Author Archives: ඩිලාන් ක්‍රිෂාන්ත

විවේචන මධ්‍යයේ උර්වෂි යළිත් කරළියට

 

715562

'හේට් ස්ටෝරි' චිත්‍රපට මාලාව ඉන්දියානු සිනමාව තුළ මහත් ආන්දෝලනාත්මක විය. ඒ සඳහා චෝදනා විශාල ප්‍රමාණයක් එල්ලවූ බවද අමුතුවෙන් සඳහන් කළ යුතු නොවේ. වැඩිහිටියන්ට වඩාත් සුදුසු ලේබලය යටතේ නිර්මාණය වූ %හේට් ස්ටෝරි^ චිත්‍රපටයේ හතරවැන්න එළිදැක්වීමට මේ වන විට සූදානම් බව ඉන්දියානු වෙබ් අඩවි සඳහන් කරයි. එය ලබන වසරේ මාර්තු මාසයේ එළිදැක්වීමට නියමිතව බවත්, එම චිත්‍රපටයේ ප්‍රධාන චරිතය සඳහා උර්වෂි රවුටෙලා දායක වීමට නියමිත බවත් සඳහන් වෙයි. බොලිවුඩ් සිනමාවේ සිටින සරාගී නිළියන් අතරින් කෙනෙකු ලෙස බොහෝදෙනා ඇයව හඳුන්වයි. ඇය මීට පෙරද අඩ නිරුවත් දර්ශන සඳහා දායක වී ඇති බැවින් මෙම චිත්‍රපටයේ ප්‍රධාන චරිතයට ඇය තෝරාගත් බව සඳහන් වෙයි. කෙසේවුවත් නවක නිළියක් වන උර්වෂි ක්ෂේත්‍රයට ප්‍රවිශ්ට වූයේ නිරූපිකාවක් ලෙසිනි. 
උර්වෂි රවුටෙලා සිනමා ක්ෂේත්‍රයට ප්‍රවිශ්ට වූයේ 2013 වර්ෂයේදී %සින්ග් ෂාබ් ද ග්‍රේට්^ සිනමාපටය හරහාය. ඉන්පසුව ඇයට 2014දී චිත්‍රපටයක් සඳහා අවස්ථාව ලැබුණි. එමෙන්ම එම වර්ෂයේදීම එළිදැක්වූ අන්තර්ජාතික වීඩියෝ ගීත ඇල්බමයක් සඳහාද දායක වීමට ඇයට අවස්ථාව හිමිවිය. 2015 වර්ෂයේදී චිත්‍රපට 3ක් සඳහා වරප්‍රසාද හිමිකර ගැනීමට උර්වෂි සමත් විය. ඒ අතරින් %මිස්ටර් අයිරාවාටා^ චිත්‍රපටය හරහා ප්‍රේක්ෂකයන් අතර නමක් දිනාගැනීමට උවර්ෂි සමත් විය. 2016 දී ඇයව බොහෝ ප්‍රසිද්ධියට පත්වූයේ %සනම් රේ^ චිත්‍රපටයෙන් හා විවේක් ඔබරෝයි සමග රංගනයෙන් දායක වූ 'ග්‍රේට් ග්‍රෑන් මස්ති' චිත්‍රපටය හරහායි. එම වර්ෂයේදීම ඇය රිතික් රෝෂන් ප්‍රධාන රංගනයට දායක වූ 'කාබිල්' චිත්‍රපටය සඳහාද දායක විය. 

සිනමා නිළියක් වීමට ප්‍රථමයෙන් නිරූපිකාවක් ලෙස බොහෝ කටයුතුවල නිරත වූ උර්වෂි හට චිත්‍රපට කර්මාන්තයට යොමුවීමට මූලික අඩිතාලම වූයේ නිරූපණ වෘත්තියයි. 2011 වර්ෂයේදී 'මිස් ටුවරිසම් ක්වීන් ඔෆ් ද ඉයර්' ලෙස චීනයේදී ඇය කිරුළ දැරීය. ඒ වන විට ඇයගේ වයස අවුරුදු 17කි. 2011 වර්ෂයේදී දකුණු කොරියාවේදී %මිස් ඒෂියන් සුපර් මොඩ්ල්^ ලෙසද ඇයව නම් කෙරුණි. 2012 වර්ෂයේදී %මිස් යුනිවර්ස් ඉන්දියා 2012^ ලෙස උර්වෂි කිරුළ පලඳින ලදී. නිරූපිකාවක් ලෙස ක්ෂේත්‍රයට පැමිණ අධ්‍යාපනයෙන්ද සාර්ථකත්වයට පැමිණි ඇය ඉංජිනේරු අංශයෙන් සහ තොරතුරු තාක්ෂණයෙන් උපාධිධාරිනියකි. කෙසේවුවත් දක්ෂ රංගන ශිල්පියෙකු වුවත් ඇයව බොහෝදෙනා විවේචනය කරනු ලබයි. ඒ ඇයගේ ඇතැම් චිත්‍රපටවල රංගනයන් නිසා බවයි සඳහන් වන්නේ.

9d24a9e1ced4ff5c5eec050624b3a502--beautiful-mind-beautiful-ladies 500463b58cc34894828c7be88ac88beb

 

මූර්ති කලාවේ දැවැන්ත චරිතයක් වූ Luo Li Rong

නිර්මාණයන් විවිධ වූ මාධ්‍ය ඔස්සේ ගෙන හැර පෑමට දක්ෂ නිර්මාණ ශිල්පීන්ට හැකියාව තිබේ. ඔවුන් විසින් භාවිත කරන නිර්මාණ මාධ්‍ය කුමක් වුවද ඒ මගින් දක්ෂතා පිළිබිඹුු කිරීමට ඔවුන්ට හැකියාව තිබේ. එවැනි නිර්මාණ මාධ්‍යයක් ලෙස මූර්ති කලාව හැඳින්විය හැකිය. මුර්ති කලාව ඔස්සේ අද ලෝකයේ බොහෝ රටවල්වල ඉතිහාසය පිළිබඳව කතාකරනු ලබයි. එවැනි ඓතිහාසික නිර්මාණ ඇතැම් විට ලෝකයේ බොහෝ දෙනෙකු අතර ජනප්‍රියත්වයට පත්ව තිබේ. එවැනි මූර්ති නිර්මාණ ශිල්පිනියක් පිළිබඳව කතාබහ කිරීමටයි මෙවර අපි සූදානම් වන්නේ. ඇය නමින් Luo Li Rong වෙයි. බෙල්ජියමේ උපන් ඇයගේ වෘත්තිය වන්නේද මෙම මූර්ති නිර්මාණ ශිල්පයයි. 1980 වර්ෂයේදී උපන් Luo තම ඉගෙනීමේ කටයුතුද අවසන් කරනු ලැබුවේ මූර්ති කලාව ඔස්සේය. 1998 සිට 2000 වර්ෂය දක්වා %චන්ජ්ෂා කලා පාසලේ^ මූර්ති කලාව පිළිබඳව අධ්‍යාපනය හදාරා තිබේ. ඇය උපාධිය ලබාගන්නේ 2005 වර්ෂයේදීය. ඒ බෙලිජියමේ Central Academy of Fine Art නම් විශ්වවිද්‍යාලයෙනි. 

bio

මේ ආකාරයෙන් තම මූර්ති කලාව පිළිබඳව අධ්‍යාපනය අවසන් කිරීමට ඇයට හැකියාව ලැබිණි. Luo නිර්මාණය කළ මූර්ති නිර්මාණයන් සහිත මහජන ප්‍රදර්ශනයක් පවත්වනු ලැබුවේ 2001 වර්ෂයේදීය. ඇයගේ පළමු මූර්ති ප්‍රදර්ශනය වූ එය පැවැත්වූයේ බෙල්ජියම් හිදීය. ඉන්පසු නැවතත් ඇය ප්‍රදර්ශනයක් පවත්වනු ලැබුවේ 2003 වර්ෂයේදීය. ඒ ආකාරයෙන් Luo 2008 වර්ෂයේදී ප්‍රංශය සඳහා තම නිර්මාණ රැගෙන යන ලදී. එහිදි මූර්ති නිර්මාණ ප්‍රදර්ශනයක් පවත්වන ලදී. ඒ ආකාරයෙන් රට රටවල තම නිර්මාණ පිළිබඳව මහජනතාව දැනුවත් කරන ලදී. 2014, 2015, 2016 වැනි වර්ෂවල ප්‍රදර්ශන කිහිපයක්ද පවත්වන ලදී.

තම වෘත්තිය ආරම්භයේදී ඇය විසින් සිදුකරනු ලැබූ නිර්මාණයන් බොහෝදෙනා අතර කතාබහට ලක්විය. ඒ 2002 වර්ෂයේදීය. බෙල්ජියමේ පැවැත්වූ ඔල්ම්පික් ක්‍රීඩා උලෙළ සඳහා අනුස්මරණ පිළිරුවක් නිර්මාණය කරනු ලැබීය. ඒ ඇයගේ පළමු දැවැන්ත මූර්ති නිර්මාණය බව විදෙස් මාධ්‍ය සඳහන් කරයි. ඉන්පසු ඇයට පැරිස්හි සුප්‍රසිද්ධියට පත් වැන්ග් ඩූ නම් මූර්ති ශිල්පියාගේ සහායකයා ලෙස සේවය කිරීමට අවස්ථාව උදාවී තිබේ. ඒ 2005 වර්ෂයේදීය. ඇය ඔහුගේ සහායකයෙකු ලෙස වසරක කාලයක් සේවය කර තිබේ.

sz8_16_art

ඉන්පසු 2007 වර්ෂයේදී Luo හට කලාගාරයක සේවය කිරීමට අවස්ථාව උදා වී තිබේ. එම කලාගාරයෙන් 2008 වර්ෂයේදී ඉවත් වූ ඇය 2009 වර්ෂයේදී මූර්ති විද්‍යාලයක ආචාර්යවරියක් ලෙස සේවය කිරීම ආරම්භ කරන ලදී. මේ වනවිටත් ඇය එම පාසලේ ආචාර්යවරියකි. තම වෘත්තියට අමතරව නිදහස් කාල වේලාව තුළ තමන්ගේ නිර්මාණයන් සිදුකරන බව ඇය පවසයි. ඉදිරියටත් තමන්ගේ දැනුම සහ හැකියාව මුළු ලෝකයත් සමග බෙදා ගැනීම Luo ගේ ජීවිතයේ ඇති ලොකුම බලාපොරොත්තුව බව පවසයි.

IMG_3516-1-768x512 realistic-female-sculptures-luo-li-rong-fb6__700-png IMG_3512-768x512 IMG_3427-768x512 101122_2_m 40141c9eab2747533b20242c6f2661a1

පුංචි කාලේ ක්‍රීඩිකාවක් වෙන්න හිටිය මම අන්තිමේදි නිළියක් වුණා

චූලක්ෂි රණතුංග නිරූපණ ක්ෂේත්‍රය තුළ බොහෝ ඇගයුම් ලබමින් මෙරටට කීර්තියක් ලබාදුන් නිරූපණ ශිල්පිනියකි. එළඹෙන 12 වැනිදා සිට EAP සිනමාහල්වල තිරගත වන %දේදුනු ආකාසේ^ චිත්‍රපටයේ ප්‍රධාන චරිතය නිරූපණය කරන චූලක්ෂි සිය කුලුඳුල් චිත්‍රපටය සහ නිර්මාණ කටයුතු පිළිබඳ 'අද' කතාබහට මෙලෙස එක්වූවාය.


Q පළමු චිත්‍රපටය වන 'දේදුනු ආකාසේ' ගැන කිව්වොත්?

