Author Archives: අම්ත් මධුරංග

ලලිත් හා අනූෂ අැප ලැබූ නිසා පිණ්ඩපාතය එපා

හිටපු ජනාධිපති ලේකම් ලලිත් වීරතුංග මහතාට හා ශ්‍රී ලංකා විදුලි සංදේශ නියාමන කොමිසමේ හිටපු අධ්‍යක්ෂ ජනරාල් අනූෂ පැල්පිට මහතාට ඇප ලබාදීම හේතුවෙන් ඔවුන්ට නියම වූ දඬ මුදල් ගෙවීම සඳහා ආරම්භකළ පිණ්ඩපාත චාරිකාව නවත්වන ලෙසට මහා සංඝරත්නයෙන් ඉල්ලීමක් කරන බව මහාචාර්ය මැදගොඩ අභයතිස්ස හිමියෝ පවසති.

මේ දක්වා එක්වූ අරමුදල් අද (21දා) ගණනය කරන බවත් එම මුදල් අධිකරණ කටයුතු සඳහා අනවශ්‍ය බවට ලලිත් විරතුංග හා අනූෂ  පැල්පිට යන මහත්වරුන් ප්‍රකාශ කළහොත් එය වෙනත් පොදු කටයුත්තක් සඳහා යොදවන බවත් උන්වහන්සේ පැවැසූහ.

 

 

සහාය දී ගමට එන්න එපාලු

අතුරුදන්වීම් වැළැක්වීමේ ජාත්‍යන්තර ප්‍රඥප්ති පනත් කෙටුම්පත පාර්ලිමේන්තු න්‍යාය පත්‍රයෙන් තාවකාලිකව කල්දමා තිබුණද, එය විවාදයට ගැනීමට ඉඩ තිබෙන බවත්, එම පනතට සහාය පළකර යළි ගම්වලට නොඑන්නැයි පාර්ලිමේන්තු මන්ත්‍රීවරුන්ගෙන් ඉල්ලා සිටින බවත් නාවික හමුදාවේ හිටපු රියර් අද්මිරාල් සරත් වීරසේකර  මහතා පැවසීය.

අතුරුදන්වීම් වැළැක්වීමේ ජාත්‍යන්තර ප්‍රඥප්ති පනත් කෙටුම්පත පාර්ලිමේන්තු න්‍යාය පත්‍රයෙන් ඉවත් කරන ලෙස ඉල්ලා රණවිරු සංවිධාන, ජාතික සංවිධාන හා දේශපාලන පක්ෂ විසින් පාර්ලිමේන්තු වටරවුමේ අද (20දා) පවත්වන ලද උද්ඝෝෂණයේදී හෙතෙම මේ බව කියා සිටියේය.

ජයන්ත සමරවීර, සිසිර ජයකොඩි, පද්ම උදයශාන්ත, විමලවීර දිසානායක, ඩී.වී. චානක, ශෙහාන් සේමසිංහ, දිලුම් අමුණුගම, කනක හේරත් යන ඒකාබද්ධ විපක්ෂයේ මන්ත්‍රීවරුද  මෙම අවස්ථාවට එක්ව සිටියහ. 

AID_7859 AID_7866 AID_7878 AID_7882 AID_7893 AID_7895 AID_7899 AID_7901 AID_7905 AID_7906 AID_7909 AID_7917 AID_7921 AID_7928 AID_7937 AID_7946 AID_7952 AID_7954 AID_7961 AID_7963 AID_7981 AID_7989 AID_7994 AID_8004 AID_8014 AID_8019

ඡායාරූප/වීඩියෝ - ඉසුරු පෙරේරා

 

පාර්ලිමේන්තු පාර වසයි

අතුරුදන්වූවනගේ ජාත්‍යන්තර ප්‍රඥප්තියට ශ්‍රී ලංකාව සහාය දැක්වීමට යන බවත් ඒ සඳහා විරෝධය දක්වන බවත් සඳහන් කරමින් ජාතික සංවිධාන එකමුතුව විසින් අද (20දා) පාර්ලිමේන්තු වට රවුමේ විරෝධතාවක් සංවිධානය කර තිබේ. මේ හේතුවෙන් පාර්ලිමේන්තු වට රවුමේ සිට පාර්ලිමේන්තුව දෙසට ගමන් කරන මාර්ගය වසා දමා ඇති අතර රථ වාහන තදබදයක්ද පවතී.

