Author Archives: ඩිලාන් ක්‍රිෂාන්ත

යම්කිසි නිර්මාණයක් ගුණාත්මක විදියට එළියට දාන්න ‘ඩ්‍රීම් ස්ටාර්’ වේදිකාව ඉවහල් වුණා

‘දෙරණ ඩ්‍රීම් ස්ටාර්’ හත්වැනි අදියරේ අවසාන මහා තරගය සඳහා තේරීපත්වූ සිහින තරුවක වන සුනීර සුමංග පැමිණි ගමන්මග කටුකය. අවසාන තරගකරුවන් තිදෙනා අතරට පැමිණීමෙන් ලද ජයග්‍රහණයද ඔහුගේ සතුටට කරුණක් වී ඇත. ඩ්‍රීම් ස්ටාර් අවසාන මහා තරගය හෙට (09දා) පැවැත්වෙන අතර, ඒ පිළිබඳ කතාබහ කිරීමට සුනීර සුමංග මෙලෙස ‘අද’ට සම්බන්ධ විය.


STX_7467

Q ඔබ ගැන හැඳින්වීමක් කළොත්?

මම සුනීර සුමංග. මගේ පවුලේ ඉන්නේ මමයි, නංගියි, අම්මයි, තාත්තයි. මගේ තාත්තා විදේශගත වෙලා ඉන්නේ. නංගි තවම පාසල් යනවා. ‘ඩ්‍රීම් ස්ටාර්’ සීසන් 07ට එන්නෙත් මගේ අම්මායි, තාත්තයි නිසා. අපි දැනට නැවතිලා ඉන්නේ අපේ අම්මගේ අක්කගේ ගෙදර. 
මේ දවස්වල ‘ඩ්‍රීම් ස්ටාර්’ තරගය වෙනුවෙන් මහන්සි වෙනවා.

Q අධ්‍යාපනය ලැබුවෙ?

මම කඳාන ‘ද මැසිනොද්’ විද්‍යාලයේ ඉගෙන ගත්තේ. 03 වසරේ ඉඳන්ම පාසලේ පවත්වන සාහිත්‍ය තරග, කවි ගායනා තරග, ගීත තරග සඳහා සහභාගි වුණා. ඒ හැම තරගයකින්ම 03 වසරේදී මම 02 වැනි ස්ථානය ලබා ගත්තා. 04 වසරේ ඉඳන් 13 වසර වනතෙක් ඒ හැම තරගයකින්ම මම ප්‍රථම ස්ථානය ලබාගත්තා. මම සමස්ත ලංකා ජයග්‍රහණ රැසක් ලබාගෙන තියෙනවා. ඒ කාලයේ ඉඳන්ම ගුරුවරු කියනවා මට හැකියාවක් තියෙනවා, මේ පැත්තෙන් ඉදිරියට යන්න කියලා. ඒ දේවල් තමයි මට ශක්තිය වුණේ. STX_7442

Q ‘දෙරණ ඩ්‍රීම් ස්ටාර්’ රියැලිටි තරගයේ අත්දැකීම කොහොමද?

ඇත්තටම ඒක කියන්න ඕන. අපි එතැනට එන්නේ ක්‍ෂේත්‍රයට අඩිය තියන්න පන්නරය ගන්න සහ ජනප්‍රියත්වය ලබාගන්නයි. ඇත්තටම හොඳ අත්දැකීමක් ‘ඩ්‍රීම් ස්ටාර්’ කියන්නේ. ජ්‍යෙෂ්ඨ විනිශ්චය මණ්ඩලයකගේ අදහස් ලැබෙනවා. විශාල වේදිකාවක ගීත ගායනා කරන්න ලැබීම ලොකු අත්දැකීමක්. ‘ඩ්‍රීම් ස්ටාර්’ සංගීත කණ්ඩායම එක්ක අපි හඬ මුසුකරන්නේ කොහොමද?, අපේ භාවයන් සමග ගීත ගායනා කරන්නේ කොහොමද වගේ දේවල් ගැන ‘ඩ්‍රීම් ස්ටාර්’වලින් ලොකු අත්දැකීමක් ලැබුණා‍. ‘වර්ක් ෂොප්’වලදී ලැබෙන දේවල් අපේ සංගීත ජීවිතයට ගොඩක් වැදගත්. ඒ දේ මේ තරගයෙන් පස්සේ තමයි වඩාත් ප්‍රයෝජන වන්නේ කියන දේ හිතනවා. යම්කිසි නිර්මාණයක්, ගුණාත්මක විදියට එළියට දාන්න ‘ඩ්‍රීම් ස්ටාර්’ වේදිකාව ඉවහල් වුණා කියලා කියන්න පුළුවන්.

Q ‘ඩ්‍රීම් ස්ටාර්’වලින් පස්සේ මොකද වෙන්නේ?

ඇත්තටම එතැනින් පස්සේ තමයි ජීවිතය සහ සංගීත ගමන පටන් ගන්නේ. ‘ඩ්‍රීම් ස්ටාර්’ කියන්නේ තරගයක්. ඒ තරගයෙන් දින්නා හෝ පැරදුණා කියලා නිකන් ඉන්න බැහැ. සංගීතය පැත්තෙන් යන්න ලොකු ආසාවක් සහ බලාපොරොත්තුවක් තිබුණා. මගේ අම්මයි, තාත්තයි ඒ පැත්තට මාව යොමුකරන්න ගොඩක් මහන්සි වුණා. මම ඇත්තටම ගොඩක් දුක්වින්දා. මේ වෙනකන් ඒවා කාටවත් කියලා නැහැ. අම්මයි, තාත්තයි මම වෙනුවෙන් විඳින දුක ඉක්මනට නිදහස් කරන්න ඕන. අනිත් එක අද ගුණාත්මක සංගීතය හරි අඩුවෙලා. සංගීතයේ ගුණාත්මක පැත්ත පුරවන්න ලොකු ආසාවක් සහ බලාපොරොත්තුවක් තියෙනවා. මොකද අපට තිබුණු හොඳ සංගීතය අද වෙද්දි ක්‍රමයෙන් නැතිවෙලා තියෙනවා. ඒ වෙනුවෙන් හොඳ නිර්මාණ බිහිකරන්න බලාපොරොත්තුවක් තියෙනවා. 

Q රියැලිටි මාවතෙන් ලැබෙන ජනප්‍රියත්වය රඳවා ගැනීමට මහන්සි වෙන්න සිදුවෙනවා නේද?

ඔව්. අද එක දවසකට එළියට එන ගීතගොන්න එක්ක ජනප්‍රියත්වය කියන දේ පවත්වා ගන්න අමාරුයි. අද කලාකරුවන් දිනපතා බිහිවෙනවා. ඒ අය අතරත් තරගකාරීත්වයක් තියෙනවා. මොකද අද එන ගීත හෙට ජනප්‍රියයි. නමුත් ඊට පස්සේ ඒ ගීත ගැන කවුරුත් දන්නේ නැහැ. ඒකට හේතුව තමයි ඒ ගීත මිනිස්සුන්ට දැනෙන්නේ නැහැ කියන එක. ජනප්‍රියත්වය තියාගන්න ඕන නම්, මිනිස්සුන්ට දැනෙන දෙයක කරන්න ඕන. 
අද විතරක් නොවෙයි තව අවුරුදු 10ක්, 20ක් ගියත් ඒ ගීතය ඇහෙද්දි මිනිස්සුන්ට මතක් වෙන්න ඕන. ඒකට රසිකයන්ට දැනෙන නිර්මාණ කරන්න ඕන. එවැනි නිර්මාණ කළොත් තමයි හැමෝමගේම මතකයේ රැඳෙන්න පුළුවන් වෙන්නේ.

Q උදව් කරපු පිරිසක් ඇතිනේ මේ ගමනේදි, අවසාන වශයෙන් කතා කළොත් ඒ අය ගැන?