මගේ පළමුවෙනි චිත්‍රපටය තමයි මේක. මෙහි අධ්‍යක්ෂ ප්‍රියන්ත කොළඹගේ මහතා ස්ක්‍රීන් ටෙස්ට් එකක් තියෙනවා කියලා මොඩ්ල්ස්ලට මැසේජ් එකක් දීලා තිබ්බා. ඒ ස්ක්‍රීන් ටෙස්ට්වලට විශාල නිරූපිකාවන් සංඛ්‍යාවක් සහභාගි වුණා. ඒ වගේම මිස් ශ්‍රී ලංකා ටයිට්ල් එක තියෙන කට්ටියත් ඒකට ආවා. එහෙම ගියපු කෙනෙක් මම. එතනින් තමයි මාව ඒ සඳහා තෝරාගත්තේ.

VI3A8619

Q මෙය ඔබේ පළමු චිත්‍රපටය වීම ගැන මොකද හිතෙන්නේ?

මගේ පළමුවෙනි චිත්‍රපටය නිසා, ආසාව කුතුහලය බලාපොරොත්තු ගොඩක් තිබුණා. ඉදිරියේදී තමයි ඒ දේ බලාගන්න වෙන්නේ. මොකද ප්‍රේක්ෂකයන් බලලා ලැබෙන ප්‍රතිචාරවලින් තමයි දැනගන්න පුළුවන් වෙන්නේ මම ඒ චිත්‍රපටයට සාධාරණයක් කළාද කියලා.

Q නිරූපිකාවක ලෙස ක්ෂේත්‍රය තුළ බොහෝදෙනා දැන හැඳිනගත් ඔබ දැන් රංගන ශිල්පිනියක් ?

ඔව්, ඇත්තටම ගොඩක් කට්ටියගේ හීන වෙන්නේ මේ දේ තමයි. බොලිවුඩ් වුණත් මොඩ්ලින්වලින් තමයි පටන් ගන්නේ රංගන ශිල්පියෙකු හෝ ශිල්පිනියක වෙන්න. ඇත්තටම මගේ නම් මිස් ශ්‍රී ලංකා ජයග්‍රහණය කරපුවාම බලාපොරොත්තුවක් තිබුණෙ නැහැ රංගන ශිල්පිනියක් වෙන්න. රංගන ක්ෂේත්‍රය තුළ කටයුතු කරන්න. නමුත් දැන හිතෙනවා අපරාදෙ ඒ කාලෙ ඒ දේ කළා නම් කියලා. මොකද 2014 දි තමයි මම මිස් ශ්‍රී ලංකා වුණේ. ඒ කාලෙම මේ බලාපොරොත්තුවත් එක්ක ගියා නම් ගොඩක් හොඳයි කියලා හිතුණා. කවදාවත් හිතුවෙ නැති පැත්තක් තමයි මේ. මම පුංචි කාලේ හොඳ ක්‍රීඩිකාවක්. ක්‍රීඩාව පැත්තෙන් තමයි මගේ දක්ෂකම් තිබුණේ. මට හිතුණා රංගනයට මට දක්ෂතාව නැති වෙයිද කියලා. මම මුලින්ම නිරූපණ ක්ෂේත්‍රය එන්නේ රොසෑන් ඩයස් මහත්මියගේ මාර්ගයෙන්. මේ චිත්‍රපටයට තෝරගනිද්දී හේමාල් රොසෑන් අක්කාගෙන් අහලා තිබ්බා මිස් ශ්‍රී ලංකා හරි, මොඩල්ස්ලා හරි ඉන්නවාද කියලා. රොසෑන් අක්කා තමයි මාව කියලා තිබ්බේ. එයාගේ රෙකමන්ඩේෂන් එකයි, අනිත් දේවල් එක්කයි තමයි චිත්‍රපටයට අවස්ථාව ලැබුණේ. අනිත් අයගේ අඩිතාලම වුණේ නිරූපණය. මගේ අඩිතාලම ගැන වැඩිය හිතුවෙ නැති වුණත්, දැන් හිතෙනවා මීට කලින් රංගනයට ආවා නම් හොඳයි කියලා. 

VI3A8648

Q සිනමාවේ ජනප්‍රිය හේමාල් වැන්නෙකු සමග මුල්ම චිත්‍රපටයට රංගනයෙන් දායක වීම ගැන මොකද හිතෙන්නේ?

ඇත්තටම හේමාල් කියන්නේ සීනියර් මොඩල් කෙනෙක්. මොඩලින් ෂෝවලදි එයත් එක්ක වැඩකරන්න හම්බ වෙලා නැහැ. හේමාල් කියන්නේ මට රංගනයේදී ප්‍රවීණයෙක් වගෙයි. පළමු වෙනි රූගත කිරීමේ ඉඳලම මට සහ ටීනාට ලොකු සහයෝගයක් දුන්නා. අපි වැටෙන ගොඩක් අවස්ථාවල හේමාල් අපට ගොඩක් උදව් කළා. පළමු වෙනි චිත්‍රපටය තුළ මානසික ඒකාග්‍රතාව තියාගෙන යන්න ගොඩක් අමාරුයි. මොකද අපට චිත්‍රපටයක් තුළ අත්දැකීම් කියන දේ නැහැ. ඒ නිසා අපි මුලින්ම රංගනයේ යෙදෙද්දී ලැජ්ජාව, බය කියන දේවල් එනවා. හේමාල්, ජයලත් මනෝරත්න මහතා ඇතුළු ප්‍රවීණයෝ  එක්ක වැඩ කළා මේ චිත්‍රපටය ඇතුළෙ. ඒ අයගෙන් මට ලැබුණු සහයෝගය තමයි ගොඩක් වැදගත් වුණේ. ඒ අයගේ ලේවල් එකට අපිව කවදාවත් බලාපොරොත්තු වුණේ නැහැ. 

Q නිරූපිකාවක් වූ ඔබේ මූලික ගමන ගැන කිව්වොත්?

මම 2012 ලක්ස් රුවැත්ති කියන තරගයෙන් තමයි එන්නේ. ඒකෙන් ජයග්‍රහණය ලබනවා. නමුත් මම නිරූපණ කියන දේ ආරම්භ කරන්නේ 2014 මිස් ශ්‍රී ලංකා ජයග්‍රහණය කළායින් පස්සෙයි. 

DSC_3460

Q මේ වසරේ ලෝකයම නැවත දැනගත්තා නේද?

ඔව්, මේ වසරේදී මට International top model of the world 2017 ජයග්‍රහණය කරන්න ලැබුණා. ඒක පැවැත්තුවේ ස්පාඤ්ඤයේදියි. ඒක ගැන ලොකු සතුටක් තියෙන්නේ. මොකද අන්තර්ජාතික වශයෙන් ජයග්‍රහණය කරන්න මට අවස්ථාවක් ලැබුණ එක ගැන.

Q නිරූපිකාවක් වශයෙන් ලංකාවට කීර්තියක් ගෙන එන්න ලැබුණ එක ගැන මොකද හිතෙන්නේ? 

පොඩි කාලේ ඉඳන් කවුරුහරි කෙනෙක් අපට කියන්නේ රටට දෙයක් කරන්න කියලනේ. මම ඇත්තටම හරි ආසාවෙන් හිටියේ රට වෙනුවෙන් දෙයක් කරන්න. අපි දන්නෙ පොඩි කාලේ ඉඳන් දෙමවුපියන්ට සලකන්න ඕනේ කියන කාරණාවයි. ඒ වගේම තමයි අපි රටට දෙයක් කරන්න ඕනේ. මොකද අපි හැදුණෙ වැඩුණෙ මේ රටේ නිසයි. අපේ නම හරි නිර්මාණය වුණේ මේ රටේ. අපට රටට දෙයක් කරන්න හම්බවෙනවා කියන්නේ ඉතාමත් ආඩම්බරයක් දැනෙනවා. ඒ දේවල් එක්ක මට හිතෙනවා ඒක රට වෙනුවෙන් කලගුණ සැලකීමට මට ලැබුණු අවස්ථාවක් කියලා. මට මගේ රට ගැන ආඩම්බරයෙන් කතා කරන්න ලැබුණා. මගේ ධජය යටතේ කාන්තාවක් වශයෙන් කතා කරන්න අවස්ථාවක් ලැබුණා. අපි පොඩි කාලේ ඉඳන් ආසයිනේ වීර කතාවලට. මම වීරයෙක් කියනවා නෙමෙයි. නමුත් මගේ රටට දෙයක් කරන්න ලැබුණ එක ගැන සතුටුයි. 

A090_C006_04098E

Q චිත්‍රපට සඳහා තවත් ආරාධනා ලැබුණාද?

ඔව්, තවත් චිත්‍රපට සඳහා ආරාධනා ලැබුණා. තව එක චිත්‍රපටයක වැඩ ඉවර කරලා තියෙනවා. මොහාන් නියාස් මහතා අධ්‍යක්ෂණය කරන %ශ්‍රී වික්‍රම^ කියන චිත්‍රපටයේ ප්‍රධාන චරිතයක් සඳහා පණ පොවන්න අවස්ථාව ලැබුණා. තව කිහිපයක ආරාධනා ලැබිලා තියෙනවා. තාම ඒවා රූගත කිරීම් පටන් ගත්තේ නැහැ.

VI3A8660 VI3A8654

කෑමත් නිර්මාණයක් කළ කලාකාරිනිය ඩැරීනා

කලාත්මක ඇසින් දකින සෑම දෙයම කලාත්මක බැවින් යුක්ත වෙයි. යම්කිසි විලාසිතාවක් බිහිවන්නේද එය කලාත්මක ඇසකින් දකින නිසා බව බොහෝදෙනා පිළිගන්නා කාරණාවකි. ඇතැම් නිර්මාණ ඇසින් දැක රසවිඳීමට හැකියාව තිබෙන අතර, තවද එම නිර්මාණ රස බැලීමටද අවස්ථාව ඇත. 


එවැනි කලාකාරිනියක් ලෙස ඩැරීනා කොස්සාර් හැඳින්විය හැකිය. ඇය කලාකාරිනියක් නොවේ. නමුත් ඇය කෙටි ආහාර (Short Eats) පිළිබඳව උපාධිධාරිනියකි. ඇය විසින් හඳුන්වාදුන් විවිධ කෙටි ආහාර බොහෝ ප්‍රමාණයක් ඇති බවද සඳහන් වෙයි. ඇය සිදුකරනු ලබන මෙම ආහාර ගුණයෙන් මෙන්ම රසයෙන්ද අනුයුක්ත අතර, ඒවා නිර්මාණාත්මක ලෙස ඉදිරිපත් කිරීමට ඇති හැකියාව බොහෝ ඉහළය.

යුක්ක්‍රේනු ජාතිකයෙකු වන ඇය සූපවේදියෙකු ලෙස කටයුතු කරන අතර, විනෝදාංශයක් ලෙස කෙටි ආහාර (Short Eats) සඳහා නව නිර්මාණ ඉදිරිපත් කරයි. ඇය විසින්  සිදුකරන නිර්මාණයන් තමන් සේවය කරන හෝටල් පරිශ්‍රයේදී ප්‍රදර්ශනය කරනු ලබයි. 

ඩැරීනාගේ මතයක් වන්නේ ආහාරයක රසවත් බව දැනීමට එය ලස්සන විය යුතු බවයි. එවැනි පසුබිමක් තුළ ඇය විසින් සකසන පේස්ට්‍රි, බිස්කට් සහ පුඩිං වැනි ආහාර නිර්මාණය සඳහා බොහෝ ඉල්ලුමක් පැවතුණි. ඇය විසින් සිදුකරන නිර්මාණයන් තම ඉන්ස්ටර්ග්‍රෑම් ගිණුමෙහි දැමීම හේතුවෙන් මේ වනවිට ඇයගේ ගිණුම සඳහා ඇති අනුගාමියකයන් සංඛ්‍යාව මිලියනය දක්වා වැඩි වී ඇතැයි සඳහන් වෙයි. ඩැරීනා කොස්සාර් නම් වූ මෙම අද්විතීය සූපවේදිනිය තමන් විසින් සොයා ගනු ලැබූ කෙටි ආහාර සහ නිර්මාණාත්මක ආහාරයන් එකතුවක් සකස්කොට ආහාර නිර්මාණ ප්‍රදර්ශනයක්ද පවත්වා ඇතැයි සඳහන් වෙයි. එම ප්‍රදර්ශනයෙන් පසු යුක්‍රේනයේ ඉහළ පැලැන්තියේ හෝටල්වලින් සහ බේකරිවලින් ඇයගේ නිර්මාණයන් සඳහා ඉහළ පිළිගැනීමක් ලැබුණු බවද සඳහන් වෙයි.