රණවිරුවන් වෙනුවෙන් පෙනී සිටින්න කැමති නීතිඥයින් පිරිසක්

ඕනෑම අධිකරණයකදී මෙරට රණවිරුන් වෙනුවෙන් පෙනීසිටීමට නීතිඥවරුන් කණ්ඩායමක් සූදානමින් සිටින බව ජනාධිපති නීතිඥ මනෝහර ද සිල්වා  මහතා අද (19දා)  පැවසීය.

පසුගිය කාලය පුරා ඔවුන් රණවිරුවන් වෙනුවෙන් නොමිලේ පෙනී සිටි බවත්, ඉදිරියේදී එන ඕනෑම නඩු කටයුත්තකදී ඒ ආකාරයටම පෙනීසිටන බවත් ඒ මහතා ප්‍රකාශ කළේය.

'එළිය' සංවිධානය විසින් කොළඹ නිපෝන් හෝටලයේදී පැවැත්වූ මාධ්‍ය හමුවකට එක්වෙමින් මනෝහර ද සිල්වා  මහතා වැඩිදුරටත් සඳහන් කළේ, විදේශීය විනිසුරුවරුන්ට මෙරටට පැමිණීමට ඉඩ නොදෙන බවත්, එවැනි විනිසුරුවරුන්ට මෙරට නීතිඥවරුන් බය නැති බවත්ය.

විස්සට ජනමත විචාරණයක් එපා – SLFP

ආණ්ඩුක්‍රම ව්‍යවස්ථාවේ විසිවැනි සංශෝධනය සම්බන්ධව ජනමත විචාරණයකට නොයායුතුය යන ස්ථාවරයේ ශ්‍රී ලංකා නිදහස් පක්ෂය සිටින බව සමාජ සවිබල ගැන්වීම් හා සුභසාධන  අමාත්‍ය එස්.බී. දිසානායක මහතා පැවසීය.

ශ්‍රී ලංකා නිදහස් පක්ෂය නොමැතිව ජනමත විචාරණයකට ගියහොත් විසිවැනි සංශෝධනය පරාජයට පත්වනු ඇතැයිද අමත්‍යවරයා ප්‍රකාශ කළේය.

ලබන බදාදා පැවැත්වෙන පාර්ලිමේන්තු සභාවාරයට මෙම සංශෝධනය ඉදිරිපත් කරනු ඇති බවත්, එදිනට නියමිත පාර්ලිමේන්තු න්‍යාය පත්‍රයේ එය සඳහන් වන බවත් දිසානායක මහතා සඳහන් කළේය.

 අමාත්‍යවරයා මේ බව පැවසුවේ, අද (19දා) බත්තරමුල්ල සෙත්සිරිපායේ පිහිටි සමාජ සවිබල ගැන්වීම් හා සුභසාධන  අමාත්‍යාංශයේ පැවැති මාධ්‍ය හමුවකදීය.

වත්මන් වමේ දේශපාලනය ගැන කනගාටුයි

අද පවතින වමේ දේශපාලනය සම්බන්ධව තමන්ට කලකිරීමක් ඇතැයි ශ්‍රී ලංකා කොමියුනිස්ට් පක්ෂයේ උපසභාපති පාර්ලිමේන්තු මන්ත්‍රී චන්ද්‍රසිරි ගජධීර මහතා අද (18දා) පැවසීය.

තමා කිසිවෙකුට ඇඟිල්ල දිගු නොකරන බව පැවසූ මන්ත්‍රීවරයා වමේ දේශපාලන පක්ෂ ස්වාධීනව සිටිමින් ජනතාව ඉල්ලා සිටින දේ ලබා දිය යුතු බව කියා සිටියේය.

බොරැල්ල ඇන් ඇම්.පෙරේරා කේන්ද්‍රයේ පැවති සමාජවාදී ජනතා පෙරමුණේ මාධ්‍ය හමුවට එක්වෙමින් ඒ මහතා වැඩිදුරටත් සඳහන් කළේ  ප්‍රශ්න වෙනස් කළ හැකි, ජාතික වශයෙන් ක්‍රියාත්මක, නූතන තාක්ෂණය හා දැනුමින් යුතු නව දේශපාලන බලවේගයක් නිර්මාණය කිරීමට වම විසින් කටයුතු කළ යුතු බවයි.

