Author Archives: එච්.අයි.තුෂාර

අත්දැකීම් ලබාගැනීමට දුෂ්කර සේවයේ යොදවන්න – අධ්‍යාපන පරිපාලන නිළධාරීන්

අධ්‍යාපන පරිපාලන සේවයේ තුන්වන පන්තියට බඳවාගත් පිරිස්, පවතින පුරප්පාඩුවලට යොමු නොකර බහුතර පිරිසක් බස්නාහිර පළාත තුළ පිහිටි පාසල්වල සේවයට යොදවා සිටින බව අධ්‍යාපන පරිපාලන සේවයේ නිලධාරීහු සඳහන් කරති.

සීමිත තරග විභාගය යටතේ නිලධාරීන් 305ක් බඳවා ගෙන සිටින බවත්, විවෘත තරග විභාගය යටතේ 198 දෙනෙකු බඳවා ගෙන සිටින බවත් එම පිරිස් පෙන්වා දෙති.

මෙම පිරිස් සඳහා යම් අත්දැකීම් ප්‍රමාණයක් ලබාදීමට දුෂ්කර ප්‍රදේශවල සේවයට යෙදිය යුතු බවත්, මීට අමතරව දුෂ්කර ප්‍රදේශවල පවතින පුරප්පාඩු සඳහා ඔවුන්ව යොමුකළ යුතුව තිබූ බවත් එම පිරිස් සඳහන් කරති.

එම ක්‍රමවේදය භාවිතා කරන ලැබුවේ නම් වසර ගණනාවක සිට දුෂ්කර ප්‍රදේශවල සේවය කරන නිලධාරීන්ට තම මාරුවීම සකස් කරගැනීමට හැකියාව තිබූ බවද එම පිරිස් පෙන්වා දෙති.

එහෙත් බහුතර නිලධාරීන් ප්‍රමාණයකට අධ්‍යාපන අමාත්‍යාංශය, විභාග දෙපාර්තමේන්තුව හා කොළඹ හා අවට ප්‍රදේශවල ජනප්‍රිය හා ජාතික පාසල්වල නියෝජ්‍ය හෝ සහකාර විදුහල්පති තනතුරු ලබාදී තිබෙන බවද පරිපාලන සේවා නිලධාරීහු සඳහන් කරති.

එහෙත් බස්නාහිර පළාතෙන් පිට පළාත්වල පළාත් අධ්‍යාපන කාර්යාල කොට්ඨාස හා කලාප කාර්යාල තුළ අධ්‍යාපන පරිපාලන සේවයේ පුරප්පාඩු විශාල ප්‍රමාණයක් තිබෙන බවද එම පිරිස් පෙන්වා දෙති.

Ministry_of_Education

2017දී කිරිපිටි මෙට්‍රික්ටොන් එක්ලක්ෂ විසිදහසක් රටට ගෙන්වලා

දේශීය කිරිවලින් 2020 වසරේදී රට ස්වයංපෝෂිත කරන බව සඳහන් කළද පසුගිය වසරේදී කිරිපිටි මෙට්‍රික්ටොන් එක්ලක්ෂ විසිදහසක් රටට ගෙන්වා ඇතැයි ශ්‍රී ලංකා කිරි ගොවීන්ගේ ජාතික ව්‍යාපාරය සඳහන් කරයි.48e71dbd37172a0097559b99db5a9512c7f4d9bd

මේනිසා දේශීය කිරි කර්මාන්තය විශාල ලෙස විනාශ වී ගොස් තිබෙන හෙයින් එය රැකගැනීම සඳහා සත්ත්ව සංවර්ධන නිලධාරීන්, දේශීය කිරි ආශ්‍රිත නිෂ්පාදකයන් සහ රජයේ කිරි නිෂ්පාදන ආයතනයේ නිලධාරීන් ඒකාබද්ධ වී ජාතික කිරි ගොවි ව්‍යාපාරය නමින් නව සංවිධානයක් සකස් කළ බව එම සංවිධානයේ ජාතික සංවිධායක චමිල් ජයරත්න මහතා සඳහන් කළේය.