රැකියාවෙන් සූපවේදිනියක වුවත් ජීවිතයේ ඇති කලාත්මක පැතිකඩ විවර කිරීමට ඇයට හැකියාව ලැබුණේ තමන්ගේම රැකියාවෙන් වීම තවත් විශේෂත්වයකි. තමන්ගේ මෙම නිර්මාණයන් විනෝදාංශයක් ලෙස කිරීමට හැකියාව ලැබීම පිළිබඳව ඉතාමත් සතුටු වන බව ඩැරීනා පවසයි. මෙවැනි සූපවේදිනියකගේ නිර්මාණ ශක්තිය සහ හැකියාව යුක්‍රේනයේ ඇති හෝටල් කර්මාන්තයට ඉමහත් රුකුලක් බව සඳහන් වෙයි. 

මෙම නිර්මාණ කලාව ඉදිරියේදී ව්‍යාප්ත කිරීමට සිහිනයක් ඇතැයි ඇය පවසයි. ඒ සඳහා  නිර්මාණ පාසලක් ආරම්භ කිරීම ඩැරීනාගේ එකම බලාපොරොත්තුව බවද සඳහන් කර තිබේ.

1556472_368991816574650_2071561128_o-640x640 1617970_394974660643032_124939728_o-640x640 15940965_1510336659006382_619639501333064141_n 16265181_1529404380432943_2714903772842569214_n 16299360_1533387940034587_1839918151945508938_n 16509003_1548147401891974_7251567374738875307_n 16649136_1555124747860906_8425167653261919666_n 16708447_1552526148120766_551303939437861128_n 16711590_1552814744758573_8019736984583756011_n 16996390_1566769163363131_113195658397557537_n 17103778_1574815575891823_6716575318764635423_n

 

 

කට්ටිය කියන දේවල් අහ‍ල වැඩ කරන්න ගියොත් මට වැඩක් කරන්න වෙන්නේ නැහැ

මෙරට දක්‍ෂ නිරූපණ ශිල්පිනියකවන මියැසි සංදීපනි මේ දිනවල ක්‍ෂේත්‍රය තුළින් තරමක් ඈත්ව තිබේ. බොහෝ දෙනෙකුගේ කතාබහට ලක්වූ %මැරුණු හිතේ^ ගීතයෙන් පසුව ඇය දැකගත හැකිවූයේ ටෙලිනාට්‍යයවල පමණි. නිර්මාණ කටයුතුවලින් සහ ක්‍ෂේත්‍රය තුළින් ඈත්වීම පිළිබඳ විමසීමට ඇය මෙලෙස 'අද'ට සම්බන්ධ කර ගතිමු.


Q මේ දිනවල දකින්න නැත්තේ ඇයි?

ගෙදර තමයි හිටියේ. ඒකයි මේ දවස්වල වැඩිය පේන්නනැත්තේ. ටෙලිනාට්‍යයක වැඩ කටයුතු කළා, නමුත් ලොකුවට වැඩක් කළේ නැහැ. 

Q ඒ කියන්නෙ නිරූපණයෙන් සහ රංගන කටයුතුවලින් ඈත්වෙලාද?

එහෙම නැහැ. හැම වැඩේම කරන්නේ නැහැ. ඒ නිසා තෝරාබේරාගෙන වැඩ කරද්දි ටිකක් අඩු ප්‍රමාණයෙන් තමයි වැඩ කරන්න පුළුවන් වෙන්නේ. 

Q වැඩකටයුතු ගැන කතා කළොත්?

පසුගිය දවස්වල අලුත් ටෙලිනාට්‍යය දෙකක වැඩ කළා. එකක් විකාශය වුණා. ඒ %විමන්සා% කියලා ටෙලිනාට්‍යයක්. තවත් එකක් තියෙනවා විකාශය වෙන්න. තව මියුසික් වීඩියෝවක් එළිදක්වන්න තියෙනවා. මීට අමතරව වෙළෙඳ දැන්වීම් කිහිපයක් සඳහාත් දායක වුණා. අවසානයේදී කළේ 'ඩයලොග්' වෙළෙඳ දැන්වීමක්. 

Q ක්‍ෂේත්‍රයට ඇවිල්ලා කොච්චර කල්ද?

දැනට අවුරුදු තුනක් විතර වෙනවා.

Q ක්‍ෂේත්‍රය ගැන මොකද හිතෙන්නේ?

මොනවා කියන්නද කියලා හිතාගන්න බැහැ. අලුත් දේවල් නිර්මාණය වෙනවා. දියුණුවක් තියෙනවා ඉස්සරට වඩා. හරියට කරන්නෙ නැතුව කරන්නම්වාලේ හැමෝම කරනවා. එතකොට නම් ටිකක් අවුල්. ඒ වුණත් කමක්නැහැ කියලා හිතෙනවා. එහෙම දේවලුත් තියෙන්න ඕනනේ.

VI3A8987

Q ඔබ දායක වූ මියුසික් වීඩියෝවක් සඳහා ප්‍රතිචාර වගේම අනෙක් පැත්තෙන් දෝෂාරෝපණත් ආවා නේද?

දෝෂාරෝපණ නම් ගොඩක් ආවා. හැබැයි මම කළේ නිර්මාණයක්නෙ. මම ඒකෙ රඟපෑවා විතරයි. කට්ටිය කියන දේවල් අහලා වැඩ කරන්න ගියොත් මට වැඩක් කරන්න වෙන්නෙ නැහැ.

Q ෆේස්බුක් තුළින් නේද ඔබව බොහෝ දෙනෙකු හඳුනා ගත්තේ?

මට නම් ෆේස්බුක් තුළින් මගේ ගමන හදාගන්න පුළුවන් වුණා. නමුත් අද ෆේස්බුක් එකේ මොනවා හරි දාලා හිට්වෙන්න බලන ගොඩක් අය ඉන්නවා. මම දැකලත් තියෙනවා. ඒ අය කරගන්න දේවල්වලින් ඒ අයගේම චරිතයට තමයි හානි වෙන්නේ. ඒ අයගේ කැමැත්ත ඇතුවනේ ඒ දේවල් කරන්නේ. ඒ අයගේ ජීවිතයට සහ චරිතයට තමයි මේ දේවල් බලපාන්නෙ.

Q රංගනය ගැන ඉදිරි බලාපොරොත්තු?

රංගනය සහ නිරූපණය කියන දේවල්වලට වඩා වෙනත් දෙයක් මම කාලය යොදවන්න බලාපොරොත්තු වෙනවා. ඒ කියන්නෙ රැකියාවක් කරන්න මම බලාපොරොත්තුවෙන් ඉන්නවා. ඉගෙනීමේ කටයුතු කරන අතරතුර ඒ දේවල් ගැන පොඩ්ඩක් හිතන්නත් මම හිතුවා. රඟපෑමට වඩා ඉගෙනීමටයි, රැකියාවටයි  මුල්තැන දීලා කටයුතු කරන්න හිතනවා. 

Q ඇයි රැකියාවක් සඳහා යොමුවෙන්න හිතුවේ? කලාව වෘත්තියක් ලෙස කරන්න අමාරුද?

එහෙම දෙයක් නෙමෙයි. නමුත් නිරූපණය කියන දේ මත්තේ හැමදාම ඉන්න බැහැ. අපි රඟපෑවත් හැමදාම රඟපාන්න බැහැ. ක්‍ෂේත්‍රයට අලුත් අය එනවා. එහෙම වෙද්දි පරණ කට්ටිය ටිකෙන් ටික ක්‍ෂේත්‍රය තුළින් ඉබේම ඉවත් වෙනවා. ඒ නිසා ස්ථාවර ආදායමක් තියෙන්න ඕන ඕනෑම කෙනෙකුට. අනික මගේ හීනෙ තිබුණෙත් නිළියක් වෙන්න නෙමෙයි. ඒක නිසා මම දැනට අවුරුදු තුනක් ක්‍ෂේත්‍රය තුළ හිටියා. හොඳ නිර්මාණ කළා. මට දැන් ඇති කියලා හිතනවා. මම නතර කරනවා කියලා කියන්නේ නැහැ. මූලික තැන දෙන්නේ මගේ අධ්‍යාපනයට සහ රැකියාවට තමයි. 

VI3A8948

Q ඇයි සිනමාවට යොමු නොවුණේ? කැමැත්තක් නැද්ද ඒ පැත්තට?

කැමැත්තක් නැත්තෙ නැහැ, කැමැතියි. ඒත් ඉතිං හොඳ නිර්මාණයකට ආරාධනා ලැබුණේ නැහැ. ලැබුණු ගොඩක් ආරාධනාවලට මගේ පෞද්ගලික හේතු නිසා දායක වෙන්න බැරිවුණා. ආපසු හොඳ නිර්මාණයක් සඳහා ආරාධනා ලැබුණොත් බාරගෙන කරනවා. 

Q ඉදිරි බලාපොරොත්තු ගැන කිව්වොත්?

මගේ රැකියාව සහ ඉගෙනීමේ කටයුතු කරගෙන හොඳින් ඉන්න තමයි බලාපොරොත්තු වෙන්නේ. ජීවිතයේ ලොකු බලාපොරොත්තු නැහැ. පොඩි පොඩි දේවල් සාර්ථක කරගන්න තමයි බලාපොරොත්තු වෙන්නෙ.

Q උදව් කරපු පිරිස ගැන මතක් කළොත්?

මට හැමදේටම උදව් කළේ මගේ අම්මා, තාත්තා, අයියා, අක්කා ඇතුළු පවුලේ හැමෝමයි. මේ හතර දෙනා මගේ හැමදේටම එදා ඉඳන් ළඟ හිටියා. ඉස්සර ෂූටින් ගියේ තාත්තා හරි අම්මා එක්ක හරි තමයි. දැන් තනියෙම යනවා. පවුලේ අයට ඉස්සෙල්ලාම ස්තූති කරන්න ඕන. ඊට පස්සේ හොඳ නිර්මාණවලට මාව දායක කරගත් හැමෝටම ස්තූති කරනවා. මට හොඳ කිව්ව,  බැණපු හැමෝටමත් ස්තූතියි කියනවා. මොකද එයාලා හින්දා තමයි මම මොකක් හරි තැනක ඉන්නවා නම් ඉන්නෙ. ඊට අමතරව මේ ගමනට එන්න අතහිත දුන් වචනයකින් හරි ශක්තියක් වුණු හැමෝටම ස්තූති කරනවා. 

 

චීස් සොසේජස්, කෙසෙල් ගෙඩි අමතක කරලා හරියට බැලුවොත් මේකෙ ඇතුළෙ ලොකු කතාවක් තියෙනවා

ඉරාජ් වීරරත්න යනු මේ දිනවල සමාජ ජාල වෙබ් අඩවි ඔස්සේ බොහෝ දෙනෙකුගේ කතාබහට ලක්වන චරිතයකි. ඔහුගේ නවතම ගීතය වන 'දැනුනා' ගීතය හේතුවෙන් රසිකයන් කලකිරීමට පත්වූ බව බොහෝ දෙනෙකුගේ අදහසයි. මෙම නවතම ගීතය මෙරට ප්‍රවීණ ගායන ශිල්පියෙකුට කරන ලද මඩ ප්‍රහාරයක්ද? අප ඒ පිළිබඳ ඉරාජ්ගෙන් විමසා සිටි අතර, ඔහු පැවසුවේ මෙවැන්නකි.


