Monthly Archives: January 2018

වියළි කාලගුණය තවදුරටත්

දිවයිනට බලපා ඇති වියළි කාලගුණ තත්ත්වය තවදුරටත් අපෙක්ෂා කරන බව කාලගුණ විද්‍යා දෙපාරතමේන්තුව සඳහන් කරයි. එසේම ඉදිරි දින කිහිපයේදීත් සීත උදෑසන හා සවස් කාලයන් අපේක්ෂා කරන බවත් ඔවුන් පවසයි.

මේ අතර ඉදිරි දින කිහිපයේදි නුවරඑළිය දිස්ත්‍රික්කයේ ඇතැම් ස්ථානවලට මල් තුහින පතිත විය හැකි බවත් එම නිවේදනයේ දැක්වෙයි. 

160505102910-gettyimages-524092582india-drought-full-169

ආයෝජන වේගය අඩකින් අඩුවෙලා – BOC හිටපු සභාපති

මහාභාණ්ඩාගාරයේ  නිලධාරීන් සම්බන්ධ කරගෙන පසුගිය ආණ්ඩුව විසින් 2005-2016 ආර්ථික සැලැස්මක් සකසා තිබුණු බවත්, මහාභාණ්ඩාගාරය තුළ දැනටත්  එම නිලධාරින් සිටියද වත්මන් ආණ්ඩුවට ආර්ථික සැලැස්මක් ඉදිරිපත් කිරීමට නොහැකිවී ඇති බවත් ලංකා බැංකුවේ හිටපු සභාපති උදය ශ්‍රී කාරියවසම් මහතා අද (17දා)  පැවසීය.

නිසි නායකත්වයක් ලබාදෙමින් ආර්ථික වැඩපිළිවෙළක් සකස් කර නොමැති බැවින් ආයෝජන වේගය 50%කින් අඩුවී පොලි අනුපාතය හා උද්ධමනය ඉහළ ගොස් තිබෙන බවද හිටපු සභාපතිවරයා සඳහන් කළේය.

 කොළඹ පැවැති මාධ්‍ය හමුවකදී කාරියවසම් මහතා වැඩිදුරටත් සඳහන් කළේ, රජය විසින් දිගුකාලීන ආර්ථික සැලැස්මක් සකස් කරනතුරු මුල්‍ය අර්බුදයෙන් නිදහස්වීමට නොහැකි බවයි.

udaya-sri-kariyawasam

ක්‍රිඩක ක්‍රීඩිකාවන් වැඩිම අවමාන වින්ඳේ වත්මන් රජය යටතේයි – අර්ජුන

ක්‍රීඩක ක්‍රීඩිකාවන්ට අපහාස වන කාලයක රජයේ ඇමතිවරයෙකු ලෙස කටයුතු කිරීමට සිදුවීමතරම් අවමානයක් මේ දක්වා තමන් විඳනැතැයි ඛනිජ තෙල් සම්පත් අමාත්‍ය අර්ජුන රණතුංග මහතා පැවසීය.

එමෙන්ම මෙරට ක්‍රීඩාවට මෙන්ම ක්‍රීඩක ක්‍රීඩිකාවන්ට වැඩිම අවමාන සහ අපහාස විඳින්නට සිදුවූයේ වර්මාන රජය යටතේ බවද ඒ මහතා වැඩිදුරටත් සඳහන් කර සිටියේය.

කඩාවැටෙමින් තිබෙන මෙරට ක්‍රීඩාවට විසඳුම් ලබානොදී බලධාරීන් ඒ සඳහා පැලැස්තර විසඳුම් ලබාදීම තුළින්මෙරට ක්‍රීඩාව තව තවත් ප්‍රපාතයට ගමන් කරමින් තිබෙන බවද අමාත්‍යවරයා සිය දේශනයේදී සඳහන් කර සිටියේය.

