Author Archives: අම්ත් මධුරංග

කපටි රංගනයේ දෙවැනි අදියර ජනපති මෛත්‍රී ක්‍රියාවට නංවලා

 

පසුගිය මහ මැතිවරණයේදී එක්සත් ජනතා නිදහස් සන්ධානයේ ජයග්‍රහණය වළක්වා එක්සත් ජාතික පක්ෂය ජයග්‍රහණය කරවීම සඳහා සිදුකළ කපටි රංගනයේ දෙවැනි අදියර මෛත්‍රීපාල සිරිසේන ජනාධිපතිවරයා මෙවර පළාත් පාලන මැතිවරණයේදීද ක්‍රියාවට නංවා ඇති බව ඒකාබද්ධ විපක්ෂයේ කැඳවුම්කරු, ගම්පහ දිස්ත්‍රික් පාර්ලිමේන්තු මන්ත්‍රි ප්‍රසන්න රණතුංග මහතා ප්‍රකාශ කළේය.

කැබිනට් මණ්ඩලයෙන් නැගිට යාම, මැතිවරණ වේදිකාවල දී එ.ජා.පය විවේචනය කිරීම යනාදිය එම රංගනයේ උච්චතම අවස්ථා බව පෙන්වා දුන් රණතුංග මහතා ජනාධිපතිවරයාට අවශ්‍යවී ඇත්තේ ශ්‍රී ලංකා නිදහස් පක්ෂය ජයග්‍රහණය කරවීමටත් වඩා එක්සත් ජාතික පක්ෂය දිනවා හෝ ශ්‍රී ලංකා පොදුජන පෙරමුණේ ජයග්‍රහණය කඩාකප්පල් කිරීම බවත් පැවසීය.

මන්ත්‍රීවරයා මේ බව පැවසුවේ, මිනුවන්ගොඩ නගර සභාවට ශ්‍රී ලංකා පොදුජන පෙරමුණ යටතේ තරග කරන අපේක්ෂකයන්ගේ ජයග්‍රහණය තහවුරු කිරීම සඳහා ඊයේ (18දා) පැවැති ජනහමුවකදීය.

එහිදී වැඩිදුරටත්අදහස් දැක්වූ මන්ත්‍රීවරයා,

“මේ මැතිවරණයේදීත් ජනාධිපතිවරයා උත්සාහ කරන්නේ මහ මැතිවරණයේදී කරපු කුමන්ත්‍රණයේ දෙවෙනි කොටස කරන්නයි. ජනාධිපතිවරයාඉන්නේ රටට මොනා වුණත් කමක් නැහැ එ.ජා.පය ආරක්ෂා කරන්න ඕනේ කියන මතයෙයි.

ඒ හින්දානේ කියන්නේ බැඳුම්කර කොමිසම ගෙනාවේ එක්සත් ජාතික පක්ෂයට ගහන්න නෙමෙයි කියලා. ශ්‍රී ලංකා නිදහස් පක්ෂයේ සභාපතිවරයා ඉන්නේ එක්සත් ජාතික පක්ෂය ආරක්ෂා කරන්නද? ඕකද ඔය මහ ලොකුවට ස්ටේජ්වල ගිරිය කඩන් කෑගහන බණ්ඩාරනායක ප්‍රතිපත්තිය. ඕක බණ්ඩාරනායක ප්‍රතිපත්තිය නෙමෙයි චන්ද්‍රිකාගේ ප්‍රතිපත්තිය.

අද වෙනකොට පැහැදිලිව ‍පේන්න තියෙන දේ තමයි පොහොට්ටුවට මේ මැතිවරණයේදී අතිවිශිෂ්ට ජයග්‍රහණයක් ලැබෙන බව. අපේ ජයග්‍රහණය දැන් තහවුරු වෙලා ඉවරයි. අගමැතිවරයා ප්‍රමුඛ එක්සත් ජාතික පක්ෂයට වගේම ජනාධිපතිවරයා ප්‍රමුඛ නිදහස් පක්ෂයටත් අපේ මේ ජයග්‍රහණය ඉවසා ගන්න බැරිව ගිහින් තියෙනවා.

