2016 නව වසර උදාව ඇරඹෙයි

නවසීලන්තය හා ඔස්ට්‍රේලියාව ප්‍රමුඛ පැසිෆික් රාජ්‍ය්‍යන් 2016 නව වසරේ උදාව මීට ස්වල්ප වේලාවකට පෙර සමරනු ලැබීය.

නවසීලන්තයේ ඔක්ලන්ඩ් ස්කයි කුලුණේ 2016.01.01 වැනිදා අලුයම 12.00 කනිසම සනිටුහන් කරන විට ගිනිකෙළි සංදර්ශනයකින් ඕක්ලන්ඩ් අහස වැසී ගියේය.

මෙම නව අවුරුදු උදාව වෙනුවෙන් 25,000ක පමණ පිරිසක් පැමිණ සිටි බව වාර්තා වෙයි. එමෙන්ම ඔස්ට්‍රේලියාවේ ඔප්රා හවුස් සහ හාබර් බ්‍රිජ් ආශ්‍රිතවද සුවිශේෂී ගිනිකෙළි සංදර්ශනයක් සංවිධානය කර තිබුණි.

මෙහිදී නවසීලන්තයටත් පෙර සමෝවා සහ කිරිබර්ටි යන රාජ්‍යයන් නව වසර උදාව සැමරුමට එක්වූ අතර, ඔවුන් නවසීලන්තයට වඩා පැයකට පෙර නව වසර උදාව සමරනු ලැබුවේ ලොව ප්‍රථම වරට නව වසරේ උදාව සමරන රාජ්‍යයන් ලෙසිනි.

ඒ අනුව, ආසියාව මේ වනවිට නව වසරේ උදාව සැමරීමට සූදානමින් සිටින අතර, ඩුබායි රාජ්‍යයේ බර්ජ් කලීෆා හෙවත් ලොව උසම ගොඩනැගිල්ලේ නව වසර උදාව සැමරුම වෙනුවෙන් එල්.ඊ.ඩී විදුලි බුබුළු 400,000ක් සහ ටොන් 1.6ක ගිනිකෙළි යොදා ගැනීමට නියමිතය.

කෙසේ වෙතත්, මෙවර යුරෝපයේ නව වසර උදාව සැමරුම් සඳහා විශේෂ ආරක්ෂක විධිවිධාන යොදා ඇති බව විදෙස් වාර්තා පවසයි.

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>