මෙරට ප්‍රවීණතම මලල ක්‍රීඩා පුහුණුකරුවෙකු වන යෝගානන්ද විජේසුන්දර මහතා ඇගයීමේ උපහාර උලෙළෙට සහභාගි වෙමින් අමාත්‍යවරයා ඉහත අදහස් දැක්වීය. උපහාර උලෙළ අද (17දා) කොළඹ ඔලිම්පික් කමිටු ශ්‍රවණාගාරයේදී පැවැත්විණි. 

Arjuna

උඩවලව වනෝද්‍යානයේ මුවන් දඩයම් කල අයෙකු වනජීවියට හසුවෙයි

මවුආර  වනජීවී කාර්යාලයේ නිලධාරින් විසින් උඩවල ජාතික උද්‍යානයේ සිදුකරන ලද හදිසි වැටලීමකදී මවුආර ජලාශය ආසන්නයේ දඩයම් කරන ලද මුවෙකු හා ගිනි අවියක් සමග සැකකරුවෙකු අත්අඩංගුවට ගැනීමට හැකිවී තිබේ .

    අදාළ සැකකරු මවුආර ප්‍රදේශයේම පදිංචි වයස අවුරුදු 41 ක පමණ පුද්ගලයෙකු වන අතර අහු සතුව තිබු ගිනි අවිය T 56 වර්ගයේ උණ්ඩ දැමිය හැකි සේ තැන තිබු බවයි වන ජීවී කාර්යාලයේ නිලධාරින් ප්‍රකාශ කර සිටියේ .

    අත්අඩංගුවට  ගත් සැකකරු  ඇඹිලිපිටිය අධිකරණයට ඉදිරිපත් කිරීමට නියමිත අතර මෙම වැටලීම උඩවල උද්‍යාන බාර කරු ආර් ,ඩි, ඩි .සමරනායක මහතාගේ උපදෙස්මත , මවුආර වනජීවී කාර්යාලයේ වනසත්ව අඩවි ආරක්ෂක කේ .පි ,ඩබ්ලිවු , නිශාන්ත ප්‍රේමලාල් ,මහතාගේ ප්‍රධානත්වයෙන් , අඩවි සහකාර කේ ,පි ,සි ,කුමාර . වනසත්ව නියාමක සංජීව පිරිස් , අජිත් කුමාර , ශේත්‍ර සහයක එල් .එච් ,සමන්ත , ඉන්ද්‍ර වංශ සහ රියදුරු බන්දුල රාජපක්ෂ යන ය විසින් සිදුකරන ලදී

1

තමිල්නාඩුවේ ජල්ලිකට්ටු නිසා 5ක් නසී 60ක් තුවාලයි

(UPDATE) ඉන්දියාවේ, තමිල්නාඩු ප්‍රාන්තයේ ජල්ලිකට්ටු ගොන් පොර ක්‍රීඩාව හේතුවෙන් මියගිය පිරිස 5 දක්වා ඉහළ ගොස් ඇති බව විදෙස් වාර්තා පවසයි.


ඉන්දියාවේ, තමිල්නාඩු ප්‍රාන්තයේ ජල්ලිකට්ටු ගොන් පොර ක්‍රීඩාවේ නිරත වූවන් තිදෙනෙකු ගොනුන් පහරදීමෙන් ජීවිතක්ෂයට පත්ව තිබේ.

විවාදයට තුඩුදුන් මෙම ක්‍රීඩාවේදී ගොනාගේ අං තට්ටුවට තබා ගැටගසා ඇති ත්‍යාගය දිනාගැනීම සඳහා පිරිමි පාර්ශ්වය ගොනා පසුපස ලුහුබඳින අතර, මෙය සතුන් ක්‍රෑර ලෙස වදබන්ධනයට ලක්කරන ක්‍රීඩාවක් ලෙස සැලකෙයි.

සත්ත්ව හිංසනය යටතේ මෙම ක්‍රීඩාව 2014 වසරේදී ඉන්දීය ශ්‍රේෂ්ඨාධිකරණය විසින් තහනම් කරනු ලැබිණි.