මේ දෙගොල්ලොම හොඳටම දන්නවා මේ ඡන්දෙන් පස්සේ ආණ්ඩුවට ඇඩ්‍රස් නැතිව යන බව. දැන් බලන්නේ හොඳින් හෝ නරකින් අපේ ජයග්‍රහණය වළක්වන්නයි. ජනාධිපතිවරයා කැබිනට් මණ්ඩලයෙන් නැගිට යාමත් ඒ කූට වැඩපිළිවෙළේ එක් අදියරක් විතරයි. ජනාධිපතිවරයා රඟපාන මේ නාට්‍ය අගමැතිවරයා විසින් පිටපත ලියලා අධ්‍යක්ෂණය කරපු එකක්.

ජනාධිපතිවරයාට ඕනේ වෙලා තියෙන්නේ තමා එක්සත් ජාතික පක්ෂය සමග ඇයි හොඳයියක් නැහැ කියලා පෙන්නලා ඡන්ද ගොඩ වැඩි කරගන්න විතරයි. ඒ හින්දා තමයි ජනාධිපතිවරයා කැබිනට් මණ්ඩලයේදී බොරු සිංහ වෙස් අරගෙන කෑගහන්නේ. ඕවට ජනතාවට රැවටුණු කාලේ ගියා.

ජනාධිපතිවරයා ඇවිත් කියනවා කැබිනට් එකේදී එක්සත් ජාතික පක්ෂ ඇමැතිවරුන්ට බැන්නා කියලා. හැබැයි ජනාධිපතිගේ අගසව් වෙච්ච රාජිත කියනවා. ජනාධිපති නැගිටලා ගියේ මුත්‍රා කරන්න කියලා. රාජිත හිතන් ඉන්නේ මේ රටේ ඉන්න මිනිස්සුන් මෝඩයෝ කියලා වෙන්නැති.

අනෙක් පැත්තෙන් අගමැතිවරයා තව නාඩගමක් නටනවා. තමන්ගේ පක්ෂයේ ඉන්න බිලි බෝයිලා ටික දාලා ජනාධිපතිවරයාට අපහාස කරවනවා. අපහාස කරවන්න කලින් ජනාධිපතිවරයාට කියනවා ගණන් ගන්න එපා අපි ටිකක් බනිනවා කියලා. මිනිස්සු බොරුවට අප්පුඩි ගහනවා අපේ මන්ත්‍රීවරුන් දැන් ජනාධිපතිටත් බනිනවා කියලා.

මේ වගේ බොළඳ රඟපෑම්වලින් ජනතාව රවට්ටන්න ජනාධිපතිවරයාටවත් අගමැතිවරයාටවත් පුළුවන්කමක් නැහැ. මේ රටේ ඉන්නේ බුද්ධිමත් ජනතාවක් බව පෙබරවාරි 10 වැනිදා තියෙන මැතිවරණ ප්‍රතිඵලයෙන් ලෝකෙටම ඔප්පු වෙනවා. එදාට මේ ආණ්ඩුවට අකුලගෙන යන්න වෙනවා.

මිනිස්සු මෝඩයාට අන්දන්න හදන රාජිතලා ඇතුළු සියලු දේශපාලනඥයන්ට සිද්ධ වෙන්නේ උසාවි ගානේ රස්තියාදු වෙන්න තමයි. මොන සෙල්ලම් නැටුවත් ලබන අවුරුද්දෙන් මේ ජනාධිපතිවරයාගේ ධූර කාලය ඉවරයි. මේ මැතිවරණයෙන් පටන් ගන්න විජයග්‍රාහී රැල්ල අපි 2019 ජනාධිපතිවරණයේ දී අවසන් කරන්නේ ජනතාවාදී ජනාධිපතිවරයකු පත්කරලයි.*යැයි පවසා සිටියේය.

download

අද අැමතිවරු ටික ජනපතිව විහිළුවට අරං – මහින්ද

රාජිත සේනාරත්න,මහින්ද සමරසිංහ වැනි  ඇමතිවරුන් විසින් ජනාධිපති මෛත්‍රීපාල සිරිසේන මහතා විහිලුවට ලක්කරමින් කතාකරන බව බව හිටපු ජනාධිපති මහින්ද රාජපක්ෂ මහතා අද (18දා) පැවසීය.