Q 'දැනුනා' ගීතයේ ඔබේ අදහස මුලින්ම කිව්වොත්?

මම හැමදාම කරපු මියුසික් වීඩියෝවලට හොඳ, නරක ප්‍රතිචාර දෙපැත්තටම තියෙනවා. ඒක තවත් වයිරල් වීඩියෝවක්.

Q මේ ගීතය ගොඩක් දෙනෙක් විවේචනය කරනවා, ලංකාවේ ප්‍රවීණ ගායකයෙකුගේ පෞද්ගලික ජීවිතය මෙම වීඩියෝවේ කතා සංකල්පයට උපයෝගී කරගත්තා කියලා?

මෙහෙමයි, ප්‍රවීණ කෙනෙකුගේ කතාවක් වෙන්න පුළුවන් හෝ  නැතාහෝ මේක මම දරන මතය තමයි මේ මියුසික් වීඩියෝවෙන් පෙන්වන්නේ. පසුගිය දවස්වල මම සෝෂල් මීඩියාවලින් දැක්කා ළමයින් අද තමන්ගේ අම්මා, තාත්තා පාරේ දාලා යන තත්ත්වයකට පත්වෙලා තියෙනවා. ගොඩක් පේජ්වලින් ඒවායේ වොයිස් කට්, වීඩියෝ අරගෙන තිබුණා. මට ඕන වුණා කතාවක් හදන්න. 

එහෙම කතාවක් තිබුණා නම්, මට ඕන වුණා කරන්න. කෙනෙකුට මෙහෙම වෙන්නෙ, ඒ කියන්නෙ තරුණියක්ව විවාහ කරගත්ත එක ඒ දවස්වල සංස්කෘතියට ලොකු ප්‍රශ්නයක් කියා තිබුණා. අපි පසුගිය දවස්වල කිව්වා සංස්කෘතියට ගැළපෙන්නේ නැහැ කියලා. ගොඩක් ෆේස්බුක් පේජ්වලින් මඩ ගැහුවා. ඒ දෙයට පුදුම විදිහට මීඩියාවලින් සහ ෆේස්බුක් පේජ්වලින් ගැහුවා, මේක රටට හරියන්නේ නැහැ කියලා. නමුත් ඒක සාමාන්‍ය දෙයක් ලෝකයේ. ඒක අපට අලුත් දෙයක් වුණාට. ඒ දේ තමයි මම මේ වීඩියෝවෙන් පෙන්නලා තියෙන්නෙ. ළමයින් අත්හැරලා පාරට යනවාට වඩා කවුරු හරි බලාගන්න කෙනෙක් ඉන්නවා නම්, වැරැද්දක් නැහැ කියලා තමයි මම පෙන්නලා තියෙන්නෙ. ඒකට සමහර වෙලාවට එක එක උපක්‍රම පාචිව්චි කරනවා. මොකද සමහර මියුසික් වීඩියෝ බලන්න වෙනස් හේතු තියෙනවා. සමහර වීඩියෝ සමාජගත කරන්න ඕන වුණාම මම ඒ වෙනස් උපක්‍රම පාවිච්චි කරනවා.

13770367_10157200705555134_7399265047024475211_n

Q දැන් ඔබ කියන උපක්‍රම පෙන්වන්නද එම වීඩියෝව තුළින් 'චීස්' 'සොසේජස්', 'කෙසෙල්' සහ අනෙකුත් දේවල් පෙන්වන්නේ? නැත්නම් ඒ දේවල්වල ඔබේ යටි අරමුණක් තියෙනවාද?

මෙහෙමයි. එක පාරම වීඩියෝව බැලුවාම තේරුම් ගන්න පුළුවන් ඕනෑම කෙනෙකුට. මම බෞද්ධ ගීත කරලත් තියෙනවා. මගේ 'යූ-ටියුබ්' එකට ගිහින් බලන්න කීයද ඒ දේවල් බලලා තියෙන්නෙ කියලා. මම ගිය මාසේ කළා, දුවෙක් තාත්තා කෙනෙකුට කියන සිංදුවක් 'තුරුලේ නිදන්' කියලා. ඒක බලපු ගාණ බලන්න. ඒක ලක්ෂ හතයි ගාණක් බලලා තියෙනවා, මාසයක කාලයක් තුළදී. එතකොට සමහර දේවල් මට සමාජගත කරන්න ඕන වුණාම උපක්‍රම පාවිච්චි කරනවා. ඒ උපක්‍රම තමයි පසුගිය දවස්වල මිලියන 05, 06 බලලා තියෙන්නෙ. මේක මේ ලංකාවේ ඉතිහාසයේ වැඩියෙන්ම බලමු පළපු වීඩියෝව වුණා. පැය විසිහතරෙන් ලක්ෂ 10කටත් වැඩිය බැලුවා. දැන් තියෙන්නේ ටී.වී. මාධ්‍ය නෙමෙයිනේ. සෝෂල් මීඩියා හරහා වයිරල් යවන්න ඕන වුණාම මියුසික් වීඩියෝවකට වඩා මේක වයිරල් වීඩියෝවක් වෙන්න පුළුවන්. මොකද මේකෙ සිංදුවට වඩා වැඩි තැන දීලා තියෙන්නේ වයිරල් වීඩියෝවක් හැටියටයි. 

Q ඔබ කිව්ව 'මනමාලි දෙක' වීඩියෝවට හොඳ ප්‍රතිචාර ලැබුණා, නමුත් මේ නවතම ගීතය නිසා ඒ ලැබුණු ප්‍රතිචාරත් පලක් නැති වුණා නේද?

පරණ ඉරාජ් ආවා කියලා ගොඩක් අය කිව්වා. ගොඩක් අය කිව්වා ඒ ඉරාජ්ගේ සිංදු දෙන්න කියලා. ඒ 2005 දී, දැන් 2017 වෙලා. ඒක හරි. මම ඒ ඉල්ලපු එකම කළා. ඕක සංසන්දනය කළොත් මම පෙරේදා දාපු වීඩියෝ එකයි, 'තුරුලේ නිදන්' ගීතයයි කොච්චරක් බලලා තියෙනවාද කියලා. 

Q ඒ කියන්නෙ ඔබට අවශ්‍යතාවක් නැහැ ජනතාව ආදරය කරන ඉරාජ් කෙනෙක් වෙන්න?

එහෙම නෙමෙයි. මට ඕන හැම වෙලාවේම පණිවුඩයක් මිනිස්සු අතරට යවන්නයි. ඒ කියන්නේ මම කැමැති නැහැ නිකං සිංදුවක් කරලා, කොල්ලෙක් කෙල්ලෙක් ලව්කරලා අඬනවා වගේ ගීත කරන්න. මේකෙ ලොකු පණිවුඩයක් දීලා තියෙනවා. මේ ගීතය හරියට බැලුවොත්, ඔය 'සොසේජස්', 'කෙසෙල් ගෙඩි' ඔක්කෝම අමතක කරලා බැලුවොත් මේක ඇතුළෙ ලොකු කතාවක් තියෙනවා. ඒ කතාව මිනිස්සුන්ට තේරුම් ගන්න බැහැ. අපේ රටේ මානසිකත්වය ඒ තත්ත්වයට සූදානම් නැහැ. ඉන්දියාවේ ගත්තාම, ඇත්ත කතා පදනම් කරලා පොත් ලියනවා, ෆිල්ම් හදනවා. ඉතිං මම මේකෙ වරදක් දකින්නේ නැහැ. මම මියුසික් වීඩියෝවක් කළා, මිනිස්සු මේක බලන විදිහයි වැරදි. ඒකට මට කරන්න දෙයක් නැහැ. 

21768008_10159328358655134_2825200100372020842_n

Q ඔබේ නිර්මාණවලට කරන ඕනෑම චෝදනාවකට ඔබට උත්තරයක් තියෙනවා කියලද ඔබ කියන්නේ?

මෙහෙමයි, මිනිස්සු හොඳ නරක දෙකම කියනවානේ. ඉතිං එතකොට මට හරිදේ මම කරන්නෙ. මගේ මියුසික් වීඩියෝවල පණිවුඩයක් දෙනවා. නොදැනීම අරගල කරන දේවල් පවා මම සමාජ කරලා තියෙනවා. මේ වීඩියෝවෙත් එක්තරා පණිවුඩයක් සමාජගත කරලා තියෙනවා. ලංකාවේ එළියේ ඉඳන් විවෘතව බලන අය හොඳ ගොඩක් කමෙන්ට්ස් දාලා තිබුණා. මොකද ලංකාවෙන් පිට ඉන්න අය ජීවත් වන සමාජයත් එක්ක ඒ අය දකිනවා මේකෙ හොඳ මොකක්ද කියලා. ලංකාව ඇතුළෙ ඉන්න අයට මේක දරාගන්න බැහැ. හැමෝම කියන්නේ මේක සංස්කෘතියකට පටහැණියි කියලා. වයසක කෙනෙක් තරුණියක්ව විවාහ කරගන්න බැහැ කියන එකයි කියන්නේ. අද කාලේ තරුණයෙක් තරුණිය එක්ක තරහා වුණු ගමන් කෝච්චියට බෙල්ල තියෙනවා. එහෙමත් නැතිනම් වෙනයම් ක්‍රමයකින් සියදිවි හානිකර ගන්නවා. ඒක වෙන්න ඕන නැහැ කියලයි මම කියලා තියෙන්නේ.

Q ගොඩක් අය චෝදනා කරනවා ඔබ වික්ටර් රත්නායක මහත්මයා සමග පෞද්ගලික තරහක් නිසා මෙවැනි වීඩියෝවක් නිර්මාණය කළා කියලා?

වික්ටර් රත්නායක මහත්මයා අපි ගරු කරන ජ්‍යෙෂ්ඨ කලාකරුවෙක්. කාලයක් තිබුණා වික්ටර් රත්නායක මහත්මයා අපේ සිංදුවලට බැන්නා. මේවා පවතින්නේ නැහැ, මේවා හරි නැහැ කියලා. අපි ඒ දේවල්වලින් ඉගෙන ගන්නවා මිසක් කාටවත් පහර දෙන්නේ නැහැ. එතුමා ලංකාවේ ශ්‍රේෂ්ඨ කෙනෙක්. අනික මේ වීඩියෝව හරියට එතුමත් බැලුවොත් මේක වෙන පණිවුඩයක්. එතුමාට පහර ගහන්නවත් කිසිදෙයක් කරපු මියුසික් වීඩියෝවක් නෙමෙයි. මේක සමාජයේ හැමෝටම පොදුවේ දෙන පණිවුඩයක් විතරයි. ළමයින් පාරට දානවාට වඩා තමන් වයසට ගියාම එහෙම දෙයක් වුණාට ප්‍රශ්නයක් නැහැ කියලා තමයි මම කියලා තියෙන්නේ. සෝෂල් මීඩියාවලින් ඒ කාලයේ තරුණියක් විවාහ කරගත්තා කියලා හෝ ගහලා ගැහුවා. ඒකට අඩු වැඩියෙන් පේජ්, වෙබ් සයිට් දායක වුණා. ඒ දේවල්වලින් ඔවුන් ලොකු ගාණක් හම්බ කර ගන්නවා. ඒ වගේම මටත් මේ දවස්වල පෝස්ට් හදාගෙන ගහලා ඒකෙනුත් හම්බ කර ගන්නවා. 

Q 'ස' වෙනුවට 'ප' දැමීමෙන් යම්කිසි කෙනෙකුට හානියක් වුණේ නැද්ද?