කෙසේ වෙතත්, මෙය තම සාම්ප්‍රදායික ක්‍රීඩාවක් බව පවසමින් තමිල්නාඩුව පුරා උද්ඝෝෂණ පැවතීම හේතුවෙන් අවසානයේදී ජල්ලිකට්ටු ක්‍රීඩාවට යළි අවසරය ලබාදීමට ඉන්දීය රජය පසුගිය වසරේදී කටයුතු කළේය.

ඒ අනුව, වසර දෙකකට පසුව යළිත් එම ක්‍රීඩාව මෙවර තමිල්නාඩුව පුරා ආරම්භ වූ අතර, මෙම මරණවලට අමතරව තවත් 60 දෙනෙකු පමණ මෙම ක්‍රීඩාවෙන් මේ වනවිට තුවාල ලබා සිටින බවද තමිල්නාඩුවෙන් වාර්තා වෙයි.

1_beast.gif 2

සති 2ට ඩෙංගු රෝගීන් 2000

ජනවාරි 01 දා සිට ගත වූ සති 02 තුල ඩෙංගු රෝගීන් 2000 ක් පමණ වාර්තා වී ඇති අතර කොළඹ, ගම්පහ, කළුතර, නුවර, යාපනය, මඩකලපුව, කුරුණෑගල, පුත්තලම, කල්මුණේ, රත්නපුර, කෑගල්ල දිස්ත්‍රික්ක දැනට අවදානම් ප්‍රදේශ ලෙස හඳුනා ගෙන ඇතැයි ජාතික ඩෙංගු මර්දන ඒකකය කියයි.

එහෙයින් 2018 ජනවාරි 17, 18, 19 යන දින වලදී බස්නාහිර පළාත ඇතුළු දිවයිනේ ප්‍රධාන  දිස්ත්‍රික්ක කිහිපයක  හඳුනා ගත් වැඩි අවදානම් කලාප තුල ත්‍රිවිධ හමුදාවේ, පොලිසියේ සහ සෞඛ්‍ය කණ්ඩායම් 700 කගේ පමණ සහභාගීත්වයෙන් විශේෂ මදුරු මර්දන වැඩසටහන් ක්‍රියාත්මක කිරීමට නියමිතය.

තවද නිවාස, පාසල්, වැඩබිම්, ආයතන, කර්මාන්ත ශාලා, ආගමික ස්ථාන, පොදු ස්ථාන  වැනි ඕනෑම පරිශ්‍රයක ඩෙංගු මදුරුවන් බෝවීමට අවධානමක් ඇති හෙයින්,අවම වශයෙන් සතියකට විනාඩි 30 ක් මේ පිළිබදව විපරම් කොට මදුරුවන් බෝවිය හැකි ස්ථාන ඉවත් කර ගන්නා ලෙස ජාතික ඩෙංගු මර්දන ඒකකය මහජනතාව වෙත අවධාරණය කරයි.

ඕනෑම අයෙකුට   තද උණ සමග හිසරදය, මස්පිඩු හා සන්ධි වේදනාව, ඔක්කාරය හා වමනය, සමෙහි රතු පැහැ ලප හට ගැනීම හා රුධිර වහන තත්ව ඇත්නම් වහාම රෝහලකට හෝ සුදුසුකම් ලත් වෛද්‍ය වරයෙක් වෙත ගොස් නිසි ප්‍රතිකාර ලබා ගන්නා මෙන් ජාතික ඩෙංගු මර්දන ඒකකය උපදෙස් දෙයි.

mosqui

බැඳුම්කර වාර්තාවේ පිටපත් 26ක් පාර්ලිමේන්තුවට

බැඳුම්කර ගනුදෙනුවට අදාළ ජනාධිපති පරීක්ෂණ කොමිෂන් සභා වාර්තාවෙහි පිටපත් අද (17දා) පාර්ලිමේන්තුව වෙත යොමුකිරිමට ජනපති ලේකම් කාර්යාලය කටයුතු කර ඇත.