සියලුම දෙනා එකතු වී රටේ කිරි අවශ්‍යතාව දේශීයව නිෂ්පාදනය කරගැනීමට අවශ්‍ය වැඩපිළිවෙළ සකස් කළ බවත්, එම වැඩපිළිවෙළ හා ඇතිවී තිබෙන අර්බුදය පිළිබඳ කරුණු මේ මස 18 වැනිදා ජනතාවට එළිදක්වනබවත් ඔහු පවසා සිටියේය.

මේ පිළිබඳ ජනතාව දැනුවත් කිරීම මහනුවරදී ආරම්භ කරන බවද ඒ මහතා සඳහන් කළේය.

මීට පෙර වසරවලදී රටට ගෙන්වා තිබෙන්නේ වසරකට කිරිපිටි මෙට්‍රික්ටොන් හතළිස් දහසකට ආසන්න ප්‍රමාණයක් බවත්, ආනයනික කිරිපිටි සඳහා පනවා තිබූ රුපියල් 248ක බදු මුදල රුපියල් දෙක දක්වා අඩුකිරීමට වර්තාමන ආණ්ඩුව කටයුතු කිරීම නිසා රටින් කිරිපිටි ගෙන්වීම ඉහළ ගොස් තිබෙන බවත් කී හෙතෙම මේ නිසා දේශීය කිරි කර්මාන්තය කඩාවැටී තිබෙන බවද සඳහන් කළේය. 

විදුලි අර්බුදයට රජයට වැඩපිළිවෙළක් නෑ – විදුලිබල ඉංජිනේරු සංගමය

අප්‍රේල් මාසයේදී ඇතිවන විදුලි අර්බුදයට මුහුණදීම සඳහා රජයට කිසිදු වැඩපිළිවෙළක් නැතැයි විදුලිබල ඉංජිනේරු සංගමය සඳහන් කරයි.

මාර්තු මාසය වනවිට අඛණ්ඩ විදුලිය ලබාදීමට මෙගා වොට් 100ක ප්‍රමාණයක් අවශ්‍ය වන බවත්, නඩත්තු කටයුතු සඳහා නොරොච්චෝලෝ බලාගාරයේ එක් යන්ත්‍රයක් නවතා දැමීමට සැලසුම් කර තිබෙන හෙයින් ඒ හරහා මෙගාවොට් 300ක් අහිමි වීමට නියමිත බවද එම සංගමයේ කමිටු සාමාජික ඉංජිනේරු අතුල වන්නිආරච්චි මහතා සඳහන් කළේය.

powerlines-ac-power-transmission-348x196

මාර්තු මාසයට අවශ්‍ය මෙගා වොට් 100ක ප්‍රමාණය හදිසි විදුලි මිලදී ගැනීම් යටතේ මිලදී ගැනීමට සැලසුම් කළද, දීර්ඝකාලීන විදුලි ජනන සැලැස්මට අනුමැතිය ලබානොදෙන නිසා තාක්ෂණික ඇගයීම් කමිටුවට ඉංජිනේරුවන් සහභාගි නොවන බවද ඔහු පවසා සිටියේය.

රටට අඛණ්ඩව විදුලිය ලබාදීම සඳහා තම සංගමය 2018 සිට 2037 දක්වා ජනන සැලැස්මක් සකස් කළ බවත්, විවිධ පිරිස් එය කඩාකප්පල් කර දැමීමට කටයුතු කරන බවත් ඒ මහතා සඳහන් කළේය.

ජනන සැලසුම් කඩාකප්පල්කරදැමීම නිසා 2013 වසරෙන් පසු කිසිදු බලාගාරයක් ඉදිකිරීමට නොහැකි වී තිබෙන බවත්, බලධාරීන් සෑම විටම සිදුකරන්නේ හදිසි මිලදී ගැනීම් යටතේ විදුලිය මිලදීගෙන රටේ මුදල් විනාශ කර දැමීම බවත් අතුල වන්නිආරච්චි මහතා අවධාරණය කළේය.

