Author Archives: ඉන්ද්‍රමූර්ති ජයසූරිය

ලොව වේගවත් සත්ත්වයා පිළිබඳ තොරතුරු 07ක්

cheetah

01. මෙතෙක් සොයාගෙන ඇති ලෙව වේගවත්ම සත්ත්වයා ලෙස සැලකෙනුයේ චීටාය. චීටා පැයට කිලෝමීටර 112ක් පමණ වේගයකින් තම ගොදුරු වෙත ළඟාවේ. එ් උපරිම වේගය වන අතර සාමාන්‍ය වේගය පැයට කිලෝමීටර 64ක් පමණ වෙයි. 


02. චීටාගේ වේගවත්භාවයට ඔහුගේ කොඳු ඇට පේළිය (කශේරුකාව) හේතුවෙයි. එසේම වේගය වැඩි කිරීමට ඉතා දැඩි තද පේශී සහිත පාද චීටාට ඉවහල් වේ. 


03. චීටාටවන් ලෝකයේ දක්නට ඇත්තේ උතුරු, දකුණු, නැගෙනහිර අප්‍රිකානු රටවලය. ඉරානයේද චීටාටවන් සුළු ප්‍රමාණයක් ඇති බව පැවසේ.


04. චීටාට ගොදුරුවන සතුන් අතර antilop gasell, Wildbeest හා Impala යන මුවන් විශේෂයයි. බොහෝ විට චීටා කුසගිනි දැනුණු විට පමණක් දඩයමක් කරන්නට පෙළඹෙන සත්ත්වයෙකි.


05. චීටා ගැහැනු සත්ත්වයෙකු පැටවුන් තුනත් හතරත් අතර ප්‍රමාණයක් බිහි කරයි. මව විසින් සති හතක් පමණ ගතවීමෙන් පසු පැටවුන්ට ගොදුරු සෙයාගැනීමට පුහුණු කරයි.


06. වර්ෂ 2016දී ලෝකයේ චීටාවන්ගේ ගහනය 7000 – 8000 තරම් සුළු ප්‍රමාණයක් බව සත්ත්ව විද්‍යාඥයන් සඳහන් කරයි. ඒ අනුව චීටා ලොකයේ ඉතා දුර්ලභ වඳවීමේ තර්ජනයට ලක්ව ඇති සත්ත්වයෙකි.


07. චීටාවන්ගේ වාසභූමි අහිමි වීම හා චීටාවන්ව දඩයක්කරුවන් විසින් දඩයම් කිරීම නිසා චීටා වඳවීමේ ප්‍රධාන හේතුය. වාසභූමි අහිමිවීමෙන් ගොදුරු නොමැතිව බඩගින්නේ සිට චීටාවන් මිය යාමටද සිදුවී ඇත.  එසේම ආහාර හිඟකමින් පැටවුන් බිහිකිරීමේ ශක්තියද ඔවුනට හීන වී ඇති බව සත්ත්ව විද්‍යාඥයන් සඳහන් කරයි.  

රැකියා ස්ථානයේ ප්‍රියමනාප අ‍ෙයකු ලෙසින් හා ඔබද සතුටින් සේවය කිරීමට මෙම කරුණු 7 අනුගමණය කර බලන්න

ඇසුරු කරන්නන් අතරෙ හොඳ පිළිගැනීමක් තිබෙන, ප්‍රියජනක කතාබහකට නැතිවම බැරි, ප්‍රිතිමත් හා සෞම්‍ය ගතිගුණ ඇති තැනැත්තකු ලෙස නමක් දිනාගැනීමට ඕනෑම පුද්ගලයකු කැමතිය. දවසේ වැඩි කාලයක් අප ගතකරනු ලබන රැකියා ස්ථානය තුල ප්‍රියමනාප පුද්ගලයකු වීමෙන් තමන්ගේ සතුටද වර්ධනය වනු ඇත.


imagesYGMAWTQ1

01 තමන් අකැමැති අන්දමේ නිලධාරියකු යටත්ව සේවය කිරීමේදී හෝ කිසිදු උද්‍යෝගයක් දැනවීමට නොහැකි අංශයක සේවය කිරීමට සිදුවුවහොත් සිනාමුසුව ධෛර්යයෙන් හා ඉවසීමෙන් යුතුව එළඹුණු අවස්ථාවට මුහුණදිය යුතුය.


02. ඕනෑම තරාතිරමක පුද්ගලයකු අතින් වැරදීම් සිදුවිය හැකිය. එය කාර්යාලයීය සගයන්ගෙන්, පහළ මට්ටමේ සේවකයන්ගෙන් මෙන්ම ඉහළ නිලධාරීන්ගෙන්ද විය හැකිය. අන් අයගේ වැරදීම් හමුවේ නොකිපෙන පුද්ගලයෙක් බවට ඔබ පත්වන්නේ නම් සුහද මිතුරු කැළක් ඔබ වටා රොක් වනු ඇත. ඉන්පසු ඔවුනගේ වැරදි සුහදව පෙන්වා දෙන්න.