ඒ අනුව එම වාර්තාවේ ඉංග්‍රීසි පිටපත් 26 ක් සහ සංක්ෂිප්ත වාර්තාවක්  මෙසේ පාර්ලිමේන්තුවට යොමුකර ඇත. ඊට අමතරව බරපතල වංචා සහ දූෂණ පිළිබඳ විමර්ශන වාර්තාවෙහි පිටපත් 34 (සිංහල) ක් ද ජනාධිපති කාර්යාලයේ නීති නිලධාරී නීතිඥ  මුදිත දිසානායක මහතා විසින් පාර්ලිමේන්තු මහලේකම්වරයා වෙත බාර දුන් බව කතානායක කාර්යාලය නිකුත් කළ නිවේදනයක දැක්වෙයි.

Parliament_3_1 copy copy

 

උතුරු මහඇමතිගේ දෙමළ ජනතා සභාවෙන් පක්ෂයක් නොඑයි

උතුරු මහඇමතිගේ දෙමළ ජනතා සභාව නව වර්ෂය වෙනුවෙන් රැස්වෙයි. දේශපාලන පක්ෂයක් වශයෙන් නොඑන බවත් කියයි.

උතුරු පළාත් ප්‍රධාන අමාත්‍ය සී.වී. විග්නේෂ්වරන් මහතා සභාපතිත්වය දරන දෙමළ ජනතා සභාව ඊයේ (16දා)සවස යාපනය වීරසිංහම් ශාලාවේදී නව වර්ෂය වෙනුවෙන් රැස්වීමක් සංවිධානය කොට තිබිණි.

ඊයේ පැවැති දෙමළ ජනතා සභාව ඇමති උතුරු පළාත් ප්‍රධාන අමාත්‍ය සී.වි. විග්නේෂ්වරන් මහතා වැඩිදුරටත් පවසා සිටියේ ‘දෙමළ ජනතා සභාවට මේ වනවිට යහපත් ප්‍රතිචාර මෙරට මෙන්ම ජාත්‍යන්තරයෙන්ද ලැබෙන බවයි. බොහෝ පිරිසක් දෙමළ ජනතා සභාව දේශපාලනික පක්ෂයක් වශයෙන් ජනතාව අතරට යායුතු බව සඳහන් කරන්නේ යැයිද ඔහු කීය.

නමුත් තමන් මේ වනවිටත් එවැනි තීරණයකට එළඹ නොමැති අතර, දෙමළ ජනතා සභාවට ඕනෑම දේශපාලන පක්ෂයක නියෝජිතයෙකුට සහභාගි වී දෙමළ ජනතාවගේ ගැටලු වෙනුවෙන් විසඳුම් ලබාදෙන ආකාරය පිළිබඳ සාකච්ඡා කිරීමට අවස්ථාව සැලසී ඇති බවත්, දෙමළ ජනතාවගේ ගැටලු වෙනුවෙන් හඬක් නගා ඔවුන්ට විසඳුම් ලබාදීම දෙමළ ජනතා සභාවේ එකම ජයග්‍රහණය බවත් ඔහු පවසා සිටියේය.

ඊයේ පැවැති දෙමළ ජනතා සභාව වෙනුවෙන් ඊ.පී.ආර්.එල්.එෆ් පක්ෂ නායක සුරේෂ් ප්‍රේමචන්ද්‍රන්ඇතුළුජ්‍යෙෂ්ඨ සාමාජිකයන් ඇතුළු විශාල පිරිසක් සහභාගි වූහ.

දෙමළ ජනතා සභාව පිහිටුවාගනු ලැබුවේ 2015 වසරේදී දෙසැම්බර් 27වැනිදා යාපනය පුස්තකාල ශ්‍රවණාගාරයේදීය.