ඔවුන් විසින් ජනාධිපතිවරයාගේ ඔළුව අතගා ටොකු අනිමින් සිටින බවද රාජපක්ෂ මහතා කීවේය.

කොළඹ විහාරමහා දේවි එළිමහන් රංග පීඨයේ අද  සවස  පැවති ඒකාබද්ධ පොදුජන පෙරමුණේ මහජන රැලිය අමතමින් හිටපු ජනාධිපතිවරයා මේ බව පවසා සිටියේය.

mahinda_rajapaksa

ඒකාබද්ධය මහ බැංකුවට යයි

පසුගිය ආණ්ඩුව බැඳුම්කර නිකුත් කර තිබෙන ආකාරය සම්බන්ධව සත්‍ය කරුණු රටට ඉදිරිපත් කරන්නැයි ඒකාබද්ධ විපක්ෂය මහබැංකුවට ගොස් එහි උසස් නිලධාරීන්ගෙන් ඉල්ලා සිටි බව එක්සත් ජනතා නිදහස් සන්ධාන පාර්ලිමේන්තු මන්ත්‍රී බන්දුල ගුණවර්ධන මහතා අද (18දා) පැවසීය.

හිටපු ජනාධිපති මහින්ද රාජපක්ෂ මහතාගේ උපදෙස් මත ශ්‍රී ලංකා පොදුජන පෙරමුණේ සභාපති මහාචාර්ය ජී.එල්.පීරිස් මහතා සහ ගාමිණී ලොකුගේ මන්ත්‍රීවරයා සමග තමන් මහබැංකු අධිපති ඉන්ද්‍රජිත් කුමාරස්වාමි , නියෝජ්‍ය අධිපතිවරයා ඇතුළු එහි උසස් නිලධාරීන් හමුවී ඊයේ දිනයේදී මෙම සාකච්ඡාව පැවැත් වූ බවද මන්ත්‍රීවරයා සඳහන් කළේය.

වහාම මුදල් මණ්ඩලය රැස්කර මහබැංකුවේ වගකීම ඉෂ්ට කරන ලෙස එහිදී ඉල්ලා සිටි බවත්, ඒ අනුව අද  දිනයේදී මුදල් මණ්ඩලය රැස්කර මේ පිළිබඳව සාකච්ඡා කරන බවට  මහබැංකු අධිපතිවරයා පොරොන්දු වූ අතර, හෙට දිනයේදී මහබැංකුව නිවේදනයක් නිකුත් කරනු ඇති බවත් ගුණවර්ධන මහතා ප්‍රකාශ කළේය.

Bandula-Gunawardana-12

 

බැඳුම්කර වාර්තාවේ පිටු 103ක් අඩුයි – ගම්මන්පිල

බැඳුම්කර සිද්ධිය පිළිබඳ ජනාධිපති විමර්ශන කොමිෂම් සභා වාර්තාවේ පිටු 103ක් අඩු වී ඇතැයි ‘පිවිතුරු හෙළ උරුමයේ’ නායක, පාර්ලිමේන්තු මන්තී‍්‍ර උදය ගම්මන්පිල මහතා ඊයේ (18දා) පැවසීය.