ඔව්. මේක තනියම ආපු ගමනක් නෙවෙයි. ගොඩක් කරදර මැද්දෙ ආපු ගමනක්. විශේෂයෙන් මතක් කරන්න ඕන මගේ දෙමවුපියන්, පවුලේ අය, මගේ ගමේ අය, රාගම හැමෝම.
 අද වෙද්දි මට ලංකාවේ හැම තැනින්ම කතා කරනවා. සුබපතලා ලියුම් එනවා. 
මට ‘එස්.එම්.එස්.’ කරන අය මතක් කරන්න ඕන. මොකද  එස්.එම්.එස්.වලින් තමයි අපි ඉදිරියට යන්නේ. ඒ අයට ස්තුතියි. විදේශ රටවලින් පවා මට කතා කරලා මාව දිරිමත් කරනවා. එතකොට ‘දෙරණ’ ආයතනය මතක් කරන්න ඕන. ‘ඩ්‍රීම් ස්ටාර්’ ටීම් එක, මගේ සංගීත ගුරුවරු අකිල සර්, උදිත සර්, රජිව් සර්, උපුල් සර්, රුක්ෂාන් සර්. එතකොට විශේෂයෙන් මතක් කරන්න ඕන ‘ෆ්ලෑෂ්බෑක්’ රෝස් අලගියවන්න අයියාව. ඔහු තමයි මගේ හඬ පාලන දේවල්වලට බෙහෙවින් උදව් කරන්නේ. ඔහු අපේ ගමේ කලාකරුවෙක්. ඒ හැමෝටම ස්තුතියි. 

අන්තවාදීන් නිසා වියැකී යන සෞන්දර්යාත්මක සිනමා වියමන ‘පද්මාවතී’

බොලිවුඩ් නිළි දීපිකා පදුකෝන්ගේ හිස ගසා දමන අයෙකුට ඉන්දීය රුපියල් කෝටි 100ක් ත්‍යාග වශයෙන් ලබාදෙන බවට භාරතීය ජනතා පක්ෂයේ සාමාජිකයෙකු වන ඉන්දියාවේ හරියානා ප්‍රාන්ත නායක සුරාජ් පාල් අමූ ප්‍රකාශයක් කර තිබීම මේ වන විට ඉන්දියාවේ මහත් ආන්දෝලනයට ලක්ව තිබේ. එම චිත්‍රපටය අධ්‍යක්ෂණය කළ සංජය ලීලා බන්සාලිටද මේ වන විට ඉන්දියාවේ හින්දු ජාතිවාදීන්ගෙන් දැඩි විරෝධයක් එල්ල වී තිබෙන අතර, චිත්‍රපටයේ අධ්‍යක්ෂ මෙන්ම එහි නිෂ්පාදකවරයාද වන සන්ජේ ලීලා බන්සාලිගේද හිස ගසා දමන්නේ නම්, එය සිදුකරන පුද්ගලයාට ඉන්දීය රුපියල් කෝටි 100ක මුදල් ත්‍යාගයක් ලබාදෙන බවත් හින්දු ජාතිකවාදී නායක සුරාජ් පාල් අමූ පසුගියදා මාධ්‍ය හමුවක් පවත්වමින් පවසා තිබේ. 

මෙම චිත්‍රපටය දෙසැම්බර් මුල් සතියේ සිට තිරගත වීමට නියමිතව තිබූ නමුත්, තිරගත වීමටත් පෙර, මේ වන විට ඉන්දියාවේ ප්‍රාන්ත තුනක 'පද්මාවතී’ චිත්‍රපටය තහනම් කර තිබේ. මහාරාෂ්ට්‍ර ප්‍රාන්තයේ සංචාරක ඇමති ජයිකුමාර් රාවාල් පවසා ඇත්තේ මහාරාෂ්ට්‍ර ප්‍රාන්තයේද ‘පද්මාවතී’ තහනම් කළ යුතු බවයි. ඔහු ඒ බව දන්වමින් ප්‍රාන්ත මහ ඇමති දේවේන්ද්‍ර ෆඩ්නාවිස්ට ලිපියක් යැවීය. ‘ඉතිහාසය විකෘති කිරීමට පෙර සන්ජේ ලීලා බන්සාලිගේ චිත්‍රපටය වහා නැවැත්විය යුතුයි’ යනුවෙන් එම ලිපියෙහි සඳහන් වෙයි. ‘පද්මාවතී’ චිත්‍රපටය තහනම් කළ ඉන්දීය ප්‍රාන්ත වන්නේ රාජස්ථානය, උත්තර ප්‍රදේශ් ප්‍රාන්තය සහ හර්යානා ප්‍රාන්තයයි. මෙම ප්‍රාන්ත තුනම භාරතීය ජනතා පක්ෂය සතුය.

220px-Padmavati_Posterpadmavati-7593

2017 ජනවාරි මස ජායිපූර්හි රූගත කිරීම් අතරවාරයේදී ජායිගාර් බළකොටුවේ පසුතලයෙහි ශ්‍රී රාජ්පුත් කර්ණි සේනා නම් සංවිධානය විසින් විරෝධතාවන්හි යෙදුණේ අධ්‍යක්ෂක බන්සාලි විසින් මෙම චිත්‍රපටය තුළ ඉතිහාසය විකෘති කරන බවට චෝදනා නගමිනි. රූගත කිරීම් කරනු ලැබූ ස්ථානයේ පසුතලයද විනාශ කිරීමට ඔවුහු තැත් කෙරූහ. 2017 මාර්තු 6, මෙම සාමාජිකයන් චිතෝර්ගාර් බළකොටුවට කඩාවැදී එයට හානි කළ අතර, රාණි පද්මිණීගේ මාලිගයේ තැන්පත් කළ කැඩපත් බිඳ දමා ඇත. ඉන්දියාවේ පුරාවිද්‍යා දෙපාර්තමේන්තුවේ නිල ලේඛන අනුව, මෙම කැඩපත් මීට වසර 40කට පෙර චිතෝර්ගාර් බළකොටුවෙහි තැන්පත් කළ බවයි ඉන්දියානු මාධ්‍ය විසින් සඳහන් කරනු ලබන්නේ. එමෙන්ම මාර්තු 15 දින හඳුනා නොගත් ම්ලේච්ඡයන් පිරිසක් විසින් කොල්හාපූර්හි මෙම චිත්‍රපටය සඳහා ඉදිකළ පසුතලයට හානිකොට ගිනි තබන ලදී. මෙහිදී චිත්‍රපටයේ පසුතල, වස්ත්‍ර සහ ආභරණ ගිනිබත් වූ බවද සඳහන් වෙයි.

'පද්මාවතී' චිත්‍රපටයේ පද්මාවතී යනු මුස්ලිම් පාලකයෙකු සමග විවාහ වන හින්දු රැජිනකි. ඒ හේතුවෙන් මෙම චිත්‍රපටය දැඩි ලෙස ප්‍රතික්ෂේප කිරීමට හින්දු ජාතිකයන් පෙළඹී ඇති බවයි වාර්තා වන්නේ. චිත්‍රපටය ලබන මාසයේදී තිරගත කිරීමට නියමිතව ඇති අතර, එය වැළක්වීමට ඔවුන් දැඩි ලෙස උත්සාහ කරන බව වාර්තා වෙයි. මේ අතර පූනේ අධිකරණයෙන් ප්‍රාන්ත සිනමා ශාලාවල %පද්මාවතී^ තිරගත කිරීම තහනම් කර වාරණ නියෝගයක් පනවා ඇති බව වාර්තා වේ.
දීපිකා වෙනුවෙන් ඉන්දීය සිනමාවේ දැවැන්තයන් බොහෝදෙනෙකු එක්ව සිටියි. ඒ අතරින් සුප්‍රසිද්ධ චිත්‍රපට අධ්‍යක්ෂකවරයෙකු වන ශේකර් කපූර් පවසා ඇත්තේ, තමාගේ සහාය 'පද්මාවතී' චිත්‍රපටය සමග බවයි. ඔහු පවසනු ලබන්නේ, බන්සාලි අතිශය දක්ෂ අධ්‍යක්ෂකවරයෙකු බවයි. ඔහු  විසින් සිදුකරනු ලබන නිර්මාණයක් තුළ යම්කිසි වැරැද්දක් ඇතිනම් එය රැඟුම් පාලක මණ්ඩලය තීරණය කරනු ඇතැයි ඔහු පවසයි. තවද මෙම වසරේ මිස් වර්ල්ඩ් ලෙස කිරුළ පැලඳු මනූෂි චිල්ලර්ද පද්මාවතී චිත්‍රපටය ගැන අදහසක් දක්වා තිබේ. ඇය සඳහන් කරන්නේ, මෙම සමාජය තුළ කාන්තාවන්ට කිසිදු ඉඩක් නොමැති බවට හැඟී යන බවයි. වසර 17කට පසුව ඉන්දියාවට කීර්ති නාමයක් ගෙන දුන් ඇය පවසන්නේ ඉන්දියානු බලවත් කාන්තාවන් අතරේ කෙනෙකු වන දීපිකා පදුකෝන් හට මෙවැනි අප්‍රසාදයක් පළකිරීම කනගාටුවට කරුණක් බවයි. එමෙන්ම ඉන්දියානු හාස්‍ය නළුවෙකු වන කපිල් ශර්මා පවසා ඇත්තේ, දීපිකා පදුකෝන්ට සහ පද්මාවතී චිත්‍රපටයට ඔහු සහාය දක්වන බවයි. එහිදී ඔහු සඳහන් කරනු ලබන්නේ බොලිවුඩ් සිනමාව සඳහා විශාල මෙහෙවරක් කරනු ලැබූ දෙදෙනෙකු වන බන්සාලි සහ දීපිකාට මෙවැනි ප්‍රහාර එල්ල කිරීම තරයේ ප්‍රතික්ෂේප කරන බවයි. 