625.0.560.320.160.600.053.800.700.160.90 (11) 625.0.560.320.160.600.053.800.700.160.90 (14)

19න් පහළ ශ්‍රී ලංකා එක්දින කණ්ඩායමට ඇෆ්ගනිස්තානය හමුවේ ලකුණු 32ක පරාජයක්

ඇෆ්ගනිස්තාන 19න් පහළ කණ්ඩායම හමුවේ, ඩක්වර්ත් ලුවිස් න්‍යායට අනුව ලකුණු 32ක පරාජයක් අත්විඳීමට ශ්‍රී ලංකා 19න් පහළ කණ්ඩායමට අද (17දා) සිදුවිය. තරගාවලියේ පළමු වටයේ දෙවැනි තරගය ලෙසින් ශ්‍රී ලංකා කණ්ඩායම ඇෆ්ගනිස්තාන කණ්ඩායම සමගින් මෙහිදී තරග වැදුණි.

ප්‍රථමයෙන් පන්දුවට පහරදුන් ඇෆ්ගනිස්තාන කණ්ඩායම නියමිත පන්දුවාර 50 තුළදී කඩුලු 7ක් දැවී ලකුණු 284ක් රැස් කළේය. වර්ෂාව හේතුවෙන් දෙවැනියට පන්දුවට පහරදුන් ශ්‍රී ලංකා කණ්ඩායමට පන්දුවාර 38දී ලකුණු 235ක ඉලක්කයක් හිමිවුවද, පන්දුවාර 37.3දී සියලුදෙනා දැවී රුස්කරගත හැකිවූයේ ලකුණු 202ක් පමණි.

 ඒ අනුව තරගාවලියේ අවසන් පූර්ව වටයට සුදුසුකම් ලබන්නට නම් ශ්‍රී ලංකා 19න් පහළ කණ්ඩායමට පාකිස්තානය සමග පැවැත්වෙන තරගය අනිවාර්යයෙන් ජයගන්නට සිදුවේ.  ICC U19 Cricket World Cup - Sri Lanka v Afghanistan

නෝර්ඩික් ක්‍රමය

නෝර්ඩික් ක්‍රමය යනු එක්තරා ආර්ථික සහ සමාජ ක්‍රමයකි. මෙම ක්‍රමය ක්‍රියාත්මක වන්නේ නෝර්ඩික් රටවලයි. නෝර්ඩික් රටවල් යනු ඩෙන්මාර්කය, ෆින්ලන්තය, නෝර්වේ, අයර්ලන්තය සහ ස්වීඩනයයි. 
නෝර්ඩික් රටවල ක්‍රියාත්මක වන සමාජ ආර්ථික ක්‍රමය නෝර්ඩික් ධනවාදය වශයෙන්ද හැඳින්වේ. මෙම රටවල ක්‍රියාත්මක වන්නේ ධනේෂ්වර නිදහස් වෙළෙඳ පොළ ක්‍රමයයි. එහෙත්, රාජ්‍ය සුබසාධනය ඉතා ඉහළින් සුරක්ෂිත වී තිබේ. දිළිඳුකම ඉතා අඩුය. සාතිශය බහුතරයක් දෙනා කා බී සතුටින් සිටිති. එක්සත් ජාතීන්ගේ සංවිධානය විසින් සෑම වසරකදීම එළිදක්වනු ලබන ලොව වැඩි වශයෙන්ම සතුටින් සිටින මිනිසුන් ඇති රටවල් අතර සෑමවරම පෙරමුණ ගන්නේ ඩෙන්මාර්කය, නෝර්වේ ආදී නෝර්ඩික් රටවල්ය. 
එසේම, ලෝකයේ අඩුවෙන්ම දූෂිත රටවල් අතරද පෙරමුණ ගන්නේ නෝර්ඩික් රටවල්ය. ඩෙන්මාර්කය, ෆින්ලන්තය, නෝර්වේ සහ ස්වීඩන් යන රටවල් අඩුම දූෂණයක් ඇති  පළමු රටවල් 10 අතරේ සිටී. මේ සෑම රටකම නිදහස් අධ්‍යාපනයත් නිදහස් සෞඛ්‍ය සේවාවත් පවතී. විශ්‍රාම වැටුප් ක්‍රම පවතී.

