මිලියන 1587ක වියදමින් ගාල්ලට ළමා රෝහලක්

යහපාලනයේදී  වැඩි අවධානයක් යොමු කරන්නේ යටිතල පහසුකම් සංවර්ධනයට නොව  මානව සම්පත දියුණු කිරීම කෙරෙහි බවත් ඒ සඳහා සෞඛ්‍ය හා අධ්‍යාපන ක්ෂේත්‍රයන්හි දියුණුවට අවශ්‍ය සියලුම පහසුකම් රජයෙන් ලබාදෙන බවත් අද(19) කරාපිටියේදී දකුණු පළාත් ළමා රෝහලට මුල්ගල තැබීමේ අවස්ථාවට එක්වෙමින් සෞඛ්‍ය පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.

එහිදී ඒ මහතා මෙසේ ද පැවසීය,

“අයවැයෙන් වෙන්කරගත් රුපියල් බිලියන 235ක් සහ කැබිනට් පත්‍රිකා මගින් වෙන්කරගත් තවත් රුපියල් බිලියන 100ක පමණ මුදලක් පසුගිය වර්ෂයේ සෞඛ්‍ය ක්ෂේත්‍රය වෙනුවෙන් වැය කළා. මේ වගේ විශාල මුදලක් වෙන කිසිම රජයකින් සෞඛ්‍ය ක්ෂේත්‍රය වෙනුවෙන් වියදම් කරලා නැහැ. මෙහි ප්‍රතිලාභ ඉදිරියේදී ඔබට භුක්ති විඳීමට හැකිවේවි. මෙම ළමා රෝහලෙන් අපි බෙහෙත් දීම පමණක් බලාපොරොත්තු වෙන්නේ නැහැ, මෙය සෞඛ්‍ය අධ්‍යාපනය හා පුහුණු කිරීම් වෙනුවෙනුත් යොදා ගන්නා තැනක් බවට පත් කරනවා. “

කරාපිටිය රෝහල් පරිශ්‍රයේ ඉදිවන ළමා රෝහල මහල් 10කින් සමන්විත වන අතර රජයේ ප්‍රතිපාදන යටතේ රුපියල් මිලියන 1587ක වියදමින් ඉදිකිරීමට නියමිතය.

මෙම අවස්ථාවට ස්වදේශ කටයුතු අමාත්‍ය වජිර අබේවර්ධන, ඉඩම් හා පාර්ලිමේන්තු ප්‍රතිසංස්කරණ අමාත්‍ය ගයන්ත කරුණාතිලක යන මහත්වරුන් ඇතුලු ගාල්ල දිස්ත්‍රික්කයේ මැති ඇමැතිවරුන් හා පාර්ලිමේන්තු මන්ත්‍රිවරුන් ඇතුළු විශාල පිරිසක් සහභාගි විය.

3

ගාල්ල සිරංගිකා ලොකුකරවිට

One thought on “මිලියන 1587ක වියදමින් ගාල්ලට ළමා රෝහලක්

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>