Author Archives: චමිල් රූපසිංහ

ජනපතිටත් පුටුවට දොළදුක ඇතිවෙලා – විජිත

ජනපතිකම වසර 4 කුත් වැඩියි කියා ජනපති පුටුවේ වාඩිවුන මෛත්‍රීපාල සිරිසේන මැතිතුමා දැන් වසර කියක් සිටිය හැකිදැයි අධිකරණයෙන් විමසන බව  ජනාතා විමුක්ති පෙරමුණු පාර්ලිමේන්තු මන්ත්‍රී විජිත හේරත් මහතා අද පස්වරුවේදි (12) පිළිමතලාවේදී පැවැසීය.

මන්ත්‍රී වරයා මෙසේ පැවැසුයේ 2018 පළාත් පාලන මැතිවරණය සදහා තරග වදින අපේක්ෂකයන් දිනවීම සදහා පිළිමතලාව අරඹේගමදි පැවැති උත්සවයකදීය.

වැඩි දුරටත් අදහස් දැක්වු මන්ත්‍රී වරයා මෙසේද කීය.

මේ පුටුවෙ වාඩිවෙච්ච හැම කෙනාටම පෙරේතකම එනව.චන්ද්‍රකා බන්ඩාරනායකටත් ආව , මහින්ද රාජපක්ෂටත් ආව අපි හිතුවෙ මත්‍රීපාල මහත්තයට ඒ දොළ දුක නැ කියල බලාගෙන යනකොට 4 ත් වැඩියි කිවුව මත්‍රීපාල මහත්තය දැන් 6 ක් ඕන කියනව.

ජනතාව එතුමට ඡන්දය දුන්නෙ 4 ක් 5 ක් 6 ක් ඉන්න නෙමේ ගත්තකමන් පුලුවන්නම් විධායක ජනපති කම අයින් කරන්න ඒකට පයින් ගහල 6 ක් ඉන්න හදනවනම් එත්මට ඡන්දය දීපු ජනතාව එය අනුමත නොකරණ බව ද එහිදි මන්ත්‍රී වරයා කීය.

මේ හොරු කොළ පාට නිල් පාට දෙපැත්ත මාරු කර කර හොරකම් කරනව පේරේද පාර්ලිමේන්තුවෙදි ගුටි කෙලියයි.එක්සත්ජාතික පක්ෂෙ අය කියනව මහින්ද හොරා මහින්ද හොරා කියල අනික් පැත්තෙන් කියනව රනිල් හොරා රනිල් හොරා කියල අපි මේක බලන් ඉදල දෙකම හොරා,දෙකම හොරා,දෙකම හොරා කියල කියනව.

දැන් මේගොල්ලන්ට ප්‍රස්නෙ වෙලා තියෙන්නෙ කවුද වැඩියෙන් හොරකම් කරේ කියල. නාමල් රාජපක්ෂ කියනව අපේ මුලු පාලන කාලයටම වඩා වැඩියි මේ බැදුම්කර හොරකම කියල.ඒ කියන්නෙ පිලිගන්නව අපේ හොරකමට වඩා උබලගේ හොරකම වැඩියි කියල,මේ පැත්තෙන් කියනව අපේ බැදුම්කරේට වඩා උබලගෙ හොරකම වැඩියි කියල දැන් ජනතාවට වි ඇත්තේ තරාදියක දමා කවුද ලොකු හොරා කියා බලන්නට බවද මන්ත්‍රී වරයා එහිදී වැඩි දුරටත් පැවැසිය.

vlcsnap-2018-01-12-20h50m59s029

 

පාර නුවරට – මුදල් ගෙදරට

අධිවේගි මාර්ගයේ කිලෝමීටරයක් හදන්නට කෝටි 450 ක් වියදම් වන බවත් අධිවේගී මාර්ගය මීරිගම පොතුහැර හරහා ගලගෙදරට යන විට එම මාර්ගයේ  සල්ලි පැලවත්ත හරහා අපේගම කිරිඇල්ලගේ ගෙදරට ගොස් ඇති අතර, පාර නුවරට – මුදල් ගෙදරට යන බව ජනතා විමුක්ති පෙරමුණේ නායක අනුරකුමාර දිසානායක මහතා පවසයි.

