යුරෝපයට බලෙන් ඇතුළු වීමට ගිය සංක්‍රමණිකයන්ට කඳුළු ගෑස්

ග්‍රීසිය හා මැසඩෝනියාව අතර දේශසීමා බිඳීමට උත්සාහ කළ අනවසර සංක්‍රමණිකයන් පිරිසකට මැසඩෝනියානු පොලීසිය කඳුළු ගෑස් ප්‍රහාරයක් එල්ල කර තිබේ.

යකඩ පොලු යොදා ගනිමින් මෙම දේශසීමාවේ වූ යකඩ වැට කඩා ඉවත් කිරීමට සංක්‍රමණිකයන් ක්‍රියාකිරීමත් සමග මෙම ප්‍රහාරය එල්ල කර ඇති අතර, සංක්‍රමණිකයන්ද පොලීසිය වෙත ගල්මුල්වලින් පහර දෙන ආකාරය විදෙස් මාධ්‍ය වාර්තා කර තිබුණි.

කෙසේ වෙතත්, මෙම ගැටුම් අවස්ථාවේදී කිසිදු සංක්‍රමණිකයෙකු දේශසීමා තරණයේ කළේ දැයි පැහැදිලි නොමැති බවද කියැවෙයි.

මෙසේ යුරෝපය වෙත ඇතුළු වීමට උත්සාහ දරණ බොහෝ සංක්‍රමණිකයන් සිරියාවේ හා ඉරාකයේ සිට පැමිණි අනවසර සංක්‍රමණිකයන් බව පැවසෙයි.

ග්‍රීසිය වෙත දහස් ගණනින් සංක්‍රමණිකයන් පැමිණ සිටියත් මේ වනවිට බෝල්කන් රාජ්‍යයන් සිය දේශසීමා හදිසියේ වසා දැමීම තුළ එරට තුළ විශාල පිරිසක් සිරවී සිටිති.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>