_98965243_mediaitem98965241

එමෙන්ම පද්මාවතී සඳහා විරුද්ධ වීමට දේශපාලන පක්ෂ මෙන්ම ආගම්වාදී කණ්ඩායම්ද එකට එක්වෙන බැවින්, සිනමා කර්මාන්තය වෙනුවෙන් මේ සඳහා නැගී සිටීමට සහෝදර නළු නිළියන්ට ආරාධනා කරන බවද ඔහු පවසයි. මෙම පද්මාවතී චිත්‍රපටය වෙනුවෙන් ඉන්දියානු සිනමාවේ දැවැන්තයෙකු වන කමලාසන්ද නැගී සිටියි. ඔහු පවසන්නේ මෙම චිත්‍රපටය සඳහා චෝදනා කරන පිරිස් ඕනෑවට වඩා හැඟීම්බර වී කටයුතු කරන බවයි. මෙම චිත්‍රපටය යම්කිසි කතා පුවතක් බවත්, එය නිර්මාණය කිරීමට ඕනෑම අධ්‍යක්ෂකවරයෙකුට හැකියාව තිබෙන බවත් කමලාසන් පවසයි ලබයි.

‘පද්මාවතී’ චිත්‍රපටය ඉතිහාසය විකෘති කිරීමක් යැයි ‘රාජ්පුත් කර්ණී සේනා’ හින්දු ජාතිකවාදීහු දිගින් දිගටම චෝදනා කරනු ලැබුවත්, බොහෝදෙනා පවසන්නේ ඉන්දියානු චිත්‍රපට කර්මාන්තය තුළ එය තවත් එක් නිර්මාණයක් පමණක් බවයි. කෙසේනමුත් මේ සම්බන්ධයෙන් ඉන්දීය ඉතිහාසඥයන් දරන මතය වෙනස් බවද ඉන්දියානු මාධ්‍ය සඳහන් කරයි. ඔවුන් පවසන්නේ මුස්ලිම් පාලක කිලීජි පිළිබඳ ඉතිහාසයේ සඳහන් කර ඇති නමුත්, පද්මාවතී නමැති කෙනෙකු හෝ රැජිනක් පිළිබඳව කිසිදු සටහනක් නොමැති බවයි. ඇය ප්‍රබන්ධගත කරනු ලැබූ චරිතයක් බවද ඉන්දීය ඉතිහාසඥයන් පවසයි. මේ කාරණාව %‘රාජ්පුත් කර්ණී සේනා’ හින්දු ජාතිකවාදීහු ප්‍රතික්ෂේප කරමින් පවසන්නේ මෙය හුදු ප්‍රබන්ධ චරිතයක් නොවන බවයි. ඇය ඉතිහාසයේ සිට පැවත එන අතීතයේ සිටි කෙනෙකු බවද ඔවුහු පවසති. 

india-film-under-attack image_cf833f48c9 deepika-padukone-instagram_640x480_51507039694 3500 1024x1024

වචනවලින් කියැ‍ෙවන දේම මියුසික් වීඩියෝවෙන් පෙන්වන්න ඕනි නැහැ

මේ දිනවල සමාජ ජාල වෙබ් අඩවිවල වැඩි වශයෙන් 'මගේනේ' යන වචනය හුවමාරු වෙමින් තිබේ. ඊට හේතුව මෑතකදී එළිදැක්වුණු නවතම ගීතයකි. එම ගීතයේ හිමිකරු වන සූර්යා දයාරුවන් 'අද' කතාබහට එක්කර ගත් අතර, ඔහු සිය කලා කටයුතු පිළිබඳ ‍මෙලෙස අදහස් දැක්වීය.


Q මේ දවස්වල හරි කාර්යබහුලයි නේද?

ඇත්තෙන්ම ඔව්. මේ දවස්වල ටිකක් කාර්යබහුලයි. සුනිල් ප්‍රේමරත්න අයියාගේ %වැලිපහුරු^ චිත්‍රපටයේ රූගත කිරීම් සිදුවෙනවා. ඒක වෙනස් චිත්‍රපටයක්. මගේ 05 වැනි චිත්‍රපටය. ඒකෙ මගේ තාත්තට ඉන්නේ මහේන්ද්‍ර පෙරේරා අයියා, අම්මට ඉන්නේ දිල්හානි අශෝකමාලා අක්කා. එවැනි ප්‍රවීණ පිරිසක් එක්ක රංගනයේ යෙදීමත් භාග්‍යයක්. ඉතිං ලස්සන දෙයක් වෙයි ඉස්සරහට. ඊට අමතරව %TV1^ එකේ විකාශය වන ශර්ලි පී. දෙලංකාවල අයියාගේ %හිතුවක්කාරයා^ ටෙලිනාට්‍යයේ %සිහින^ කියන චරිතය කරනවා. ඒකෙ තේමා ගීතයත් ගායනා කළා. ඒත් එක්කම මේ දවස්වල %සිරස එෆ්එම්^ එකේ %හුස්මක් අරං ආදරේ^ කියලා හැම සතියේ දවස් පහේම දවල් එකේ ඉඳන් සවස 04 වෙනකන් ප්‍රධාන චරිතය කරනවා %ආදිත්‍ය^ කියලා. ඒකෙත් හොඳ රසික පිරිසක් ඉන්නවා. ඊට අමතරව ජාතික රූපවාහිනියේ 'Stanger' (අමුත්තා) කියලා වැඩසටහනක නිවේදන කටයුතු කරනවා. ලංකාවේ ඉන්න ජීවිතේ දිනපු අය තමයි ඒකට ගෙන්වන්නෙ. නිවේදකයෙක් විදිහට ජාතික රූපවාහිනියෙන් වැඩකටයුතු ආරම්භ කරන්න අවස්ථාව ලැබුණා. මගේ ගායන කටයුතු එක්ක අධ්‍යාපන, රංගන කටයුතුත් කරගෙන යනවා. ඒක නිසා කාර්යබහුල වැඩියි. 

Q කොහොමද අලුත් ගීතයට ලැබුණු ප්‍රතිචාර?

අලුත්ම ගීතය 'මගේනේ' ගීතයයි. ඒකට දැනට ලොකු ප්‍රතිචාර ගොඩක් තියෙනවා. දැනටත් %එෆ්එම්^ කිහිපයක අංක එක වෙලා තියෙනවා. ප්‍රේක්‍ෂකයන්ගේ ප්‍රතිචාර නිසා තමයි තාමත් එ්ක අංක එක වෙලා තියෙන්නෙ. ආදරය ගැන වෙනස්ම විදියට ලියැවුණු ගීතයක්. ඒක හින්දි ගීතයක ආභාසය ගෙන නිර්මාණය කරපු ගීතයක්. මනීෂා චංචලා හිටියා ඒ වැඩේ. ඉඳලා, ඉඳලා ගීතයක් කළා. ඒ ගීතයට හැමෝම ආදරය කරන්න පටන් ගත්තා. මේ වනවිට යූ-ටියුබ්වල මිලියනයක් විතර බලලා තියෙනවා. මගේ අලුත්ම ගීතය ජනවාරි විතර කරන්න ඉන්නෙ. 