03. සේවකයකුගේ වරදක් හේතුවෙන් නිරන්තරයෙන් ප්‍රසිද්ධියේ බැණවදින නිලධාරීන් හේතුවෙන් පෞද්ගලික අංශයේ මෙන්ම රාජ්‍ය අංශයේ ආයතනවලද ගරුත්වය විනාශ වෙයි.සෑම තැනැත්තකුටම ඔහුට හිමි ගෞරවනීය බවක් හා පෞද්ගලිකත්වයක් ඇති බව අප විසින් මතක තබාගත යුතුයි. යම් අයකුට සිදුකරන වරද පෞද්ගලිකව පෙන්වාදීමෙන් වඩාත් සුබවාදී ප්‍රතිඵල අත්කරගත හැකිවෙයි. එසේ කිරීමෙන් ඔබට ප්‍රිය කරන පුද්ගලයකුසේම ඔබට ඉතාමත් ගරුකරන පුද්ගලයකු එක්වනු ඇත.


04. අන්‍යයන්ගේ ශාරීරික අඩුපාඩුකම් දැක ඊට සිනාසීමට, ඒ පිළිබඳව කතා කිරීමට පුරුදු නෙවන්න. කතා-බහ ගමන්-බිමන් ආදියෙහි අඩුපාඩුමක් ඇති පුද්ගයන් සිටියි. කිසියම් පුද්ගලයකුගේ ශාරීරික අඩුලුහුඬුකමක් විවේචනය කරමින් සිනාසෙන්නන් පිළිබඳ ඕනෑම කෙ‍ෙනකු තුළ උපදින්නේ නො පහන් හැඟීමකි. සෑම විටම එවන් පුද්ගලයන් තම සේවා කරන ස්ථානයකදී ඔවුන්ව, ඔවුන්ගේ සේවා පිළිබඳ අගයා කතා කළ යුතුය.


05. ඔබේ සේවා ස්ථානයේ ඔබ ඕපාදූප කතා කරන්නකු නොවන්න. ඒ සඳහා ඔබ ගත කරනුයේ ඔබේ රාජකාරි කාලයයි. අන්‍යයන්ගේ වත ගොත පිළිබඳ නිරන්තර කතාබහ කිරීමට පෙළ‍ෙඹන අ‍ෙයකු නම් එම පුද්ගලයා ප්‍රියමනාප පුද්ගලයකු නොවනු ඇත.


06. සෑම විටම මිත්‍රශීලී සිනාවෙන් යුතුව අන්‍යයන්ට සමීප විය යුතුය. අන් අයගේ සිතිවිලි හඳුනාගැනීම තුළින් වඩාත් සමාජශීලී වන්නට ඔබට හැකියාව ඇත. උස් පහත් භේද නොතකා සෑම අ‍ෙයකු සමගින්ම වචනයකින් හො දෙකකින් සුහදත්වයෙන් කතා කළයුතුය. එවිට ඔබ අන්‍යයන් ඇසුරෙහි ඔබේ නිහතමානී බව ප්‍රදර්ශනය වේ. එවිට නොබෝ දිනකින්ම ඔබ කාර්යාලයේ නිරායාසයෙන්ම ජනප්‍රිය ප්‍රියමනාප පුද්ගලයකු වනු ඇත.


07. කර්යාලයේ සිය මිතුරන් මෙන්ම පහළ සේවකයන් සිදුකරන යහපත් හා කාර්යක්‍ෂම වැඩකටයුතු අගය කිරීමට පසුබට නෙවන්න. රැකියා ස්ථානය තුළ ඔබේ චරිත ස්වභාවයත් එබඳුදැයි මොහොතකට සිතා බලන්න. අගය කළ යුතු සහ වර්ණනා කළයුතු තැනැත්තන් නිසි පරිදි ඇගැයීමට ලක්කිරීම යනු ඔබ තුළ ඇති ප්‍රසන්න මනස විදහා පෙන්වීමකි.

ලෝක රතු කුරුස සංගමය පිළිබඳ කරුණු 7ක්

    ae01352b8f07b0e885e7a06e3ccb758501 ලෝක රතුකුරුස දිනය මැයි මස 8වැනි දිනට යෙදී ඇත. රතුකුරුස සංවිධානයේ නිර්මාතෘ ෂෝන් හෙන්රි ඩුනන්ට් මහතා උපත ලබා ඇත්තේ 1828 මැයි 8 වැනිදායි. ඔහුගේ මවුරට වූයේ ස්විට්සර්ලන්තයයි.  ඒ අනුව සෑම වසරකම මැයි මස 8 වැනිදා ලෝක රතුකුරුස දිනය සැමරේ.  