අනුර කුමාර දිසනායක මහතා මේ බව පැවසුවේ, කිරිබත්කුඹුරේදී ජනතා විමුක්ති පෙරමුණ සංවිධානය කළ උත්සවයකදීය.

එහිදී වැඩිදුරටත් අදහස් දැක්වූ අනුර කුමාර දිසානායක මහතා,

"ලක්ෂ 45 ක් යනව මීටරයකට හොරකම් නතර කරන්න ආපු ආණ්ඩු ජනතාවට මෙතරම් වංචා කරනවද? බැඳුම්කර වංචාව මගින් වසරක ලාභය රුපියල් කෝටි 530 රුපියල් 1000 නෝට්ටුවලින් ගෙන එකතු කළහොත් ගඩොල් පෝරණු දෙකක් තරමට විශාලයි. කෝටි 530 යි කියන එක සරලයි නමුත් බලන්න මම ඔයාලට කියන්නම් මේ වංචාව තේරෙන විදිහට.

ලක්ෂයකට 1000 කොල 100 යි. කෝටියකට 1000 කොල 10,000 යි. සාමාන්‍යයෙන් 1000 කොළ 500 ක් බන්ඩල් ගැහුවොත් ගඩොල් කැටයක ප්‍රමාණයක් එතකොට 1000 කොළ 500 බන්ඩල් 20 ක් වෙනවා කෝටියකට එතකොට එතැන පෙනුම ගඩොල් කැට 20 ක් විතර පෙනුම. එතකොට රුපියල් කෝටි 530 ක් කියන්නෙ ගඩොල් කැට 10 600 ක්, ඒ කියන්නෙ ගඩොල් පෝරණු දෙකක් 1000 කොළ. පේනවද රටට කරල තියෙන විනාශය. අර්ජුනගෙ ලාභය ගඩොල් පෝරණු දෙකක් වගේ ඒක රටටම කරපු මහ විනාශයක්." යැයි පවසා සිටියේය.

anura kumara

 

 

එජාපයට යන්නේ නෑ – කෙහෙළිය

මැතිවරණයක් ආසන්න වන විට තමන් එක්සත් ජාතික පක්ෂයට එක් වන්නට යන බව කියා අසත්‍ය ප්‍රචාරයන් ගෙන යන බව මහනුවර දිස්ත්‍රික් පාර්ලිමේන්තු මන්ත්‍රී කෙහෙළිය රබුක්වැල්ල මහතා පවසයි.

මන්ත්‍රීවරයා මෙසේ පැවැසුයේ තමන් එක්සත් ජාතික පක්ෂයට යන බවට අසත්‍ය ප්‍රචාරයන් ගෙන යන බැවින් එයට ප්‍රතිචාර දැක්වීම සදහා අද (24දා) මහනුවරදී පැවැත්වු මාධ්‍ය සාකච්චාවකදීය.

“එළාර අවුරුදු 44 ක් රට පාලනය කළා. ඉන් පසු දුටුගැමුණු රජු එලාර පරද්දවල රට එක් සේසත් කළා. එලෙසම එල්. ටී. ටී.ඊය අවුරුදු 33 ක් ඊළම වෙනුවෙන් සටන් කළා. ඒක පැරැද්දුවෙ මහින්ද රාජපක්ෂ ජනපතිතුමයි. මහින්ද රාජපක්ෂ දුටුගැමුණු පරම්පරාවෙ කෛනෙක් ලෙස රන් අකුරෙන් ඉතිහාස ගත වුණා. දැන් මේ ආණ්ඩුව හදන්නෙ ඒ රන් අකුරෙන් ඉතිහාස ගතවුණු සිද්ධිය ඉතිහාසයෙනුත් මකා දමන්න.

මෙවන් අසත්‍ය ප්‍රචාර කරන්නෙ අපිට ලැබෙන ඡන්ද වළක්වන්න. නමුත් කිසිදු විටක එක්සත් ජාතික පක්ෂයට එක්වෙන්නේ නෑ. රජය ගෙන යන අසත්‍ය ප්‍රචාර තරයේ ප්‍රතික්ෂේප කරනවා. ”

keheliya

 

කොළඹ – නුවර මාර්ගය වසමින් විරෝධතාවක

පිළමතලාව මාර්ගයෙන් කොළඹ නුවර මාර්ගය අවහිර කරමින් ජනතාව විරෝධයක නිරත වී සිටිති. පිළිමතලාව ඩී.බී. විජේතුංග මාවත පිළිසකර කර දෙන ඉල්ලමින් ඔවුන් මෙම විරෝධතාවයේ නිරත වෙයි.