VI3A9705

Q නිරුවත් නැති වීඩියෝවක් ලෙස ඔබේ වීඩියෝව සමාජ ජාල වෙබ් ජාලා මගින් බොහෝ කතාබහට ලක්වුණා නේද?

මම පළමු වැනි ගීතය ලෙස කළේ %දුරින් ඉන්න^ කියන ගීතය. ඒක යම් ප්‍රමාණයක් වැලඳ ගත්තා. 'මගේනේ' ගීතයේ තේරුම හැටියට ගත්තොත් මේ ගීතයට කරන්න පුළුවන් ඉතාමත් සරාගී වීඩියෝවක්. මොකද එහෙම සංකල්පයක් ගේන්න පුළුවන් ගීතයක් මේක. හැබැයි මට ඒ විදියට වීඩියෝවක් කරනවාට වඩා සරලව කෙනෙකුට දෙන්න පුළුවන් දෙයක්, පොදුවේ හැමෝටම බලන්න පුළුවන් දෙයක් කරන්න හිතුණා. තිසර ඉඹුලාන තමයි දන්සලක කතාවක් කරමු කියලා අදහස ගෙනාවේ. අපි ඒ විදියට කළා. අපි වචනවලින් කියැවෙන දේම පෙන්වන්න ඕන නැහැ. දැනෙන දෙයක් කරන්න ඕන. අලුත් සංකල්ප ගේන්න ඕන. වෙනසකටත් එක්ක කියලා එහෙම වීඩියෝවක් කළා. 

Q ඔබ ක්‍ෂේත්‍රයන් තුනක නියැළෙනවා. ඉතිං වැඩිපුර කාලය වෙන්කරන්නේ කුමක් සඳහාද?

මේ කාලයේ වැඩි කැපකිරීමක් රංගනයට යොමුවෙලා තියෙන්නෙ. හැබැයි සංගීතය කියන ක්‍ෂේත්‍රයේ තමයි මම වැඩිපුරම නියැළිලා හිටියේ. නිවේදනයට ගොඩක් ආස හිතුණා. ඒකෙන් ගොඩක් අත්දැකීම් ලැබුණා. මේ ක්‍ෂේත්‍රයන් තුනම ආසාවෙන් කරගෙන යනවා. කාලය කළමනාකරණය කරගෙන හරියට හැමදේම කරන්න බලාපොරොත්තු වෙනවා.

Q ජීවිතයේ හැරවුම් ලක්‍ෂයක් වූ චිත්‍රපටයක් තිබුණා නේද?

ඇත්තෙන්ම ඔව්. මගේ ජීවිතයේ ප්‍රධාන සන්ධිස්ථානය වුණේ 'සමනල සංධ්වනිය' චිත්‍රපටය. ඒ හරහා තමයි රංගනයට පය තැබුවේ. නොහිතපු විදිහට ප්‍රේක්‍ෂකයන් මට ආදරය කරන්න පටන් ගත්තා. එදා ඉඳන් මම ටෙලිනාට්‍ය දොළහක් පමණ කළා. ගොඩක් ඒවා එන්න තියෙනවා. මම නොසිතපු දෙයක් මගේ ජීවිතේට ලැබුණේ. මට නොසිතපු විදියට ලැබුණු දේ හොඳට ආරක්ෂා කරගෙන, ඉදිරියට ඒක අරගෙන යන එක තමයි වගකීම.

Q නොසිතපු ලෙස ලැබුණ දේ රැක ගන්න අමාරුද?

ඇත්තට ඔව්. රැක ගැනීම හරිම අපහසුයි. මගේ මේ අලුත් ගීතයෙන් මට තවත් රසිකයන් අතරට යන්න පුළුවන් වුණා. මම අධ්‍යාපනය, ප්‍රායෝගිකත්වය එක්ක ඉදිරියට යන නිසා මේ දේ අමාරුවක් නැහැ කියලා හිතනවා. මගේ ගතිගුණ එක්ක සහ මං ගැන දන්න අයත් දන්නවා මම කාටවත් නරක දෙයක් කරන කෙනෙක් නෙමෙයි කියලා. මගේ පාඩුවේ වැඩක් කරගෙන හොඳින් ගමන යන නිසා, ඒ දේවල්වලට හොඳින් මුහුණ දෙන්න සහ මගේ ගමන කෙළින් යන්න පුළුවන් ශක්තියක් තියෙනවා කියලා හිතනවා.

Q බොහෝ කාලයකට පෙර දායක වූ නිර්මාණයක් තිරගත වෙනවා නේද?

ඔව්. සුජීව ගුණරත්න අයියාගේ 'කාල' කියන චිත්‍රපටය තිරගත වෙනවා. ඒ චිත්‍රපටය කරලත් අවුරුදු දෙකහමාරක් විතර වෙනවා. ඒ දවස්වල කරලා ටිකක් ප්‍රමාද වෙලා මේ දිනවල තමයි 'කාල' චිත්‍රපටය සිනමා ශාලාවට ගියේ. කිසියම් නිර්මාණයක් ප්‍රචාරණය කිරීම සඳහා අවස්ථාව නොලැබෙන එක ගැන නම් පොඩි දුකක් තියෙනවා. බොහෝදෙනෙක් කොපමණ වෙහෙසක් දැරුවත් ඒකට ගැළපෙන හරි උත්තරයක් හොයාගන්න බැරිවෙලා තියෙනවා. මම කරපු ටෙලිනාට්‍ය 08ක් පමණ එන්න තියෙනවා. ඒ අතර මීට අවුරුදු දෙකකට තුනකට කලින් කරපු ඒවත් තියෙනවා. ඒ වුණාට මගේ ජීවිතේට ඒ දේවල්වලින් ජීවිතේට අත්දැකීම් එකතු කරගෙන අලුත් නිර්මාණවලටත් අත්දැකීම් එකතු කර ගන්නවා. නමුත් ඒ නිර්මාණ ප්‍රේක්‍ෂකයන්ට බලාගන්න වාසනාව නැතිකම නම් තියෙනවා. මොකද ඒවා හොඳ නිර්මාණ. හරි ගුණාත්මක ඒවා. ඒක නම් අපරාධයක් කියලා හිතෙනවා. 

Q ඉදිරි කටයුතු ගැන කිව්වොත්?

මට තව නිර්මාණ සඳහා ආරාධනා ලැබෙනවා. ඒ දේවල් සහ මගේ විභාග කටයුතු, මියුසික් වැඩ කරගෙන හොඳ කලාකාරයෙක් සහ හොඳ මනුස්සයෙක් විදියට සමාජයේ ඉන්න බලාපොරොත්තු වෙනවා.

Q ආදරය කරන රසිකයන්ට?

ආදරෙන් ඉල්ලනවා, හැමදාමත් ආදරය කරන්න, හැමදාම අපේ දේවල් විඳින්න. මමත් අලුත් දේවල්, ආදරය කරන්න පුළුවන්, විඳින්න පුළුවන් දේවල් ඉදිරියේදී අනිවාර්යයෙන්ම ලබාදෙනවා. හැමදාමත් ඉන්න කියලා ආරාධනා කරනවා. හැමෝටම ආදරෙයි. බලාපොරොත්තුවෙන් ඉන්න ඉදිරියේදී ලස්සන දේවල් එනවා. මෙතෙක් කාලයක් මාත් එක්ක හිටියටත්, ඉන්නවාටත් බොහොම ස්තුතියි කියනවා. 