 

 

02 ඩුනන්ට් මහතා 1863-1877 කාලයේදී පැවැති යුද්ධයේ දී තුවාල ලැබූවන්ට සහන සැලසීම සඳහා ජාත්‍යන්තර කමිටුවක් පිහිටුවීය.  වර්තමානයේ ජාත්‍යන්තර රතුකුරුස සංගමය ලෙස ක්‍රියාත්මක වන්නේ එයයි.


03 රතුකුරුස සංගමය පිහිටුවා ලොවට කළ සේවය වෙනුවෙන් 1901දී ඩුනන්ට් මහතා ප්‍රථම නොබෙල් සාම ත්‍යාගයෙන් පිදුම් ලැබීය. 


SW-Flag04 රතුකුරුස සංවිධානය ආරම්භ වූ ස්විට්සර්ලන්තයට කරන ගෞරවයක් ලෙස එරට ජාතික කොඩිය මඳක් සංශෝධනය කර රතුකුරුස ලාංඡනය නිර්මාණය කර තිබේ. 


 

 

05 වර්තමානය වනවිට ලොව රටවල් 190ක පමණ රතුකුරුස සංවිධානය ක්‍රියාත්මක වෙයි. 


annual-report-2012-v-p-per-e-01444-maurer06 රතුකුරුස සංගම‍ෙය් වර්තමාන සභාපතිවරයා වන්නේ පීටර් මෝයර් මහතාය. 2012 ජූලි මසයේදී ඔහු සභාපතීත්වයට පත්වී ඇත. ඔහුද ස්විට්සර්ලන්ත ජාතිකයෙකි. 


 

 07 ශ්‍රීි ලංකාවේ රතුකුරුස සංවිධානය ආරම්භ වනුයේ 1936දීය.

 

මළ මුහුදේ විස්මිත තොරතුරු 07ක්

01 ජෝර්දානයත් ඊශ්‍රාලයත් අතර මළ මුහුද පිහිටයි. මෙහි නොගිලී ජලය මත සිටිය හැකි අතර කිමිදීමටද නොහැකිය. ඊට හේතුව වන්නේ එම ජලයෙහි ඇති අධික ලවණ සාන්ද්‍රණතාවයි. 

   4

02 මළ මුහුදෙහි ලවණතාව සාමාන්‍ය මුහුදු ජලයෙහි මෙන් අට ගුණයකි. ඊට ප්‍රධාන කාරණා දෙකකි. මළ මුහුද වෙනත් සාගර හෝ මුහුදු සමගින් සම්බන්ධ නොවීම සහ නුබියන්, සිරියන් වැනි විශාල කාන්තාරවලට මැදිව පිහිටීම නිසා අධික වාෂ්පීකරණයකින් යුක්තවීමයි.

03 මෙහි ඇති අධික ලවණ සාන්ද්‍රතාව හේතුවෙන් සාමාන්‍ය මුහුදක ජීවත්වන මත්ස්‍යයන් නොමැත. අධික ලවණතාවට ඔරොත්තු දෙන දම් පැහැති ජීවීන් විශේෂයක් පමණක් ජීවත්වන බව සාගර විද්‍යාඥයෝ පවසති.

3

 

04 ඊශ්‍රායලයත් ජෝර්දානයත් මෙම ලුණු උපයෝගී කරගනිමින් ඖෂධ වර්ග, විවිධ රසායනික ද්‍රව්‍ය, තීන්ත වර්ග සහ රසායනික පොහොර නිෂ්පාදනය කරයි. පොටෑෂ්, බ්‍රෝමයිට් මැග්නීසියම් වැනි ඛනිජ වර්ගද මෙම ලුණුවල අන්තර්ගතව ඇති හෙයින් එය එම රටවලට හොඳ ආදායම් මාර්ගයක්ද වෙයි.

 

05 මළ මුහුද මුහුදු මට්ටමින් පහළ ස්ථනයක පිහිටා ඇත. මෙහි ජල මට්ටම මීටර් 420ක් මුහුදු මට්ටමට පහතින් තිබෙන අතර, ගොඩබිමේ සිට පහළට යත්ම අධික ලෙස උෂ්ණත්වයද වැඩි වේ. මෙම විශේෂිත පිහිටීමට හේතුවී ඇත්තේ පෘථිවිය නිර්මාණය වීමේදී ඇතිවූ ගිලාබැසීමක් සිදුවීමෙන් ඇතිවූ නිම්නයක් හේතුවෙනි.