නැහැ. මේ මියුසික් වීඩියෝව තුළින් කිසිම දෙයකටත්, කිසිම කෙනෙකුටවත් මඩක් ගහලා නැහැ. සමහර විට මේ වීඩියෝවට එක කතාවක් පදනම් කරගත්තා නෙමෙයිනේ. කතා දෙක තුනක් පදනම් කරගත්ත වීඩියෝවක්. %ප^ කියන්නෙත් සිංහල අකුරක්නෙ. ඒක කාටවත් කියන්න බැහැ සහ කාටවත් ඒකෙ අයිතිවාසිකමක් ඉල්ලන්නත් බැහැ. කාටවත් කියන්න බැහැ මම ඒකට මඩක් ගහනවා කියලා. මඩක් ගහන්න චේතනාවෙන් නෙමෙයි මම මේ මියුසික් වීඩියෝව හැදුවේ. 

ඔබ කියන පණිවුඩ අතරේ තිබුණු දේවල් කිහිපයක් තමයි, 'සමලිංගික විවාහය නීතිගත කරයි', එහෙම නැතිනම් '2017 වර්ෂයේ අලි පිටරට යැවීමෙන් විශාල ලාභයක්' කියන දේවල්වලිනුත් දේශපාලනයටත් පහරක් එල්ල කරන්න ඔබ හිතන්නේ?
මගේ හැම සිංදුවකම දේශපාලනය තියෙනවා. හැම සිංදුවකම පොඩි පොඩි දේවල් ඇතුළට දානවා. ඒක මිනිස්සු බාරගන්න විදිය තමයි. මම මේ සිංදුවෙත් එක එක පණිවුඩ දාලා තියෙනවා.

21768115_10159331974220134_4931691324099967159_n

Q ඔබට වර්තමාන දේශපාලනයත් එක්ක වෛරයක් තියෙනවාද?

ඔව් අනිවාර්යයෙන්ම. වැඩිපුරම පාලනය කරන්නේ, අපි ඉදිරියට යන්නේ අපේ රටේ තීරණ ගන්න තැනින්. ඒ කියන්නේ පාර්ලිමේන්තුව. ඒකෙ අටපාස් අය 98ක් ඉන්නවාලු. ඒ කියන්නේ 10 පාස් නැති අය. ඉගෙන ගත්තේ නැති අය කොහොමද රටේ තීරණ ගන්නෙ. ඒ අයව පත්කරන මිනිස්සු වැරදි නේද? ඒ මිනිස්සුන්ගේ අධ්‍යාපන මට්ටම මොකක්ද? අපි රටක් වශයෙන් ඉස්සරහට යන්නෙ නැත්තෙත් ඒක නිසයි. අපි ඉස්සෙල්ලාම එතැනින් පටන් ගන්න ඕන හැදෙන්න. 

Q ඔබ මේ කරන නිර්මාණ නිසා මේ රටේ මිනිස්සුන්ට ඔබව එපාවීමක් විතරයි නේද වෙන්නෙ?

ඒකට එකම උදාහරණයයි තියෙන්නෙ. ඇත්ත කියන කොට හැමතිස්සෙම පහර ගහනවානේ. ඒ මියුසික් වීඩියෝව මුල ඉඳන් හරියට අවසන් වෙනතෙක් බැලුවොත් මිනිස්සු දන්නවා හිත ඇතුළෙන් මම මොකක්ද කරලා තියෙන්නෙ කියලා. අනික බණින එක රැල්ලක් වෙලා තියෙන්නෙ. හිතන්නේ නැහැ. කවුරුහරි කෙනෙක් බණිනවා දැක්කම ඊට උඩින් බණිනවා. ඉතිං ඔය බණින ඒවා මම ගණන් ගන්නේ නැහැ. 2004 පළමුවැනි ඇල්බම් එක දාපු කාලෙත් මට බැන්නා, ඒ දවස්වල හදපු සිංදු සමාජයට ගැළපෙන්නේ නැහැ, මොනාද මේ හදන සිංදු, මේ රැප් මොනාද, මේ බීට් (Beat) මොනාද කියලා. මේවා නෙමෙයි මියුසික් කියන්නේ කියලා. ඒ දවස්වල හදපු නිර්මාණවලට දැන් හොඳයි කියනවා. ඒවා විශිෂ්ටයි කියනවා. ඒ වගේම මම කියනවා, මේ අවුරුද්දේ හදපු සිංදු තව අවුරුදු 10කින් 15කින් මම ඒ කාලේ හදපු සිංදු නියමයි නේද කියලා. ඒක අනිවාර්යයෙන්ම වෙන දෙයක්. 

19224916_10158811426085134_4105688574373434159_n

Q ඉදිරියේදී ඔබේ නිර්මාණයන් මේ රාමුවේද?

මම ඉතිං රටේ, සමාජයේ, මිනිස්සු හැංගිලා හොරෙන් කරන දේවල්, සංස්කෘතියට හානි වෙනවා කියන දේවල් එළිපිට දාලා තියෙනවා. අපේ රටේ මිනිස්සු බොරු මිත්‍යාවකින් ජීවත් වෙන්නේ. ඒ රාමුව කඩලා අපි යන්න ඕන. අපි වහල්ලු වගේ දූපත් මානසිකත්වයෙන් ඉන්නවාට මම කැමති නැහැ. ඒක පිළිගන්න අය පිළිගනියි, නැති අය නැහැ. මම තවත් දෙයක් කියනවා මගේ මියුසික් වීඩියෝවලට කැමති නැත්නම් මම කියනවා බලන්න එපා කියලා. මගේ වීඩියෝවලට කැමති නැත්නම් බලන්න එපා. ඊට වඩා 'යූටියුබ්' එකේ තව ඕන තරම් තියෙනවා ඉන්දියන් කතා, මෙගානාට්‍ය. ඒවා බලන්න කියලා කියනවා.  

2017 වසරේ සරාගී හොලිවුඩ් නිළිය වූ ‘ඇලෙක්සැන්ඩ්‍රා ඩැඩ්රියෝ’

හොලිවුඩය දිනෙන් දින දියුණු වෙමින් චිත්‍රපට ක්ෂේත්‍රය තුළ විප්ලවීය වෙනසක් සිදුකරමින් පවතී. ඔවුන් තාක්ෂණික වශයෙන් දියුණු වීමත් සමගින් රංගන ශිල්පීන් මෙන්ම ශිල්පිනියන්ද ජාත්‍යන්තර සම්මානයන්ගෙන් පිදුම් ලබයි. මේ අතරින් ඔවුන් නොදැනුවත්වම සමීක්ෂණයක් මගින් සිදුකරන කාර්යයකුත් තිබේ. ඒ හොලිවුඩයේ සරාගී නිළිය තේරීමයි. හොලිවුඩ් පුරවරයේ මේ වන විට නළු නිළියන් බො‍හෝමයක් සරාගී රංගන ශිල්පිනියන් ලෙස හඳුන්වනු ලබයි. වසරක් පාසා සිදුකරනු ලබන සාරාගී නිළියන් දස දෙනෙක් මේ වන විට නම්කර තිබේ. වසරක් පාසා wonderslist නම් වෙබ් අඩවිය මගින් සිදුකරන මෙම සමීක්ෂණයෙන් මෙවර හොලිවුඩයේ සරාගීම නිළිය ලෙස නම් වී ඇත්තේ කවුරුත් ආදරය කරනු ලබන ඇලෙක්සැන්ඩ්‍රා ඩැඩ්රියෝය. 


01. ඇලෙක්සැන්ඩ්‍රා ඩැඩ්රියෝ

2005 වර්ෂයේදී ක්ෂේත්‍රයට ප්‍රවිශ්ට වූ ඇය 31 වැනි වියේ පසුවන්නියකි. ඇය ජනප්‍රිය චිත්‍රපට බොහෝ ප්‍රමාණයක් ඔස්සේ රසිකයන් අතර ජනප්‍රියත්වයට පත්ව තිබේ. ඇයව සරාගී නිළිය ලෙස නම් කිරීමට හේතුව ලෙස ‍මෙම වෙබ් අඩවිය සඳහන් කර ඇත්තේ ඇයගේ විමතිය ගෙනෙන ඇස් සහ සරාගී ශරීරයයි. සරාගී නිළියක් සතුව ඇති උස පිළිබඳවත් ඔවුන් සඳහන් කර තිබේ. ඊට අමරතව ඇය පසුගිය වසරේ ලෝකයේ ලස්සනම කාන්තාවන් 30 දෙනා අතරටද පැමිණ ඇතැයි සඳහන් වේ.

01


02.  චැලෝ ග්‍රාසී මොරෙට්ස්

ළමා නිළියක් ලෙස ක්ෂේත්‍රයට පිවිසි ඇය මේ වන විට විසිවැනි වියේ පසුවෙයි. සරාගී නිළියන් අතරේ දෙවැනි තැන හිමිකර ගත් චැලෝ එයට හේතුව ලෙස සඳහන් කරනු ලබන්නේ ගැඹුරු ඇස් මෙන්ම ඇයගේ නාසයේ හැඩයයි. ඊට අමතරව ඇයගේ සරාගී පෞරුෂත්වය හේතුවෙන් මෙම ස්ථානය හිමිව තිබේ. ඇය බොහෝදෙනා දැන හැඳින ගනු ලැබුවේ 'කික් ඈස්' පළමු සහ දෙවැනි චිත්‍රපට හරහායි. එමෙන්ම %ද හන්ගර් ගේම්ස්^ සහ 'ඇමිටිවිලි හොරර්' චිත්‍රපට හරහාද ඇය ජනප්‍රියත්වයක් හිමිකර ගනු ලැබුවාය. 

02


03. එමී රොසුම්

'ඩේ ආෆ්ටර් ටුමාරෝ', 'ද පැන්තම් ඔෆ් ද ඔපෙරා' සහ 'ඩ්‍රැගන් බෝල්' වැනි චිත්‍රපට හරහා රසික ආදරය දිනාගත් එමී සරාගී නිළියන් අතරේ තෙවැනි ස්ථානයේ පසුවෙයි. 31 වැනි වියේ පසුවන ඇය වෘත්තීමය වශයෙන් රංගනයේ යෙදෙන අතර ගායිකාවක් සහ ගීත රචිකාවක ලෙසද කටයුතු කරන්නීය. සරාගී  නිළියන් අතර තෙවැනි තැන හිමිකර ගැනීමට ඇයට හැකි වූයේ ඇයගේ ශරීර හැඩය නිසාය.

03


04. හයිලී ස්ටෙයින්ෆීල්ඩ්

ළාබාල වියේ පසුවය හයිලී හොලිවුඩ් සරාගී නිළියන් අතරේ 04 වැනි ස්ථානය හිමිකරගෙන තිබේ. 20 වැනි වියේ පසුවන ඇය ගායිකාවක වශයෙන්ද කටයුතු කරන්නීය. 5.7 උස ප්‍රමාණයෙන් යුතු ඇය සරාගී නිරූපිකාවක් වන්නේ ශරීර හැඩයෙනි. ඇයව බොහෝ දෙනා හඳුනාගනු ලබන්නේ 'රෝමියෝ ජුලියට්' චිත්‍රපටය ඔස්සේය. 

04


05. එමා රොබර්ට්ස්

1991 වර්ෂයේ උපන් ඇය ඇමෙරිකානු ගායිකාවක ලෙස බොහෝදෙනා දැන හඳුනනු ලබයි. ඉන්පසු ඇය රූපවාහිනී රංගන ශිල්පිනියක ලෙස රංගන ක්ෂේත්‍රයට පිවිසි ලබන අතර, 2016 දී තිරගත වූ %න(ර්)ව්^ නම් චිත්‍රපටය ඔස්සේ බොහෝදෙනා දන්නා චරිතයක් විය. සරාගී නිළියන් අතරේ පස්වෙනි ස්ථානයේ වැජඹෙන ඇය සරාගී තරුවක් වීමට මූලික වී ඇත්තේ ඇගේ ඇස් සහ පාද බවයි සඳහන් වන්නේ. 