VI3A9711

 

තේ බෑගයට නව අරුතක් එක් කරන Ruby Silvious

ළබාල කාලයේ සිට මහලු විය දක්වා මිනිසුන් සතු නිර්මාණ ශක්තිය පිළිබඳව අද බොහෝදෙනෙකු වටහාගෙන ඇත. එවැනි නිර්මාණකරණ සමාජයක් තුළ විශිෂ්ට නිර්මාණ ශිල්පියෙකු ලෙස Ruby Silvious හැඳින්විය හැකිය. 
Ruby Silvious යනු තාක්ෂණික මට්ටමෙන් දියුණුව කරා යනු ලැබූ නිර්මාණකාරිනියකි. අද සෑම නිර්මාණයක්ම පරිගණකය ආශ්‍රිතව සිදුකිරීමට හැකියාව තිබුණද, ඇය පරිගණක ආශ්‍රයෙන් නිර්මාණ ඉදිරිපත් කිරීම ප්‍රතික්ෂේප කර තිබේ. ඇය විෂුවල් ආර්ටිස්ට් කෙනෙකු සහ පරිගණක නිර්මාණ ශිල්පියෙකු ලෙස සේවය කරනු ලැබුවද තමන්ගේ වෘත්තීය පසෙකලා ඇය ස්වකීය නිර්මාණයන් සිදුකරනු ලබයි.

Ruby සිය නිර්මාණයන් සඳහා නවමු අදහස් එක් කිරීමට සමත්ව තිබේ. එහිදී ඇය 363 Days of Tea පොතක් නිර්මාණය කර ඇති අතර, ඒ සඳහා නිර්මාණ 363ක් එකතු කරනු ලැබීය. මෙම නිර්මාණ පොත සඳහා ඇය භාවිත කරනු ලැබුවේ Tea Bag 363කි. ඒ සඳහා කරනු ලැබූ සිතුවම් එක්කොට එක් නිර්මාණයක් ලෙස එළිදක්වනු ලැබීය. මෙම නිර්මාණ පොත නිව්යෝර්ක් හි පිහිටි තේ අලෙවි සැලක් විසින් මිලට ගෙන තිබේ. ඒ සඳහා ඇයට විශාල මුදලක් ගෙවනු ලැබීය. ඉන්පසු ඇය මෙවැනි අලෙවි සැල් සහ හෝටල් සඳහා ඔවුන් භාවිත කරනු ලබන Tea Bag භාවිත කර Coffee Table පොතක් එළිදක්වන ලදී.

2015 දී ආරම්භ කරනු ලැබූ මෙම නිර්මාණයන් මේ වන විට ලෝකයේ බොහෝ ලෙස කතාබහට ලක්ව තිබේ. මීට අමතරව Ruby තවත් නිර්මාණ සංකල්පයන් නිර්මාණ කලාවට හඳුන්වාදී තිබේ. ඇය චිත්‍ර නිර්මාණ ශිල්පිනියක ලෙසද සම්මානලාභිනියකි. කුඩා කාලයේ සිටම නිර්මාණ කලාව තුළින් ජයග්‍රහණයන් අත්කර ගනු ලැබූ ඇය 1998 වසරේදී දියසායම් මගින් කරන ලද සිතුවමකට තරගයකදී පළමු ස්ථානයද හිමිකරගෙන තිබේ. 

2009 වසරේදී පැවති ජනතා සම්මාන උලෙළේදීද ඇයට සම්මානයක් හිමි වී තිබේ. ඉන්පසු 2011 වසරේදීද එම ජනතා සම්මානය ලබා ගැනීමට ඇයට හැකියාව ලැබිණි. මේ ආකාරයෙන් 2015 වසර වන විට ඇයට තවත් සම්මාන 02ක් සඳහා උරුමකම් කීමට හැකියාව ලැබිණි. 2012 Ruby චිත්‍ර නිර්මාණ ප්‍රදර්ශනයක්ද පවත්වා ඇති අතර, එය ඉතාමත් සාර්ථකව නිමකර ගැනීමට හැකියාව ලැබුණු බවද සඳහන් වෙයි. 

1c8b1d1f18c6f1a68f8065426bb3236b 1-E5oLoGqXyVdiP9qc9c_rubysilvious4 8d3d99775cc22fb3881d64658dd0bba1--tea-bag-art-teabags 80a6cb9afcf7c36124402a5da9f90c68 b1wiacqzTh9vpuO869Yh_rubysilvious6 content_plain-magazine-ruby-silvious-tea-07 e8702sFY1u2oa3vda3v7_rubysilvious7 FYuWTi3eyHDmi8cc42BD_rubysilvious11 GVecJSNjYGUQ3uNbkR01_rubysilvious1 hqdefault

සිතුවම් මවනා අපූරු ටැටූ ශිල්පියා

Atomic Circus යනු වෘත්තීමය ටැටූ ශිල්පියෙකි. එවැනි නිර්මාණකරුවෙකුගේ දෑත්වල ඇති නිර්මාණ ශක්තිය පිළිබඳව අමුතුවෙන් කතා කළයුතු නැත. ටැටූ නිර්මාණ ශිල්පියෙකු යනු අද වනවිට ලෝකයේ පිළිගන්නා නිර්මාණකරුවන් අතරේ ප්‍රමුඛයෙකි. ඔවුන්ගේ හැකියාවන් සැසඳීමට තවත් කාරණා අවශ්‍ය නොවේ.

Atomic ගේ මතය වන්නේ කලාව කිරීමට කැපකිරීමක් අත්‍යවශ්‍ය බවයි. කලාවට ආදරය කරන කුමන හෝ පුද්ගලයෙකු ජීවිත රටාවටද ආදරය කරන බව Atomic පවසයි. මෙවැනි මතයක් තුළ තම නිර්මාණ හැකියාව සම්පූර්ණ කරන ඔහු පිළිබඳව ඇගයීමට තරම් හේතු කාරණා බොහෝ ඇත. ඔහුගේ සිතුවම් කලාව වෙනස් මාර්ගයක් තුළ අපහසුතා මතින් ගොඩනැගෙයි. උපන් කාලයේ සිට තම පවුල් පසුබිමින් නිර්මාණ හැකියාවක් තමන්ට පිහිටි බව ඔහු පිළිගන්නා කාරණාවකි. කෙසේනමුත් වාණිජකරණයට හසුවූ නිර්මාණ රැල්ලක්ද ඔහුගේ දෑත මත ඇති බව කිවයුතුය. ටැටූ නිර්මාණය වෘත්තියක් ලෙස කරමින් තම එදිනෙදා කටයුතු කරන ඔහු, තමන්ගේ විනෝදාංශය වෙනුවෙන් වෙනත් නිර්මාණයන්ද සිදුකරනු ලබයි. කාලයෙන් කාලයට ඔහුගේ නිර්මාණයන්වල සංකල්ප වෙනස් වනු ඇත. එවැනි සංකල්පයක් තුළ තම නිර්මාණ සඳහා සාධාරණ මතිමතාන්තර ගොඩනගා ගනිමින් තම නිර්මාණයන් වාණිජකරණයේ මුදුනට ගෙන යාමට ඔහුට හැකියාව ලැබුණි. 

agagagagha_by_atomiccircus-d5yl94c

Atomic කාටූන් නිර්මාණයන් සඳහාද තම කලා හැකියාවන් පණ පොවනු ලබන තරුණයෙකි. ලෝකයේම සුප්‍රසිද්ධ Biker mice from mars කාටූනයේ චරිත තම නිර්මාණ හැකියාවන් ලොවට පෙන්වීමට ඔහු සමත් වී තිබේ. ඔහු විසින් නිර්මාණය කරනු ලැබූ නිර්මාණ අතරින් බොහෝදෙනෙකුගේ ප්‍රතිචාර හිමිවූ චිත්‍ර ලෙස මෙය සඳහන් වෙයි. 
ඊට අමතරව Atomic විසින් මිනිස් රූපයන් සිතුවමට ගෙනෙන තිබේ. ඒ ආකාරයෙන් නිර්මාණ කරමින් සිටි ඔහු සිය නිර්මාණ සඳහා නවමු පණක් ගෙන ඒමට අලුත් නිර්මාණ සංකල්පයක් ගෙන එන ලදී. ඒ ලුණු උපයෝගී කරගනිමින් සිතුවම් නිර්මාණය කිරීමයි. එම නිර්මාණයන් සඳහාද විශාල ඉල්ලුමක් ගොඩනැගී තිබෙන බව  Atomic සඳහන් කරයි.