1

06 මළ මුහුදෙහි ඇති කරදිය මිදී සෑදී ඇති රෝස සහ සුදු පැහැයට හුරු විශාල ලුණු කඳු සහ ටැම් මළ මුහුදේ සුන්දරත්වය වැඩි කරයි. අධික ලෙස වාෂ්පීකරණය හේතුවෙන් මෙසේ ලුණු කඳු නිර්මාණය වේ.

07 මළ මුහුද හේතුවෙන් මෙම රටවල සංචාරක කර්මාන්තයට විශාල ආර්ථික වාසි හිමිවී ඇත. වසරක් පාසා විශාල සංචාරකයන් සංඛ්‍යාවක් මෙම ප්‍රදේශයට පැමිණෙන අතර මළ මුහුදෙහි නෑමටද ප්‍රිය කරති. මෙම ජලයෙහි බැස නෑම තුළින් සමේ රෝග, ශ්වසන රෝග, වාතරෝග, සෙම් රෝග ආදී මෙන්ම විවිධ හන්දිපත් රෝග සුවවීමේ බලයක් ඇති බව මතයක් පවතියි. එමෙන්ම ලවණ මිශ්‍ර මඩෙහි බැස සිටී‍ෙමන්ද විවිධ රෝග සුව වන බව මතයක් ඇත. 

2

 

සමාජ ජාල භාවිතයේදී ඔබ පිළිපැදිය යුතු ආචාර ධර්ම 7ක්

01. සමාජයේ ගැටලුකාරී තත්ත්වයන් ඇතිවීමට හේතුවන සිද්ධීන් හෝ ක්‍රියාකාරකම් ගැන (ආගමික, දේශපාලන හෝ වෙනත්) විස්තර පළ කිරීමෙදී ඒවා නියම ආකාරයෙන් කරුණු දැන පමණක් පළ කරන්න.


02. නිරුවත් පින්තූර, මත්පැන් හෝ මත්ද්‍රව්‍ය වැනි සමාජ විරෝධී දේවල් ප්‍රචාරය සඳහා සමාජ ජාල හෝ අන්තර්ජාලය යොදා නොගන්න.


03. වෙනත් පුද්ගලයන්ගේ රුව යොදාගෙන පෝස්ටර් නිර්මාණය කිරීම වැනි කටයුතු නොකරන්න. කිසිවිටකත් වෙනත් පුද්ගලයන්ගේ මුහුණු පින්තූරවලට බද්ධ කිරීම වැනි කටයුතු නොකරන්න. ඒවා ෆේස්බුක් වැනි ප්‍රසිද්ධ සමාජ ජාලා තුළ තහනම් කටයුත්තක්ද වේ.


04. ඔබ විනෝදය සඳහා ජංගම දුරකථනයෙන් පින්තූර ගැනීමේදී ඒවා සමාජ ජාල තුළට ස්වයංක්‍රීයව ඇතුළත් වනසේ සකසා ඇතිදැයි සැලකිලිමත්වන්න. එවැනි විටක කිසිවකු (මිතුරන් , පවුලේ අය හෝ වෙනත්) අපහසුතාවට පත්වන ආකාරයේ පින්තූර ගැනීමෙන් වළකින්න. යම්හෙයකින් එවැනි දෙයක් තුන්වන පාර්ශ්වයක් සතු වුවහොත් ඇතිවන තත්ත්වය ගැන සිතා බලන්න.


05. විවිධ පුද්ගලයන් ඉලක්ක කර නිර්මාණය කරන ලද මඩ පෝස්ටර හෝ විකෘති කරන ලද පින්තූර ආදිය ප්‍රසිද්ධ කිරීමෙන් වළකින්න. බොහෝවිට මෙවැනි ප්‍රචාර පෞද්ගලික පළිගැනීම් සඳහා නිර්මාණය කරන ලද ඒවා වේ. එවැනි දෑ ඔබගේ ගිණුමේ පළ කිරීමෙන් වළකින්න. එවැනි ප්‍රචාරයක් ඔබගේ සොයුරාට / සොයුරියට හෝ ඔබටම සිදුවුවහොත් ඇතිවිය හැකි තත්ත්වය ගැන අවබෝධ කරගන්න. එබැවින් එවැනි පුද්ගලයන් අපහසුතාවට ලක් කරන කටයුතුවලින් වළකින්න. 