පැයකට ආසන්න කාලයක් මාර්ගය අවහිර වි ඇති අතර ඒ හේතුවෙන් දැඩි රථවාහන තදබදයක්ද පවතී.

protest.600

 

මල්වතු නාහිමි නමින් ජපාන රැකියා දෙන බව පවසමින් ජාවාරමක්

මල්වතු මහ නාහිමි මූලිකත්වයෙන් ජපන් රටේ රැකියා හා අධ්‍යාපන අවස්ථා ලබාගත හැකි බව පවසමින් පුද්ගලයන් රවටා මුදල් වංචා කිරීමේ සිද්ධියක් සම්බන්ධයෙන් මල්වතු මහනායක අතිපූජ්‍යය තිබ්බටුවාවේ ශ්‍රී සිද්ධාර්ථ සුමංගල මහනායක ස්වාමින්ද්‍රයන් වහන්සේගේ දැනුම් දීම මත මහනුවර පොලීසිය පරීක්ෂණයක් ආරම්භ කර තිබේ.

මහනුවර ප්‍රධාන පෙළේ බාලිකා විදුහලක ගුරුවරියකට දුරකථන මගින් කතා කර මල්වතු මහනාහිමියන් වහන්සේගේ ආශීර්වාද මත ජපන් රටට පුද්ගලයන් යැවීමේ වැඩසටහනක් ක්‍රියාත්මක බවත් සීමිත පිරිසක් සඳහා එම අවස්ථාව ලැබෙන නිසා හැකි ඉක්මනින් මුදල් බැර කළ යුතු බවත් දැනුම් දී ඇත.

ඒ අනුව අදාළ ගුරුවරිය අවස්ථා දෙකකදී එම ගිණුමට රුපියල් 95,000 ක් බැර කර ඇත්තේ ඇගේ පුතා ජපන් රටට යැවීමේ අදහසිනි.

මේ සම්බන්ධ තොරතුරු මහනායක ස්වාමින්ද්‍රයන් වහන්සේට දැන ගන්නට ලැබීමෙන් පසු උන්වහන්සේ ඒ බව මහනුවර මූලස්ථාන පොලිස් පරීක්ෂකවරයා වෙත දැනුම්දී තිබේ.

තමන් වහන්සේ කිසිදු අවස්ථාවක මෙවැනි ක්‍රියා සඳහා අනුබල දීමක් සිදු නොකරන බැවින් අදාළ වංචාව සිදුකරන පුද්ගලයන් සම්බන්ධයෙන් නීති මගින් කටයුතු කරන ලෙස උන්වහන්සේ පොලීසියට කළ පැමිණිල්ලේ සඳහන් වේ.

srilanka_police

 

 

 

එජාප හිටපු ඇමතිගේ පුත්තු පක්ෂ දෙකකින් මැතිවරණයට

මෙවර පළාත් පාලන මැතිවරණයේදී මහනුවර මහ නගර සභාව සඳහා එක්සත් ජාතික පක්ෂයේ හිටපු ඇමතිවරයෙකු වන ඊ.එල්. සේනානායක මහතාගේ පුත්‍රයන් දෙදෙනෙකු වන කේසර සේනානයක මහතා එක්සත් ජාතික පක්ෂයෙන්ද, රාජා සේනානායක මහතා එක්සත් ජනතා නිදහස් සන්ධානයෙන්ද තරග වැදීම සඳහා නාමයෝජනා බාරදී ඇත.

දෙසොහොයුරන් දෙදෙනාම දීර්ඝකාලීන දේශපාලන අත්දැකීම් ඇති දෙපළකි.

කේසර සේනානායක මහතා මහනුවර මහ නගර සභාවේ හිටපු නගරාධිපතිවරයෙකු වන අතර, රාජා සේනානායක මහතා කලක් මධ්‍යම පළාත් සභා මන්ත්‍රීධුරයක් හෙබවීය.