Atomic ගේ ජීවන වෘත්තියද වන කලාව ඔහු කිසි දිනක පහත් මට්ටමින් විකුණා නොමැති බව සඳහන් වෙයි. ඔහු විසින් තම සිතුවමක් අලෙවි කරනු ලබන්නේ ඉතාමත් අධික මිලකට බව සඳහන් වෙයි. ඔහු සිතුවම් අලෙවිකරණය තුළින් ඉහළ ආදායමක් ලබන අතර, ඔහු සිය ආදායමෙන් කොටසක් තමන් විසින් ආරම්භ කරනු ලැබූ පුණ්‍ය ආයතනයක් සඳහාද යොමු කරයි. බුද්ධි මට්ටම අඩු දරුවන් වෙනුවෙන් එම මුදල් වැය කරන බව සඳහන් වේ. 

2013_by_atomiccircus-d70bweb ae0b6c096f309c7e717ccaecf58ced15 Astounding-Immense-Portraits-And-Mandalas-Created-With-Kitchen-Salt-By-Dino-Tomic-02-740x718 athena_tattoo_done_in_new_york_by_atomiccircus-dbrru88 biker_mice_from_mars_by_atomiccircus-d5yldwh dino_large_by_atomiccircus-d7ujfcw_large dino-tomic-5 dino-tomic---lion-splatter---painting------23102015130003 eye_color_pencil_drawing_study_by_atomiccircus-d670g0w ferdig_copy_by_atomiccircus-d68lms7 maxresdefault mixed_media_portrait_of_my_grandmother_by_dinotomic-d6s9hgl nnw6tpc sffa_by_atomiccircus-dbotbkt untitled_1_copy_by_atomiccircus-d83qw81

 

‘ද ෆොරිනර්’ හැඩකරන සුරූපිනිය චාලි මර්ෆි‍

සුපිරි සටන් නළු ජැකී චෑන් රඟන නවතම බ්‍රිතාන්‍ය චිත්‍රපටය වන 'ද ෆොරිනර්' පසුගිය මාසයේ සිට තිරගත වීම ආරම්භ විය. මෙය 'ද ෆිසී ෆැසිලිටි', 'ස්පාර්කල් රෝල් මීඩියා', 'හුආයි බ්‍රදර්ස් පික්චර්ස් ' සහ 'වැන්ඩා පික්චර්ස්' යන සිනමා සමාගම් වෙනුවෙන් ජැකී චෑන්,‍ වේන් මාක් ‍ගොඩ්ෆ්‍රේ, ඩී.ස්කොට් ලම්ප්කින්, ‍ජැමී මාෂල් ආතර් එම්. සාකිසියන්ගේ සම නිෂ්පාදනයෙන් නිපදවුණි. මෙම චිත්‍රපටය මේ වනවිට ආදායම් වාර්තා තබමින් තිරගත වේ.

චිත්‍රපටයේ කතාවට පාදක වන්නේ කුවාන් නම් ලන්ඩන් ව්‍යාපාරියෙක් සිය දියණිය ඝාතනය කළ ත්‍රස්තවාදීන් ‍සොයා යන අවස්ථාවේ ඔහු මුහුණ‍ දෙන දේශපාලන ත්‍රස්තවාදය පිළිබඳ කතා පුවතකි. එනම්, 1992 වස‍රේ ප්‍රකාශයට පත් 'ද චයිනාමදන්' නවකතාව පදනම් වූ ‍මෙම චිත්‍රපටයේ මුල් නවකතාකරුවා ස්ටීවන් ‍ලෙදර් 'ද ෆොරිනර්' චිත්‍රපටය සාර්ථකව තිරගත වීමත් සමගින් බොහෝදෙනෙකු අතර කතාබහට ලක්වූ කෙනෙකු විය.

ඒ මෙම චිත්‍රපටයේ මැගී‍ගේ චරිතයට පණ පොවන ‍ප්‍රධාන නිළියයි. ඇය නමින් චාලි මර්ෆි‍ගේ වුවත් ඇයගේ සැබෑ නම වන්නේ චාලට් මර්ෆිය. 29 හැවිරිදි චාලි, ‍බො‍හෝ ‍දෙනා‍ගේ අවධානය දිනාගත්තේ RTE රූපවාහිනී නාට්‍ය මාලාවක් වූ 'ලව්/හේට්' හි සි‍යෝභන් ‍ඩෙලානේ ලෙසනි. 2013 වස‍රේ පැවති අයර්ලන්ත රූපවාහිනී සහ චිත්‍රපට සම්මාන උ‍ලෙ‍ළේ දී චාලි හොඳම රූපවාහිනී නිළියට හිමි සම්මානය දිනාගත්තේද ‍මෙම නාට්‍යයේ රංගනය ‍වෙනුවෙනි.

1988 වස‍රේ අ‍ප්‍රේල් මස 19 වැනිදා අයර්ලන්ත‍යේ එනිස්කෝර්දි හී උපන් චාලි 2006 වස‍රේ පටන් 2008 වසර දක්වා ගයිටි රූපණ පාසලින් රූපණය උගෙන තිබේ. 2009 වස‍රේදී විකාශය වූ 'ද ක්ලිනික්' නම් කතාමාලාව ඔස්සේ රංගන ක්ෂේත්‍රයට පිවිසුණු ඇය පසුව 2010 වස‍රේ දී 'සින්ගල් හැන්ඩඩ්' නම් කතා මාලාවටද දායක විය. 2011 වස‍රේ පැවති අයර්ලන්ත නාට්‍ය සම්මාන උ‍ලෙ‍ළේදී ‍හොඳම නිළිය සම්මානයද ඇයට හිමි විය. 

2012 වස‍රේදී විකාශය වූ 'මිස්ෆිට්ස්'' රූපවාහිනී කතාමාලාව හරහාද  ක්ෂේත්‍රය තුළ නමක් දිනා ගැනීමට චාලි සමත් විය. ඇයගේ පළමු සිනමා නිර්මාණය වූයේ 2013 වසරේදී තිරගත වූ 'පිලොමෙනා' චිත්‍රපටයයි. එම වස‍රේම විකාශය වූ 'රිපර් ස්ට්‍රීට්' රූපවාහිනී කතාමාලාව හරහාද අතිශයින් ජනප්‍රිය වූවාය.  2014 වර්ෂයේදී බීබීසී වන් නාළිකාවේ විකාශය වන 'හැපි වැලි' හි කතාමාලාවටද පණ ‍පෙවූ චාලි, එම නාළිකා‍වේ විකාශය වූ ‍ඓතිහාසික ශානර‍යේ අපරාධාත්මක රූපවාහිනී නාට්‍ය මාලාවක් වන 'පීකී බ්ලින්ඩර්ස්' හි රඟපෑ චරිතය හරහාද ජනප්‍රිය වූවාය.

2014 ව‍ස‍රේදී '71' චිත්‍රපටය හරහා සිනමාවටද පිවිසි චාලි, එම වස‍රේදීම තිරගත වූ 'නෝර්ත්මන්: අ විකින් සාගා' චිත්‍රපටය හරහාද ජනප්‍රියත්වයක් උසුලන ලදී. 2015 වසරේ සිට 2016 දක්වා රූපවාහිනී කතාමාලාවන් 3ක් සඳහා ඇය රංගනයෙන් දායක විය. මෙම වසරේ තිරගත වූ 'ද ෆොරිනර්' චිත්‍රපටය ඔස්සේ ඇයව බොහෝ දෙනා ආදරයෙන් වැලඳ ගනු ලැබීය.

d41a9a2bc2f435852c6c6f92027c17c1 ff577f1da4d257c17c433edf56f89fdf MV5BMjE0OTg5NDY2NF5BMl5BanBnXkFtZTcwMTA1ODQzOQ@@._V1_ nintchdbpict000226585674 The-Foreigner-Movie-Poster VIPIrelandImage126106

 

ළමා අපයෝජන චෝදනා ලැබූ හොලිවුඩ් නළුවා දිවිනසා ගැනීමට තැත්කරයි

හොලිවුඩ් නළු මාර්ක් සැලින්ගේ ජීවිතයේ අඳුරු පැතිකඩක් එළි වීමෙන් පසුව බොහෝ කලබලකාරී ලෙස ඔහු හැසිරෙන බව විදෙස් මාධ්‍ය සඳහන් කරයි. පසුගිය අගෝස්තු මාසයේදී ඔහුගේ පරිගණකය තුළ තිබූ කුඩා ළමයින්ගේ නිරුවත් ඡායාරූප සහ තවත් අසැබි දර්ශන රැසක් පොලීසිය විසින් සොයාගනු ලැබීමෙන් ඔහුට මෙම වාතාවරණය උදාවී තිබේ.