පසුගිය ජනවාරි 03 වැනිදා ජනාධිපති මෛත්‍රීපාල සිරිසේන මහතා බැඳුම්කර වාර්තාව සම්බන්ධයෙන් විශේෂ ප්‍රකාශයක් කරමින් එම වාර්තාවේ පිටු 1257ක් තිබෙන බව සඳහන් කළ  බවත්, මේ වනවිට අන්තර්ජාලයට මුදා හැර ඇති බැඳුම්කර වාර්තාවේ ඇත්තේ පිටු 1154ක් පමණක් බවත් මන්ත්‍රීවරයා එහිදී සඳහන් කළේය.

gammanpila1

 

මේ ආණ්ඩුව ගෙනියන්නෙ පොඩි ළමයින්ගෙ සෙල්ලමක් වගේ – ප්‍රමිත බණ්ඩාර

වත්මන් ආණ්ඩුව කටයුතු කරනුයේ කුඩා දරුවන් සෙල්ලම් ගෙදරක් පවත්වාගෙන යන ආකාරයෙන් බව මධ්‍යම පළාත් සභා මන්ත්‍රී ප්‍රමිත බණ්ඩාර  තෙන්නකෝන් මහතා පැවසීය.

 මේ හේතුවෙන් වත්මන් ආණ්ඩුවේ නායකයන් ඉදිරි ජනාධිපතිවරණයට ඉදිරිපත් විය යුත්තේ සූප්පුව ලකුණින් බවද මන්ත්‍රීවරයා සඳහන් කළේය.

 මාධ්‍ය හමුවකට එක්වෙමින් ඒ මහතා වැඩිදුරටත් සඳහන් කළේ සෙල්ලම් ගෙදර එක් සාමාජිකයෙකු තරහ වූ විට අනෙකුත් සාමාජිකයන් ඔහුව සනසන ආකාරයෙන් ජනාධිපතිවරයා සැනසීමට අගමැතිවරයාට සිදුව ඇති බවයි.

Pramitha-Bandara-Tennakoon-e1438518352594-432x300

කථානායකවරයා අස්වී යායුතුයි – මහින්ද යාපා

සියලුම පාර්ලිමේන්තු මන්ත්‍රීවරුන්ට බැඳුම්කර කොමිෂන් සභා වාර්තාව ලබාදීමට නොහැකිවූ කථානායකවරයා අස්වී ගෙදර යා යුතු බව එක්සත් ජනතා නිදහස් සන්ධාන පාර්ලිමේන්තු මන්ත්‍රී මහින්ද යාපා අබේවර්ධන මහතා අද (17දා) පැවසීය.6509478011110899492

අද දිනයේදී බැඳුම්කර වාර්තාවේ පිටපත් ඒකාබද්ධ විපක්ෂයේ මන්ත්‍රීවරුන්ට නොලැබුණු බවත්, මීට පෙර ලබාදුන් පොරොන්දුව ඉටුකිරීමට කථානායකවරයාට නොහැකිවූ බවද මන්ත්‍රීවරයා සඳහන් කළේය.

බත්තරමුල්ල නෙළුම් මාවතේ පිහිටි ශ්‍රී ලංකා පොදුජන පෙරමුණේ මෙහෙයුම් කාර්යාලයේ පැවැති මාධ්‍ය හමුවකදී ඒ මහතා වැඩිදුරටත් සඳහන් කළේ, අග්‍රාමාත්‍ය රනිල් වික්‍රමසිංහ මහතාගේ උවමනා ඉෂ්ට කිරීමට පමණක් කථානායකවරයා උත්සුක වන බවයි.

පාර්ලිමේන්තු මන්ත්‍රීවරුන්ගේ අයිතිවාසිකම් සම්බන්ධයෙන් කථානායකවරයා සැලකිලිමත් නොවන බවද අබේවර්ධන මහතා පවසා සිටියේය.

ආයෝජන වේගය අඩකින් අඩුවෙලා – BOC හිටපු සභාපති

මහාභාණ්ඩාගාරයේ  නිලධාරීන් සම්බන්ධ කරගෙන පසුගිය ආණ්ඩුව විසින් 2005-2016 ආර්ථික සැලැස්මක් සකසා තිබුණු බවත්, මහාභාණ්ඩාගාරය තුළ දැනටත්  එම නිලධාරින් සිටියද වත්මන් ආණ්ඩුවට ආර්ථික සැලැස්මක් ඉදිරිපත් කිරීමට නොහැකිවී ඇති බවත් ලංකා බැංකුවේ හිටපු සභාපති උදය ශ්‍රී කාරියවසම් මහතා අද (17දා)  පැවසීය.