05


06. මාර්ගට් රොබී

'සූසයිඩ් ස්ක්‍යුයිඩ්' ඔස්සේ රසික ආදරය දිනා ගත් ඇය සරාගී නිළියන් අතරේ හයවැනි ස්ථානය හිමිකරගෙන තිබේ. මේ වනවිට 27 වැනි වියේ පසුවන ඇය හොලිවුඩ් සිනමාවේ දැවැන්තයෙකු වන ලියනාර්ඩෝ ඩිකැප්‍රියෝ සමගද රංගනයෙන් දායක වී තිබේ. 

06


07. ස්කාර්ලට් ජොන්සන්

හොලිවුඩ් සිනමාවේ කැපී පෙනෙන රංගන ශිල්පිනියක වන ස්කාර්ලට් ජොන්සන් සාරගී නිළියන් අතරේ හත්වැනි ස්ථානයේ පසුවෙයි. 31 වැනි වියේ පසුවන ඇය සිනමාව තුළ විශාල මෙහෙවරක් කරනු ලැබූ තැනැත්තියකි. සම්මානලාභී නිළියන් අතරේ ප්‍රමුඛ ස්ථානයක සිටින ඇය සරාගී නිළියක් වන්නේ ඇයගේ ඇති දේහ ලක්ෂණ නිසා බව එම වෙබ් අඩවි සඳහන් කරයි.

07


08. ඉමෝගන් පූට්ස්

ඇය රංගන ක්ෂේත්‍රය තුළ බොහෝ කාලයක් රංගන කටයුතු සිදුකර ඇති අතර, ඇය රංගනයෙන් දායක වූ බොහෝ චිත්‍රපටයන් සම්භාව්‍ය ගණයේ චිත්‍රපට වීම හේතුවෙන් ඇයව බොහෝදෙනා එම රාමුවට කොටුකර තැබීය. නමුත් ඇය 'නීඩ් ෆෝ ස්පීඩ්' චිත්‍රපටය තුළින් එම රාමුව බිඳ දමා රසිකයන් තුළ තැම්පත් චරිතයක් විය. කෙසේවුවත් සරාගී නිළියන් අතරේ අටවැනි ස්ථානයේ පසුවන්නේ ඇයයි.

08


09. ඇම්බර් හර්ඩ් 

මේ දිනවල ඇයව බොහෝ ප්‍රසිද්ධ චරිතයක් වී හමාරය. ඒ ප්‍රවීණ නළුවෙකු ලෙස සලකන ජොනී ඩෙප්ගේ පෙම්වතිය වීමත් සමගයි. 31 වැනි වියේ පසුවන ඇය ටෙක්සාස් හි උපත ලබා තිබේ. සමාජ සේවය සඳහා වැඩි කැපවීමක නිරත වන ඇය පසුගිය වසරේ 'ලෝකයේ ලස්සනම කාන්තාව ' ලෙසද නම් විය. නමුත් මෙවර ඇය සරාගී නිළියන්ගේ ලැයිස්තුවේ නවවැනි ස්ථානයේ පසුවන්නීය.

09


10. ෆැන්සියා රයිසා

සරාගී නිළියන් අතරේ අවසාන ස්ථානය හිමිවන්නේ ඇයටයි. 29 වැනි වියේ පසුවන ඇය සිනමාවට ආධුනිකය. නමුත් රූපවාහිනී තිරය මත බොහෝ නිර්මාණවල කැපී පෙනෙන චරිතයකි. 2005 වර්ෂයේදී රූපවාහිනී කතාමාලාවක් සඳහා දායක වී රංගන ක්ෂේත්‍රයට ප්‍රවිශ්ට වීමට ඇයට අවස්ථාව උදාවුණි. 

10

මගේ තාත්තට විශාල ඕනකමක් තිබ්බා ලෝක රූ රැජින තරගය වෙනුවෙන් ලංකාවෙන් මාව ඉදිරිපත් කරවන්න

පසුගියදා පැවති ලෝක රූ රැජින තරග බිම නියෝජනය කරන ශ්‍රී ලාංකේය රූමතිය තෝරා පත්කර ගැනීමේ 'සියත මිස් වර්ල්ඩ් ශ්‍රී ලංකා' තරගාවලියේ ජය දුශේනි ද සිල්වා විසින් හිමිකර ගන්නා ලදී. ඒ අනුව ශ්‍රී ලාංකේය රූප රාජිනී තරග ඉතිහාසයේ මිල අධිකම කිරුළ දැරීමට ඇය හැකි විය. එය ඇයගේ වාසනාව බව ඇය පවසයි. මෙවර 'අද' තරු කතාබහට ඇය අපි මෙලෙස එක්කරගනු ලැබුවෙමු.


IMG_0481 - Copy

Q කිරුළක් පැලැඳි කෙනෙක් විදිහට අද මොකද හිතෙන්නේ?

මිස් වර්ල්ඩ් ශ්‍රී ලංකා කියන්නේ මගේ ජීවිතේ තිබුණු ලොකුම හීනයක්. මම මේකට ගොඩක් මහන්සි වුණා සහ ගොඩාක් කැපකිරීම් කළා. හුඟාක් සතුටුයි ශ්‍රී ලංකාව නියෝජනය කරන්න අවස්ථාව ලැබුණ එකට. ලෝකයේ තියෙන ලොකුම සහ පැරණිම තරගාවලිය තමයි මිස් වර්ල්ඩ් කියන්නේ. අනිත් පැජන්ට්වලට වඩා වෙනස් තරගයක්. මම ගොඩාක් වාසනාවන්තයි කියලා තමයි මට දැනෙන්නේ.

Q විශාල වටිනාකමක් තියෙන කිරුළක් පැලඳීමට තරම් ඔබ වාසනාවන්ත වුණා නේද?

ඇත්තටම ඔව්, මම ගොඩාක් වාසනාවන්තයි. ලංකාවේ ප්‍රථම වතාවට තමයි මේ තරම් වටිනා කිරුළක් පැලැඳුවේ.  මේක ලක්ෂ 190ක් වටිනා කිරුළක්. රාජා ජුවලර්ස්වලින් තමයි මේ කිරුළ දුන්නේ. ධනංජය බණ්ඩාර තමයි මේ කිරුළ නිර්මාණය කළේ. ලංකාවේ තියෙන මැණික් ගල් වලින් තමයි මේක අලංකරණය කරලා තියෙන්නේ. මගේ මහන්සිය, කැපවීම මම උපරිම විදිහට භුක්ති විඳිනවා. ඒ කිරුළ මට මුලින්ම පැලඳ වීම භාග්‍යයක් විදිහට තමයි මම දකින්නේ.

SAN_4469

Q මේ තරම් වාසනාවන්ත වෙයි කියලා හිතුවද?

මම මෙච්චරම වාසනාවන්තයි කියලා නම් හිතුවෙ නැහැ. මගේ හිතේ හැමදාම තිබුණා ඉලක්කයකට යනවා කියලා. මොකද මම මගේ ඉලක්කය සම්පූර්ණ කරගත්තා. දැන් ඉස්සරහට තියෙන්නේ මේකෙ ජාත්‍යන්තර තරගාවලිය. ලබන මාසේ 18 වැනිදා මම චීනය බලා පිටත් වෙනවා. එතැනින් එහා තමයි ඉතුරු ටික කරන්න තියෙන්නේ. මගේ වයසත් එක්ක මම සාර්ථකයි කියලා හිතෙනවා.

Q ඔබේ වයසත් එක්ක ජාත්‍යන්තරයට යන්න ලැබුණ එකත් යම්කිසි අභියෝගයක් නේද?

ඇත්තටම ඒක අභියෝගයක්. මම කලින් කිව්වා වගේ වාසනාවක් හින්දා තමයි අවුරුදු 22 වෙනකොට ජාත්‍යන්තරයට යන්න අවස්ථාව ලැබෙන්නේ. ලෝකේ තියෙන ලොකුම තරගාවලිය තමයි ලෝක රූ රැජින කියන්නේ. මේ තරගාවලියට යන්න ලැබීමත් වාසනාවක්. පොඩි කාලයක් ඇතුළතදී මම කරපු කැපකිරීම්, මම ගත්ත අත්දැකීම් තමයි අද මම මේ භුක්ති විඳින්නේ. 

Q රංගන ශිල්පිනියක් ලෙස කටයුතු කළ ඔබ කොහොමද නිරූපණයට පැත්තට යොමු වුණේ?

මම රංගන ක්ෂේත්‍රයට පිවිසුණේ  අවුරුදු 20දී. 2015 පැවති අයි.ටී.එන්. අවුරුදු කුමරිය තරගයෙන් පස්සෙ තමයි මම ක්ෂේත්‍රයට එන්නේ.

මගේ ඔළුවෙ තිබුණු එකම ආසාව සහ හීනය තමයි ලෝක රූ රැජින තරගයට යන්න. රංගන ශිල්පිනියක් වුණාට මට තාම වයස අවුරුදු 22යි. ඉතිං මට වයස, රූපය, බුද්ධිමත් බව තියෙන නිසා තමයි ලෝක රූ රැජින තරගයට අයදුම් කළේ.

SAN_4476

Q මුල්ම නිර්මාණය මොකක්ද?

මුලින්ම මම දායක වුණේ නිල්වලා ආයතනයෙන් කරපු 'ආදර වැස්ස' ටෙලි නාට්‍යයට. ලලිත් වසන්ත මහත්මයා තමයි මාව ඒ නාට්‍යයට ගත්තේ. ඒ නාට්‍යයයේ පුංචි චරිතයක් දීලා ඊට පස්සේ %ආදරේ ගින්දරක්^ නාට්‍යයේ ප්‍රධාන චරිතයක් දුන්නා.

Q එම නාට්‍ය තුළින් දැක්කේ ඔබේ අහිංසක බවක්? ඒ චරිතයට විතරද?

නැහැ. මම ඇත්තටම අහිංසකයි කියලා හැමෝම කියනවා. දැනට මම රංගනයෙන් දායක වෙලා තියෙන්නෙත් අහිංසක චරිත 04කට තමයි. ටෙලි නාට්‍ය දෙකක් ඒ අතරින් විකාශය වුණා. චිත්‍රපටයකත් අහිංසක චරිතයක් මම කළා. ඉස්සරහට බලාපොරොත්තුවක් තියෙනවා වෙනස් චරිතයකින් ප්‍රේක්ෂකයන් ඉදිරියට එන්න. මම කැමති නැහැ අහිංසක චරිතය තුළින් සම්පූර්ණයෙන්ම බැහැර වෙන්න. නමුත් උත්සාහ කරනවා ඒ චරිතය ඇතුළේ වෙනසක් කරන්න.

Q ඔබ චිත්‍රපටයක් ගැනත් සඳහන් කළා?

ඔව්, ඒක මගේ පළවෙනි චිත්‍රපටයයි. සේනක විජේසිංහගේ 'මේඝ' කියන චිත්‍රපටය. ඒක මේ අවුරුද්ද අන්තිමේදි හරි ලබන අවුරුද්ද මුලදි හරි තිරගත වෙයි.

Q අද ක්ෂේත්‍රය තුළ නවකයන්ට ඇති අවස්ථාවන් ගැන මොකද හිතෙන්නේ?