එසේම, ලෝකයේ වැඩියෙන්ම බදු අය කරන රටවල් අතරද පෙරමුණේ සිටින්නේ මේ රටවල්ය. ස්වීඩනය විසින් සිය රටේ ඉහළ ආදායම් ලබන පුද්ගලයන්ගේ ආදායමෙන් සියයට 51.1ක් බදු වශයෙන් අයකර ගනී. ඩෙන්මාර්කය සියයට 46ක් අයකර ගනී. ෆින්ලන්තය අයකර ගන්නේ සියයට 43කි. මෙම සෑම බදු මුදලක්ම කිසිදු දූෂණයකින් තොරව පොදු මහජනතාවගේ සුබසිද්ධිය සඳහාම යොමු කෙරෙයි. 

මෙය ඇමරිකාව ආදී වෙනත් රටවලට වඩා සහමුලින්ම වෙනස් වූ ක්‍රමයක් වන අතර, ඇතැම් ඇ‍ෙමරිකානු දේශපාලඥයන් පසුගිය කාලය තුළ මොර ගෑවේ නෝර්ඩික් ක්‍රමය සිය රටට හඳුන්වා දිය යුතු බවයි. එනම් නෝර්ඩික් ධනවාදය සහ ඇමරිකානු ධනවාදය අහසට පොළොව මෙන් වෙනස් වේ. 

ඇ‍ෙමරිකානු ලේඛිකාවක වන ඈන් ජෝන්ස් වරක් පැවසුවේ නෝර්ඩික් රටවල් විසින් ධනවාදයම මෙවලමක් ලෙස යොදා ගනිමින් වෙළෙඳ පොළ බලවේගවලින් මනුෂ්‍යයා නිදහස් කරගෙන ඇති බවයි. ආර්ථික විද්‍යාඥයෙකු වන ජෙෆ්රි සැක්ස් සඳහන් කරන්නේ නූතන ධනවාදයට තවදුරටත් සාධාරණත්වයක්, අවංකභාවයක්, මහත්මා ගුණයක් හා පරිසර හිතකාමී බවක් පෙන්නුම් කිරීම හැකි වන්නේ නෝර්ඩික් මොඩලය නිසා බවයි. කොතරම් සමාජ සුබසාධනයක් ක්‍රියාත්මක වුවද ව්‍යාපාර කිරීමට ලෝකයේ පහසුම රාජ්‍යයන් අතරද නෝර්ඩික් රටවල් ඉදිරියෙන් සිටී. 

වෘත්තීය සමිති සහ සේවක අයිතිවාසිකම්ද ඉතා ශක්තිමත් ලෙස මෙම රටවල ක්‍රියාත්මක වුවද වෘත්තීය සමිති ආර්ථිකයට කිසිදා අකුල් නොහෙළයි. බහුතරයක් නෝර්ඩික් රටවල සේවක අයිතිවාසිකම් ආරක්ෂා කෙරෙන්නේ පොදු නීතිය යටතේ නොවන අතර සමාගම්, වෘත්තීය සමිති හා රජය අතර ඇතිකර ගැනෙන සම්මුති මගිනි. ස්වීඩනයේ වැටුප් පරිමාණ නිර්ණය විසංකේන්ද්‍රීය කෙරී ඇත. 
පැරණි සෝවියට් දේශයට ප්‍රතිසංස්කරණ හඳුන්වා දුන් නායකයා වූ මිකායිල් ගොර්බචෙෆ් පැවසුවේද රුසියාව තුළ නෝර්ඩික් ක්‍රමය ඇති කිරීමේ උවමනාව තමන් තුළ පැවති බවයි. 

දර්ශන අශෝක කුමාර