බි‍්‍රතාන්‍ය රැජිණගේ විශේෂ රාතී‍්‍ර භෝජන සංග්‍රහයට ජනපති එක්වෙයි

පොදුරාජ්‍ය මණ්ඩල රාජ්‍ය නායක සමුළුවට සහභාගීවී සිටින රාජ්‍ය නායකයින් වෙනුවෙන් බි‍්‍රතාන්‍ය දෙවැනි එළිසබෙත් මහ රැජිණ විසින් පිළිගන්වන ලද විශේෂ රාතී‍්‍ර භෝජන සංග‍්‍රහය ඊයේ (19දා) රාති‍්‍රයේ බකිංහැම් මාලිගාවේ දී පැවැත්විණි.

ජනාධිපති මෛතී‍්‍රපාල සිරිසේන මහතා ද එම අවස්ථාවට එක්වූ අතර බි‍්‍රතාන්‍ය මහ රැජිණගේ විශේෂ නියෝජිතයෙකු විසින් එහිදී ජනාධිපතිවරයා පිළිගනු ලැබීය.

ලොව ඉහළ පෙළේ රාජ්‍ය නායකයින් රැුසක් මෙම රාතී‍්‍ර භෝජන සංග‍්‍රහය ස`දහා එක්ව සිටියහ.

01 02 03 04

සුනිල් ජයසිරි එංගලන්තයේ ලන්ඩන් නුවර සිට

ඩිජිටල් සෞඛ්‍ය පිළිබඳ CWA සභාපති තනතුර ශ්‍රී ලංකාවට

ඩිජිටල් සෞඛ්‍ය පිළිබඳ පොදුරාජ්‍ය මණ්ඩල මධ්‍යස්ථානය අද (20) පෙරවරුවේ ලන්ඩන් නුවරදී විවෘත කෙරුණු අතර එම අවස්ථාවේ ප‍්‍රධාන ආරාධිත අමුත්තා ලෙස ජනාධිපති මෛතී‍්‍රපාල සිරිසේන මහතා එක්විය.

2013 වසරේ ශ‍්‍රී ලංකාවේ පැවති 23 වන පොදු රාජ්‍ය මණ්ඩල රාජ්‍ය නායක සමුළුවේදී මෙම මධ්‍යස්ථානය පිහිටුවීම පිළිබඳ කොළඹ විශ්වවිද්‍යාලයේ මහාචාර්ය වජිර දිසානායක මහතා විසින් ඉදිරිපත් කරන ලද යෝජනාව 2017 මැයි මාසයේදී පොදුරාජ්‍ය මණ්ඩල සෞඛ්‍ය ඇමතිවරුන් විසින් එක්ව සම්මත කර ගැනීමෙන් අනතුරුව සෞඛ්‍ය සඳහා ඩිජිටල් තාක්ෂණය යොදා ගැනීමේ පොදුරාජ්‍ය මණ්ඩල ප‍්‍රතිපත්ති රාමුවට එය ඇතුළත් කරන ලදී.

ඩිජිටල් සෞඛ්‍ය පිළිබඳ පොදුරාජ්‍ය මණ්ඩල මධ්‍යස්ථානයේ සභාපතිවරයා වශයෙන් ඊට නායකත්වය ලබා දෙන්නේ ද මහාචාර්ය වජිර දිසානායක මහතායි.

01 CMA_-Medical-Association

සුනිල් ජයසිරි එංගලන්තයේ ලන්ඩන් නුවර සිට

ලක්ෂ 229ක් වංචා කළ ගණකාධිකාරීවරිය අත්අඩංගුවට

ගම්පහ සණස ප්‍රධාන කාර්යාලයේ ගණකාධිකාරීවරියක් ලෙස කටයුතු කරන කාලසීමාවේදී එහි රුපියල් ලක්ෂ 229ක් වංචා කිරීමට සම්බන්ධ සැකකාරියක් අත්අඩංගුවට ගත්  බව පොලීසිය පවසයි.

පසුගිය 18 දා සැකකාරිය ඩුබායි සිට ශ්‍රී ලංකාවට පැමිණෙන විට කටුනායකදී අත්අඩංගුවට ගෙන ඇති අතර පසුව ආගමන විගමන නිලධාරීන්ගෙන් මිදී ඇය පළාගොස් ඇත.