මේ පිළිබඳ %අද^ විදුලිබල මණ්ඩලයේ මාධ්‍ය ප්‍රකාශක සුලක්ෂණ ජයවර්ධන මහතාගෙන් කළ විමසීමකදී මාධ්‍ය ප්‍රකාශකවරයා සඳහන් කළේ, මාර්තු මාසය වනවිට වියළි කාලගුණයක් පැවැතියහොත් එයට මුහුණදීම සඳහා හදිසි විදුලි මිලදී ගැනීමට තීරණය කර තිබෙන බවයි.

ඊට අදාළ ටෙන්ඩර් විවෘත කර තාක්ෂණික කමිටුවට ඉදිරිපත් කර තිබෙන බවත්, නොරොච්චෝලේ බලාගාරයේ නඩත්තු කටයුතු නිසා අප්‍රේල් මාසයේදී යම් විදුලි ප්‍රමාණයක් කෙටි කලකට අහිමි වන බවත් ඔහු පවසා සිටියේය.

මෙවන් තත්ත්වයක් තුළ වුවද අඛණ්ඩව විදුලිය ලබාදීමට අවශ්‍ය කටයුතු කරන බවත්, ජනතාවද විදුලිය අරපරිස්සමින් භාවිත කළ යුතු බවත් හෙතෙම සඳහන් කළේය.

 

සහල් කිලෝව රු.100යි වී කිලෝව රු.30යි

සහල් කිලෝවක මිල රුපියල් 100 දක්වා ඉහළ ගොස් තිබියදීත්, මේ වනවිට වෙළෙඳ පොළට පැමිණෙන වී අස්වැන්න මිලදී ගන්නේ කිලෝවක් රුපියල් 30ක් වැනි සුළු මුදලකට බව සමස්ත ලංකා ගොවිජන සම්මේලනය සඳහන් කරයි.05-376x250

සුළු වාරිමාර්ග ක්‍රම යටතේ වගා ආරම්භ කළ කුඹුරුවල වී අස්වැන්න මේ වනවිට වෙළෙඳ පොළට පැමිණෙමින් තිබෙන බවත්, මෙහිදී කුරුණෑගල, අම්පාර, අක්කරෙයිපත්තු ආදීප්‍රදේශවලින් වැඩි වශයෙන් වී වෙළෙඳ පොළට පැමිණෙමින් තිබෙන බවත් එම සංගමයේ ජාතික සංවිධායක පළාත් සභා මන්ත්‍රී නාමල් කරුණාරත්න මහතා සඳහන් කළේය.

සහල් මිල පාලනය කිරීමට බදු සහන ලබාදී සහල් ගෙන්වීමට ව්‍යාපාරිකයන්ට අවස්ථාව ලබාදුන් බවත්, එහෙත් ව්‍යාපාරිකයන් පාරිභෝගිකයන්ට සහල් අඩු මුදලට ලබාදීමට කටයුතු නොකරන බවත් ඔහු පවසා සිටියේය.

මේනිසා ඉදිරි දින කිහිපය තුළ වී ගොවියාත්, පාරිභෝගිකයාත් අසරණ කිරීම සඳහා මහා පරිමාණ මෝල් හිමියන් හා සහල් ගෙන්වන ව්‍යාපාරිකයන් සිදුකරන කුමන්ත්‍රණය මේ වනවිට පැහැදිලි වී තිබෙන බවත්, මෙම සැලැස්මට අනුව මහා පරිමාණ මෝල් හිමියන් වී මිලදී නොගන්නා බවත් ඔහු සඳහන් කළේය.