නිසි නායකත්වයක් ලබාදෙමින් ආර්ථික වැඩපිළිවෙළක් සකස් කර නොමැති බැවින් ආයෝජන වේගය 50%කින් අඩුවී පොලි අනුපාතය හා උද්ධමනය ඉහළ ගොස් තිබෙන බවද හිටපු සභාපතිවරයා සඳහන් කළේය.

 කොළඹ පැවැති මාධ්‍ය හමුවකදී කාරියවසම් මහතා වැඩිදුරටත් සඳහන් කළේ, රජය විසින් දිගුකාලීන ආර්ථික සැලැස්මක් සකස් කරනතුරු මුල්‍ය අර්බුදයෙන් නිදහස්වීමට නොහැකි බවයි.

udaya-sri-kariyawasam

ජනපතිට දුන් බැඳුම්කර වාර්තාව චූදිතයින් අතින් වෙනස් කරලා?

ජනාධිපති මෛත්‍රීපාල සිරිසේන මහතාට ලබා දුන් බැඳුම්කර කොමිෂන් සභා  වාර්තාව චූදිතයන් අතට පත් කර එහි කරුණු වෙනස් කළ බවට විශ්වාස කටයුතු ආරංචි මාර්ගයක් මගින් තොරතුරු ලැබී ඇතැයි ජාතික නිදහස් පෙරමුණේ ජාතික සංවිධායක ජයන්ත සමරවීර මහතා ඊයේ(16දා) පැවසීය.

එම වාර්තාවෙහි අකුරක් හෝ වෙනස් කර තිබුණහොත්  ප්‍රජාතත්ත්‍රවාදී බලවේග සමග එක්ව ඊට එරෙහිව නීතිමය පියවර ගන්නා බවද ජාතික සංවිධායකවරයා සඳහන් කළේය.

කොමිෂන් සභා වාර්තාව මගින් ඉදිරිපත් කළ නිර්දේශ වෙනස් කර චූදිතයන්ට නීතියෙන් දැලෙන් රිංගා යා හැකි  ආකාරයට පසුගිය දිනවලදී විවිධ වෙනස්කම් සිදුකර තිබෙන බවත්, එවැනි පාපකර්මයකට හවුල් වී ජනතා අධිකරණය හමුවේ වරදකරුවෙකු නොවන ලෙසට  ජනාධිපතිවරයාගෙන් ඉල්ලා සිටින බවත් මන්ත්‍රීවරයා ප්‍රකාශ කළේය.

ජාතික නිදහස් පෙරමුණේ ප්‍රධාන කාර්යාලයේ පැවැති මාධ්‍ය හමුවකදී වැඩිදුරටත් අදහස් දැක්වූ ජයන්ත සමරවීර මහතා,

“කොමිෂන් සභාවේ වාර්තාව එළිදැක්වූවාට ජනාධිපතිවරයා පළමුව කළ යුතුව තිබුණේ කුමක්ද? මේ රටේ ජනතාව තමන් සතු පරමාධිපත්‍ය බලය පවරා දෙනු ලැබූ එක් උත්තරීතර ආයතනයක් වූ ද, මේ රටේ මූල්‍ය පාලනය හිමිව ඇත්තා වූ ද පාර්ලිමේන්තුව වෙත පිළිගැන්වීමයි. නමුත් එය සිදු වූයේ නැහැ. මෙම වාර්තාව ජනාධිපතිවරයා අතට පත් වූයේ 2017 දෙසැම්බර් 31 වැනිදායි. පසුගිය ජනවාරි 10 වැනිදා පාර්ලිමේන්තුවට එය ඉදිරිපත් කිරීම සඳහා පාර්ලිමේන්තුව කථානායකවරයා විසින් කැඳවා තිබුණත් ජනාධිපතිවරයා එය පාර්ලිමේන්තුවට ඉදිරිපත් කිරීමට තම ලේකම්වරයාට උපදෙස් ලබා දී තිබුණේ නැහැ.