ඒ අනුව සැකකාරිය අත්අඩංගුවට ගැනීමට දුරකතන කුළුණු වාර්තා ඔස්සේ විමර්ශනය කර ඇති අතර එයින් ලබාගත් තොරතුරු අනුව ඊයේ (19දා) අපරාධ පරීක්ෂණ දෙපාර්තමේන්තුව විසින් කෑගල්ලේදී අත්අඩංගුවට පත්ව ඇත.

ආගමන විගමන නිලධාරීන්ගේ භාරයේ සිටි සැකකාරිය ඉන් පළායාම පිළිබඳවද අපරාධ පරීක්ෂණ දෙපාර්තමේන්තුව තවත් පරීක්ෂණයක් ආරම්භ කර ඇත.

Police-logo

නොරොච්චෝලේ දහන අළු සඳහා සුළං බාධකයක්

නොරොච්චෝලේ බලාගාරයෙන් පිටවන ගල් අඟුරු දහන අළු සඳහා සුළං බාධකයක් කඩිනමින් ඉදිකිරීමට පියවර ගෙන අවසන් බව විදුලිබල හා පුනර්ජනනීය බලශක්ති හා වැඩබලන ආපදා කළමනාකරණ අමාත්‍ය රංජිත් සියඹලාපිටිය මහතා පවසයි.

පුත්තලම දිස්ත්‍රික්කයේ වියළි කාලගුණික තත්ත්වය හමුවේ ආපදාවට පත්ව සිටින ජනතාවගේ ගැටලු පිළිබඳව සාකච්ඡා කිරීමේ විශේෂ රැස්වීමක් අද (20දා) පුත්ත්ලම දිස්ත්‍රික් ලේකම් කාර්යාලයේදී පැවැති අවස්ථාවේදී අමාත්‍යවරයා මේ බව ප්‍රකාශ කළේය.

නොරොච්චෝලේ තාප බලාගාරය හේතුවෙන් වායු ගෝලයට යම් ප්‍රමාණයක් එක් වන අළු තත්ත්වය පාලනය කිරීම සඳහා සුළං බාධකයක් ඉදිකිරීමේ කටයුතු සියල්ල අවසන් කර ඇති බවත්, එය කඩිනමින් ක්‍රියාවට නංවන අතර, ඒ හරහා දැනට ඇතිවී තිබෙන ගැටලුවට තිරසාර විසඳුමක් ලබාදෙන බවත් ඒ මහතා පැවසීය.

පුත්තලම දිස්ත්‍රික්කයේ නියඟයෙන් පීඩාවිඳි පවුල් 167,000ක් සඳහා රුපියල් මිලියන 485ක ආධාර මේ වන විට ලබාදී ඇති බව පැවසූ අමාත්‍යවරයා දැනට ආධාර නොලැබුණු පිරිස්වල තත්ත්වය සොයා බලා කැබිනට් පත්‍රිකාවක් සකස් කරන ලෙස වැඩිදුරටත් උපදෙස් ලබා දුන්නේය.  

DSC_6168

ත්‍රීවීල් මීටර් මාර්ග ආරක්ෂාවට අදාළ වූයේ කෙසේ ද?

අද දින සිට ත්‍රිරෝද රථ සඳහා මීටර් අනිවාර්යය කිරීමට මාර්ග ආරක්ෂාව පිළිබඳව ජාතික සභාව කටයුතු කර ඇති බවත්, එම මීටරය මාර්ග ආරක්ෂාවට අදාළ වන්නේ කෙසේදැයි සමස්ත ලංකා යතුරුපැදිකරුවන්ගේ සංගමය ප්‍රශ්න කර සිටියි.

එහි සභාපති චිරන්ත අමරසිංහ මහතා නිකුත් කළ නිවේදනයක දැක්වෙන්නේ,  මෙම කටයුත්ත සිදුකරනුයේ, මීටර් ව්‍යාපාර සමග සබඳතා ඇති ත්‍රිරෝද රථ සංගම්වල උවමනාව මත බවයි.