06. කිසිවකුගේ සමාජ ජාල ගිණුුම්වලට හොරෙන් ඇතුළුවීමට හෝ ඒවා අවභාවිත (misuse) කිරීමට උත්සාහ නොකරන්න. අත්වැරදීමකින් ඔබ අතට පත්වූ යම් අ‍ෙයකුගේ ගිණුමක් ඇත්නම් එයින් ඔවුන් අපහසුතාවට පත්වන ආකාරයේ දෑ පළකිරීමෙන් වළකින්න. ඔබ එය පසුව මකා දැමීමට සිතා විනෝදය පිණිස කරන ලද්දක් වුවත් එය දකින ඕනෑම අයෙකුට එහි පින්තූරයක් (screenshot) රැගෙන තබාගත හැකි බව අමතක නොකරන්න.


07. යම් තොරතුරක් ඔබගේ සමාජ ජාලයේ හෝ අන්තර්ජාලයේ පළකිරීමට පෙර හොඳින් සිතා බලන්න. ඔබ වැඩිදුර නොහිතා පළකරන දෑ තුළින් අනපේ්ෂිත සිද්ධීන්වලට මුහුණ පෑමට සිදුවනු ඇත. අන්තර්ජාලය ප්‍රවේශමෙන් පරිහරණය කළ යුතු බව මතක තබාගන්න.

එදිනෙදා ජීවිතයේ සිදුවීම් 7ක විද්‍යාත්මක පැතිකඩ

01. අක්මාවේ ආබාධ ඇති අයට තෙල් ආහාර සුදුසු නොවෙයි. 

අක්මාවේ ඇති පිත්යුෂයෙන් තෙල් සහිත ආහාර තෛලෝදකරණය කරයි. අක්මාවේ ආබාධ ඇතිවිට තෛලෝදකරණය නිසි ලෙස සිදුනොවෙයි. තවද තෙල් සහිත ආහාර ගැනීමෙන් අක්මාවෙන් පිත් යුෂ ශ්‍රාවයට උත්සාහ කරයි. ඒ හේතුවෙන් අක්මාවෙන් සිදුවන කාර්යයන් තව තවත් වැඩි වීමෙන් ආබාධය උත්සන්න වේ.


02. ඇතැම් ශාකවල අත්තක පොතු වළලු ආකාරයට ගැසු විට එහි ඵලදාව වැඩිවේ.

ශාකයක ආහාර පරිවහනය සිදු වන්නේ ප්ලෝයම පටක මගිනි. පොතු වළලු ගැසීමේදී එම ස්ථානයෙන් ප්ලෝයම පටකය සම්පුර්ණයෙන්ම ඉවත් වන බැවින් පත්‍ර මගින් නිපදවන ආහාර ශාකයේ පහළ කොටස් කරා පරිවහනය නොවී එහි රුස්වේ. වැඩි ආහාර ප්‍රමාණයක් රුස්වෙන බැවින් එහි සෑදෙන ඵල ප්‍රමාණයද වැඩිවේ.


03. අහසින් මාළු වැටීම

ඇතැම් අවස්ථාවල යම්යම් ප්‍රදේශවලට වර්ෂාවත් සමග හෝ වර්ෂා නොමැතිව සුළඟ සමග අහසින් කුඩා මසුන් වැටීමක් සිදුවෙයි. එහෙත් අහසෙහි මාළුන් නොමැත. මෙය සිදුවන්නේ ජලාශ ආශ්‍රිත හෝ මුහුද ආශ්‍රිත ප්‍රදේශයකට ටො‍ෙන්ඩෝ තත්වයක් ඇතිවී එහි සිටින කුඩා මසුන් ඇතුළු ජීවීන් අධික වේගයෙන් අහස දෙසට ඇදී යයි. එසේ ඇදීගිය මසුන් ටො‍ෙන්ඩෝවෙහි ශක්තිය අඩුවී ගොස් අහසෙහි සිට එම ප්‍රදේශයටම හෝ ඉන් බැහැර ස්ථානයකට නැවත වැටෙයි.   


04. එළවළු වෙ‍ෙළඳ පොළවල ඇතැම්විට අ‍ෙලවිකරන එළවළුවල පැහැයට සමාන පැහැයක් ඇති පොලිතින් ආවරණයකින් තාවකාලික වහලයක් සකසයි.

එළවළුවල පැහැයට සමාන පැහැයක් ඇති පොලිතින් ආවරණයක් ඇතිවිට සුර්යාලෝකය එ් හරහා ගමන් කිරීමෙන් එහි වර්ණය තව තවත් වැඩිවෙයි. එහි එළවළුවල පැහැය වැඩිවීමක් සිදුවෙයි.


05. හුමාලයෙන් පිළිස්සීම තදබලය.නටන ජලයට වඩා හුමාලයේ අඩංගු තාප ප්‍රමාණය වැඩිය.

හුමාලය සමට වැදුණු විට මෙම අතිරේක ගුප්ත තාපයද පිළිස්සීමට දායක වේ. නටන ජලයෙන් මෙම අතිරේක තාපය නොලැබේ.