හොඳයි. මමත් තාම ක්ෂේත්‍රයට අලුත් කෙනෙක්. අපි හොඳට තෝරා බේරාගෙන දේවල් කරන්න ඕන. ගොඩාක් අලුතින් එය අය හිතන්නේ හැම එකක පෙනී හිටියම ජනප්‍රිය වෙනවා කියලා. නමුත් එහෙම නෙවෙයි. තමන්ට ගැළපෙන දේ තෝරගෙන වැඩකටයුතු කරන්න ඕන. අද ශ්‍රී ලංකාවේ පැජන්ට් නම් 100ක් විතර තියෙනවා. හැබැයි මම පිළිගන්න පැජන්ට් දෙකයි ලංකාවෙ තියෙන්නේ. ඒ විශ්ව රූ රැජින සහ ලෝක රූ රැජින කියන තරග දෙක. මේ පැජන්ට් දෙකෙන් එකක් හරි ජයග්‍රහණය කරන්න කෙනෙක්ට අවස්ථාව ලැබෙනවා නම් ඇය වාසනාවන්තයි. අද ගොඩක් නවක අය විවිධ පැජන්ට් සඳහා යන්න පුරුදු වෙලා තියෙනවා. හැබැයි අපි දෙයක් කරන්න ඕන හොඳ තෝරා බේරාගැනීමක් ඇතුවයි කියලා තමයි මම නම් හිතන්නේ.

Q පාසල් කාලේ ඉඳලම බලාපොරොත්තු වුණු දෙයක්ද මේ රංගන ක්ෂේත්‍රය කියන දේ?

නැහැ. පාසල් කාලේ මට රංගනය ගැන කිසි බලාපොරොත්තුවක් තිබුණේ නැහැ. නමුත් ලෝක රූ රැජිනක් වෙන්න ඕන කියන දේ ඒ කාලෙ ඉඳන්ම මගේ ඔළුවෙ වැඩ කරපු දෙයක්. ඒ වගේම මගේ තාත්තටත් විශාල ඕනකමක් තිබ්බා ලෝක රූ රැජින තරගය වෙනුවෙන් ලංකාවෙන් මාව ඉදිරිපත් කරවන්න. එයාගේ බලාපොරොත්තුව ඉෂ්ට කරන්න පුළුවන් වුණ එක ගැන නම් මට ලොකු සතුටක් තියෙනවා.

SAN_4524

Q ඒ කියන්නේ ජාත්‍යන්තර කිරුළක් සඳහා ලොකු හීනයක් තිබුණේ ඔබේ පවුලේ අයටද?

අනිවාර්යෙන්ම ඔව්. මට ගෙදරින් විශාල සහයෝගයක් ලැබුණා. මට ඉන්නේ අම්මයි, තාත්තයි, මල්ලියි විතරයි. ඒ තුන්දෙනා විශාල සහයෝගයක් දුන්නා. ඒ අය නැත්නම් මම අද මෙතන නැහැ. අවුරුදු දෙකක් තිස්සේ ඒ අය තමයි මගේ හැම වැඩක්ම කළේ. දැන් මගේ නම ඉතිහාසයේ ලියවිලා ඉවරයි. ඒ දේවල් වලට ගෙදරින් ලැබුණ සහයෝගය විශාලයි.

Q ජීවිතේ ලොකුම බලාපොරොත්තුව?

අද වෙනකොට මගේ ලොකුම බලාපොරොත්තුව තමයි ලෝක රූ රැජින කිරුළ දිනාගන්න එක. ඒකට මාසයකටත් අඩු කාලයක් තමයි තියෙන්නේ. මගේ කැපකිරීමත් එක්ක ඒ කිරුළ ලංකාවට රැගෙන ඒම තමයි මගේ ලොකුම බලාපොරොත්තුව. මේ වෙනකල් ලංකාවේ කිසිම කෙනෙක් ලෝක රූ රැජින තරගයෙන් අවසන් විසිදෙනා අතරට ඇවිල්ලා නැහැ. මගේ ලොකුම බලාපොරොත්තුව ඒ පැත්තෙන් මගේ ඉලක්කය සම්පූර්ණ කරගන්න තමයි. 

Q ශක්තියක් සහ උදව් කරපු පිරිසක් ඇති නේද මතක් කරන්න?

මේ තරගාවලියේදී මට ලොකු ශක්තියක් වුණේ මගේ පවුලේ අයයි. ඒ වගේම තමයි අනුජ් රණසිංහ. එයත් මට ගොඩක් උදව් කළා. මොඩ්ල් ෂොප් ආයතනයේ සංගීතා වීරරත්න, ධනංජය බණ්ඩාර, රමණි ප්‍රනාන්දු, ෂෙරීන් කුමාරතුංග, උමාදි සිල්වා,  සේනක ද සිල්වා අය ඇතුළු ගොඩක් දෙනෙක් ඉන්නවා. මගේ ඇක්ට් එක හැදුවේ අයේෂා මධුශානි. අංගම්පොර ඇක්ට් එකක් කළේ සඳුන් ප්‍රන්නාදු. ඒ හැමෝටමත් ස්තුතිවන්ත වෙනවා. තව විශේෂයෙන් ස්තුති කරන්න ඕන ප්‍රසන්න පද්මනාදන්ට. ඔහු මගේ පෞරුෂයත්වය වැඩි කරගන්න ගොඩක් උදව් කළා. නම් නොකියවුණු ගොඩක් අය ඇති. මේ හැමෝටම මම ගොඩක් ස්තුතිවන්ත වෙනවා.

SAN_4481

ඡායාරූප – සඳුන් ගමගේ

 

 

විවාහ යෝජනා එද්දී අම්මගේ හිතේ දුකක් තියෙනවා කියලා මට දැනෙනවා

විනු උදානි සිරිවර්ධන මේ දිනවල පුංචි තිරයේ නිතරම දකින්න ලැබෙන චරිතයක්. තාරුණ්‍යයේ ආදරණීය රංගන ශිල්පිනියක වන ඇය මේ දිනවල තරමක් කාර්යබහුල චරිතයක් බවට පත්ව තිබෙනවා. මෙවර 'අද' තරු කතාබහ වෙන් වන්නේ ඇයටයි. 


Q මේ දිනවල කොහොමද කාලය ගෙවෙන්නේ?

මේ ටිකේ ටිකක් කාර්යබහුල කමක් තියෙනවා. 'රතු පිච්ච' ටෙලි නාට්‍යයේ රූගත කිරීම් සිදු කෙරෙනවා. මම ගොඩක් කාර්යබහුල වුණේ 'රතු පිච්ච', 'දෙව්ලියේ' යන ටෙලිනාට්‍යවල රූගත කිරීම් නිසයි. නමුත් දැන් 'දෙව්ලියේ' ටෙලිනාට්‍යයේ වැඩකටයුතු අවසන් කරලා ඉවරයි. ඊට අමතරව ලැබුණ ආරාධනා කිහිපයකුත් භාර ගත්තා. මේ දිනවල විකාශය වන 'මිල්ලෑව වලව්ව' ටෙලිනාට්‍යයේ් චරිතයකටත් ඉදිරියේදී දායක වෙනවා. ඊට අමතරව චිත්‍රපටයක රූගත කිරීම් ආරම්භ කරලා තියෙනවා. 

Q මොකක්ද ඒ චිත්‍රපටය?

ඒ චිත්‍රපටය සඳරුවන් ජයවික්‍රම මහත්මයා තමයි අධ්‍යක්ෂණය කරන්නේ. මීට මාසයකට පමණ පෙර තමයි එහි රූගත කිරීම් පටන් ගත්තේ. නමුත් අයහපත් කාලගුණයත් සමග එහි රූගත කිරීම් කටයුතු නවතා තිබෙනවා. එහි ප්‍රධාන චරිතවලට දායක වෙන්නේ හේමාල් රණසිංහ, ආශා එදිරිසිංහ සහ මමයි. 

Q 'රතු පිච්ච' ටෙලිනාට්‍යයේදී ඔබ අලුත් අත්දැකීමකට මුහුණ දෙනවා නේද?

මම ද්විත්ව චරිත නිරූපණයක නියැළෙන ප්‍රථම අවස්ථාව. එහි චරිත දෙක වන්නේ එකක් සිංහල චරිතයක්, අනික දමිළ චරිතයක්.  නිවුන් සහෝදරියන් දෙදෙනෙකුගේ චරිත තමයි මම රඟපාන්නේ. දමිළ ටෙලිනාට්‍යයක මම මීට පෙර රඟපාලා තිබුණා. නමුත් විකාශය වූ ටෙලිනාට්‍යයත් එක්ක දමිළ චරිතයකට  මම දායක වන පළමු චරිතය තමයි 'රතු පිච්ච' හි මායා කියන්නේ. ඉතිං ඒකටත් හුඟක් හොඳ ප්‍රතිචාර ලැබුණා.

VI3A3761

Q ඔබට දමිළ  භාෂාව කතා කිරීමේ හැකියාව තියෙනවාද?

පාසල් ගිය කාලේ ඉගෙනගත් නිසා සාමාන්‍ය‘යෙන් වචන කිහිපයක් කතා කරන්න පුළුවන්. ටෙලිනාට්‍යයක දමිළ චරිතයක් කරද්දී නුපුරුදු ගතියක් පේන්නට බැහැනේ. ඒකට අවශ්‍ය කරන පසුබිම ඒ පහසුව ලබා දුන්නේ දර්ශන් ධර්මරාජ් මහතායි. ඔහු තමයි එහි මගේ අයියා විදියට පෙනී සිටියේ. එහි අම්මා තාත්තා ලෙස සිටිය අය දමිළ අයමයි. ඒ ගොල්ලොන්ගෙන් ලොකු සහයෝගයක් ලැබුණා. ඒ විදියට තමයි චරිතය ගොඩනගා ගත්තේ. 

Q සිනමාවට අවම වශයෙන් දායක වෙන්නේ, සිනමාවට කැමැත්තක් නැද්ද?

වැඩිපුර කැමැත්ත තියෙන්නේ සිනමාවට. නමුත් හොඳ නිර්මාණ පිළිබඳව තමයි වැඩි බරක් තියෙන්නේ. ඉතිං හොඳ නිර්මාණයක් ලැබෙන කල් කියලා බලාගෙන ඉන්න හින්දා කියලා තමයි චුට්ටක් ටෙලිනාට්‍යවලට වඩා අඩුවෙන් චිත්‍රපට සඳහා දායකත්වය ලබා දෙන්නේ. සිනමා නිර්මාණ ටෙලිනාට්‍ය තරම් දීර්ඝ විදියටම නිර්මාණය වෙන්නේ නැහැ. කිසියම් වටිනාකමක් තියෙන හොඳ විදියක නිර්මාණයක් තමයි බලාපොරොත්තු වෙන්නේ. පසුගිය කාලය බලද්දි හැම වර්ෂයකදීම එක සිනමා නිර්මාණයකට වශයෙන් දායකත්වය ලබාදී තිබුණා. 

Q හොඳ නිර්මාණ පමණක් කියලා ඔබ අදහස් කරන්නේ කුමක්ද?

හොඳ නිර්මාණ කියලා මම අදහස් කළේ මට ගැළපෙන කියන එක. චරිත නිරූපණයත් සමග මම තෝරා ගැනීමක් කරනවා. ඊට අමතරව කතා තේමාව පිළිබඳව ගැලපීම් හා නොගැළපීම් තිබෙනවා. ඉතිං ඒ දේවල් එක්ක ගත්තාම තමයි පොඩ්ඩක් තෝරා ගැනීම් කරන්න වෙන්නේ. 

Q ඒකාකාරී චරිතවලට කොටුවෙලාද රංගනයට දායක වෙන්නෙ?

රංගනයේදී  යම් කිසි සීමා මායිම් තිබුණත් ඒකාකාරී චරිත මම බලාපොරොත්තු වෙන්නේ නැහැ. මේ දිනවල විකාශය වන %දෙව්ලියේ^, %සීරජ^, %රතු පිච්ච^ කියන ටෙලිනාට්‍ය ගත්තාම ඒ සියල්ලේම චරිත එකිනෙකට වෙනස්. ඒවගේ මමත් බලන්නේ අලුත් දෙයක් නිර්මාණය වෙනුවෙන් මගේ දායකත්වය ලබාදෙන්නයි. 