එම නිවේදනයේ මෙසේද සඳහන් වෙයි.

“දැනට තිබෙනා මීටර් පාරිභෝගිකයා රවටා වැඩිපුර දුර වැටෙන ලෙස වෙනස් කිරීමේ හැකියාව හා ඒ සඳහා ප්‍රසිද්ධ ව්‍යාපාර තිබේ. ඇතැම් දුෂ්කර පළාත්වල ත්‍රිරෝද රථ රියදුරන් අය කරන්නේ දුරට නොව අදාළ එක් ගමනකටය, මාර්ගයේ පසුබිම අනුව, ඒ ප්‍රදේශයේ මිනිසුන්ගේ ආර්ථික තත්ත්වයට ගැළපෙන ලෙසය.

එමනිසා සමස්ත ත්‍රිරෝද රථ කර්මාන්තයටම ත්‍රීවීල් මීටර් අනිවාර්ය කිරීම අගමැති වීමට සිහින දකිමින් නිදියන ඇමතිවරයා ගත් ඉතාමත් මෝඩ තීරණයක් බව අපි දැඩි ලෙස අවධාරණය කර සිටිමු. මීටර් නොමැති ත්‍රිරෝද රථවල යෑමට කිසිවකුට ජනතාවට බල කර නොහැක. එසේ යෑම හෝ නොයෑම රජයේ නියාමනයක් නොව ජනතාවගේ අයිතියකි.

මිල නියාමනයක් නොමැතිව හා වෙනස් කෙරූ මීටර් ඇති පසුබිමක මීටර් අනිවාර්ය කිරීම නිසා අවාසිය සිදුවන්නේ ජනතාවටමය. උක්ත සංගම් සමග එක්ව රජය ජනතාවට වෙනුවෙන් එය කරන්නේ නම් ඉස්සෙල්ලාම අනිවාර්ය විය යුත්තේ මීටර් සඳහා පළාත්/ප්‍රදේශ/ගමනාන්තය අනුව ත්‍රිරෝද රථවල මීටර් සඳහා මිල නියාමනයක්ය, මීටර් සඳහා ප්‍රමිතියක්ය.”

Untitled-1

 

මුරලිට අතීතය අමතක වෙලා – තිලංග

ශ්‍රී ලංකා ක්‍රිකට් කණ්ඩායමේ හිටපු සුපිරි දඟ පන්දු යවන ක්‍රිඩකයෙක් වන මුත්තයියා මුරලිදරන්ට අතීතය අමතක වී ඇති බව ශ්‍රී ලංකා ක්‍රිකට් සභාපති තිලංග සුමතිපාල මහතා පැවැසීය. ඔහුට වැරදි පුද්ගලයන්ගේ උපදෙස් ලැබී ඇති බවත් මුරලිව අවස්ථා කිහිපයකදීම ආරක්ෂා කළ බත් සභාපතිවරයා සඳහන් කරයි.

ක්‍රිකට් ආයතනයේ අද (20දා) පැවැති මාධ්‍ය හමුවකදී ඔහු මෙම අදහස් දැක්වීය. ශ්‍රී ලංකා ක්‍රිකට් ක්‍රීඩාව දේශපාලකයන් විසින් විනාශ කරන බව සඳහන් කරමින් මුරලි පසුගියදා ශ්‍රී ලංකා ක්‍රිකට් පරිපාලනය දැඩි ලෙව විවේචනය කළේය.

ඒ පිළිබඳව අදහස් දක්වමින් තිලංග සුමතිපාල මහතා ඉහත අදහස් දැක්වූ අතර උප සභාපති මොහාන්ද සිල්වා මහතාද තිලංග සුමතිපාල මහතාගේ ප්‍රකාශය අනුමත කළේය.

Untitled-1

වසර 700ක් පැරණි ඉන්දීය නුග රුක බේරාගැනීමේ මෙහෙයුම

දකුණු ඉන්දියාවේ තෙලන්ගනා ප්‍රාන්තයේ වූ වසර 700ක් පැරණි සුවිසල් නුග රුක්ෂයක් කෘමි උවදුරකින් බේරාගැනීම සඳහා ඊට විශේෂ ආකාරයක කෘමි නාශක ඉසීමක් සිදුකරන බව වාර්තා වෙයි.