මේ අනුව අසරණ වන ගොවියා විසින් තම අස්වැන්න සුළු මුදලකට හෝ විකුණා දැමීඹට මෝල් හිමියන් වෙත යායුතු බවත්, එම තත්ත්වය උදාවීමට පෙර රජය සහතික මිලකට වී මිලදී ගැනීම සඳහා වහාම වැඩපිළිවෙළක් සකස් කළ යුතු බවත් හෙතෙම පවසා සිටියේය. 

 

ආබාධිත රණවිරුවන්ට හා රණවිරු බිරින්දෑවරුන්ට සලකන්නෙ නැතිලු

වර්තමාන ආණ්ඩුව ආබාධිත රණවිරුවන්ට හා දිවිපිදූ රණවිරුවන්ගේ බිරින්දෑවරුන්ට දක්වන්නේ කුඩම්මාගේ සැලකිල්ලක් බව මවුබිම වෙනුවෙන් රණවිරුවෝ සංවිධානය සඳහන් කරයි.

ගැටලු රාශියකට මුහුණ දී සිටින මෙම පිරිසගේ ගැටලු පිළිබඳ සාකච්ඡා කිරීමට ජනාධිපති මෛත්‍රීපාල සිරිසේන මහතා විනාඩි 10ක්වත් වෙන් නොකරන බවද එම සංවිධානයේ කැඳවුම්කරු විශ්‍රාමික මේජර් අජිත් ප්‍රසන්න මහතා සඳහන් කළේය.

ආබාධිත රණවිරුවන්ට හා දිවිපිදූ රණවිරුවන්ගේ බිරින්දෑවරුන්ට ඇතිවී තිබෙන ගැටලු පිළිබඳ සාකච්ඡා කිරීමට අවස්ථාවක් ලබාදෙන ලෙස ඉල්ලා මවුබිම වෙනුවෙන් රණවිරුවෝ සංවිධානය හා දිවිපිදූ රණවිරුවන්ගේ බිරිඳෑවරුන්ගේ සංගමය එක්ව අද (15දා) සිදුකළ පාගමනේදී කැඳවුම්කරු මේ බව සඳහන් කළේය.

එහෙත් මෙම පිරිසට ජනාධිපති ලේකම් කාර්යාලය අසලටවත් යෑමට පොලීසිය ඉඩ ලබා නොදුන්නේය.

කොළඹ ලොටස් මාර්ගය වසා දමමින් මෙම පිරිස ජනාධිපති කාර්යාලයට යෑම වැළැක්වීමට පොලීසිය කටයුතු කළේය.

_DSC0002 _DSC0010 _DSC0090

 

ඡායාරූප – ඒශාන් ප්‍රනාන්දු

විදුලිය අරපිරිමැස්මෙන් භාවිත කරන්න – විදුලිබල මණ්ඩලය

මේ වසරේ මාර්තු සහ අප්‍රේල් මාසය වනවිට අඛණ්ඩව විදුලිය සැපයීම පිළිබඳව අභියෝග ඇතිවිය හැකි නිසා විදුලිය අරපිරිමැස්මෙන් භාවිත කරන ලෙස විදුලිබල මණ්ඩලය ජනතාවගෙන් ඉල්ලා සිටියි.

මාර්තු මාසයේදී වියළි කාලගුණයක් ඇති වුවහොත් ජල විදුලි නිෂ්පාදනය අඩු වී යා හැකි නිසා මෙගාවොට් 100 ක විදුලි ධාරිතාවක් ලබාගැනීමට අවශ්‍ය කටයුතු සිදුකරමින් තිබෙන බව එහි මාධ්‍ය ප්‍රකාශක සුලක්ෂණ ජයවර්ධන මහතා සඳහන් කළේය.

මීට අමතරව අප්‍රේල් මාසයේදී නොරොච්චොලේ බලාගාරයේ එක් යන්ත්‍රයක් නඩත්තු කටයුතු සඳහා නතර කිරීමට සිදුවන බවද පවසා සිටියේය.