Q මේ දක්වා ඔබ රංගනයෙන් දායක වූ වැඩ කටයුතු පිළිබඳව ඔබ තෘප්තිමත්ද?

අපි ඉදිරිපත් කළාට වඩා යමක් නිර්මාණ හරහා බලාපොරොත්තු වන්නට පුළුවන්. හොඳ නිර්මාණයක් කරද්දී ගොඩක් අයට මුදල් පිළිබඳ ගැටලු මතුවෙනවා. ඒ කියන්නේ සමස්තයක් විදියට සම්පූර්ණ නිර්මාණය සඳහා වියදම් කරන මුදල මත තමයි ගොඩක් දේවල් තීරණය වෙන්නේ. ඒ නිසා තමයි හොඳ නිර්මාණවල අඩුවක් දක්නට ලැබෙන්නේ. හොඳ නිර්මාණයක් කරනකොට, හොඳ චරිත තෝරා බේරාගන්නකොට ඒ චරිතවලට දායකවන පුද්ගලයන්ට සාධාරණයක් කරන්නට ඕන. ඒ නිර්මාණ හා පසුතල නිර්මාණයන් සඳහා යම් කිසි වියදමක් දරන්නට වෙනවා. ඒ හැමදෙයක් ගැනම බලද්දී මම හිතන්නේ සමහර දේවල්වලට අඩුකමක් වෙන්නේ ඒක. ඒ අතරේ හොඳ අධ්‍යක්ෂකවරුන් යටතේ හොඳ නිර්මාණත් බිහිවෙනවා.

VI3A3764

Q අද ලංකාවේ ගොඩක් පුවත් හුවමාරුව සිදුවෙන්නේ සමාජ මාධ්‍ය හරහායි. මේ පිළිබඳ ඔබේ අදහස?

ඇත්තටම මම කාලයක් නිහඬව හිටියා කිසිම තොරතුරක් දෙන්නේ නැතිව. ඒ කියන්නේ රංගනය හෝ පෞද්ගලික තොරතුරක් හෝ මම එළියට දුන්නේ නැහැ. ගොඩක් විට සමාජ මාධ්‍ය හා වෙබ් අඩවිවලින් දකින්නේ ඒ දේවල් විකෘති කර පළවීමක්. මෑත කාලයේදී මම පුවත්පත් සඳහා අදහස් දක්වා තිබුණා ඒ දේවල් නිවැරදි වෙයි කියන විශ්වාසයෙන්. ඒ වගේම මම සජීවී දේවල්වලට වඩා පළවන දේවල් පිළිබඳව විශ්වාස කරන කෙනෙක් නෙවෙයි. දෙයක් ඇහෙන් දකින්නේ නැතිව කෙනෙක් කියපු පළියට විශ්වාස කරන්න බැහැ. නමුත් සමාජ වෙබ් අඩවිවල සමහර වෙලාවට දකින දේවල් ඈතින් දැකලා විශ්වාස කරන්න වුණත් අපහසු තත්ත්වයන්ට පත්වෙනවා. ඉතිං මම හිතන්නේ මට කලාකාරිනියක විදියට ඕනෑම ක්ෂේත්‍රයක ඉන්න කෙනෙක්ගේ අගය කිරීමක් කරන්න පුළුවන් නම් සමාජ මාධ්‍යයන්ට යහපත් පැත්තක් තියෙයි කියලා.

Q මෙපමණ කාලයක් ක්ෂේත්‍රයේ ඉඳලත් තවමත් අපි දන්නේ නැහැ ඔබ පෙම්වතියක්ද කියන එක? ඒ සඳහා තවමත් කාලය තියෙනවාද?

මම හිතන්නේ ඒ සඳහා තවමත් කාලය තියෙනවා කියලයි. ආදරය කියන දෙය ඇත්තටම මම කැමති දෙයක්. මේ වනවිට ප්‍රේක්ෂක ආදරය නම් මට කොහොමත් නොඅඩුව ලැබෙනවා. ඒ අතරේ විශේෂ ආදරයක් හා විවාහය පිළිබඳව තවමත් කල් තියෙනවා කියලා ඉන්නවා.

Q පෙළවහක් වෙන්න ඕන කාලය හරි කියලා අම්මලා කියන්නේ නැද්ද?

එහෙම දැන් කියන්නේ නැහැ. විවාහ යෝජනා එද්දී අම්මගේ හිතේ දුකක් තියෙනවා කියලා මට දැනෙනවා. ඒ මම එයාලගෙන් ඈත්වෙයිද කියලා. හැබැයි ඉතිං මම දකින විදියට එයාලගෙත් ලොකු හදිස්සියක් නැහැ ඒ සඳහා.

Q අම්මලා විනූව ඈත්කරලා වෙන කෙනෙකුට දෙන්න අකමැතිද?

එහෙම එකකුත් තියෙනවා. අම්මලාගේ කාලෙ ගත්තාම අපේ අම්මාත් විවාහ වෙලා තිබුණේ අවුරුදු 29දී විතර. සමහරවිට මටත් ඒ වෙනකම් ඉන්න වෙයිද දන්නේ නැහැ. 

Q ඒ කියන්නේ තව අවුරුදු ගාණක් බලන් ඉන්න වෙයිද?

ඔව්. අවුරුදු ගාණක් ඉන්න වෙයි.

VI3A3758

Q ප්‍රේක්ෂකයන්ට කියන්න තියෙන්නේ මොකක්ද?

ප්‍රේක්ෂකයන් හැමදාම මගෙ නිර්මාණවලට සහ මට ආදරය කළා. හැමදාම වගේම අදත් මම මගේ ප්‍රේක්ෂකයන්ට ගොඩක් කැමතියි. මම ඕනෙම වෙලාව ඒ අයත් එක්ක කතා කරන්න කැමතියි. එයාලට හැමදාම ඒ විදියටම මාත් එක්ක ඉන්න කියලා ආරාධනා කරනවා. 

Q ඉදිරි බලාපොරොත්තු?

හොඳ නිර්මාණවලින් ඉදිරියේදී දායක්වය දෙන්න බලාපොරොත්තුවක් තියෙනවා. ඒත් එක්කම විශේෂ මම විලාසිතා පැත්තට කැමැත්තක් හා නැඹුරුවක් තියෙන නිසා ඇඳුම් නිර්මාණය හා විලාසිතා පිළිබඳව මගේ නිර්මාණයන් විදියට දෙයක් කරන්න ඕන කියල අදහසකුත් තියෙනවා. 

Q රංගන ශිල්පිනියක් වගේම ඉදිරියේදී ව්‍යාපාරික කාන්තාවක් වෙයි කියලද විනූ කියන්නේ?

ව්‍යාපාරිකාවක වගේම මගේ හැකියාවට ඉඩක් දෙන්න ඕන කියලා පෞද්ගලිකව මට හිතිලා තියෙනවා. 

ඡායාරූප – කවීත් මිලින්ද

නිරුවත නිසා රූපවාහිනිය තහනම් වූ ‘කරිෂ්මා’

ඉන්දියානු පුවත් අඩවි මේ දිනවල උණුසුම් පුවතක් වාර්තා කරනු ලබයි. ඒ 2011 වර්ෂයේදී ඉන්දියාවේ ආන්දෝලනයට ලක්වූ චිත්‍රපටයක තෙවැනි කොටස එළිදැක්වීමේ පුවතක් ප්‍රචාරය වීමත් සමගිනි. මේ කාරණාව හේතුවෙන් මේ දිනවල ඉන්දියානු පුවත් මේ පිළිබඳව වාර්තා කරනු ලබන්නේ ඉතාමත් නොඉවසිල්ලෙනි. සරාගී දර්ශන බොහෝමයක් අඩංගු මෙම චිත්‍රපටයේ ඇතැම් දර්ශන බොහෝවිට තහනම් කිරීමට හැකියාවක් ඇති බවද සඳහන් වෙයි. වැඩිහිටියන්ට වඩාත් සුදුසුයි යන ලේබලය ඔස්සේ තිරගත වූ 'රාගිනී එම්එම් එස් 1' සහ '2' මෙන්ම, තෙවැන්න වූ 'රාගිනී එම්එම්එස් රිටන්ස්' චිත්‍රපටයත් එම ලේබලය යටතේම තිරගත වීමට සුදුසු බවයි සඳහන් වන්නේ.

20213913_481350922224892_8425568237986512896_n

මෙහි දෙවැනි චිත්‍රපටය තිරගත කරනු ලැබුවේ 2014 දීය. තෙවැන්න වූ %රාගිනී එම්එම්එස් රිටන්ස්^ චිත්‍රපටය අද්භූත චිත්‍රපටයක් ලෙසද හඳුන්වනු ලබයි. මෙහි තවත් කරුණක් වන්නේ, පළමු සහ දෙවැනි චිත්‍රපටයන්ට සාපේක්ෂව මෙම චිත්‍රපටයේ සරාගී දර්ශනයන් වැඩි බවට ඉඟි පළකර තිබීමයි. මෙහි ප්‍රධාන චරිතයට පණ පොවන නිළිය පිළිබඳව බොහෝ දෙනාගේ අවධානය මේ සමග යොමුව තිබේ. 23 වැනි වියේ පසුවන 'කරිෂ්මා ශර්මා' ඉන්දියානු සරාගී නිළියක් ලෙසයි බොහෝදෙනා හඳුන්වන්නේ. 'රාගිනී එම්එම්එස් රිටන්ස්' චිත්‍රපටය ඇය රංගනයෙන් දායක වන දෙවැනි චිත්‍රපටය වෙයි. 

ඉන්දියානු නිරූපිකාවක් වුවත්, ඇය බොහෝ ප්‍රසිද්ධියක් ලබා ඇත්තේ බිකිනි ඡායාරූප සඳහාය. කරිෂ්මා බොහෝ වෙළෙඳ දැන්වීම් සහ ප්‍රචාරක වැඩකටයුතු වලට දායක කර ගැනීමේ මූලික අරමුණ වන්නේ අඩනිරුවතින් සැරසී සිටීම ඇයට සාමාන්‍ය දෙයක් වීම නිසාවෙනි. ඉන්දියානු බොහෝ නිරූපිකාවන් අඩනිරුවත් දර්ශන සඳහා මැලිකමක් දක්වන බැවින් කරිෂ්මාට මහඟු අවස්ථාවන් උදාවේ.

18013296_1497032800330220_4191481742630060032_n

ඇයව ප්‍රසිද්ධියට පත්වූයේ ඉන්දියානු කතාමාලාවක් වන 'යේ හේ මොහබ්බතින්' හි රයිනාගේ චරිතය ඔස්සේය. ඉන්පසු ඇය තවත් රූපවාහිනී කතාමාලාවන් 08ක් සඳහා දායක විය. ඇයගේ මෙම නවතම චිත්‍රපටය හේතුවෙන් ඇයව ටෙලි නිර්මාණ තුළින් ප්‍රතික්ෂේප වීමට බොහෝ ඉඩකඩ ඇති බව ඉන්දියානු මාධ්‍ය සඳහන් කරයි. කෙසේවුවත් මේ කාරණා හේතුවෙන් කරිෂ්මාගේ රංගන ජීවිතයට යම්කිසි හානියක් සිදුවනු ඇති බවද බොහෝදෙනා පවසයි. 'රාගිනී එම්එම්එස් රිටන්ස්' තුළින් ජනප්‍රියත්වයට පත්වුවත් ඇයගේ සිනමා දිවියට එය කෙසේ බලපාවිද යන්න පිළිබඳ බොහෝදෙනෙකු විමසිලිමත් වන බව සඳහන් වේ.

1