අක්කර තුනක් පුරා පැතිරුණු මෙම සුවිසල් නුග වෘක්ෂය එවැනි වර්ගයේ ලොව පවතින දෙවැනි විශාලතම වෘක්ෂය ලෙසද සැලකෙයි.

වේයන් හේතුවෙන් උපද්‍රවයට පත්ව ඇති විශේෂ සංචාරක ආකර්ෂණයක් දිනාගෙන ඇති මෙම වෘක්ෂය ආරක්ෂා කරගැනීම සඳහා බලධාරීන් දැඩි පරිශ්‍රමයක් ගන්නා අතර, මෙම කෘමි උවදුර පාලනයට ගසේ මුල සිට කෘමි නාශක ඉසීමට පියවර ගෙන තිබේ.

පසුගිය දෙසැම්බර් මාසයේදී මෙම වෘක්ෂයේ කොටසක් කැඩී යාමත් සමග මේ තත්ත්වය සම්බන්ධයෙන් බලධාරීන් අවධානය යොමු කර ඇති අතර, පසුව සංචාරකයන් සඳහාද කෙටි කාලයක් එම කලාපය වසා දැමුණු බවද පැවසේ.

1_Ban Tree

පාර්ලිමේන්තුවේ ඉන්නේ වසල පිරිසක්

ශ්‍රී ලංකා පාර්ලිමේන්තුව තුළ වර්තමානය වන සිටින්නේ සිටින්නේ වසල පිරිසක් බවත් ඔවුන් ස්වාර්ථය මිස අන් කිසිවක් නොසළකන බව මහාචාර්ය මොහාන් සමරනායක මහතා පැවැසීය.

ඊයේ (20දා) කොළඹදී පැවැති මාධ්‍ය හමුවකදී ඔහු මෙම අදහස් දැක්වීය. මෙහිදී නව ව්‍යවස්ථාව පිළිබඳවද මහාචාර්යවරයා අදහස් දැක්වීය.

“අපේ පාර්ලිමේන්තුව කෙරෙහි අපට විශ්වාසය තියන්න බෑ. මගේ තක්සේරුව නම් අපේ මහජන නියෝජිතයන් වැඩි දෙනා නූගත්, අඥාන පොත පත නොකියන ස්වාර්ථය මිය අන්කිසිවක් නොසළකන ඉතාම වසල පිරිසක් බවයි.

ඉතින් ඔවුන්ව සල්ලිවලට ගන්න පුළුවන්.බෙදුම්වාදය අද එදාටත් වඩා ප්‍රබලයි දේශපාලන වශයෙන් එවැනි වාතාවරණයක ජනාධිපති ක්‍රමය අහෝසි කිරීම මේ රට අවුල් කිරීමක්.

අපේ රට පාලනය කරන්නේ ජනාධිපති මෛත්‍රීපාල සිරිසේන මහතා නොවේ. අගමැති රනිල් වික්‍රමසිංහ ප්‍රමුඛ නව කන්සවේටිව් කල්ලියක්.ඒ අයට රටක් අවශ්‍ය නෑ. ඒ අයට අවශ්‍ය වෙළෙඳපොළක්.

එසේ නම් කවුද මේක ගේන්නේ.13 වැනි ආණ්ඩුක්‍රම සංශෝධනයට එරෙහිව පාරට බැහැලා, බස් ගිනි තියලා, ජීවිත පූජා කරලා ඝෝෂා කරපු ජනතා විමුක්ති පෙරමුණ ඌරගේ මාළු ඌරගේ ඇඟේ තියලා කපන ව්‍යාපෘතියක් දියත් කරනවා. ඒකාබද්ධ විපක්ෂයටත් මේවා පිළිබඳ ගැඹුරු කියැවීමක් නෑ.”

mohan

 

 

අප්‍රේල් 22 දා සියලුම පාසල් පිරිසුදු කරයි

නව පාසල් වාරය ආරම්භවීමට පෙර දිවයිනේ සියලු පාසල්වල පවිත්‍රතා වැඩසටහන් ක්‍රියාත්මක කරන ලෙස අධ්‍යාපන අමාත්‍යාංශය විසින් මේ වනවිට සියලු පාසල් දැනුවත් කර තිබේ.