මෛත්‍රී ඇමතිවරයෙකු ලෙස සිල්රෙදි දුන්නේ ඔහුගේ රුව සහිතවයි

පසුගිය රජය සමයේදී පොළොන්නරුව දිස්ත්‍රික්කයේ උපාසක උපාසිකාවන් අතර සිල්රෙදි බෙදාදුන්නේ එවකට අමාත්‍යවරයෙකු වූ වත්මන් ජනාධිපති මෛත්‍රීපාල සිරිසේන මහතාගේ රුව සහිත අසුරණවල දවටා බව දේශවිමුක්ති ජනතා පක්ෂයේ සභාපති  ගලගම ධම්මරංසි හිමියෝ පැවසූහ.

හම්බන්තොට දිස්ත්‍රික්කයේ සිල්රෙදි බෙදාදුන්නේ මහින්ද අමරවීර මහතාගේ රුව සහිත අසුරණවල දවටා බවද කොළඹ පැවැති මාධ්‍ය හමුවකට එක්වෙමින් උන්වහන්සේ ප්‍රකාශ කළහ.

එම සිල්රෙදි බෙදාදීම සඳහා ප්‍රාදේශීය මට්ටමේ දේශපාලඥයන්, සමෘද්ධි සංවර්ධන නිලධාරීන්, කෘෂි පර්යේෂණ නිලධාරීන් ඇතුළු රාජ්‍ය නිලධාරීන් සම්බන්ධ වූ බවද ධම්මරංසි හිමියෝ සඳහන් කළහ.

පසුගිය රජයේ කැබිනට් මණ්ඩලය විසින් ගත් සාමූහික තීරණයක මත මෙම සිල්රෙදි බෙදාදී තිබෙන බැවින් එම කාර්යය වරදක් නම් මෛත්‍රීපාල සිරිසේන, රාජිත සේනාරත්න ඇතුළු  එවකට අමාත්‍ය මණ්ඩලයේ සිටි සියලු දෙනාට විරුද්ධව නීතිමය පියවර ගත යුතු බවද උන්වහන්සේ කියා සිටියහ.

 

 

පුත්තලමේ UPFA මන්ත්‍රීන් සියල්ලන්ම ඒකාබද්ධයට

එක්සත් ජනතා නිදහස් සන්ධානයෙන් මහ මැතිවරණයට තරග කර පාර්ලිමේන්තුවට තේරී පත්වූ පුත්තලම දිස්ති‍්‍රක් මන්තී‍්‍රවරුන් සියලුදෙනා  මේ වනවිට ඒකාබද්ධ විපක්ෂයට සහාය පළ කරන බව පාර්ලිමේන්තු මන්තී‍්‍ර බන්ධුල ගුණවර්ධන මහතා අද(17දා) පැවසීය.

පුංචි බොරැල්ල වජිරාශ්‍රම බෞද්ධ මධ්‍යස්ථානයේ පැවැති මාධ්‍ය හමුවකදී හෙතෙම මෙම අදහස් පළකළේය.

ඒ අනුව සනත් නිශාන්ත, ප්‍රියංකර ජයරත්න, අරුන්දික ප්‍රනාන්දු යන මහත්වරුන් ඒකාබද්ධ විපක්ෂය සමග එක්වී ඇති බව මන්ත්‍රීවරයා සඳහන් කළේය.

සනත් නිශාන්ත මහතා ආරම්භයේ සිට එකාබද්ධ විපක්ෂය සමග කටයුතු කළ බවත්, ආණ්ඩුවට වසර දෙකහමාරක් ගතව තිබියදීඑක්සත් ජාතික පක්ෂයේ ප‍්‍රතිපත්ති ශක්තිමත් කරන වැඩපිළිවෙළට  විරෝධය පා රාජ්‍ය අමාත්‍ය ධුරයක් ඉසිලූ පි‍්‍රයංකර ජයරත්න මහතා සහ නියෝජ්‍ය අමාත්‍ය ධුරයක් ඉසිලූ අරුන්දික ප‍්‍රනාන්දු මහතා පසුව එක්වුණු බවත් ගුණවර්ධන මහතා ප්‍රකාශ කළේය.

අරන්දික ප්‍රනාන්දු, ප්‍රියංකර ජයරත්න මහත්වරුන්ද මෙම සාකච්ඡාවේදී අදහස්  දැක්වූ අතර ඔවුන් ඒකාබද්ධ විපක්ෂය විසින් පැවැත්වූ මාධ්‍ය හමුවකට එක්වූ පළමු අවස්ථාව මෙය වෙයි.