RAJA copy

රාජා සේනානායක මහතා නාම යෝජනා බාරදීමට පැමිණෙමින්

 

අසූචිවල කර වටක් ගිලී සිටින විමල් සන්ධානයට ගන්නේ නෑ

අසූචිවල කර වටක් ගිලී සිටින විමල් එක්සත් ජනතා නිදහස් සන්ධානයට එක්කර ගැනීමේ කිසිදු අවශ්‍යතාවක් නොමැති බව සමාජ සවිබල ගැන්වීම, සුබ සාධන හා උඩරට උරුමයන් පිළිබඳ ඇමැති එස්.බී දිසානායක මහතා පවසා සිටියේය.

මහනුවර දිස්ත්‍රික්කයේ පාත හේවාහැට ප්‍රාදේශීය සභාව සඳහා අද (19දා) මහනුවර මැතිවරණ ලේකම් කාර්යාලයේදී නාමයෝජනා බාරදීමෙන් පසු මාධ්‍ය හමුවේ අදහස් දක්වමින් ඇමැතිවරයා මේ බව පවසා සිටියේය.

මෙහිදී වැඩිදුරටත් අදහස් දැක්වූ අමාත්‍යවරයා,

පක්ෂය සමඟි කිරීමට ජනපති මෛත්‍රීපාල සිරිසේන මහතා ගත් උත්සාහය ව්‍යර්ථ කිරීම නිසා අද මහින්ද, බැසිල්, නාමල් කෙරෙහි ඒකාබද්ධ විපක්ෂය නියෝජනය කරන මන්ත්‍රීවරු කේන්තියෙන් පසුවනවා.

 ශ්‍රීලංකා නිදහස් පක්ෂය හැරුණු විට එහි සිටි ප්‍රබලතම පක්ෂය වන ලංකා කම්කරු කොංග්‍රසය සන්ධානගතව තරඟ කරන  අතර පොදුජන එක්සත් පෙරමුණ 1994 බලයට පත්වන විට ඒ වටා ගොනුවී සිටි සියලු පක්ෂ තවමත් සන්ධානය සමඟ සිටිනවා.

 පක්ෂයේ හිටපු මහලේකම් අනුර ප්‍රියදර්ශන, සන්ධාන මහලේකම් සුසිල් ප්‍රේමජයන්ත්, නිමල් සිරිපාල, ජෝන් සෙනවිරත්න, දි.මු ඇතුළු ජ්‍යෙෂ්ඨයන් පක්ෂය සමඟ සිටින අතර මහින්ද සමඟ පක්ෂයේ ජ්‍යෙෂ්ඨයන් කිසිවකුත් එක්වී නැහැ”  යැයි ද පවසා සිටියේය.

s b disanayaka

 

මැතිවරණයේදී සියයට 51ක් කාටවත් නෑ

මෙවර ප්‍රාදේශීය සභා මැතිවරණයදී කිසිම කෙනෙකුට 51% ගන්නට නොහැකි බව තමාගේ විශ්වාසය බව සමාජ සවිබල ගැන්වීමේ හා සුභසාධන, කන්ද උඩරට උරුමයන් පිළිබඳ ඇමැති එස්.බී. දිසානායක මහතා ඊයේ  (17) දා පාතහේවාහැටදී පැවැසීය.

අවශ්‍යනම්  ප්‍රාදේශීය සභාව පොහොට්ටුව එක්ක හෝ යූ.ඇන්.පීය එක්කත් හදන්නට හැකි බවත් එහි තීන්දුව ගන්නේ ශ්‍රී ලංකා නිදහස් පක්ෂය බවද අමාත්‍යවරයා සඳහන් කළේය.

“අපේ රජය කොහොමත් තව අවුරුදු 3 ක් ඉන්නව ජනාධිපතිතුමත් අවුරුදු 3 ක් ඉන්නවා, මම හිතන්නෙ නෑ ඊළග රවුම යන්න අපට ගැටලුවක් තියෙනව කියල මේ ප්‍රාදේශීය සභාව. කෙසේ වෙතත් ලංකාවේ සියලුම ප්‍රාදේශීය සභාවක්ම අවසානයේ ශ්‍රී ලංකා නිදහස් පක්ෂයේ තීන්දුව මත පිහිටුවනවා”