06.  සෑම විටම අහසේ දේදුන්නක් දැකිය හැක්කේ වරෂාවක් ඇතිවීමෙන් පසුව හෝ සිහින් වරෂාවක් ඇතිවිටකය

සූර්යාලෝකය කුඩා ජල බිඳු හරහා ගමන් කිරීමෙන් එය වර්ථනය ලක්වී වර්ණාවලියක් ඇතිවීමේ සංසධ්දියි. මෙම ක්‍රියාවලිය සුර්යයා හොඳින් ඇතිවිට හා වර්ශා සහිත අවස්ථාවක දේදුන්නක් ඇතිවෙයි.


07. ඉඳිකටු පාවිච්චියට නොගන්නාවිට ඇළුමිනියම් පත්‍රව ඔතා තබයි. 

ඉඳිකටු තනා ඇත්තේ වානේවලිනි. වානේ සාමාන්‍ය පරිසරයේදී ජලවාශ්ප සමග එක්වීමෙන් මළ බැඳිමක් සිදුවෙයි. එහෙත් ඇළුමැනියම් සාමාන්‍ය පරිසරයේ ජලවාෂ්ප සමට එක්වීමෙන් මළ බැඳී විඛාදනයක් සිදුනොවෙයි.  එම නිසා ඉඳිකටු පාවිච්චියට නොගන්නාවිට ඇළුමිනියම් පත්‍රයක ඔතා තබයි.   

යුනිසෙෆ් සංවිධානය පිළිබඳ කරුණු 7ක්


01. එක්සත් ජාතීන්ගේ අන්තර් ජාතික ළමා අරමුදල ලෙස හඳුන්වන, යුනිසෙෆ් සංවිධානය වර්ෂ 1946 දෙසැම්බර් මස 11දා පිහිටුවා තිබේ. එහි ප්‍රධාන කාර්යාලය ඇමෙරිකා එක්සත් ජනපදයේ නිව්යෝක් නගරයේ පිහිටුවා තිබේ.


02. යුනිසෙෆ් සංවිධානයේ ප්‍රධාන අරමුණ වූයේ දෙවන ලෝක යුද්ධයේදී පීඩාවට පත් වූ දරුවන්ට පිහිටවීම සඳහා විශේෂ අරමුදලක් පිහිටුවීමයි. ඉන් ප්‍රමුඛස්ථානය හිමිවන්නේ සංවර්ධනය වෙමින් පවතින රටවල ළමුන්ගේ අභිවෘද්ධිය උදෙසා ක්‍රියා කිරීමයි.


03. වර්තමානය වන විට ලෝකයේ රටවල් 190ක මෙය ක්‍රියාත්මක වන අතර විශේෂයෙන් යුද්ධ පවතින රටවල දරුවන්ගේ සුබසිද්ධිය පිණිස මොවුහු කටයුතු කරති. වයස අවුරුදු 05ට අඩු ළමයින්ට සෑදෙන රෝග මැඬලීම සඳහාද වැඩි අවධානයක් මොවුන් යොමු කරයි.


04. නිව්මෝනියාව, පාචනය, ක්ෂය රෝගය, සරම්ප, කක්කල් කැස්ස, පෝලියෝ ආදී රෝගවලින් දරුවන් බේරා ගැනීම වෙනුවෙන් යුනිසෙෆ් සංවිධානය විශාල උත්සාහයක් දරන අතර,  ඒ සඳහා විශාල මුදලක් ඔවුන් වෙන් කරයි.


05. 1989දී එක්සත් ජාතීන්ගේ මහා මණ්ඩලය ළමා අයිතිවාසිකම් පිළිබඳ වූ ප්‍රඥප්තිය පිළිගැන්වීමෙන් පසුව යුනිසෙෆ් සංවිධානය විසින් පළමු වරට වර්ෂ 1990 සැප්තැම්බර් මාසයේදී ළමයි සඳහා ලෝක සමුළුවක් පවත්වා තිබේ.


06. එක්සත් ජාතීන්ගේ සංවිධානයේ ප්‍රඥප්තියට අනුව, ළමා අයිතිවාසිම් පිළිබඳව කාර්යයන් තවත් ව්‍යාප්ත කරමින් අධ්‍යාපනය නොලබන දරුවන්ට අධ්‍යාපනය ලබාදීම, යුද්ධය හෝ මෙහෙකාර සේවයට දරුවන් පත්වීම වළක්වා ගැනීම සහ එම දරුවන්ට ආරක්ෂාව ලබාදීම, වද හිංසාවලට භාජනය වූ දරුවන්ට ආරක්ෂාව සැපයීම වැනි ළමා සුබසාධන කටයුතු සඳහා සේවාවන් ඉටු කිරීමට මුදල් ප්‍රතිපාදන වෙන්කිරීමට යුනිසෙෆ් සංවිධාන පෙළඹිණි.