මෙම කොමිෂන් සභා වාර්තාව උපුටා දක්වමින් ජනාධිපතිවරයා විසින් පසුගියදා පෙන්වා දුන්නේ හිටපු මුදල් අමාත්‍යවරයා වූ රවි කරුණානායකට එරෙහිව කොමිසම මගින් නිර්දේශ දෙකක් ඉදිරිපත් කර ඇති බවයි. පළමු නිර්දේශය, අර්ජුන ඇලෝසියස්ගෙන් පෙන්ට් හවුස් නිවාස සංකීර්ණයෙහි නිවසක් සඳහා කුලී මුදල් ලබාගැනීමට එරෙහිව අල්ලස් හෝ දූෂණ චෝදනා විමර්ශන කොමිසම හරහා නඩු පවරන ලෙසයි. දෙවැනි නිර්දේශය, ජනාධිපති කොමිසම හමුවේ අසත්‍ය ප්‍රකාශ සිදු කිරීම නම් සාපරාධී කටයුත්තට එරෙහිව දණ්ඩ නීති සංග්‍රහය යටතේ නඩු පවරන ලෙසයි. නමුත් දැන් මේ නිර්දේශ නිකුත් වී දින 17යි. රවි කරුණානායක නිදැල්ලේ ඉන්නවා. ඒ විතරක් නොවෙයි මේ කොමිෂන් සභා වාර්තාව අගමැතිතුමන්ට සහ තමන්ට ලැබුණු බවත් කියනවා* යනුවෙන් පවසා සිටියේය.

 

       

නියඟය වෙනුවෙන් ලබාදුන් වියළි සහනාධාරය නැවතත්

නියඟය වෙනුවෙන් ලබාදුන් වියළි සහනාධාරය නැවත ලබාදෙන ලෙස ජනාධිපති මෛත්‍රීපාල සිරිසේන මහතා කැබිනට් රැස්වීමේදී අද (16දා) උපදෙස් ලබාදී තිබේ.

එම සහනාධාරය මාස 04කින් පසුව නවතා ඇති බව කාන්තා හා ළමා කටයුතු අමාත්‍ය චන්ද්‍රාණි බණ්ඩාර මහත්මිය අද (16දා) පැවැති කැබිනට් මණ්ඩල රැස්වීමේ පෙන්වා දී තිබේ.

ඒ සඳහා අවශ්‍ය පියවර ගැනීමට අවධානය යොමු කරන්නැයි චන්ද්‍රාණි බණ්ඩාර මහත්මිය කළ ඉල්ලීමට ජනාධිපතිවරයාගේ එකඟතාව පළවූ බවද වාර්තා වෙයි.

1202391953maith3

දකුණු පලාතේ ගුරුවරු 2000ක හිඟයක්

දකුණු පළාතේ පළාත් පාසල්වල ගුරුවරුන් 2000කගේ  හිඟයක් තිබෙන බව ගාල්ල දිස්ත්‍රික් එක්සත් ජනතා නිදහස් සන්ධාන පාර්ලිමේන්තු මන්ත්‍රී වෛද්‍ය රමේෂ් පතිරණ මහතා පැවසීය.මීට අමතරව එම පළාත් පාසල්වල අනධ්‍යයන සේවකයන් 1500කගේ හිඟයක් තිබෙන බවද මන්ත්‍රීවරයා සඳහන් කළේය.

රජයට මුදල් නොමැතිකමින් මෙම පුරප්පාඩු සම්පූර්ණ කිරීමට නොහැකිව ඇතැයිද ඒ මහතා පවසා සිටියේය. 

Ramesh Pathirana