන්සා රෝග ලක්‍ෂණවලට අනුව ප්‍රතිකාර කිරීම ආරම්භකර ඇති බවත් හෙතෙම ප්‍රකාශ කළේය.

Jalaram-Hospital-Kisumu-Jalaram-Maternity-and-Nursing-Home

 

 

කරාපිටිය රෝහලේ ළමුන් පස්දෙනා මිය ගියේ වෛරසයකින්ද?

ගාල්ල කරාපිටිය ශික්ෂණ රෝහලේ ළමා දැඩිසත්කාරක ඒකකයේ  ප්‍රථිකර ලබමින් සිටියදී පසුගිය මාසය තුළ කුඩා දරුවන් පස්දෙනෙකු මියගොස් ඇත්තේ ‘ඇඩිනෝ’ වෛරසයෙන්ද කියා නිශ්චිතව සඳහන් කළ නොහැකි බව කරාපිටිය රෝහලේ අධ්‍යක්ෂක වෛද්‍ය ජයම්පති සේනානායක මහතා පැවසීය.

දැනට වෛරස් රෝගී තත්ත්වයෙන් පෙළෙන දරුවන් පස් දෙනෙකු ළමා දැඩිසත්කාරක ඒකයේ ප්‍රථිකාර ලබන බවත්, මෙකී රෝගී තත්ත්වය පාලනය කිරීමට අරක්ෂිත උපක්‍රම රැසක් රෝහල මගින් ගෙන ඇති බවත් රෝහල් අධ්‍යක්ෂකවරයා සඳහන් කළේය.

මේ පිළිබඳව වැඩිදුරටත් අදහස් දැක් වූ රෝහල් අධ්‍යක්ෂකවරයා,

“දරුවන් පස් දෙනා මියගිහින් තියෙන්නේ මාසයක් ඇතුළත. නැතිව දින කිහිපයක් ඇතුළත නෙවෙයි. මියගිය දරුවන් පස්දෙනා වෛරසයකින් මිය ගියා  කියලා හරියටම කියන්න බැහැ. මියගිය දරුවන්ගේ ලේ සාම්පල කොළඹ යවලා තියෙනවා. මියගිය දරුවන්  ‘ඇඩිනෝ’ වෛරසයෙන්ම මිය ගියා කියලා කියන්න බැහැ. වෙනදාත් නිව්මෝනිය ආදී රෝගවලින් ළමා වාට්ටුවේදී දරුවන් එක්කෙනෙක් දෙනෙක් මිය යනවා. ඒවාත් මේකට ඇතුළත් වෙලා තියෙනවා. මේ ගැන සෞඛ්‍ය අමාත්‍යාංශය දැනුවත් කරලා ආරක්ෂිත පියවර රැසක් රෝහල මගින් අරන් තියෙනවා. කොළඹ වසංගත රෝග ඒකකයෙන්  වෛද්‍යවරුන් පැමිණ  විශේෂඥ වෛද්‍යවරු සමග මේ ගැන සාකච්ඡාවක් කළා. මේ සඳහා ආරක්ෂිත පියවර රැසක් අරගෙන තියෙනවා”.

මේ පිළිබඳ අප සෞඛ්‍ය අමාත්‍යංශයේ ප්‍රධාන වසංගත රෝග විද්‍යාඥ අනිල් දිසානායක මහතාගෙන් සිදුකළ විමසුමකදී ඒ මහතා මේසේ ප්‍රකාශ කළේය.

“මෙය වංසගත රෝගී තත්ත්වයක්ද, මොන විෂබීජයකින් මෙය ඇති වුණාද කියලා කියලා හොයාගෙන යනවා. ඒ ගැන තවදුරටත් විශ්ලේෂණය කරනවා. කරාපිටිය රෝහලේ තමයි ඔය ප්‍රශ්නය තියෙන්නේ. මෙය වසංගත රෝගී තත්ත්වයක් කියලා තවම හඳුනාගෙන නැහැ. දැනට කරාපිටිය ශික්ෂණ රෝහලින් තමයි මේ ගැන වාර්තා වෙලා තියෙන්නේ”