මේ සිදුවීමෙන් පසුව මාර්ක්ට එරෙහිව නීතිමය පියවර ක්‍රියාත්මක විය. මෙම කාරණාව හේතුවෙන් අපකීර්තිමත් පුද්ගලයෙකු ලෙස ඔහුට බොහෝදෙනා දොස් පවරනු ලැබීය. ඒ හේතුවෙන් මාර්ක් පසුගියදා සිය දිවි හානිකර ගැනීමට උත්සාහ කළ බව විදෙස් මාධ්‍ය සඳහන් කරයි. මාර්ක් තම අතක මැණික් කටුව අසලින් කපාගෙන තිබූ අතර, මේ බව දුටු අසල්වැසියෙකු විසින් 911 අමතා ගිලන් රථයක් ගෙන්වා ඔහුගේ ජීවිතය බේරාගෙන තිබේ.

පොලීසිය මේ කාරණාව සම්බන්ධයෙන් වැඩිදුර පරීක්ෂණ සිදුකරන බව සඳහන් කර තිබුණි. තවද මොහුට කුඩා ළමයින් ගැවෙසෙන ස්ථානවලින් ඉවත්ව සිටීමට අණ කර තිබෙන අතර, මොහු අතින් අපචාරයට ලක්වූ කුඩා ළමයින් වෙනුවෙන් ඩොලර් 50,000 බැගින් මුදලක් ගෙවීමටද නියම කර තිබේ.

151229150958-mark-salling-exlarge-169

තාක්ෂණයත් මවිත කරවන කඩදාසි කැටයම්

කඩදාසි නිර්මාණකරුවන් අප රටේ මෙන්ම ලෝකයේද බොහෝ බිහිවී සිටියි. ඔවුන්ට ඇති ආවේණික හැකියාවන් පිළිබඳ කියාපෑමට ඇතැම් විට අපට වචනද නොමැති තරම්ය. කෙසේවුවත් එලෙස කඩදාසි නිර්මාණකරණයේ ඉදිරියෙන්ම ඇති නාමයක් වන්නේ සම්මානලාභී Hina Aoyama ය. 

Hina Aoyama යනු තාක්ෂණික මට්ටමෙන් දියුණුව කරා යනු ලැබූ නිර්මාණකාරිනියකි. අද සෑම නිර්මාණයක්ම පරිගණකය ආශ්‍රිතව නිර්මාණය කළ හැකි වුවත්, ඇතැම් විට කවුරුන් හෝ කෙනෙක් විසින් සිදුකළ නිර්මාණයක් සොරාගෙන තමන්ගේ මෙන් ඉදිරිපත් කරන්නටද එමගින් හැකිය.  එවැනි ගණයට නොවැටී තම ස්වෝත්සාහය තුළින් පරිගණක ආශ්‍රිතව නිර්මාණකරණයේ නියැළෙන තැනැත්තියක් ලෙසද Hina හැඳින්විය හැකිය. පිරිසුදු කඩදාසි මිලට ගෙන නිර්මාණයට අවශ්‍ය ආකාරයට හැඩතල කපා ගනිමින් තම නිර්මාණය අවසන් කිරීමට ඇය බොහෝ සේ වෙහෙසෙන්නීය.

Hina යනු බහුමාධ්‍ය කලාකාරිනියකි. එමෙන්ම ඇය කලා අධ්‍යක්ෂවරියක ලෙසද කටයුතු කරයි.  මේ වන විට ලොස්ඇන්ජලීස් වල ජීවත් වන ඇය දරුවන් දෙදෙනෙකු‍ගේ මවකි. 1971 වර්ෂයේදී උපන් ඇය මානසික ආබාධයකින් පෙළුණු බව සඳහන්ව තිබේ. ඒ හේතුවෙන් ඇය කුඩා කාලයේ කිසිදු පාසලකින් බාරගෙන නොමැති බවද සඳහන් වෙයි. නමුත් ඇයට ඇත්තේ මානසික ආබාධයක් නොවන බව ඇතැම් වෛද්‍යවරු සඳහන් කර තිබුණි. අවුරුදු 16 වූ පසුව Hina ගේ දෙමවුපියන් ඇයව කලා පාසලකට ඇතුළත් කර තිබේ. ඉන්පසු ඇය 1990 වර්ෂයේදී Art School පාසලේදී කලා විෂය පිළිබඳව උපාධිය ලබාගෙන තිබේ. පාසල් දිවිය අවසන් වූ පසු ඇයට පෙම්වතෙක් මුණගැසී ඇති අතර, ඔහුගේ දැනහැඳුනුම්කම මත ඇයට පළමු රැකියාව ලෙස අවුරුදු 12 සහ 13 වයසැති දරුවන්ට කලා විෂය  ඉගැන්වීමට අවස්ථාව උදා වී තිබේ. 

1999 වර්ෂයේදී ඇය තමන්ගේම චිත්‍රාගාරයක් ආරම්භ කළ අතර, 2000 වර්ෂයේදී විවාහ දිවියට ඇතුළත් වී තිබේ. ඇයගේ ස්වාමියා වූයේ චිකාගෝහී චිත්‍රපට අධ්‍යක්ෂකවරයෙකි. ඉන්පසු තම කලාත්මක හැකියාවන් ස්වාමිපුරුෂයාගේ උදව්වෙන් විශාල ලෙස පුළුල් කරගත් Hina ගේ නිර්මාණයන් මේ වන විට සිය කලාගාරයේ මෙන්ම ඇගේ වෙබ් අඩවිවලද ඉහළ මිලකට අලෙවි වෙමින් පවතී. උපතින් නොලැබුණු කලා හැකියාවක් තමා සතුකර ගනිමින් ජීවිතය ජයගැනීමට හැකියාව ලැබීම පිළිබඳව ඇය බොහෝ සේ සතුටු වන බවද සඳහන් වෙයි.

04d769d2c535eb5e8ee0e27bd372ea61--paper-cutting CtxJYX6UkAAEdfc hinaaoyama-7 Hina-Aoyama-paper5-550x421 Hina-Aoyama-paper7-550x412 incredible-paper-lace-by-artist-hina-aoyama-0452

 