07. යුනිසෙෆ් සංවිධානයේ පනස්වැනි සංවත්සරය වෙනුවෙන්  ශ්‍රී ලංකාවද 1996 වසරේදී මුද්දරයක් නිකුත් කළේය. තවද, ලොව දරුවන් සඳහා සිදුකරන මෙහෙවර වෙනුවෙන් වර්ෂ 1965 ඔක්තෝබර් මාසයේදී යුනිසෙෆ් සංවිධානයට නොබෙල් ත්‍යාගය හිමිවී තිබේ.

 

ඔරිගමි පිළිබඳ කරුණු 7ක්

1 'ඔරිගමි’ ලෙස අදහස් කරනුයේ ‘කඩදාසි නැමීම යන්නයි. 'ඔරි’ යනු ජපන් භාෂාවෙන් නැමීම යන අදහස දෙන වචනයක් වන අතර ‘ගමි’ යනු ‘කඩදාසි' යන තේරුම දෙන ජපන් වචනය.


2 ජපානය කියූ සැනින් කිමෝනාව ඔවුන්ගේ අනන්‍යතාවේ ප්‍රබල සලකුණක් වෙයි.එසේම ඔවුන්ගේ අනන්‍යතාවේ තවත් ප්‍රබල සලකුණක් වන්නේ ඔරිගමි කලාවයි.


3 දරුවන්ගේ බුද්ධි වර්ධනය වීම සඳහාත් ‘ඔරිගමි කලාව ඉතා වැදගත් වේ. වැඩිහිටියන්ගේ  ආතතිය නැති කර ගැනීමට මෙය විනොදාංශයක් ලෙස යොදාගත හැකිය.


4 වර්තමානයේ ලොව පුරාම රටවල මෙය ප්‍රචලිත අතර නව නිර්මාණ බිහිකිරීමට සේම හැඩ තල නිර්මාණයේදී සරල ගණිත සංකල්ප ඉගෙන ගැනීමට ද ඔරිගමි වි‍ෙශ්ෂ වෙයි.


5 ජපන් ඔරිගමි කලාව කොටස් දෙකකට බෙදෙයි. ඉන් එකක් ලෙස තෑගි එතීම සඳහා භාවිත කරන ‘ඔරිගමි කලාවයි. අනෙක නම් කුරුල්ලන්, සතුන්, මාළුවන්, මිනිස් රූප සහ වෙනත් ද්‍රව්‍ය සැකසීමට භාවිත කරන ‘ඔරිගාමි කලාවයි.


6 ජපානයේ සංස්කෘතික උත්සව, උපන්දින හා විවාහ උත්සවලදී  සැරසිලි සඳහා ඔරිගමි කලාව යොදාගනු ලබන අතර උත්සවයන්ට සහභාගි වන්නන්ගේ විනෝදය පිණිසද  යොදාගනු ලබයි.


7 හිරෝෂිමා සහ නාගසාකි නගරවල පරමාණු බෝම්බ හෙළීමේ සිහිවටන පිහිටි උද්‍යානවල තිබෙන ‘ඔරිගමි කොකුන් විශාල වශයෙන් තබා ඇත.

origami-210114_960_720

අයිස්ලන්තය පිළිබඳ කරුණු 7ක්

1. වර්ග සැතපුම් 40,000ක් පමණ විශාල දිවයිනක් වන මෙම රාජ්‍යය උතුරු අත්ලාන්තික් සාගරයේ ආක්ටික් වෘත්තයට සමීපව පිහිටා තිබේ.

 

2.ඉතා අලංකාර දිවයිනක් වන මෙහි දූපත් කිහිපයක්ද වේ. කුඩා මුහුදු තීරයක් ඇති මුත් එහි ගල්පර බහුල වේ. මෙහි මධ්‍යගත භූමිය යමහල් පස් හා ලාවා පස් සහිතය.

 

3. අයිස්ලන්තයේ ගිනිකඳු 100කට වැඩිගණනක්ද, උණුදිය උල්පත් කිහිපයක්ද වේ. මෙහි ප්‍රධාන ගංගාව ජෝතුල්සා වන අතර විශාල විල් කිහිපයක්ද, උස් දිය ඇලිද පිහිටා තිබීම විශේෂත්වයකි.