එහෙත් විදුලි අර්බුදයක් ඇති නොවී ජනතාවට අඛණ්ඩව විදුලිය ලබාදීමට සැලසුම් කර තිබෙන බවත්, ඒ සඳහා ජනතාවගේ සහයෝගය මේ මොහොතේ සිට අවශ්‍ය බවද හෙතෙම සඳහන් කළේය. 

powerlines1152

තැපැල් සේවක වර්ජනය නවත්වයි

තැපැල් අමාත්‍යවරයා සමග පැවැති සාකච්ඡාවලදී ගැටලු විසඳීමට අදාළව යහපත් ප්‍රතිචාර ලැබුණ බවත්, මේ නිසා හෙට (10දා) සිට ක්‍රියාත්මක කිරීමට සැලසුම් කළ අඛණ්ඩ තැපැල් සේවක වර්ජනය තාවකාලික නවතා දැමූ බවත් තැපැල් වෘත්තීය සමිති පෙරමුණ සඳහන් කරයි.SL-post

නව බඳවා ගැනීමේ පටිපාටිය ක්‍රියාත්මක කරන ලෙස ඉල්ලා හෙට (10දා) සමස්ත තැපැල් සේවකයන්ට රාජකාරියෙන් ඉවත්ව සිටීමේ වෘත්තීය ක්‍රියාමාර්ගයක් දියත් කිරීමට සැලසුම් කර තිබූ බවද එම පෙරමුණේ සම කැඳවුම්කරු චින්තක බණ්ඩාර මහතා සඳහන් කළේය.

මේ පිළිබඳව අද පැවැති සාකච්ඡාවලදී විසඳුම් ලබාදීමට පොරොන්දු වූ නිසා වර්ජනය තාවකාලිකව අත්හිටු වූ බවද හෙතෙම පවසා සිටියේය.

මීතොටමුල්ල ගිනි ගැනීමට හේතුව මෙන්න

මීතොටමුල්ල කුණු කන්ද දිගින් දිගටම ගිනි ගැනීමට ලක්වන්නේ එහි මීතේන් වායුව අධික ලෙස නිෂ්පාදනයවීම නිසා බව පේරාදෙණිය විශ්වවිද්‍යාලයේ භූවිද්‍යා අංශයේ මහාචාර්ය අතුල සේනාරත්න මහතා සඳහන් කළේය.

උෂ්ණත්වය සෙල්සියස් අංශක 40 සීමාවට පැමිණෙන විට මීතේන් වායුව  නිෂ්පාදනය ඉහළ යන බවත් ඉන්පසුව ගිනිගැනීම් ඇති වන බවද ඔහු පවසා සිටියේය.

මීතේන් වායු නිෂ්පාදනය වීම හරහා ගිනිගැනීම්වලට ලක්වීමට අමතරව පිපිරීම් ද ඇති විය හැකි බවද පවසා සිටියේය.

මේ නිසා සියලුම කුණු කඳුවල නිෂ්පාදනය කරන මීතේන් වායුව බට යොදාගෙන පිටතට ගැනීමට වැඩපිළිවෙළක් සකස් කළ යුතු බවද හෙතෙම කියා සිටියේය.

image_1493146000-3abe289f83

දූෂණ වංචා නැවැත්වීමේ වැඩපිලිවෙළ අප සතුයි – ජවිපෙ

ගමත් නගරයත් ගොඩනැගීමට වංචාව, දූෂණය නතරකර දැමිය යුතු බවත්, එම වැඩපිළිවෙළ ඇත්තේ තමන් සතුව පමණක් බවත් ජනතා විමුක්ති පෙරමුණ සඳහන් කරයි.