SB-Dissanayake-e1484468978132

පක්ෂය සමගි කිරීමට ජනපති සභාපති තනතුර අත්හැරීමට සූදානම් වුණා

පක්ෂය සමඟි කිරීම සඳහා පක්ෂ සභාපතිධුරය පවා අත් හැරීමට ජනපති මෛත්‍රීපාල සිරිසේන මහතා සූදානමින් සිටි බවත් ඒකාබද්ධයේ ඉතා සුළු පිරිසකගේ අවශ්‍යතාව මත පක්ෂයට එකතුවීමට නොහැකි වූ බවත්  ඊයේ (16දා)  පස්වරුවේ විශේෂ ව්‍යාපෘති භාර අමාත්‍ය ආචාර්ය සරත් අමුණුගම මහතා පැවසීය.

ජනපති මෛත්‍රිපාල සිරිසේන මහතා පක්ෂ සභාපති ලෙසත් ශ්‍රීලනිප මධ්‍යම කාරක සභාවත් ඒකාබද්ධ විපක්ෂය නියෝජනය කරන කණ්ඩායම හා එක්ව විශාල කැපවීමක් කරමින් සාකච්ඡා කළ බවත් ශ්‍රීලංකා නිදහස් පක්ෂය ශක්තිමත් කිරීමට ඒකාබද්ධයේ වැඩි පිරිසක් මෙම සමඟිය අවශ්‍යය යැයි කියන මතයේ සිටියත් කිහිප දෙනෙකු පෞද්ගලික අවශ්‍යතා මත සමඟිය බිඳ දැමූ බවද අමාත්‍යවරයා එහිදී කීය.

ඒකාබද්ධයේ අය පක්ෂය සමඟ එක්ව වැඩ කිරීමට කැමැති වූයේ නම් තනතුරු පවා ලබා දීමට මධ්‍යම කාරක සභාව කැමැත්ත පළකර සිටි අතර පක්ෂය කැඩීමේ අවශ්‍යතාවෙන් සිටි සුළු පිරිසකගේ මතය ඒකාබද්ධය තුළ ප්‍රබල වීම නිසා සියලු අපේක්ෂා සුණු විසුණුවී ගිය බවද අමුණුගම මහතා එහිදී පැවැසීය.

sarath_a_b

 

නාමල් බලයට ගේන්න මහින්ද ශ්‍රීලංනිපය කඩනවා

2025 දී නාමල් නායකත්වයට ගෙන ඒම සඳහා කටයුතු කරන හිටපු ජනපතිවරයා මේ මොහොතේ උත්සහ කරන්නේ  ශ්‍රීලනිපය විනාශ කර දමා තමන්ගේ අනාගත ඉලක්ක සපුරා ගැනීමට බව සමාජ සවිබල ගැන්වීමේ හා සුබ සාධන කන්ද උඩරට උරුමයන් පිළිබඳ ඇමැති එස්.බී දිසානායක මහතා ඊයේ (16දා) මහනුවරදී පැවැසීය.

එහිදී අදහස් දැක්වු අමත්‍යවරයා මෙසේද කීය.

“ඒකාබද්ධ විපක්ෂය හා ශ්‍රීලංකා නිදහස් පක්ෂය නියෝජනය කරන මන්ත්‍රී කණ්ඩායම් එකතු කරන්න කළ සාකච්ඡා අසාර්ථක කළේ මහින්ද, නාමල් හා බැසිල් රාජපක්ෂයි. ඒ ඔවුන්ගේ පෞද්ගලික ඉලක්ක මුදුන් පමුණුව කර ගැනීම පිණිස දියත් කළ වැඩපිළිවෙළවල් නිසා.

ඒ හින්ද තමයි  අද ශ්‍රීලංකා පොදුජන පෙරමුණ කෙරෙහි කලකිරුණු පිරිස් ශ්‍රීලනිපය හා එක් වෙමින් සිටන්නෙ ශ්‍රීලංකා නිදහස් පක්ෂය පරාජය වීම තුළින් තමන්ගේ ආරක්ෂාව තහවුරු වන බව බැසිල් රාජපක්ෂ සිතා සිටින්නෙ.  මේ නිසා තමා ඔහුත් පක්ෂය එකමුතු වෙනවාට විරුද්ධ වුණේ.”

s b disanayaka