විස්සට විරුද්ධ වූ බස්නාහිර මන්ත්‍රින්ට තනතුරු අහිමියි

බස්නාහිර පළාත් සභාවේ ආණ්ඩු පක්ෂ ප්‍රධාන සංවිධායක ගුණසිරි ජයනාත්, සභානායක සුනිල් ජයමිණි සහ ගිණුම් කාරක සභාවේ වැඩබලන සභාපති මෙරිල් පෙරේරා යන මහත්වරුන් එම තනතුරුවලින් ඉවත් කර තිබේ.

පුරප්පාඩු වූ එම තනතුරු සඳහා ආණ්ඩු පක්ෂ ප්‍රධාන සංවිධායක ලෙස චන්දන ජයකොඩි,සභානායක ලෙස හෙක්ටර් බෙත්මගේ සහ ගිණුම් කාරක සභාවේ වැඩබලන සභාපති ලෙස සුමිත් සොයිසා යන මහත්වරුන් පත්කර තිබේ.

මෙරිල් පෙරේරා මහතා සඳහන් කළේ විසිවැනි සංශෝධනයට විරුද්ධව ඡන්දය ප්‍රකාශකිරීම හේතුවෙන් ප්‍රධාන අමාත්‍ය ඉසුර දේවප්‍රිය මහතා විසින් තනතුරුවලින් ඉවත් කර ඇති බවයි.

 විසිවැනි සංශෝධනයට පක්ෂව ඡන්දය ප්‍රකාශ කළ පිරිසකට නව තනතුරු ලබාදී ඇති බවද හෙතෙම කීවේය.

 

සිල් රෙදි දැක්කේ නෑ – ඉසුර

පසුගිය ජනාධිපතිවරණයේදී බෙදා දී ඇතැයි පැවසෙන සිල් රෙදි තමා නොදුටු බව බස්නාහිර පළාත් ප්‍රධාන අමාත්‍ය ඉසුර දේවප්‍රිය මහතා අද (13දා) පැවසීය. තමා නියෝජනය කරන  මහරගම ආසනයට එවැනි සිල් රෙදි ගෙනවිත් නොතිබුණු බවත්, එවැනි සිල් රෙදි තමා නොබෙදූ බවත් මහ ඇමතිවරයා කීවේය.

බස්නාහිර පළාත් ප්‍රධාන අමාත්‍ය කාර්යාලයේ පැවති මාධ්‍ය හමුවකදී අදහස් දක්වමින් හෙතෙම මේ බව පවසා සිටියේය.

එහිදී වැඩිදුරටත් අදහස් දැක්වූ ප්‍රධාන අමාත්‍යවරයා,

“මම ඕනදෙයක් ගැන කෙලින් කතා කරන මිනිහෙක්. හුඟක් අය කතා කරන්නේ ඇත්ත වහගෙන. විදුලි සංදේශ නියාමන කොමිෂන් සභාවෙන් ලබා දිය හැකි උපරිම මුදල මිලියන සීයයි. නමුත් සිල් රෙදි සඳහා මිලියන 600ක් ලබාදී තිබෙනවා.මිලියන සීයට වඩා දෙන්න බැහැ කියලා ඒ අවස්ථාවේදි අනූෂ පැල්පිට මහතා හිටපු ජනාධිපතිවරයාට කිව්ව නම් මේ ප්‍රශ්න ඇති වෙන්නේ නැහැ. ඒක තමයි ඇත්ත කතාව. ඒ වගේම මැතිවරණය අවස්ථාවේදී සිල් රෙදි බෙදන්න එපා කියලා මැතිවරණ කොමසාරිස්වරයා පැහැදිලිව කියා තිබෙනවා. මේක නිලධාරීන්ට හොඳ පාඩමක්. හදවතින්ම මම එතුමන්ලා දෙදෙනා ගැන මම කනගාටු වෙනවා. රාජ්‍ය නිලධාරීන් තමන්ගේ සීමාවේ ඉඳන් වැඩ කළා නම් ඉවරයි.

සිල් රෙදි මට නම් ලැබුණෙ නැහැ.මම නම් දැක්කෙවත් නැහැ.මමත් පළාත් සභා මන්ත්‍රීවරයෙකු විදියට ඒ අවස්ථාවේ හිටියේ.නමුත් මට නම් ලැබුණේ නැහැ. මම ඇත්ත කියන්නේ.මට ලැබුණා නම් මම බෙදුවා කියනවා. ඔය කියන එකක්වත් මැතිවරණ කාලෙදි අපිට නම් ආවේ නැහැ. වෙන කාටවත් ලැබුණද  කියන්න මම නම් දන්නේ නැහැ.“යනුවෙන් පවසා සිටියේය.