ගමත් නගරයත් ගොඩනැගීම සඳහා බලය ලබාදෙන ලෙස සමහර පක්ෂ ජනතාවගෙන් ඉල්ලා සිටියද,එහෙත් බොහෝ පක්ෂවල සිටින්නේ එහෙන් මෙහාට, මෙහෙන් එහාට පනින, වංචා දූෂණ චෝදනාවලට ලක්වූ හා වංචා දූෂණවලට සහයෝගය ලබාදෙන පිරිස් බවද එම පක්ෂයේ ප්‍රධාන ලේකම් ටිල්වින් සිල්වා මහතා සඳහන් කළේය.

ගමත් නගරයත් ගොඩනැගීමේ ජවය, ශක්තිය, සමගිය තිබෙන්නේ එම පක්ෂයට පමණක් බවත්, සෑම පළාත් පාලන ආයතනයක්ම ගොඩනැගීම සඳහා තම පක්ෂයට වැඩපිළිවෙළක් තියෙන බවත් ඔහු පවසා සිටියේය.

මේ වැඩපිළිවෙළ ඡන්දයට පෙර ජනතාව අතට පත් කරන බවත්, පොදුවේ මෙම මැතිවරණයේදී ගමත් නගරයත් ගොඩනැගිය හැකි වන්නේ තම පක්ෂයේ නියේජිතයන්ට බවත් ප්‍රධාන ලේකම්වරයා පවසා සිටියේය.

තම පක්ෂයෙන් ඉදිරිපත් කර සිටින්නේ වංචාවෙන්, දූෂණයෙන් තොර අපේක්ෂකයන් බවත්, මේ නිසා ජනතාවට ඡන්දය දෙන්නේ කාටද යන්න තීරණය කිරීමට අපහසු නොවන බවත් ඔහු පවසා සිටියේය.

හොරුන් අල්ලන බව හා වංචාව,දූෂණය නැති කරන බව කියමින් බලයට පත් ආණ්ඩුව හොරුන් සහ වංචනිකයන් ආරක්ෂා කරමින් වංචා, දූෂණ හා හොරකම් සිදුකරන බවද ප්‍රධාන ලේකම්වරයා පවසා සිටියේය.

කෝට්ටේ මහනගර සභාව ගොඩනැගීමේ වැඩපිළිවෙළ එළිදැක්වීමේ අවස්ථාවට සහභාගිවෙමින් හෙතෙම මේ බව පවසා සිටියේය.

til vin

මැතිවරණ පැමිණිලි 532ක් පුද්ගලයන් 114ක් අත්අඩංගුවට

‍ෙමැතිවරණ නීති උල්ලංඝනය කිරීම පිළිබඳ පැමිණිලි 532ක් ලැබීඇතැයි පොලීසිය හා මැතිවරණ නිරීක්ෂණ සංවිධාන සඳහන් කරයි.

මෙහිදී මැතිවරණ නීති උල්ලංඝනය කිරීමේ සිද්ධීන් 35ක් ලැබීතිබෙන බවත්, මැතිවරණ නීති උල්ලංඝනය කිරීම් පිළිබඳ සිදුකරන මෙහෙයුම්වලදී මැතිවරණ නීති උල්ලංඝනය කිරීමේ සිද්ධි 68ක් වාර්තා වී තිබෙන බවත් පොලිස් මූලස්ථානය සඳහන් කරයි.

මෙම සිද්ධීන්වලට පුද්ගලයන් 114 දෙනෙකු අත්අඩංගුවට ගෙන  තිබේ.

මීට අමතරව මැතිවරණ නීති උල්ලංඝනය කිරීමේ සිද්ධීන් 209ක් තමන් වෙත ලැබී ඇතැයි පැෆරල් සංවිධානය සඳහන් කරයි.

තම සංවිධානයට පැමිණිලි 114ක් ලැබී තිබෙන බව මැතිවරණ නිරීක්ෂණ ජාලය සඳහන් කරන අතර, මැතිවරණ ප්‍රචණ්ඩක්‍රියා නිරීක්ෂණ මධ්‍යස්ථානයටපැමිණිලි 106 ක් ලැබීඇතැයිඑම සංවිධානය සඳහන් කරයි.

Man_Arrested