 

4. ක්‍රි.ව. 800දී පමණ අයිරිෂ් ජාතික පූජක පිරිසක් මුලින්ම අයිස්ලන්තයට පැමිණ ඇති බවට පැවසේ. පසුව නොර්වේජියානු ජාතිකයන් මෙහි සංක්‍රමණය වීමත් සමග මෙම පූජකයන් එරට අතහැර ගොස් තිබේ. ඔවුන්ද මෙම භූමියේ සතුන් ඇතිකිරීමට ඇති නොහැකියාව හේතුවෙන් රැඳී නොමැත.

 

5. ක්‍රි.ව 874දී පමණ මෙහි ස්ථිර පදිංචියට ඉන්ගෝල්ෆ් ආනසාර නැමති නෝර්වේජියානු ජාතිකයා පැමිණ ඇත. ඔහු විසින් නිරිතදිග වෙරළේ ජනපදයක් පිහිට වූ අතර එය රේක් යාවික් ලෙස හැඳින්විණි. අද අයිස්ලන්තයේ අගනුවර වී ඇත්තේද මෙම නගරයයි.

 

6.අයිස්ලන්තයේ ප්‍රධාන කර්මාන්තය වන්නේ ධීවර කර්මාන්තයයි. එහි ඉදිවන කර්මාන්තශාලා අතුරින් බොහෝමයක් මාළු ටින් කිරීම සඳහා වේ. තෘණ භූමිවල එළු, බැටළු ආදීන් ඇතිකිරීමද මෙරට සිදුකෙරේ.

 

7. වනාන්තර අඩු මෙම රටෙහි එරටට ආවේණික ශාක කිහිපයක් වැවේ. මෙහි උස් පෙදෙස හිමෙන් වැසී පවතින අතර ජනාධිපතිවරයෙක් යටතේ මෙරට පාලනය කෙරේ.

 

 

 

 

 

 

තෘප්තිමත්ව රැකියාව කිරීමට අදාල කරුණු 7ක්

waystogetandstayhappyatwork

01. රැකියාවේ ඇති ඒකාකාරී බව මඟහරවා ගැනීමට තම කාර්යාල මිතුරන් සමග එක් වී දිවා ආහාර ගැනීමට හෝ තේ පානය කිරීමට හෝ පුරුදුවන්න. 


02. තමන්ගේ රාජකාරී කටයුතු ආශ්‍රිතව ඇතිවන යම්යම් ගැටලු පිළිබඳ තමාට වඩා අත්දැකීම් ඇති නිලධාරියකු සමග හෝ ආයතන ප්‍රධානියා සමග හෝ සාකච්ඡා කිරීම වැදගත් ය. මේ සඳහා දිනකට, සතියකට හෝ මාසයකට වැනි නිශ්චිත කාලයක් වෙන්කර ගැනීමට කටයුතු කරන්න.


03. එදිනෙදා සිදුකරන රාජකාරී කටයුතුවල ක‍්‍රමානුකූල පෙළගැස්මක් හා විධිමත් බවක් ඇතිකර ගැනීම කලයුතුය.


04. මානසික අසහනයෙන් මදක් හෝ අත්මිදීමට කාර්යාලයේදී සිය මිතුරු මිතුරියන් සමඟ අල්ලාප සල්ලාපයේ යෙදීම ද වැදගත් කරුණකි. එහෙත් මේ සඳහා නිකරුණේ තම රාජකාරී කාලය ගත නො කිරීමට වගබලා ගතයුතුය.


05. රැකියාව සම්බන්ධ ගැටලු පිළිබඳ පවුලේ අන් අය සමග සාකච්ඡා කිරීම වැදගත්ය. එසේත් නැත්නම් ළඟින් ඇසුරු කරන පුද්ගල‍ෙයකු සමඟ හෝ තම ගැටලු සාකච්ඡා කිරීම සිදුකළ යුතුය.


06. තම රැකියාව නිම වීමෙන් පසු නිවසට පැමිණ තම විවේක කාලය ගතකරන අාකාරය පිළිබඳ විශේෂ උනන්දුවක් දැක්වීම ද වැදගත්ය. මෙහිදී පුවත්පත් සඟරා බැලීම, ගුවන්විදුලියට සවන්දීම, රූපවාහිනිය නැරඹීම, තම නිවසේ ගැටලු සොයා බැලීමට හා සාකච්ඡා කිරීම කළ යුතුය.


07. ඇතමෙක් කය වෙහෙසා වැඩ කරන්නේ නම් විවේකී අවස්ථාවලදී කියවීමට හුරුවීම වැදගත්ය. රාජකාරී කටයුතුවලින් ඔබ අධික ලෙස වෙහෙසට පත් වී සිටින අවස්ථාවක වුවද , ඔබ ප්‍රිය කරන සඟරාවක් හෝ පොතක්පතක් කියවීම මගින් ඔබට මානසික සහනයක් ලබාගත හැකි ය.