බොලිවුඩය ආක්‍රමණය කළ කොලිවුඩ් නිළිය

ඉන්දියානු සිනමාව මේ වන විට විශාල කර්මාන්තයක් බවට පත්ව හමාරයි. ඉන්දියානු සිනමාව තුළ හින්දි චිත්‍රපට පමණක් නොව දමිළ මෙන්ම තව තවත් භාෂාවන්ගේ චිත්‍රපටද නිර්මාණය වෙමින් පවතී. මේ කාරණාව හේතුවෙන් ඉන්දියානු සිනමාව තුළ වැජඹෙන ඇතැම් රංගන ශිල්පීන්ට අසාධාරණයක්ද සිදුව තිබේ. හින්දි සිනමාව තුළ මේ වනවිට වැජඹෙන බොහෝ රංගන ශිල්පීන් දමිළ සිනමාවෙන් හෝ තෙළිඟු සිනමාව තුළින් කරළියට පැමිණ තිබේ. මේ දිනවල ඉන්දියානු මාධ්‍ය ඔස්සේ කතා වන පුවතක් පිළිබඳව බොහෝදෙනා අවධානය යොමුකර තිබේ. ඒ නොවැම්බර් මාසයේ එළිදැක්වීමට නියමිතව ඇති 'ජූලි 02' චිත්‍රපටයයි. මෙම චිත්‍රපටයේ විශේෂ හේතුවක් වන්නේ ප්‍රධාන එක් චරිතයක් ඔස්සේ සමස්ත චිත්‍රපටය නිර්මාණය වීමයි. මෙම චිත්‍රපටයේ පළමු චිත්‍රපටය එළිදැක්වූයේ 2004 වර්ෂයේදීය. මෙය හින්දි භාෂාවෙන් නිර්මාණය වුවත්, මේ සඳහා රංගනයෙන් දායක වන්නේ දකුණු ඉන්දියානු නිළියක් වන රායි ලක්ෂ්මිය. ඇයගේ දෙවැනි හින්දි සිනමා නිර්මාණයද මෙය වීම විශේෂත්වයකි. සරාගී දර්ශනයන් ඇතුළත් මෙහි කාන්තාවකගේ ආධිපත්‍ය පතුරුවා ගැනීමේ උත්සාහයක් තේමා වී තිබේ.
රායි ලක්ෂ්මී හින්දි සිනමාවට නවකයෙකු වුවත් දමිළ සිනමාවේ බොහෝදෙනා ආදරය කරන දක්ෂ නිළියකි. 2005 වර්ෂයේදී ක්ෂේත්‍රයට පිවිසි ඇයගේ පළමු සිනමා නිර්මාණය වන්නේ 'කර්ක කසදාරා' චිත්‍රපටයයි. එය දමිළ සිනමා නිර්මාණයකි. ඉන්පසු ඇය රංගනයෙන් දායක වන්නේ 'කන්චානමල කේබල් ටීවී' නම් තෙළිඟු සිනමා නිර්මාණය සඳහායි. සිනමාවට පැමිණි පළමු වසර තුළදීම රායි ලක්ෂ්මි බොහෝ ප්‍රසිද්ධියක් ඉසිලීය. 2006 වර්ෂයේදී ඇය සිනමා නිර්මාණ තුනක් සඳහා දායක වූ අතර එක් තෙළිඟු චිත්‍රපටයක් සහ දමිළ චිත්‍රපට දෙකක් ඒ අතර විය. 2007 වසරේදී 'රොක් එන් රෝල්' නම් මලයාලම් සිනමා නිර්මාණය සඳහා දායක වූ රායි පළමු හින්දි සිනමා නිර්මාණය සඳහා දායක වන්නේ 2006 වර්ෂයේදීය. ඒ වන විට ඇය දමිළ, තෙළිඟු, මලයාලම් වැනි චිත්‍රපට 40කට වැඩි සංඛ්‍යාවක් සඳහා දායක වී තිබේ. 2016 තිරගත වූ 'අකීරා' චිත්‍රපටය ඇයගේ පළමු හින්දි සිනමා නිර්මාණය විය. මෙම වසරේ ඇයගේ දෙවැනි හින්දි සිනමා නිර්මාණය එළිදැක්වීමට නියමිතය. එමෙන්ම මෙම වසරේ රායි තවත් දමිළ සහ තෙළිඟු නිර්මාණයක් සඳහා රංගනයෙන් දායක විය.
ක්ෂේත්‍රයට පිවිසීමත් සමග ඇයට සිනමා නිර්මාණයන්හී කිසිදු අඩුවක් නොතිබුණු බවට බොහෝ සාක්ෂි තිබේ. 2018 වර්ෂයේදී ඇයගේ මලයාලම් චිත්‍රපට 07ක් එළිදැක්වීමට නියමිත ඇතැයි ඉන්දියානු මාධ්‍ය වැඩිදුරටත් සඳහන් කරයි.

220px-Raai_Laxmi's-Julie_2_poster ??????????????????????????????????????????????????????? Raai-Laxmi

 

විවේචන මධ්‍යයේ උර්වෂි යළිත් කරළියට

 

715562

'හේට් ස්ටෝරි' චිත්‍රපට මාලාව ඉන්දියානු සිනමාව තුළ මහත් ආන්දෝලනාත්මක විය. ඒ සඳහා චෝදනා විශාල ප්‍රමාණයක් එල්ලවූ බවද අමුතුවෙන් සඳහන් කළ යුතු නොවේ. වැඩිහිටියන්ට වඩාත් සුදුසු ලේබලය යටතේ නිර්මාණය වූ %හේට් ස්ටෝරි^ චිත්‍රපටයේ හතරවැන්න එළිදැක්වීමට මේ වන විට සූදානම් බව ඉන්දියානු වෙබ් අඩවි සඳහන් කරයි. එය ලබන වසරේ මාර්තු මාසයේ එළිදැක්වීමට නියමිතව බවත්, එම චිත්‍රපටයේ ප්‍රධාන චරිතය සඳහා උර්වෂි රවුටෙලා දායක වීමට නියමිත බවත් සඳහන් වෙයි. බොලිවුඩ් සිනමාවේ සිටින සරාගී නිළියන් අතරින් කෙනෙකු ලෙස බොහෝදෙනා ඇයව හඳුන්වයි. ඇය මීට පෙරද අඩ නිරුවත් දර්ශන සඳහා දායක වී ඇති බැවින් මෙම චිත්‍රපටයේ ප්‍රධාන චරිතයට ඇය තෝරාගත් බව සඳහන් වෙයි. කෙසේවුවත් නවක නිළියක් වන උර්වෂි ක්ෂේත්‍රයට ප්‍රවිශ්ට වූයේ නිරූපිකාවක් ලෙසිනි. 
උර්වෂි රවුටෙලා සිනමා ක්ෂේත්‍රයට ප්‍රවිශ්ට වූයේ 2013 වර්ෂයේදී %සින්ග් ෂාබ් ද ග්‍රේට්^ සිනමාපටය හරහාය. ඉන්පසුව ඇයට 2014දී චිත්‍රපටයක් සඳහා අවස්ථාව ලැබුණි. එමෙන්ම එම වර්ෂයේදීම එළිදැක්වූ අන්තර්ජාතික වීඩියෝ ගීත ඇල්බමයක් සඳහාද දායක වීමට ඇයට අවස්ථාව හිමිවිය. 2015 වර්ෂයේදී චිත්‍රපට 3ක් සඳහා වරප්‍රසාද හිමිකර ගැනීමට උර්වෂි සමත් විය. ඒ අතරින් %මිස්ටර් අයිරාවාටා^ චිත්‍රපටය හරහා ප්‍රේක්ෂකයන් අතර නමක් දිනාගැනීමට උවර්ෂි සමත් විය. 2016 දී ඇයව බොහෝ ප්‍රසිද්ධියට පත්වූයේ %සනම් රේ^ චිත්‍රපටයෙන් හා විවේක් ඔබරෝයි සමග රංගනයෙන් දායක වූ 'ග්‍රේට් ග්‍රෑන් මස්ති' චිත්‍රපටය හරහායි. එම වර්ෂයේදීම ඇය රිතික් රෝෂන් ප්‍රධාන රංගනයට දායක වූ 'කාබිල්' චිත්‍රපටය සඳහාද දායක විය. 

සිනමා නිළියක් වීමට ප්‍රථමයෙන් නිරූපිකාවක් ලෙස බොහෝ කටයුතුවල නිරත වූ උර්වෂි හට චිත්‍රපට කර්මාන්තයට යොමුවීමට මූලික අඩිතාලම වූයේ නිරූපණ වෘත්තියයි. 2011 වර්ෂයේදී 'මිස් ටුවරිසම් ක්වීන් ඔෆ් ද ඉයර්' ලෙස චීනයේදී ඇය කිරුළ දැරීය. ඒ වන විට ඇයගේ වයස අවුරුදු 17කි. 2011 වර්ෂයේදී දකුණු කොරියාවේදී %මිස් ඒෂියන් සුපර් මොඩ්ල්^ ලෙසද ඇයව නම් කෙරුණි. 2012 වර්ෂයේදී %මිස් යුනිවර්ස් ඉන්දියා 2012^ ලෙස උර්වෂි කිරුළ පලඳින ලදී. නිරූපිකාවක් ලෙස ක්ෂේත්‍රයට පැමිණ අධ්‍යාපනයෙන්ද සාර්ථකත්වයට පැමිණි ඇය ඉංජිනේරු අංශයෙන් සහ තොරතුරු තාක්ෂණයෙන් උපාධිධාරිනියකි. කෙසේවුවත් දක්ෂ රංගන ශිල්පියෙකු වුවත් ඇයව බොහෝදෙනා විවේචනය කරනු ලබයි. ඒ ඇයගේ ඇතැම් චිත්‍රපටවල රංගනයන් නිසා බවයි සඳහන් වන්නේ.

9d24a9e1ced4ff5c5eec050624b3a502--beautiful-mind-beautiful-ladies 500463b58cc34894828c7be88ac88beb