Jalaram-Hospital-Kisumu-Jalaram-Maternity-and-Nursing-Home

 

මැයි රැළියේ කුණු නිසා දකුණු සභාව උණුසුම්

දක්‍ෂිණ අධිවේගී මාර්ගයට පිවිසෙන පින්නදූව සිට දෙවට දක්වා වූ මාර්ගය දෙපස ඊයේ (07දා) පැවැති මැයි රැලියට සහභාගි වූ පිරිස් අපද්‍රව්‍ය දමාගොස් තිබුණද, ඒවා ඉවත් කිරීමට කටයුතු කර නැතැයි දකුණු පළාත් සභා මන්ත්‍රී අශෝක ධනවංශ ද සිල්වා මහතා දකුණු පළාත් සභා රැස්වීමේදී වරප්‍රසාද ප්‍රශ්නයක් මතු කිරීමත් සමග පළාත් සභාව තුළ දැඩි උණුසුම්කාරී තත්ත්වයක් ඇතිවිය.

දකුණු පළාත් සභාව එහි සභාපති සෝමවංශ කෝදාගොඩ මහතාගේ ප්‍රධනත්වයෙන් අද (08දා) උදෑසන රැස්විණි.

එහිදී අදහස් දැක්වූ ආශෝක ධනවංශ මහතා පවසා සිටියේ, දක්‍ෂිණ අධිවේගී මාර්ගයේ පින්නදූව පිවිසුමට දිවෙන පින්නදූව හා  දෙවට අතර මාර්ගය දෙපස අපද්‍රව්‍ය දමාගොස් ඇති අතර, එහි බහුලව ආහාර අපද්‍රව්‍ය පවතින  බවත්ය.

මෙම ආහාර අපද්‍රව්‍ය පෙරේදා (07දා) පැවැති මැයි දින රැලියට සහභාගි වීමට පැමිණි පිරිස් විසින් දමාගොස් ඇති බවට විශ්වාස කරන බවත්, එම මැයි රැලිය පැවැත්වූ අදාළ පක්‍ෂයේ මන්ත්‍රීවරුන්ට පළාත් සභාව අවසන් වීමෙන් පසුව ගොස් එම අපද්‍රව්‍ය පිරිසුදු කර  දීමට හැකියාව ඇති බවත් අශොක් ධනවංශ මහතා පවසා සිටියේය.

එම අවස්ථාවේදී ශ්‍රී ලංකා පොදුජන පෙරමුණට සහාය දක්වන දකුණු පළාත් සභා නියෝජ්‍ය සභාපති සම්පත් අතුකෝරළ, වීරසුමණ වීරසිංහ, ආරියවංශ සම්මු, චන්න සාලිය මෙන්ඩිස්, ඩී.වී. උපුල් යන මහත්වරු අශෝක ධනවංශ මන්ත්‍රීවරයාට දැඩි විරෝධය පළකළහ.

අශෝක ධනවංශ මහතාගේ සහායට එක්සත් ජාතික පක්‍ෂයේ මන්ත්‍රීවරුන් වන විපක්‍ෂ නායක තන්නකෝන් නිළමේ, ටී.වී.කේ. ගාමිණී, චන්දන ප්‍රියන්ත, සුමනසිරි ලියනගේ යන මහත්වරුන් අදහස් දක්වීමට යෑමත් සමග සභාව එකම ගාලගෝට්ටියක් බවට පත්විය.

එහිදී  අදහස් දැක්වූ  ශ්‍රී ලංකා පොදුජන පෙරමුණට සම්බන්ධ මන්ත්‍රීවරුන් පවා සිටියේ, මැයි දිනය අවසන් වී පැය විසිහතරක් යෑමට පෙර සියලු අපද්‍රව්‍ය ඉවත් කළ බවත්, දක්‍ෂිණ අධිවේගී මාර්ගයේ තිබූ සියලු අපද්‍රව්‍ය අක්මීමන හා හබරාදූව ප්‍රාදේශීය සභා සහ ගාල්ල මහනගර සභාව එක්ව ඉවත් කිරීම් සිදු කර අවසන් කර ඇති බවත්ය.

Southern-Provincial-Council