ඒ අනුව ගුරුවරුන්, මාපියන් ඇතුළු පාසල් ප්‍රජාවගේ සහභාගීත්වයෙන් ලබන 22 වැනිදා දිවයිනේ සියලු පාසල්වල පවිත්‍රතා වැඩසටහන් ක්‍රියාත්මක කිරීමට නියමිතය.

එළඹෙන නිරිතදිග මෝසම් වර්ෂාව හේතුවෙන් ඩෙංගු මදුරුවන් වර්ධනය වීමේ අවදානමක් පවතින බැවින් එම තත්ත්වය මැඬ පැවැත්වීම සඳහා අධ්‍යාපන අමාත්‍යාංශය විසින් මෙම තීරණය ගෙන තිබේ.

Ministry_of_Education

හොරණ කර්මාන්ත ශාලාව තාවකාලිකව වසයි

(UPDATE) හොරණ රබර් කර්මාන්ත ශාලාවක ඇමෝනියම් ටැංකියකට වැටී පුද්ගලයන් 5 දෙනෙක් මිය යෑම සම්බන්ධයෙන් කරන පරීක්ෂණ අවසන් වන තෙක් එම කර්මාන්ත ශාලාව තාවකිලිකව වසා දැමීමට මධ්‍යඹ පරිසර අධිකාරිය කටයුතු කර ඇත.


හොරණ කළමනාකරු රිමාන්ඩ්

හොරණ රබර් කර්මාන්ත ශාලාවක ඇමෝනියම් ටැංකියක් ආශ්‍රිතව සිදුවූ අනතුරකින් පුද්ගලයන් පස් දෙනෙක් මිය යෑමේ සිද්ධිය සම්බන්ධයෙන් අත්අඩංගුවට පත් එම කර්මාන්ත ශාලාවේ කළමනාකරු ලබන 25 දා තෙක් රක්ෂිත බන්ධනාගාර ගත කිරීමට හොරණ වැඩබලන මහේස්ත්‍රාත් කාන්ති කංනග්ගර මහත්මිය නියෝග කළාය.මෙම අනතුරින් කර්මාන්ත ශාලාවේ සේවකයන් දෙදෙනෙක්  හා ඔවුන්ව බේරා ගැනීමට පැමිණි ප්‍රදේශවාසීන් තිදෙනෙක් ජීවිතක්ෂයට පත්වූහ. 


හොරණ කළමනාකරු අත්අඩංගුවට

හොරණ, බැල්ලපිටිය රබර් කර්මාන්ත ඇමෝනියම් ගෑස්  ටැංකියක් ආශ්‍රිතව සිදුවූ අනතුරකින් පුද්ගලයන් පස් දෙනෙකු මිය යෑමට අදාළව එහි කළමනාකරු පොලිස් අත්අඩංගුවට පත්ව ඇත.


හොරණ සිදුවීම ගැන විශේෂ පරීක්ෂණයක්

කර්මාන්තශාලා හිමියන් තම සේවකයන්ගේ ආරක්ෂාව සැමවිටම තහවුරු කළයුතු බව පොලිස් මූලස්ථානය සඳහන් කරයි.

අද (19දා) හොරණ බැල්ලපිටිය ප්‍රදේශයේ කර්මාන්ත ශාලාවක ඇමෝනියා සහිත ටැංකියට සේවකයෙකු වැටීම පිළිබඳව පොලීසිය විශේෂ පරීක්ෂණයක් සිදුකරන බවද පොලිස් මාධ්‍ය ප්‍රකාශක පොලිස් අධිකාරී නීතිඥ රුවන් ගුණසේකර මහතා සඳහන් කළේය.

සිදුකරන මහෙස්ත්‍රාත් පරීක්ෂණයෙන් පසු කර්මාන්ත ශාලාවේ වරදින් මෙම කටයුත්ත සිදු වී තිබෙන බවට තහවුරු වුවහොත් ඔවුන්ට නීති මගින් කටයුතු කරන බවද පවසා සිටියේය.

Police-logo